صفحة 1 من 2 12 الأخيرةالأخيرة
النتائج 1 إلى 25 من 33

الموضوع: من شر البليلة ما يضحك!!!

     
  1. #1
    عضو فضي
    Array الصورة الرمزية aabersabeel
    تاريخ التسجيل
    Jan 2013
    المشاركات
    2,788

    من شر البليلة ما يضحك!!!

    [FONT=pt bold heading]

    [] من شر البليلة ما يضحك!!!

    أخوانا النفاجية ، صباح العيد،
    بالله تسمحو لينا باستراحة خفيفة:
    واحد من عروبنا ديل شالق، جاي من الخليج مخلي الحرم المكي وراه و قال داير يقضي العشرة الأواخر
    في الحلة.
    #فتاني يوم بس ضرب جرس . قال جاه ملل شديد من العطش والكتاحة العصار بقوم من صنقورك ؛ مع جو الرتابة المميت، من كثرة التكرار في كل شيء .
    #فلاحظ إنو الحلة تقريباً، إﻻ من رحم و فتح عليه ربك، يصومون و يفطرون علي حاجة واحدة ( السليقة): يمرقو كل صباح على الجزارة ريقان ريقان، يجيبو ربع أو تمن الكيلو دا شايلنو مصرور مضارى متل (فسحة الفحص) عند الدكتور، و عليه فرطاقة بصلة و سلقة ملحة و شوية موية؛ يضربوه مع حامى الشيء وضده(حلو مر).
    #و يلا علي التراويح ، يصلوها بالفاتحة و معاها برضو بس سورة واحدة / الإخلاس(قل هو الله أحد ) عشان يرجعوا فسراع فسراع يتكاملو النوم . الساعة 8 دي لو في جنازة ما تلقى طفاي النار البسترا .
    #ياخي ديل قال ليك : مرة الإمام الراتب تقل في السلؤقة شوية فقام صلى بيهم واحد عمك داقس كدا قام بعد الفاتحة هبش ليك راس
    ( و الضحى والليل إذا سجى ) فتعالت الصوات من خلفه، ينبهون و يزجرون : سبحان الله، لمن انخلع قام قال ليهم في شنو يا ناس ردو ليك بحس واحد يا زول دي ما ياها).

    Aabersabeel/ود الأصيل
    ***********&&&&**********
    [/
    FONT]

    التعديل الأخير تم بواسطة aabersabeel ; 06-06-2016 الساعة 12:05 PM
    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  2.  
  3. #2
    عضو فضي
    Array الصورة الرمزية aabersabeel
    تاريخ التسجيل
    Jan 2013
    المشاركات
    2,788


    الراجل خلاس راقد ليك
    مسدَّح في فراش الموت، بقول لي
    مرتو: شفتي و صيتي ، لو اتزوجتي بعدي ،
    جلابيتي الصفراء ديك ، أوعي كمان تمشي
    تورِّثيها لعريسك الحا يجيك، مفهوم؟!! قامت
    زولتك حدرت ليه كدا بعين فيها محقرة
    و قالت: ما ياها ديك القصيرة ؟ اطمن
    ياخوي ؛ ما هو زاتو كان جربا
    و لقاها زاتا ميها قدرو!!!
    أها شفت جنس دا؟!!
    *************

    التعديل الأخير تم بواسطة aabersabeel ; 29-11-2015 الساعة 08:59 PM
    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  4.  
  5. #3
    عضو فضي
    Array الصورة الرمزية aabersabeel
    تاريخ التسجيل
    Jan 2013
    المشاركات
    2,788

    أخونا دا مرطب شديد و قام
    لمن شعر بقرب المنية، حذر مرتو
    إنو: حسك عينك و أوعي لو عرستي

    بعد ما أنلحس، ثروتي الطايلة دي تمشي
    تمخمخي بيها مع عريس الغفلة الجايك. زولتك
    شايقية ملحلحة قالت:حاضر. يلا يوم مات و جهَّزو
    الجنازة جابت ليها علبة حشرتا جوة الكفن . قامت واحدة
    صاحبتا ناقشة الموضوع، قالت ليها: إنتي جنيتي، تدفني
    ليك أموال قدر دي في تربة؟!! قالت ليها : ما تخافي،
    أنا نفذت ليه وصيتو بالحرف: قمت سيلت التركة
    كلها و أودعتها في حسابي ؛ بعدينك حررت
    ليه درافت شيك بالمبالغ، و ح يندفن
    معاه، أها كان بقى راجل خليه
    يقدر يقوم يمش يصرفو!!
    ***************

    التعديل الأخير تم بواسطة aabersabeel ; 01-08-2015 الساعة 07:49 PM
    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  6.  
  7. #4
    عضو فضي
    Array الصورة الرمزية aabersabeel
    تاريخ التسجيل
    Jan 2013
    المشاركات
    2,788

    [size=6]
    دي واحدة بتاعت رومانسيات
    مشتهية يدلعوها، قالت لشريك حياتها:
    قول لي، أكتر زول بتحبو من جوة قلبك منو؟
    قال أمي. قالت: ثم من؟! قال أبوي. قالت ثم
    من؟!قال: إخواني و أصدقائي . برطمت و قالت:
    أها و بعيدن آخرتا معاك! يعني أنا وين؟! برة الشبكة
    يعني و لا شنو؟!! قال ليها بدبلوماسية مصطنعة: علا
    لاكين إنتي ما ما سألتيني عن أكتر واحد بعشقو؟!!
    هنا زولتك شهقت و استعدلت تاني ثم قالت: أها
    يا روحي قول لي : دي منو البتموت فيها دي؟!
    و الله ياخ بصراحة كدا، بس ما تزعلي، بعشق
    الهلال، و بموت في موجو الأزرق!!
    ****************
    [/
    size]

    التعديل الأخير تم بواسطة aabersabeel ; 25-05-2016 الساعة 05:49 AM
    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  8.  
  9. #5
    عضو فضي
    Array الصورة الرمزية aabersabeel
    تاريخ التسجيل
    Jan 2013
    المشاركات
    2,788

    [center][size=5[color="#9933ff"]]


    زولنا دا مرق الضحوة بدري
    على حواشتو لقى ليك العيوش دي بس،
    يا أرض احفظي ما عليكي مفرهدة شيء جداد و صقَّار،
    و شيء حملة و لتيبة. قام يا زووولك يدوبي ليك . و لمن لمح
    جارو من هنوووك كورك ليه: اسمع آ ود فلان ، عليك الله شوف جنس
    المسور السمح دا شن بستاهل ليه علا كان عرسةً جديييدة لنج. داك رفع راسو
    يجاريه، لكن شاف مرة أخونا واره في صفاقو جايبة ليه الفطور ملحقاه. فعمل حِميل،
    ما دايرو يتهورو يفلت ليه كلاماً بعدين يبقى مو قدرو . فقعد يتنحنح و قال ليه: و الله
    بستاهل ليه بس حجة و زوعة لي بيت الله دا. داك قال ليه:يا زول أقول ليك نعِّرس نسوي
    لينا بيتاً تاني.كان يوم الجلكينة دي عملت معانا شنكبة أنكبة طوالي نتكامل غادي، تقول لي
    كدي و كدي؟! ياخي ما بيت الله ملحوق في ساعتن آخَرا؟ كدي بس أصبر لي خلي درت السنة
    دي اليجينا و نقول كدي نلم الحصاد دا ، أها عليك أمان الله الشاف أخوك في نص الكوشة ، بي
    حريرتو و ضريرتو ، أصلو ما كضب!! و أنت خليك تكون لي وزير برا حقيبة!! علا لكن حالف
    طلاق بالتلاتة علا كان حتك نشوف ليك معاي بت حلال تحتحت فيها شيبك. و هو لسة
    قاعد يتجوعل و غرقان في أحلام ظلوط، و مو شايف بي قفاه( البعلة في الإبريق)
    لحدت ما لكزا بي وراه قام انخلع و يلا قعد يهترش ، قال لصاحبو:
    ما قت ليك حالف أعرس لروحي و أعرس ليك معاي و كمان،
    نعرس للأستاذة بت االشيخ دي زاتا معانا.
    ***********#####***********
    [/
    color][/size]
    [/
    center]

    التعديل الأخير تم بواسطة aabersabeel ; 08-05-2016 الساعة 12:48 AM
    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  10.  
  11. #6
    عضو فضي
    Array الصورة الرمزية aabersabeel
    تاريخ التسجيل
    Jan 2013
    المشاركات
    2,788


    جاراً لينا هنا رباطابي ممسوخ و قليل أدبٍ
    لمن لسانو متبري منو.. قام مسكني حكى لي دي:
    قال لي عمك دا جاي شايل ليه طبق بيض و طالع حافلة
    أمبدة كرور. لقاها خلاص مغلِّقة ما ناقصة و لا نفر. قال يشمِّع مع
    الكمساري في الباب و في المقعد الجنبو في راكبة واحدة دبل قير و دفرنش.
    قام قال ليها بكل زوق و أدب: يا حاجة عليك الله لو سمحتي أفتحي لي كرعينك
    ديل النكمد البيض دا. قالت ليه(جداً).لحدت هنا و الأمور طبيعية جداً. لكن يقوم
    يتسلط واحد أعمى شالق راكب في آخر كنبة لقط ليك الإسكتش المبتور دا بحاسَّة
    سمعو(الوحيدة الشغالة) ، و الظاهر كمان خيالو خصب شوية و واسع شديد.
    قام قلَّبا في راسو كدا لقى الشغلانة ح تجيب ليها هوا، قال: أفووو آناس
    ما جاطت. و قام تترب قمز و نط مرق بالشباك.
    **********^^^^^*********
    [/

    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  12.  
  13. #7
    عضو فضي
    Array الصورة الرمزية aabersabeel
    تاريخ التسجيل
    Jan 2013
    المشاركات
    2,788


    واحد أخونا دا كرستلاوي
    مشى سنن ملأ قرنو صاح ﻻمن غلبو
    ليك المشي طلبلو تكسي سواقو طلع شحمان
    جداً جداً و ما مستحمي.أخونا شم الريحة طاقة ﻻمن
    الطشمة فكت. قال ليه:هق .. هقق أرقد آعيش أنا جرابك،
    اسمع ياخينا، إنت عربيتك دي قوة مكنتا كم حصان؟ قام داك
    قاللو: 4 حصين!صاحبك:ههق، يا زول بصحك؟ الحصين ديل 3
    بس! السواق: كلام شنو يا زول؟!أيوة فاضلات3 حصين،
    كدي خزن يمين،في واحد ميت هنا جوة!!
    ***********^^^^^^************

    التعديل الأخير تم بواسطة aabersabeel ; 23-01-2016 الساعة 10:34 PM
    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  14.  
  15. #8
    عضو فضي
    Array الصورة الرمزية aabersabeel
    تاريخ التسجيل
    Jan 2013
    المشاركات
    2,788

    أخونا دا كراعو موجعاه
    مشى المستشفى الريفي
    قالولو بتر من حدها. صاحبو نصحو
    يمشي مدني قالولو بتر من الساق؛
    قام مشى الخرتوم قررولو بتر من القدم.
    قام طمع في الأردن اكتفو ببتر أصبع بس ؛
    قال كمان نواصل نقدها لأمريكا مرة واحدة؛
    يكمن يضفرو لينا ساكت بس
    و نجي منقلبين بالسلامة! !!
    *******^^^^^********

    التعديل الأخير تم بواسطة aabersabeel ; 30-03-2016 الساعة 09:18 PM
    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  16.  
  17. #9
    عضو فضي
    Array الصورة الرمزية aabersabeel
    تاريخ التسجيل
    Jan 2013
    المشاركات
    2,788

    have fun

    ::

    مهند ,, مهند ,,, قوم اصحى الثانية فجراً في ليلة شتاء حالكة السواد والبرد ينفخ ..
    قوم قوم ,,,محمد مالك ياخ ,, ما سامع يعني السكلي ده ؟ محمد انا لما اكون نايم ما بسمع ... بعدين انت صحيتني من حلم بجيني كل سنة وستة شهور مرة ,,, ودي عملية غير انسانية منك .
    طيب قوم ابو قناية مات ,,, محمد في زول قال ليك انا كتلتو ؟ وما تجر مني البطانية ,,,
    ارتفعت وتيرة السكليب كان النواح عظيماً ,, علماً ان اب قناية لم يكن متزوجاً ولم يكن له ابناء وهذا امر طبيعي ..الا ان النواح كان جامد يا حامد ,,
    بكل رحابة صدر طبعاً ختيت الرحمن في قلبي و قمتة قالو السترة و الفضيحة متباريات
    دقائق ووجدت كل الجيران موجودين الا المجرم عصفور وهو شخصية اساسية في هذه القصة ..وكان في الحضور احد اعيان الحلة وهو سعادتو ..... رتبة كبيييييرة لو جبت اسمو بلحق امات طه وممكن يلحقوني هنا احسن اسكت ... لانو خاتمة القصة تخدش كبرياء سعادتو ...
    تم تجهيز المرحوم في ساعات الصباح الاولى وكان البرد فظيعاً فكل الناس قد توشحت بما ثقل وزنه من الثياب .. تحرك الموكب المهيب الي مقابر الصحافة ولمن لا يعلم عنها فهي خلا جد جد يعني صقيعة ,, في السهلا ,, والهوا فيها في الصيف يلفح فما بالك بشتاء تتكرمش فيه اللوز ......
    كان المنظر موحشاً ولم تكن المقابر مضاءة بتاتاً اي ان عتمة ليل ما قبل الصبح كانت كئيبة بكل ما تحمل الكلمة من هناي ..
    اتي عصفور علي صهوة ركشتة مخموراً عادي عصفر يا هناي يا مخمور ...
    لا ازكر انه توضاء لكن ازكر انه صلى ...
    عصفور شخصية جبانة جداً يخاف من ظله وكان المنظر موحشاً والجميع خائف بما فيهم العبد لله
    كان الطريق الي القبر بعيداً وجرت العادة علي ان يحمل الناس النعش علي اكتافهم .. . الا ان المسافة كانت بعيده فتحرك النعش والناس من خلفه .. جلاليب تلخم وشنبات عظيمة ... كنت اسير وراء عصفور وكان الطريق العمومي للمسير بعيداً فخاطبني عصفور اللعين لما لا نختصر الطريق بين القبور علينا نصل قبلهم .. يعني نشاقق ونخلي النعش يمشي بالدرب العديل
    لم اتردد رغم خوفي من مبارة السكران دة فقلت هلم بنا ...
    وبداء المسير في الظلام البارد بين القبور .. نظرت خلفي فوجدت ان اكثر من 20 رجلاً يتبعنا عصفور يلف يمين انا وراو البعديني وراي دبيب بس يلف شمال في خطارتو .. وكم صدق الشاعر حين قال اذا كان الغراب دليل قوم ..فما وصلو لا وصل الغراب ..
    النصيحة لي الله انا عيوني صغار وخواف بعض الشي ,, والله لا بعض الشي ولا هناي مقابر ووضلام وبرد خواف عديييييييييييييل الا ان الموقف كان رجولياً ,, وما احسبه ان الجميع كان في ريبة من امر المقابر فالبعض يقول انها مسكونة بالجن الذي يتمشى ليلاً لزوم الفتنس وكده والاخر يقول ان الحمير تصيح ليلا بعد سمعاع التعذيب وبعض المساطيل يقولون ان الناس دي بتقوم عديييييل واساساً قالو في بعاتي لافي يعني .
    عموماً يعني والناس دي كلها كانت ملاوزة وما زال القطر يتحرك مع بعض التسبيح والتكبير والدعاء للموتي بالمغفرة ...ماش عصفور وانا خلفو ومن خلفي متزكرو كويس كان فتحي الترزي .. فتحي ده ده داير قصة براهو هههههههههه فتحي ده شخصية ظريفة جداً وهو أعرج النوع القدم كراعو معوج داك عندو مشية ظريفة كده بقدل وهو ماشي زي ما تعرفو بعرج ولا بعرض الله يواليه بالعافية لسانو هناي خلاس وما تسألوني اعرج وترزي كيف ببدل في المكنة ببدل بي كراع وحده و حات الله كراعو التانية برطوش بس يلحق يرشك بيها شلوت ,, الدايات ما بتقبلك تاني !!
    نرجع نرجع للسرد عموماً اثناء المسير بين القبور و عتمه الليل و الخوفة عصفور كان بصفر على حس اللترين خمرة الفي راسو متزكرها غنية شرحبيل احمد الليلة الهادي نهرتو عصفور عبيط انت ؟؟؟
    شنووووووووووووو يا هنوياخ !! ما فوكا حاجة ,,,
    انا عارفو كان خايف ومتوتر هو الما خايف منو ؟ واحنا ماشين و القطر وراااااااااانا رجال يعني و جلاليب و عمم فجاة عصفور وقف لما انا طقشتو و فتحي طقشني الناس وقفت وسامع في شنو في شنو ديل الناس الورا الرجال الما بختشو الحيين ههههههههههههه نظرت في عيني عصفور المخمورو فوجدها جاحظة تنظر يميناً نحو قبر رجل صحاااااااااااابي كم كان القبر كبيراً ويتوسط المسافة ما بين المسجد والقبر الذي نقصده
    نظرت في خوف فوجدت القبر يتحرك .. نعم يتحرك .. شُلت قدامي من هول الصدمة هبطة وقلبي نزل في سفنجتي تحت .. لالالا ياخ بكون بتهيأ لي معقولة يعني ؟؟؟ لالا ياخ ماف زول بقوم و الطلس ده ؟؟؟
    دقتت النظر والجميع من خلفي متوقفون لا يعلمون شيئا الا ان هناك خطب ما خطأ وقد خافوا ... نعم هناك من يحاول القيام من القبر ,, اهاااااااااااااااااااااا لالالا كده الكلام خشا الحوش ,,,
    الموضوع خطير بالجد ده لو قام ما بلحقنا الرقدو ... تبول عصفور في ملابسه فوراً
    واحنا واقفين فتحي قال لي مهند مهند وانا مخلوع دشنو دشنو يا مهند بي صوت فيه بحة كده وهو مادي رقبتو وتاني ضهرو و واقف لي وقفة كده هو زاتو يخوف .
    و مع كلامو راينا راساً ما يقوم من القبر
    ( شت ) هنا المارثون بداء عصفور جرا قدام طوالي انا شايف غبار بس... انا زاتي جريت للامانة يعني ولا بكضب ولا هناي مقابر وبالليل و واحد مادي لي راسو من تحت متخيلني ح اقيف يعني ؟؟ كان اقيف ما عارف ح اعمل ليه شنو حنتضارب يعني ؟؟؟ انا عارف نفسي قوي وممكن عادي ارش ليكم المرحوم بونية اكتلوزاتو ,, بس ده ما وقتو يعني المهم المهم في الاتجاه المعاكس لعصفورمسكت الجلابية في خشمي وهاك اولاُ انا اكتشفت انو انا جراي يعني وده في حد ذاتو اكتشاف خطير لما تكتم انا عادي بربط مكنة فهد وما بتشوفو الا سفنجاتي بي ورا ,,, صراحة انا فقدت فرده سفنجتي الظهرية لانو نخرة السفنجة اتفكت من الخرم بتاعا وده ما وقت حركات زي دي يعني لما اتفكت متخيلاني ح ادنقر و اصلحها وهناي ؟ فكيتها ليك زي الترتيب وبي فرده وحده غسيل جد القبر الكبير بنطو و الصغير ,,, النبي كان تعفو لي ,, والناس دي كلها جرت جري نضيف ما براي يعني الغريبة و الممحانني لي يوم اليلة سامع بي وراي زول بقول لي زح زح زح وانا جاري سريع يعني والصوت بقرب زح زح فجاءة لقيت ليك فتحي الترزي الي هو اعرج ,,,, فووووووو جاء ماشي لي فيني ,,, ما عرفتو ده فتحي ولا لامبرقيني ده ولا فيراري فوووووووو خلاني ليك بي وراو شايف ليك جلابيتومربوطه في سدرو فوق وال ترورو فت فت فت
    انا لو ما سامع كورج كروج و شايف القدلة الما بتغباني وحات ديني اقول ده ما فتحي ... لا قبر قدامك ولا يحزنون ..
    ودي ما المشكلة لالالا معاي كده الكتف بالكتف كان سعادتو ,,, كمندان النبي فيك كان القصة دي جاتك ما تركز معاي كتير انت عارفني اساساً ما هناي يعني ,, بقا يا سعادتك الجلابية السكروتة والسوناتا و البوكس الخمس شنكل والحرس الفي البيت وقصصك انا لما كنت قائد المنطقة شنو ماعرف وانا في العمليات لما حررتة و عامل لينا فيها رامبو والبطولات و الاوسمة الفي الصالون واي عرس في الحلة جايب لينا كلاشنكوف و مسدسات وشابكنا تاح تاح تاح اجي القاك جاري معاي ؟؟؟ يعني يا كمندان ما عصرت على ياخ انا اجري لكن انت ما هناي يعني ما بتشبهك حركاتنا دي ياخ ,,, دقيقة دقيقة سعادتك انا راجع السودان الشهر الجاي اي حركة غدر ولا استغلال نفوذ الله بسألك نحن جيران و الرسول وصاك علي فخليك عميق كده وما هناي يعني
    المهم العشرين راجل ديل نصهم جارين وما عارفين الحاصل شنو
    خصوصاً مدثر ود الاستاذة ده كان جاري و بكورك زي البمحطو فيه لشنو ما عارف ماكلنا جارين وساكتين يخ مدثر ده هو الفضحنا زاتو الله يازاك ياخ عدو انت ... نرجع نرجع
    تبين ان هناك كلب تافه حقير يرقد وراء ذاك القبر وكان نائماً فايقظه صوت الاقدام وبكل حسن نية مد راسو داير يشوف الحنك شنو ... فركض الناس وركض الكلب معهم واحسب ان الخلعة الخشت في الكلب لي يوم الليلة ما مرقت منو ههههههههههه وانا بي امانة احب اعتذر للكلب ده لانو اقلقنا منامه مع اني لي اسي ما عارف البرقدو هناك شنو ... بعدين انت يعني سبب واحد يخليك تمد راسك ماف ؟؟ يعني معقولة باليل ده ياخي عيب عيب ,,
    المهم نظرت في شجاعة لاجد ان كل فرد في مكان ابعد ما يكون عن الاخر وانفلت عقد اللؤلؤ عن الطوق وتناثرت الجلاليب في المقابر بعد ان صرخ شيخ عيسي المؤذن ياناس ده كلب ده كلب .. توقف الناس ..اما انا فلا اذكر انني توقفت الا امام القبر الخاص بابو قناية واذكر انو كنت بي فرده سفنجتي الظهرية الا ان اضراري لم تكن بالغة بقدر البعض فهناك مركوبان جلد نمر اصلي ما اتلقو لي يوم الليلة سيدهم رجع حفيان منهم سعادتو
    انتهي الامر بسلام وتم قبر المرحوم وبداء الدعاء له بالمغفرة والكل يتبسم في خبث تجرو يخسييييي وعصفور المخمور يضحك باعلي صوته وطبعاً بنطلونو مبلول قال الموية اتكشحت فيني هو اساساً ما اتوضا زاتو وانا واقف جمب فتحي الترزي قلت تتح عامل لي فيها اعرج آآآآ وجايني طاير بي سرعة الافلات ,,, يعني لو ما كراعك معوجة كان عادي ممكن تجيب للسودان بطولات في الجري السريع وهو يضحك و وشو اغباااااااش من الهوا الضربو والناس دي مقبره وكل الناس دي بتضحك واثار الدموع في الجضوم سيور سيور .... وحان وقت دعاء السيد اللواء المشهور بشجاعتة ووقفه في الحارة بالدعاء للمرحوم وختم الدعاء بقوله وهو يحاول ان يحفظ ماء وجهه بعد الجرية المحترمة ... يا اخوانا الحصل دة يتدفن هنا مع المرحوم ده ما يطلع وما زال الناس يبتسمون في خبث بما فيهم انا ...... اوماء الجميع بالقبول .. ورجعنا الي ديارنا مقبرين وانصاف حفاة والبعض علي وتيرة سعادتو كرعينو والصقيعة
    احب اقول لي سعادتو الموضوع ده اندفن بما في كفاية ...

    تداولت نساء الحلة الشمار في الجزارة ولم يدفن مع المرحوم ياقول امي سجم خشمك يا البتجري من الكلب ,, امي انا هين عصفور بال وسعادتو مركوبو ابو أصلة لى هسع شاهد فى المقابر ....

    😜😜😜😜

    التعديل الأخير تم بواسطة aabersabeel ; 23-01-2016 الساعة 10:40 PM
    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  18.  
  19. #10
    عضو فضي
    Array الصورة الرمزية aabersabeel
    تاريخ التسجيل
    Jan 2013
    المشاركات
    2,788

    نكتة من الزمن الجميل
    في البرلمان 1986، نقد واقف
    مع أبوسبيب و دفع الله التوم جاء
    النائب هجو قسم السيد شايل مصاحف
    طبعة فاخرة.. أدى الاتنين و فط نقد . نقد ناداه
    و سأله: ليه مالك ما اديتني أنا مصحف؟ ' - هجو:
    ما حبيت أحرجك. نقد و قد عُرِف بانه صاحب نكتة و
    بارع جداً في صناعة نكتة الموفق قالو : أنا اسمي محمد
    إبراهيم نقد الله.. إسمي فيهو اتنين انبياء!
    من الله ما خلقك علييييك الله سمعت
    ليك بي نبي اسمو هجو ؟
    ******^^^^^******

    التعديل الأخير تم بواسطة aabersabeel ; 30-03-2016 الساعة 10:23 PM
    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  20.  
  21. #11
    عضو فضي
    Array الصورة الرمزية aabersabeel
    تاريخ التسجيل
    Jan 2013
    المشاركات
    2,788



    دا واحد كمان مشكنب
    جنو شلاليت. كل البلقاه قدامو
    بس ليك يكطع فيه شلوت. قام يوم
    لقالو جماعة ساجدين يصلو وقف قال:
    ديل شنو كمان المفنفجسين لي بالصف
    ديل.ﻻمن جهجهتونا عديل.الواح
    د موعارف زاتو يشلت منو
    فيكم و يخلي منو !!!

    *****^^^^*****

    التعديل الأخير تم بواسطة aabersabeel ; 23-01-2016 الساعة 10:49 PM
    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  22.  
  23. #12
    عضو فضي
    Array الصورة الرمزية aabersabeel
    تاريخ التسجيل
    Jan 2013
    المشاركات
    2,788

    دا كمان واحد زهجي
    لمان شايل أخلاقو هنا في رأس نخرتو.
    ياخي دا من شدة رويحتو ما مكركرة براها،
    شفت مرات لامن يزهج من ضلو المباريه دا يقول ليه:
    يا زول بقول ليك أحسن لك تختاني بي الله واحد، و لا تكترو
    و تقللو انشبك فيك ، علا بعدين يفرزونا باللباسات. أها مرة كدي
    عارف زولنا دا عندو معزاية ماخدا جديدة و محيَّنة لبن ، جاب قرعتو
    داير يحلبا و هي ملقلقة و نفسا عاجباه بالحيل. قامت أتمنعت ليك عليه
    رفستو مرة و مرتين فوتا ليها التالتة جاتو ليك الحالة قام قال لها بترفسيني
    أنا آ بت الغلفاء إنتي ظنيت أهلك ما حدسوك بي؟ يلا قام جاب لو سلبة عكما
    دورجا و ربطا ليك على الشبعة سمح لمن قطعا النفس ، و حكل كريعاتا حلبا
    ليك بالغسب لمان ملأ قرعتو و يبيلا مسكا ليك من نخريها كباه ليها
    سعطا ليك باللبن في نخريها لامن شرقت.و قام فايت و قال لها:
    أها يلا أريتك أشبعي بيه.. و إن شاء الله
    المشتهي الحنيطير يطير.
    *****^^^^^*****

    التعديل الأخير تم بواسطة aabersabeel ; 30-03-2016 الساعة 08:45 PM
    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  24.  
  25. #13
    عضو فضي
    Array الصورة الرمزية aabersabeel
    تاريخ التسجيل
    Jan 2013
    المشاركات
    2,788

    [FONT=pt bold heading]

    من طرائف اختﻻف اللهجات .
    مصري خش يفك شكلة بين اتنين سودانيبن.
    قربو يتلابعو واحد منهم قال للثاني
    : اصبر لي ساكت
    أنا بوريكيا عوقة(بلاقبك في فرقة و بلحسك المرقة) !قام المصريلفح
    ليك كلمةعوقة دي جرى عليهم داير يفكهم و قال للغوقة:خلاص يا أخ
    عوقة. دانتو أخوات برضك.. و خليك أنت أحسن منو يعني!المصري دا قالو
    من ديك و لي هسي راقد يلاوي في عنبر شيخ العرب. لاطمو لي أخونا العوقة
    بطالوش متل طالش أب عاج أخوي دراج المحن أها مصدوم وبسأل:طب هـو الأخ
    عوقة دا عمل فيا كده ‏ليه.منو لله. علمتاو أإيه دي بقا دي جزاتي يا ولداه
    اللي الخفت قلت أحوشهم ما أسيبهومشي واحد يئذي التاني؟!
    دانا عمري ما شفت وحشية و فظاعة زي كدا!! ياخ دا الراجل
    الكان المتخانق معاه دا سمعو بودنيا دول قبل ما
    يتشمعو خالص و هو عمال بيعزمو ع العشاء؟
    يا عيني، بالله شفت جنس البراءة دي
    *******@@@@@*******

    FONT]

    التعديل الأخير تم بواسطة aabersabeel ; 24-02-2016 الساعة 08:32 PM
    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  26.  
  27. #14
    عضو فضي
    Array الصورة الرمزية aabersabeel
    تاريخ التسجيل
    Jan 2013
    المشاركات
    2,788

    قصة ضحكتني وادهشتني ف الوقت نفسه .
    (كيد النساء للنساء ) من أعجب ما ستقرأ !
    يحكى أن امرأتين دخلتا على القاضي ابن أبي ليلى، وكان قاضياً معروفاً وله شهرته في زمنه.
    فقال القاضي : من تبدأ؟
    فقالت إحداهما : ابدئي أنتِ.
    فقالت الثانية : أيها القاضي مات أبي وهذه عمتي وأقول لها يا أمي لأنها ربتني وكفلتني حتى كبرت.
    قال القاضي: وبعد ذلك؟
    قالت: جاء ابن عم لي فخطبني منها فزوجتني إياه. وكانت عندها بنت فكبرت البنت وعرضت عمتي على زوجي أن تزوجه ابنتها بعد ما رأت
    بعد ثلاث سنوات من خلق زوجي.
    و زيّنت ابنتها لزوجي لكي يراها. فلما رآها أعجبته. قالت العمة: أزوجك إياها على شرط واحد أن تجعل أمر ابنة أخي (زوجتك الأولى) إليّ .
    فوافق زوجي على الشرط.
    وفي يوم الزفاف جاءتني عمتي وقالت :
    إن زوجك قد تزوج ابنتي وجعل أمرك بيدي فأنت طالق
    فأصبحت أنا بين ليلة وضحاها مطلقة .
    وبعد مدة من الزمن ليست ببعيدة، جاء زوج عمتي من سفر طويل، فقلت له يازوج عمتي: تتزوجني؟ وكان زوج عمتي شاعراً كبيراً.
    فوافق زوج عمتي. وقلت له لكن بشرط أن تجعل أمر عمتي إلي، فوافق زوج عمتي على الشرط، فأرسلت لعمتي
    وقلت لها: قد جعل أمرك إلي،ّ وأنت طالق . ثم تزوجته.
    فأصبحت عمتي مطلقة
    وواحدة بواحدة. أطال الله عمرك.
    فوقف القاضي عندما سمع الكلام من هول ما حدث. :
    وقال :
    يا الله .
    فقالت: له اجلس !
    إن القصة لم تبدأ بعد
    فقال: أكملي ...
    قالت : وبعد مدة مات هذا الرجل الشاعر، فجاءت عمتي تطالب بالميراث من زوجي الذي هو طليقها.
    فقلت لها ؛هذا زوجي فما علاقتك أنت بالميراث ؟
    وعند انقضاء عدتي بعد موت زوجي جاءت عمتي بابنتها وزوج ابنتها الذي هو زوجي الأول وكان قد طلقني وتزوج ابنة عمتي
    ليحكم بيننا في أمر الميراث . فلما رآني تذكر أيامه الخوالي معي ، وحن إليّ .
    فقلت له: تعيدني ؟
    فقال: نعم .
    قلت له: بشرط أن تجعل أمر زوجتك ابنة عمتي إلي.
    فوافق. فقلت لابنة عمتي أنت طالق!
    فوضع أبو ليلي القاضي يده على رأسه وقال
    أين السؤال ؟
    فقالت العمة : أليس من الحرام أيها القاضي أن نُطلّق أنا وابنتي ثم تأخذ هذه المرأة الزوجين والميراث؟
    فقال ابن أبي ليلي :
    والله لا أرى في ذلك حرمة
    وما الحرام في رجل تزوج مرتين ، وطلق ، وأعطى وكالة؟
    وبعد ذلك ذهب القاضي للخليفة المنصور وحكى له القصة ، فضحك حتى تخبطت قدماه في الأرض وقال :
    قاتل الله هذه العجوز ،من حفر حفرة لأخيه وقع فيها . وهذه وقعت في البحر
    .

    التعديل الأخير تم بواسطة aabersabeel ; 30-03-2016 الساعة 08:49 PM
    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  28.  
  29. #15
    عضو فضي
    Array الصورة الرمزية aabersabeel
    تاريخ التسجيل
    Jan 2013
    المشاركات
    2,788

    قالو في استاذ مشي لبتاع فواكه
    قالو ليه عليك الله اديني موزتين ، شوفن بيوزنن
    نص كيلو ؟🍌🍌 ، و فرد برتكانة ما دستة 🍋🍋 و باقي ناس
    جوافة وكيوي و سفرجل و جنس الحاجات ديلك عاد ، إلا كروفة ساي!!
    و لا شوف عين الما كتل لو غزال. بتاع الفواكه نقش أستاذو، قال ياولد تعال
    ارفع للاستاذ دا 10 كيلو 🍌🍌🍌 و كرتونة 🍋🍋🍋 و كرتونة 🍎🍎 و كيلو 🍒🍒و كيلو
    🍓🍓شنو داك و ٣ بتاتيخ 🍉🍉 المهم جيه عمك طب جيه شديدة و قالو يا أستاذ
    عندك عربيه طبعاً ، دحين البرادو الوقف داك مو هيلك؟ شعر بالاستفزاز و قال!: لا.
    بتاع الفواكه قال ياولد وقف ليك أمجاد وارفع فيها حاجات الاستاذ و حرام بالتلاتة يا
    أستاذ ما تدفع تعريفة ولا ملينة حمراء ، عمك لامن انبهط قالو يا ولدي ما عرفتك بتاع
    الفواكه قال تزكر يا فندي زمان في المدرس الفلانية لما محطتني ليك بي حبل عاشميق
    و انا تلبت منك بالشباك ، و يلا من ديك و عيك الشوفة يا روفة للمدرسة،
    أصلي تاني مارجعت للقراية أم دق، عمك صفق كف على كف ثم علي
    جضومو ، و قال ليه هي نان يا و لدلي و الله اريتني يومي داك كان
    تلبت جريت معاك، ترانا قاعدين لي هسي هدا نتزحزح
    مع شغلانة الطباشيرة المهببة دي لامن
    عصيبنا انشمط ركينا هديل ساحن
    ********$$$$$$$********

    😂😂😂😂😂😂😂

    التعديل الأخير تم بواسطة aabersabeel ; 30-03-2016 الساعة 08:42 PM
    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  30.  
  31. #16
    عضو فضي
    Array الصورة الرمزية aabersabeel
    تاريخ التسجيل
    Jan 2013
    المشاركات
    2,788


    غايتو ،،، جنس غايتو
    ياخ عمك دا شدة مو جلدة شديد،
    لامن يكطع الخميرة من بيت النمل. فقام مرة
    جابو ليهم خدامة حبشية في البيت قام سألها: الناس
    الكنتي شغالة معاهم كانو بدوكي كم؟عشان ما نقوم كمان
    نظلمك بعدين،؛ قالت ليهو بكل براءة و صدق و أمانة : الصراحة
    كنت شغالة بي بطني ساي؛ يعني كنتا بضوق معاهم ياها لهمت
    الكسرة دي آكل و أشرب بس و اتنفض افوت أتراوح أهلي؛ قام هنا زولك طوالي شغل ليك فيروس الجشع انعدل في قعدتو ، ثم اتنحنح و قال ليها: طيب يا بت الناس نحنا ترانا ح نبقى ليك متل أهل أمك و أكتر ، و بيناتنا عشرة عمر ،
    فلو ياخ إتعشمنا فيك ساي تراعينا شوية ،أها طيب ،
    ما بتجاملينا تخلي لينا حاجة بسيطة!!!
    - قالت لو بسخرية ألم: خلاس بعفيكم من أية أتعاب ، بس بجيب لي رغيفة أغمسا في دخان شيتكم ، و لامن أفوت أشرب في بيتنا. كدا كويس معاك؟!!
    😂😂😂😂😂
    فغايتو جنس غياتو ،بالله شوف جنس دا !!
    قلنا ليك الوضع أصبح أليم شديد
    !!

    التعديل الأخير تم بواسطة aabersabeel ; 14-10-2016 الساعة 07:51 PM
    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  32.  
  33. #17
    عضو فضي
    Array الصورة الرمزية aabersabeel
    تاريخ التسجيل
    Jan 2013
    المشاركات
    2,788


    (مال الجاحدين.. يأكلوه و احدين)
    عمك المادح قاعد يمدح فى السوق
    و الناس بختو ليهو في القروش فى الطاقية
    ماكنة و كت شافا ليك اتملت بالفكة حاول يكلفت
    المدحة و داير يلمها يتخارج من ضو ، يقوم يتسلط ليك
    واحد شماشي خم ليك الحسبة كولها ، و قام جاري، خلا ليه
    خشمو ملح ملح و يلا عمك المادح جدع طارو م طاير وراء الحرامي
    يسابق الريح و لامن ركبينو ساحن و غلبو يلحقو جا راجع شال الطار
    بآخر نفس قال: نجرب حظنا تاني نلقط لينا حويجة نتعوض بيها الله.
    هنا جاه واحد خالي الذهن ما ناقش حاجة طلب منو طلب
    حثيثن قال ليهو عمي المادح عليك الله كان ما مدحت
    لينا شفيع الأمة المادح زعلان قال ليهو ،
    عليك الله دى أمه يشفعو ليها
    ******&&&&&******



    التعديل الأخير تم بواسطة aabersabeel ; 17-04-2016 الساعة 01:12 AM
    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  34.  
  35. #18
    عضو فضي
    Array الصورة الرمزية aabersabeel
    تاريخ التسجيل
    Jan 2013
    المشاركات
    2,788


    (من شر البليلة ما يضحك!!!!!)
    (كل زول في همو.. حتى جحا وعمو )
    ﺳﺄﻝ ﻃﻔﻞ ﺟﺪﻩ : ﻫﻞ ﻋﻨﺪﻙ ﺃﺳﻨﺎﻥ ﻳﺎ ﺟﺪو ؟
    ﺗﺒﺴّﻢ ﺍﻟعجوز ، إذ لم يصدق أن أحداً سيعيره أذنيه أخيراً لكي
    يثرثر، و يفتح له باباً لفضفضة، ﻭ ﺃﺧﺬ ﻧﻔﺴﺎً ﻋﻤﻴﻘﺎً.. ﺛﻢ تأوه طويلاً و ﻗﺎﻝ :
    (ﻳﺎ ﺑﻨﻲ ﻫﺬﻩ ﺍﻟﺤﻴﺎﺓ ﻋﻠﻤﺘﻨﻲ ﺍﻟﻜﺜﻴﺮ ﺑﺎﻟﺮﻏﻢ ﻣﻦ ﻗﺼﺮﻫﺎ ..ﺍﻷﺳﻨﺎﻥ ﻛﻤﺜﻞ ﺍﻷخلاء
    تجدهم ﻣصطفون من ﺣﻮﻟﻚ و أماماك كما البنيان المرصوص.. ﻫﻢ ﻣﻌﻚ ﻭ في ماول
    خدمتك من حيث لواكة مغايس الدنيا و ﺗﺎﺭﺓ يكونون هم أبرز سبابها ..تماماً كحال من
    يداويني بالتي كانت هي الداء،، ﻭ ﻳﺆﻟﻤﻮﻧﻚ ﺗﺎﺭات عديدة..و ﻋﻠﻴك ﺃﻥ تأخذهم بمنتهى اللين
    و تتعاهد رعايتهم بالحلم و الأناة ..ﻣﻦ ﻳقسو عليك منهم فيوجعك في مقتلٍ قد يكون لتسوسٍ
    ﻓﻴﻪ..ﻭ قليلٌ منهم بلا نادرٌ جداً من يظل معك محافظاً دوماً على نقاءجوفه كما هي نصاعة
    ظاهره.. ﻭ ﺍﻟﺴﻦّ ﺍﻟﺬﻱ تقدم على خلعه سوف لن ينبت لك مجدداً، إنما ﻫﻮ تماماً ﻛفقدان
    ﺼﺪﻳﻖ حميم فارق و لن يعود و أنت لفراقه محزون تدمع عيناك و ﺗعتصر قلبك ألماً
    لأجله .و لكن فقط إلى حينٍ ، ريثما تتماثل للشفاء من ﺃﻟﻤﻪ حتى ﺗﻨﺴﺎﺍﻫ مرةً
    و إلى الابد ..ﻭ ربما ترك لك فراغاً ذهيناً لتستغله كمجرىً لشريط الذكريات
    الشافع عاؤز من الآخر : ﻳﻌﻨﻲ يا جدو أنت بس ﻋﻨﺪﻙ ﺳﻨﻮﻥ ﻭ ﻻ
    ﻣﺎﻋﻨﺪﻙ؟ ﺍﻟعجوز قال: للأسف يا بني ، لا : ﻣﺎﻋﻨﺪي!! ؟
    ﺍﻟﻄﻔﻞ : طيب الحمد لله، ﺧﻼﺹ كدي
    هاكﺍﻣﺴﻚ ﻟﻲ تفاحتي دي، و أوع
    تقوم تقرمالحدت ما ﺍﺟيك…
    ههههههههههههههههههههه

    التعديل الأخير تم بواسطة aabersabeel ; 17-04-2016 الساعة 01:19 AM
    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  36.  
  37. #19
    عضو فضي
    Array الصورة الرمزية aabersabeel
    تاريخ التسجيل
    Jan 2013
    المشاركات
    2,788







    #عندما يصبح الدين
    تهمةً يتبـــــرؤون منها #
    حكى الشيخ الدكتور / عائض القرني
    شفاه الله و عافاه: أن مواطنا سويديا هداه الله
    لاعتناق ديننا الحنيف لتوه؛ ثم ما لبث أن وافاه عيد
    الأضحى ، فأتى بعجلِ سمينِ جسد له خوار ، لزوم الأضحية و كدا، ثم شرع في ذبحة. و لكن
    نظرا لحداثة عهده لم يوفق، قام (حرجم) اللبهيمة الملسكينة و التي و لت
    منه مدبرة ، و لم تعقب ، بعد أن لامست الشفرة بلعومها. فسقط في يد الرجل
    ثم أ إلى أقرب مسجدٍ طلب يد العون . دخل على المصلين يلوح بالسكين
    في بيده و هي تقطر دما. سألهم : أليس فيكم مسلمٌ يذبح؟! فأوجسوا
    منه خيفة , إذ ظنوه (داعشياً) خطيراً ؛ و كأنما يمتشق حزاماً ناسفاً
    و تنازعوا أمرهم بينهم ، ثم دلوه على إمامهم الراتب، و الذي
    انتفض بدوره مستنكرا : أنا و مين قال ليكم؟! إنتو ح
    تشبهوني ليه و تلفقولي تهمة باطلة ليه؟! يعني
    الواحد ما يعرفش يصلي قدا ركعتين بس،
    إلا طوالي تقولو عليه مسلم؟!!!!!!
    *******&&&&&*******

    التعديل الأخير تم بواسطة aabersabeel ; 03-05-2016 الساعة 03:14 AM
    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  38.  
  39. #20
    عضو فضي
    Array الصورة الرمزية aabersabeel
    تاريخ التسجيل
    Jan 2013
    المشاركات
    2,788

    يقال إن إحدى الحويوات
    و ليست طبعا أمنا الأولى، مرة عمك
    أحد الأوادم عمل رايح منها . فجن جنونها
    و قامت طايرة تكوس ليه طافت ما بين أقطاب
    الدنيا الأربعة. أخيرن لامن عترت فيه عملت ما شايفاه.
    و يلا هاك يا تقل و يا غنج: يااااه، هو أنت جيت يا أدومتي؟!!
    طبعا تلقاك كنت ح تمووووت من الخوف عليا، و أنا والله راحت
    علي حتة نومة هنا بين أزهار الرياحين و الفرتفل. و عمك
    ناقشا كويس تناهف لمن نفسا قايم. قال ليها: قرنفل
    مين و هبهان مين يا ست انتي،
    دا حنا دافننوا سوا!!!!!!

    التعديل الأخير تم بواسطة aabersabeel ; 16-05-2016 الساعة 10:17 PM
    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  40.  
  41. #21
    عضو فضي
    Array الصورة الرمزية aabersabeel
    تاريخ التسجيل
    Jan 2013
    المشاركات
    2,788

    ههههههههههه
    الراجل داخل البيت زهجان ومفلس....
    ﻭ ﺩﺍﻳﺮ ﻳﻔﺶ ﻏﺒﻴﻨﺘﻮ ﻓﻲ ﺯﻭﺟﺘﻪ .. ﻗﺒﻞ ﻡ ﺗﺴﺄﻟﻮ
    ﻗﺎﻝ :ﻟﻴﻬﺎ ﻟﻤﻲ ﻫﺪﻭﻣﻚ ...ﻭﻓﺠأﺓ ﻗﺒﻞ ﻳﺘﻢ ﻛﻼﻣﻮ ﺟﺎﻫﺎ
    ﺗﻠﻔﻮﻥ ﻭﻓﺘﺤﺖﺍﻻﺳﺒﻴﻜﺮ .ﻫﻲ : الو ﺑﺎﺑﺎ كيف الحالة مع الغربة
    البطالة.ﺍﺑﻮﻫﺎ :ﻛﻴﻔﻚ ﻱ ﺑﻨﺘﻲ ﺍﻧﺎ ﻫﺴﻲ ﻣﺸﻐﻮﻝ ﺷﻮﻳﻪ ﺑﺤﻜﻲ ﻣﻌﺎﻙ
    ﺑﻌﺪﻳﻦ ﺑﺲ ﻛﻨﺖ ﻋﺎﻳﺰ ﺍﺧﺒﺮﻙ ﺍﻧﻮ ﺍﻧﺎ ﺣﻮﻟﺖ ﻟﻴﻚ 100ﻣﻠﻴﻮﻥ ﻋﺎﺭﻑ ﻇﺮﻭﻓﻚ
    ﻭ ﺍﺗﺼﺮﻓﻲ ﻓﻴﻬﻢ ﻛﻮﻳﺲ ﻭﺳﺎﻋﺪﻱ ﻣﻨﻬﻢ ﺯﻭﺟﻚ ...ﻭﻗﻔﻠﺖ ﺍﻟﺨﻂ ﻭ ﻗﺎﻟﺖ ﻟﺰﻭﺟﻬﺎ:
    ﺍﺳﻔﻪ ﺣﺒﻴﺒﻲ ﺍﺑﻮﻱ ﻗﻄﻊ ﻟﻴﻨﺎ ﻛﻼﻣﻨﺎ ﺍﻫﺎ ﺍﻧﺖ ﻗﻠﺖ ﺷﻲ .... ﻗﺎﻝ ﻟﻴﻬﺎ : ﻻ ﻻ
    مافي عوجة ، بس ﻗﻠﺖ ﻟﻴﻚ ﻟﻤﻲ لي ﻫﺪﻭﻣﻚ ﺍﻏﺴﻠﻬﻢ ﻟﻴﻚ أﻧﺎ ﺍﻟﻠﻴﻠﻪ
    ﻓﺎﺿﻲ و قالو عطالتك عين بيها عدوك ما گٍلّآٍمٌ و بالّلّهً أها، شفت
    كيف الكاش بفلل النقاش و الضحاكات بمرقن السنينات
    مهما كانن غاتسات و يشدن يفرهدنالشليضيمات
    مهما ما كانن مبرطمات ؟!!

    التعديل الأخير تم بواسطة aabersabeel ; 16-05-2016 الساعة 10:41 PM
    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  42.  
  43. #22
    عضو فضي
    Array الصورة الرمزية aabersabeel
    تاريخ التسجيل
    Jan 2013
    المشاركات
    2,788

    تنااااااأأأأأأأحـــــــة
    #أخوك كان بقى ليك عسل ما تبقى ليه متتتتتاخ#.
    _ضيف ثقيل الدم ، مكادي الطبع: السلام عليكم اللخو!
    _أهل الدار : مرحب أتفضل ، أبقى لا جوة، استريح، أها شاي و لا قهوة؟!
    _ و الله ياخ كان جمعتوهن الله يجمع شملكم، الاتنين ماني مابيهن، علا
    لاكين المشملة لسة ماني فاطر.

    التعديل الأخير تم بواسطة aabersabeel ; 16-05-2016 الساعة 10:26 PM
    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  44.  
  45. #23
    عضو فضي
    Array الصورة الرمزية aabersabeel
    تاريخ التسجيل
    Jan 2013
    المشاركات
    2,788

    لكن ي شيخنا كمان في
    نوع تنح بحكها لامن تجيب الدم..
    أها كمان دا واحد في بيت بكا لابد ليك جنب
    اتخن ثيرموس شاي، وارد الخليج النوع داك البكب
    ليك منشحط علي حيلو متل برج الفاتح.يلا عمك كلما
    رجب فوج معزين الجماعة يقومو يشيلو الفاتحة ، هو
    بنتهزا فرصة يعصر يجغم ليه كباية. ففي واحد مراقبو
    مراقبة لصيقة و ممغوس منو . لامن هبشو
    الترمسة لقوها كرتاحة. داك قال لهم.
    اعصرو الجمبها دا بكب بي تحت.


    التعديل الأخير تم بواسطة aabersabeel ; 16-05-2016 الساعة 10:28 PM
    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  46.  
  47. #24
    عضو فضي
    Array الصورة الرمزية aabersabeel
    تاريخ التسجيل
    Jan 2013
    المشاركات
    2,788

    [color="#4b0082"]

    جعفر نميري لما سقطت
    مايو ممغوس سامع بقولو: الطاغية
    المخلوع.و شايف صور جزولي دفع الله
    قال: بالله هسي مخلوع أنا و
    لاجنس المبرعم دا؟!
    color]

    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  48.  
  49. #25
    عضو فضي
    Array الصورة الرمزية aabersabeel
    تاريخ التسجيل
    Jan 2013
    المشاركات
    2,788

    وصلتنى طازه 😂😂😂😂😂😂

    ﺍﺑﻮ ﺍﻟﺸﻮﺵ الشايقي ﺍﺷﺘﺮﻯ ﻗﻄﻌﺔ ﺣﺪﺍﺩﻯ ﻣﺪﺍﺩﻯ . ﻭﻓﺎﺗﺤﺔ ﻓﻰ ﺷﺎﺭﻉ ﻇﻠﻂ ﻭﻧﺎﺻﻴﺔ ﻣﻦ ﺍﻟﺠﻬﺘﻴﻦ .
    ﺑﻨﺎ ﻭﻇﺒﻂ ﺍﻟﺒﻴﺖ ﺟﻮﺓ ﻭﺑﺮﺓ .ﻭﺿﺮﺏ ﺍﻟﺴﻮﺭ ﺑﻮﻣﺎﺳﺘﻴﻚ ﺍﻟﻤﻬﻨﺪﺱ ( ﻟﺒﻨﻰ ..ﻟﻮﻥ ﺍﻟﺴﻮﺩﺍﻧﻴﻴﻦ ﺍﻟﻤﻔﻀﻞ ) ..
    ﻋﻤﻞ ﻛﺮﺍﻣﺔ ﻋﺰﻡ ﻛﻞ ﺍﻟﺠﻴﺮﺍﻥ ﻭﺿﺒﺢ ﻟﻴﻬﻢ ﺗﻮﺭ ﻭﺧﺮﻭﻓﻴﻦ ﻭﺟﺎﺏ ﻧﺎﺱ ﻣﺪﺍﺣﻴﻦ ﺷﻐﺎﻟﻴﻦ ﻣﻦ ﺳﺎﻋﺔ ﺍﻟﻔﻄﻮﺭ ﻟﻰ ﺻﻼﺓ ﺍﻟﻌﺸﺎ ..
    ﺍﻟﺼﺒﺎﺣﻴﺔﺍﺑﻮﺍﻟﺸﻮﺵ ﻃﻠﻊ ﻋﺮﺑﺘﻮ ﻣﻦ ﺍﻟﺤﻮﺵ ﻣﺎﺷﻰ ﻣﺸﻮﺍﺭ ﻟﻘﻰ ﻣﻜﺘﻮﺏ ﻓﻰ ﺣﻴﻄﺔ ﺍﻟﺒﻴﺖ ﺑﺎﻟﺨﻂ ﺍﻟﻌﺮﻳﺾ ﺑﺎﻟﺠﻬﺘﻴﻦ : ﺳﺤﺎﺏ٠٩١٠٠٠٥٥٥٥
    ﻋﻤﻚ السنجك ﻃﻮﺍﻟﻰ ﺩﻗﺔ ﻟﻰ ﺑﺘﺎﻉ ﺍﻟﺴﺤﺎﺏ ﻭﻗﺎﻝ ﻟﻴﻬﻮ :
    ﺍﻟﺴﻼﻡ ﻋﻠﻴﻜﻢ ﻳﺎﻫﻨﺪﺳﺔ
    * ﻣﺮﺣﺐ ﻣﺮﺣﺐ ﺣﺒﺎﺑﻚ
    ﻳﺎﺑﺎﺷﻤﻬﻨﺪﺱ ﺳﺤﺎﺑﻚ ﺩﺍ ﺑﺴﺎﻓﺮ؟
    * ﻭﺍﻟﻠﻪ ﻳﻤﺸﻰ ﺍﻟﺼﻴﻦ !!
    ﻗﺎﻝ ﻟﻴﻬﻮ : ﺍﻧﺎ ﻭﺍﻟﻠﻪ ﻣﻌﻄﻞ ﻓﻰ ﺍﻻﺑﻴﺾ ﻭﻋﺎﻳﺰﻙ ﺗﻤﺸﻰ ﺗﺮﻓﻊ ﻟﻰ ﺍﻟﺒﺮﺍﺩﻭ ﺑﺘﺎﻋﻰ ﻣﻦ ﻫﻨﺎﻙ ﻭﺗﻮﺩﻳﻬﻮ ﺷﺮﻛﺔ ﺍﻟﺘﺎﻳﻮﺗﺎ ﻃﻮﺍﻟﻰ ..
    * ﻳﺎﺯﻭﻝ ﺣﺮﻡ ﺍﺑﺸﺮ ﺍﻋﺘﺒﺮ ﻋﺮﺑﻴﺘﻚ ﻭﺻﻠﺖ ..
    * ﺩﺍ ﺭﻗﻤﻚ ﺍﻝ١٢٣ﺍﻟﺒﺮﺟﻊ ﻟﻴﻚ ﻓﻴﻬﻮ؟
    ﺍﻳﻮﺍﺍﺍﺍﺍﺍﺍﺍﺍ .
    ﺑﻢﺟﺮﺩ ﻣﺎﻭﺻﻠﺖ ﺳﻮﻕ ﺍﻻﺑﻴﺾ ﺍﻋﻤﻞ ﻟﻰ ﻣﺴﻜﻮﻝ ﻋﺸﺎﻥ ﺍﻭﺟﻬﻚ ..
    ﺯﻭﻟﻚ ﺑﺘﺎﻉ ﺍﻟﺴﺤﺎﺏ ﻭﺻﻞ ﺍﻻﺑﻴﺾ ﻓﻰ ٩ﺳﺎﻋﺎﺕ ﺑﻌﺪ ﻣﺎﻛﺐ ﺟﺎﺯ
    ٣ﻣﺮﺍﺕ . ﻭﺩﻓﻊ ﻟﻰ ﻧﺎﺱ ﺍﻟﻤﺮﻭﺭ١٥٠ﺟﻨﻴﻪ ﻋﺸﺎﻥ ﻋﻨﺪﻭ ﺍﻟﺨﻄﺮ ﺍﻟﺸﻤﺎﻝ ﻣﺎﺷﻐﺎﻝ ..ﺍﺗﺼﻞ ﺯﻭﻝ ﺍﻟﺴﺤﺎﺏ ﻋﻠﻰ ﻋﻤﻚ ﻣﻦ ﺍﻻﺑﻴﺾ ﻭﻗﺎﻝ ﻟﻴﻬﻮ :ﺃﻫﺎ ﻳﺎﺭﻳﺲ .. ﻭﺻﻠﺖ ﺍﻻﺑﻴﺾ ..
    *ﺟﻤﻴﻞ .... ﺍﻟﻌﺮبية ﺑﺮﺓ ﺷﻮﻳﺔ ﻣﻦ ﺍﻻﺑﻴﺾ ﺍﺳﺄﻝ ﺍﻟﻨﺎﺱ ﻗﻮﻝ ﻟﻴﻬﻢ ( ﺍﺭﻗﺪ ﻗﻔﺎ ) ﻭﻳﻦ ..
    * ﻣﻦ ﺍﺭﻗﺪ ﻗﻔﺎ ﺍﻣﺴﻚ ﺍﻟﺸﺎﺭﻉ ﻋﺪﻳﻴﻴﻴﻞ ﺑﺘﻠﻘﻰ ﺍﻟﻌﺮﺑﻴﺔ ﻋﻠﻰ ﻳﻤﻴﻨﻚ ....
    ﺯﻭﻝ ﺍﻟﺴﺤﺎﺏ ﻣﺎﺷﻰ ﻟﻤﺎ ﻃﻠﻊ ﻣﻦ ﺍﻟﺸﺒﻜﺔ ﻭﺟﺎﺯﻭ ﻗﻄﻊ ﻭﻣﻮﻳﺘﻮ ﻛﻤﻠﺖ ﻭﻓﻬﻤﻮ ﻛﻤﻞ ...
    ** ﻗﺎﻟﻮﺍ ﺑﺘﺎﻉ ﺍﻟﺴﺤﺎﺏ ﻟﻤﻮ ﻓﻴﻬﻮ ﻧﺎﺱ ﺍﻟﻌﺪﻝ ﻭﺍﻟﻤﺴﺎﻭﺍﺓ ﻣﺸﻐﻠﻨﻮ ﻳﺠﻴﺐ ﻣﻮﻳﺔ ﻭﺣﻄﺐ ......
    😎😎😎
    ﻋﺸﺎﻥ ﺗﺎﻧﻲ ﺗﺸﺨﺒﻄﻮ ﻓﻲ ﺣﻴﻂ ﺍﻟشوايقة يا عواليق

    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
by boussaid