الحـــب الأخــــير

الرائــع : هــاشم صــديق

الحبايب خانوا فاتوا وضـيّعوني
وانتي باقية وديمة وافية
ومـا بتخــوني ..
تانني غيرك ما بغازل

وأعبدك كل العباده

كود HTML:
ما رأيكم في هذا يا جماعة


إنتي نفسي وبرضو رسمي
والأغاني والسـِّيادة
والمعاني والشهاده
ولو حصل فارقت عينيك
يبقي حزنان
وأبقى خايف
شان خطاي عرفت دروبك
وما أظن غيرك توالف
إلاّ برضو وفي غيابي
بحفر إسكم في حنيني
وفي سنيني
وفي المغارب والمشارق
وأحكي ليك وتسمعيني
وترسميني
قلب وافي
في المشاتل والبيارق
وشان بعزك ي حبيبة
داير أكتب إستقاله
بالحروف بالحرقة بقّت
وضاعفت ألمها المهانة ...
فيها ما داير أعاتب
للأحبه الخانوا فاتوا
وبرضو ما داير أجرّح
للزمان جوايا عاشوا
ووبي إيديهم برضو ماتوا
داير أشيع فيها معنى الإلفه
والحب والأمانه
المعاني الفي زمنّــا
إتباعدت فقدت مكانها
وأقول كمان للفاتوا فوتوا
ولي جروحي مع السلامه
وقبل ما أختم حروف الإستقاله
داير أبايع للغلابة
وللتعابه
وليك إنتي
يا الحبيبة الواحده
والحضن الأمين
العرفت المعنى فيها
وبت في حضن اليقين
يا جميلــه .. يا محنــة
يا أمينه .. يا أملنا
يا بلـدنا
يا بلـدنا ...


أفتــــــــــــــــــــــــــــووووووووووووووونا يـــا ناس هــــــــــــــــــوي