ادارة منتديات ودمدني ... تهني الامة الاسلامية .. بمناسبة عيد الأضحى المبارك .. اعادة الله علينا وعليكم بالخير والعافية .. عيدك في بيتك

النتائج 1 إلى 15 من 15

الموضوع: دقستَ

     
  1. #1
    عضو ذهبي
    Array الصورة الرمزية ابراهيم
    تاريخ التسجيل
    Nov 2003
    الدولة
    مدني الجميلة/جزيرة الفيل
    المشاركات
    4,172

    دقستَ

    قلت لها وانا ارتل آيات القرب في مراسم الوداع ان الشوق جمر لا يهدأ وانتي ادرى بالتهابات اشواقي اذا افترقنا سويعات .. وانتي ادرى بهذا القلب التواق إليك وووو
    قالت: تقترب ارواحنا كلما باعدنا المكان .. وزماني هو زمانك اينما كنت
    كانت تتحدث بكل اللغات الحلوة المذاق والسهلة الانسكاب
    وعينيها شهادة صدق لا يختلف فيها الفقهاء
    ودمعة منهكة كانت تعاند الهدب المكحل بحزن اللحظة فطاوعها الهدب مهزوم
    وتوالت الدموع ممطرة ...وحينها اطلق القطر صافرته إيذاناً بالرحيل
    قلت لها: غداً سنلتقى سآتي بشوق ودفء ..
    لن تنفرط عني احلامي فهي موثوقة بقلبي
    كانت تبكي فودعتها بحرقة
    لم تنطق بحرف واعطتني منديل حسبته للذكرى!!
    ولكني ادركت غبائي وانا اقلب المنديل بحزن عندما وجدت عبارة كتوبة كادت تمسحها الدموع ..
    /
    \
    /
    \
    /
    \
    /
    \
    (دقست)

    التعديل الأخير تم بواسطة ابراهيم ; 04-12-2006 الساعة 01:18 AM
    وأنا هل كنت إلا ألقاً ذاب في عينيك وهجاً أبديا
    او فتوناً فوق خديك إنتشي بهجة عاد بها الحس إليا
  2.  
  3. #2
    عضو فضي
    Array الصورة الرمزية saly
    تاريخ التسجيل
    May 2005
    الدولة
    جامع الحكومه - حي المدنين
    المشاركات
    1,117

    بحس حته في جواك حقتي
    وبس



    ***Am gonna miss every one in here ***
  4.  
  5. #3
    عضو برونزي
    Array الصورة الرمزية كاظم
    تاريخ التسجيل
    Jun 2005
    الدولة
    مدني - عووضة
    المشاركات
    681

    [QUOTE=ابراهيم][b][size=3][color=blue]قلت لها وانا ارتل آيات القرب في مراسم الوداع
    ابراهيم سلامات ...
    كان فجينا حتة بيني وبينك عشان نقعد فيها كلامك السمح ده ... بتضيق المسافة لو سكتنا .. وبتوسع كان ناقشناهو بالراااااااااحة ..
    على قدر ما فيها من كلمات دافية وحنينة على قدر ما ما عجبتني الكلمة الاخيرة اللي هي عنوان الموضوع اصلا .. ما عرفت ليه حسيتها نشاز .. يمكن لانها ما بتشبه العبارات السبقتها في الموضوع والكانت جادة وعميقة .. او يمكن لانو الكلمة استخدامها ما ادبي ولا شنو كده واخوك ووالله ما متخصص لكن هبشني الكلام وقلت المح ليك ببعض الحاجات .. على العموم كدي بنتناقش

    كاظم الزعيم
  6.  
  7. #4
    عضو ذهبي
    Array الصورة الرمزية ابراهيم
    تاريخ التسجيل
    Nov 2003
    الدولة
    مدني الجميلة/جزيرة الفيل
    المشاركات
    4,172

    التحيات الطيبات اختنا سالي ...

    بتمنى ليك كل السمح ..

    وانشاء الله ما تشوفي شين

    شكراً لمرورك الانيق

    وأنا هل كنت إلا ألقاً ذاب في عينيك وهجاً أبديا
    او فتوناً فوق خديك إنتشي بهجة عاد بها الحس إليا
  8.  
  9. #5
    عضو ذهبي
    Array الصورة الرمزية ابراهيم
    تاريخ التسجيل
    Nov 2003
    الدولة
    مدني الجميلة/جزيرة الفيل
    المشاركات
    4,172

    عزيزي كاظم مساء الخير

    الصراحة ادهشتني الملاحظة اخوى كاظم ... بقدر ما ادهشني حسك النقدي الوقور

    انت هبشت الحتة الكنت بغالط نفسي فيها .. في البداية كنت معنونها باسم

    "ولكنك اخترت درباً غير خارطتي" بمعني انو لا مكان لك عندي بعد رحيلك ونفس العنوان كان في الختام. لكن الحالة الكتبت فيها النص كانت حالة اقتحامية و"دقست" هنا انا حاسي بيها بتصور حالة الانفعال العشتها اثناء الكتابة.

    و الحالة الانتقالية من الرومانسية المثالية الى كلمة "دقست" كان القصد منها رسم صورة لمقابلة الصدق بسخرية لازعة وعدم جدية وعكس نموذج لاولئك الذين يتوشحون ثوب والوفاء المقنع في دواخل بهتانية تفتقر الإرادة

    اتفق معاك انو كلمة "دقست" استخدامها مختلف ومتخلف لكنه جا بس لتصوير حالة

    رغم انو العنوان الاول "ولكنك اخترت درباً غير خارطتي" منسجم وانيق لكن حسيت انو "دقستَ" بتدى عمق أكتر ولا رايك شنو ...

    مع مودتي وتقديري

    وأنا هل كنت إلا ألقاً ذاب في عينيك وهجاً أبديا
    او فتوناً فوق خديك إنتشي بهجة عاد بها الحس إليا
  10.  
  11. #6
    عضو برونزي
    Array الصورة الرمزية كاظم
    تاريخ التسجيل
    Jun 2005
    الدولة
    مدني - عووضة
    المشاركات
    681

    و الحالة الانتقالية من الرومانسية المثالية الى كلمة]"دقست"كان القصد منها رسم صورة لمقابلة الصدق بسخرية لازعة وعدم جدية وعكس نموذج لاولئك الذين يتوشحون ثوب والوفاء المقنع في دواخل بهتانية تفتقر الإرادة

    ابراهيم سلامات ..
    كدي عشان ما تشتت تركيزي .. انا متأمل جيد لو ما كنت ممتاز لكتاباتك من فترة وصدقني بحفظ منها في جهازي .. انتي قال ليك سااااااااااهلة كده تنط بي من الرومانسية المثالية لى كلمة (دقست ) ؟ .. مستوعب انا المسألة والله وعارف الحالة اللبستك لما جيت في اخر القطعة دي ..بس المشكلة انو الكلمة دي بالذات اثرت بشكل مباشر في عضم الموضوع .. طيب كدي اطلع ليك برة واوريك انا اشكالي شنو في التعامل مع النصوص .. اكيد بتسمع عقد الجلاد .. واكيد سمعت البوم فاجأني النهار .. واكيد برضو انو اغنية الطمبارة والغناي عجبتك جدا .. طيب الاغنية مع جمالها الخرافي ده انا في حتة ما قادر ابلعها فيها اصلا .. مافي نصها ولا لحنها بس في اداء عضو المجموعة (الخير) في الكلمة بتاعة (انبليت) لانو اتعامل مع الاغنية بعدم جدية وكان اداؤه هزلي بشكل مخزي .. فانا عندي فوبيا اختلال عمل فني لوجود لمحة واحدة تنشز عن اصل الفكرة .. ويمكن المسألة دي شخصية لحد بعيد وما عندها سند منطقي وباقي لي ما عندها جمهور ..
    وممكن نزيد النقاش كان لقينا فرقة تانية
    ابقي عافية

    كاظم الزعيم
  12.  
  13. #7
    عضو ذهبي
    Array الصورة الرمزية ابراهيم
    تاريخ التسجيل
    Nov 2003
    الدولة
    مدني الجميلة/جزيرة الفيل
    المشاركات
    4,172

    استاذى كاظم تحية عطرة

    فانا عندي فوبيا اختلال عمل فني لوجود لمحة واحدة تنشز عن اصل الفكرة
    اكيد من اساسيات اي عمل فني وصول الفكرة بدون اختلال في اصل الفكرة ودي ملكة ابداعية نادرة.

    كلمة "دقست" علاقتها بمضمون القصة وادواتها من زمان ومكان وشخصية شفتها مناسبة واقول ليك حاجة اساساً انا بستحقر الكلمة دي عشان كدة اخترتها هي اصلاً بتتقال للانسان المخدوع وانا حاولت ارسم بيها شخصية قائل الكلمة ولقيتها منسجمة معاها تماماً يمكن ما متفقة مع الجو النفسي العام للقصة لكن صراحة ما لقيت كلمة اعمق من كدة دى واحدة والحاجة التانية اني حاولت اتمرد واجيب شي جديد رؤية جديدة ممكن تكون صح وممكن لا ..

    دي طبعاً اول محاولة لي في اتجاه القصة القصيرة وبعتبرها محاولة ناجحة بعد مداخلاتك فزيدنا من نورك لنتألق شكراً لتوجيهاتك وجهودك وللحوار دوماً بقية.

    وأنا هل كنت إلا ألقاً ذاب في عينيك وهجاً أبديا
    او فتوناً فوق خديك إنتشي بهجة عاد بها الحس إليا
  14.  
  15. #8
    عضو برونزي
    Array الصورة الرمزية كاظم
    تاريخ التسجيل
    Jun 2005
    الدولة
    مدني - عووضة
    المشاركات
    681

    ابراهيم مساك الله بالخير ...
    ما بناقشك في فكرة الموضوع كتير لانها ملك حر طبعا .. اتجاهك في انو تكتب في مجال القصة القصيرة مسألة غاية في الجمال واظن بتنجح يمكن لانو التعامل مع المفردة عندك بالجد تعامل جيد والمدهش في المسألة برضو غزارة الكتابة عندك بعيد عن الخلل والتكرار ودي نادرا ما تلقاها متوفرة في زول .. ابراهيم انت موهوب والله وده راي قارئ عادي يعني ما زول متخصص لكني مقتنع انو مرات راي القارئ بكون اكتر فايدة من راي الناقد المتخصص وانا سامع تحت تحت كده انو الناقد دايما بكون فشل في المجال البنقد فيهو كان نقد في الشعر ولا القصة ولا غيرو من فنون الادب
    مبرراتك لاستخدام الكلمة انت اكتر احساس بيها مننا .. محاولتك لطرح شكل جديد مغامرة لكن يا ابراهيم المطمئن في المسألة انو انت ما عندك حاجة تخاف عليها لانو حسب قولك انو انت في البداية .. جرب ونحن بنلبد ليك في شارع اليف اسمو الاستمتاع بانتاج الرايعين وكان جيت شاقي بيهو بنوقفك ونناقشك
    مع خالص الود

    كاظم الزعيم
  16.  
  17. #9
    عضو ذهبي
    Array الصورة الرمزية التيمان
    تاريخ التسجيل
    Jun 2005
    الدولة
    مدنى شندى فوق
    المشاركات
    4,171

    يسلموووووووووووووووووووووو



    أبكي انا .. عاصي انا لمنو انا اشكي ..
    أفتح لي بابك يا كريم واقبل دعائي كل ما ..
    امد اليك كفي .. الله ..
    مرر الماوس وادعي التيمان .. َ!
  18.  
  19. #10
    عضو ذهبي
    Array الصورة الرمزية ابراهيم
    تاريخ التسجيل
    Nov 2003
    الدولة
    مدني الجميلة/جزيرة الفيل
    المشاركات
    4,172

    اخوى واستاذى كاظم ... التحيات الطيبات

    حقيقة كلامك شجعني واداني دافع للكتابة بروح جديدة .. كتير الواحد بكون في حاجات جواه لكن نادر ما يلقى ناس يدوه دافع الانسياب بلا خطوط حمراء امام الروح والعقل وبث روح حرية الكتابة.
    فشكراً كثيراً لإضاءاتك اخي كاظم..


    مع مودتي

    وأنا هل كنت إلا ألقاً ذاب في عينيك وهجاً أبديا
    او فتوناً فوق خديك إنتشي بهجة عاد بها الحس إليا
  20.  
  21. #11
    ابو قناية
    Guest

    شكرا لك ابراهيم
    اكتب لك في هذة المرة بسبب المداخلة الحلوة والنقد الراقي من الاخ كاظم وكما قال هو ان القصةجميلة وممتعة واخذ عليك استخدام كلمة دقست ...وهي كلمة سوقية وليست بالادبية... ولكني انا لي تعليق ارجو ان يتسع لة صدر كل الا عضاء... ان كثير من الكلمات السوقية اصبحت الان تستخدم علي نطاق واسع من شرايح المجتمع.. وانت تقول انك استخدمتها لما لها من مدلول لا تعبر عنه كلمة سواها في مثل هذا الموقف ... وهذا ما لايقدر احد علي منعك منه لانك صاحب الاحساس والموقف
    علي اي حال انت الذي تختار ما تكتب ونحن نختار ما نقرأ
    ولي عودة

  22.  
  23. #12
    عضو ذهبي
    Array الصورة الرمزية ابراهيم
    تاريخ التسجيل
    Nov 2003
    الدولة
    مدني الجميلة/جزيرة الفيل
    المشاركات
    4,172

    تحياتي يا أحلى تيمان ...
    المكان بيكم منور ..
    ابقو لذيذين ورايقين ..
    وادونا معاكم حبة

    وأنا هل كنت إلا ألقاً ذاب في عينيك وهجاً أبديا
    او فتوناً فوق خديك إنتشي بهجة عاد بها الحس إليا
  24.  
  25. #13
    عضو فضي
    Array الصورة الرمزية راسكال
    تاريخ التسجيل
    Mar 2006
    الدولة
    مدنى القسم الاول
    المشاركات
    1,849

    اخونا ابراهيم والله وبصراحه انا من الناس البتهوى الشعر والخواطر والنثر

    وبشكرك علي الكلام الحميل دا

    ونشوفك تانى

  26.  
  27. #14
    عضو ذهبي
    Array الصورة الرمزية ابراهيم
    تاريخ التسجيل
    Nov 2003
    الدولة
    مدني الجميلة/جزيرة الفيل
    المشاركات
    4,172

    تحياتي الحبيب ابوقناية ...
    شكراً لرفعك البوست بعد أن أكل عليه الدهر وشرب في الأرشيف
    كما اشكرك لهذه المداخلة الراقية ..
    ولي عودة

    وأنا هل كنت إلا ألقاً ذاب في عينيك وهجاً أبديا
    او فتوناً فوق خديك إنتشي بهجة عاد بها الحس إليا
  28.  
  29. #15
    عضو ذهبي
    Array الصورة الرمزية ابراهيم
    تاريخ التسجيل
    Nov 2003
    الدولة
    مدني الجميلة/جزيرة الفيل
    المشاركات
    4,172

    الزول الرزين والحبيب.. راسكال
    تحياتي واشواقي لابعد حدود أو بلا حدود
    والاجمل الحوار الآسر في سعادة بين جيتك توقيعك هنا
    حبك للكلام الجميل نابع من حتة شفافة جواك
    وابقى طيب

    وأنا هل كنت إلا ألقاً ذاب في عينيك وهجاً أبديا
    او فتوناً فوق خديك إنتشي بهجة عاد بها الحس إليا

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
by boussaid