زول بيشبهك... [الأرشيف] - منتديات ودمدني

مشاهدة النسخة كاملة : زول بيشبهك...

زهرة الشمس

24-12-2006, 03:03 AM

زول بيشبهك

لمحت زولاً بيشبهك
رقصت حواسي
وفرهدت مسامي وعيوني برقت
وابتسمت بفرح ممزوج بحنين
أنا وين وانت وين؟؟
لمحتك وانتشيت
كنت بتمناك انت تكون
تفرح غربتي لحظة
تزين ليل وحدتي بكون
والوحشة تغيب في حياتي ولو مرة
يبتسم فؤادك أو تضحك لي العيون
تساعدني ظلالك وتقدرني على احتمال الظنون
والعواصف ألفي عمري يمكن تهدأ
تجلب لي نسايم محبة ومحنة ووئام وسكون
تطرأ في خيالي رجفة الشوق المجنون
ما انت ما عارف غلاوتك
وريدتي ليك ما ليها فصول
انت أمل دنياي البيفرح
وطن وحقيقة ومعزة وطفولة وغصون

Almostshar

24-12-2006, 03:41 AM

كلامك ياغالية فتح الوجع المدفون
شال من عيون الليل منام الجفن ودعه للبدور
شان ذكرتك أملي البيمل الكون زهور
شان ذكرتك راحة القلب الموجع ومهجور
مالوا الزمن بعدنا وترك بلاد مملوكة وصخور
كان غطا بالفاصل أهو ما يقدر يطول
كان سطرت أبيات شعرك الموزون
وقعدة في الكون تلاقي فنون
مافي الشبهة بحلف أكيد مفتون
غيرك في قليبي مالي أحد مسجون
كان شفتي البيمشي ويتهدل بشكل موزون
ما البيشبهني أكيد ده أنا المزروع
في خيالك وديمة للسان مذكور
أكيد ياغالية بتمر السحابة فوق البحور
وبجيك وافرح غربتك وازين ليلك بالفرح والسرور
والوحشة من يوم تشوفك تبعد وتختفي للظهور
وابتسامتك ترجع ونتملي بالشوق والحبور
ما أنت الدنيا والحياه والبيوت
سكونك .....وهدء الليل جوار النسمة جنبك
ما بقول شان يفتكر الماشي إني

في حبك مجنون
وانا مجنون

زهرة الشمس

28-12-2006, 02:35 AM

اخي المستشار
كلامك روعة وجميل
تعابير غاية في الاناقة والجمال
ما معقولة لكن كده!!!!
اذا ده ردك على المشاركة ضربتنا الضربة القاضية بكلامك الاكثر من رائع
بوركت وربنا يديك العافية
وكل سنة وانت طيب
مع فائق احترامي

اميمه عشريه

29-12-2006, 04:22 PM

والله يا زهره ناس تشبهكم انتي والمستشار ده مافي .. جمال حوار وتحاور خلونا في السجالات الادبية دي حنكتشف اننا في صالون ادبي اقل ما يقال عنه انه راقي وخلاق .. دمتم

زهرة الشمس

07-01-2007, 03:25 AM

والله يا زهره ناس تشبهكم انتي والمستشار ده مافي .. جمال حوار وتحاور خلونا في السجالات الادبية دي حنكتشف اننا في صالون ادبي اقل ما يقال عنه انه راقي وخلاق .. دمتم

اختي العزيزة اميمة
والله روعة انتي وكل ما فيكي بديع
لك حبي واتمنى ان نكون دائما في الطليعة وكلنا فداء للوطن
واهديك كل ابيات القصيدة مع اني ما شفتك لكن بقيت اشوفك في كل الوجوه يا رائعة
لمحت زولاً بيشبهك
رقصت حواسي
وفرهدت مسامي وعيوني برقت
وابتسمت بفرح ممزوج بحنين
أنا وين وانت وين؟؟
لمحتك وانتشيت
كنت بتمناك انت تكون
تفرح غربتي لحظة
تزين ليل وحدتي بكون
والوحشة تغيب في حياتي ولو مرة
يبتسم فؤادك أو تضحك لي العيون
تساعدني ظلالك وتقدرني على احتمال الظنون
والعواصف ألفي عمري يمكن تهدأ
تجلب لي نسايم محبة ومحنة ووئام وسكون
تطرأ في خيالي رجفة الشوق المجنون
ما انت ما عارف غلاوتك
وريدتي ليك ما ليها فصول
انت أمل دنياي البيفرح
وطن وحقيقة ومعزة وطفولة وغصون

تسنيم خالد

07-01-2007, 05:18 AM

ابشنب

07-01-2007, 10:06 AM

دائما بتزعي فينا
زهره حب
وزهره ريد
وزهره فل وياسمين

ود المطامير

07-01-2007, 10:26 AM

دى منى الولدت البشبهنى ؟

زهرة الشمس

08-01-2007, 02:59 AM

أي كلمات في نبضك تتشابه

إلا المشاعر تتشبث بالروح الراقية

تعبير أسلوب كلماتك تعدي حدود المجري

سابحا إلي ذروة نابعة من مجري نهر فياض

ساحروعابر نحو سهول جارية

هكذا مشاعرك سيل لا ينتهي

دمتي زهرة

اختي تسنيم
لك فائق امتناني وعرفاني
ما كتبته جاءني دون تفكير
فقد كنت ماضية في طريقي وفجأة رأيتها
كانت هي....
في مشيها ...في حركاتها...
في سكناتها...
في قسمات وجهها
ارتعشت ولا ادري ما اصابني ولكنها كانت هي
صديقتي العزيزة واختي وتوأم روحي
الغريب انني كنت اظنها هي رغم ان ما بيني وبينها سفر لا نهاية له وغربة مشتتة في عذابات الكلمات المرهقة من عناء الغربة
والاغرب انني اقتنعت ان هذه فلانة التي تشبه قسيمة فؤادي تلك ورغم ذلك وفي كل يوم يمر وكل مناسبة تحملها الى اندهش وارتجف لانني اظنها المقصودة
اذ اكتشفت بأنني لم اتعظ من خدعة بصري ووجداني في ذلك اليوم والى هذه اللحظة

لك حبي واحترامي

زهرة الشمس

08-01-2007, 03:02 AM

دائما بتزعي فينا
زهره حب
وزهره ريد
وزهره فل وياسمين

لولا وجودكم ما امتلأ البستان وردا

لك احترامي