متين ما جيت ...!
بجيك قايداني اشواقي
متين حنيت
بيسرقني الزمن لسكتك سرحان
مراكب شوقي ما بتمل مقاديفها
وبتسابق محيط اللهفة للشاطي الهناك عطشان
عشان نوصل
متين نوصل
تبل اشواقو لقيتنا
متين نوصل نحس بامان
نبدد هاجس الغربة البعيشها بعيد
وبتعيشيها في الاوطان
تعالي نكون
زمن واحد
وطن واحد
بدون جدران
ونتدفق جداول ريدة
نسقي تقاوي دنيتنا الحزينة أمان
تعالي
بجيك
وتتلاقى الاماني معانا في انسان
انا وانتي ... ورحيق معنانا
والدنيا الملانة حنان
انا
وانتي
وخلاص يا عتمة مافي مكان
ونبقى مدينة أحلامنا
تسافر مننا الاحزان
متين ما جيت
بجيك مشتاق
بجيك فرحان
(تلش)
المفضلات