كم أصبحتِ مملة أيها المرأة !!!

[المسافر]

لقد سمعت منكِ هذه الجملة من قبل.. لازلت اذكرها
لازلت اذكر اليوم.. والوقت.. والظروف التي جعلتك تلقينها على مسامعي
وكأني لازلت أحفظ أيضاً ماستقولينه بعدها ...
ياااااااااااه كم أصبحتِ مملة أيتها المرأة..

حفظت كل أدوارك التي تتقمصينها من حين لأخر
فقد احترفتي تقمص هذه الأدوار بحسب حالاتك النفسية وظروفك الشخصية

كم أتمنى أن املك بين يدي جهاز التحكم عن بعد بمشاعرك
كي أسرّع من حركة هذا المشهد للأمام ..

فقد أصبحت اعلم ماذا سألاقي بعده..
فأدوارك التي تعشقين أن ترتديها كثيابك
أصبحت محفوظة لدي واعرف توقيتها على مدار العام ..

هل ترغبين أن اسرد لكِ بعضها ...
(.... ، الطائشة ، اللامبالية ، الضعيفة ، الودودة ، المحبة ، العاشقة ، اليائسة ،
المحبطة ، المحطمة ، المادية ، الملتزمة ، المتدينة ، ....)
هل هذا يكفي .. أم اسرد عليك المزيد ...

أنا لا أقول انكِ تمثلين هذه الأدوار
لكنك تضعين نفسك في هذه القوالب المركبة التي أصبحت تجيدين التعايش معها وبها
وتتنقلين بالتسلسل مابينها من دور إلى دور فمشاعرك تتبدل وشخصيتك تتحور
آآآآآآآآآه كم مللت مشاهدة هذه المسرحية فكل فصل فيها أصبحت أحفظة عن ظهر قلب
وأحفظ الفصل الذي يليه ماستفعلين وكل ماستقوليه ...

ياااااااااه كم أصبحتِ مملة أيتها المرأة
وكم غبي أنا ... لازلت أعشق أدوارك
واجلس بشوق أتابع تسلسل شخصياتك ..
واستمتع بكل فصل وانتظر الذي يليه...


( والله العظيم ثلاثة هذه الخاطرة منقولة )

[راسكال]

المسافر

سلمت تلك الانامل التى جعلت لتك الكلمات

منظر اللولو

ودمت انا ؛؛؛

[ود المطامير]

المرة بقت مملة ؟؟!!
واللّة يالمسافر إنت كضاب كضب !!!

[salwa]

باااااااااااااااااااالغت لكن المسافر

ده كلو فينا نحن

ما خليت لينا جنبه لقعد فيها

والله بالجد شيء محزن والله يكون في عون الكاتبه

والناقلو بريء والله

بس نحن مظلومين يا بيه

وحبة رحمة شوية بينا والا الريموت كونترول حيخرب ونتمقلب لا نعرف نمشي شمال لا يمين

ههههههههههههه

المسافر والله كله هظاربس شدني والله الموضوع

وتسلم كتير على الريموت

لا بقصد الموضوع

[تسنيم خالد]

المسافر تسلم علي الموضوع الحلو بس عندي تعليق صغير
المرأة من خلال ما شرحت في موضوعك هي قمة في التجديد والتنويع ولا علاقة لها بالملل
نهائيا...فالملل ينتج اصلا من تكرار انشودة واحدة بمعني شكل واحد في الحياة وروتين واحد
ولكن انظر اليناااافنحن نبدع في اخراجكم من حالة الملل ...مرة نتودد ونعشق ونيأس ونغضب ونحب
وكل ما ذكرت من صور للمرأة كل هذا لكي لا تملوا المسلسل...وان كنا نصيبكم بالملل فانسحبوا ولا
تكملوا المسلسل.....ولا رايكم شنو؟؟؟


تسلم علي الموضوع

[اميمه عشريه]

يا مسافر مالك عايز تناصبنا العداء ياخي هسه ما لقيت اي شي تنقله لينا غير النبذ ده هههههههههه بالغت زي ما قالو ليك انحنا مسلسل مكسيكي في طوله وامريكي في حبكته وهندي في تراجيديته وسوداني في بؤس ديكوراته وعراقي في نهاياته المأساويه :confused: ..!!! يعني ما عندك حق كلوكلو تقول انحنا مملين ولا ما كده يا بناتنا ..؟؟

[المسافر]

المسافر

سلمت تلك الانامل التى جعلت لتك الكلمات

منظر اللولو

ودمت انا ؛؛؛


الله يخليك لينا يا راسكال . . . إنت دائماً بترفع معنوياتي

وسلمت

[المسافر]

المرة بقت مملة ؟؟!!
واللّة يالمسافر إنت كضاب كضب !!!



بعد الشواكيش دي كلها وبرضو أنا كضاب . . .

خلاص مشيها المرة دي وأتذكر أيام زمان لما ( خبيت موضوع شواكيشك من عمك نزار )

وسلمت يا الغالي

[المسافر]

المسافر تسلم علي الموضوع الحلو بس عندي تعليق صغير
المرأة من خلال ما شرحت في موضوعك هي قمة في التجديد والتنويع ولا علاقة لها بالملل
نهائيا...فالملل ينتج اصلا من تكرار انشودة واحدة بمعني شكل واحد في الحياة وروتين واحد
ولكن انظر اليناااافنحن نبدع في اخراجكم من حالة الملل ...مرة نتودد ونعشق ونيأس ونغضب ونحب
وكل ما ذكرت من صور للمرأة كل هذا لكي لا تملوا المسلسل...وان كنا نصيبكم بالملل فانسحبوا ولا
تكملوا المسلسل.....ولا رايكم شنو؟؟؟


تسلم علي الموضوع



لله درّك يا تنسيم . . . فعلاً الخاطرة هي طويلة جداً وأنا أخذ منها هذه المقاطع لشيء في نفس يعقوب . إلا أن باقيها معناه زي ما ذكرتي ( هي قمة في التجديد والتنويع ولا علاقة له بالممل نهائياً ) . . .

مع خالص تقديري

[المسافر]

يا مسافر مالك عايز تناصبنا العداء ياخي هسه ما لقيت اي شي تنقله لينا غير النبذ ده هههههههههه بالغت زي ما قالو ليك انحنا مسلسل مكسيكي في طوله وامريكي في حبكته وهندي في تراجيديته وسوداني في بؤس ديكوراته وعراقي في نهاياته المأساويه :confused: ..!!! يعني ما عندك حق كلوكلو تقول انحنا مملين ولا ما كده يا بناتنا ..؟؟



بصراحة يا أميمة إنتو البديتو من سيدنا أدم وكلما نديكم فرصة عشان تصلحوا الحصل زمان تخربوها زيادة ههههههههههه

مافي داعي تثيري علينا بناتنا . . . وأنا أقسم ليك منقول ومستعد أحلف بالطلاق كمان هههههههه

ودمتِ بالغالية

[ود المطامير]

ها زول عمّى نزار بقى ماشغال بى الظاهر سمع كلام مدناوى
وهسّى أنا عاوز أنقل كفالتى منو وماشى حوش ناس أميمة
وهو قال لى إلا أدفع ليهو أربعة الاف ريال وأنا ما عندى
ما تدينى يالمسافر وخلينى أنفك منو .

[المسافر]

ها زول عمّى نزار بقى ماشغال بى الظاهر سمع كلام مدناوى
وهسّى أنا عاوز أنقل كفالتى منو وماشى حوش ناس أميمة
وهو قال لى إلا أدفع ليهو أربعة الاف ريال وأنا ما عندى
ما تدينى يالمسافر وخلينى أنفك منو .


يا أخوي أنا زاتو قالوا لي أدفع أربعة ألف درهم عشان يخلو طرفي . . . يعني أدفع ثمانية آلاف ليك ولنفسي . . . بصراحة كتيرة علي . . . رأيك شنو نخلي أميمة عشرية تدفعهم لينا . . وخصوصاً هي الكفيلة الجديدة .

[ود المطامير]

واللّة فكرة ونخلّصها قصص وحكاوى

[المسافر]

باقي لي الجكس ده صعب جداً في حكاية القروش دي . . وحكايات والقصص أعتقد ما بتخارج معاها . . . نحن نقول ليها بنرجع ليك القروش مضاعفة ( بنك المشرق ) بس .

وبخلي ليك إنت تفتح الموضوع ده لأن شكلك هيبه !!!!

[ود المطامير]

بنك المشرق ؟ أعوذ باللّة ! دا أنا مشيت فرع بني ياس مع
واحد صاحبى لقيت فى الإستعلامات سودانية ذى الصاروخ
وجرى خمخمت ليك حسابى من بنك أبوظبى التجارى وحولتو
عندهم , أنا حولت حسابى بجاى وهى نقلوها بيجاى وحياتك
يا غالى ردّيم عدوك وما فكفكنى منهم إلا الشديد القوّى ,
وتانى تقول لى المشرق ؟ شوف حاجة تانية

[المسافر]

والله يا أخوي مسافر أنا أفكاري كلها شيطانية زي ما شفت براك . . . والحل الوحيد نعمل لينا كشف في المنتدى وخصوصاً المنتدى الثقافي لأنه ديل ناس كلهم أحاسيس ومشاعر وأغلبهم مشوكشين وقلوبهم ما بتحمل . . . بس نقول إليهم عندنا واحد راقد في المستشفى عايز يعمل ليهو عملية بتاعت ( كلي ومصران وقولون وإلتهاب مرارة . . . إلخ ) وعايزين المساعدة !!!

رأيك شنو في الفكرة دي !!!!