الهمله والانطلاقه

[بابكر]

الاولاد فى السودان قاعد عزابى 62 يوم والله خليت البيت جايط لو جات المره شهرين ماتقدر تظبطو وكمان عامل طباخ طبخت حله ماخليت شى ماختيتو فيها ور غم كده ماقدرت اكل منها لانها اول شى حرقت وتانى شى صار طعمها غريب
لكن بكره الاولاد جايين خلاص وحاودع العزوبيه
لكن بينى وبينكم الحريه حلوه كان المره فى القعده فى النت بالحساب انا اسع اقعد لى الساعه3 صباحا وصول واجول ومطلوق ساى
كدى حار وكدى حار
وانا محتار:D ;)

[امير عبدالباقي]

بسم الله الرحمن الرحيم
والله يابابكر الحاله واحدي انا زيك بس عشان نعرف وجودهم مهم .ربنا يرجعهم بالسلامه باقي لهم 12 يوم

[وليد مصطفى]

عشان كدة يا اخوى نحن الظاهر حنتأخر على الزواج ونشبع هملة وإنطلاقة أولا. وبعد داك مهلة ثم إنطلاقة ............................(نحو الزواج).

[saly]

هههههههههههههههههه يعني كده كده ما عاجبكم الحال يا الرجال
عاوزين الحريه وبرضو ما قادرين تستغنو عننا

زكرتوني توم وجيري

رغم انهم في شجار مستمر لكن ما بيقدرو يستغنو عن بعض

وبقولو خادم الفكي مجبور علي الصلاه

[Mr Lonely]

والله يا بابكر انمهل ساي اليومين ديل بكره يجو والكبكبه تحصل
وتاني شوقك لدخول النت
هههههههه
ربنا يرجعم ليك بالسلامه

[خالد حمد موسى]

ايامك يابكر في الهمله لكن برضو من غيرالاولاد الدرا مسيخه

ونسال الله ان يرجعه بالسلامه مع خالص تحياتي

[دكتورة صغيرة]

معلومة ياأخوان ربنا خلق أمنا حواء زمان عشان تونس أبونا ادم .. يعني حواء في الاساس ضرورية لحياة ادم والا ماكان ربنا خلقها ..
ربنا يرجع ليك اهلك ومايحرمك منهم .. لانه الوحدة قاسية والنت ماحل .. !!

[بابكر]

شكرا لكم جميعا وحواء دائما تزرع الفرح والبهجه فى نفوسنا