جيناك
وكنا طلعنا منك
نحن مرفوعي الرؤوس
جيناك مرفوعي الرؤوس
أفتح زنازينك
أهو بنفتح صدورا ما بتكوس
الرحمة تبْ
ما فينا مِرْقاً فيهو سوس
بل فينا عِرقاً من جذور الشعب
عشقاً ﻻ يُداس
نحن بندوس
على كل من عايز يدوس
نحن بندوس
جيناك وكنا طلعنا منك
عنوةً كدا واقتدار
تشهد ترابيسك هديك
وهدا الجدار
نهر الجماهير العميق
جلجل شديد اﻻنحدار
زلزل حديد اﻻنكسار
امتد حولك واستدار
ومﻼ الطريق
فإذا بأسوار الضفاف
وسواعد الناس النخيل
حملتنا أمواج الهتاف
في ذلك الصبح الجميل
حملتنا أفواج الكفاف
ومدامع الفرح النبيل
الغدر ما ببْقى انتصار
واﻻنكسار
المستحيل
المستحيل.. المستحيل
اسمعنا يا ليل السجون
نحن بنحب شاي الصباح
والمغربية مع الوﻻد
والزوجة واﻷم الحنون
واﻷصدقاء
وإلى اللقاء
واللّمة عند اﻷمسيات
والتكية جنب اﻷغنيات
والقدلة في السوق الكبير
نتمشى نغرق في الزحام
ملء العيون
بنحب كدا ونعشق تمام
إﻻ بْنكون قدر الثبات
ضد السُّكات
ضد التسكُّع والجنون
جنبا إلى جنب التماسك والحنين
أفتح زنازينك أهو بنفتح
شبابيك اليقين
_
المفضلات