التعدد

[naz_imam]

السيد المزوغاتي الكبير...

انذار اول..
اين السي في؟؟؟؟؟؟!!!!!!!

ياخي ما قلت ليك الداهي البتسألي منو دا عند الادمن

check with him please

[ماجدولين]

ياخي ما قلت ليك الداهي البتسألي منو دا عند الادمن

check with him please

يا ابو ريم هوووووي اﻻدمن جا دخل البوست ده انت الدخلت

انذار ثاني....

السي فييييي سرييييييييييييييييييع

[حسام التنين]

طيب جدا ... في بالتقسيط و لا كاش

[ماجدولين]

طيب جدا ... في بالتقسيط و لا كاش

ﻻ تقصيد... ﻻ كاش...

البضاعة خلصت.

[mabbas]

الاخت ماجدولين لك التحية والاحترام ،،،،،،
حقيقة جزبني موضوعك ، بس عاوز اقول حاجة واحده التعدد لي شنو ؟؟؟؟؟؟؟
والله النسوان ديل كلهم واحــــــــــد - المتعلمة والغير متعلمة واحد في النهاية
الفرق في شنو ........
تعالو ناخد الموضوع من زاوية تانية
كان السماحة مادائمة . اقصد سماحة الخلقة . يا ها الاخلاق الدائمة ولا مش كده
انا راي في النهاية هم واحد كان تفكيرهم كان احلامهم كان متطلباتهم كان ....... كان .......
مع كل احترامي وتقديري للجميع ،،،،،،،

[ماجدولين]

الاخ mabbas

ولك التحية والاحترام..
انا اختلف معاك في انو النسوان كلهم واحد....
لو من ناحية السماحة في واحدة شينة وفي واحدة مقبولة وفي واحدة سمحة..
ولو من ناحية الاخلاق في واحدة اخلاقها عالية جداً وفي واحدة ممكن تتعايش معاها وفي واحدة اخلاقها مستحيل تتعايش معاها...
وفي الاخوات في البيت الواحد من ام واحدة واب واحد اكيد اكيد اشكالهم مختلفة وكذلك اخلاقهم...
وشوف اصابيعين يدك الواحدة في اختلاف ولا مافي ...
ولا رائك شنو؟؟؟؟

[أحمد (الغالي)]

تعدد الزوجات حق شرعي اعطاه الله سبحانه وتعالى للرجل ( الرجال كلهم آخر ضرس ظهر النسوان برضو ظهر لكن بي طريقة تانية).

تعدد؟؟ .. يا ماجدولين يا أختنا
ناسنا ديل العندهم عايزين إفكوهم .. تقولي ليهم جيبو تاني

[ماجدولين]

تعدد؟؟ .. يا ماجدولين يا أختنا
ناسنا ديل العندهم عايزين إفكوهم .. تقولي ليهم جيبو تاني

والله يا احمد الرجال ديل كانو لقو فرصة تانية ما بضيعوها

انا متاكدة من كده ومادايرين دي من طرف اللسان بس.

[عاشق الترحال]

قالوا ليك قاعدين نوزع في سكر؟؟؟

بعدين صنف لينا الاربعة ديل .. مايكونوا الشفع ؟؟ ولا المرا وتلاته اطفال وانت برا الحسبة

سكر يا سكر امووووووووت انا في الداندرمه

سجلونا دي معناها انا جوه الجك
خلاص خليهم اربعه وانا الخامس زي ما الشرع قال ، جيب اضانك جاي خايفين ما نعدل سجلونا اتنين

[وداد محمد]

السلام عليكم الموضوع عجبني بالجد والاصل هو التعدد الا البخاف من عدم العدل تكون واحده ،والله كتير بتكون سبب لرزق
انا غايتو مع التعدد ايمكن لما اتزوج يكون الراي مخالف
لكن مفروض البتجي ثانيه تكون صبوره وشغل الغيره دا ماعندها عشان جاءت قاسمت الاولي في كل حاجتها لابد ان تتحلي بالصبر والاخلاق الكريمه ولو مال عليها تزكرو بشقو المايل الذي ياتي به يوم القيامه
تخريمه
عليكم الله انا مامشروع زوجه تانيه رهيبه

[عاشق الترحال]

لكن ما لقيتك خطيره يا ودو... ههههههه

[وداد محمد]

لكن ما لقيتك خطيره يا ودو... ههههههه

مش كدا خطيره شديد انا

[حسام التنين]

اها وصلتوا نمره كم ...؟؟؟

[عبدالمنعم الصديق(خدرا)]

[quote=ماجدولين;734994]تعدد الزوجات حق شرعي اعطاه الله سبحانه وتعالى للرجل ( الرجال كلهم آخر ضرس ظهر النسوان برضو ظهر لكن بي طريقة تانية).

( ام رغد عليك الله اظهري لكن ماتديني عكاز عليك الله)

رايكم شنو في التعدد الصاح بالطريقة الصاح.

للمرة التانية (انا مابتاعة مشاكل ياخ)[/
quote]
السلام عليكم اخوتي واخواتي النفاجه احييكم بعد طول غياب
ماجدولين بالجد الموضوع شايق وشايك
اى رجل نفسه في الدبل الا نوع ناس هناي الهراش داك
عن نفسي اتمني تجيني ليلة القدر واقول ليها انشالله من ...ل... لمن اخش القبر
عن نفسي بعدل فيما املك اما الميل القلبي فمن الله
تحياتي للجميع

[ياسر عمر الامين]

تعدد؟؟ .. يا ماجدولين يا أختنا
ناسنا ديل العندهم عايزين إفكوهم .. تقولي ليهم جيبو تاني

وريها بالله...

[ياسر عمر الامين]

السلام عليكم اخوتي واخواتي النفاجه احييكم بعد طول غياب
ماجدولين بالجد الموضوع شايق وشايك
اى رجل نفسه في الدبل الا نوع ناس هناي الهراش داك
عن نفسي اتمني تجيني ليلة القدر واقول ليها انشالله من ...ل... لمن اخش القبر
عن نفسي بعدل فيما املك اما الميل القلبي فمن الله
تحياتي للجميع

خدورى لكن ما بالغت...

[عبدالمنعم الصديق(خدرا)]

خدورى لكن ما بالغت...

يسوري حبيب البي
بالغ الزمن والله
نحن كاتلانا الحنيه والرومانسيه وبنتعذب والله لعذاب الآنسات والعزبات والارامل
اتمني اني اصل اربعه امتثالا لقول المولي عز وجل
مثني وثلاث ورباع
لا تقول لي فان خفتم ان ﻻ تعدلو فواحده
بنعدل والله بنعدل الا فيما ﻻ نملك من الميل القلبي
اسال االه ان يوفقني ويوفقكم جميعا لتعددوا
الخايف من مرتو او خايف علي مشاعرها او علي مشاعر عيالو وبالتحديد بناتو يعملو سكتم بكتم
ليس بالضروره ان يكون هناك عيبا في الاولي انما التعدد من اجل التعدد امتثالا لقول رسولنا الكريم تناكحوا تكاثروا فاني مفاخرا بكم الامم يوم القيامه
اخيرا اخي ياسر لقد لقي الموضوع هوي من نفسي وآمل بدل ان نقتل الموضوع نقاشا ان نبدا فيه فعلا
تخريمه بالدرب التحت
انور ماكلمك بالموقع العايزين نعملو؟
زواج كوره نت دوت كوم

[ابوالنور]

اها وصلتو وين ياخ ؟