النتائج 1 إلى 7 من 7

الموضوع: تيسُ الحَلَبَةِ عامِلْ غضلَبَةً

     
  1. #1
    عضو فضي
    Array الصورة الرمزية ود الأصيل
    تاريخ التسجيل
    Jan 2013
    المشاركات
    2,849

    تيسُ الحَلَبَةِ عامِلْ غضلَبَةً

    باعتبار إنو عمبلوق الحلبة دا أصلن جايبنو مخسوس يعشِّر
    الغنم ؛ لكن لامن جو فقدوه لقوه راقد تحتن يرضع فيهن !!}

    [} بصراحة هذا البُلهان يبدو و كأن كافة المعطيات
    الآن بين يديه ، و لكن شكلوا كدا زي المو قادر يقول
    و ما قادر «يبرهن»يمكن قول يروح..يمكن قول يجي..و يمكن
    شيء يفوح، و الناسما «بتصهْيِن». دا ياهو بالجد المحيرنا في
    أمر الرجل ، بقدرما هو فاگِّي الحبل تاركو على الغارب لنائبه الطرزان
    حميرلاي أول خلا /ظعيطتي و معيطتي؛ و گذلك صمته الرهيب المريب
    دهراً إلى حين أن ينطق گفراً . هذا في حين يخرج علينا بين الفينة
    و الفينة هذا الفريخ أول مسيلمة الكضباشي ، الناعق الرسمي
    باسم مجلسهم الانتهازي ، ليبرطع فوقنا على گيفو ذات
    اليمين و ذات الشمال،و مجعجعاً بلا أي طحينٍ يُذگر ؛
    و غايتو ، كان الله في عوننا ، و ربك يجيبو قوي.​

    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  2.  
  3. #2
    عضو فضي
    Array الصورة الرمزية ود الأصيل
    تاريخ التسجيل
    Jan 2013
    المشاركات
    2,849



    اديبنا الرائع الحبيب ود الاصيل
    اول مرة اشوف سوداني باله طويل للدرجة دي وكمان صامت
    يبدو ان ما يقوم به حميدتي مخطط له
    توزيع ادوار .. في السياسة المتهور له دور .. والمحافظ له دور
    ملاحظتي انهم بدأوا بالشرعية الدولية
    لأن الخليج كلمته مسموعة لدى ترامب

    اديبنا الجميل ... هو عصر المال والمال والمال
    بدليل نجاح ترامب في أمريكا رغم مخالفته للقيم الامريكية
    وارتفاع شعبيته
    عصر الانحطاط وسيادة المال

    *علي عبد الوهاب عثمان
    سلمت و يسلم لي ضراعك أخوي علي، و تربت يداي
    و أنت ترتقي بي مرتقى صعبا و تشرئب بي عقبة گؤودا إلى
    مصاف أديب ، و قرارة نفسي تقول : إنني لا أعدو كوني
    رويعيا للغنم على قراريط معدودة لأهالي ضيعتي النائية
    في أم صفقن عراض و المجدوعة ما وراء شمس الحضارات.
    فيا إلاهي لا تعذبني بذنبي إذا ما گشفت الستر عني؛ يظن
    الناس بي خيرا و إني لمن شرار الخلق إن لم ترضى عني .

    [} و أما هذا «البركان» الهادئ كما تفضلت بوصفه ،
    و قد آتاه الله بسطة في الجسم ، ما شاء الله ، تعيدنا
    بأذهاننا إلى أجدادنا من عيار ناس أبي الهول و خوفو
    و من قرع و آمون رع ؛ و إذ أننا لم نسمع منه أن نبس
    قط و لا ببنت شفة واحدة بعد تلاوته لبيانه الأول، فإننا
    أخشى ما نخشاه أن يكون هدوؤه ذاگ الذي سيسبق
    غضبة الهبباي، و صمته ذاك الذي سينطق بعده گفراً

    التعديل الأخير تم بواسطة ود الأصيل ; 15-03-2020 الساعة 08:09 PM
    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  4.  
  5. #3
    عضو فضي
    Array الصورة الرمزية ود الأصيل
    تاريخ التسجيل
    Jan 2013
    المشاركات
    2,849


    بس الخوف زي ما قلنا : من حكاية صمت دهراً و نطق كفراً . و دي
    بتذكرني قصة من الثراث ح أحكيها ليك يا علي بدارجية لهيجنا السُّكري .
    فقالو: رجل مضياف زي النعيم ود حمد على أيامو، اليوم العيش بقى بي القُبَضْ
    ديوان النعيم الما بينسد و القالو: دي خادمو الجابا و قعدا و هي بتدرش تقول قضى.
    # الشهد عندو ود أُختن ليهو كان بيحضر مجلسه مع ضيوفه ، دون أن ينبس ببنتشفةٍ .
    لحدت ما الضيوف بقو يتضاقو من صمتو الرهيب، و لامن بقو يلاوزو منو عديل خايفنو
    كمان يطلع جاسوس و لا عميل مزدوج . فقامو اشنكو لخاله صاحب الدار من سُكات ود
    أختو وغموضه . فعمك بقى ينصح فوقو إنو تاني لو حضر معاهم المجلس يحاول يتفاعل
    مع الحضور يقول أي حاجة إن بس عشان خشمو ما يعفِّن . فالجنا من حيسو وافق قال
    في سرُّو سمح ، أصبرو عاد ،ى من الليلة دي تاني بتفاعل ليكم التفاعل البي صح .
    و قعد يجهزلو في موضوع يتفاعلبوو قعد يعمل ليه في البروفات لحد ما جات ساعة
    الصفر و في أول لقاء قادمو و سط الحضور و على رؤوس الأشهاد يبغات لك خالو
    و يهبشو ليك بسؤوالٍ قنبلة أرض جو قاللو: إتا ياخلي، دحين ما قتا لي راسك
    الغليد دا المحيرني فوفو ، قبيل ، يوم ولدوك مرقوه من بطن أمك كيفن
    فشنو، ترا متل دي نحنا الخايفين الفيل يوم يتخمض يوم و يلدا لينا.

    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  6.  
  7. #4
    عضو فضي
    Array الصورة الرمزية ود الأصيل
    تاريخ التسجيل
    Jan 2013
    المشاركات
    2,849

    #5

    السلام عليكم
    هو ما سكوت بس ، سكوت واحتجاب
    الشئ ما ساي
    الشئ ب ( مرجعيته )
    من أبواب اهل الحضرةمن أبواب اهل الحضرة

    من أبواب أهل الحضرة

    تحسبو خبط عشواء
    ده الرعي آل بقيدو
    وسمح الخمج ال عند سيدو.
    د. إخلاص المُشرَّف

    ................................................



    مرحب بدكتورتنا و أول طلة علينا عيدية.
    بصراحة كنت متلهف أفتح الرابط دا لكن غلبني
    لأميتي و جهلي المدقع بتكنولوجيا العصر ، فيا ريت
    تعيدي تنزيلو . و لكن من تعليقك زي فهمت إنو الشغلانة
    فيها زي شغل ناس (شيء لله يا يابا الحسن ود حِسونة )
    و لا يا يابا سعدابي الفوقو الشدر كابي . عمومن، نحن في
    انتظار الشمار لنضعه بي رواقة كدا تحت مجهر البحت
    و(التحليل) واللت و العجن، فإلى ذلك الحين شاكرين.

    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  8.  
  9. #5
    عضو فضي
    Array الصورة الرمزية ود الأصيل
    تاريخ التسجيل
    Jan 2013
    المشاركات
    2,849

    الرائع دفع الله تحياتي
    في نوع اخير يسكت ويختفي اى ظهور
    او كلام بنرجع لقصة ابوحنيفة المشهورة
    (آن لأبي حنيفة أن يمد رجليه)
    khalid abbas


    لعَمري أنت الذي و لا أروع و لا أمتع يا خالد بن عباس.
    صحيح والله النموذج النلتا ذكرتو دا راقد بالهبل، و برضو ممكن
    يرجعنا لققصة أخونا داك الكان راكب البــاظ أيام نــاس الركبي
    و عزوز ، يلا و مقنطر عمتو تقول و لا عمة ترباس العاجباهو ديك،
    و التي لا تنافسها طولاً و مكنناً علا عمة الجخس الممعتت حسين خوجلي
    الشاهد إنو عمك منجعص و ضاربو ليك الهواء الطلق و كان جنبو حبوبة
    عجوزمعاها جواب من ولدا في السعودية و دايرالا زول يفك ليه طلاسمو
    فشايفة القبة الجنبها دا ليهو هيبة و شنةو ربة قايلاه تحتو فكي ؛ قامت
    قالت لو: يا و ليدي عليك الله كان ما قريت الي جوابي دا غالبني فقام
    زولك اتنحنح و مسكو منها على مضضبالقلبة و قبل بو جاي و جاي
    غلبو البسويه لحدت ما في النهايةسألا قاللها : يا حاجة إتي دحين
    المفنتر براهو دا مو الواو الضكر؟! فما كان من عمتك إلا أن
    استشاطت غضباً و قالتلو: ياخي يخسي عليك و الدود
    يفسي أتاريك يعني بس سماحة جمل الطين ساي؟!!

    التعديل الأخير تم بواسطة ود الأصيل ; 15-03-2020 الساعة 08:13 PM
    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  10.  
  11. #6
    عضو فضي
    Array الصورة الرمزية ود الأصيل
    تاريخ التسجيل
    Jan 2013
    المشاركات
    2,849

    عمنا الطيب صالح ، طيب الله ثراه لامن خت سوآلو "من أين أتى هؤلاء"
    ثم رحل عنا مغاضباً.و اليوم يأتي دورنا لنضيف نقطةً فارقةً بعد فاصلته
    بسوالٍ حائرٍ: "ماذا يريد منا هؤالاء" بالظبط؟! ود الأصيل/aabersabeel
    تحياتى الاديب الاريب ود الاصيل ا لبرهان امبارح كان فى مصر وصرح وقال :
    ما ح نسلم الحكومة للارهابيين واليوم ح يزور الامارات وبكرة السعودية .. زيارة مجدولة ومتفقه فى البلدان الثلاث ان لايسلموا السلطة لتجمع المهنيين
    معنى هذا :ادخال البلاد فى نفق ضيق .
    .وشخصيا ارى ان تجمع المهنيين اعطى المجلس زمن اكثر من اللازم وكان عليه اعلان الاضراب والعصيان من الاسبوع السابق حتى لايعطيهم الزمن لتجميع الصفوف
    لان اليوم الذى يمضى بدون ان تتخذ فيه خطوة الى الامام خصم عليك

    .اخيرا :المشهد فى غاية القتامة وتجمع المهيين هو السبب فى ما آل اليه الحال


    وبالنسبة لغموض البرهان

    تبادل ادوار بينه وبين حميدتى

    لانهم يريدون حرق حميدتى
    علاء سيد أحمد

    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ
  12.  
  13. #7
    عضو فضي
    Array الصورة الرمزية ود الأصيل
    تاريخ التسجيل
    Jan 2013
    المشاركات
    2,849

    صدقني يا سخاروف لو قلت ليك يقطع دراعي ما فهمت منك أي حجاجة.
    لذلك تعذرني لقلب الصفحة والمضي قُدُمن في الرد على أخينا صديق مهدي:


    [} فيا صديق ياخوي بشويش على الراجل هو ياخ نحنا ما صدقنا
    ظاطو مرق من جحرو عشان نشوف وضهو بس ، نجي نلومو على هفوة
    تحية كاريوكا؟! و لا مالگم من عمك المخلوع داك لامن زار للسيسي تعمد
    يستبقلو في صالة مزينة بخارطة جدارية منزوع منها تماماً دسم حلايب
    و شلاتين. بالله موش ياهي زاتا نقول تيس و يقولو أحلبو.

    [} بالموناسبة أستاذي الحبيب علي عبد الوهاب حتى دي عندو ليها تفسير عجيب
    إن دل فإنما يدلدل على أدب المدائح و فهم حضاري عميق، و كل إناء طبعن بما فيه ينضح؛
    حيث قال أخونا علي : إنو أهلنا الدناقلة, و برضو بنحييهم منا هنا، و اللي يقال إنهم ذرية من
    أصلاب سيدنا نبي الله موسى و لقمان الحكيم ، دا طبعن على ذمة و رواية عمنا الشيوعي
    المتكوزن على أرذل عمره يرحمه الله/ أحمد سليمان المحامي. فامتدح أخونا علي عبدالوهاب
    عثمان سماحة سمتهم و طولة بالهم و صبرهم على الشدايد ، لدرجة فعل المستحيل حتى إنو
    التيس العمبلوق دا ممكن يحلبوه يجيبو منو من بين فرثٍ و دمٍ لبناً خالصاً سائغاً الشاربين.

    و بَعْضُ النُّفُوسِ ** كبَعِضِ الشَّجَـرْ
    جَمِيــــلُ القَـــوامِ ** رَدِيْءُ الثــَّــمَرْ
    وَ َسبْرُ النُّفُوسِ *** كَصم الحجارة
    فَمِنْهَا كَرِيْمُ نَّفِيْسُ وً جلمود صخـرْ
    و َكَمْ مِّنْ ضَرِيْرٍ كَفِيْفٍ بَصِيْرُ الْفُؤَادِ
    و كَمْ مِّنْ فُؤَادٍ غَرِيْرٍ كَفِيْفُ الْبَصَـرْ

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
by boussaid