جد بريدك

 للشاعر : صالح فرح صالح

 

جد بريدك الا خايف كل ريد الدنيا يكمل
لما اسرح فى عيونك والقى صورتك فيها اجمل
***
داير اوصيك لى عيونك لما اسرح فيك اهود
حبه حبه تلم رموشه مافى داعى تعيد تزود
انت عارف قلبك بضعف لو عيونك بس تغرود
وللا عايز عمري يكمل
***
خلى قلبك فيهو رحمه سيبنى اوصف ليك جمالك
لون عيونك فيهو زحمه وحاجبك الحاضن هلالك
ياما توه قلبى ياما وانت زايد فى دلالك
ورينى كيف الزيي يعمل
***
لو قلت مره معاكا اقسى خوفى تغدر بيا تنسى
ابقى حاير زى مراكب تايهه ما لاقيالا مرسى
تانى ارجع ليى عيونك لو عيونى معاها ترسى
خلى ريدة الدنيا تكمل
***

صالح فرح صالح / العين

 

 

راسل الكاتب

محراب الآداب والفنون