النتائج 1 إلى 7 من 7

الموضوع: عجبتني وقلت اكلمكم

     
  1. #1
    عضو جديد
    Array
    تاريخ التسجيل
    Jul 2010
    الدولة
    مدني مارنجان
    المشاركات
    14

    عجبتني وقلت اكلمكم

    [size=6][/مشيت العُمرة .... بعد ما الامين رسل لي الاقامة ... قعدت اربعة شهور بلا شغل ... حايم فوق الناس...من بيت عزابة لي بيت عزابة.....يوم حايم في السوق... لاقني سعودي..... باين عليهو مرتااااااااااااااح.... شديد... كورك لي ... يا زول يا زول.... اتلفت لو..... قال لي انا سمعت انكم في السودان بي تعالجو الزول المجنون وشاطرين في الحكاية دي وانا عندي اخوي مجنون ما بتعالجو لي؟.... قلت لو بالحيل بعالجو لك...... كدي امشي اشتري لي بسطونة....وتعال النمشي معاك.....شلت البسطونة في ايدي...ودخلني سماحة بيت... قصر عدييييييل كدي....والعربيات اربعة واقفات.... ودخلت جوا..... ودخلني علي الزول المجنون..... لقيتو متحزم بي عقالو ويردح في نص العوضة....وفي مرا زي القمرا وقت شافتنا زاغت لي جوا... اتاريها دي مرتو.... قلت للزول الجابني انت امرق برا واقفل الباب دا وراك بالمفتاح....وما تفتحو علا اقول لك انا افتحو...... وزولي المجنون في رديحو..... يقفل الباب....وانا اقع لك في المجنون دق...دق نضيف..... لب لب لب لب...... بتجن مالك اكان ما قلة ادب منك؟.... لب لب لب ... الكهرباء رااااااقدة وبى بلاش .. لب لب لب .. الموية ما بتقطع .. لب باعوض مافى.. لب لب لب .. بتجن مالك خدمة الزامية ما عندكم .. لب لب لب .. المجننك شنو والموزة ربع متر .. لب لب لب .. الجانى ليها شنو عربيتك الفورد واقفة برة ؟....لب لب لب.... بيتك قصر؟...لب لب لب...مرتك زي القمرا؟...لب لب لب ..... ما جنيت انا المعرس زينب بت الخِدر؟ .... لب لب لب .... وامرق صورة لي زينب شايلا في جزلاني واوريها ليهو....واقولو عاين لي للكعوبية دي وعاين لي مرتك؟.... لب لب لب لب ..اكان كنت معرس البعاتي دا كنت سويت شنو؟...لب لب لب لب....الله مقصر معاك بي شنو؟ عشان تجن ليهو؟.. لب لب لب.... الناس يشربو الموية بالكوز وزينب بت الخدِر تشربا بالزير تشيل الزير بي ايد واحدة وجق جق جق جق تشرب...وتختو وبااااااااااااااااااع تدشا....لب لب لب ... النسوان يغنو ليهن...كان مشت تتفدع ... وزينب كان مشت تتضرع...؟ لب لب لب .... الله يغيظك....لب لب لب... اها زولي من شاف صورة زينب راق شوية وهدا...وبعد شوية... اتشعبط فوقي ويقعد يجعر ويبكي...... اتاريني حننتو ... بعد كم يوم اخوهو لاقاني قال لي الحمد لله اخوي بقى شدييييد الا من يتذكرك يقعد يبكي ...........
    ]

  2.  
  3. #2
    مشرف القسم الثقافي

    Array الصورة الرمزية ياسر عمر الامين
    تاريخ التسجيل
    Jul 2009
    الدولة
    ودمدنى
    المشاركات
    2,635

    والله صحى سبب واحد يخلى يجن مافى...

    يا وحى الهامنا وموضع احترامنا يا مدنى الجميله ليك مليون سلامنا.
  4.  
  5. #3
    وسام التميز الثقافي

    Array
    تاريخ التسجيل
    Aug 2014
    الدولة
    أم درمان / الثورة
    المشاركات
    528

    هههه الله يجازي محنك ياخوي

    والله يااهو ده الببكي المجنون ويضحكنا نحنا

    أضحك الله أيامك يارب ..

    لب لب دي والله عجبتني شديد ..

    لِم كلّما أوغلت في عينيك يقتلني الظمأ
  6.  
  7. #4
    المدير المالي
    Array الصورة الرمزية عمرالماحي
    تاريخ التسجيل
    May 2009
    الدولة
    ودمدني حي دردق غرب
    المشاركات
    1,171

    هههههههههههههههههههههههههههههههههه
    هههههههههههههههههههههههه
    ههههههههههههههههه






    من ارض المحنه ومن قلب الجزيره برسل للمسافر اشواقي الكتيره

  8.  
  9. #5
    عضو جديد
    Array
    تاريخ التسجيل
    Jul 2010
    الدولة
    مدني مارنجان
    المشاركات
    14

    سِبّبّ يَجْنَنَ مٌافَيَ . دِا زُُهجْ مٌنَ ْعيَشِةِ الُمٌلُوَكِ قًالُ يَغًيَرَ شِوَيَةِ .
    وَقًْع فَيَُهوَ زُوَلُنَا دِا لُبّ لُبّ لُبّ .
    اسِْعدِ الُلُُه صّبّاحُكِمٌ بّالٌُخيَرَ وَالُبّرَكِاتْ .

  10.  
  11. #6
    عضو ماسي

    Array الصورة الرمزية الملكة اسماء ( ام محمد )
    تاريخ التسجيل
    May 2009
    الدولة
    مُدن الحروف
    المشاركات
    9,731

    الظاهر العز كان زاد عن الحد بينقلب للضد

    عشان كدا اخير لينا النحن فيهو ده

    ههههههه

  12.  
  13. #7
    عضو جديد
    Array
    تاريخ التسجيل
    Jul 2010
    الدولة
    مدني مارنجان
    المشاركات
    14

    كدي بيني بينك النحن فيهو دا احسن.
    ههههههههه
    نحمد الله بس.

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
by boussaid