لماذا لا يصبح زوجي كالبطريق ...؟؟

[امال مالك]

اعرف انه سؤال غريب ولكنه في قمة العقل والمنطقية فلو عرفتم السبب لبطل العجب ..
فذكر البطريق عندما يريد الزواج من أنثي فأنه يجمع بعض الحصى ويضعه عند قدميها
فإذا لمسته هذا دليل على موافقتها واذا لم تلمسه يدل ذلك على عدم رضاها وبالتالى يذهب ويبحث عن اخرى ويستمر هذا حتي يجد التي تقبل به زوج ...
ارأيتم قمة الذوق والاحترام ...
ينسحب بكل ادب ويحترم رغبتها ...
اما عن بني البشر اذا طلب رجل فتاة للزواج منها ورفضته تقوم الدنيا وتقعد فوق رأسها
(ويقول : هي اصلها قايله نفسها شنو ؟؟
البلد ملانه بنــــــــــــــــــات والعجب اذا كانت بت عمه حدث فلا حرج ..)
وكل المقصود مما ذكرت التعامل الراقي وفن لغة الحوار بين الناس مهم ويجب ان نتحرم مشاعر بعضنا البعض ..
اذا كان ذكر البطريق يحترم رغبة الانثى فكيف نحن بني البشر الذين حبانا الله بالعقل لانتعامل باحترام ولغة التفاهم .
ولماذا لا ....................

[امال مالك]

المرحلة الثانية :
(لا اقصد بها الا سرد دورة حياة البطريق بعد الزواج )
بعد ان يجد ذكر البطريق شريكة حياته تقوم انثي البطريق بوضع بيضتين او اقل ويقوم االزوج بحضن البيض داخل جيب يوجد عند قدميه وهنا انتهى دور الانثى ...
وبعد ذلك بأتي وقت فقص البيض يخرج الجنين ويقوم الاب بإطعامه وذلك بالذهاب الى اقرب بحيرة
ويستطيع الاب ان يعرف صوت ابنائه من بين الاخرين ...
ولا اقصد ان نكون مثلهم في هذه المرحلة تماما ..
بل كل ما اطلبه هو المساعدة والمساندة من قبل الزوج لزوجته ...

[تيسير]

عزيزتى امال ...............موضوع طريف ..............وهادف
ولكن يا غاليتى كله نقص فى الايمان والمعرفة بالحقوق والواجبات من الطرفين فاذا نظرنا بعين فاحصة الى سيرة خير البشر حبيبنا المصطفى عليه افضل الصلوات والسلام نجد انه كان مربيا واستاذا فى التعامل مع زوجاته وفق اسس انسانية رفيعة المستوى ........فهو كان الاب والصديق والاخ والحبيب واحيانا ذاك الطفل الذى يحب السباق والملاطفة فى قصته الشهيرة مع السيدة عائشة رضى الله عنها ..........ومثالا للتسامح فى قصة القصعة التى ارسلتها السيدة حفصة ( رضى الله عنها ) والتى كسرتها السيدة عائشة غيرة منها فما كان منه الا ان وبخها بلطف جميل واضعا فى اعتباره حالتها التى دفعتها لهذا التصرف وطلب منها برفق ان تعوضها تلك القصعة ( الصحن ) ......( تفتكرى لو اتصرفتى تصرف زى مع سودانى كان حيصل شنو اقلها كف ...او كان جرجرتى ذيول خيبتك ومشيت بيت ابوك ............عاد ده كلام ؟؟؟؟؟؟؟؟؟)
صديقتى نحن بحوجة الى معرفة تعاليم ديننا الحنيف ودراسة سيرته عليه افضل الصلوات والسلام بوعى وفهم حتى نعرف مالنا وما علينا ........سلمتى من كل شر

[esmat]

وكيف تعيش انثى البطريق حياتها :

الاخت تيسير اظن انك تقسين كثيراً على الرجال
ليس هناك رجل سوداني عنيف بهذا الشكل
تصويرك هنا تصفين فيه الرجل بالجهل بطريقة التعامل
مع المرأة وأظن ان الرجل السوداني الان يعلم تماماً
كيفية التعامل معها ومازلتم تشنون عليه الحملة
إلى أن يصل لمرحلة البطريق!! عاد دا كلام؟؟

أليس هناك موقف جميل يحفظه الجندر عن رجل سوداني
والرجل يحفظ ويكتب الكثير حتى امتلأت دواوين الشعر والكتب

[عبدالله محمد العقاد]

اعرف انه سؤال غريب ولكنه في قمة العقل والمنطقية فلو عرفتم السبب لبطل العجب ..
فذكر البطريق عندما يريد الزواج من أنثي فأنه يجمع بعض الحصى ويضعه عند قدميها
فإذا لمسته هذا دليل على موافقتها واذا لم تلمسه يدل ذلك على عدم رضاها وبالتالى يذهب ويبحث عن اخرى ويستمر هذا حتي يجد التي تقبل به زوج ...
ارأيتم قمة الذوق والاحترام ...
ينسحب بكل ادب ويحترم رغبتها ...
اما عن بني البشر اذا طلب رجل فتاة للزواج منها ورفضته تقوم الدنيا وتقعد فوق رأسها
(ويقول : هي اصلها قايله نفسها شنو ؟؟
البلد ملانه بنــــــــــــــــــات والعجب اذا كانت بت عمه حدث فلا حرج ..)
وكل المقصود مما ذكرت التعامل الراقي وفن لغة الحوار بين الناس مهم ويجب ان نتحرم مشاعر بعضنا البعض ..
اذا كان ذكر البطريق يحترم رغبة الانثى فكيف نحن بني البشر الذين حبانا الله بالعقل لانتعامل باحترام ولغة التفاهم .
ولماذا لا ....................

الغالية امال

يبدو لي كلامك دا حق البنت تنجبر على العريس مافي هسع و لا انت بتتكلمي عن حالة خاصة

طبعا اختي امال يوجد نوعين من الزيجات حالة المسلسلات التركية و الحالة الكلاسيكية

و لكن في الحالتين لازم الطرفين يكونو مهيئن لظروف الزواج

اما حكاية ود العم يبدو شوية انحسرت و توجد بس في القرى و عند اهلنا في الشمالية

حالة المسلسلات التركية حذرت منها دكتور فوزية الدريع في سيرة الحب على قناة الراي او حاليا البرنامج اسمه دكتور فوز
و بتقول ان حالة الرومانسية الزائدة دي ما عندها علاقة بارض الواقع

و لكن اهم شي في الزواج رغبة الطرفين في الزواج و انشاء اسرة و بعدها كل العقبات بتحل اذا توافرت رغبة الطرفين في الارتباط بغض النظر عن نوعية الارتباط تقليدي ام مودرن

[عبدالله محمد العقاد]

المرحلة الثانية :
(لا اقصد بها الا سرد دورة حياة البطريق بعد الزواج )
بعد ان يجد ذكر البطريق شريكة حياته تقوم انثي البطريق بوضع بيضتين او اقل ويقوم االزوج بحضن البيض داخل جيب يوجد عند قدميه وهنا انتهى دور الانثى ...
وبعد ذلك بأتي وقت فقص البيض يخرج الجنين ويقوم الاب بإطعامه وذلك بالذهاب الى اقرب بحيرة
ويستطيع الاب ان يعرف صوت ابنائه من بين الاخرين ...
ولا اقصد ان نكون مثلهم في هذه المرحلة تماما ..
بل كل ما اطلبه هو المساعدة والمساندة من قبل الزوج لزوجته ...

الغالية امال

انا احسن من طائر البطريق انا باطبخ في حالة الظروف الصحية و باغسل الملابس و باشرب الشفع الحليب و باغسل العدة
اها رائك شنو
و كثير ما اختلفت مع ام محمد في قسوته على الشفع

يبدو لي اختي امال تحاملت على الرجاجيل شوية مثل ما قال العريس عصمت

[أبو جودي]

وكيف تعيش انثى البطريق حياتها :

الاخت تيسير اظن انك تقسين كثيراً على الرجال
ليس هناك رجل سوداني عنيف بهذا الشكل
تصويرك هنا تصفين فيه الرجل بالجهل بطريقة التعامل
مع المرأة وأظن ان الرجل السوداني الان يعلم تماماً
كيفية التعامل معها ومازلتم تشنون عليه الحملة
إلى أن يصل لمرحلة البطريق!! عاد دا كلام؟؟

أليس هناك موقف جميل يحفظه الجندر عن رجل سوداني
والرجل يحفظ ويكتب الكثير حتى امتلأت دواوين الشعر والكتب

لو سمحتوا لي بمداخلة صغيرة ولكم التحية.
بالنظر لمن حولنا وكثيراً ما أقارن بين الأقطار العربية الحولنا مثل السعودية مصر ليبيا الجزائر المغرب غالبية دول الخليج ،، وأنظر للمرأة في السودان أجد أن المرأة في السودان من أكثر النساء الحاولينا قد أخزت الكثير من المكانة والرفعة أولاً كأخت وكأم وكبنت فهي في أسرتها الكبيرة لها كلمة ومحترمة وفي أسرتها الصغيرة لها مكانة وفي مجتمعها السوداني لها مكانة كبيرة فقد تقلدت كثير من المناصب ويسمع لها ولرأيها في الكثير وتجد من الاحترام الكثير الكثير سواء من الأخ أو الأب أو الزوج أو المجتمع ،،،
وعندما ننظر للدول الأخرى أجدهم متأخرين كثيراً جداً جداً عن المرأة السودانية ،،، ولفت نظري حلقة حوار في العربية تطرق لأخت من السعودية وإن لم يحضرني أسمها فهي كاتبة وزوجة على ما أعتقد القصبي طاش ما طاش ،،، أضطرت لتستقر بالأمارات لكي تأخذ مساحة من الحرية وغيرها نشاهد كثير من المعاملة الغير كريمة والنظرة للمرأة كأنها خادم فقط وليس لها رأي وفي الكثير ما تتعرض للضرب والإهانة ولا اريد أحدد دولة بعينها ،،،
ورسالة هنا " لتنظر المرأة السودانية لغيرها ،، حتى تحمد الله على النعمة التي حباها بها بأن جعلها سودانية وزوجة لسوداني"

[أبو جودي]

ده شنو يا عقاد ،،، اعتمدت الموضع على طول وجدت مداخلتين لك ،،،
شكلها القلوب لبعضها ولك مني خالص الود والتحية

[esmat]

ده شنو يا عقاد ،،، اعتمدت الموضع على طول وجدت مداخلتين لك ،،،
شكلها القلوب لبعضها ولك مني خالص الود والتحية

يا ابو جودي العقاد معذور لكن
بعد ما انتهى من غسيل العد وحاجات الشفع
اجي القى زي الكلام دا معقولة بس

غايتو لو احتار بنجر ليهم نجرة زي نجرات علماء السودان

[مايسة]

ورسالة هنا " لتنظر المرأة السودانية لغيرها ،، حتى تحمد الله على النعمة التي حباها بها بأن جعلها سودانية وزوجة لسوداني"

اخ جودي - سلمك الله

هذه حقيقة - الزوج السوداني اذا قارناهو مع ازواج الدول الاخري نجده مختلف - ولكن هذا الاختلاف ليس بالكامل يصب في مصلحته

يحافظ على المراة فعلا - ودي حقيقة
يغار عليها - حقيقة

وكثير من الحسنات التي تجعل المراة تميل للزوج السوداني اكثر من غيره - ولكن في المقابل - توجد ايضا مساوئ او سلوكيات من الزوج وبالتحديد السوداني - اللآف المرات ذكرت - ومعظم النسوة السودانيات يعانون منها الا وهي

التكتم الوجداني وعدم البوح بالمشاعر - وهو اصل المشكلة في رائ كثير من النسوة

[محمد النويري-الفقراء]

اعرف انه سؤال غريب ولكنه في قمة العقل والمنطقية فلو عرفتم السبب لبطل العجب ..
فذكر البطريق عندما يريد الزواج من أنثي فأنه يجمع بعض الحصى ويضعه عند قدميها
فإذا لمسته هذا دليل على موافقتها واذا لم تلمسه يدل ذلك على عدم رضاها وبالتالى يذهب ويبحث عن اخرى ويستمر هذا حتي يجد التي تقبل به زوج ...
ارأيتم قمة الذوق والاحترام ...
ينسحب بكل ادب ويحترم رغبتها ...
اما عن بني البشر اذا طلب رجل فتاة للزواج منها ورفضته تقوم الدنيا وتقعد فوق رأسها
(ويقول : هي اصلها قايله نفسها شنو ؟؟
البلد ملانه بنــــــــــــــــــات والعجب اذا كانت بت عمه حدث فلا حرج ..)

كلام جميل يا اخت امال بس المشكلة مرات كتيرة بعض اهل البنت بمسكوا العصاية من النص ادوا الواحد احساس الموافقة وهاك ياهدايا وهاك يا تعامل حلو . وبعد شوية بدون مسببات واقعية ادوا الواحد شاكوش . اها دايرة الواحد اعمل شنو ؟؟ وبعض منهن تاكل الواحد وترميه عضم فلازم ازعل واركب مية وش حديد

وكل المقصود مما ذكرت التعامل الراقي وفن لغة الحوار بين الناس مهم ويجب ان نتحرم مشاعر بعضنا البعض ..
اذا كان ذكر البطريق يحترم رغبة الانثى فكيف نحن بني البشر الذين حبانا الله بالعقل لانتعامل باحترام ولغة التفاهم .
ولماذا لا ....................

اكيد يا اخت امال لازم اكون التعامل الراقي موجود ولغة الحوار تكون جيدة كذك احترام رائ الاخرين . وبيني وبينك مرات الاهل بيرفضوا باسلوب قاسي على الولد اعني برضو مفترض اهل البنت يردوا بطريقة محترمة وبلغة راقية دون اساءات تؤدي لخربشة العلاقة بين الاهل

[محمد النويري-الفقراء]

اخ جودي - سلمك الله

هذه حقيقة - الزوج السوداني اذا قارناهو مع ازواج الدول الاخري نجده مختلف - ولكن هذا الاختلاف ليس بالكامل يصب في مصلحته

يحافظ على المراة فعلا - ودي حقيقة
يغار عليها - حقيقة

وكثير من الحسنات التي تجعل المراة تميل للزوج السوداني اكثر من غيره - ولكن في المقابل - توجد ايضا مساوئ او سلوكيات من الزوج وبالتحديد السوداني - اللآف المرات ذكرت - ومعظم النسوة السودانيات يعانون منها الا وهي

التكتم الوجداني وعدم البوح بالمشاعر - وهو اصل المشكلة في رائ كثير من النسوة

التكتم الوجداني دا يا مايسة ما من الرجال بس . برضو وين دور المرأة السودانية ياريت لو تاخد من المراة اللبنانية شوية من البوح بالمشاعر فقط وترك الباقي
مشاققة : انتي ما شفتي اللبنانية او السورية كيف بتنادي على راجلها ( شو يا بعد عمري . وينك حبيبي ) بعض السودانيات لو نادت على راجلها البسمعها اقول في شكلة بيناتم

[أبو جودي]

يا ابو جودي العقاد معذور لكن
بعد ما انتهى من غسيل العد وحاجات الشفع
اجي القى زي الكلام دا معقولة بس

غايتو لو احتار بنجر ليهم نجرة زي نجرات علماء السودان

والله يا أخوي esmat أخونا العقاد الأيام دي شكلو طاشي شبكة ،،،، يكب الكلام كله ،،،
وتاني ما تشوفو إلا طشاش طشاش
شكله كدى البرد جا وفي غسيل بطاطين الله يديهو العافية

[مايسة]

وكل المقصود مما ذكرت التعامل الراقي وفن لغة الحوار بين الناس مهم ويجب ان نتحرم مشاعر بعضنا البعض ..اذا كان ذكر البطريق يحترم رغبة الانثى فكيف نحن بني البشر الذين حبانا الله بالعقل لانتعامل باحترام ولغة التفاهم .ولماذا لا ....................

أخت آمال - بالنسبة للون الاحمر - فن لغة الحوار - احنا كسودانيين تعاملنا يوصف بالفظاظة بعض الشئ -بالنسبة للاجناس الاخري - فعادة لا نجمل حديثنا - ولا نعطيه مقدمات تليق بالشخص المتحدث له - او اي كان -
ونحن كالعادة طبعا نعزي هذا التصرف بكوننا لا نعرف المجاملة وبنقول للاعور اعور ولو في عينك - وبنعتبر اذا اصبحنا نجمل كلماتنا واضفنا اليها بعض كلمات الثناء والشكر والمقبلات باختصار - نوع من انواع الضعف والرياء والكذب .

الكلام كثير في هذه النقطة -

أما الجزئية الثانية - ترجع ايضا لعدائتنا الذائدة - والتعامل برد الفعل قبل ان نفكر ما سيخلفه هذا التصرف والكلام على غيرنا .
تفهم الغير لظروفهم والاسباب التي جعلتهم يتصرفون هكذا ستكون بالتأكيد اسلم طريقة لتفادي اي سوء فهم - وصرف كلام ليس لديه اي معني - دمت

[أبو جودي]

أختنا مايسة
فعلاً الحتة دي معاك مائة في المائة " التكتم الوجداني وعدم البوح بالمشاعر - وهو اصل المشكلة في رائ كثير من النسوة "
لكن بجد عذر لذلك غالبية التربية السودانية بتغرز في الرجل عدم البوح بمشاعره مما تعنى القوة ولكن المفروض تكون في حدودها ومكانها ،،،
أما في العلاقات الإنسانية فيجب أن يكون غير ذلك وليس معناها الضعف بل لها معاني سامية ورفيعة لو وجدت

[مايسة]

التكتم الوجداني دا يا مايسة ما من الرجال بس . برضو وين دور المرأة السودانية ياريت لو تاخد من المراة اللبنانية شوية من البوح بالمشاعر فقط وترك الباقي
مشاققة : انتي ما شفتي اللبنانية او السورية كيف بتنادي على راجلها ( شو يا بعد عمري . وينك حبيبي ) بعض السودانيات لو نادت على راجلها البسمعها اقول في شكلة بيناتم

هههههههههههه

شفته كيف

كل واحد بيرمي الخطأ على الطرف التاني - طيب من الذي سيبادر

طيب ما السوري برضو : كيفك حبيبتي - انتي منيحة - ليش وجهك مخطوف هيك

اعكس السؤال - وقبل كدا اتناقشنا بصورة متوسعه في هذا الكلام مع الاخ التيجاني بالتجليزي (يطراهو بالخير) - وصراااحة لم نصل لنتيجة ترضي الطرفين -

ولكن اذا قام اي من الطرفين بالتنازل وبدا هو - سينصلح الحال اكيد - (اما حكاية انا ما ببدأ ليه هو ما يبدأ - احسن مني في شنو ) راح تخرب الحكاية

[MASS77]

في كتير من الحيوانات طريقة تعاملها اجمل وبعضها اغبي وانكل
في نظري مافي مقارنه وربنا زي ما جعل للانسان عقل برضوا اداهو صفة الغضب
عليك الله هسه لو في واحد خاطب ليو واحده وخلاها خطب صاحبتا ولا اي بت بتقول قسمه ونصيب
ولا بتثور وتخش في نفسيات يوم يومين بعدين ما عارف لم الحجار ده منطق ولا ما منطق المهم نحن
بشر تختلف كل حياتنا واخلاقنا وتقبلنا عن بعضنا ولكن ما بفتكر انو مهما كان الاختلاف ما بصل مرحلة لم الحجار والبطريق بعدين الزمن اتغير زمان الراجل بجي لي ابو البت قبل اشوف البت زاتها
هسه لو ما لاقيت البت وقشيت بيها حدائق حبيبي مقرش ولا مفلس ما بتصل البيت
وزمان كان راي الرجال فرض علي البت الليله في حرية المراة في الرفض او القبول

[النويري]

التكتم الوجداني دا يا مايسة ما من الرجال بس . برضو وين دور المرأة السودانية ياريت لو تاخد من المراة اللبنانية شوية من البوح بالمشاعر فقط وترك الباقي
مشاققة : انتي ما شفتي اللبنانية او السورية كيف بتنادي على راجلها ( شو يا بعد عمري . وينك حبيبي ) بعض السودانيات لو نادت على راجلها البسمعها اقول في شكلة بيناتم

يا خي نسيت أبن عمي ما قلتاها

الرجل في كثير من الأوطان خاصة العربية منها يعتبر مقدس لدى المرأة وحديث الرسول (ص) لو كان السجود لغير الله لأمرت الزوجة لأن تسجد لزوجها أعتقد أن الحديث بهذا المعنى إذا أخطاءت فقوموني

الرجل في المجتمع السودني وذي ما قيل أهل المره بمسكوا العصايا من نصها يعني مع بتهم تلقاهم الراجل كتفيه ما تخليه يبعد عنك أعملي أعملي أشكال ولمن يكون موجود بيناتم تلقاهم بتعاملوا معاهو معاملت النسيب الحسيب وأخر أحترامات دا ما نسب وكده يبدوا أننا نحتاج لمزيد من النقاش في هذا الموضوع لكي يستفيد الجميع
أنا عن تجربة شخصية لي في السودان وهي قريبة جداً ذهبت بغرض الزواج وكانت الفكرة في أن تذهب لتعرض نفسك لأسرة أو لفتاه بطريقة أو أخرى تتلاقوا في منتدى عشان تشوفها وتشوفك أجمل ما في الموضوع أنو ما في صراحة في رد الفعل والأنطباع يعني هي بتقول لي ربنا يسوي الي فيه الخير وأنت بدقول ليها المسائل دي قسمة ونصيب وذلك بعد شراب كوب من العصير وأمكن وجبة مكلفة في أحد المنتزهات إضافة لمن كانو من الحضور يعني ميتة وخراب ديار لو طلعت البت ما هي البت الأنت بتتمناها بعد ذلك كل يذهب في طريقة في إنتظار إستجابة أحد الأطراف فإن تمت الموافقة فذلك يعني القبول والإيجاب من الطرفين وإن كانت هنالك أسباب وتضليل بحيث تكون كالتالي أدونا فرصة نفكر والراجل بيقول أختلفنا في بعض الأمور يعني قالت عايزة تكمل دراسة أو شكلها مرتبطة وعايزة تقارن وحاجات ذي دي ومرات طبعاً بتقعد مع واحدة بتحس أنو هذه هي زوجتك وهي بجيها نفس الشعور وهذه الرغبات بتنموا في ساعات وربما دقائق ويحصل بعد ذلك قبول تام من الطرفين وهذا ما يسمى ( بالقسمة والنصيب)
نحن كشعب سوداني يمنعنا حيائنا من الدخول مباشرة في الأمور الجادة مثل تقرير مصير وإختيار يعني لا يمكن أن تسمع من فتاه كلمة أنا موافقة دائماً بتقول ليك أنا والله ماعندي أعتراض في شخصيتك لكن عايزة أشاور أهلي وتقريباً هي أتخذت القرار وأعجبت بك تماماً ولكن يمنعها حيائها وكبريائها من أن تقول لك أنت حبيب المستقبل وعريس اليوم

لكل الحضور الشكر أجزله وليست دفاعاً عن الرجل ولكن يجب أن تقف الفتاه مع الرجل بكل ما تملك فإن الفرصة التي لديها ليست كفرصة الرجل فيجب عليها أن تغتنمها جيداً وإلا ــــــــــــــــــــــــــــــــــــــــــ

[مايسة]

أختنا مايسة
فعلاً الحتة دي معاك مائة في المائة " التكتم الوجداني وعدم البوح بالمشاعر - وهو اصل المشكلة في رائ كثير من النسوة "
لكن بجد عذر لذلك غالبية التربية السودانية بتغرز في الرجل عدم البوح بمشاعره مما تعنى القوة ولكن المفروض تكون في حدودها ومكانها ،،،
أما في العلاقات الإنسانية فيجب أن يكون غير ذلك وليس معناها الضعف بل لها معاني سامية ورفيعة لو وجدت

لا اختلف معك ابدا - ومن هنا دعوة لكل الآباء والامهات ان نغرس في ابناءنا الحب - وكيف يعبرون به في الاوقات المناسبة - وذلك بشتي الطرق منها ان تسمعهم وان تقول لابنك مثلا

انني احبك - وتسمعها له دائما - وتطلب منه ان يقولها لك ويكررها

وبهذه الطريقة سيحسون بالحب من صغرهم - وعندما يكبرون سيفهمون بان الحب هو ان تسمع وتشعر من حولك به - دمت

[عباس الدسيس]

العزيزه امال مالك موضوعك ظريف نمسكوا واحده واحده:
حكاية الذكر بتاع البطريق اخت الحصحاص تحت الرجل من خلالها اعرف الموافقه .... انا ما عايز اتناول الموضوع بسخريه لاكن يا أختنا الزمن ده البنات كثار فعلا والاولاد الجادين للزواج شويه بقوا بتاعين لعب يعني كان قلنا حكاية الحصجاص دي والله ما تلقي ليك حصحاصه في السودان تبني بيها من كثرة خش الاولاد اما البنات من الكثرة بتاعتن والشفقه للعرس كان جيت شايل ليك دراب ولا حبة تراب تلقاها طوالي وافقت وبعد ده نقول الله اساعد المتزوجات ويحل فكة البايرات وازوج الشابات.

حكايةالبيض البفقسوا الراجل والله عاد ده احنا ما قدروا ... شغل وشلهته وجري مستوصفات واسواق وشيل انبوبة غاز وقارورة موية ضهرنا اتكسر بعد ده نجي نفقس دي شوفوها عند القافل

مع خالص تقديري للطرح الرائع

[nehroo]

[YOUTUBE]<object width="425" height="344"><param name="movie" value="http://www.youtube.com/v/3vW47xQ_PWA&hl=en_US&fs=1&autoplay"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/3vW47xQ_PWA&hl=en_US&fs=1&" type="application/x-shockwave-flash" allowscriptaccess="always" allowfullscreen="true" width="425" height="344"></embed></object>[/YOUTUBE]





ضحيات ذكر البطريق ..

[النويري]

الأخ نهرو دائماً أنت رائع كعادتك لا تدخل في مشاركة أو بوست إلا وتكون إضافتك إجمل وأروع لك التحية في هذه المقاطع التي نقلتها وكانت أروع من الروعة وبصراحة التصوير غاية في الدقة التنظيم مهيب لهذا الكائن
لدي سؤال للجميع خارج النص هل يتسطيع هذا الحيوان البرمائي أن يعيش في جو معتدل غير هذا الجو البارد وكيف له أن يقوم بعملية الحضانة للبيض في ظروف مماثلة للتي رأيناها سبحان الله

مشكور أخونا نهرو على هذا الجمال ولصاحبة البوست التي جعلتنا نراك

[امال مالك]

عزيزتى امال ...............موضوع طريف ..............وهادف
ولكن يا غاليتى كله نقص فى الايمان والمعرفة بالحقوق والواجبات من الطرفين فاذا نظرنا بعين فاحصة الى سيرة خير البشر حبيبنا المصطفى عليه افضل الصلوات والسلام نجد انه كان مربيا واستاذا فى التعامل مع زوجاته وفق اسس انسانية رفيعة المستوى ........فهو كان الاب والصديق والاخ والحبيب واحيانا ذاك الطفل الذى يحب السباق والملاطفة فى قصته الشهيرة مع السيدة عائشة رضى الله عنها ..........ومثالا للتسامح فى قصة القصعة التى ارسلتها السيدة حفصة ( رضى الله عنها ) والتى كسرتها السيدة عائشة غيرة منها فما كان منه الا ان وبخها بلطف جميل واضعا فى اعتباره حالتها التى دفعتها لهذا التصرف وطلب منها برفق ان تعوضها تلك القصعة ( الصحن ) ......( تفتكرى لو اتصرفتى تصرف زى مع سودانى كان حيصل شنو اقلها كف ...او كان جرجرتى ذيول خيبتك ومشيت بيت ابوك ............عاد ده كلام ؟؟؟؟؟؟؟؟؟)
صديقتى نحن بحوجة الى معرفة تعاليم ديننا الحنيف ودراسة سيرته عليه افضل الصلوات والسلام بوعى وفهم حتى نعرف مالنا وما علينا ........سلمتى من كل شر

اختى تيسير كل عام وانتى بخير
اتفق معك فى بعض النقاط واختلف معك فى البعض الاخر

كل النساء لا يشبهنا زوجات الرسول فى اى شئ بسبب الغيره العميا وعدم فهم امورنا الدينيه
كل المقصود من الموضوع لغة الحوار بين الناس والتشبيه كان المقصود بيهو انو الحوار والفهم موجود حتى في الطيور فما بالك نحن بني البشر الذين حبانا الله بالعقل والحكمة لا نتفاهم في ابسط الامور ...
اشكرك على مرورك

[امال مالك]

وكيف تعيش انثى البطريق حياتها :

الاخت تيسير اظن انك تقسين كثيراً على الرجال
ليس هناك رجل سوداني عنيف بهذا الشكل
تصويرك هنا تصفين فيه الرجل بالجهل بطريقة التعامل
مع المرأة وأظن ان الرجل السوداني الان يعلم تماماً
كيفية التعامل معها ومازلتم تشنون عليه الحملة
إلى أن يصل لمرحلة البطريق!! عاد دا كلام؟؟

أليس هناك موقف جميل يحفظه الجندر عن رجل سوداني
والرجل يحفظ ويكتب الكثير حتى امتلأت دواوين الشعر والكتب

اخى عصمت كل عام وانت بخير
اعتزر منك انا لااقصد الرجال ولااشن عليهم هجوم
كان المقصود من الموضوع الفهم والتفاهم بين الرجل والمراة
وشبهته بى البطريق عايزه اقول حتى بين الطيور توجد لغة الحوار
فما بالك نحن البشر الذين حبانا الله بالعقل
اذن لازم نكون احسن من طائر البطريق
حتى النساء فيهم الشاعره والكاتبه...
اشكرك على مرورك ....

[امال مالك]

الغالية امال

يبدو لي كلامك دا حق البنت تنجبر على العريس مافي هسع و لا انت بتتكلمي عن حالة خاصة

طبعا اختي امال يوجد نوعين من الزيجات حالة المسلسلات التركية و الحالة الكلاسيكية

و لكن في الحالتين لازم الطرفين يكونو مهيئن لظروف الزواج

اما حكاية ود العم يبدو شوية انحسرت و توجد بس في القرى و عند اهلنا في الشمالية

حالة المسلسلات التركية حذرت منها دكتور فوزية الدريع في سيرة الحب على قناة الراي او حاليا البرنامج اسمه دكتور فوز
و بتقول ان حالة الرومانسية الزائدة دي ما عندها علاقة بارض الواقع

و لكن اهم شي في الزواج رغبة الطرفين في الزواج و انشاء اسرة و بعدها كل العقبات بتحل اذا توافرت رغبة الطرفين في الارتباط بغض النظر عن نوعية الارتباط تقليدي ام مودرن

اخى العقاد كل عام وانت بخير
انا لاقصد حالة خاصة
اقول لك اولا الحب هو مجموعه من القناعات بالشخص وبعدها يحدث الزواج
لكن الزوج فى بعض المرات يفرض رايو ويصر عليه حتى لو غلط
عشان كدا لازم من التفاهم والاخذ والعطابين الزوجين
اشكرك على مرورك