النتائج 1 إلى 6 من 6

الموضوع: عندما أبكتني نضال

     
  1. #1
    وسام التميز الثقافي

    Array الصورة الرمزية مصطفى هاتريك
    تاريخ التسجيل
    Aug 2009
    المشاركات
    2,423

    عندما أبكتني نضال

    منو الزيك ولد وإستالد الأولاد
    منو الزيك بجيبم ديمة عشرة أنداد
    منو الزيك ببز الدنيا موية وزاد
    منو الزيك ضروع وزروع ونيل مداد
    منو الزيك بطانة وغـابة دون حداد
    منو الزيك سهول وادي وجبال أوتاد
    منو الزيك أصل موروث من الأجداد
    منو الزيك جراتق دم قُــدام وجداد
    قشي الدمعـة يا بت الرجال ما بحكموك أولاد
  2.  
  3. #2
    عضو فضي
    Array
    تاريخ التسجيل
    Jun 2009
    الدولة
    مدنى : المزاد
    المشاركات
    2,694

    اه يا هارتك من الشعر البخش جوه العظم يسرح يخلي الزول زي مطراً معاهو دعاش
    ويذكرنا بالسودان الزمان الجميل . الطورية والقطن والناس العزاز والناس الحنان ..
    عشت يا هارتك وعاشت روحك وعاشت نضااال ...

    اللهم زيدني علماً .. والحقني بالصالحين .

  4.  
  5. #3
    عضو برونزي
    Array الصورة الرمزية مولانا جلال
    تاريخ التسجيل
    Jan 2011
    الدولة
    ام المدائن ودمدنى حى تعويضات عووضه
    المشاركات
    891

    اللهم ارحمه رحمة واسعة

    ((وَإِذَا حَكَمْتُم بَيْنَ النَّاسِ أَن تَحْكُمُواْ بِالْعَدْلِ))
  6.  
  7. #4
    فخر المنتديات
    Array الصورة الرمزية بدر الدين محمد
    تاريخ التسجيل
    Nov 2006
    الدولة
    ود مدني حي المدنيين الجامع
    المشاركات
    3,210

    ولكن اخي المرهف هاتريك .. لا تبك اكثر

    اليك هذه الهدية من ديوان نضال -آخر شهيق

    ست الناس

    منو الغيرك بصافح الغيم ويكسّر انحدار الصوت
    منو الغيرك بنادي النور، يناكف، شان يعيش، الموت
    منو الغيرك بلم الدنيا ويتلفح زمان الفوت
    يصارع امتداد الريح
    يعالني الدنيا شدة ضيمه ، غيبة غيمه
    يسكن في دلاقين خيمه عدمان الأكل والقوت
    منو الغيرك صدح في الناس
    كتب لي الذل جوانا يموت
    ***
    منو الرنّاك على وتر الطرب بالدين
    منو الورّاك تشيلي اللقمة لي بعدين
    مو السوّاك عشان تداري بين نارين
    منو الخلاكي ام انسان بسل سيف الزمان الشين
    يقص رقبة غناك يا الغول علي امْحُمَّدْ أخوي الزين
    سمعنا وزين
    جاوبي علي
    عشان يرقص أبوي والنيل
    ويناديلك جوايا شليل
    يكوسك في مسارب النور
    وفوق نبض الوجع بالدور
    وفوق شبّال بنات الحي وكت يبقى الشعر بلور
    وكت تتبدل الآهات و تملا الدينا ذاته سرور
    وياني بعاني من وجعك
    ممدد فوق جسد مقبور
    مغربل بي غرابيل الغنا الناعمات
    شليل ما مات
    ولا ماتت حروف الرجعه للوطن البسوقني عليك
    سلام يا يمه من طنبور
    سلام يا يمه من غوغايه من حاحايه من جرايه من مترار
    سلام من جنتك وكتين تكون دنيا المواجع نار
    وانا الموجوع على باب المدن واقف
    و لا مليت شقا الأيام ولا غنيت عليك آسف
    و لا أسفا علي لقياك على شريان زمن تالف
    تموت اللحظه في عينيك و تبقى جواي كلام ممدود
    بليّن في تراب ناشف
    ***
    عشان نزرع بدل ضلمة مجاري الريد فوانيسك
    عشان نقفل على زمن المآسي الشوم متاريسك
    عشان نفتح كراريسك
    نقول انك جرد لالوبه، دقة نوبه، مشرع توبه
    فوق بحرًا ذنوبو تروّح المشتاقْ
    نواقيسك تدق أبواب جمرْ حرّاق
    تصحي يغني حي الله
    أبوي الشيخ يناديلك
    واشد واسوق أبوي الشيخ اغنيلك
    ادياتك مناديلك
    سنيناتك قناديلك
    سراجات الضلام والهم علي عتمة مواويلك
    وحاتك يمه جايي عليك
    مسافر في دروبك تب
    وراحل بين ضفاير الشيب
    بنادي الدنيا بت الكب
    وبتوكل عليك يا رب
    وانادي عليك
    عليك النجمه والقمره
    عليك التربه والرمله
    عليك لالوبْة أبوي الشيخ
    قبُلْ أوصل ديارك يمه لا تمشي
    عيونك يمه ضل شمشي
    دفوك نبض القلب وكتين تحسي بروده تنكمشي
    سلالمك فوق درب مهجور رفيقك يوم يكون ممشي
    ***
    رويكبتك وكت تلفح سموم الغربه يمه وشيك
    وحاتك يمه زي دخلة نفس جوايا بحتاج ليك
    والا الفرقه تبقى قدر يحتم ماني آصل ليك
    وحات رب الخلق جاييك
    وحاتك شوقي لمّ غناك ودق الباب وقف راجيك
    تطلي مع الخريف الراح
    تكوني علي ضلامي صباح
    وبلسم لي جرح نتّاح
    ونار تقّابه ولّى فقيرا زي باقي المساكين راح
    وانا الراجيك بنادي عليك لحدي يموت جواي الصوت
    وبشتاق ليك
    كفايه تهزي حبة روب على السِعِن
    العُقُب ورّاني فوقو المشلعيب ناداك
    ولا شاورما فوق البندر الواقفات عواميدو
    وعماراتو الشواهق شامخه طالبه رضاك
    عشان تديك تمام وتقيف
    وحاتك يمه حالك كيف
    ياكي العاجبه بت الخير
    تقيف بي فد كراع للضيف؟
    خريف وكت الخلايق صيف
    وكيف بنوت بلدنا هناك
    دحين قوليلن آلسمحات
    خلاص فطومه راجعالكن
    عشان تردن سوا الترعه نوال بت اب قنا ونعمات
    وقوليلِن زمنّا الفات
    ده ما بمنعنا شان ننده
    منو الغيرك بصافح الغيم
    ويكسّر انحدار الصوت

    أحببت ذا الخلق العظيم
    نورا وعلما وصراطا مستقيم
    وهو تياري وحزبي وإمامي والزعيم
    فله التعصب (كله) والانحياز
  8.  
  9. #5
    فخر المنتديات
    Array
    تاريخ التسجيل
    May 2009
    الدولة
    مارنجان
    المشاركات
    4,340

    يا سلام على ( البت ) نضال ..
    بساطة متناهية تدل علي موهبة كبيرة جدا
    ولدت شاعرة كاملة النمو ولا يشق لها غبار..
    شكرا هاترك ...
    شكرا بدر الدين

  10.  
  11. #6
    فخر المنتديات
    Array
    تاريخ التسجيل
    May 2009
    الدولة
    مارنجان
    المشاركات
    4,340

    وهذه هدية للجميع بمناسبة اقتراب موسم الاعياد وكدة

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
by boussaid