اصلو يا اخواني اليوم داك صبحت محموم
والليله ما انسا حنة العاقب ود كلتوم
وصنقعت لشجرة شفت عش السمبر وصياح البوم
سمعت صوت الدلوكه على فريق اولاد التوم
فجا ظهر سحاب اسود مرزوم ومردوم
نزلت شعفوفه معها رعدا وبرقن تقول معصوم
وفي لحظات تسمع صياح القوم
البيت وقع المخزن غرق وتفقد المخزون اردم ياجنى وزيد الكوم
وانا والحبيب اخوي في هم البلي ماجابين خبر للحاله الشوم
صبح الصباح الحلة راقده كوم كوم
ولو شفت الصواني الكيزان النعلات عايمات عوم
لا ضلن ولا اكلن ولا حتى ساعة نوم
صبحو الغلابه في خلا من النشاف معدوم
لا مقيس ولا نجده اصلو المحافظ في الخرطوم
اما الضابط عندو لجنه و اجتماع مهم اليوم
ماننسا ياحبان الباعوضه زي الدخان وشايلا البلا المسموم
وكمان بعد بكره شهر الصوم
رد مع اقتباس
المفضلات