طوارئ الخريف

[ريمون]

اعتادت الولايه علي قيام لجنة طوارئ الخريف لعلاج كل المشاكل التي تطرأ اثناء فصل الخريف ..
في داخل مباني رئاسة وزارة التخطيط العمراني تقام غرفة طوارئ الخريف حيث تستقبل البلاغات من المواطنين اما عن طريق التسليم المباشر او عبر الهاتف ..
باشرت الغرفه اعمالها منذ يوم الخميس 26/5/2011م
رقم هاتف غرفة الطوارئ [249511846260+]
اتمني الا يحتاج احد الي الاستعانه بالغرفة ويمر الخريف علي الجميع بكل خير وهدوء ..
وللمعلوميه انا احد المناوبين لاستلام البلاغات ..

[ودسمير]

مافـــــــــــــــــــى فائده ... للاسف ..

سيأتى الخريف ولا جديد ...

[آلاء عبد الرحمن]

اعتادت الولايه علي قيام لجنة طوارئ الخريف لعلاج كل المشاكل التي تطرأ اثناء فصل الخريف ..
في داخل مباني رئاسة وزارة التخطيط العمراني تقام غرفة طوارئ الخريف حيث تستقبل البلاغات من المواطنين اما عن طريق التسليم المباشر او عبر الهاتف ..
باشرت الغرفه اعمالها منذ يوم الخميس 26/5/2011م
رقم هاتف غرفة الطوارئ {249511832122+}
اتمني الا يحتاج احد الي الاستعانه بالغرفة ويمر الخريف علي الجميع بكل خير وهدوء ..
وللمعلوميه انا احد المناوبين لاستلام البلاغات ..

هم ياربي حيردو
انحنا قبل فترة حصل عطل في الكهربا وبلغنا
ولسه ماوصلو
يعني الزول لو كان اعتمد عليهم كان للآن مااتصلحت

[mahagoub]

نقول خير ان شاء الله
ليه ما يعملوا صيانه عامه بدون بلاغات

[ريمون]

مهام غرفة الطوارئ هي توصيل البلاغ لذوي الشأن ..
بمعني لو بيت وقع او مويه المطره قفلت الشارع او اي مشاكل بسبب المطر ..
صيانه المنازل الخاصه مسؤليه اصحابها لكن وقوع الكارثه يتطلب التدخل ..
الشوارع والمجاري مسؤليه الدوله .. اي حي مصرفه مقفول يبلغ من الان ويشوف حيتلحق ولا لا ..
وفيما يخص استعدادات الخريف يا ود سمير .. البتشوفو ما معمول قوله ونحن بنوصل المعلومه وبنتابع تنفيذ المطلوب باذن الله وربنا يوفق ..

[ريمون]

هم ياربي حيردو
انحنا قبل فترة حصل عطل في الكهربا وبلغنا
ولسه ماوصلو
يعني الزول لو كان اعتمد عليهم كان للآن مااتصلحت

نحن يا الاء القاعدين في التلفون .. اكيد بردوا ليك وبتعاملو مع البلاغ وبوصلوه الحد ..
انا شاهده كل البلاغات السابقه تم التعامل معها بنجاح .. علي حسب الامكانيات طبعا ..
انشاء الله ما يحصل لي زول حاجه .. بس لو حصل انتو جربوا وانا متابعه معاكم انشاء الله ..

[ريمون]

نقول خير ان شاء الله
ليه ما يعملوا صيانه عامه بدون بلاغات

قالو بعملو .. لكن انت ما عارف انو الخريف بيفاجئ الناس كلو سنه ؟!!

[خالد أحمد الصول]

حاولت الاتصال بالرقم 832122 لكي أهنئهم علي فتح غرفة طواري الخريف
وللاسف وجدة فااااااكس

[محمود (أبو وضاح)]

طبعا نظريات اللجان البتتكون يوم ( الوقفة ) حاجة عادية فى السودان ، يعنى فتح المصارف لتصريف مياه الأمطار تفتح ويبدأ العمل فيها بعد الأمطار الأولى لمعرفة حجمها وكميتها وهل ستستوعب المصارف المنشأة وكدا !!! يعنى التخطيط والصيانة الدورية ضمن الاستراتيجية ربع القرنية ،، ومدنى كعادتها تستحى أن تطالب بأهمية هذه الخدمات ، تخيلوا معى مستشفى مدنى وما يقدمه لمرضى الولاية وليس المدينة ، ومستشفيات العاصمة وعلى فكرة كل شئ تكرز فى الخرطوم وكأن سكانها من كوكب آخر وباقى الولايات من كوكب خارج هذه الأرض .
ماذا نقول ولمن نشتكى ،،، ويدفع المواطن والمغترب والمستثمر والمسافر والمغادر وحتى الميت رسوم أرضية ومقبرة..

[ريمون]

حاولت الاتصال بالرقم 832122 لكي أهنئهم علي فتح غرفة طواري الخريف
وللاسف وجدة فااااااكس

بعتذر جداً .. كتبت رقم التلفون خطأ ..
كان لظروف معينه هو المستعمل ..
رقم التلفون المتواجد الآن والرسمي هو [249511846260+]
شكراً ود الصول ..
هذا هو التفاعل الايجابي مع الاحداث ..
معليش الغلطه مني ..
ولو سمحتوا حارجع اصلح التلفون في المشاركه الاولي ..
شكرا مره تانيه ود الصول ..

[بنت الرفاعي]

ربنا يوفقكم أختي ريمون،
ونتمنى أن لا يُقصِّر المسؤولين.

[nehroo]

اي حي مصرفه مقفول يبلغ من الان ويشوف حيتلحق ولا لا ..
وفي..

تحياتي ....
يعني أصبح الآن لازم تبلغ أنه المصارف مقفولة ؟؟!!
يا حليلك يا زمن ..
مدني كوووولها مساحتها تساوي حي من أحياء الخرطوم ..
والوزارة المسئولة ما عارفة المصارف المقفولة وين لكي تفتحها قبل الخريف؟
أم أن التحرك يتم بعد حدوث مشكلة أو كارثة !!!

[ريمون]

المصارف جاري العمل بها ..
البلاغ عشان ما نخلي زول يقصر ..
بقيتو ما بتشوفو الا نص الكبايه الفاضي ..
ليكم العذر ..

[ريمون]

ربنا يوفقكم أختي ريمون،
ونتمنى أن لا يُقصِّر المسؤولين.

اتمني ..
عن دورنا نحن غايتو انشا الله ما بنقصر ..

[خالد أحمد الصول]

نعم فقد قطعت الكراكة شوطا طويلا في فتح مجاري الخريف بدلا من العمل اليدوي المضحك ... و لكن فإن الكراكة لا تفرق بين الخور و شارع الاسفلت فجعلت تأخد من جنباته ... ثم وأنها أهالت لتراب علي شارع الاسفلت ... و قلعت الممشي الذي صنعه الناس لتعدية هذا الخور الصغير ... كما قلت في اليومية ... اقترح علي القائمين بالامر الاستعانة بتراكتور من التي تعمل في فتح قنوات الري (أبوعشرين) فإنها مصممة أساسا لهذا العمل فهي أنجع و أسرع و أكثر إتقانا ...