النتائج 1 إلى 7 من 7

الموضوع: حبي ليك حب ما إعتيادي

     
  1. #1
    عضو مميز
    Array الصورة الرمزية حسن سادة
    تاريخ التسجيل
    Jan 2007
    الدولة
    البحرين
    المشاركات
    413

    حبي ليك حب ما إعتيادي

    أحبتي غريب أمر الحب ذلك الذي يداهم القلوب بغتة
    وعلى حين غرة فيخيم فيها ويسكنها
    فلا نجد مفراً من الإنصياع لجبروته
    وعديدة هي أنواع الحب والعشق والهيام
    وقد تغنى الشعراء والمطربون لهذا الحب كثيراً
    فمنهم من قال:
    أغـــــرك مــنـــي أن حــبـــك قــاتــلــي
    و أنـــك مـهـمـا تـأمــري الـقـلــب يـفـعــل
    أو
    وما عجبي مـوت المحبيـن فـي الهـوى
    ولــكـــن بــقـــاء الـعـاشـقـيـن عـجــيــب
    ومنهم من لا يكتفي بحب فرد يتيم فتجود قريحته فيقول:
    أحــبـك حُـبــيــن حــب الهـوى
    وحـبـاً لأنــك أهــل لذاكـا
    ومن الخلق من يموت بشدة الحب كما قال أحدهم:
    أحبـك حـبـاً لــو يـفـض يسـيـره عـلـى
    الخـلـق مــات الخـلـق مـــن شدة الحب
    أما شاعرنا الراحل المقيم نزار قباني قال في الحب:
    وكيف أهرب منه؟ إنه قدري
    هل يملك النهر تغييرا لمجراه؟
    لست أدري ما أحب به أحبه
    حتى خطاياه ما عادت خطاياه
    الحب في الأرض . بعض من تخلينا
    لو لم نجده عليها لإخترعناه "
    وقد إقتبست عنوان البوست من رائعة الراحل المقيم طيب الله ثراه
    خليل إسماعيل والذي كان يرددها أيضاً المرحوم عبد المنعم الخالدي
    التي تقول كلماتها:
    " يا الجمالك زينة بادي
    في رضاك غاية مُرادي
    تكفي منك إبتسامة
    ويا المعاك راحة فؤادي
    حُبي ليك حُب ما إعتيـــــــادي
    قلبي بلقي الفرحة جنبك
    لو تحن وتسيب عنادي
    عارفوا بتقسيهوا قلبك
    ليه بتتعمد عنادي
    حُبي ليك حُب ما إعتيـــــــادي
    زيد في دلك وزيد في تيهك
    وبرضوا ما بغيير في ريدي
    بس كفاية عليي أشوفك
    ونظره منك فيها زادي
    حُبي ليك حُب ما إعتيـــــــادي
    كلوا إحساس جوه قلبي
    بغني ليك ويقول وحيدي
    إنته ألحان عمري كلوا
    وإنته أنشودة وجودي
    حُبي ليك حُب ما إعتيـــــــادي "
    أما معشوقتي التي أنا بصدد الحديث عن حبي الجنوني لها
    لا تتعجلوا لتعرفوا من تكون وكيف أوصافها وإياكم لا تسألوني
    كيف كان الملتقى وفي دروبها مشيت وكيف جال الثغر في
    إبتهال فقد وشوشني العبير فما أبيت وساقني الهوى فما أبيت
    يد الحرير إرتعشت بكفي بكيت من رعشتها مشيت
    حسناً سوف أفصح عن معشوقتي علناً جهاراً ولا أبالي من الوشاة
    ولا أخشى في هواها أي زاجر فقد ضقت ذرعاً من عدم البوح والكتمان
    ولا ألقي بالاً إن تفشى الخبر وذاع وعم القرى والحضر
    إنها إذن سيدتي صاحبة الهيبة والوقار (ملاح الرجلة)

    فالقاصي والداني قد تناهى إلى مسامعه أنباء عشقي لها
    ولكم دعوني خصيصاً في مآدب وولائم كانت الرجلة تخطف فيها الأضواء من زميلاتها الأطباق الأخرى
    لا تدرون أيها الأحبة منذ متى وأنا أهيم عشقاً بها وقد تنامى حبي لها عبر الأزمان منذ نعومة أظفاري إنها تبهرني عندما تتزين باللحمة أو بالدجاح وتكون خالية من مكعبات الماجي وعندما تصطحب معها لفائف ورقائق الكسرة المرة ولكنني لا أمانع أن أواعدها في لقاء الغرام حينما تكون مزدانة بالرغيف والخبز اللبناني وإن كانت على سجيتها وعفويتها خالية من كل الشوائب فإن قلبي يتعلق بها فمن منكم يقاسمني هذا العشق الخرافي لهذه الطبخة الخرافية سيدة الموائد رجيلتي صاحبة الغنج والدلال؟
    " أحبها وتحبني ويحب ريحتها نخيري"
    وقد تعلمت من حبها معنى للأشياء من حولي
    " اتعلمنا من ريدها
    نحب الدنيا ونريدها
    ونرحل في عيون الناس
    نشيل لى كل زول ريدة
    لما لقينا عينيها
    لقينا الدنيا وافراحها
    وللامال فتحنا دروب
    لى احلامنا كم ساحة
    غريبة الدنيا جمعتنا
    وبقولو عليها رواحة
    وجانا الريد يعلمنا
    نعيش الدنيا بالاحساس
    نسامح بي قليب طيب
    نشيل الريد لكل الناس
    عرفنا الريدة في الطيبة
    وحلاوة الريدة في الاخلاص
    يا ريت كل زول تايه
    يلاقي الريدة في دربو
    عشان الناس تحب الناس
    وذي عينينا يتحبو
    وما اصلو البزورو الريد
    حب الناس بزور قلبو "

    وأواه من حبك أيتها الرجلة الشهية المذاق
    كم عاشق صبح طربان تبكيهو
    وكم قلباً منور شوق وتطفيهو
    وكم وعداً يقرب يبقا تلغيهو
    غريبة الدنيا غريبة الدنيا
    حليل شوقي وعيانتك تلاقيهو
    يدور يرجع وتحلف ما تخليهو
    وياما عشت في نشوة قبل ما حبي تنسيهو
    وياما اتدفقت عبرات تزكي حنانا ترويهو


    مع الإعتذار لشاعر
    المرحوم خليل اسماعيل






    [/size][/color]

    التعديل الأخير تم بواسطة حسن سادة ; 26-05-2010 الساعة 02:29 AM
  2.  
  3. #2
    فخر المنتديات
    Array الصورة الرمزية نزار حسن محمد
    تاريخ التسجيل
    Apr 2006
    الدولة
    حى المنيره
    المشاركات
    6,876

    اقتباس المشاركة الأصلية كتبت بواسطة حسن سادة مشاهدة المشاركة

    وقد إقتبست عنوان البوست من رائعة الراحل المقيم طيب الله ثراه
    عبد المنعم الخالدي التي تقول كلماتها:
    " يا الجمالك زينة بادي
    في رضاك غاية مُرادي
    تكفي منك إبتسامة
    ويا المعاك راحة فؤادي
    حُبي ليك حُب ما إعتيـــــــادي
    قلبي بلقي الفرحة جنبك
    لو تحن وتسيب عنادي
    عارفوا بتقسيهوا قلبك
    ليه بتتعمد عنادي
    حُبي ليك حُب ما إعتيـــــــادي
    زيد في دلك وزيد في تيهك
    وبرضوا ما بغيير في ريدي
    بس كفاية عليي أشوفك
    ونظره منك فيها زادي
    حُبي ليك حُب ما إعتيـــــــادي
    كلوا إحساس جوه قلبي
    بغني ليك ويقول وحيدي
    إنته ألحان عمري كلوا
    وإنته أنشودة وجودي
    حُبي ليك حُب ما إعتيـــــــادي "



    مع الإعتذار لشاعر

    المرحوم عبد المنعم الخالدي









    استاذى الحنين المرهف حسن ساده سكر زياده
    الليله الحب عندك ضارب فى العلالى..
    ونساك صاحب الاغنيه الحقيقى
    وهو للراحل المقيم خليل اسماعيل..
    ولافراق فى محراب الحب بين
    الخالدى وخليل

    [SIZE=2]الابتسامه.. كلمه طيبه .. من غير حروف
    الابتسامه لاتكلف شيئا ولكنها تعنى الكثير[/
    SIZE]

    ************************************************** ****************

    حياة جل مكسبها خسار ** وعيش لايسرك يانزار
  4.  
  5. #3
    عضو برونزي
    Array
    تاريخ التسجيل
    Jul 2009
    المشاركات
    627

    الفاضل حسن زيادة تحياتى ياخى بختها الرجلة كل الكلام الجميل ده فيها انها ليست محبوتى الاولى لكن بحب اعمل لانها بتطلع سمحة بطبيعتها وكده بتخم الناس انك ماهر فى الطبيخ بعدين حشها جميل وانت برصها بتحس بالتنسيق فالطويلة مع الطويلة والقصيرة مع القصيرة وكلما كانت صغيرة وعروقها حمراء بتكون طاعمة طعامة اها حتى الغزل فيها اشتركنا معك بس ماحافظة اغنية عنها

  6.  
  7. #4
    فخر المنتديات
    Array الصورة الرمزية بدر الدين محمد
    تاريخ التسجيل
    Nov 2006
    الدولة
    ود مدني حي المدنيين الجامع
    المشاركات
    3,210

    وهكذا دائما حسن سادة .... ما يخطه يراعه هو عالمه .. حين يتونس .. حين يخلد للراحة..

    جعلنا نساوي الرجلة بالنرجس والياسمين
    ونشتم رائحتها

    ونتمنى ان نجدها الآن بين يدينا (باااااااردة.. بالكسر... والشطة الحمراء) في صحن طلس ابيض مطرقع بدون صينية

    أحببت ذا الخلق العظيم
    نورا وعلما وصراطا مستقيم
    وهو تياري وحزبي وإمامي والزعيم
    فله التعصب (كله) والانحياز
  8.  
  9. #5
    فخر المنتديات
    Array الصورة الرمزية مدنيّة
    تاريخ التسجيل
    Jul 2006
    الدولة
    محل الرئيس بنوم والطيارة بتقوم
    المشاركات
    18,647

    والله ياحسن سادة شهيتنا في الرجلة

    يديك العافية ياخ

    غايتو ما لقيتها ليك في صحن ياقول استاذ بدرالدين
    جبتها ليك نبات





    كل إنـــ(انا امراة لاتنحنى كى تلتقط ماسقط من عينيها)ــــاء بما فيه ينضح
  10.  
  11. #6
    عضو مميز
    Array الصورة الرمزية حسن سادة
    تاريخ التسجيل
    Jan 2007
    الدولة
    البحرين
    المشاركات
    413

    صاحبي ونديدي نزار باشا
    شكراً للطلة وللتصحيح يا راجل يا فنان
    صدق أنا كنت قايل الغنية دي حقة المرحوم الخالدي
    شكراً للتنويه وقد قمت بتعديله

    المصونة حنونة
    شكراً لهطولك في مرابينا كمطر الرشاش الرش
    لا عدمناكي يا غالية

    توأم الروح أستاذنا سيد الإبداع الفنان بدر الدين محمد
    منك تبتدي الروعة وبعدك روعة جد ما في
    شكراً يا الحيرت أوصافي

    الراقية ست الجيل وبنت ملوك النيل مدنية
    طلتك أجمل من نوارة على ضفاف المقرن الجميل
    رجلتك دي بطبخها أنا بنفسي أصلو أخوكي طباخ ماهر
    وعن رجلتي أنا بحكي ليكم يلا صفقوا كلكم

  12.  
  13. #7
    عضو فضي
    Array الصورة الرمزية سمل الحلفاوى
    تاريخ التسجيل
    Jun 2005
    الدولة
    اصلا حلفاوى وساكن بحرى كافورى
    المشاركات
    1,010

    لك الرحمة والمغفرة حسن ساده

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
by boussaid