النتائج 1 إلى 10 من 10

الموضوع: @ رمضان كريم @

     
  1. #1
    عضو فضي
    Array الصورة الرمزية ود الأصيل
    تاريخ التسجيل
    Jan 2013
    المشاركات
    2,849

    @ رمضان كريم @


    أكتر حاحة ندمت
    عليها في عمرك؟! &
    بالنسبة لي ، تعسيلة جاتني
    كسر رقبة قبيل السحور. أصحى
    ألقى الشمش فاقعة لي في هامتي
    و جنبي الرقاق معطون في اللبن بالعسل ،
    وجك الآبري يعاين لي ، مليان و ساقط .
    فأنشدت قائلا:
    إن أتعس الدواب لنفس تساهر ليلا
    لتنام فجرا ، و أمامها نهارا طويلا
    تري سواد الآبر ي داكنا و تأبى أن ترى
    بياض التلج و حبات الندى فوقه إكليلا!!

    تصومو و تفطرو على خير،،،،

    ود الأصيل
    [/
    /Aabersabeel

    التعديل الأخير تم بواسطة ود الأصيل ; 06-06-2016 الساعة 12:49 AM
    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  2.  
  3. #2
    عضو فضي
    Array الصورة الرمزية ود الأصيل
    تاريخ التسجيل
    Jan 2013
    المشاركات
    2,849

    الياقوت عبد المنعم:
    ههههههههههههههههههه ربنا يتقبل منا ومنكم صالح الأعمال ، ودالأصيل بطل الجرسة.
    ++++++-----++++++
    ود الأصيل/ Aabersabeel:
    نسوي ياخوي، شكلو من قولة تيت نقر في العضم. تسلم ياقوت. مروركم براه بخفف و بحسسنا إنو العيد خلاس جا.
    ++++++++++++++
    Azhari Mohmed:
    هههههه ود الأصيل يضع الجرسة بين ظهرانينا واضحة تتجلى .. اخوي رمضان كريم و تصوم و تفطر على خير .
    ++++++++++++
    Omas:
    تصوم وتفطر علي خير. ..وبطلو جرس. ..يادوب بنقول يا هادي.
    .++++++++
    Aabersabeel / ود الأصيل ،:
    أطأطئ رأسي عرفانن لكل من تداخل هنا.خجلتونا عديل . ماسكين لي في الجرسة. بس دايرين ليكم( جراسة و تشبعوا فيها لطم). ياخ ما الجراس ربى عيالو. طيب أقولكم قولة ،هاكم الجاية دي أشان تآمنو زاتو:___

    ود الأصيل/Aabersabeel

    التعديل الأخير تم بواسطة ود الأصيل ; 06-06-2016 الساعة 12:34 PM
    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  4.  
  5. #3
    عضو فضي
    Array الصورة الرمزية ود الأصيل
    تاريخ التسجيل
    Jan 2013
    المشاركات
    2,849

    اقتباس المشاركة الأصلية كتبت بواسطة aabersabeel مشاهدة المشاركة
    الياقوت عبد المنعم:
    ههههههههههههههههههه ربنا يتقبل منا ومنكم صالح الأعمال ، ودالأصيل بطل الجرسة.
    ++++++-----++++++
    ود الأصيل/ Aabersabeel:
    نسوي ياخوي، شكلو من قولة تيت نقر في العضم. تسلم ياقوت. مروركم براه بخفف و بحسسنا إنو العيد خلاس جا.
    ++++++++++++++
    Azhari Mohmed:
    هههههه ود الأصيل يضع الجرسة بين ظهرانينا واضحة تتجلى .. اخوي رمضان كريم و تصوم و تفطر على خير .
    ++++++++++++
    Omas:
    تصوم وتفطر علي خير. ..وبطلو جرس. ..يادوب بنقول يا هادي +++++++++
    ود الأصيل/ Aabersabeel:
    أطأطئ رأسي عرفانن لكل من تداخل هنا.خجلتونا عديل . ماسكين لي في الجرسة. بس دايرين ليكم( جراسة و تشبعوا فيها لطم). ياخ ما الجراس ربى عيالو. طيب أقولكم قولة ،هاكم الجاية دي أشان تآمنو زاتو:___

    ود الأصيل/Aabersabeel
    [] من شر البليلة ما يضحك!!!

    أخوانا نفاجية الرحيق ، صباح العيد، من هسي!

    بالله تسمحو لينا باستراحة خفيفة:
    #واحد من عروبنا ديل شالق، جاي من الخليج مخلي الحرم المكي وراه و قال داير يقضي العشرة الأواخر في الحلة،،غادي من أم صفقن عراض.
    #فتاني يوم بس ضرب جرس . قال جاه ملل شديد من العطش والكتاحة العصار يقوم من صنقورك ؛ مع جو الرتابة المميت، من كثرة التكرار في كل شيء .
    #فلاحظ إنو الحلة تقريباً، إﻻ من رحم و فتح عليه ربك، يصومون و يفطرون علي حاجة واحدة ( السليقة): يمرقو كل صباح على الجزارة ريقان ريقان، يجيبو ربع أو تمن الكيلو دا شايلنو مصرور مضارى متل (فسحة الفحص) عند الدكتور، و عليه فرطاقة بصلة و سلقة ملحة و شوية موية؛ يضربوه مع حامى الشيء وضده(حلو مر).
    #و يلا علي التراويح ، يصلوها بالفاتحة و معاها برضو بس سورة واحدة / الإخلاس(قل هو الله أحد ) عشان يرجعوا فسراع فسراع يتكاملو النوم . الساعة 8 دي لو في جنازة ما تلقى طفاي النار البسترا .
    #ياخي ديل قال ليك : مرة الإمام الراتب تقل في السلؤقة شوية فقام صلى بيهم واحد عمك داقس كدا قام بعد الفاتحة هبش ليك راس
    ( و الضحى والليل إذا سجى ) فتعالت الأصوات من خلفه، ينبهون و يزجرون : سبحان الله، لمن انخلع قام قال ليهم في شنو يا ناس ردو ليك بحس واحد : " يا زول دي ما ياها".

    Aabersabeel/ود الأصيل
    ***********&&&&**********

    التعديل الأخير تم بواسطة ود الأصيل ; 06-06-2016 الساعة 09:19 PM
    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  6.  
  7. #4
    عضو فضي
    Array الصورة الرمزية ود الأصيل
    تاريخ التسجيل
    Jan 2013
    المشاركات
    2,849

    اقتباس المشاركة الأصلية كتبت بواسطة aabersabeel مشاهدة المشاركة
    [] من شر البليلة ما يضحك!!!

    أخوانا نفاجية الرحيق ، صباح العيد، من هسي!

    بالله تسمحو لينا باستراحة خفيفة:
    #واحد من عروبنا ديل شالق، جاي من الخليج مخلي الحرم المكي وراه و قال داير يقضي العشرة الأواخر في الحلة،،غادي من أم صفقن عراض.
    #فتاني يوم بس ضرب جرس . قال جاه ملل شديد من العطش والكتاحة العصار يقوم من صنقورك ؛ مع جو الرتابة المميت، من كثرة التكرار في كل شيء .
    #فلاحظ إنو الحلة تقريباً، إﻻ من رحم و فتح عليه ربك، يصومون و يفطرون علي حاجة واحدة ( السليقة): يمرقو كل صباح على الجزارة ريقان ريقان، يجيبو ربع أو تمن الكيلو دا شايلنو مصرور مضارى متل (فسحة الفحص) عند الدكتور، و عليه فرطاقة بصلة و سلقة ملحة و شوية موية؛ يضربوه مع حامى الشيء وضده(حلو مر).
    #و يلا علي التراويح ، يصلوها بالفاتحة و معاها برضو بس سورة واحدة / الإخلاس(قل هو الله أحد ) عشان يرجعوا فسراع فسراع يتكاملو النوم . الساعة 8 دي لو في جنازة ما تلقى طفاي النار البسترا .
    #ياخي ديل قال ليك : مرة الإمام الراتب تقل في السلؤقة شوية فقام صلى بيهم واحد عمك داقس كدا قام بعد الفاتحة هبش ليك راس
    ( و الضحى والليل إذا سجى ) فتعالت الأصوات من خلفه، ينبهون و يزجرون : سبحان الله، لمن انخلع قام قال ليهم في شنو يا ناس ردو ليك بحس واحد : " يا زول دي ما ياها".

    Aabersabeel/ود الأصيل
    ***********&&&&**********
    Azhari Mohmed.
    # هههههههه . دي بالغت فيها .
    ++++++++
    Omas
    بالشوكه والشنكار. ..حافظنها الاخلاس. ...هههههههه ياخ من البساطة البتفقع المراره. .
    ++++++++
    Suha Elsadig
    .عشان كده رمضان احلي فيي السودان
    ++++++++
    Manal. Alabaed
    ههههه يا حليلك والله ، لكن ما مشكله برضو حصل خير بالجوع والعطش في رمضان بيعظم اﻷجر أكتر.
    +++++++++++++
    Aabersabeel /ود الأصيل
    دا من طيب خواطركم ي حاملي المسك.
    +++++++
    Mohmad Ahnad Ragab
    ياود الاصيل رمضان كريم كل سنة وانت طيب بمناسبة حلول شهر رمضان الكريم
    ++++++
    aabersabeel/ ود الأصيل
    و أنتو أطيب ي ود رجب، هو رمصان فعلا(أحلى و أمر) في السودان. عشان كدا بالجد وا شريري و يا حليلي النايم على حيلي، لو ما كنت سوداني ؛ و ناس أمحمد و عطانا ديل ظاطو ما أهلي. موش بالله؟!

    التعديل الأخير تم بواسطة ود الأصيل ; 06-06-2016 الساعة 09:47 PM
    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  8.  
  9. #5
    عضو فضي
    Array الصورة الرمزية ود الأصيل
    تاريخ التسجيل
    Jan 2013
    المشاركات
    2,849

    اقتباس المشاركة الأصلية كتبت بواسطة aabersabeel مشاهدة المشاركة
    Azhari Mohmed.
    # هههههههه . دي بالغت فيها .
    ++++++++
    Omas
    بالشوكه والشنكار. ..حافظنها الاخلاس. ...هههههههه ياخ من البساطة البتفقع المراره. .
    ++++++++
    Suha Elsadig
    .عشان كده رمضان احلي فيي السودان
    ++++++++
    Manal. Alabaed
    ههههه يا حليلك والله ، لكن ما مشكله برضو حصل خير بالجوع والعطش في رمضان بيعظم اﻷجر أكتر.
    +++++++++++++
    Aabersabeel /ود الأصيل
    دا من طيب خواطركم ي حاملي المسك.
    +++++++
    Mohmad Ahnad Ragab
    ياود الاصيل رمضان كريم كل سنة وانت طيب بمناسبة حلول شهر رمضان الكريم
    ++++++
    aabersabeel/ ود الأصيل
    و أنتو أطيب ي ود رجب، هو رمصان فعلا(أحلى و أمر) في السودان. عشان كدا بالجد وا شريري و يا حليلي النايم على حيلي، لو ما كنت سوداني ؛ و ناس أمحمد و عطانا ديل ظاطو ما أهلي. موش بالله؟!
    @ ناكل لوبة @
    دا ما كلامي.

    (ناس أم صفقن عراض حابين بغيرو من السليقة) ثم مالو يعني اللوبة، عيبوها لي!؟
    ما بروتين نباتي ، وأي حاجة.

    #أخير لينا ياخ من حاجة قرففف اسمها جلافيط القعونج) اللهو ظاطو. خسوسن ، لمن سمع التصريحات النارية إراها دبك ، الكان أطلفا أخساوي مرموق، بل وزبر صحة أتحادي وأي حاجة، قامت هجت. و( قام يتعزز الليمون، عشان بالغنا في ريدو). و صابا هلع جري لبدت اندست عمل نظام بيات ريفي شتوي قبال أوانو.
    #أها ملاحظ إنو و رغم عنف الخريف و السيول دبديك الشالت شرق النيل و غرقت نفق عفراء رسفتو لي حدو ، و كترت الطمل في الشوارع، و لا قعونجاية واحدة ما سمعناها تاني فتحت خشما قالت غوغ!!

    #أها، ما قلتو نوبة؟دحين بالله ماخير ناكل لوبة؟
    و رمضان كريم ،،،،،،،
    ود الأصيل/ Aabersabeel

    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  10.  
  11. #6
    عضو فضي
    Array الصورة الرمزية ود الأصيل
    تاريخ التسجيل
    Jan 2013
    المشاركات
    2,849

    Manal Alabaed
    (الحب المستحيل)
    كانت تعامله بلطف واحترام ، كيف وﻻ فهو اﻷخ اﻷكبر لحبيبها ،لكنه ﻻ يعرف ذلك فأحبها ، أهداها وردة ، فقالت له شكراً ﻷخيك وشكراً لك للتوصيل ، فبُهِت .َ
    .
    #منال
    ++++++++
    YassirAdam khareef
    عند بعض القبائل الهندية..امراة اخوك امراتك..في غيابه يمكنك ملي الفراغ العاطفي ولكن عليه هو المغترب ملي الفراغ المالي...الولد البجي ولد الغائب الداقس المغترب ما ولد التيس الفحل الحاضر..كيف انا ماعارف...لانهم معانا في الخليج تلاقيه قاعد سنتين بالتمام والكمال وفجاءه يقوم يوزع الحلاوة..يازول قول بسم الله مالك..يقول ليك زوجة مال انا ولد (يعني زوجتي)..كيف يعني؟بلا كيف معاك..ولدت ولدت خلاص..الاخوان ما قصروا ههههه..

    التعديل الأخير تم بواسطة ود الأصيل ; 09-06-2016 الساعة 12:59 AM
    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  12.  
  13. #7
    عضو فضي
    Array الصورة الرمزية ود الأصيل
    تاريخ التسجيل
    Jan 2013
    المشاركات
    2,849

    اقتباس المشاركة الأصلية كتبت بواسطة aabersabeel مشاهدة المشاركة
    Mansl Alabaed
    (الحب المستحيل)
    كانت تعامله بلطف واحترام ، كيف وﻻ فهو اﻷخ اﻷكبر لحبيبها ،لكنه ﻻ يعرف ذلك فأحبها ، أهداها وردة ، فقالت له شكراً ﻷخيك وشكراً لك للتوصيل ، فبُهِت .َ
    .
    #منال
    ++++++++
    YassirAdam khareef
    عند بعض القبائل الهندية..امراة اخوك امراتك..في غيابه يمكنك ملي الفراغ العاطفي ولكن عليه هو المغترب ملي الفراغ المالي...الولد البجي ولد الغائب الداقس المغترب ما ولد التيس الفحل الحاضر..كيف انا ماعارف...لانهم معانا في الخليج تلاقيه قاعد سنتين بالتمام والكمال وفجاءه يقوم يوزع الحلاوة..يازول قول بسم الله مالك..يقول ليك زوجة مال انا ولد (يعني زوجتي)..كيف يعني؟بلا كيف معاك..ولدت ولدت خلاص..الاخوان ما قصروا ههههه..
    ي ود الخريف بي صحك إت، و لا دي تخاريف ساي؟! شكلو الصيام معاك نقر العضم من قولة تيت؟!
    علا و الله ممكن. برضو داقش أضاني كلام زي دا عن الجماعة ديلك الفرزو حلة عيشم مننا، و شتتو لسة ما وصلو.
    Aabersabeel/ ود الأصيل

    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  14.  
  15. #8
    عضو فضي
    Array الصورة الرمزية ود الأصيل
    تاريخ التسجيل
    Jan 2013
    المشاركات
    2,849

    @ العطشان يجي بجاي نديه كنز من سحارة حبوبتي @

    رغم إنها لا ناثرة و لا هي شاعرة بأيتها حاجة لكنها مليانة حنية لو فاضت بأهل الأرض جميعاً لاغرقتهم.

    مرة عارف كنت ماسكني ليك برجم(يعني حصبة ألمانية لأبناء الشهادة العربية) معاه جنس وردة يازول طايرة لي في راسي لمان قاعد أهضرب. و جلدي السهراجة ديك لمان يلمسوها بالعود. حبوبتي طبعاً زي ما ذكرت ريدة جنونية ما متل محنة كتكت البرا لبن و ما بتتحمل فيني الهبشة.يعني فعلاً بالجد من النوع القايلة أنو القيامة دي ظاتا يمكن تقوم لو يوم وقع لي مكروه قدام عينها.قامت يا زول لفلفتني ليك بفردة قنجة طابقة فوقها شملة صوف و بقت مصنقرة الليل دا كلو موقدة ليها نار جمر للدفو و جنبها لمبة (حبوبة و نسيني) و كورة (رمضان كريم) معطون فيها قرض تديني أكرع بالغصب كل شوية ؛ و لو شافتني عصلجت تقشطني ليك بسيرالمفحضة لمان أنلوي و كان حرقني تأكل اصابعيها من الندامة و تجهش معاي بالنحيب و هي كاطعة على نفسها ميثاقاً غليظاً بأن لا يجد الحزن سبيلاً إلى قلبي وقلوب أخواني اليتامى من ثغرتها أبداً. يلا كلما تسمعني أزانف و لا أقنت أسمعها ليك تبكي عز الليل تمنح بكاياً بي جعيروتقول:
    - الليلة وووووووووووب علي يا عشا البايتات يا ماني عارفة ليك شنو.. وتناجي ربها رافعة أكف الضراعة شاقة جوف الليل بسهام الدعوات تقول:
    - يا الله هيييييييييي سعلتك بالذي هو أنت علا تخلي لي جنا جناي دا المتل الويحيد في أخوانو اللي هسي ما ضاق الحريرة و لا الجرتق لا الضريرة ..
    - يا ألله تعفيه لي بس من الموت.. وإن شاء الله بعد داك تشيلني نا ذاتي بدالو.
    هنا أنا صراحة لمان خلتني نا ظاطي أشفق عليها و تكطع قلبي بحالة الجزع والهستيريا اللامة فيها ؛ قلت كمان تحصل ليها نصيبة بسببي فقلت إلا أسكتا ليك الحاجة دي بمقلب حار. وأخوك أصلاً شالق و صنعتي مقالب. فلما شفتها النعاس خلاس دب في أجفانها و كسر عنقها لمن الريالة سالت على سدرها و هجست شوية أخدت ليها غفيوة كدي, قمت براحة انسحبت من الغتا و بعد ما أتمولصت ليك طططب بقيت مولاي متل ماخلقتني ؛ ثم بحركة بهلوانية كدي قدلت مشيت على جيهة تيبار(الموية) و من تحت النقاع خمشت لي فكامة طين صلصال(برجوب) كبيرة جلطت ليك بيها جسمي دا من راسي لي كرعيني و جيت على تقابة النار و من وسط اللدايات شلت ليك كم جميرات مولعات غزغزتهن فوق الطين في جلدي.. وجيت وقفت منشحط فوق رأس الحبوبة المسكينة , وغيرت حسي خليتو مت البعاتي و ناغمتها ليك بصوت مخيف:
    - أهاااااععععع.. جيتك يا مرا يا عجوز يا حيزبونة ، مالك عاملة لينا شمطة حاميانا الغمدة؟ مالك قولي دايرة شنو؟!!
    - أها يلا ، زولتك من حيسا داك تنقش تنقش تنننننقش، قمزت مخلوعة تكورك و ترجف:
    - بسم الله حصبني الله , منو البصيح لي؟ , جان يا يابا إتا والله إنسان؟ و شن بتدور عندي ؟ كدي زح مني لي غادي كابس لي نفسي متل الرهجومة. قلت ليها:
    - دا أنا عزرائيل ملك الموت شخصياً ، وجيت أشيل رويحتك بدال وليدك البتريديه دا وعاملا لينا بيه غلبة ! دحين مو دا كلامك قلت فادياه؟

    #أها الحاجة هنا تممم كرست كطعت النفس؛ لكن بحلاة الروح الظاهر ضربت خماسي في سداسي و ظنيت فصلت رجعت في كلامها: و جري أنحشرت ليك في شملتا و ما مرقت علا الأصبع السغووويروني و هي تأشر على عنقريب رقادي أنا وتقول:
    هييييي يا يمة ! وا خجيلتي!اليلة ما رحت فيها عديييل كدي! لاكين أأأبوى مييييي أنا المرضانة, لا لا , هداك المرضان الجنا المغتا داك أمش عليهو راسك عدييييييييييل وسوي عوسك معاه آآآآي آآآآبوي ، يديك العافية.
    #و أنا بهنا من الضحك لمان بلت شتتت بولي فوق سيقاني.
    ود الأصيل/Aabersabeel
    +++++++
    الياقوت عبد المنعم
    هههههههههههه ود الأصيل شكرا ياخ بكيتنا وضحكتنا.
    ++++++
    ود الأصيل/Aabersabeel
    ياخ لا أضحك الله لك سنن ي ياقوت، إلا بروائع الجمال و الدلال ؛ و لا أشبع لك بطنن إلا بالرزق االحأل و الماء الزلال.
    ثم تقديرن لتذوقكم الرفيع للتراثيات ح أشبعكم بكنوز منها.فلا تذهب بعيدن.

    التعديل الأخير تم بواسطة ود الأصيل ; 13-07-2016 الساعة 01:21 AM
    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  16.  
  17. #9
    عضو فضي
    Array الصورة الرمزية Almostshar
    تاريخ التسجيل
    Dec 2006
    الدولة
    كل ارض المحنة
    المشاركات
    1,052

    ههههههههههههههههههههه



    بس حالك احسن من حال زول
    شغال بجهز في السحور
    بيطبخ في الاكل من كل نوع
    وجهز الصينية بالعصير
    ودجاجة محمرة ريحتها تجيب الحيران
    وقعد يفرك ليه في كم حاجة ونسى
    نسى ان الزمن فات
    والديك قام
    والموذن خش المسجد ومسك المايك
    وعدل نفسو وعاين للساعة واذن
    وحبيبنا بيجهز في الجك البارد

    ومن الزمن داك ولحسي
    بعاين في الجك ويتحسف


    القلم الدافي
    المستشار آت من المدينة
    مراسل الاشواق
    وجدتها وما رات عيني مثل جمالها
    ورقة قلبها
    وسمو ذاتها
    almostshar03@hotmail.com
  18.  
  19. #10
    عضو فضي
    Array الصورة الرمزية ود الأصيل
    تاريخ التسجيل
    Jan 2013
    المشاركات
    2,849

    اقتباس المشاركة الأصلية كتبت بواسطة [B
    Almostshar;738493]
    ههههههههههههههههههههه



    بس حالك احسن من حال زول
    شغال بجهز في السحور
    بيطبخ في الاكل من كل نوع
    وجهز الصينية بالعصير
    ودجاجة محمرة ريحتها تجيب الحيران
    وقعد يفرك ليه في كم حاجة ونسى
    نسى ان الزمن فات
    والديك قام
    والموذن خش المسجد ومسك المايك
    وعدل نفسو وعاين للساعة واذن
    وحبيبنا بيجهز في الجك البارد

    ومن الزمن داك ولحسي
    بعاين في الجك ويتحسف
    [/B]
    هههههههههههه
    آسفين جدن حبيبنا سعادت
    المستشار مداخلتك دي مجمبعة مع
    الجك من رمضان عيونا مطششات ما عترنا
    فيها علا هسي. لكن برضو تنفع في الستوت.بالمناسبة
    دي، إمامنا كان مصري بتاع قفشات حركات مرة بشكي
    لينا من بعض المصلين قالو مستغربين من كلامو في الست.
    فلما شاف الناس منططة عينينها. قال : إيه فيه إيه ؟! مالكو
    اتخضيتو كدا ليه ؟! هو يعني الواحد ما يقبش السيرة دي. يااااه،
    للدرقا دي بتترعبوا من ستاتكو؟!.طيب بلاش من كدا، داحنا
    أصلي كنا بنتكلم على الست من شوال و الخلاف
    حول صيامها إما مجتمعة أو متفرقة

    .

    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
by boussaid