ولو فى النوم بقوم أصحى

 

 للشاعرة : انتصار محمد الحاج

 

امل ضمة
قعد فى فكرى واتلم
تلبد غيمة فى سحابات
جريت ليهو
حفيت ليهو
بريدو كمان
بموت فيهو
بلبدو من غباش وسواد
ابيت اديهو للضايعين
وابيت اهديهو فى كلمات
وصلت حداهو متالم طريق وعرة ومحنة شتات
محدب ضهرى مو من سن
مغبر من دريبو ومن
وقوعى الضرج السكات
وصلتو، اريتنى يوم ما جيت
دخلتو ،صدمنى فى لحظات
هبشتو حطام
رماد ميت
تركتو دموعى كالزخات
فرح محموم
حزن مكتوم
وهم مجنون
معكر صفوى ذو أنات
قبل يشرق صباحو على
شرق ليلو وصبح ترهات
بكيت رفضت دموعى تسيل
جريت اتشتت طرقى
صبح املى دروب باهتات
جريت ،وصرخت صوب النيل
جريت مفزوع بقوة خيل
نويت ما أقيف ولو بالليل
نسيت انى وحيد فى موات
طريت امى وحبيبى قلبى
وقبلو بنيتى ام بسمات
وقع فى السكة من طولى
رجع للدنيا...........
آآآآآآآآآآآآآآآآآآآآآآآآآآه
ما فات
خلاص راح فات
خلاص راح فات
سكت أتأمل اللحظات
نزل دمعى وحزين زفرات
غضب : ما تروح
وأيه لورحت ........
وموت لومت غيرك مات
كفاك جرح دواخلى سنين
هداك دربك كفاى ترهات
حزين مجروح ومرفوع راس
ضعيف مكسور ،وما منقاد
قوى ومهموم
شقى ومزحوم
ولا منزل كمان مكلوم
صبى ولسع بشيل الزاد
وامش تانى وأكوس دوحات
وربك خالق الخطوات
بفرج همى وادينى
بريح قلبى بعد الفات
اريت الفات يفوت
وان فات يمش مايعود
ولا تتكرر اللحظات
ولو فى النوم بقوم اصحى .



 

انتصار محمد الحاج

 

 

راسل الكاتب

محراب الآداب والفنون