ابو علا كوفي شوب [الأرشيف] - الصفحة 2

Jamal Elmahi

16-09-2006, 09:01 AM

أبوعلا اللبن أسعلني منو تب...
أفو أأأبوعلا أنا ما بجيب ليك لبن يغلت عليك...أنا الشطر من ما القاهو مدلدل زي البرطوش القديم واصل الصرّه بختاهو...بقع الحجم العائلي فرد شطر بملأ الكوره...أما الشطور الجلافيط لبنا مدتو منتهيه وبكون أتحول لي روب ولاّ جبنه...اللبن أأأبوي في ضرعو بنعرفوا كان صالح ولاّ بسوي المقس...
وهي أغنية مقس ياالعزابه فوق اللبن!! فرح ود تكتوك ما قال في اللبن البيضا ما بكفوها وحتو قال البتغتي الريال ولا الريال ..شوف عزّت اللبن كيف..
أها أأأبوي قلته لي أربعه تمن لبن وبخستين روب...

بجيك صاد لي محو الحنكشه والاخشوشان...

ود الماحي

سوار الياسمين

16-09-2006, 09:02 PM

انا بس عايز افهم :mad:

احنا (المسمى الاخر الحناكيش)
مولودين برا السودان
اتعلمنا برا السودان
ربينا برا السودان
اشتغلنا برا السودان
وقت ما لاقيت حبوبة كانت مصرية (رحمة الله عليها)
المصطلحات البتتكلمو بيها ابدا ما ما استعملناها ولا سمعتها جوة بيتنا ولا من حولينا

وروني بس اعرفها من وين ولا كيف ما اطلع حنكوشة
عشان تعرفو احنا ما لينا ذنب اننا كدا

حسبي الله ونعم الوكيل

والسلام عليكم ورحمة الله تعالى وبركاته

محمد حسين (المميز)

16-09-2006, 09:26 PM

يابت سوار الياسميــــــن
دمعتي رقرقت من المحاضره حقتك دي
خلاص ادفعي رسوم الحصـّــه عند ابوعلا
وانت تطلعي من هنا
شرّاميه ميّه الميّه:p
وتقولي وداعا عصــر الحنكشــه

:rolleyes:
**********

تعرفي يا سوارالياسمين
انا كنت زيك كده تقريبا اتولدت برّه السودان
ودرست لغاية ما خلصت المتوسطه برضو برّه السودان
وقبل 11سنه من الآن رجعت السودان عشان اقرا الثانوي والجامعه
هناك وبقيت اقعد تقريبا 9شهور متواصله في السودان و3شهور برّه
وفعلا عانيت شديد في السنه الأولى ولقيت نفسي انسان جاهل تقريبا
حنكوش يقولو مدلّــع يقولو ود راحات يقولو ود بسكويت يقولو
غايتو حاجه اللــه لا وراك ودي خلتني ليك اطلع من الشكل الانا فيهو
وبديت اتعلم الحياة السودانيه ولفيت السودان ومشيت فيهو حتت كتير لغاية
لما حسيت اني سوداني من جديد
عشان كده حاولو تنسلخي من جلد الغربه والبسي الشخصيه السودانيه
عشان ما تعاني ولا يضحكو عليك وتتعقدي لمن تمشي السودان

يا حنكووووووووووووشه
:p

***************

سوار الياسمين

16-09-2006, 09:36 PM

اننننننسلخ كيف يعني
حاولت لاكن ما نفع
وكشيت بدني بكلمة انننننننسلخ ده

وانت كويس يا المميز انك عشتى فترة في السودان لاكن انا اللهم بس اجازات
ويا زول ربك كريم مع الناس الصعبين :mad: البي فوق ديل

abu_ola

16-09-2006, 11:15 PM

انا بس عايز افهم :mad:

احنا (المسمى الاخر الحناكيش)
مولودين برا السودان
اتعلمنا برا السودان
ربينا برا السودان
اشتغلنا برا السودان
وقت ما لاقيت حبوبة كانت مصرية (رحمة الله عليها)
المصطلحات البتتكلمو بيها ابدا ما ما استعملناها ولا سمعتها جوة بيتنا ولا من حولينا

وروني بس اعرفها من وين ولا كيف ما اطلع حنكوشة
عشان تعرفو احنا ما لينا ذنب اننا كدا

حسبي الله ونعم الوكيل

والسلام عليكم ورحمة الله تعالى وبركاته

و عليكم السلام و رحمة الله وبركاته

أولا شي الموضوع لا نقصد منه سواء المتعة و الخروج من طور الجدية و زي ما قال إبراهيم أخونا في الأول هذا البوست لخلق البسمة بنكهة جديدة تحمل من كل غيمة فرح زخة

و من كل نجمة أصالة شعاع

و تجمعنا لنحلق كالسوار أقصد كالعقد الذي يزين جيد الحسناء

ثانياً بخصوص الحناكيش عموماً أنا لا أقصد شخص محدد و بيني و بينهم أروع الصلات بدليل اني خارج السودان منذ فترة ليست بالقصيرة يعني المسألة بالمكشوف كدة لا بيناتنا صراع طبقي و لا حقد إجتماعي و بعدين أولادنا أن شاء الله حيكونوا زيكم كدا لا أكثر و لا أقل كمان حنكشت أولاد عمك ود الماحي دي خليها ساااكت حنكشة و عوجة لسان

أنا لا ألموك كما لا ألوم والديك بل بالعكس لهم مني كل التقدير على الجهد و الغربة المتحملنها عشان يوفروا لكم لقمة العيش الطاهرة الشريفة كما تجديني أقف أجلالاً لهم لحرصهم على تربية و تعليم أبنائهم أفضل تعليم و تربية

بس بيني و بينك كده بلوم الظروف الخلتنا نبعد عن حضن الوطن و بالمناسبة حتى في السودان أنتشرت ظاهرة الحنكشة نتيجة لتنامي الأسر الننوية و تضاءل سطيرة الأسرة الممتدة على أفرادها و تضاءل دور الحبوبة و الجد و العمة و الخال و الخالة و ود الجيران و كل أهل الحلة و الحي و نتيجة لهذه التغيرات الإجتماعية و الطفرة العملية و العملية و أنتشار أجهزة الإتصال من هاتف و تلفزيون و غيرها و التوجه العالمي نحو التطور التكنلوجي و السعي ليصبح العالم قرية صغيرة ( كلمة قرية تحمل في طياتها الأصالة والقيم و العادات والتقاليد التي تميز كل أهل قرية عن الأخري ) أدت إلى إحداث الكثير من التغيرات في الأسرة السودانية كما أن هناك تغيرات إيجابية فهناك تغيرات سلبية كثيرة أسرت في تكوين ملامح الشخصية السودانية

الحنكشة يا سوار نتاج طبيعي للهجرة من الريف إلى المدن و الظروف الإقتصادية التي أبعدتنا جميعاً من السودان الوطن الأم كما أنها نتاج عادل للتعايش مع المجتمع الآخر و أي شخص خارج السودان لا يكون حنكوشاً فهذا يدل على قصور إختلاطه بالمجتمع المحيط به ( اقصد الحنكشة المكتسبة و ليس المصطنعة ) أنا بصراحة أشجع تفاعل الفرد مع المجتمع المحيط به تفاعلاً إيجابياً بمعني أن ناخذ ما عنده من إيجابيات و نترك ما لديه من سلبيات و في نفس الوقت نزرع في هذا المجتمع ما لدينا من صفات و خصال و أدب و .....و .. و .... و .. و نحافظ على السمات المميزة للشخصية السودانية دون أن نذوب في هذا أو ذاك المجتمع .

مصيبتنا يا سوار لحدي الآن نتجادل في صراع الهوية السودانية العرب ما رضيانين بينا و نحن ما راضين بالأفارقة فإذا قلت أنا عربي فقد أخفيت جزء من الحقيقة و أن قلت أفريقي فقد جانبت الصواب يكفي النيل أبونا و الجنس سوداني عشان كده هذه دعوة للمحافظة على ما يمزنا عن بقية خلق الله سامعين يا الحناكـــــــــــــــــــ........

سوار يا رائعة كل شي قسمة و نصيب و انتي نصيبك كده نعمل ليك شنو ( بيض مسلوق )

حكمة الله لا أهل العوض مخلين الحناكيش في حالهم و لا الحناكيش مخلين أهل العوض في حالهم

و كان قعدتي تتشكي لي الحول ياكي داخلة مدرسة عمك ود الماحي دي بس من هسع يكون في معلوميتك ما عندنا أستاذ خصوصي و لا كورسات تقوية ( خخخخخخخخخخخخخخ )

ختاماً اقول

ليس كل من عاش في الخليج أو في العمارات السوامق حنكوشاً

و ليس كل من سكن الجزيرة أو النيل الأبيض من أهل العوض

و لكي مودتي

abu_ola

16-09-2006, 11:18 PM

تعرفي يا سوارالياسمين
انا كنت زيك كده تقريبا اتولدت برّه السودان
ودرست لغاية ما خلصت المتوسطه برضو برّه السودان
وقبل 11سنه من الآن رجعت السودان عشان اقرا الثانوي والجامعه
هناك وبقيت اقعد تقريبا 9شهور متواصله في السودان و3شهور برّه
وفعلا عانيت شديد في السنه الأولى ولقيت نفسي انسان جاهل تقريبا
حنكوش يقولو مدلّــع يقولو ود راحات يقولو ود بسكويت يقولو
غايتو حاجه اللــه لا وراك ودي خلتني ليك اطلع من الشكل الانا فيهو
وبديت اتعلم الحياة السودانيه ولفيت السودان ومشيت فيهو حتت كتير لغاية
لما حسيت اني سوداني من جديد
عشان كده حاولو تنسلخي من جلد الغربه والبسي الشخصيه السودانيه
عشان ما تعاني ولا يضحكو عليك وتتعقدي لمن تمشي السودان

يا حنكووووووووووووشه
:p

***************

يا المميز انت قلت لي كنت حنيكيش و بعدين بقيت من أهل العوض !!!!! يعني قصتك دي زي طبيخ البامية الطلعوا منو اللحمة حمروها و فركوه و ادوه ويكة زيادة

و الله ماشاء الله يا الدفـــع الأمامي ربطو ليك كرونة و بلي و دنفرنش

سوار الياسمين

17-09-2006, 12:03 AM

لاكن يا ابوعلا لقيتك زول بتاع لغ لغ لغ لغ لغ لغ تقييييييييييييل
ما تلقى ليك فرصة ويلا ادي اديلو تشتغل فينا
صحي اداب مع بطانية اقصد مرتبة الشرف

خواطر

17-09-2006, 12:08 AM

والله ياخوانا ضحكتونا كتير الاخ المميز والاخت سوار التحية ليكم وانا ما بعيد منكم تقريبا نفس قصة المميز الحكاها دي
.ولكم من التحية والتقدير لاكن في ملاحظة بسيطة ناس مدني ديل معروفين داخل السودان وخارج السودان انهم شرامة السؤال بقا الحنكشة دي جابوها من وين .
مثال لي خارج السودان لي احد اصدقائي ضابط في شرطة الرياض ومرة يوم خميس وهو نبطشي في القسم جابو ليهو جماعة من السودانين عاملين شكلة وهم طالعين من استراحة وطبعا لايخلو الامر من وجود السكارى وعند التحقيق مع احدهم وكان احد السكرانين وجة له سؤال اثار الدهشة في نفسي وهو من مدني انتا .
لماذا نسمح لمثل هؤلا ان يلحقوا تلك السمعة بمدني ؟؟؟؟؟؟؟؟؟

ابراهيم

17-09-2006, 12:15 AM

حنكشة ناس شاهيناز ورهف ونيروز سمحة وما فيها شيتاً يعيباً
علا حنكشة ناس أمونة وام حقين وحوا بت مساعد دي مشاترة وفيها فليق
انا سنة تسعين قريت كتاب ما بعرفو غايتو يكون مؤلفو ابو علا
اسمو الحتكشة وجهجهة التساب:D وواحد تاني اسمو لزوم الكندشة واصول الحنكشة
الكتب في صميمها بتناقش مواضيع الحنكشة الطبيعية والحنكشة الصناعية تداعياتها والحلول والمقترحات والرؤى المستقبلية..
كدى يا عمك تعال ادينا الخطوطيات والمنحنيات وصدي الكلمات
باقى علم الحنكشة دة واسع والواحد لو لقى طريقة يتحنكش ما كعب
ولا كيف؟

hamad2

17-09-2006, 12:34 AM

طبعا ياجماعة انا احتكيت بالحناكيش في الهنداناطالب في الهند وانشاء الله قربت اتخارج الحمدلله
لاكن الناس ديل مورننا الويل يعني البكون جاي من السودان دا بكون ملحلح
ديل بصله مابعرفو يقطعوه يعني الواحد همو كلو اربي شعرو وكون عايش اسطايل

محمد حسين (المميز)

17-09-2006, 01:41 AM

ههههههههههههههههههههه
كلااااااااااااااام
يا عوض دكام

كلامكم لكن زي العسل

***************

abu_ola

17-09-2006, 06:26 AM

لاكن يا ابوعلا لقيتك زول بتاع لغ لغ لغ لغ لغ لغ تقييييييييييييل
ما تلقى ليك فرصة ويلا ادي اديلو تشتغل فينا
صحي اداب مع بطانية اقصد مرتبة الشرف

بمناسبة البطانية دي جيبي معاك عنقريبك و مرتبتك و تعالي اقعدي في الداخلية لانو الدراسة بالمساء و بعدين ما بتلقي مواصلات توديك الدوحة و عملك ود الماحي جنو و جن محاومة البنات أنصاص الليالي
و انتي عارفاه براك ما بحب المسأخرة و الغياب ...

سامعاني يا بت عشاي

abu_ola

17-09-2006, 06:29 AM

والله ياخوانا ضحكتونا كتير الاخ المميز والاخت سوار التحية ليكم وانا ما بعيد منكم تقريبا نفس قصة المميز الحكاها دي
.ولكم من التحية والتقدير لاكن في ملاحظة بسيطة ناس مدني ديل معروفين داخل السودان وخارج السودان انهم شرامة السؤال بقا الحنكشة دي جابوها من وين .

خواطر مرحباً بك ضيفاً عزيزاً في الكوفي البيت بيتك و كان ما لقيت ليك كرسي فاضي اقعد فوق صنقوري دا من فوق بس امانة عليك العمة تنزلها في الأول باقي الولية جنها و جن مكوة العمم والجلاليب

حبابك تاني و تالث و رابع بس النشوف ناس الكرسي الساخن ديل و بجيك صاااد آآآعشاي

ما تفوت آآآالخزين هسع ناس عمك ود الماحي و عمك و د حسن بجووك

abu_ola

17-09-2006, 06:31 AM

حنكشة ناس شاهيناز ورهف ونيروز سمحة وما فيها شيتاً يعيباً
علا حنكشة ناس أمونة وام حقين وحوا بت مساعد دي مشاترة وفيها فليق
انا سنة تسعين قريت كتاب ما بعرفو غايتو يكون مؤلفو ابو علا
اسمو الحتكشة وجهجهة التساب:D وواحد تاني اسمو لزوم الكندشة واصول الحنكشة
الكتب في صميمها بتناقش مواضيع الحنكشة الطبيعية والحنكشة الصناعية تداعياتها والحلول والمقترحات والرؤى المستقبلية..
كدى يا عمك تعال ادينا الخطوطيات والمنحنيات وصدي الكلمات
باقى علم الحنكشة دة واسع والواحد لو لقى طريقة يتحنكش ما كعب
ولا كيف؟

ابراهيم اصبر لي ساااكت النكفي ناس الكرسي الساخن ديل و افضي ليك بس بيني و بينك الحنكشة البقيسوها بجدول اللوغرثيمات دي الله يكافي شرها

ات يا ابراهيم اخوي خلقة الله الحنكشة ما بنتفع معاك في المذاهب الأربعة و بيني و بينك كدي بتسوي ليك تسمم و بترقد الإستبالية عدييييل

abu_ola

17-09-2006, 06:41 AM

طبعا ياجماعة انا احتكيت بالحناكيش في الهنداناطالب في الهند وانشاء الله قربت اتخارج الحمدلله
لاكن الناس ديل مورننا الويل يعني البكون جاي من السودان دا بكون ملحلح
ديل بصله مابعرفو يقطعوه يعني الواحد همو كلو اربي شعرو وكون عايش اسطايل

حمد أخوي حنكشة تسبل العيون و جدع اليد لي وراء و قليب الحروف عرفناها بس الحنكشة البي الأردو دي لا سمنعا بيها و لا جابوها لينا ..... بس كدي تعال النسعالك حناكيشكم ديل بتخرجوا رقشات و لا الحكاية شنو ؟؟

المشكلة يا حمد أخوي في الحنكشة المصطنعة و الحناكيش المصطنعين الواحد منهم الحنكشة ما خايلة عليه و كت يتنحكش معاك تلقاه عامل زي الشافع اللابس مركوب أبوه ديل و الله يا حمد اخوي يفقعوا مرارتك عديل

حكمة و قالها أبو علا

العيشة مع الحناكيش يا ودتك تجاني الماحي يا ودتك الجنة دربك عديييييييييييييييييييييييل

الشريف الهندي

17-09-2006, 01:30 PM

عوووك .... ناس البيت سلام عليك
والله ياود الماحي أدمناك عديل وكل شويه وشو يه نشتاق ليك

عمي أبو علا سلامات عليك ياغالي طبعا من الشوق حاولت ارسل ليك مع البحر فخاف وقال شوقك ده بيبخرني

****************
بالنسبه لصلاة التراويح ...... أبشر والله بالحيل كل يوم من بعد المغرب انشاء الله بتلقاني جاهز تب لافي العمة وواقف على كراع ..
بس خليني احضر طاش ماطاش واجيك جاري ....

أها والحوليات دايرنهن بتين يوم كم وكم
والمداح راقدين وبنبدا ليكم أول يوم بعد الفطورمع (عبدالله الحبر ) انشاء الله
بالمناسبه ياجماعه كلكم معزومين عندي انشاء الله أول جمعه في رمضان والحاضر يكلم الغايب وبعد الفطور نمدح مديحنا
وتاني نصلي طراويحنا وبعد داك نتم السهره في الكوفي شوب

الشريف الهندي

17-09-2006, 01:43 PM

طبعا يالمميز طلعت حنكوش نص كم نحنا برضو مانظلمك

ههههههههههه

لكن لازمك حصص تقويه برضو مع ود الماحي

يا المميز انت قلت لي كنت حنيكيش و بعدين بقيت من أهل العوض !!!!! يعني قصتك دي زي طبيخ البامية الطلعوا منو اللحمة حمروها و فركوه و ادوه ويكة زيادة
انكرب ساي وتعال احضر حصص التقوية

أما سوار الياسمين دي فطلعت حنكوشه من الدرجه الاولي

حنكشة ناس شاهيناز ورهف ونيروز سمحة وما فيها شيتاً يعيباً
علا حنكشة ناس أمونة وام حقين وحوا بت مساعد دي مشاترة وفيها فليق

والله ياابراهيم دي حنكشه ليها الله وعيشة السوق

ابراهيم

17-09-2006, 02:17 PM

يا المميز انت قلت لي كنت حنيكيش و بعدين بقيت من أهل العوض !!!!! يعني قصتك دي زي طبيخ البامية الطلعوا منو اللحمة حمروها و فركوه و ادوه ويكة زيادة

و الله ماشاء الله يا الدفـــع الأمامي ربطو ليك كرونة و بلي و دنفرنش

والله يا ابو علا المميز دة ما خليت ليهو جيهة ينتكي عليها ...
انا بس محتار في طبيخ البامية العملو فيهو العملية الما إنسانية دي
طلعو منو اللحمة وحمروها وفركوه وادوه ويكة زيادة
انا غايتو لو في محلك يا المميز ياخوى تاني الراجل دة ما بسألوا وبرجع لي حنكشتي لأنو دي مسألة صعبة لو ما مستحيلة كدى اقيف وقفة تأمل كدة وأسأل نفسك بينك وبينا:D

محمد حسين (المميز)

17-09-2006, 10:03 PM

وروروووووووووووووووك
ها يا جماعه ده آخر ما اتوصلتو ليهو؟؟
طلـّـــعتوني حنيكيش!!!
والله دي مشكله :D
ياخوانا زمااااااااااااااااان
بسبب الغربه وانا لسه كنت صغير بلعب بالتراب
كنت زيي وزي اولاد المغتربين مسيـكيييييييييين
الغنمايه تاكل عشاي واكيد كان بينمو في جوّاي
مشروع حنكوش بسبب حنكشة العرب الشايفنها
في الغربه;)
لكن الحمدلله قتلت الحنكشه ولحقت نفسي من
عمري 14 سنه:D
الكلام والباقي الناس اللي اتمكنت الحنكشه منهم
وماقادرين يخلصو منها ولا ما كده يا اختي
سوار الياسميـــــــــن,,:p

بالمناسبـــه يا خوانا انتو الود الحنيكيش اللي
اسمه,,:p

اسمه,, :p

اسمه ,, :p

اسمه ,,:p

حسووووووووووووون
وينهوووووووووووو؟؟

**************

;)

hamad2

17-09-2006, 10:11 PM

[QUOTE=abu_ola][RIGHT][SIZE=5][COLOR=SeaGreen]حمد أخوي حنكشة تسبل العيون و جدع اليد لي وراء و قليب الحروف عرفناها بس الحنكشة البي الأردو دي لا سمنعا بيها و لا جابوها لينا ..... بس كدي تعال النسعالك حناكيشكم ديل بتخرجوا رقشات و لا الحكاية شنو ؟؟

المشكلة يا حمد أخوي في الحنكشة المصطنعة و الحناكيش المصطنعين الواحد منهم الحنكشة ما خايلة عليه و كت يتنحكش معاك تلقاه عامل زي الشافع اللابس مركوب أبوه ديل و الله يا حمد اخوي يفقعوا مرارتك عديل

حكمة و قالها أبو علا

العيشة مع الحناكيش يا ودتك تجاني الماحي يا ودتك الجنة دربك عديييييييييييييييييييييييل

والله يا ابو علا الله لاوراك حنكشه الاردو ديل
والحمد لله اسرتنا بتاعت اولاد مدني ماجابت النوعيه دي
كلهم معلمين ناس بتاكل الظلط

Jamal Elmahi

18-09-2006, 04:41 PM

سوار الياسمين يا بت أمي الحنكشه مالا ...والله حلاة الحنكشه فيكن...عليك الله أهل العوض ديل لقينا منهم شنو غير وجع الرأس واللبن...أهل العوض يغتسو...المفروض أتو تعلمونا الحنكشه ...الحنكشه يايمه نطوقا ونطلع سوقا...وأهل العوض كان أتحنكشو بجيبو لاهلم بليّه...

مشاققه...
أنا غايتو حالتي متأخره يعني علا تبدو معاي ألف باء تاء في الحنكشه..ودرجوني شويه شويه كان ما أقوم أقلبكم أهل العوض بدل ما أتحنكش...

ضفاري..
أبوعلا رأيك شنو أأألخزين نتحنكش ونضوق الحنكشه للزمان الزين وبدل مدرسة محو الحنكشه والاخشوشان...نقلبا مدرسة الحنكشه وازالة اّثار أهل العوض...

جمال الماحي

نزار حسن محمد

18-09-2006, 08:19 PM

ابوعلا.. وين يا ابوى... شايف الجماعه عملوا الكوفى ركن نقاش . وحناكيش وما حناكيش .يأبوى شهر رمضان دخل علينا خلينا نشوف مصالحنا ..شايف ابراهيم رسل 100 شيشه النوع المفتخر .. وجاب كميه محترمه من السحلب...آاه يابوى تانى ناقصك شنوا

الشريف الهندي

18-09-2006, 08:38 PM

ياجماعه سلامات واشواق ......
الحقيقه عندي ليكم اقتراح لتنظيم برامج شهر رمضان الكريم انشاء الله والمفروض زي اليومين ديل نكون شغاليين في الاعلانات
علشان كده عايزينن نكسب الوقت ونبدا نجهز في برامج الفوازير والمسابقات الدينية والثقافية وغيرها وبالمره نستفيد من ايراد الاعلانات لصالح الكوفي شوب ولا رأيكم شنو ياجماعه ولو موافقين نبدا طوالي باقتراحات البرامج الرمضانية ... وبالمره نحتفل بنصف الشمعة الاولى للكوفي شوب زي ناس الــ(MBC) وليكم خالص التحايا

سوار الياسمين

18-09-2006, 08:57 PM

سوار الياسمين يا بت أمي الحنكشه مالا ...والله حلاة الحنكشه فيكن...عليك الله أهل العوض ديل لقينا منهم شنو غير وجع الرأس واللبن...أهل العوض يغتسو...المفروض أتو تعلمونا الحنكشه ...الحنكشه يايمه نطوقا ونطلع سوقا...وأهل العوض كان أتحنكشو بجيبو لاهلم بليّه...

مشاققه...
أنا غايتو حالتي متأخره يعني علا تبدو معاي ألف باء تاء في الحنكشه..ودرجوني شويه شويه كان ما أقوم أقلبكم أهل العوض بدل ما أتحنكش...

ضفاري..
أبوعلا رأيك شنو أأألخزين نتحنكش ونضوق الحنكشه للزمان الزين وبدل مدرسة محو الحنكشه والاخشوشان...نقلبا مدرسة الحنكشه وازالة اّثار أهل العوض...

جمال الماحي

صباحك فل وياسمين يا عم الماحي انت وسكر الجنيد :)
اسه تلقاق واقف معانا عشان ادبستى ليك باحلى حنكوشة سكر الجنيد ومتفهم الوضع بتاعنا (الحناكيش)
بس سؤال يعني كان خليناكم حناكيش نوديكم وين بعد كدا والله حتكونو حكاية كدا ما مفهومة
حناكيش من اهل العوض والله الحكاية حتجوط
بس ما تقومو تغمسو الايسكريم بالعيش :D
خخخخخخخخخخ

سوار الياسمين

18-09-2006, 09:03 PM

ياجماعه سلامات واشواق ......
الحقيقه عندي ليكم اقتراح لتنظيم برامج شهر رمضان الكريم انشاء الله والمفروض زي اليومين ديل نكون شغاليين في الاعلانات
علشان كده عايزينن نكسب الوقت ونبدا نجهز في برامج الفوازير والمسابقات الدينية والثقافية وغيرها وبالمره نستفيد من ايراد الاعلانات لصالح الكوفي شوب ولا رأيكم شنو ياجماعه ولو موافقين نبدا طوالي باقتراحات البرامج الرمضانية ... وبالمره نحتفل بنصف الشمعة الاولى للكوفي شوب زي ناس الــ(MBC) وليكم خالص التحايا

الشايب الشريف الهندي

فكرتك حلوة والله وانا عندي اقتراح
انو يكون في ساعة معينة في رمضان تكون معروفة لكل الاعضاء وتكون ساعة بتاعت مسابقات لاكن الاعضاء يكونو في شكل جروبات وكل جروب يدي التاني سؤال وهكذا ده فكرة مبدئية اذا عندكم فيها اضافة اضيفوها

ورمضان كريم علينا وعليكم

نزار حسن محمد

18-09-2006, 09:21 PM

ونحن فى انتظار اقتراحتكم..يالله ياشباب...

abu_ola

19-09-2006, 01:01 AM

احبائي زوار الكوفي

لكم مني التحايا العطرة

اتمني منكم المشاركة بمقترحاتكم القيمة بخصوص شهر رمضان المبارك اعاده الله علينا بالخير و البركات

اعزروني لاني مشغول كثييير ما شوية

و برجع ليكم تاني كان لقيت فرقة

عوض صقير

19-09-2006, 03:17 AM

أقترح فى شهر رمضان أن نجعل علاقتنا مع كتاب الله قوية
وأن نقرأه بتمعن وتفكر

مع تحياتى لزوار الكوفى شوب

وأقول ليهم كل سنة وأنتو طيبين

Jamal Elmahi

19-09-2006, 04:17 AM

بمناسبة رمضان أقترح...
نفرش السباتات من العصير في الكوفي شوب ونرش الواطه ونجهز الاباريق وكل زول يجيب صينيتو..اّبري ..كركدي ..حلومر..عرديب..عصايد..نعيميه ..تقليّه وين الرايقه ياالفنيّه ناري الليله...
نفطر جماعه ونصلي جماعه وبعد الطراويح ندور كشاتين وضمنه وونسه ونخلي ناس أخوي عوض صقير يتهجدو وما ينسونا من صالح الدعاء...

ود الماحي

hamad2

19-09-2006, 09:32 AM

حبيبنا ابو علاء رمضان مبارك
اها ما وريتنا اخبار الخيمة
الرمضانية

zoolfrda

19-09-2006, 09:35 AM

دايرين لينا دورة رمضانية يا أخوانا

كورة وبلياردو وسلة

والدوبيت أهم حاجة

الشريف الهندي

19-09-2006, 02:51 PM

الشايب الشريف الهندي
فكرتك حلوة والله وانا عندي اقتراح
انو يكون في ساعة معينة في رمضان تكون معروفة لكل الاعضاء وتكون ساعة بتاعت مسابقات لاكن الاعضاء يكونو في شكل جروبات وكل جروب يدي التاني سؤال وهكذا ده فكرة مبدئية اذا عندكم فيها اضافة اضيفوها
ورمضان كريم علينا وعليكم

الغالية سوار حبابك مليون ......أشكرك على تفاعلك معي بالفكرة ... الحقيقة شهر رمضان يأتي بكل الرحمات .. ومن بينها التواصل بين الناس .. وهذا ما نرمي إليه من خلال تلك الاقتراحات ... وأؤيد بشدة على اقتراحك الراقي الذي يشع روحاً من التنافس والحرص على الحضور المستمر وهذا شئ جميل للغاية ....لكني أحرص على أن نبدأ باتخاذ قرارات سريعة بشأن تلك المقترحات الجميلة والبدأ في تنفيذهـــا ورسم الخطط للعمل فيها وتجهيز لجنة لاعداد البرامج ومن هنا ننادي بأعلى أصوات على وجود عمنا ود الماحي وسيد البد أبو علا وكمان الغالي نذار حسن والمميز والزعيم ابراهيم وباقي الأحباب لكي يساعدونا في القيام بتلك التجهيزات اللازمة بهذا الخصوص ....ومن جديد أجدد الشكر للتفاعل ....
ويلا نبدأ باقتراحات الشعارات واسماء البرامج ....
وأقترح أولا برنامج
( فوازير أبو علا كوفي شوب )
http://www.asmilies.com/smiliespic/welcomepics/000.gif (http://www.asmilies.com/)

الشريف الهندي

19-09-2006, 02:54 PM

دايرين لينا دورة رمضانية يا أخوانا

كورة وبلياردو وسلة

والدوبيت أهم حاجة

على كده يافرده خليك جاهز لتجر أذيال الهزيمة التي ستلحق بــــك في دورات البلياردو
أما الدوبيت فعندو ناسو الله يعيننا عليهم

الشريف الهندي

19-09-2006, 03:07 PM

أقترح فى شهر رمضان أن نجعل علاقتنا مع كتاب الله قوية
وأن نقرأه بتمعن وتفكر
مع تحياتى لزوار الكوفى شوب
وأقول ليهم كل سنة وأنتو طيبين

ياسلام على أهل الذوق لما تتوهج أنوارهم ويشع فينا ضيائهم ...أهل الكلام التامي ..... كلماتك ياعوض بوزن الجبال ذهب ونتمنى من كل الناس أن تغتنم شهر التوبة والعتق من النيران أن تقرأ بتدبر القرأن ....
اللهم اجعنا ممن يستمعون الذكر فيتبعون أحسنه وجزاك الله ألف خير على كلماتك الغالية

الشريف الهندي

19-09-2006, 03:16 PM

بمناسبة رمضان أقترح...
نفرش السباتات من العصير في الكوفي شوب ونرش الواطه ونجهز الاباريق وكل زول يجيب صينيتو..اّبري ..كركدي ..حلومر..عرديب..عصايد..نعيميه ..تقليّه وين الرايقه ياالفنيّه ناري الليله...
نفطر جماعه ونصلي جماعه وبعد الطراويح ندور كشاتين وضمنه وونسه ونخلي ناس أخوي عوض صقير يتهجدو وما ينسونا من صالح الدعاء...
ود الماحي

أكان صليتو معاي الطرايح تاني ما ببقا فيكم حيل للكشتينه والضمنه .. انا الركعه عندي أكان ثلاث صفحات أكان أربعه .....ودعاء الوتر ساعه ونصف

**************
آآآبوي ود الماحي والله لي زمن كايس أتعلم الكشتينه
دحين بلقا لي طرييقه معاكم آآآبوي ؟

abu_ola

20-09-2006, 11:26 PM

كشورين يا روائع على التفاعل و المشاركة في رنامج رمضان

و اي غقتراح سوف يجد المكان المانسب

نرجو إرسال مقترحاتكم في رسالة خاصة للسيد / نزار حسن محمد و هو سوف يقوم بتنسيق المشاركات جتي نطلع ببنامج يناسب شهر رمضان

ابراهيم

23-09-2006, 07:23 AM

أكان صليتو معاي الطرايح تاني ما ببقا فيكم حيل للكشتينه والضمنه .. انا الركعه عندي أكان ثلاث صفحات أكان أربعه .....ودعاء الوتر ساعه ونصف

**************
آآآبوي ود الماحي والله لي زمن كايس أتعلم الكشتينه
دحين بلقا لي طرييقه معاكم آآآبوي ؟

عفيت منك يا الشريف اخوى
رمضان كريم ومشتاقين ليك والله
قلت لي ركعتك بي تلاتة واربعة صفحات ..
كدة الناس بتزوغ وتمشي للاكسبرس ...

hamad2

23-09-2006, 09:25 AM

ابو علا رمضان كريم وين انت والله الكوفي شوب مسيخ عديل في غيابك
والجرسون دا دمو تقيل يا ريت تغيرو
اظهر وبان عليك الامان يا حبيبنا

سوار الياسمين

23-09-2006, 09:17 PM

الجماعة الطيبين :)
رمضان كريم عليكم
واول يوم انشاء الله عدى ليكم كويس
مع انقطاع المكيفات لاني شايفة القدامي حالتهم تغني عن سؤالهم :confused:
وباين كمان على ناس المنتدى كدا لاني شايفاهم قاطعين الحركة بي جاي

الا ابراهيم عشان اخوكم دوبو الليلة رمضان بيبدأ عندهم في قاهرة المعز
لاكن ابقو قابلوني كان شفتو الليلة :D

abu_ola

23-09-2006, 10:32 PM

الأخوة الكرام

مبارك عليكم الشهر و جعلنا الله و إياكم من الذين يصومون نهاره و يقيمون ليله

و كل عام و أنتم بألف خير

نزار حسن محمد

23-09-2006, 11:30 PM

الاحباب ..رمضان كريم.. وكل عام وانتم بخير... ومبارك عليكم الشهر ... وبكلام اهل الخليج ..عساكم من عواده....

ابراهيم

24-09-2006, 02:36 AM

حبايبنا المتجرسين كل سنة وانتو طيبين

الجماعة الطيبين :)

رمضان كريم عليكم
واول يوم انشاء الله عدى ليكم كويس
مع انقطاع المكيفات لاني شايفة القدامي حالتهم تغني عن سؤالهم :confused:
وباين كمان على ناس المنتدى كدا لاني شايفاهم قاطعين الحركة بي جاي
الا ابراهيم عشان اخوكم دوبو الليلة رمضان بيبدأ عندهم في قاهرة المعز
لاكن ابقو قابلوني كان شفتو الليلة :D

افو انا اخوك يا السارة ...
:D

abu_ola

24-09-2006, 10:44 AM

رمضان نصومو و لي الخلقنا نطيع
و عند ساعة الندأء دايما نلبي سريع
قصدي فضيلة ماني للنفس سميع
نفتح كوفي شوب نكرم ضيوفنا جميع

أوصيك يا الحبيب الدنيا ما تباريها
نفيست السجم خليك دوام عاصيها
داوم للصلاة سنة و فروض أحييها
و رتل للكتاب و افهم معاني الفيها

رمضان صوموكامل خليك من الأعذار
صلي الصبح حاضر و كتر من الأذكار
أكرم لي البجوك ساعة العشاء و إفطار
و ارتجي الكريم ينجيك من النار

رمضان صومو كامل و ستة من شوال
و حافظ للفروض أوعك من الأهمال
و اتهجد دوام خلي الدمع هطال
تنجيك من عذاب يوماً دقايقو طوال

abu_ola

25-09-2006, 01:01 AM

الأخوة الكرام

كل عام و انتم بألف خير

مبارك عليكم شهر رمضان و أسال الله أن يوفقكم لصيامه و قيامه

سوف نقوم بإذن الله خلال شهر رمضان المبارك بكتابة رسالة تواصل رمضانية يومية تحت إسم (ـ يوميات صائم ) ، وسوف تشتمل رسالة يوميات صائم على المواضيع التالية :

1. دعاء يومي .

2. سلسلة هدايا رمضان للمسلمين

3. يليها بعد منتصف رمضان سلسلة ( سًنن مهجورة ) .

4. سلسلة ( التأمين الشرعي على الحياة والمُمتلكات )

5. يليها بعد منتصف رمضان سلسلة ( هكذا علمتني الحياة ) .

6. سلسلة لا تقُل ( تشتمل على الألفاظ والمفاهيم الخاطئة التي نستعملها ) وستكون على مدار الشهر الكريم .

و كل عام و أنتم بخير

abu_ola

25-09-2006, 01:19 AM

يوميات صائم ( 1 )

دعاء :

اللهم اجعل فيه صيامي صيام الصائمين و قيامي قيام القائمين و نبهني فيه عن نومة الغافلين و أعفي عني يا عافياً عن المجرمين

هدايا رمضانية

قال رسول الله صلي الله عليه و سلم إذا كان أول ليلة من رمضان صفدت الشياطين و مردة الجن و غلقت أبواب النار فلم يفتح منها باب و فتحت أبواب الجنة فلم يغلق منها باب و ينادي منادي يا باغي الخير أقبل و يا باغي الشر أقصر و لله عتقاء من النار و ذلك كل ليلة

وثيقة التأمين على الحياة :

التأمين الشامل : قال رسول الله صلي الله عليه و سلم من صلي الصبح فهو في زمة الله

قل أو لا تقل

لا تقل الحمد لله الذي لا يحمد على مكروه سواه

سبب النهي:

سوء أدب مع الله سبحانه و تعالي تتضمن إعلان تام بأنك تكره ما قضي الله ، و قد كان الرسول صلي الله عليه و سلم إذا أصابه ما يكره يقول الحمد لله على كل حال

abu_ola

25-09-2006, 01:42 AM

يوميات صائم ( 2 ) ( 2)

دعاء :

اللهم قربني فيه إلى مرضاتك و جنبني فيه سخطتك و نقماتك و وفقني فيه لقرأءة آياتك برحمتك يا أرحم الراحمين

هدايا رمضانية

قال رسول الله صلي الله عليه و سلم : إن هذا الشهر قد حضركم و فيه ليلة خير من ألف شهر من حرمها فقد حرم الخير كله و لا يحرم خيرها إلا محروم

و قال مبشراً من صام رمضان إيماناً و إحتساباً غفر له ما تقدم من ذنبه

وثيقة التأمين على الحياة :

تأمين شامل لضمان الآخرة : قال رسول الله صلي الله عليه و سلم من قرأ آية الكرسي دبر كل صلاة مكتوبة لم يمنعه من دخول الجنة إلا أن يموت

قل أو لا تقل

لا تقل اللهم إني لا أسألك رد القضاء و لكني أسألك اللطف فيه
سبب النهي:

سوء أدب مع الله سبحانه و تعالي لأن فيه نوع من التحدي كأن يقول يا رب أفعل ما شئت و لكن ألطف و أيضاً فيه منافأة للحديث (( لا يرد القضاء إلا الدعاء ))

من قال سبحان الله و بحمده مائة مرة غفرت له ذنوبه و لو كانت مثل ذبد البحر

ابراهيم

25-09-2006, 10:23 AM

كل الشكر أخي عبد الله
جزاك الله عنا كل خير وانت تنثر رحيق المعاني هنا ..
واصل ونحن نتابع ونتغذي من حلو الحديث
وهذه الهدايا الرمضانية في درة الشهور
وتقبل الله منا ومنكم صالح الأعمال
وتحياتي بلا حدود

Jamal Elmahi

25-09-2006, 10:28 AM

الحمدلله الذي قلب الكوفي شوب في رمضان الي زاوية ختميّه
فأتحفنا أبوعلا بالمواعظ والنصائح والاحاديث النبويه
وبدل الابري والحلو مر والنعيميه شبّعنا هدايا رمضانيه
ونسينا نصيبنا من الدنيا حيث االكشتينة والضمنه الترفيهيه
وتبخرت روحانياتنا مع الشيشه المعسلة الابراهيميه
وطرشنا الشاي والقهوه تأملاَ في العوالم اللدنيّه والكونيّه....

مشاققه....
رمضان كريم والبحبو كلو كريم ....وربنا يتقبل صيامنا وقيامنا...غايتو قيامنا دي الله يسترنا معاها....حق الحكومه بس ياربي بمشّي الحال...؟

جمال الماحي

abu_ola

25-09-2006, 10:50 AM

الأخوة الكرام

جمال الماحي

إبراهيم

رمضان كريم و كل عام و أنتم بخير

هذي دعوة من شخصي الضعيف لإغتنام شهر رمضان موسم الخيرات و الدعوات و الأعمال الصالحة بما هو أنفع و أفيد لنا في الدار الأخرة ... اللهم لا تحرمنا فضل هذا الشهر الكريم و أجعلنا من عتقائه من النار يا رب العالمين

يوميات صائم ( 3 )

دعاء :

اللهم أرزقني فيه الذهن و التنبيه و باعدني فيه من السفاهة و التمويه و أجعل لي نصيباً من كل خير تنزل فيه بجودك يا أجود الأجودين

هدايا رمضانية

قال رسول الله صلي الله عليه و سلم : كل عمل إبن آدم يضاعف له الحسنة بعشر أمثالها إلى سبعمائة ضعف

قال الله تعالي ( إلا الصوم فإنه لي و أنا أجزي به ، يدع شهوته و طعامه من أجلي )

وثيقة التأمين على الحياة :

تأمين شامل لضمان الجنة : أن تقول اللهم أنت ربي لا إله إلا أنت خلقتني و أنا عبدك و أنا على عهدك و وعدك ما إستطعت أعوذ بك من شر ما صنعتت أبوء لك بنعمتك على و أبوء بذنبي فأغفره لي فإنه لا يغفر الذنوب إلا أنت ) قال من قالها من النهار مؤقناً بها فمات من يومه قبل أن يمسي فهو من أهل الجنة و من قالها من الليل و هو مؤقن بها قبل أن يصبح فهو من أهل الجنة

قل أو لا تقل

لا تقل حرام عليك ( لأمر عابر غير محرم شرعاً )

سبب النهي:

لأنه شئ لم يحرمه الشرع قال تعالي ( و لا تقولوا لما تصف ألسنتكم الكذب هذا حلال و هذا حرام )

لا حول و لا قوة إلا بالله كنز من كنوز الجنة

الشريف الهندي

25-09-2006, 10:54 AM

هههههههههههههه

والله عجيب ود الماحي مشتاقييييييييييين

ورمضان كريم ....فقدناك امبارح في التراويح
وقالو لي صليت العشاء واختفيت مشيت وين

الشريف الهندي

25-09-2006, 11:16 AM

لا تقل حرام عليك ( لأمر عابر غير محرم شرعاً )
سبب النهي:
لأنه شئ لم يحرمه الشرع قال تعالي ( و لا تقولوا لما تصف ألسنتكم الكذب هذا حلال و هذا حرام )

والله يا ابو علا كلامك درر وجزاك الله ألف خير انشاء الله على كلماتك الطيبات هذه ... ونحنا معاك طوالي

نور العيون

25-09-2006, 10:08 PM

و الله يا ابو علا ما شاء الله عيني عليك بارده و الكوفي شوب بتاعك ناجح و الله يزيد نجاحوا و على العموم كل سنه وانت طيب و الجميع بخير و آمل انو تشرفنا و تاكل من اللزانيا بتعاتي و ليك ضيافه خاصه يا زوق .....
و بعد داك احكم على المطعم ... على العموم الله يديك العافيه على الجهود الجميله و الله يديك العافيه ...

abu_ola

25-09-2006, 10:33 PM

يوميات صائم ( 3 )

دعاء :

اللهم قوني فيه على إقامة أمرك ، و أذقني فيه حلاوة ذكرك و أوزعني فيه لآداء شكرك بكرمك و أحفظني فيه بحفظك و سترك يا أبصر الناظرين

هدايا رمضانية

قال رسول الله صلي الله عليه و سلم : للصائم فرحتان ، فرحة عند فطره و فرحة عند لقاء ربه و لخلوف فم الصائم أطيب عند الله من ريح المسك

وثيقة التأمين على الحياة :

تأمين شامل لضمان ضد مخاطر الحياة و شرورها :
قال رسول الله صلي اللع عليه و سلم (( من قال حين يمسي بسم الله الذي لا يضر مع أسمه شئ في الأرض و لا في السماء و هو السميع العليم ( ثلاثة مرات ) لم يصبه فجأة بلاء حتى يصبح و من قالها حين يصبح ( ثلاثة مرات ) لم يصبه فجأة بلاء حتى يمسي ))

قل أو لا تقل

لا تقل ( اللهم صلي على سيدنا محمد عند نسيان شيئ و محاولة تذكره ) )
سبب النهي:

لم يرد ذلك و الصحيح ذكر الله قال الله تعالي (( و أذكر ربك إذا نسيت ) )

كلمتان خفيفتان على اللسان ، ثقيلتان في الميزان حبيبتان الى الرحمن سبحان الله و بحمد ، سبحان الله العظيم

نزار حسن محمد

26-09-2006, 07:13 PM

ابوعلا رمضان كريم .. اخوك كان ميرود لكن الحمدالله بقيت كويس كيف الشغل معاك

abu_ola

26-09-2006, 09:20 PM

ابوعلا رمضان كريم .. اخوك كان ميرود لكن الحمدالله بقيت كويس كيف الشغل معاك

مرحبتين حباب ود حسن عسي ما تشوف شر و ربنا يجعله أجر و عافية

إفتقدت اليومين الفاتو ديل و حاولت أرسل رسالة على بريدك الخاص بس للأسف مليان لي حدو

ود حسن أت ماك قلت لي الرسائل برتفع سعرها في رمضان مالك عشان اشتري لي كم رسالة و نبيعها في رمضان

رمضان كريم و كل سنة و انت طيب بس أن شاء الله تكون النزلة دي ما أجبرتك تفطر

نزار حسن محمد

26-09-2006, 09:49 PM

افو ..ابوعلا انا الصعب المتكل بالشعاب والله ياابوعلا بذكر لما كنت فى روسيا واليوم داك مسافر بالطائره من مدينة دنيسك وجاى لكييف وكان يوم احد لمن وصلنا المطار كانت مواعيد الفطور جات والمطار داخلى اسمه جوليانا كل المحلات مغلقه عشان يوم الاحد ..انقر اخوك مافطر بى.. بيفا ... لكن ساعه بس.. والاسكوره بومش..كانت صفارتها فى السماء اه الجماعه قالوا دى الذايده الدوديه .. وانا ماقادر افرد طولى بعد الضالين امين اقنعت الدكتور والممرضه بانى مسلم صائم وشربت البيفا على الجوع عشان كدى كانت دايره تلحقنى امات طه ... يازول والله ايام اسع الواحد راجع للايام الخوالى وصورة الممرضه لي اسع قدم عينى ... اللهم انى صائم...

abu_ola

26-09-2006, 10:31 PM

يوميات صائم ( 5)

دعاء :

اللهم أجعلني فيه من المستغفرين و أجعلني فيه من عبادك الصالحين القانتين ، و أجعلني فيه من أوليائك المقربين برأفتك يا ارحم الراحمين .

هدايا رمضانية

قال رسول الله صلي الله عليه و سلم : الصيام و القرآم يشفعان للعبد يوم القيامة يقول الصيام : أي ربي منعته الطعام و الشهوة فشفعني فيه ، و يقول القرآن : منعته النوم بالليل فشفعني فيه ، قال : فيشفعان

وثيقة التأمين على الحياة :

تأمين شامل على الأموال و الممتلكات :

قال رسول الله صلي الله عليه و سلم (( ما من يوم يصبح العباد فيه إلا ملكان ينزلان فيقول أحدهما اللهم أعط منفقاً خلفا و يقول الآخر اللهم أعط ممسكاً تلفا ))

و يقول رسول الله صلي الله عليه و سلم ( ما نقص ما من صدقة )

قل أو لا تقل

لا تقل عباد الشمس لنوع من الزهور المعروفة

سبب النهي:

لأن جميع المخلوقات بما فيها الأشجار و النباتات لا تعبد إلا الله سبحانه و تعالى

من صلي على النبي صلي الله عليه و سلم صلاة واحدة صلي الله عليه عشرة صلوات و حطت عنه عشرة خطيئات و رفعت له عشرة درجات و كتبت له عشرة حسنات

ابراهيم

27-09-2006, 09:26 AM

ناس الكوفي شوب ازيكم
نعلكم طيبين في حيكم
وماشاء الله الكوفي شوب منور بالأدعية والهدايا الرمضانية
ربنا ينور عليك ابو علا

افو ..ابوعلا انا الصعب المتكل بالشعاب والله ياابوعلا بذكر لما كنت فى روسيا واليوم داك مسافر بالطائره من مدينة دنيسك وجاى لكييف وكان يوم احد لمن وصلنا المطار كانت مواعيد الفطور جات والمطار داخلى اسمه جوليانا كل المحلات مغلقه عشان يوم الاحد ..انقر اخوك مافطر بى.. بيفا ... لكن ساعه بس.. والاسكوره بومش..كانت صفارتها فى السماء اه الجماعه قالوا دى الذايده الدوديه .. وانا ماقادر افرد طولى بعد الضالين امين اقنعت الدكتور والممرضه بانى مسلم صائم وشربت البيفا على الجوع عشان كدى كانت دايره تلحقنى امات طه ... يازول والله ايام اسع الواحد راجع للايام الخوالى وصورة الممرضه لي اسع قدم عينى ... اللهم انى صائم...

ود حسن ازيك والله ومشتاقين كتير
بس وريني البيفا دي عشان الواحد يتثقف في عمرو دة وعشان كمان ممكن يوم الجغرافية توقعنا في في بلد الروس نعمل حسابنا منها عشان "الاسكورة بومش" ما تعمل حركات
والله ما بعرفها لكن قلبي ما اتطمن ليها:D

محمد حسين (المميز)

27-09-2006, 09:40 AM

والله يا ابراهيم لمن تجي بنفرح
عديــــــــــــــــل كده

لكن ياخوي صورتك دي طفّشت الزبائن من الكوفي
واخونا ابوعلا ده خجلان يصارحك بالموضوع

دي صورتك لمن كنت صغيّر ولا شنو؟؟
لكن برضو
حلااااااااااااااااااااااااااااااتك

***********

ودالزين

27-09-2006, 10:28 AM

سلامات لكل الرائعين من أبناء وبنات مدينتى الحبيبة مدنى وتسلم ياأبوعلاء ومبروك النت كافى أمنياتى الصادقة العودة إلى مدنى وتكون قد إمتلأت بالنت كافى

الشريف الهندي

27-09-2006, 11:28 AM

ياناس سلام عليكم . . . .
الحكايه شنو رمضان الظاهر دخل في العضم خلاص والحيل اتهد والمشي بقا يا الله يا الله

abu_ola

28-09-2006, 12:05 AM

يوميات صائم ( 6 )

دعاء :

اللهم لا تخزلني فيه لتعرض معصيتك ، و لا تضربني بسياط نقمتك و زحزحني فيه من موجبات سخطك يا منتهى رغبة الراغبين

هدايا رمضانية

قال رسول الله صلي الله عليه و سلم : إن في الجنة بابا يسمي الريان يدخل منه الصائمون فإذا دخلوا أغلق الباب فلا يدخل منه غيرهم

وثيقة التأمين على الحياة :

تأمين شامل على الأولاد و أولاد الأولاد :

قال الله سبحانه و تعالى في سورة الكهف ( و أما الجدار فكان لغلامين يتيمين في المدنية و كان تحته كنز لهما و كان أبوهما صالحا )

قال إبن عباس : ( حفظ الكنز بصلاح أبيهما )

و قال أبن المنكدر : ( إن الله يحفظ بصلاح العبد ولده و ولد ولده )

قل أو لا تقل

لا تقل الله يكفينا شر هذا الشي ( اليوم ، اللعب ، الضحك )

سبب النهي:

لا يجوز لانه من الطيرة و التشأؤم و توقع لشيئ مكروه سيحدث

أسال الله الذي جمعنا في دنيا فانية أن يجمعنا في جنة قطوفها دانيـــة

نزار حسن محمد

28-09-2006, 12:22 AM

ناس الكوفي شوب ازيكم
نعلكم طيبين في حيكم
وماشاء الله الكوفي شوب منور بالأدعية والهدايا الرمضانية
ربنا ينور عليك ابو علا

ود حسن ازيك والله ومشتاقين كتير
بس وريني البيفا دي عشان الواحد يتثقف في عمرو دة وعشان كمان ممكن يوم الجغرافية توقعنا في في بلد الروس نعمل حسابنا منها عشان "الاسكورة بومش" ما تعمل حركات
والله ما بعرفها لكن قلبي ما اتطمن ليها:D

الحبيب الراقى ابراهومه ..كفنك ابوى والله رمضان عندكم فى ام الدنيا .وجلسات الحسين والايام الخيره فى سوق الموسكى.. وميدان العتبه .. والعتبه قزاز وسلم نايلوا فى نايلوا...
ياابرهوته.. اه ..الاسكوره بومش دى عربية الاسعاف .. والبيفا... دى مريسة الروس يعنى الستلا المصريه.. اللهم انى صائم
ياابراهيم..مالك انت بتحكه كدى اسع لو عمك ود الماحى سمع الكلام دا اعمل لينا سيك وميك ...

abu_ola

28-09-2006, 12:58 AM

إبراهيم الإسكورة بومش دي و قت أنت قلبك ما إطمئن ليها بتنكت في المواضيع مالك ما تخلي رمضان يعدي على خير

ود حسن أت يا اخوي قلت لي وين في الإمارات ؟؟؟؟

باقي حتتكم دي بكون الأذون فيها مقدود عديل كده عشان كدي الشياطين الصغار بجو عندكم انططوا شوي شوي اها يا اخوي اعمل حسابك ما يمرقوك من رمضان صفر معانا الواحـــد

نور العيون

29-09-2006, 10:15 PM

يا جماعه كيفكم قلت اطل عليكم شوه و اشوف الحاصل شنو و اقول رمضان عامل معاكم كيف

abu_ola

29-09-2006, 10:36 PM

يا جماعه كيفكم قلت اطل عليكم شوه و اشوف الحاصل شنو و اقول رمضان عامل معاكم كيف

مشكورة نور العيون على الطلة و بارك الله فيك و جزاك الله خير و إحسان

المطعم ماشي معاك كيف يا نورنا - إن شاء الله مستورة معاك

رمضان إنتهي خلاص ما باقي شي و ربنا يعظم الأجر

abu_ola

29-09-2006, 10:47 PM

يوميات صائم ( 7 )

دعاء :

اللهم أعني فيه على صيامه و قيامه ، و جنبني فيه هفواته و آثامه ، و أرزقني فيه ذكرك بدوامه بتوفيقك يا هادي المضلين

هدايا رمضانية

قال رسول الله صلي الله عليه و سلم : أعطيت أمتي خمسة خصال في رمضان لم تعطاهن أمة من الأمم قبلها أما الأولي فأنه إذا كان أول ليلة من شهر رمضان ينظر الله عز و جل إليهم و من نظر الله إليه لم يعذبه

وثيقة التأمين على الحياة :

تأمين شامل ضد الأمراض الطارئة :

قال رسول الله صلي الله عليه و سلم : إذا مرض العبد أو سافر كتب الله تعالى له من الأجر مثل ما كان يعمل صحيحاً مقيماً

قل أو لا تقل

لا تقل فلان ما يستاهل

سبب النهي:

لأن فيه إعتراض على حكم الله تعالي و إتهام الله بالظلم - تعالى الله عن ذلك -

لا إله إلا أنت سبحانك إني كنت من الظالمين

abu_ola

29-09-2006, 11:01 PM

يوميات صائم ( 8)

دعاء :

اللهم أرزقني فيه رحمة الأيتام و إطعام الطعام و إفشاء السلام و صحبة الكرام بطولك يا ملجأ الآمنين

هدايا رمضانية

قال رسول الله صلي الله عليه و سلم : أعطيت أمتي خمسة خصال في رمضان لم تعطاهن أمة من الأمم قبلها أما الثانية فإن خلوف فم الصائم أطيب عند الله من ريح المسك

وثيقة التأمين على الحياة :

تأمين شامل على المكان :

قال رسول الله صلي الله عليه و سلم : من نزل منزلاً ثم قال : أعوذ بكلمات الله التامات من شر ما خلق - لم يضره شيء حتى يرتحل من منزله ذلك

قل أو لا تقل

لا تقل فلان ظلمني - الله يظلمه

سبب النهي:

لأن فيه إتهام لله سبحانه و تعالي بالظلم و الله سبحانه حرم الظلم على نفسه و جعله بين عباده محرما

اللهم أجعل لأحبتي فيه مغفرة و رحمة تحف دنياهم و آخراهم

شوق العيون

30-09-2006, 03:05 PM

السلام عليكم ياجماعه قلنا نمر عليكم ونسلم

كيفكم؟؟

نور العيون

30-09-2006, 09:00 PM

تسلم يا ابو علا على سؤالك على المطعم و الله الحمد لله ماشي تمام و الله ناس المنتدى ديل ما مقصرين و مشجعيني بحراره.....

abu_ola

30-09-2006, 10:40 PM

الغالية شوق العيون مشكورة على طلتك و زيارة الكريمة

عالي لينا بعد الإفطار بتلقي المكان عامر و الونسةو القرقرابة حدها السماء

العزيزة نور العيون

يا هلا و سهلا و مرحبا ... نورتي بحضورك البهي ،،، أبقي زورينا كل يوم و ما تطلوي الغيبة

نزار حسن محمد

30-09-2006, 10:40 PM

حباب الحبان... رمضان دخل العضم ربنا اعظيم الاجر .. ابوعلاء ابوى انت مالك جايب سيرة الاوزون..ابوعلاء انت ما سمعت بااهل الخطوه...رمضان كريم ياحبيب ..

abu_ola

30-09-2006, 11:08 PM

يوميات صائم (9 )

دعاء :

اللهم أجعل لي فيه نصيباً من رحمتك الواسعة و أهديني فيه بهدايتك الساطعة و خذ بناصيتي الى مرضاتك الجامعة بمحبتك يا أمل المشتاقين

هدايا رمضانية

قال رسول الله صلي الله عليه و سلم : أعطيت أمتي خمسة خصال في رمضان لم تعطاهن أمة من الأمم قبلها أما الثالثة فإن الملائكة تستغفر لهم كل يوم و ليلة

وثيقة التأمين على الحياة :

تأمين شامل على صحة القلوب :

يقول المولى سبحانة و تعالي ( ألا بذكر الله تطمئن القلوب ) فأكثر من ذكر الله يطمئن قلبك و يقوي جسدك و تكتمل صحتك

قل أو لا تقل

لا تقل : شاءت حكمة الله أو شاء القدر

سبب النهي:

لأن الحكمة و القدر من الأمور المعنوية التي لا مشئية لها و الذي يشاء هو الله سبحانه و تعالي

أسال الله أن يكتب لنا في كل خطوة سعادة و في كل نظرة عبادة و في كل بسمة شهادة و في كل رزق زيادة

معتز حمدتو

30-09-2006, 11:27 PM

الرائع ابو علا اديك الف عافية علي التذكير والادعية التي نرجو العلي القدير ان يجعلنا بها من مجابي الدعوة

abu_ola

01-10-2006, 01:15 AM

الرائع ابو علا اديك الف عافية علي التذكير والادعية التي نرجو العلي القدير ان يجعلنا بها من مجابي الدعوة

الرائع معتز حمدتو

وينك يا راجل ما باين عسي المانع خيرا

رمضان مبارك عليك و كل عام و أنت بألف خير

و أسال الله لنا و لكم القبول و الرضي

و أبقي زورنا بعد التراويح

http://www.up07.com/upload-18/wh_743483342.gif

abu_ola

01-10-2006, 10:54 PM

يوميات صائم (10 )

دعاء :

اللهم أجعلني فيه من المتوكلين عليك ، و أجعلني فيه من الفائزين لديك ، و أجعلني فيه من المقربين إليك بإحسانك يا غاية الطالبين

هدايا رمضانية

قال رسول الله صلي الله عليه و سلم : أعطيت أمتي خمسة خصال في رمضان لم تعطاهن أمة من الأمم قبلها أما الرابعة فإن الله عز و جل يأمر جنته فيقول : أستعدي و تزيني لعبادي أوشكوا أن يستريحوا من تعب الدنيا إلى داري و كرامتي

وثيقة التأمين على الحياة :

تأمين شامل على ضد الأمراض :

قال رسول الله صلي الله عليه و سلم : ( داووا مرضاكم بالصدقة ))

فالصدقة أفضل وسائل الوقاية من الأمراض و العلل

قل أو لا تقل

لا تقل : من علمني حرفاً صرت له عبداً

سبب النهي:

لأنه مبــني على حديث موضوع و كلنا عبيد لله سبحانه و تعالي

إذا مالت شمسك للمغيب و جلست تدعو ربك المجيب فأجعل لي من الدعاء نصيب

نور العيون

01-10-2006, 11:15 PM

ما في مشكله يا ابوعلا و حنزوركم يوميا نشوف الحاصل شنو

abu_ola

02-10-2006, 11:42 PM

يوميات صائم (11 )

دعاء :

اللهم حبب إلى فيه الإحسان و كره إلى فيه الفسوق و العصيان و حرم علي فيه السخط و النيران بعونك يا غياث المستغيثين

هدايا رمضانية

قال رسول الله صلي الله عليه و سلم : أعطيت أمتي خمسة خصال في رمضان لم تعطاهن أمة من الأمم قبلها أما الخامسة إن كانت آخر ليلة غفر الله لهم جميعاً ، فقال رجل أهي ليلة القدر ، فقال لا ألم تر إلى العمال يعملون فإذا فرغوا من أعمالهم وفوا أجورهم

وثيقة التأمين على الحياة :

تأمين شامل ضد الأرق و القلق و الأحلام المزعجة :

قال رسول الله صلي الله عليه و سلم : ( إذا آويت إلى فراشك فأقرأ آية الكرسي فإنه لا يزال معك ملك من الله تعالى حافظ و لا يقربك شيطان حتى تصبح )

قل أو لا تقل

لا تقل : شمالك يمينك ( لمن يمد الإناء بشماله )

سبب النهي:

فيه تشبيه يدا المخاطب بيدي الله سبحانه و تعاله ( كلتا يديه يمين ) و فيه إقرار له لإستعمال شماله بدلاً عن اليمين و كان الواجب الإنكار عليه

من قرأ سورة الكهف يوم الجمعة أضاء له النور ما بين الجمعتين

Jamal Elmahi

03-10-2006, 08:41 AM

الحبيب أبو علا...
أنا كتّا قايل الكوفي بقدرة قادر في رمضان بقي زاوية ختميه لكن للشايفو دا فات الجامع الكبير لي غادي...
أتا أأأبوي الرسول(ص) مش قال ساعه فساعه ...يعني ساعه فرفرشه وساعه دين ... فسحه ساي مافي...مش التبسم في وجه أخيك صدقه...فكها شويه عشان نشرب لينا قهوه ونتكشّم وكت ماعندكم أبري....

مشاققه...
أنا شيطاني برضو ربطوهو لكن قلته أشاغلك شويه ...من كلامك أنا هسه بقيت امام الاّ ربع....

بالبوز...
بالمناسبه هي جلوب فم الصائم ولاّ خلوف...أنا غايتو حافظا جلوب...أتأكد لي أأأعشاي...

ود الماحي

abu_ola

03-10-2006, 10:01 AM

الحبيب أبو علا...
أنا كتّا قايل الكوفي بقدرة قادر في رمضان بقي زاوية ختميه لكن للشايفو دا فات الجامع الكبير لي غادي...( جمال الماحي )

هي كلها أيام معدودات يا عشاي و قلنا نتذكر و نذكر الحبان فيها عسي ربنا يغفر لنا إسرافنا في أمرنا و يرحمنا و يعتقنا من النار .... قول آمين يا عشااي

http://x88x.Com/uploads/a1a36dd1c6.gif (http://x88x.Com/)

أتا أأأبوي الرسول(ص) مش قال ساعه فساعه ...يعني ساعه فرفرشه وساعه دين ... فسحه ساي مافي...مش التبسم في وجه أخيك صدقه...فكها شويه عشان نشرب لينا قهوه ونتكشّم وكت ماعندكم أبري.... ...( جمال الماحي )

نحن فاكنها يا ود عشاي و صحيح ساعة فساعة بس بالتوقيت القديم و لا الجديد أنا ما عارف يعني بالواضح كده المشكلة في فارق التوقيت يعني ساعة نحنا بكون فاكنها انتو بجيكم النهار و بتكونوا صايمين و ساعة أنتو تفكوها نحن بنربطها و كان من المفروض انو ننسق لبرنامج رمضان في الكوفي و يكون برنامج ديني و ترفيهي شامل بس العين بصيرة و الإيد قصيرة يا ود عشاي و كده يعني انتو فكوها بطريقتكم و نحن بنفكها بطريقتنا و بعد العيد بنفكها مع بعض و ندردش و نضحك و نكون كسبنا أجر رمضان و صدقة التبسم في وجيهكم الطيب إن شاء الله

http://x88x.Com/uploads/a1a36dd1c6.gif (http://x88x.Com/)

مشاققه...
أنا شيطاني برضو ربطوهو لكن قلته أشاغلك شويه ...من كلامك أنا هسه بقيت امام الاّ ربع.... ...( جمال الماحي )

الله يزيدك يا ود الماحي و بي الطريقة دي أنا بواصل في الدروس الرمضانية عشان تتم الربع التحتاني دا طالما أنو شيخنا ود الهندي ما جانا يصلي بينا التراويح و أخونا عوض صقير ود حسن الله يجعل فوقو البركة شدهو بالكرسي الساخن و ما خلاها يجينا

http://x88x.Com/uploads/a1a36dd1c6.gif (http://x88x.Com/)

بالبوز...
بالمناسبه هي جلوب فم الصائم ولاّ خلوف...أنا غايتو حافظا جلوب...أتأكد لي أأأعشاي... ...( جمال الماحي )

http://x88x.Com/uploads/a1a36dd1c6.gif (http://x88x.Com/)

على حسب ما إطلعت على الحديث و سمعته ( خلوف ) بضم الخاء و كان ليقت الضمة في الكيبورد بكتبها ليك واضحة زي الشمش عز الضهر في شهر رمضان

abu_ola

03-10-2006, 11:41 PM

يوميات صائم (12 )

دعاء :

اللهم زيني فيه بالستر والعفاف ، و استرني فيه بلباس القنوع و الكفاف ، و أحملني فيه على العدل و الإنصاف ، و أمني فيه من كل ما أخاف يا عصمة الخائفين

http://x88x.Com/uploads/809eacad46.gif (http://x88x.Com/)

هدايا رمضانية

قال رسول الله صلي الله عليه و سلم : الصلوات الخمس و الجمعة إلى الجمعة و رمضان إلى رمضان مكفرات لما بينهن إذا إجتنبت الكبائر

http://x88x.Com/uploads/809eacad46.gif (http://x88x.Com/)

وثيقة التأمين على الحياة :

تأمين شامل أثناء النوم

قال رسول الله صلي الله عليه و سلم : ( من قرأ الآيتين من آخر سورة البقرة في ليلة كفتاه )

http://x88x.Com/uploads/809eacad46.gif (http://x88x.Com/)

قل أو لا تقل

لا تقل : فلان شكله غلط

سبب النهي:

فيه سخرية و إعتراض على خلق الله سبحانه و تعالي

http://x88x.Com/uploads/809eacad46.gif (http://x88x.Com/)

لا إله إلا الله بها نحيا ، و بها نموت ، و عليها نبعث و بها نلقي الله إن شاء الله

ابراهيم

04-10-2006, 05:42 PM

الحبيب أبو علا...
أنا كتّا قايل الكوفي بقدرة قادر في رمضان بقي زاوية ختميه لكن للشايفو دا فات الجامع الكبير لي غادي...
أتا أأأبوي الرسول(ص) مش قال ساعه فساعه ...يعني ساعه فرفرشه وساعه دين ... فسحه ساي مافي...مش التبسم في وجه أخيك صدقه...فكها شويه عشان نشرب لينا قهوه ونتكشّم وكت ماعندكم أبري....

مشاققه...
أنا شيطاني برضو ربطوهو لكن قلته أشاغلك شويه ...من كلامك أنا هسه بقيت امام الاّ ربع....

بالبوز...
بالمناسبه هي جلوب فم الصائم ولاّ خلوف...أنا غايتو حافظا جلوب...أتأكد لي أأأعشاي...

ود الماحي

ود الماحي اخوى ابو علا عايز يجيب لينا ليلة القدر في الكوفي شوب مالك عليهو ...
حسي نحن قسمنا النص لوك الصبر يا ابوي .. كان ما حوشنا الحسنات في اليومين ديل تاني صعب نلم فوقن .. والمثل قال راكب سرجين وقيع ..

abu_ola

04-10-2006, 10:15 PM

ود الماحي اخوى ابو علا عايز يجيب لينا ليلة القدر في الكوفي شوب مالك عليهو ...
حسي نحن قسمنا النص لوك الصبر يا ابوي .. كان ما حوشنا الحسنات في اليومين ديل تاني صعب نلم فوقن .. والمثل قال راكب سرجين وقيع ..

الحبيب إبراهيم

وين بتغيب يا زول بتمشي السيدة زينب و لا سيدي الحسين

الله يتقفبل منا و منكم صالح الأعمال

http://x88x.Com/uploads/7762335ed8.gif (http://x88x.Com/)

عمنا الظريف ود الماحي

جيب كورتك و تعال نمشي نلقط الحسنات من بدري

و زي ما قالوا الرزق تلاقيــــط

و الحسنة بعشرة أمثالها إلى سبعمائة ضعف و الله يضاعف لمن يشاء

و بعدين حسنة واحدة بتفرق في الميزان

http://x88x.Com/uploads/7762335ed8.gif (http://x88x.Com/)

يا توديك الجنة ويا النار

و من هسع أحسن تختار

عشان بعدين ما تحتار

أبدأ و قول يا غفار

abu_ola

04-10-2006, 11:28 PM

يوميات صائم (13)

دعاء :

اللهم طهرني فيه من الدنس و الأقذار ، و وفقني فيه للتقــي و صحبة الأبرار بعونك يا قرة عين السالكين

هدايا رمضانية

قال رسول الله صلي الله عليه و سلم : من صام رمضان و عرف حدوده و تحفظ من ما كان ينبغي أن يتحفظ منه كفر ما قبله

وثيقة التأمين على الحياة :

تأمين شامل أثناء النوم

قال رسول الله صلي الله عليه و سلم : ( من قال حين يخرج من بيته - بسم الله توكلت على الله لا حول و لا حقوة إلا بالله - يقال له هديت و كفيت و تنحي عنه الشيطان ) )

قل أو لا تقل

لا تقل : خسرت في الحج كذا و كذا من المال
سبب النهي:

لأن ما يبذل في الطاعات ليس بخسارة بل هو الربح الحقيقي

يتمني أهل القبور أن يقولوا ___ لا إلــه إلا الله ___

Jamal Elmahi

06-10-2006, 09:24 AM

الحبايب أبوعلا والعريس أبراهيم ...
هاأأأأناس أتو نسيتوا ..ان الله عفو كريم ...غفور رحيم ...يعني كان نحن البشر ناس قريعتي راحت بنعفا الرقبه والتار والدين ...ربنا يكون عفوهو قدر شنو...سلق سلق قدر الله ماخلق...الله أعلم ما أظن نحتاج نلقط الحسنات زيكم كدا...أنا عشمان في الله أها عندكم كلام...
يحكي في سير الصالحين أنو شاب ورث من أبوهو مال وجاه ولمّا في المال بعزقه وعربده وما عمل حاجه لاخرتو ...وفجأه جاهو مرض وأحتضر للموت وجاهو عمو وقال ليهو أنا من زمان بقول ليك في شنو وياما هديتك لكن رأسك قوي ومابتسمع الكلام أها أرجا الجاييك...فرد عليهو الولد ياعمي رأيك شنو أنا هسه كان ماشي لامي وهي البتحاسبني تفتكر أنها حتدخلني النار؟ فرد عمو لكن أتا ماماشي لامك ..فرد الولد أنا ماشي للارحم عليّ من أمي أنا ماشي لرب العالمين الرحمن الرحيم....ورأي الصالحين الولد في أعلي الجنان...أنا ماقلته ليكم راقد لي فوق راي...

مشاققه...
أرجو أن لايفهم قصدي علي أنه دعوه للعبث وعدم الذكر والتراخي في العبادات ولكن دعوه للتفكر والتدبر علي مدي رحمة وعفو وكرم رب العباد....وكما قال رسول الله(ص) الدين يسر وليس عسر...وبرضو قال ما شاد الدين احداَ الاّ غلبه ...بس بيضو النيّه ونقوها والحبه مابتجيكم ...

بجيكم صاد

ود الماحي

الشريف الهندي

06-10-2006, 03:46 PM

والله كلامك ياجمال الماحي حِكم وعِبر وصدقْت بالحيل وفعلا رحمة الله

وااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااسعة

وربنا يرحمنا برحمته أجمعين ....... وأكان على عملنا التراب التحشى خشمنا ...

الله في ..... الله في

**************************************************

اللهم أجمعنا أجمعين في حمى أبو فاطمه وأدخلنا في شفاعته وأكرمنا برحمتك وأنصرنا واعزنا وارفعنا بكريم عفوك والنظر الى وجهك يا كريم

abu_ola

07-10-2006, 02:00 AM

يوميات صايم ( 14 )

دعاء :

اللهم لا تواخذي فيه بالعثرات و أقني فيه من الخطايا و الهفوات ، و لا تجعلني فيه عرضة للبلايا و الآفات بعزتك يا عز المسلمين

هدايا رمضانية

قال رسول الله صلي الله عليه و سلم : من صام رمضان إيماناً وإحتساباً غفر له ما تقدم من ذنبه

وثيقة التأمين على الحياة :

تأمين شامل لضمان إستجابة الدعاء

قال رسول الله صلي الله عليه و سلم : ( دعوة المرء المسلم لأخية بظهر الغيب مستجابة ، عند رأسه ملك موكل كلما دعي لأخية بظهر الغيب قال الملك الموكل به آمين )

قل أو لا تقل

لا تقل : بالرفاء و البنين

سبب النهي:

لانها دعوي أهل الجاهلية

الموت .... القبر .... الآخرة ..... القيامة ...... ماذا أعددت لها [/SIZE]

abu_ola

07-10-2006, 02:23 AM

يوميات صائم (15)

دعاء :

اللهم أرزقني فيه طاعة الخاشعين و أشرح لي فيه صدري بإنابة المخبتين بأمانك يا أمان الخائفين

هدايا رمضانية

قال رسول الله صلي الله عليه و سلم : قال الله عز وجل كل عمل إبن آدم له إلا الصوم فأنه لي و انا أجزي به

قل أو لا تقل

لا تقل : يا ساتر أو يا ساتر يا رب

سبب النهي:

الساتر في اللغة هو الحاجز الذي يحجز ما وراءه و هو ليس من اسماء الله الحسني و إنما الله سبحانه و تعالي ستير ،، قال رسول الله صلي الله عليه و سلم ( إن الله حيي ستير يحب الحياء و الستر )

قم في الدجي و أتلو الكتابو لا تنم إلا كنومة جائر ولهان
فلربما تأتي المنية بغتــة فتساق من فرش إلى الأكفان
يا حبذا عينان في غسق الدجي من خشية الرحمن باكيتان

نور العيون

07-10-2006, 07:00 AM

و الله يا ابو علا تسلم على المعلومات و الادعيه الجميله و تسلم يا غالي يا ابو علا

abu_ola

07-10-2006, 09:14 AM

و الله يا ابو علا تسلم على المعلومات و الادعيه الجميله و تسلم يا غالي يا ابو علا

بارك الله فيك أختي نور العيون

و مشكورة على المداوة علي زيارة الكوفي

و سوف نبدأ الدروس أن شاء الله قريب بعد العيـــــد

يا ريت تسجلي في المدرسة من الآن

نور العيون

07-10-2006, 09:50 PM

ابو علا يا غالي مافي مشكله انا جاهزه و سجلني من حسي و مافي مشكله
.... و تسلم يا غالي ...

salwa

08-10-2006, 12:03 AM

الله يكرمك ابو علا
والله جزاك الله خير على الانوار التي تسطرها لنا هنا
ووالله اتثقفنا كتير في اشياء عرفناها هنا من خلالك
وربنا يجعلها في ميزان حسناتك

نزار حسن محمد

08-10-2006, 12:55 AM

سلامات ياناس , اه بقينا فى العدد التنازلى .. ابوعلا..بعد العشره الاواخر يابوى شوف لينا طلبات العيد شنوا

عماد الصادق

08-10-2006, 12:59 AM

ابراهومه الحبيب وفكرتكم الرائعة في الكوفي شوب
والجديد شديد..
وكمان الكوفي بتاعكم يواكب كل المواسم..
والرائع أبوعلا يذكرنا بسمح القول..
مش زي ناس النيل الأزرق والقناة الفضائية بتاعتنا
في رمضان تزيد المزامير وليالي الغنا والسمر ...سبحان الله
والبنات من غير خجل ولا حياء يتمايلن من الطرب... سبحان الله

عبركم تحياتي للزول الفردة الرهيف أبو قلباً نضيف ودالماحي... سلام
ومن الزول النضيف للزول الظريف العزيز أبوعزيزة..
أصلي طولت الغيبة وداخل ضفاري....

وراجينك جنب الحرم يا ابراهيم...

abu_ola

08-10-2006, 02:28 AM

يوميــــــات صـــــــــائم (16)

دعاء :

اللهم وفقني فيه لمرافقة الأبرار و جنبني فيه مرافقة الأشرار و أوني فيه برحمتك إلى دار القرار يا إله العالمين

سنن مهجورة

المصـــــــــــافحة

قال رسول الله صلي الله عليه و سلم : ما من مسليمن يلتقيان فيتصافحان إلا غفر لهما قبل أن يتفرقا )

رواه أبو داؤود و أبن ماجة و الترمزي

هكـــــذا علمـــــتني الحياة

بــــــــــــــــــرد & نـــــــــــــــــار

يكفيك من التقوي برد الإطمئنان

يكفيك من المعصية نار القلق و الحرمــان

قل أو لا تقل

لا تقل : الدين لب و قشور

سبب النهي:

القشور لا فائدة فيها و الدين كله خير أصوله و فوعه و واجباته و سننه

مــــتي تبكـــــــــــي هذه العين من خشيـــة الله !!!

abu_ola

08-10-2006, 02:35 AM

ابو علا يا غالي مافي مشكله انا جاهزه و سجلني من حسي و مافي مشكله
.... و تسلم يا غالي ...

سجلناك يا غالية من حسي

و بعد العيد إن شاء الله بنحدد موعد إختبار المستوي ( Hankshah Testing Level )

و عشان تنجحي يا نورنا حاولي راجعي من حسي

abu_ola

08-10-2006, 02:47 AM

الله يكرمك ابو علا
والله جزاك الله خير على الانوار التي تسطرها لنا هنا
ووالله اتثقفنا كتير في اشياء عرفناها هنا من خلالك
وربنا يجعلها في ميزان حسناتك

معقولة أم النســـب شخصياً في الكوفي !!! و نصت نهار كمــان

يا ربــي الصيام دا يكون طشش بــي و لا أنا حلمان

مرحبيتن حبابك أم أحمد و كان ما الدنيا رمضان كان حلفنا عليك تتغدي معانا

http://www.up07.com/upload-20/wh_684904022.gif

مشكورة أم أحمد على المرور و الزيارة الكريمة

كلها أيام معدودة نتذاكر فيها و نتشارك الأجر بإذن الله

و نسأل الله أن يتقبل منا الصلاة و الصيام و صالح الأعمال

abu_ola

08-10-2006, 03:02 AM

سلامات ياناس , اه بقينا فى العدد التنازلى .. ابوعلا..بعد العشره الاواخر يابوى شوف لينا طلبات العيد شنوا

و عليكم السلام و رحمة و الله و بركاته

عمنا ود حسن وينك يا راجل اليومين دي ما شايفك في التراويح

إن شاء الله الآبري ما يكون غلــــت عليك

و لا رمضان دخل في العضــــام و الرجليـن بقت ما بتشيل الجتة

الله يعظم الأجـــر و يتقبل الطاعات و صالح الدعوات

http://www.up07.com/upload-20/wh_400117691.gif

الخميس الجــاي إن شاء الله دايرين نسوي الرحمـــتات

و بعد داك بندخل على العشـــرة الأواخر ( ربنا يبلغنا ليهن بالسلامة )

و بعديها يا ود حسن العيــــــــــــــــــــد بقابلك فيـــس تو فيــــس

و بمناسبة العيـــد دي ما تنســـو زكاة الفطـــر تطلعوها من بدري

مش زي السنة الفـــاتت تطلعوها قبــل الصلاة بســـاعة

المســـاكين محـــتاجين ليها قبل العيد عشان يدبروا حالهـــــــــــم

عشان يفرحوا و يفرحوا أولادهــم و يشتروا حاجات العيد من بدري

قبل التجار ما يزيدوا الأسعار و يغلــوا عليهم الحاجات

http://www.up07.com/upload-20/wh_400117691.gif

على العموم كان ليقت عملك ود الماحي في السوق كلمو باقي الراجل

مشغولياتو كـــــــــــــــــــتـــــــــــــــار ما ينــــــــسي زكاة الفطر

ابراهيم

08-10-2006, 10:02 AM

ابراهومه الحبيب وفكرتكم الرائعة في الكوفي شوب
والجديد شديد..
وكمان الكوفي بتاعكم يواكب كل المواسم..
والرائع أبوعلا يذكرنا بسمح القول..
مش زي ناس النيل الأزرق والقناة الفضائية بتاعتنا
في رمضان تزيد المزامير وليالي الغنا والسمر ...سبحان الله
والبنات من غير خجل ولا حياء يتمايلن من الطرب... سبحان الله

عبركم تحياتي للزول الفردة الرهيف أبو قلباً نضيف ودالماحي... سلام
ومن الزول النضيف للزول الظريف العزيز أبوعزيزة..
أصلي طولت الغيبة وداخل ضفاري....

وراجينك جنب الحرم يا ابراهيم...

حبيبنا يا عمدتنا والله شوق الشوق
والاداك بالبطاح يدينا بالكارو
والله في غيابك ياما سألنا عليك ما خلينا زول
والحمد لله بالجية ..
بالنسبة للكوفي شوب يا عمدة عامر وبالناس السمحين والحاجات السمحة
وماشاءالله او علا ما مقصر وود الماحي روح الكوفي شوب
ربنا يديهم العافية ويخدر ضراعم
عليك الله ابقى ما تختفي
اوعدنا يا رب ببركة هذا الشهر بلقيا في الحرم
لك تحياتي

ابوالنور

08-10-2006, 10:20 AM

ياريت يا ابراهيم والله نحنا مستننك وشف لينا معاك كم شيشه كدي جنباويه وبعدين حاول طلع تصريح لانو نحنا مدمنين عشان ما يوم في يوم مافي!

abosnoon

08-10-2006, 11:41 AM

يا جماعة انا جيت ولاول مرة ادخل الكوفي شوب ده

Jamal Elmahi

08-10-2006, 01:04 PM

عبركم تحياتي للزول الفردة الرهيف أبو قلباً نضيف ودالماحي... سلام
ومن الزول النضيف للزول الظريف العزيز أبوعزيزة..
أصلي طولت الغيبة وداخل ضفاري....

وراجينك جنب الحرم يا ابراهيم...

الكترابه...ود الصادق زاتو....ياربي الله يكون أستجاب لي دعاي وجابك لينا جري...
ليك وحشه ياعمده...ومشتاقين ...وعليك الله ما تنقطع تاني...أتا أأأبوي سعيت ليك بلازما ولاّ شنو؟ الله يقطع الابيض وأسود....اللهم أني صائم ...

ود الماحي

abu_ola

08-10-2006, 11:39 PM

ابراهومه الحبيب وفكرتكم الرائعة في الكوفي شوب
والجديد شديد..
وكمان الكوفي بتاعكم يواكب كل المواسم..
والرائع أبوعلا يذكرنا بسمح القول..
مش زي ناس النيل الأزرق والقناة الفضائية بتاعتنا
في رمضان تزيد المزامير وليالي الغنا والسمر ...سبحان الله
والبنات من غير خجل ولا حياء يتمايلن من الطرب... سبحان الله

( عماد الصادق )

http://www.up07.com/upload-20/wh_400117691.gif

الحبيب عماد الصادق

مرحبتيك حبابك في الكوفي

و ما شاء الله تبارك الرحمن

زي قمر اربعتاشر وشك منور

ربنا يزيدك تقوي و إيمان

http://www.up07.com/upload-20/wh_400117691.gif

هو فـــت شهيـــر

موسم الخيرات و البركة

قلنا نتدارس و نتذاكر شوي مع الحبان

كان الله يغفر لينا و يتقبل أعمالنا

و يرحمنا و يدخلنا الجنة برحمتو

و فضل دعاء الأخوان

http://www.up07.com/upload-20/wh_400117691.gif

عسي الله أن يتقبل دعوة صادقة من حبيب صادق

فتشفع لنا جميعاً و تدخلنا برحمته أعلى الجنان

قولي معاي آمين يا كريم و يا حنان يا منان

عبركم تحياتي للزول الفردة الرهيف أبو قلباً نضيف ودالماحي... سلام
ومن الزول النضيف للزول الظريف العزيز أبوعزيزة..
أصلي طولت الغيبة وداخل ضفاري....
( عماد الصادق )

سلامك وصل كلوا محنة و رحمة في شهر الرحمة

بنصروا فوق قلباً نضيــــــــــف

و بنربطو بالإبتسامة و الضحـــكة

و بنوزعـــوا على كل الحبان حـــتة ....حــــتة

عشان يحوق عليهم و ياخدوا البركـــة

في شـــهر البركـــة ... يا ود البركــــة

http://www.up07.com/upload-20/wh_400117691.gif

وراجينك جنب الحرم يا ابراهيم ( عماد الصادق )

abu_ola

08-10-2006, 11:59 PM

يا جماعة انا جيت ولاول مرة ادخل الكوفي شوب ده

مرحبتين حبابك يا أبو سنون

رمضان الكريم اللينا جابك

أدخل لي جوة و خد راحتك

المكان وسييييييييييييييع بشيل الحبان كلهم

كدي جر ليك كرسي اقعد ورينا أخبارك

لحدي ما المغرب يأذن

و بعد داك اسألنا من الباقي

حسي أعمامك ناس ود حسن

و عمك و دالماحي بجووك لي لعب السيــــجة

abu_ola

09-10-2006, 01:04 AM

يوميــــــات صـــــــــائم (17)

دعاء :

اللهم أهدني فيه لصالح الأعمال و أقضي لي فيه الحوائج و الآمال يا من لا يحتاج إلى التفسير و السؤال ، و يا عالماً بما في صدور العالمين

سنن مهجورة

النــــوم على طهـارة

عن إبن عمر رضي الله عنهما قال ، قال رسول الله صلي الله عليه و سلم : من بات طاهراً بات في شعاره ملك فلا يستيقظ إلا قال الملك اللهم أغفر لعبدك فلان فإنه بات طاهرا

هكـــــذا علمـــــتني الحياة

شتــــــــــــــــــــــــــــــان

إنتماؤك إلى الله إرتفاع إليه
إتباعك للشيطان إرتماء عليه

شتان بين من يرتفع الى ملكوت السماوات و من يهوي إلى أسفل الدركات

قل أو لا تقل

لا تقل : صباح الخير ، صباح النور

سبب النهي:

ليست تحية الإسلام بل أن تحية الإسلام التي تؤجر عليها هي ( السلام عليكم و رحمة الله و بركاته )

سبحان الله .... الحمد لله ... اللله أكبر .... لا إله إلا الله

HaSsOoN

09-10-2006, 12:04 PM

واللهي ياجماعه اشتقتا ليكم عديل كدا بس الظروف حرمتني منكم الفتره دي لكن برجع ليكم قريب بس حبيت الليله اخش واسلم عليكم ونشوفكم كيف عاملين مع رمضان

abu_ola

09-10-2006, 08:36 PM

واللهي ياجماعه اشتقتا ليكم عديل كدا بس الظروف حرمتني منكم الفتره دي لكن برجع ليكم قريب بس حبيت الليله اخش واسلم عليكم ونشوفكم كيف عاملين مع رمضان

و عليكم السلام و رحمة الله و بركاته

ليك وحشة يا راجل وينك ما باين

معقولة الصيام يعمل فيك كده

يا ود الناس أنت بقيت زي بروة الصابونة

الله يعظم الأجر و يتقبل منا و منكم صالح الأعمال

abu_ola

10-10-2006, 12:27 AM

يوميــــــات صـــــــــائم (18)

دعاء :

اللهم نبهني فيه لبركات أسحاره و نور قلبي بضياء أنواره و خذ بكل أعضائي إلى إتباع آثاره بنورك يا منور قلوب العارفيـــن

سنن مهجورة

دعـــــاء لبـس الثـــوب :

الحمد لله الذي كساني هذا و رزقنيه من غير حول مني و لا قوة ( رواه أهل السنن )

هكـــــذا علمـــــتني الحياة

شـــرار النــاس

شرار الناس صنفان

* عالـــم يبـــيع دينه لحاكم

* و حاكم يبيع آخرته بدنياه

( لا تقنطوا من رحمة الله إن الله يغفر الذنوب جميعا )

ابوالنور

10-10-2006, 12:44 AM

السلاااااااااااااااااااااااااااااااام عليكم اخوانا اها الامور ماشاء كيف الناس متكيفا من برنامج العطاله كدي شوف لينا طربيزة هارت نضرب ليك الجماعه ديل

عماد الصادق

10-10-2006, 01:55 AM

أأأبوي سعيت ليك بلازما ولاّ شنو؟ الله يقطع الابيض وأسود....اللهم أني صائم ...

ود الماحي

ودالماحي .. اللهم إني صايم ..
طبعا هسه كتيرين منتظرين الرد ألفين تحية وسلام للأدمن!!!
وأنا مش حأرد عليك .. ولا حأقول ليك إنو غرفتي الآن مافيها لا أبيض ولا بني !!!
سرير ودولاب وبس....

Jamal Elmahi

10-10-2006, 03:37 AM

ودالماحي .. اللهم إني صايم ..
طبعا هسه كتيرين منتظرين الرد ألفين تحية وسلام للأدمن!!!
وأنا مش حأرد عليك .. ولا حأقول ليك إنو غرفتي الآن مافيها لا أبيض ولا بني !!!
سرير ودولاب وبس....

أبو أشواق حبابك...طبعاَ أكيد راقد ليك فوق رأي...
شفته أخوي أبشوارب عملا كيف وجاب ضقلا يكركب...أقصد جاب الله جابو...يعني أبشوارب دا لو لقي ليهو بلازما كان جاب شنو ياربي؟ والله أبشوارب دا كان لقي ليهو بلازما وزيت سمسم كان يوقفو الجليل الرحيم ...
تعال لي صاد أأأبوي ...

مشاققه...
أبو علا ماتنسانا أأأبوي من صالح الدعاء...وفي العشره الاواخر بنسوي ليك رايه زي حقت شيخي ودحسونه...تلحقني وتفزعني يايمه...اللهم أني صائم..

ود الماحي

hamad2

10-10-2006, 07:39 AM

سلام عليكم ياناس الكوفي انشاء الله تكونو بخير الظروف حرمتني منكم الفتره دي لكن برجع ليكم قريب بس حبيت الليله اخش واسلم عليكم ونشوفكم كيف عاملين مع رمضان ومشاء الله عيني بارده عليكم اخوكم
احمد حمدتو

hamad2

10-10-2006, 07:40 AM

ازيك يا ابو علا انشاء بخير

abu_ola

10-10-2006, 09:49 PM

السلاااااااااااااااااااااااااااااااام عليكم اخوانا اها الامور ماشاء كيف الناس متكيفا من برنامج العطاله كدي شوف لينا طربيزة هارت نضرب ليك الجماعه ديل

و عليكم السلام و رحمة الله و بركاته

وينك يا أبو النور ماك باين

الشي التراويح ما بتجيبك !!!!

الهارت دا يا أبو النور بسوي ليك هارت

عشان كده خليه في رمضان

و قول يا مثبت القلوب ثبت قلوبنا

abu_ola

10-10-2006, 09:52 PM

سلام عليكم ياناس الكوفي انشاء الله تكونو بخير الظروف حرمتني منكم الفتره دي لكن برجع ليكم قريب بس حبيت الليله اخش واسلم عليكم ونشوفكم كيف عاملين مع رمضان ومشاء الله عيني بارده عليكم اخوكم
احمد حمدتو

و عليكم السلام و رحمة الله وبركاته

أخي أحمد حمدتو مشتاقين ، شوق الصائم للمويـــات

وينك يا راجل يا طيب

رمضان قرب يخلص

أها العيد كيف ؟؟؟

ما تغيب كثير يا عشاي

باقي بنتقريف لك كتير

و بنشتاق لضحكاتك و ونساتك

تعالي بالدرب يا حمدتـــو

abu_ola

10-10-2006, 11:52 PM

يوميــــــات صـــــــــائم (19)

دعاء :

اللهم وفر فيه حظي من بركاته و سهل سبيلي إلى خيراته و لا تحرمني قبول حسناته يا هادياً إلى الحق المبين

سنن مهجورة

لعق اليد بعد الأكل

قال رسول الله صلي الله عليه و سلم : إذا أكل أحدكم فلا يمسح يده حتى يلعقها أو يلعقها

هكـــــذا علمـــــتني الحياة

طـــــول الحـــاة و قصرهـــا

الحياة طويلة بجلائل الأعمال
و قصيرة بسفاسفها

قل أو لا تقل

لا تقل : عبد المأمور

سبب النهي:

كلمة خاطئة ،،، كلنا عبيد الله

سبحان الله و بحمده ........ سبحان الله العظيم

abu_ola

12-10-2006, 12:28 AM

يوميــــــات صـــــــــائم ( 20 )

دعاء :

اللهم أفتح لي فيه أبواب الجنان و أغلق عني أبواب النيران و وفقني إلى تلاوة القرآن يا منزل السكينة في قلوب المؤمنين

سنن مهجورة

الصلاة في النعال

قال رسول الله صلي الله عليه و سلم : خالفوا اليهود فإنهم لا يصلون في نعالهم و لا خفافهم

هكـــــذا علمـــــتني الحياة

مسكـــــــــــــــــــــــــــين

لايعرف الإنسان قصر الحياة إلا قرب إنتهـــــــــائها

قل أو لا تقل

لا تقل : كثر السلام يقلل المعرفة

سبب النهي:

لقد حض الله سبحانه و تعالى على إفشاء السلام لأنه مفتاح المودة و الحب في الله
قال رسول الله صلي الله عليه و سلم ( ألا أدلكم على شئ إذا فعلتموه تحاببتم أفشوا السلام بينكم )

abu_ola

14-10-2006, 09:22 AM

يوميــــــات صـــــــــائم ( 21)

دعاء :

اللهم أجعلني فيه إلى مرضاتك دليلا ، و لا تجعل للشيطان على فيه سبيلا و أجعل الجنة لي منزلاً و مقيلا يا قاضي حوائج الطالبين

سنن مهجورة

صلاة ركعتين في المسجد عند القدوم

عن كعب بن مالك رضي الله عنه قال : ( كان رسول الله صلي الله عليه و سلم إذا قدم من سفر بدأ بالمسجد فيركع فيه ركعتين ثم يجلس للناس ) أخرجه البخاري و مسلم

هكـــــذا علمـــــتني الحياة

الشجــــــــاعة

ليست الشجاعة أن تقول الحق و أنت آمن ، بل الشجاعة أن تقول الحق و أنت تستثقل رأسك .

قل أو لا تقل

لا تقل : زرع أو نبت شيطاني

سبب النهي:

إن الشيطان - عليه لعنة الله - لا زرع و لا نبت له و الصواب أن تقول زرع رباني أو خلق رباني

إذا أردت أن تصوم الدهر كله فعليك بصيام ثلاثة أيام من كل شهر

abu_ola

14-10-2006, 09:33 AM

يوميــــــات صـــــــــائم ( 22)

دعاء :

اللهم أفتح لي فيه أبواب مرضاتك ، و أنزل علي فيه بركاتك ، و وفقني فيه لموجبات مرضاتك و أسكني فيه بحبوحات جناتك يا مجيب دعوة المضطرين

سنن مهجورة

الجلوس أثناء الشرب

عن علي رضي الله عنه قال رسول الله صلي الله عليه و سلم ( لا يشربن أحدكم قائما ) أخرجه مسلم

هكـــــذا علمـــــتني الحياة

مقــــــــــارنــــة

للأسف لا يتم لك حسن الخلق إلا بسوء أخلاق الآخرين

قل أو لا تقل

لا تقل : فلان لا يرحم و لا يخلي رحمة ربنا تنزل

سبب النهي:

كلمة خبيثة ، فإن الله سبحانه و تعالي لا ينازعه في سلطانه منازع و لا يملك أحد أن يمنع شي من أمر الله و رحمته ، فأي مخلوق هذا الذي يمنع رحمة ربنا أن تنزل على عباده

كل نفس زائـــــقة المــــوت

abu_ola

15-10-2006, 10:12 AM

يوميــــــات صـــــــــائم ( 23)

دعاء :

اللهم أغسلني فيه من الذنوب و طهرني فيه من العيوب و أمتحن قلبي فيه بتقوي القلوب يا مقيل عثرات المذنبين

سنن مهجورة

التيــــــامن

كان رسول الله صلي الله عليه و سلم يحب التيامن ما إستطاع في طهوره و تنعله و ترجله و في شأنه كله ... اخرجه النسائي و صححه الألباني

هكـــــذا علمـــــتني الحياة

مطية الراحلين إلى الله

العمل و الأمل هما مطية الراحلين إلى الله

قل أو لا تقل

لا تقل : البقية في حياتك

سبب النهي:

ما هذه البقية ؟؟ هذه تعني إن الأنسان مات قبل إنقضاء أجله و ما ذال هناك بقية سيرثها أحد أوليائه ،، هذا بهتان عظيم فلن يموت إنسان قبل أن يستكمل آخر لحظة من عمره

سبحان الله و الحمد لله و الله أكبر و لا إله إلا الله و لا حول و لا قوة إلا بالله

HaSsOoN

15-10-2006, 11:11 PM

يديك الف عافيه ياابو علا وجعله الله في ميزان حسناتك وفعلا مجهود رائع منك ومقدر ..

zoolfrda

16-10-2006, 07:21 AM

مشكوور يا أبو علا

الله يديك العافية

abu_ola

16-10-2006, 09:31 AM

الأخوة حسون

زول فردة

بارك الله فيكم و تقبل الله منا و منكم صالح الأعمال و الدعوات

مشكورين على مروركم الكريم

نزار حسن محمد

16-10-2006, 12:57 PM

الحبيب ابوعلا ازيك وكفينك يابوى لليلة العيد برضو فى حلقه من يوميات صائم .. والله ياابوعلاء كلام الله مابنابه لكن الفيك انعرفت...اه انا واعمامك معاك لى ثالت ايام العيد بعد داك يابوى ابليسنا ما بصبر ... والله اشتقنا للخرمجه ساكت.. اللهم انى صائم..

abu_ola

18-10-2006, 12:17 AM

الحبيب ابوعلا ازيك وكفينك يابوى لليلة العيد برضو فى حلقه من يوميات صائم .. والله ياابوعلاء كلام الله مابنابه لكن الفيك انعرفت...اه انا واعمامك معاك لى ثالت ايام العيد بعد داك يابوى ابليسنا ما بصبر ... والله اشتقنا للخرمجه ساكت.. اللهم انى صائم..

الحبيب ود حسن

سلامات و تشكرات

رمضان كمل علينا يا غالي بسسسسسسسسسسسسسرعة و خلانا في حر الشمس و أبليس براه ما بصبر من ليلة العيد بقطع السلب و يحمي الناس من صلاة العيد

اليومين دي يا ود حسن أنا بجهز في نفسي مسافر اقضي الإجازة و العيد في السودان عشان كدي أخرنا ليكم اليومات الرمضانية و يعني بقي حبلها قصير يوم الجمعة أنا مسافر و الأكيد ما بقدر أكتب شي يوم السبت و الأحد

مشكور على الرسالة الخاصة و تأكد بأنك انت حساس حبتين واحدة فوق .....و واحدة تحت

المهم بنتقابل أيام العيد كان ربنا هون الأمور و الكوفي أبقي عليه عشرة أمانه في الزمة ما اجي ألقاكم فكيتو تثبيتو غيرتو عنوانو

سامعني يا ود حسن

abu_ola

18-10-2006, 12:26 AM

دعـــاء :

اللهم إني أسالك فيه ما يرضيك و أعوذ بك مما يؤذيك و أسالك التوفيق فيه لأن أطيعك و لا أعصيك يا جواد السامعين

سنــن مهجــورة :

التسبيح و التكبير

عن جابر رضي الله عنه قال كنا إذا صعدنا كبرنا و إذا نزلنا سبحنا رواه البخاري

هكـــذا علمتــني الحياة :

يقـــظة و غفـــلة

ما عجبت لشي من يقظة أهل الباطل و إجتماعهم عليه و غفلة أهل الحق و تشتت أهوائهم فيه

قــل و لا تـــــقل :

أمسك الخشب - خمسة و خميسة

مثل هذه الأقوال لا تدفع الحسد و لن تغير من قدر الله شي ، و العين حق و التحرز منها بالرقية الشرعية كما علمنا الحبيب صلي الله عليه و سلم

اللهم أجعل لأحبتي فيك رحمة و مغفرة تحف دنياهم و آخرتهم

abu_ola

18-10-2006, 09:53 PM

دعـــاء :

اللهم أجعلني فيه محباً لأوليائك و معادياً لأعدائك مستنا بسنة خاتم أنبيائك يا رب العالمين

سنــن مهجــورة :

الإستنثار بعد القيام من النوم

عن أبي هريرة ري الله عنه قال قال رسول الله صلي الله عليه و سلك إذا إستيقظ أحدكم من منامه فتوضأ فليستنثر ثلاثا فان الشيطان يبيت على خيشومه رواه البخاري

هكـــذا علمتــني الحياة :

مشـــقة و راحــــة

مشقة الطاعة خير ألف مرة من راحة المعصية

قــل و لا تـــــقل :

المرحوم أو المغفور له

فيه إدعاء بعلم الغيب و ذلك أمر لا يعلمه إلا الله و لا نجزم لأحد بأنه مرحوم أو مغفور له إلا من ورد الشرع بذلك عنهم مثل أصحاب بدر و العشرة المبشرين بالجنة

من توضأ قبل أن ينام بات معه ملك كلما تحرك قال الملك اللهم أغفر له

abu_ola

19-10-2006, 01:09 AM

دعـــاء
:

اللهم أرزقني فيه فضل ليلة القدر و صير أموري فيه من العسر إلى اليسر و أقبل معازيري و حط عني الذنب و الوزر يا روؤفاً بعباده الصالحين

قــل و لا تـــــقل :

لا تقل : و النبي ، و حاة النبي ن و رحمة أمي

كل هذا حرام لأنه حلف بغير الله سبحانه و تعالي و قد قال المصطفي صلي الله عليه و سلم ( من كان حالفاً فلا يحلف بغير الله )

لا حول و لا قوة إلا بالله كنز من كنوز الجنة

الأخوه الأحبة

السلام عليكم و رحمة الله و بركاته

أسال الله لنا و لكم القبول و الرضي و العفو و العافية

كما أسالكم أن تسامحوني في هذه الأيام الطيبة المباركة إذا اخطأت في حق أي أحد منكم دون قصد أو أسألت لأي شخص منكم أو جرحت شعوره دون قصد مني
و أعلموا بأني أحبكم و أنتم نعم الأخوان و الأخوات و سوف أفتقدم خلال الفترة القادمة التي سوف أسافر فيها إلى السودان إبتدأ من يوم الغد 28 رمضان و سوف أحاول خلال فترة تواجدي بالسودان التواصل معكم

و لكم مني خالص المني

و كل عام و أنتم بخير

و مبارك عليكم عيد الفطر المبارك

نزار حسن محمد

20-10-2006, 06:30 AM

الحبيب الغالى تفارش عبدالله ابو علاء كل عام وانت بالف صحه وعافيه والاسره الكريمه وانشاء الله السنه الجايه معاك تيمان كل الامانى بقضاء اجازه سعيده مع الاهل والاحباب واتمنى ان نلتقى بالسودان انا مسافر يوم الثلاثاء ثانى ايام العيد حاكون بمدنى لمدة اسبوع تقريبا ارجوا الاتصال بى على رقم مبايل 0912802047 وسيكون الكوفى وناس الكوفى فى انتظار عودتك... ودمت لنا

نزار حسن محمد

22-10-2006, 11:40 AM

الاحباب الغالين كــــــــــــــــــــــل عام وانتـــــــــــــــــــــــــــــــــــم بخيــــــــــــــــــــــــــر ...

يبــــــــــــــداء الكوفـــــــــــى نشـــــــــــاطه فـــــــــــى ايــــــــــام العيـــــــــــــد علــــــــــــى مــــــــــدار ال 24 ســــــــاعه
والدعــــــــــــــــــــــــــوه عامــــــــــــــــــــــه

اول ايام العيد السهره مع ندى القلعه

ابراهيم

27-10-2006, 05:41 AM

أهلى الحلوين سلامات والله ومشتاقين
شنو اناس دحين العيد خلاص ودع وارتحل
لكن بشوفكم كترتو الغياب
في الاول شوقنا كتيير للكوفي شوب وللرواد من الزباين ورجال الاعمال والعاملين عليها وحتى الضهبنجية ..
وبقول ليهم عيد مبارك علينا وعليكم ..
وربنا يحقق امانيكم ..
العزابي والبايركس انشاءالله تفرج ويسيبو بيت العزوبية لي بيت الزوجية الرجال ربنا يرزقهم بعروس هدية ورضية وسمحة وسمرية
والجنس اللطيف : الله يجيب ليهن عريس هدي ورضى عطوف وكريم ورومانسي ومقرش ...
المتزوجين ربنا يخلي ولادهم ويرزقهم خير ويديهم طولة العمر ويسعدهم.

على جنب:
يا نزار وحاتك ندوية انتظرناها والناس قطعت التزاكر وواقفين على باب الصبر
لكن وحاتك ندى القلعة ما جات .. عملت لينا شرحبيل احمد .. وعمك ود الماحي حرد الكوفي شوب ...
انا ماش اكلم سميرة دنيا بي دلوكتها الجديدة هدية عشان عيون رواد الكوفي شوب.

كل سنة وانتو طيبين

saleh farah

28-10-2006, 02:01 AM

الحكايه شنو يا ابراهيم مالكم اجازتكم طولت كده ، دى اجازة عيد ولا عيد اجازه

HaSsOoN

29-10-2006, 03:34 PM

ياابو علا ونزار بختكم عيتو في السودان وحضرتو البرنامج بتاع المنتدى اهما حاجه جيبو لينا الشمارات والصور اهما حاجه ماتنسوها .........

راسكال

01-11-2006, 08:36 AM

أبو علا

الف الف الف الف الف
مـــــــــــــــبروك

وجاي معاى أولاد الفريق كلهم

محمد مصطفي

05-11-2006, 07:15 AM

ابو علا

الف مبروك

وانا زاتي جاي

نزار حسن محمد

06-11-2006, 12:13 AM

الاحباب الغالين متاسفين على الغيبه الاجباريه دى لكن امسكوا الخشب نحن جينا لكم ياحلوين ..تعالواااا نسالكم ابوعلاء جاء ولا بعد ... ابراهيم ولايهمك بنجيب ندى القلعه فى الكوفى عشان عرس اخونا سواح بس انت عليك باعمامك ناس الشربوت وناس ابو حمار..
حسون والله ضحكته لمن مصارينى داير تقطع لمن حكى لى حسن على بمقولتك بان نزار قاعد لينا بالمرصاد فى حزف المواضيع ياراجل حرام عليك خوفته ابوعلى ..
فقدناكم فى اجازة العيد لكن من اليوم مابنغيب..
رسكال ود خالت التيمان ازيك ياحبيب وتحيه خاصه للتيمان وقوليهم ابقوا عشره على الالعاب ومصيركم تبقه مشرفين
مرحبتين بجيتك كبك ونحن فى الانتظار ....
ود الماحى اظهر وبان عليك الامان

hamad2

06-11-2006, 07:08 AM

نتمنا ليكم اجازة سعيده وما تنسوا الاخبار الحلوه راجينكم

nahla abass

07-11-2006, 10:01 PM

حأكون زبونة دااايمــــــــــه

وبصراحة الكوفى بتاعكم ده شكلو مغرى

نزار حسن محمد

07-11-2006, 10:32 PM

عووووووك يابومروا ..تلحقنا وتنجدنا .. ود الماحى انت وين الكوفى بداء نشاطه وحرم شوف عينى الجكس واقف جنب الباب

HaSsOoN

15-11-2006, 01:41 PM

ياابو علا شنو عملتا نايم كدا شايف الكوفي شوب بقا ميت مافي زباين الحاصل شنو وياابراهيم طفشتا وين .................تعالو الحقوا نظفوا محلكم دي ورتبوها زي ماقال ليكم ود حسن الجكس واقف جنب الباب ههههههههههههههههههههه اهما حاجه طربيزه اعمامنا الكبار الفي الركن جيهوها تمام

nahla abass

16-11-2006, 02:21 AM

لكن ماعملتها ظاااهرة عديل كدة آآآآآ قلت لى الضوء الخافت والبوهيه البمبى
سنة يا أنا ..............لكن ماعندك الكلام الدقاق

HaSsOoN

16-11-2006, 02:39 AM

ههههههههههههههههههه لازم ينهله دايرا الزباين يجو كيف !!!!!

abu_ola

17-11-2006, 08:54 PM

سلامات يا حلوين و شوق و أمنيات شالينها بالشوالات

عيون مشتاقة بتسلم عليكم

و قلوب ولهانة بتبوس ييديكم

أيادي بتلوح تحييكم

و الله مشتاقين

و جيناكم يا جبايبنا

بعد غربة و شوق

نغالب فيهو و يغالبنا

جااااااااااااااااااااااااااايكم بالتقيل

بس اصبروا النكنس المحل و نولع الأنوار

نزار حسن محمد

17-11-2006, 10:42 PM

الحبيب ابوعلاء بركه الجيت بركه الجيت يازول حمدالله على السلامه ... والله لو اتاخرة شويه كان لقيت الكوفى فى خبر كان(( الكشه)) كدى لقايت ماتظبط المحل انا امشى اشوف عمك ابراهيم عشان نجيب الطلبات والذى منـــــــــــــــــــــو وعمك ود الماحى حردان من يوم سفرك قال مابدخل الا على التقيل وجكس خلى ساكت انت يازول مجكس كم الشباب كله بسال .كدى الكلام الكتير بمشى بجيك ياعشاى...ودحسن الكسر الصحن

ابراهيم

18-11-2006, 04:33 AM

ابو علا
الريس
جيداً جيت .. والله الشوق مالي المكان
واي حتة هنا بتسـال عليك ...
نحن كنا في اجارة لكن ابشر جايين بالنيو لوك بسن انت جهز المنيو بوك
واخلف كراعك في ركن قصي من الكوفي شوب وقعد معاك ود الماحي وإن درت نعزم ليك ناس الدكان ومجلس الشورى ... والجكس الوان طيف
ولا ما كدي يا نزار ...

ابراهيم

18-11-2006, 04:37 AM

ياابو علا شنو عملتا نايم كدا شايف الكوفي شوب بقا ميت مافي زباين الحاصل شنو وياابراهيم طفشتا وين .................تعالو الحقوا نظفوا محلكم دي ورتبوها زي ماقال ليكم ود حسن الجكس واقف جنب الباب ههههههههههههههههههههه اهما حاجه طربيزه اعمامنا الكبار الفي الركن جيهوها تمام

يا حسون دة كلام دة
الجكس يقيف جنب الباب كيف:rolleyes:
نحن الصالة الهناك دي عملنا لي شنو؟

نزار حسن محمد

18-11-2006, 05:55 AM

ابوعلاء ..اظهر وبان عليك الامان ومهيتك محسوبه من يوم سفرك ..واعمامك فى الشتاء بدوره شيتن سخن تعال بسرعه عمك ود الماحى لو جاء بدرى بجيب لك اعمامك كلاموم كوتر شيتن من الراس وشيتن من الكراس...

abu_ola

18-11-2006, 06:57 AM

راسكال

حسون

كبك

نهلة عباس

صالح فرح

أبراهومة

ود حسن

تحياتي و أشواقي الحارة

يا دوب انا جيت اليوم و كنست المحل و ولعت اللمبات بس النجر نفسي شوية و أرتاح من غسيل العدة ( معقولة يا إبراهيم العدة من رمضان مافي زول يغسلها !!!! ) غايتو من يوم بكرة بتقولني متوهط في نص الكوفي

يا جماعة وين باقي الشباب ما ظاهرين

بكرة بتلم الشمل و تسمع و نستنا و ضحكتنا لي آخر الشارع

بيجكم يا حبايبي

ولد مدنى

18-11-2006, 07:05 AM

لكن ناس بوت اقصد كبك تحن عليهم وتخليهم ينضفو المحل ومافى داعى للفاكسات

abu_ola

19-11-2006, 03:50 AM

ود ود مدني

خفف شوية على الكورة دي ما تنفقع بعدين يضمو الكوفي للمنظمات الراعية للإرهاب

يا جماعة انتو عمنا ود الماحي وين ؟؟؟ مالو ما باين و بعدين باقي الشباب حسون و المميز و حمدتو التيمان و باقي الشلة و جكسي الحلة النضيف و عروس الكوفي
يا جماعة الخير تعالوا نتلم تاني و نضحك في الدنيا ام قدود دي
الونسة معاكم ليها طعم تاني و الضحكة معاكم ما بتكمل
الشمارات كثيرة و الحكاوي ما بتنتهي

غايتو انا يومين كده بكون جاهز موية و نور

تعالوا يا حلوين و لا خلاص شلتو الزيت و قلعتو الوتــــد ( الكلام ليك يا المنطر عينيك )

ابوالنور

19-11-2006, 07:14 AM

انت يا ود مدني حكايتك شنو مع كبك صاحبي دا

ابوزيد محمد نور

19-11-2006, 07:54 AM

يلا نحنا راجييين الافتتاح ..................... ومعاى جماعه اه كيف رايك

Jamal Elmahi

19-11-2006, 08:27 AM

حباب ابو علا...حباب ناس المنجره ...حباب أهل الفنجره...
جيتنا وفيك ملامحنا ....والله ليك وحشه شديده أبوعلا ...وبركه الجيت الكوفي كان دلالتا الاسبوع الجاي...أها أأأأبوي منتظرين أخبار السودان وشربوت السودان وقنقليس السودان...

ود الماحي

ابراهيم

19-11-2006, 08:39 AM

تعالوا يا حلوين و لا خلاص شلتو الزيت و قلعتو الوتــــد ( الكلام ليك يا المنطر عينيك )
:D :D

زيت السمسم حولناه دكان الصول ...
حفاظاً للطابع الرومانسي في القهوة ..
وفي رواية اخرى زيت السمسم بقو يركبو في العربات وكان مغالطني شوف عربية التيمان جارية ومهرولة .. بدون فرملة ..

معتز حمدتو

19-11-2006, 07:27 PM

ابو علا الراجل الضره
حمدا علي سلامة العودة ومنتظرين جيتك بفارق الصبر للاستمتاع بالروائع والعود احمد

سوار الياسمين

19-11-2006, 08:16 PM

الحمد لله على سلامتك يا ابوعلا
ومنور بيتك من تاني

محمد حسين (المميز)

19-11-2006, 08:51 PM

ازيكم ياناس الكوفي
طولنا منكم

ماشاءالله الكوفي عاااااااامر بأهله والحمدللــه

نمشي ونرجع ليكم تاني حبايبنا

*****************

abu_ola

19-11-2006, 09:11 PM

انت يا ود مدني حكايتك شنو مع كبك صاحبي دا

حبابك و الله جابك يا أبو النور

إت متهول مالك يا ود عشاي كدي فك المحنة دي و مد يديك ناولني الكباية ديك النسوي ليك شاي و بعدين تقوم تحلق حصانك الجراي دا و تجينا فارس على صهوة جواد و تخطف ليك واحدة من البنيات السمحات ديل و بعد داك الله يستر عليكم و يغطيكم و يحفظكم .

قوم آآجنا الضحوة كملت و الرزق بدور الخــــفية .

abu_ola

19-11-2006, 09:18 PM

يلا نحنا راجييين الافتتاح ..................... ومعاى جماعه اه كيف رايك

أبو زيد عشا البايتات و الجماعة الجو معاه حبابكم 1000

ابقوا داخلين الدار داركم و الكرم هولكم و كان ما لقيتو ليكم كراسي فاضية اقعدوا في صنقوري دا من فوق

أبقوا داخلين بنشبعكم محنـــة و قرقرابة في الدنيا الزايلة

abu_ola

19-11-2006, 10:17 PM

حباب ابو علا...حباب ناس المنجره ...حباب أهل الفنجره...
جيتنا وفيك ملامحنا ....والله ليك وحشه شديده أبوعلا ...وبركه الجيت الكوفي كان دلالتا الاسبوع الجاي...أها أأأأبوي منتظرين أخبار السودان وشربوت السودان وقنقليس السودان...

ود الماحي

حباب ود الماحي و حباب الشبل ود الأسود

يا واحد الله و يا محمد رسول الله دقر يا عين دقر

بسم الله و عيني باردة اسم على مسمي ( جمال × جمال )

نقول يا ربي الشبل الصغير اسمو جميل !!!

السودان يا ود عشاي بقي زي لعبة السلم و الثعبان

تركب مواصلات جبرة تلقي نفسك في آخر أم بدة

تشحد جنب الجامع الكبير يومين بس تبقي من رجال الأعمال

المتعلمين و أخوانا المثقفاتية يبيعو الملابس المستعلمة في سوق ام دفســـو

النشالين و الجماعة الطيبين مصدر دخلهم واااااااحــــــــــــــــــــــــد

اقول ليك شنو يا عشا البايتات

في ناس شوارعم وسخانة و نفوسهم وسخانة و جيوبهم مليانة

و واحدين تانين قلوبهم نضيفة و جيوبهم نضيفة و ملابسهم وسخانة

البنيات يا ود عشاي كل شئ عندهن نص نص

ملابسن نص ،،، القــــيم نص نص ، المبادي نص نص

الوليدات كل شي طولوه

البناطلين جارة بالواطـــة ، الشعر حدو الكتف ، السلاسل لي الصـــرة و العقول أفرغ من فؤاد أم موسى

بإختصار السودان دا يا ود الماحي أخوي زي التقول كبـــيتو في خلاط اسمنت و شغلتو بكهرباء 220

abu_ola

19-11-2006, 10:55 PM

:D :D

زيت السمسم حولناه دكان الصول ...
حفاظاً للطابع الرومانسي في القهوة ..
وفي رواية اخرى زيت السمسم بقو يركبو في العربات وكان مغالطني شوف عربية التيمان جارية ومهرولة .. بدون فرملة ..

انت في عربية التيمان البتشتغل بزيت السمسم يا إبراهيم

المحيرني و مطير عصافير رأسي التحت دا شغال بشنو ؟؟

http://x88x.Com/uploads/8ea8e2f989.bmp (http://x88x.Com/)

خطاب العبيد

19-11-2006, 11:04 PM

مرحب والف حمدلله على السلامة وعوداحميدا والله نورتة المنتدى من جديد وادامك الله شمعة تضيء المنتدى بكل ماهوا مفيد لنا وللاعضاء جميعا .
ولقد سرنى كثيرا ان اجد رسالتك فى بريدى الخاص والحمد لله الذى جعل بيننا هذه المودة واتمنى من الله العلى القدير ان تدوم الى ماشاء الله تعالى .

واخيرا كيف اخبار السودان والاهل وطبعا فى رسالتى ليك سالناعن العروس علا واخبارها وسمعنا قالو انها كانت فى السودان جكس تقيل ربنا يحفظها ويجعلهازخرا لك وللامة باذن الله تعالى .
واكيد طبعا جيت من السودان بعد ماكملتو الابريهات والخبايزوالعزومات والخرفان وتلقاك نسيتنا هناك وماجبتى لينا معاك اى شيء

abu_ola

19-11-2006, 11:13 PM

ابو علا الراجل الضره
حمدا علي سلامة العودة ومنتظرين جيتك بفارق الصبر للاستمتاع بالروائع والعود احمد

حباب معتز حباب ناس حمدتو الشوق أردام أردام ذي القطن في مارنجان الصبر سمح يا ود حمدتو و الروائع منكم و بتقيف ياكا البتسد الفرقة و تتم الكيف فرتاق الصفوف يوم الدرق و السيف عمار البيوت الهدا فيها القيف

abu_ola

19-11-2006, 11:20 PM

الحمد لله على سلامتك يا ابوعلا
ومنور بيتك من تاني

النور نورك يا سوار الياسمين

و من غيرك الشوف طشاش طشاش

كدي وقكت جيتي عطري الكوفي بالياسمين

و وزعي البسمات شمال و يمين

أنعشي الضحكات الميتة ليها سنين

ضوي بي نورك و أهدي لي التايهين

ازرعي الفرحة في قلوب المساكين

ضمدي جروح العزاب و أشفي المجانين

ابوالنور

20-11-2006, 12:15 AM

حمد علي السلامه ابوعلا والله واحشنا اديل كدا

abu_ola

21-11-2006, 12:48 AM

ازيكم ياناس الكوفي
طولنا منكم

ماشاءالله الكوفي عاااااااامر بأهله والحمدللــه

نمشي ونرجع ليكم تاني حبايبنا

*****************

حبابك يا الشاب المميز في كل شي حتي في غيباتو

ات آآخوي بتغطس و تقلع زي البطة في البحر مالك ؟؟؟

مسوي ليك دريبات تحت تحت و قايلنا ما ناقشين الحبة

اصبر لي الــ ينزل ود حسن من الكرسي الساخن

بوريك نجـــــــــــــوم القـــــــــــايلة

abu_ola

21-11-2006, 05:06 AM

واكيد طبعا جيت من السودان بعد ماكملتو الابريهات والخبايزوالعزومات والخرفان وتلقاك نسيتنا هناك وماجبتى لينا معاك اى شيء

عزيزي خطاب العبيد لك من التحايا أزجاها و أعطرها

الشوق بحر ما ليهو حد

اشتقنا لي ود العبيد

شوقاً مضمخ بالسرور

شوقاً يخلي الزول يقيف

يوسط البلد

صرخ يقــــــــــول

ود العبيد .. أشتقينا ليك شوق الدهور

شوق العصافير للغصن

شوق الفراشات للزهور

شوق الصحارى للمطــر

شوق العرائس للبخور

شوقنا ليك ما ليه حد

يا أغلي زول

abu_ola

21-11-2006, 05:48 AM

حمد علي السلامه ابوعلا والله واحشنا اديل كدا

أبو النور ...

الحمد لله أنك نزلت و فكيت التعريجة ( استغفر الله أقصد الهـــولة ) كان داير تعادينا بالمحنــة بتاعتك دي ، ما تقول اليومين دي الكوفي صاني و عدمان الزبون

واحشنا صوتك يا جميل

و إشتقنا لي ضحكة عينيك

إشتقنا يا أبو النور عديل

ورينا بس كيفن نجيك ؟

Jamal Elmahi

21-11-2006, 04:23 PM

انت في عربية التيمان البتشتغل بزيت السمسم يا إبراهيم

المحيرني و مطير عصافير رأسي التحت دا شغال بشنو ؟؟

http://x88x.Com/uploads/8ea8e2f989.bmp (http://x88x.Com/)

أبوعلا عربية التيمان عرفنا كبو ليها زيت سمسم بدل زيت المكنه لكن حصانك دا يكون كبو ليهو زيت السمسم وين..؟؟ ياربي يكون زرقو ليهو في الخترات !!!
نص الحصان الخلفي ماممكن يبقي ترله...سنه سنه ياالترله قاطره حصقراني...

ود الماحي

ابوالنور

22-11-2006, 08:17 AM

تسلم والله ابو علا علي اشعور الجميل ونحنا موجودين في مدني عمارة عباس كنين هانكس انترنيت
في اي وقت تشرفنا

hamad2

23-11-2006, 05:55 AM

حبيبنا ابو علا الف حمد الله علي السلامة بركه السمعنا صوتك

ابراهيم

23-11-2006, 06:44 AM

انت في عربية التيمان البتشتغل بزيت السمسم يا إبراهيم

المحيرني و مطير عصافير رأسي التحت دا شغال بشنو ؟؟

http://x88x.Com/uploads/8ea8e2f989.bmp (http://x88x.Com/)

والغريبة ماش بسرعة الافلات ...
الدنيا جنبو طشاش طشاش
حبة كدة ويصل النجم النيوتروني
زيت السمسم يكون ادو ليهو حقن يا ود الماحي:D

ابو قناية

24-11-2006, 07:31 PM

عزيزي ابراهيم والله فنجانك عينة يعلم الله شهتني الكبتشينو عديييييييييييييييييييييييييييل وبعدين بجيك بالدرب بس ما يكون شاي سادة

abu_ola

25-11-2006, 11:54 PM

عزيزي ابراهيم والله فنجانك عينة يعلم الله شهتني الكبتشينو عديييييييييييييييييييييييييييل وبعدين بجيك بالدرب بس ما يكون شاي سادة

يا شيخنا أبو قناية

نهمتك راية .. راية

تحقق لي منايا

و تجيب ناس هناية

ما تنسي المحاية

اللوح و الدواية

مرحبتين حبابك آآشيخنا

النوبة جاااهزة

و الطارات بحمسوا فيها

الديك ضبحناهو

و الحولية تب بنسويها

بس قول لينا الجـــية متــــين

نزار حسن محمد

29-11-2006, 01:19 AM

سلام ياناس الكوفى
ابوعلاء ... كيف امسيتوا..يابوى البرد اليومين ديل شديد مابنلقى عندكم دواء...

مدنيّة

29-11-2006, 09:40 PM

صباحكم زين ياناس الكوفي

جينا نديكم طلة كان تجيبوا لينا شاي كدا بلقيمات ولا دا ياربي في المينيو مافي !! :confused:

محمد حسين (المميز)

29-11-2006, 10:37 PM

حبابك يا الشاب المميز في كل شي حتي في غيباتو

ات آآخوي بتغطس و تقلع زي البطة في البحر مالك ؟؟؟

مسوي ليك دريبات تحت تحت و قايلنا ما ناقشين الحبة

اصبر لي الــ ينزل ود حسن من الكرسي الساخن

بوريك نجـــــــــــــوم القـــــــــــايلة

وأنا أقول سببي شنو مع الكرسي الساخن
اتاري الكــلام وراهو كــلام:mad:

حلاس حلاس تاني مابغيب:(

حبااااااااااااااابك ابوعلا سبب غيابي خليهو
ساااااااااي مشاغل الدنيا ياخوي

**************

همس القصيد

30-11-2006, 07:30 AM

بسم الله الرحمن الرحيم
السلام عليكم ورحمة الله وبركاته

سلام يا اهلنا

الديمة خاته ملامكم

جاياكم جديده

عايزه اكون بيناتكم

من عصراً كبير

فى قلبى ديمة مكانكم

كايس الاخوة عديل

عاملونى زى اخواتكم

اولا الشكر ليك اخونا ابراهيم لفرد المساحة الرائعه دي , وتابعت
كل مشاركاتكم علي طول ال18 صفحة ماشاء الله عيني باردة عليكم
وفيها قالب تلج :o , ويا اخوي ود الماحي وابو علا ماقصرتوا والله
ربنا يديم عليكم الروح الحلوة ويهنيكم كمان وكمان اتحفتونا كتير
ورجعتونا لي لمة السودان وونستو الطيبة , وانتو كمان يا المميز
وسوار الياسمين وحسون ومدنية ماقصرتوا يديكم الف عافية ..
وياريت زي ماقلت تقبلوني فرد فعال معاكم في المجمع الطيب دا ..

فتكم عافية
أختكم
همس القصيد

شاكسس

30-11-2006, 08:53 AM

تسلمى ياغاليه

تحياتى،،

راشد خضر

02-12-2006, 08:05 AM

السودان يا ود عشاي بقي زي لعبة السلم و الثعبان
تركب مواصلات جبرة تلقي نفسك في آخر أم بدة
تشحد جنب الجامع الكبير يومين بس تبقي من رجال الأعمال
المتعلمين و أخوانا المثقفاتية يبيعو الملابس المستعلمة في سوق ام دفســـو
بإختصار السودان دا يا ود الماحي أخوي زي التقول كبـــيتو في خلاط اسمنت و شغلتو بكهرباء 220
يا ابو عُلا ناولني فنجان تركي وسكر شوية خفيف
وما يهم الجلوس أياً يكون ولو أرضاً بدون تكليف
أدينا الخبر !باين من بعدِك عُلا الجو بيبقى ظريف
وبفراق أم عُلا يضيـق حالك وتتغيـر وتبقى نحيف
وكل القُلتو صحيح وبحذِنا ولما نشوف نقول يالطيف
الوليدات كل شي طولوه البناطلين جارة ، الشعر حدو الكتف ، السلاسل لي الصـــرة و العقول أفرغ من فؤاد أم موسى
:p :p أي والله صدقت ، وإقتباس رائع ، الجامعات بقت شهادات ساي لا شُغل ولا مخ مليان .

ابراهيم

02-12-2006, 08:54 AM

صباحكم زين ياناس الكوفي

جينا نديكم طلة كان تجيبوا لينا شاي كدا بلقيمات ولا دا ياربي في المينيو مافي !! :confused:

اي حاجة عندنا .. لقيمات وزلابية:D
وجميع انواع الفطاير والمكسرات
وقريباً الكسرة بكسر الكاف وجميع انواع العصايد واللواييق "جمع لايوق" على وزن ويكة وويكاب وبامبية وخدرة ومشكل .. والاسطاف من المهرة المحليين والمستوردين
بس خليك قريبة يا مدنية

ابو علا كوفي شوب
مش حتئدر تغمض عينك

hamad2

02-12-2006, 08:48 PM

keefkom ya nas alcofe
abo 3la

محمد حسين (المميز)

02-12-2006, 09:13 PM

اي حاجة عندنا .. لقيمات وزلابية:D
وجميع انواع الفطاير والمكسرات
وقريباً الكسرة بكسر الكاف وجميع انواع العصايد واللواييق "جمع لايوق" على وزن ويكة وويكاب وبامبية وخدرة ومشكل .. والاسطاف من المهرة المحليين والمستوردين
بس خليك قريبة يا مدنية

ابو علا كوفي شوب
مش حتئدر تغمض عينك

هههه:D ههههههههههه:D ههههههه
أنا عاوز مــلاح ورق:o

عشان صحي صحي مش حأقدر
أغمض عيني:p

*****************

ابو قناية

03-12-2006, 04:12 PM

بسلم يا ابو علا
معليش اتاخرت عليك في الرد
لكن ياها الفيك تمام محرية

hamad2

04-12-2006, 03:23 AM

يا اخوانا ابو علا وين

سواااح

04-12-2006, 10:17 AM

اي حاجة عندنا .. لقيمات وزلابية:D
وجميع انواع الفطاير والمكسرات
وقريباً الكسرة بكسر الكاف وجميع انواع العصايد واللواييق "جمع لايوق" على وزن ويكة وويكاب وبامبية وخدرة ومشكل .. والاسطاف من المهرة المحليين والمستوردين
بس خليك قريبة يا مدنية

ابو علا كوفي شوب
مش حتئدر تغمض عينك

ابراهيم ..

المكسرات ما في مشكلة
بس اعمل حسابك
ما تبقي مسكرات :D

دمــــــــــتم ،،

معتز حمدتو

04-12-2006, 08:04 PM

اسعد صباحكم ياناس الكوفي سلامي كتير للخال والخاله والعم والعمة والاهل بالمحيريبه وام ضو بان والحصاحيصا ومدني وفداسي وكسلا والكاملين والخرتوم ( خرطوم الفيل ) وسلامي ارطال ارطال لناس الحله الجنبنه والسوريبه وعد الفرسان وناس ام بادر وكردفان والفوله وكادوقلي وعموم عموم اهلنا الشايقية والجعليين والدناقله واخص بالسلام اهلنا البقاره والشكرية والسكوت والمحس والبطاحين والكواهله وكمان جيرانه الفلاته وكل اهلنا النسيناهم واخص بالخصوص زوجتي ام اولادي التومه بقول ليه الغربه حاره نار وياحليل القعده معاك وياحليل حنتك ودخانك البرد الروح ( مشكور محمد احمد تهانيك وصلة ) وكمان سلامي ليك شديد انت والله انا بحضر البرنامج ده عشان اشوفك واقعد احسب النجوم الا عاد ياتومه ما تزعلي صحي السمح سمح لو قام من النوم والشين شين لو انعرك الزمن كلُ ( الا وحاتك يالتومه غيرك ما بدور بس بعاين ساي ) وفي عيونك بعاين .
ده واحد حاير في الغربه ودخل الكوفي شوب لقالك ابو علا وابراهيم وعمك ود الماحي والمميز وكل الناس مبسوطه ومهيصه فطلب شيشه وكبتشينو والاثنين هو فيهم جديد لنج فشعشعة معاه وسخن وقالوا ضايقه بيه الواسعه فقام مسك التلفون وبدي يغني .
الا النسألك يابراهيم عامل شنو في الشيشه ، ابو علا الحكاية شنو خلية بلدياتك سخن والله الظاهر انكم كل ما تقعدوا مع ود الماحي الراجل ده بسخن بيكم .
تحياتي ليكم اهلنا وحبانا وقيلوا عافية .
نقرشه مع الصباح .

محمد حسين (المميز)

04-12-2006, 10:35 PM

قلنـــا نسلـّــم ونسجــّــل
حضـور

*****************

abu_ola

04-12-2006, 11:04 PM

بسم الله الرحمن الرحيم
السلام عليكم ورحمة الله وبركاته

سلام يا اهلنا

الديمة خاته ملامكم

جاياكم جديده

عايزه اكون بيناتكم

من عصراً كبير

فى قلبى ديمة مكانكم

كايس الاخوة عديل

عاملونى زى اخواتكم

فتكم عافية
أختكم
همس القصيد

يا همس القصيد روح الغنا الما ني
يا ست الحسان زينة بنات الحي
يا بت الرجال أهل الخلا و الصي
بيناتنا الوداد ينبض عريقاً حي

مصباح الظلام الليلة يوم طلتنا
عمانا الفرح و أتهجهت عدتنا
بق الكوفي شوب ما عرفنا وين جيهتنا
من ضوء بسمتك ولعت حارتنا

ياكي أختنا تب الخوة ما بناباها
أبواتنا القبيل ورونا ايه معناها
حاضنين الأمل و جيتك نرجاها
نار الفراق ات براك عارفاها

مرحبتين حبابك يا همس القصيد
أبقي داخلة ..... الكوفي وسيـــــع بلم الطيبين كلهم
نتمي أن تتحفيـــنا بالروائع

abu_ola

04-12-2006, 11:13 PM

يا ابو عُلا ناولني فنجان تركي وسكر شوية خفيف
وما يهم الجلوس أياً يكون ولو أرضاً بدون تكليف
أدينا الخبر !باين من بعدِك عُلا الجو بيبقى ظريف
وبفراق أم عُلا يضيـق حالك وتتغيـر وتبقى نحيف
وكل القُلتو صحيح وبحذِنا ولما نشوف نقول يالطيف
[.[/SIZE][/COLOR]

ألطف يا لطيف الحالة صبحت شينة
أستر يا كريم من الشرور أحمينا
يا كاشف الكروب أستر عيوبنا الفينا
بي جاه الحبيب طه الأمين دخرينا

شباب الزمن سدو الاضان بي طينة
لا بسووا خير لا بقولوا كلمة حنينة
الفارغة أم قدود سووها صنعة أمينة
أشباه الرجال ما بملوا لي عينيا

البت القبيل القالوا راسية رزينة
في بحر الفساد عامت كذا الوزينة
غرقت في الوحل من رأسها لي كرعينا
باعت لي الشرف وكان الثمن ملينة

الشايب العجوز العمرو فوق سبعينا
أصبح زي مراهق ما بلغ عشرينا
شكا البنطلون و عمل الكريم و الزينة
خلي أم العيال ليله و نهاره حزينة

كان شفت العجوز القلنا نحن رصينة
شدت لي الوجيه و لبست حلق في اضنينه
قالوا ليها الشباب يا حاجة بيك رضينا
بي نار الغرام و الحب دوام اصلينا

الشجر الكبار ما فيه صمغ لينا
و الزهر الندي دسناه بي كرعينا
في شان القرش بعنا الشرف و الدينا
و إمتلأت القلوب من حسد و ضغينة

ود خضر أخوي الحالة تب ما زينة
بس نعمل شنو ؟ كان جبنا بي أيدينا
سأليين الكريم بي رحمتو يغطينا
نرجع للطريق الـ ليه نحن بدينا

abu_ola

05-12-2006, 12:42 AM

يا اخوانا ابو علا وين

حمدتو ... الراقي الجميل

تسأل عنك العافية

و نجيمات السماء البي ليل

و تسأل عنك الأفراح

يا الدخري العديل و أصيل

تسأل عنك الغيمات

رزاز مطراً نسيمو عليل

و نسأل نحن مشتاقين

لي زولاً حنين بالحيل

abu_ola

05-12-2006, 03:52 AM

هههه:D ههههههههههه:D ههههههه
أنا عاوز مــلاح ورق:o

عشان صحي صحي مش حأقدر
أغمض عيني:p

*****************

قلنـــا نسلـّــم ونسجــّــل
حضـور

*****************

الغياب ماهو طبعك

يا المميز في الحضور

ليك حضور في قلوبنا دائم

بدري من قبل السحور

يوم تجينا تقول تسلم

و يوم كمان داير الفطور

( الورق ) ملاحو جاهز

إلا بس غدانا فول :p :p :p

عشان تجينا تاني بكرة

و يبقي سجلت الحضور

يا المميز في غيابك ... و في الحضور

محمد حسين (المميز)

05-12-2006, 05:35 AM

لالالالالالالالالالالالالا

لاوالله يابوعــــلا

لالالالالالالالالالالالا

بالجد ماليك حق

لالالالالالالالالالالا

ماعهدناك كده

لالالالالالالالالالالا

ليه بس كده

لالالالالالالالالالا

ايه الحصل عليك

لالالالالالالالالا

http://up20.net/uploads/604c543f27.png (http://up20.net)

بقى ياراجل أخوك يكون معــلّــق في المنقد الساخن
ولاتجي تقيف معاهو
ولا تجي تشوف البقى عليهو شنو
ولاتجي تقول الزول ده زبوني في الكوفي
ولاتجي تقول ده زمان آزرني في اليوم الكنت
معلـلّـق فيهو في الكرسي الساخن,,

أفــا أفــا أفــا أفــا

****************

ابو قناية

05-12-2006, 10:07 AM

ازيكم ياناس الكوفي شوب
وتسلم ليينا يا ابوعلا
ونضمك درر

ابو قناية

05-12-2006, 10:09 AM

اهلا بي همس القصيد
وان شاء تلقينا اخوانك تب

ابراهيم

05-12-2006, 12:17 PM

بسم الله الرحمن الرحيم

السلام عليكم ورحمة الله وبركاته

سلام يا اهلنا

الديمة خاته ملامكم

جاياكم جديده

عايزه اكون بيناتكم

من عصراً كبير

فى قلبى ديمة مكانكم

كايس الاخوة عديل

عاملونى زى اخواتكم

اولا الشكر ليك اخونا ابراهيم لفرد المساحة الرائعه دي , وتابعت
كل مشاركاتكم علي طول ال18 صفحة ماشاء الله عيني باردة عليكم
وفيها قالب تلج :o , ويا اخوي ود الماحي وابو علا ماقصرتوا والله
ربنا يديم عليكم الروح الحلوة ويهنيكم كمان وكمان اتحفتونا كتير
ورجعتونا لي لمة السودان وونستو الطيبة , وانتو كمان يا المميز
وسوار الياسمين وحسون ومدنية ماقصرتوا يديكم الف عافية ..
وياريت زي ماقلت تقبلوني فرد فعال معاكم في المجمع الطيب دا ..

فتكم عافية
أختكم

همس القصيد

مرحبتين حباب همس القصيد بيناتنا
نورتي الديار ضج الفرح في ذاتنــــا
زينتي المكان واتزينت قهواتنــــــــا
تميتي العـــدد وبقيتي من اخواتنـــا

يعني ما بتاع دوبيت والله لكن بسارق من ناس ابو علا وهم ذوى باع في شعر البادية
وابقى داخلة لا جوة

راشد خضر

06-12-2006, 08:29 AM

قال : أبو عُـلا

الشايب العجوز العمرو فوق سبعينا
أصبح زي مراهق ما بلغ عشرينا
شكا البنطلون و عمل الكريم و الزينة
خلي أم العيال ليله و نهاره حزينة
ود خضر أخوي الحالة تب ما زينة
بس نعمل شنو ؟ كان جبنا بي أيدينا
سأليين الكريم بي رحمتو يغطينا
نرجع للطريق الـ ليه نحن بدينا
والله اتقطعت فيها عدييل يا ابو عُلا ، دا الشُغل .

سوار الياسمين

06-12-2006, 07:41 PM

نااااااااااااس الكوفي الحلوين
مشتااااااااااااااااااقين بالحيل
لالالالالالابتسألو عناااااااااااا
ولا جايبييييييييييين خبرنااااااا
ربكم مسااااااااااااامح وكريم
بس عشااااااااااااااااان خاطر
نااااااااااااس مدني السمحين

واختي همس القصيد منور الكوفي ومنورة المنتدى كلو
وايقي داخلة لي جوة البيت بيتك

محمد حسين (المميز)

06-12-2006, 09:17 PM

ناس الكوفي سلام عليكم
وتحيه مخصوووووصه

لسيد الزوق
اخونا ابو عــــــــلا

جينا نصبح ونقول
ســــــــلام
للأخــوه الكرام

****************

امير عبدالباقي

07-12-2006, 06:29 AM

الاخ ابوعلاء
كلامك بريح ويدخل الدماغ ومع كبايه شاي حسيت بنفسي قاعد في الخلا

ابوعلا كلامك موزون وجميل
يخلي الراس بدون تنباك يميل
كلامك كلام اهلنا بالحيل تقيل
موزون مابفهمو كـــــــــل زول
الاتربيه حبوبتو بالحـــــــــيل

كاتم الأحزان

07-12-2006, 07:16 AM

تحية خاصة لابوعلا سيد الناس
واحلى تحية لاحلى كوفي واحلى ناس
والله معاكم احساس بالسعادة ومافي مكان لليأس

مساكم الله بالخييييييييييييير

الشبح

10-12-2006, 09:52 AM

يا أخوي الناس بقوا كتار وإنت ما فتحت لسة الكوفي شوب بتاعك دا عاوز تفتح متين ؟ ولا عاوزنا نمشي وتوزع المجاني ؟

abu_ola

10-12-2006, 08:19 PM

تحية خاصة لابوعلا سيد الناس
واحلى تحية لاحلى كوفي واحلى ناس
والله معاكم احساس بالسعادة ومافي مكان لليأس

مساكم الله بالخييييييييييييير

مساء النور كاتم الأحزان

عساك مبسووووووووط

و ان شاء الله الحزنما يعرف ليك طريق

حبابك يا عشا البايتات

أبقــــــــــــى داخـــــــــــــل

abu_ola

10-12-2006, 08:21 PM

يا أخوي الناس بقوا كتار وإنت ما فتحت لسة الكوفي شوب بتاعك دا عاوز تفتح متين ؟ ولا عاوزنا نمشي وتوزع المجاني ؟

هلا بالشبح

بي زيارتك بيتنا نور

أبقي داخل و الكوفي فاتح بروح الطيبين

و ما بيناتنا حساب

ابقي شاركنا إبدعتك و فنونك

كاتم الأحزان

10-12-2006, 09:35 PM

إذا كان الكل بقول صباح الخير
انا بقول انتو الخير لكل صباح
ياناس ياحلوين
ويا ابو علا صباحك فل وياسمين

abu_ola

11-12-2006, 10:39 PM

إذا كان الكل بقول صباح الخير
انا بقول انتو الخير لكل صباح
ياناس ياحلوين
ويا ابو علا صباحك فل وياسمين

صباك ورد

يا كاتم الأحزان

و ناشر الفرحة

بالورد و الريحان

الهمس و اللحمة

رسمت في الوجدان

بسمة من لوحة

يا خلاصة الإنسان

في كل زمان و مكان

قلوبنا منشرحة

نرجاك في الأزمان

كان طيف و كان لمحة

جود لينا يا فنان

و بدد الأحزان

الفينا منطرحــــة

كاتم الأحزان

11-12-2006, 10:50 PM

صباح النرجس

والياسمين

والفل

صباح

الرقة

والإحساس

من الحلوين

علينا يطل

يسعد صباحوا

يا ابو علا

ياسيد الكل

Madanawi

12-12-2006, 10:26 AM

وهم العرسو ديل عمله شنوه .. يازول هوى انا معك تب من الليله...

خطاب العبيد

12-12-2006, 09:30 PM

ابو علا لو غلبك تفتح الكوفى شوب بتاعك ده ورينا نحنا بنفتحو ولازى ماقال الشبح لو خايف على الخسارة بتاعت توزيع المجانى نحنا بندفع ولوشيء رمزى .افتح

كاتم الأحزان

12-12-2006, 09:45 PM

صباح الخير
عليكم

الظاهر ابو علا فتح كوفي في حته تانية

abu_ola

13-12-2006, 11:11 PM

مدناوي

خطاب العبيد

كاتم الأحزان

كيفك يا روائع و الله مشتاقين

الكوفي فاتح يا حلوين بي وجودكم

و المشاركة معاكم بتكون احلي

يلا ادعمو الكوفي بإبداعاتكم

و صراحة اليومين دي نسبة لنهاية السنة المالية اخوك مشغوووووووووووول خالص

و ما لاقـــي فرصة أحك راسي

المواضيع كثيرة خالص

و الأفكار موجودة

بس المشكلة في الزمن

و أن شاء الله بكون الكوفي بنكهة جديدة خلال الفترة القادمة

لكم العتبي حتى ترضوا

و تقبلوا أرق تحياتي

همس القصيد

14-12-2006, 01:40 AM

يا همس القصيد روح الغنا الما ني
يا ست الحسان زينة بنات الحي
يا بت الرجال أهل الخلا و الصي
بيناتنا الوداد ينبض عريقاً حي

مصباح الظلام الليلة يوم طلتنا
عمانا الفرح و أتهجهت عدتنا
بق الكوفي شوب ما عرفنا وين جيهتنا
من ضوء بسمتك ولعت حارتنا

ياكي أختنا تب الخوة ما بناباها
أبواتنا القبيل ورونا ايه معناها
حاضنين الأمل و جيتك نرجاها
نار الفراق ات براك عارفاها

مرحبتين حبابك يا همس القصيد
أبقي داخلة ..... الكوفي وسيـــــع بلم الطيبين كلهم
نتمي أن تتحفيـــنا بالروائع

ترحيب حار بالحيل :D , سيدو مابفوت تاني منكم ان شاء الله:o :o
مشكور كتير ابو علا يارائع علي النمّه الحلوة دي ويديك الف عافية
وماعدمناك ياطيب ,,,

ودعتكم الله

همس القصيد

14-12-2006, 01:46 AM

مرحبتين حباب همس القصيد بيناتنا
نورتي الديار ضج الفرح في ذاتنــــا
زينتي المكان واتزينت قهواتنــــــــا
تميتي العـــدد وبقيتي من اخواتنـــا

يعني ما بتاع دوبيت والله لكن بسارق من ناس ابو علا وهم ذوى باع في شعر البادية
وابقى داخلة لا جوة

مشكور كتير اخوي ابراهيم وتكفيني حفاوة الترحيب الصادقة :) :o
يديكم الف عافية ويديم عليكم المحبة والصلات الطيبة ..

فتكم عافية

همس القصيد

14-12-2006, 01:53 AM

واختي همس القصيد منور الكوفي ومنورة المنتدى كلو
وايقي داخلة لي جوة البيت بيتك

مشكورة اخيتي علي الترحيب والكوفي والمنتدي منور بطلاتكم البهية وتواجدكم القوي ..
اسمي أيات الشكر والامتنان ليك ياغالية ..

في رعاية المولي

ود حنتوب

15-12-2006, 10:46 PM

سلام يا اهل الكوفى شوب

بلقى لى عندكم بنبر فاضى ياربى ؟؟؟

كاتم الأحزان

15-12-2006, 10:59 PM

نيابة عن ابو علا لوسمح لي
مرحب ياود حنتوب ومش بنبر بنابر
كلنا أخوان الكوفي حق الكل
وعلى حسابي أحلى كوباية شاي من الصباح

ولا ماكده ابو علا

abu_ola

15-12-2006, 11:51 PM

سلام يا اهل الكوفى شوب

بلقى لى عندكم بنبر فاضى ياربى ؟؟؟

مرحبتين حبابك يا ود حنتوب

البيت بيتك

البنابر وهيـــــــــــــــــــطة

و الكوفي عامر بنفس الطيبين امثالك

و زي ما قال ليك اخوي كاتم الأحزان

مش بنبر واحد بناااااااااااااااابنر

عشان ترتاح و تشاركنا الإبتسامة

abu_ola

15-12-2006, 11:57 PM

نيابة عن ابو علا لوسمح لي
مرحب ياود حنتوب ومش بنبر بنابر
كلنا أخوان الكوفي حق الكل
وعلى حسابي أحلى كوباية شاي من الصباح

ولا ماكده ابو علا

المسألة يا اخوي كاتم الأحزان

ما بتحتاج لإذن

انت صاحب بيت

و صاحب البيت ما بحتاج لى اذن من زول

و زي ما قالوا الضيف ساعة يجي زي الأســـد

ما بقابلوه إلا الرجـــــــــــــــال

و أت ياكا الراجل البتعزم على المافيشـــة

و تعشي ضيوف الهجـــعة

و ما بيناتن حساب يا الأخوي

و ود حنتــوب مننا و فينا

ماهـــو الغريب

سواااح

16-12-2006, 02:43 AM

وينكم يا ناس الكوفي

مافي زول مهببو لينا ؟؟

abu_ola

16-12-2006, 03:56 AM

الأنيس سواااح

سلامات يا زول يا رئــع

سلامات عوافــي

يا خلاصة الخير الفي الناس

ترياق الزمـــن المتعافي

ليك وحشة و الله

وينك ما باين يا الغالي

abu_ola

17-12-2006, 06:39 AM

زوار الكوفي الأعزاء

لكم مني أرق التحايا ؛؛؛؛

و جزيل الشكر و العرفان على دعمكم لمسيرة الكوفي شوب

أستميحكم عذراً لعدم تواجدي بصورة مكثفة خلال الأيام السابقة

و ذلك نسبة لظروف خاصة بالعمل ، ستزول قريباً بإذن الله

و حتماً سوف نرجع لبيتنا الوسيــــــــــــــــــــــــــــــع أكثر ألقاً و بهاء

مع أمنياتي لكم بالتوفيق و السداد

محـــبكم

Abu Ola

كاتم الأحزان

17-12-2006, 07:21 AM

مساء الخير
وإذا فتحت الصباح
صباح الخير

ما بين الأخوان أعذار

ربنا يعينك ويسهل عليك إن شاء الله

ونحن قاعدين نسيب الكوفي ده نمشي وين

abu_ola

21-12-2006, 01:12 AM

كاتم الأحزان

لك تحياتي و حبي

يا كا الراجل البتسد الفرقة

و يا ها المحرية فيك يا عشاي

الكوفي من غيركم ايه يكون !!!

*
*
*

تحياتي للروائع كلهم

و يا ود حسن و يا ود الماحي

قريب إن شاء الله بنفتح مدرسة محــو الحنكشة

*
*
*
*

سوار الياسمين ، المميز ، حسون ، مدنية ، نور العيون

أنا قيدت أساميكم في المدرسة

و لازم تجلسوا لإختبار تحديد المستوي قبل العيد

و أي واحد عندو الرغبة في الإلتحاق بالمدرسة عليه تسجيل بياناته

*
*
*
*
*

أخوانا المحاضرين و مساعدي التدريس و الدكاترة الزائرين

نرجو تسجيل بياناتكم في الكوفي

و إرفاق الشهادات العلمية

و الخبرات التدرسية

Almostshar

22-12-2006, 08:40 AM

يا جماعة الكابتشينو ده لسه ما جا

رضينا نطلع فوق جيب الجبنة

القعدة معاكم سمحة وعشرة كتشينة والله سمحة

hamad2

25-12-2006, 01:41 AM

ابو علا نعل مافي عوجة
ايه الكوفي يسوي من دونك
بلاك ومن غيرك مسيخ
ونفرح نقول الليلة زورتنا
كل عام وانت بخير
احمدحمدتو

نزار حسن محمد

26-12-2006, 12:43 AM

الاحباب الاعزاء ..
عمكم ابوعلاء .. كان فى ماموريه خاصه لتجديد الكوفى مع اطلالة العيد والعام الجديد .. وعنده عرض خاص بمناسبة عيد الاضحى وعيد الاستقلال وعيد راس السنه .. وانشاء الله ايامكم كلها اعياد ... مرحب .. مرحب .. والكوفى منور بناسه واهله .. يالا .. ابو علاء .. الناس راجياك ...

التيمان

26-12-2006, 12:59 AM

انحنا مستنين

ياخال

يلا

راسكال

26-12-2006, 02:55 AM

كلنا منتظرين الجديد

سوار الياسمين

26-12-2006, 04:41 AM

ابو علا
اولا الحمد لله على سلامتك
ويا ااااااااااامسخو المنتدى من دونك

وثانيا يا خوي في داعي لكشف الحال ده
مدرسة للحنكشة عدييييييييييل
كنت تخليها تحت تحت في الضرا

لاكن تصدق

حركة قوية منك انك تدخل مدنية :D معانا في المدرسة

ووووووووووب كان عرفت بي روحها انها معانا بي هنا

على الدنيا السلام

وتحياتي ليكم وكل سنة وانتو طيبين

Jamal Elmahi

26-12-2006, 05:36 AM

الوجيه أبو علا
ندعم توجهاتكم لمحو الحنكشه وأقترح بالاضافه للمقرر النظري أن يكون هناك دروس عمليه (Lab Work) مثلاَ ..بل السعف والحنقوق لصناعة التباريق والسباتات والبروش...كيفيه صناعة الودك والحرفنه في استخراح الربيت...والبراعه في استخدام المخرز في كوفات الشعر والمشاط...وأناشد أن تكون المعامل مجهزه واستقطاب الخبرات من أهلنا أهل العوض وناس قريعتي راحت...

مشاققه...
نسبة لانو الحالات العندنا من الحناكيش والحنكوشات حالات متأخره وفي رواية أخري حالات مستعصيه فأناشد الجهات المختصه بعمل معسكر لمحو الحنكشه بدلاَ عن المدرسه وحظر الايسكريم والجاتوهات والهامبرقر والتركيز علي أم شعيفه والويكاب والنعيميه والكول والعصايد بأنواعها مع الاحتياط بأسعاف وغرفه للعنايه المركزه....والله يكضّب الشينه....

ود الماحي

سوار الياسمين

26-12-2006, 05:46 AM

عمي الماحي
بالله بس كلوووووو الا الكول
انا بالسمع ساي قرب يغمى علي منو
عايزني كمان اكلو
امشي وين بعد داك
شوف لينا خفايف احسن

abu_ola

26-12-2006, 11:48 PM

بناءاً على توجيهات عمنا الكبير جمال الماحي و دعماً لمسيرة أهل العوض و نسبة لأنتشار ظاهرة المتحنكشين و عملاً لوجه الله في نشر الثقافة و الاصالة السودانية فقد تقرر عقد إختبار قياس مستوي الحنشكة في الدم لجميع زوار و حبايب الكوفي الحلوين حتى يتسنى لنا فتح المدرسة على أسس علمية تربوية فعالة .

إختبار تحديد مستوي الحنشكة في الدم

السؤال الأول :

عرف الآتي تعريفاً شاملاً

1/ العبوب

2/ المشلعيب

3/ الملود

4/ الكبروس

5/ الدهاسير

6/ الحنقوق

7/ البخسة

8/ الضناب

9/ ام شعيفة

10/ اللقاي

السؤال الثاني :

إختر الكلمة الشاذة من الآتي و وضح السبب

1/ أم حليبين / أم تكشو / أم بقبق / ام كيكي

2/ الرباع / السديس / الدغور / التني

3/ الهواب / الهمبول / العبوب / خيال المآتة

4/ الليشفا / السوميتة / الحجل / الزمام

5/ البخسة / الباطي / السعن / الوكــاي

السؤال الثالث

حل الغلوتية التالية

1/ المكربعة أم كرعين أربعة كان هي حامت القيامة قامت

2/ أربعة خبابات و اربعة صبابات و أتنين يشحدو في رب العالمين و بي وراهم أخوهم مجينين

3/ كان شالو ما بنشال و كات خلو سكن الدار

4/ دخل القش ما قال كش

5/ جدادتي الرقطا تجيب الخبر من قعر الوطة

السؤال الرابع

اشرح المثل الشعبي الآتي

1/ ود الفار بطلع حفار

2/ الفيك بدربـــو

3/ الحسنة معطت شنب الأسد

4/أم جركم ما بتأكل خريفين

5/ الجمل ما بشوف عوجة رقبتو

السؤال الخامس :

تحدث فيما لا يزيد عن 20 سطراً عن واحدة من الألعاب التالية

1/ حجلة

2/ الرمة و حراسها

3/ شدت

4/ كورعت

5/ كمبلت

يمنع إصحطاب الحبوبات

مع أمنياتنا لكم بالتوفيق

شاكسس

27-12-2006, 04:27 AM

ولكمووووووووووووووووووووو:eek:

والله ياابو علا ماعرف اقول ليك شنو؟

ده داير رحله اسبوع فى الريف حتى ارد ليك:rolleyes:

لكن بحل البعرفو

البخسه والملود

البخسه بتاع الروب

والملود يستخدم فى الزراعه

الوال التانى

البخسه ما تابع ليهم

السوال التالت:rolleyes:

1. الراكوبه

3.الرماد

4.الضل
5. الرادى او التلفزيون

السوال الرابع
1. الود بطلع لى ابوه فى نفس افاعاله
5. دى بقولها لى الزول الشايف نفسه وجيه وهو شين

السوال الخير

1.دى البربره يطروا سته مربعات ويلعبو بى بلاطه فيها
2.واحد يكون حارس والباقى يجروا ويسكهم واحد والبجى الرمله الحارس يمسكه
3.هى جرى بى رجل واحده وتسابق بها حتى خط النهايه
4.ماعرفتها والله
5.هى عن طوب ولا علب يروصهم ويحرسها واحد وينيشها واحد من الناس ويجروا وعليه سكهم ولو ضرب واحد يطلع بره ويضرب فى الباقى وهم يحاولون رص العلب من جديد

حتى النهايه:eek:

انا قايل ماقصرت معاك
:cool:
اها لقتنى كيييييييييييييييف
:cool:

abu_ola

27-12-2006, 04:56 AM

شاكس حبيبي

مشكور على المرور و الإجابة ، ستعلن النتائج قريب إن شاء الله

غايتو كان دا شغلك كدي جهز الكراس و البراية و الإستيكة قبل القلم لانو الظاهر و الله أعلم حتمسح

كتير يا حلو

مع خالص مودتي

في إنتظار باقي الحلوين

شاكسس

27-12-2006, 05:18 AM

خخخخخخخخخخ

مابطمن كلو كلو

Jamal Elmahi

27-12-2006, 08:13 AM

أبو علا والله تب ماقصرته بس أأأعشاي شيشك علي الحناكيش والمؤلفة قلوبهم ...الخازوق أختبار الحنكشه يطفشن ...يبقي الحوته وحبلا....الحناكيش أأأعشاي دايرين مسايسه...يعني الايسكريم ما بنحظرو من أول يوم ...وأم شعيفه بنديها ليهم علي جرعات ولاّ بالدرب تفادياَ للحساسيات والارتكاريا ..وتقليلاَ لتكاليف غرفة العناية المركزه...

بجيك صاد أأأبوي

ود الماحي

سوار الياسمين

27-12-2006, 09:40 PM

إختبار تحديد مستوي الحنشكة في الدم

السؤال الأول :

عرف الآتي تعريفاً شاملاً

1/ العبوب
علمي علمك

2/ المشلعيب
ده بدل التلاجة قديما هي حاجة بتتعلق وكانو بيحفظو فيها الاكل والله اعلم

3/ الملود
بعتقد اله بحشو بيها الزرع

4/ الكبروس
علمي علمك

5/ الدهاسير
علمي علمك

6/ الحنقوق
ده بخنقو بيها لا شنو

7/ البخسة
بتاعة كدا من القرع بيتعمل فيها الروب على ما اظن (الله اعلم)

8/ الضناب
علمي علمك

9/ ام شعيفة
اها بالجد ده علمي علمك:confused:

10/ اللقاي
علمي علمك:confused:

السؤال الثاني :

إختر الكلمة الشاذة من الآتي و وضح السبب

1/ أم حليبين / أم تكشو / أم بقبق / ام كيكي

هو يصراحة كلو شاذ بالنسبة لي :D
بس بعتقد ام كيكي وما تسألني عن السبب

2/ الرباع / السديس / الدغور / التني
هو واحد من الاثنين
يا السديس الشيخ
يا الدغور لسبب لا اعلمه

3/ الهواب / الهمبول / العبوب / خيال المآتة
انا بعرف خيال المآتة

4/ الليشفا / السوميتة / الحجل / الزمام
الحجل من ادوات الزينة للرجل والزمام بعتقد برضو من ادوات الزينة بس الباقي ما لي بيهو علم

5/ البخسة / الباطي / السعن / الوكــاي
البخسة ذكر سابقا اذا اصلا طلع صح والباطي والسعن يمكن يكونو حاجات برضو بخزنو فيها الاكل
لاكن الوكاي ده ماااااا بعرفها واعتقد هي المختلفة بيناتهم الله اعلم:confused:

السؤال الثالث

حل الغلوتية التالية

1/ المكربعة أم كرعين أربعة كان هي حامت القيامة قامت
يمكن العربية

2/ أربعة خبابات و اربعة صبابات و أتنين يشحدو في رب العالمين و بي وراهم أخوهم مجينين
؟؟؟؟؟؟؟؟؟؟؟؟؟

3/ كان شالو ما بنشال و كات خلو سكن الدار
؟؟؟؟؟؟؟؟؟

4/ دخل القش ما قال كش
الظل

5/ جدادتي الرقطا تجيب الخبر من قعر الوطة
ده الناس الشمشارة :D

السؤال الرابع

اشرح المثل الشعبي الآتي

1/ ود الفار بطلع حفار
ده زي اقلب القدر على فمها تطلع البنت لامها

2/ الفيك بدربـــو
يعني يمكن العلة الفيك تمشي بعيد عننا ما تجي بي جنبنا( والله اعلم:D )

3/ الحسنة معطت شنب الأسد
ده والله حيرتني في تفسيرها

4/أم جركم ما بتأكل خريفين
ده ابدا ما عندي ليها تفسير لاني اساسا ما بعرف ام جركم ده شنو

5/ الجمل ما بشوف عوجة رقبتو
ده يعني الزول الي عندو عيب ما بيشوفو فيهو صح ولا غلطانة

السؤال الخامس :

تحدث فيما لا يزيد عن 20 سطراً عن واحدة من الألعاب التالية

1/ حجلة
ده الارقام باليكتبوها في مربعات في الواطة وترمي ليك حجر ولا مصيبة زمن تقوم تنط لما تلقط الرميتو

2/ الرمة و حراسها
ده ما بعرفها :(

3/ شدت
شد الحبل ولا شنو

4/ كورعت
؟؟؟؟؟؟؟؟؟؟؟؟

5/ كمبلت
اي دونت نو :confused:

يمنع إصحطاب الحبوبات

ويييييييييين يا حليل الحبوبات

هو احنا كان كنا قعدنا مع الحبوبات كان ده يكون حالنا نحمد الله

مع أمنياتنا لكم بالتوفيق

لاكن بالجد الامتحان ده بيكشف لينا افاق جديدة كانت غايبة عننا :confused:

اها لقيتني كيف يا ابو علا
وما تخاف انك تصدمني عارفة النتيجة وحياتك وجاااااااااااااااااااااهزة
الشنطة مليان براية واستيكة ودرزن اقلام وختيت كرسيني فيييييييي اول الصف

اها الحصة الاولى متين :D

salwa

27-12-2006, 10:04 PM

ابو علاااااااااااااااا

شوووووووووووووق كميات لطلتك المميزة

وكل سنة وانت طيب

ووين يعني والله فقدكم ملحوظ وما حلو صراحة

وانا اها اسجل وين يارب

في هيئة التدريس ولا الطلبة

بالله شوف لي مكانا كده على زوقكك

وكل سنة وانت طيب وسعيدين بوجودك الغالي

abu_ola

27-12-2006, 10:56 PM

لاكن بالجد الامتحان ده بيكشف لينا افاق جديدة كانت غايبة عننا :confused:

اها لقيتني كيف يا ابو علا
وما تخاف انك تصدمني عارفة النتيجة وحياتك وجاااااااااااااااااااااهزة
الشنطة مليان براية واستيكة ودرزن اقلام وختيت كرسيني فيييييييي اول الصف

اها الحصة الاولى متين :D

الغالية سوار الياسمين

لك التحية و المودة و الوفـــاء

و كل عام و أنتي بألف خير يا رب و السنـــــــــــ2007 ـــــــــــة دي إن شاء الله نششوفك في بيت عدلك ( قولي آميــــــــــــــــــــــن )

مشكورة على التجاوب مع الإمتحان و أشكر فيك أستعدادك للإطلاع على المورثات و الثقافة السودانية

غايتو يا سوار و للأمانة العلمية و بناءاً على كلمية ( كرسيني ) دي و حسب أعراب الجملة كرسي : أداة للجلوس ،،، النون : نون الحنكشة / الياء ضمير الملكية ) أنتي ما لازمك تقعدي في الصف الأول .... انتي داير ليك فورمات جــــديدة و ينزلوا ليك سوفــــت ويـــر جديد وآخر أصدارة من برنامج مضادات الحنكشة و بعد داك تجلي تجلسي في المصطبة فوووووق جنب الأستاذ و تبصي من دفتر التحضير عديييييييييييييييييل

عل و عسى

مشكورة على الروح الطيبة

و دوماً عطري الكوفي بالياسمين

abu_ola

27-12-2006, 11:18 PM

ابو علاااااااااااااااا

شوووووووووووووق كميات لطلتك المميزة

وكل سنة وانت طيب

ووين يعني والله فقدكم ملحوظ وما حلو صراحة

وانا اها اسجل وين يارب

في هيئة التدريس ولا الطلبة

بالله شوف لي مكانا كده على زوقكك

وكل سنة وانت طيب وسعيدين بوجودك الغالي

الغالية أم النسب

كل عـــام و أنـــــتي بألف خـــــير

شوقنا ليك ما ليهو حد

أشتقنا لي أم أحمد عديل

شوق المسافر للبلد

شوق الفراشات للعبير

شوق العصافير لي الغصن

لمن تهاجر في الأصيل

شوق البنية الفي البلد

راجينا بالفال و العديل

كدي أول شي جاوبي لينا على الإختبار ده و بعد داك في اختبار تمهيدي ماجستير للطلاب المستواهم أعلى من المدرسة و دون هئية التدريس

و بمناسبة هئية التدريس دي اليومين دي أستاذنا جمال الماحي ( ناظر المدرسة ) فتح باب الترشيح لأعضاء هيئة التدريس و إختباراته أنتي بتعرفيها براك عشان كده بشوف أحسن أول شي تجاوبي هنا و بعد داك ليها ألف حلال

خارج النص :

أم يا أختي موية رمضان عفيناك منها بس رسلوا لينا خروف العيد

سوار الياسمين

27-12-2006, 11:29 PM

ابو علا
لقيتني مييييييييييح بالله

ابيض يا ورد قلتى لي

طبعا قريت لابوي اسماء الحاجات المكتوبة ده
والداهية مكتوبة بدون تشكيل

وشوووووووووووووف عاد الضحك من ابوي
لمان جاتو خرشة نفس

( في داعي بالله من الاول)

abu_ola

27-12-2006, 11:52 PM

حبايبي الحلوين

كل عام و أنتم بألف خير ؛؛؛؛؛؛

يعجز اللســان عن التعبير عن مدي حبي و مودتي لكم ، أصالة عن نفسي و نيابة عن أستاذنا جمال الماحي _ ناظر المدرسة - يطيب لي في هذه السانحة أن أهنئكم جميعاً بمناسبة عيد الأضحى المبارك متمنيا لكم دوام التوفيق و موفور الصحة و العافية

و يسعدني أن أخبركم بأن نتائج الإختبارات و الإجابات النموذجية سوف يعلن عنها أن شاء الله بعد عطلة عيد الأضحي المبارك مباشرة كذلك سوف يكون هناك لقاء تفاكري بين الطلاب و أعضاء هيئة التدريس لعرض و مناقشة المقررات الدراسية

كما ألفت إنتباه الأخوة الراغبين في الإنضمام إلى هيئــة التدريس الإسراع في تسجيل أسمائهم مع إحضار عدد ( 2 ) صورة فتوغرافية و أصل الشهادات العلمية و شهادات الخبرة .

متمنيا للجميع حظاً أوفر و إجازة سعـــيدة

و تفضلوا بقبول خالص الشكر و التقدير

Abu Ola

ع / ناظر المدرسة ( جمال الماحي )

مدنيّة

28-12-2006, 03:09 AM

بناءاً على توجيهات عمنا الكبير جمال الماحي و دعماً لمسيرة أهل العوض و نسبة لأنتشار ظاهرة المتحنكشين و عملاً لوجه الله في نشر الثقافة و الاصالة السودانية فقد تقرر عقد إختبار قياس مستوي الحنشكة في الدم لجميع زوار و حبايب الكوفي الحلوين حتى يتسنى لنا فتح المدرسة على أسس علمية تربوية فعالة .

إختبار تحديد مستوي الحنشكة في الدم

السؤال الأول :

عرف الآتي تعريفاً شاملاً

1/ العبوب

2/ المشلعيب

3/ الملود

4/ الكبروس

5/ الدهاسير

6/ الحنقوق

7/ البخسة

8/ الضناب

9/ ام شعيفة

10/ اللقاي

السؤال الثاني :

إختر الكلمة الشاذة من الآتي و وضح السبب

1/ أم حليبين / أم تكشو / أم بقبق / ام كيكي

2/ الرباع / السديس / الدغور / التني

3/ الهواب / الهمبول / العبوب / خيال المآتة

4/ الليشفا / السوميتة / الحجل / الزمام

5/ البخسة / الباطي / السعن / الوكــاي

السؤال الثالث

حل الغلوتية التالية

1/ المكربعة أم كرعين أربعة كان هي حامت القيامة قامت

2/ أربعة خبابات و اربعة صبابات و أتنين يشحدو في رب العالمين و بي وراهم أخوهم مجينين

3/ كان شالو ما بنشال و كات خلو سكن الدار

4/ دخل القش ما قال كش

5/ جدادتي الرقطا تجيب الخبر من قعر الوطة

السؤال الرابع

اشرح المثل الشعبي الآتي

1/ ود الفار بطلع حفار

2/ الفيك بدربـــو

3/ الحسنة معطت شنب الأسد

4/أم جركم ما بتأكل خريفين

5/ الجمل ما بشوف عوجة رقبتو

السؤال الخامس :

تحدث فيما لا يزيد عن 20 سطراً عن واحدة من الألعاب التالية

1/ حجلة

2/ الرمة و حراسها

3/ شدت

4/ كورعت

5/ كمبلت

يمنع إصحطاب الحبوبات

مع أمنياتنا لكم بالتوفيق

:eek: :eek: :eek: :eek: :eek: :eek:

لاحولة ابو علاء عليك الله دا شنو دا ؟؟ :confused:
غايتو انا ماعرفت ليك اااااااااااااااااي حاجة في الاختبار دا غير
الحجلة وكمبلت دي مش بتاعت كورة الشراب :(

عليك الله كورعت دي شنو

الامثال في بعض منها عرفته ناس الجمل مابشوف عوجة رقبته عشان دي حاااااااصلة عندنا بشدة
غايتو اها اقوليك كلام جيب لي طربيييييييييييييزة اددددددددددديل كدا اقعد فيها عشان الاستيعاب يتحسن وكدا :p

ومرحب والله بالناظر ود امي ناظر المدرسة كتروا لينا من الكلام دا بالله
يديك العافية اخوووووووي

salwa

28-12-2006, 07:38 AM

بناءاً على توجيهات عمنا الكبير جمال الماحي و دعماً لمسيرة أهل العوض و نسبة لأنتشار ظاهرة المتحنكشين و عملاً لوجه الله في نشر الثقافة و الاصالة السودانية فقد تقرر عقد إختبار قياس مستوي الحنشكة في الدم لجميع زوار و حبايب الكوفي الحلوين حتى يتسنى لنا فتح المدرسة على أسس علمية تربوية فعالة .

إختبار تحديد مستوي الحنشكة في الدم

السؤال الأول :

عرف الآتي تعريفاً شاملاً

1/ العبوب

2/ المشلعيب

3/ الملود

4/ الكبروس

5/ الدهاسير

6/ الحنقوق

7/ البخسة

8/ الضناب

9/ ام شعيفة

10/ اللقاي

السؤال الثاني :

إختر الكلمة الشاذة من الآتي و وضح السبب

1/ أم حليبين / أم تكشو / أم بقبق / ام كيكي

2/ الرباع / السديس / الدغور / التني

3/ الهواب / الهمبول / العبوب / خيال المآتة

4/ الليشفا / السوميتة / الحجل / الزمام

5/ البخسة / الباطي / السعن / الوكــاي

السؤال الثالث

حل الغلوتية التالية

1/ المكربعة أم كرعين أربعة كان هي حامت القيامة قامت

2/ أربعة خبابات و اربعة صبابات و أتنين يشحدو في رب العالمين و بي وراهم أخوهم مجينين

3/ كان شالو ما بنشال و كات خلو سكن الدار

4/ دخل القش ما قال كش

5/ جدادتي الرقطا تجيب الخبر من قعر الوطة

السؤال الرابع

اشرح المثل الشعبي الآتي

1/ ود الفار بطلع حفار

2/ الفيك بدربـــو

3/ الحسنة معطت شنب الأسد

4/أم جركم ما بتأكل خريفين

5/ الجمل ما بشوف عوجة رقبتو

السؤال الخامس :

تحدث فيما لا يزيد عن 20 سطراً عن واحدة من الألعاب التالية

1/ حجلة

2/ الرمة و حراسها

3/ شدت

4/ كورعت

5/ كمبلت

يمنع إصحطاب الحبوبات

مع أمنياتنا لكم بالتوفيق

يطرشني ويطرش حبوبتي في تربتها

ما سمعت والله ولا شفت اي شيء من ده

كده سؤال هو شنو...

اكل ولا شراب ولا بيلبسوا

ولا يمكن ...لا لا اخير نسكت ولا الفضيحة

( ابو النسب غششني النبي ...بيني وبينك في الخاص وكده )

والله عاد بصراحة وحياة اولادي ما نقشت اي شيء من ديل

بالغت لكن يا الماحي شوية عدل بس يا كده يا كده وسط مافي

كده نشوف سوار دي يمكن تغششنا ولا مدنية

Jamal Elmahi

28-12-2006, 09:54 AM

ألحبيب أبو علا ...
نحن قبيل شن قلنا...قلنا الطير بياكلنا...
أجابات سوار الياسمين شرطتني بالضحك ...مش قلته ليك الشباب حالتهم متأخره دا لو ما ميئوس منها..
مدنيّه وحاة أبكبس خزلتيني ...والبسمع كلامك يقول مولوده في العريباب...
والفجيعه الكبيره في سلوي أم احمد..وحالتو كنا متكلين علي ألله ثم عليها تكون في هيئة التدريس...ال هيئة تدريس ال...
المنتدي أأأعشاي عايز معسكر مغلق ...دفاع شعبي لمحو قليل من الحنكشه ...لانو بعض الحنكشه مستعصيه ولا يمكن أزالتها ...زي أثار مايو...نحن وراكم ياالحناكيش يا مسحينا منكم شوية حنكشه يا تحنكشنا نحن...والله يكضب الشينه...

ود الماحي

شاكسس

02-01-2007, 06:38 AM

انا مستنى نتيجتى ياناس

ودمتم

راسكال

03-01-2007, 08:15 AM

والله زرزرتا الناس ديل

ههههههههههههههههههه

Almostshar

05-01-2007, 05:18 AM

والله ابو علا

أنا بكتفي أكون من المرشحين

أها الأول منو

مدنيّة

05-01-2007, 11:02 PM

المنتدي أأأعشاي عايز معسكر مغلق ...دفاع شعبي لمحو قليل من الحنكشه ...لانو بعض الحنكشه مستعصيه ولا يمكن أزالتها ...زي أثار مايو...نحن وراكم ياالحناكيش يا مسحينا منكم شوية حنكشه يا تحنكشنا نحن...والله يكضب الشينه...

ود الماحي

ود امي
اعملو المعسكر المقفوووووووووووول ودا وشكلك كدا ح تنطبق عليكم نكتة المدرس واللي ودوه يدرس ولد ومن اهل العوض ودخلوه معسكر مقفول معاه :p

ابوالنور

09-01-2007, 02:58 AM

السؤال الأول :

عرف الآتي تعريفاً شاملاً

1/ العبوب
زول عبئ علي الاسره ما منو فايده

2/ المشلعيب
يصنع من السعف ويحفظ به الاشياء من الكلاب والكدايس

3/ الملود
الدنيمو او الجنريتير

4/ الكبروس
نوع من انواع السمك

5/ الدهاسير
تعمل للابواب الفضيات

6/ الحنقوق
نوع من انواع السعف

7/ البخسة
نوع من انواع الزراعه شبيه بالقرع

8/ الضناب
حبل يربط به الابقار عند الحليب

9/ ام شعيفة
شبيه بي امرقيقه من غير لحمه

10/ اللقاي
اناء يوضع تحت الزير

السؤال الثاني :

إختر الكلمة الشاذة من الآتي و وضح السبب

1/ أم حليبين / أم تكشو / أم بقبق / ام كيكي
ام حليبين الكلمه الشازه لانها من الحليب وديل من الزراعه

2/ الرباع / السديس / الدغور / التني
السديس لانو بني ادم وديل مراحل صحه للبهايم

3/ الهواب / الهمبول / العبوب / خيال المآتة
العبوب لانو ما منو اي فايده

4/ الليشفا / السوميتة / الحجل / الزمام
الليشفاء من غير سبب

5/ البخسة / الباطي / السعن / الوكــاي
الباطي ما وسيلة تخزين

السؤال الثالث

حل الغلوتية التالية

1/ المكربعة أم كرعين أربعة كان هي حامت القيامة قامت
السحاره

2/ أربعة خبابات و اربعة صبابات و أتنين يشحدو في رب العالمين و بي وراهم أخوهم مجينين

الساقيه
3/ كان شالو ما بنشال و كات خلو سكن الدار
الرماد

4/ دخل القش ما قال كش
الدخان

5/ جدادتي الرقطا تجيب الخبر من قعر الوطة
الراديو

السؤال الرابع

اشرح المثل الشعبي الآتي

1/ ود الفار بطلع حفار
الطبع يغلب الططبع

2/ الفيك بدربـــو
خير وسيله للدفاع الهجوم

3/ الحسنة معطت شنب الأسد
التسوي تلقي

4/أم جركم ما بتأكل خريفين
دي ما عرفتها

5/ الجمل ما بشوف عوجة رقبتو

الناس ما بتشوف عيبوا

السؤال الخامس :

تحدث فيما لا يزيد عن 20 سطراً عن واحدة من الألعاب التالية

1/ حجلة

2/ الرمة و حراسها
لعبه جميله بيلعبوها في موسم القمر وهي عباره عن مجموعه من الشباب وبعينو شخص واحد للحراسه وبقيت الشباب بتضربهم با لملابس بتاعتم

3/ شدت

4/ كورعت

5/ كمبلت