رسلت ليكي أول خطــاب لـي هسع ردك مـا وصلنـي

وصفت ليـكي حـال القليب شـرحت ليكي شوقي  وحنيني

كنت  فاكر  لم  تستلمي  الخطاب  باللهفة  نفسها  لي  تحني

بس  وحاتك  لم  إتأخرتي   في  ردكِ  عليّ  خيّبتي  ظـني

يا عفـاف  يا غنوة  حلوة   في  حياتي كل شادي ليكي غنى

يا عفـاف  يا أحلى زهرة حب وحاتك تبقى دنياي بيكي جنة

يا عفاف يا بهجة الدنيا وربيعا يا صفاها قلبي لي عينيكي حنّ

يا عفـاف  يا نور  عيوني  يا هناي يا واحة الشوق والمحنة

كنت فـاكر بقـدر إصـبَر وراكي الصبر ضاق بي  غلبني

يا عفـاف  يا وردة  في بستان  حياتي شيلي في قلبك هوايا

يا عفـاف  يا سعدي يا كل  العمر يا سنى  الـروح يا منايا

يا عفاف يا نجمة ساطعة في فؤادي في  الظلام ضوت سمايا

ياعفاف يا نسمة يا ألطف  عبير يا ودادي عيشي أيامك معايا

كنت مـا عايز أصارحـكِ بمشاعري ما قدرت غصب عني

في  دريبك   كم  سهرنا  وكم  تعبنا  سرحنا في عينيكي تُهنا

ما قدرنا  على فراقك ما صبرنا يوم لقاكي لسع نحلم بيهُ نحنا

قنــا نصبّر وراكي يمكن الأيام توالف  ونبقى نتحمل قدرنا

بس  وحاتك  في رجاكي كم شقينا ضاع حلمنا وضاع عُمرنا

عبدالسلام مصطفى عثمان