وكان اللقاء ..نزار ..ود المطامير ...مزونى..

[نزار حسن محمد]

وكان اللقاء ...
التاريخ السبت الموافق 10/فبرائر 2007 ..الزمن عند الساعه الواحده ظهرا المكان مدينة دبى
رررررن جرس هاتفى المتصل يعرفنى حق المعرفه واصبح يتحدث معى حديث انسان يعرف كل كبيره وصغيره ..لم اتردد وقلت له اهلا بالحبيب مزونى والامارات نورت .. سالته انت وين.. فى اى مكان انا جايك عشان تتغدى معاى ونواصل الحديث اخبرنى بان الاخ ود المطامير حلف طلاق هو الان تحرك من الجزيره التى يعمل بها وتبعد حوالى 500 كيلو من دبى وهو فى طريقه الى دبى ..اتصلت على ود المطامير واخبرته العمايل دى بتاعتنا نحن الجعلين انت يالمطرطش داير تقطع المسافه دى كلها عشان تسلم على مزونى وحالته ده من الجنس الخشن ولو كان من الجنس الناعم كنت عملت شنوه ... ولكن صدقونى اخوتى ... هناك رجالا تعجز الكلمات عن وصفهم .. وهذا ود المطامير يتسيد قائمة هؤلا الرجال.. اتصلت على الزعيم زول فرده ولذى كعادته لم يقصر وعبر كبانيته العجيبه والتى يجمع به كل الاعضاء تم الاتصال بالاخ المسافر والاخ ود المطامير والاخت ابنوسه وشخصى وبداء الحديث بين كل الاخوه والكل يحاول الحديث مع ضيفنا الغالى مزونى ... ونور العيون حالفه الا نمشى ليها فى راس الخيمه
وكان اللقاء ...طبعا ود المطامير ..ذهب لمزونى عند نقطه معينه بدبى بعد ماسل روحنا عشان اصل لهذه النقطه
واتفقنا على ان نتقابل بالمطار ...وبالفعل (( وسبحان الله )) تعرفنا ..وكان العناق .. وقلنا كدى جلسنا
وبدات الونسه وتسمع الضحك من كل مكان ...
وللحديث بقيه...ولا اقول لكم ياودالمطامير كمل الحديث... ومزونى ..ح يكمل من السودان ...

[تسنيم خالد]

اخ نزار

والله بركة الاتلميتوا وطمنتونا علي مزوني كمان

انشاء الله نتلاقي كلنا كدة في ساعة خير

والكرم اصلكم وما قصرتوا ولا بتقصروا


سلمت

[ود المطامير]

اخ نزار

والله بركة الاتلميتوا وطمنتونا علي مزوني كمان

انشاء الله نتلاقي كلنا كدة في ساعة خير

والكرم اصلكم وما قصرتوا ولا بتقصروا


سلمت
تسلمى أختنا العزيزه تسنيم
وأتمنى من الله أن يستجيب لدعائك ويجمع الناس الطيبين دول فى ساعة خير
وهذا ما يجعل منتدانا فى مصاف المنتديات الراقيه حيث الإلفه والترابط الأخوى
الصادق وليس مجرد ساعات نقضيها خلف الأجهزه والسلام بل حب فى الله يتسرب
إلى النفوس بكل صدق وأمانه ... ولك منا كل الإحترام والتقدير والشكر .

[ود المطامير]

وفى طريقى إلى لقاء الحبيب مزونى وكلما ينقص كيلومتر من الطريق وأنا دقات قلبى ترتفع من السعاده وكنت أدعو الله فى سرى ألا يبنشر لى تاير ولا يواجهنى عارض لطول الطريق ووصلت مشارف مدينة دبى وأنا غير ملم أبداً بطرقاتها الضيقه وزحمتها الخانقه والحبيب مزونى يتصل ويتابع خط سيرى والجماعه إتصلوا فينا وأنا بتكلم معاهم بقت على حكاية هى عايره وأدوها سوط عشان أنا رايح وهم روحونى بالكلام ومازونى لما عرف أنا ماناقش فى دبى شئ قال لى بفضحك فى المنتدى وخفت ويلا شطاره ساااى وصلتهم ,,, وسبحان الله رغم تظليل السياره عرفنى من بعيد وفى تلك اللحظه التى ضمينا فيها بعض تتوقف الكلمات لأنها أكبر من كل المعانى وبتوجيهات عمى نزار بالموبايل سلكنا طريقنا وإلتقينا به وكانت المشاعر التى تختلج فى الصدور تشعُّ حِميه فى الأطراف وجلسنا ومن يرانا منصهرين فى بوتيقة المشاعر الفياضه يظن أننا زملاء فى مكتب واحد منذ سنوات طويله ... كانت ولازالت وإلى الأبد .. أمسيه خطت أحرفها بوهج النور فى صفحات الذاكره , ونهلنا من ينبوع اللقاع الدافئ إلى أن حانت لحظات الوداع وإرتقى الحبيب (مزونى ) قمم السحاب مصحوب بألف سلامه ..
أقيف يا عمى نزار ود المطامير دايرك .
أها حرّم فارقتك فى التحويله وقعدت أحوط وألف وأدور فى الشوارع لحدما عجمان دى جيتها ليك بالقلبه والله لما مسكت شارع الإمارات كانت الساه 12 . ود المطامير هنى وهناك .

[خالد عبدالماجد]

ماأجمل اللحظات عندما تشهد لقاء الأحبة ويحلو حينها العناق ..
أدام الله وصلكم وتجمعكم وجمعنا وإياكم في أوقات أرحب .
شكراً للجميل نزار وصاحب الكلمة الطريفة ودالمطامير على نقل تلك المشاهد الأخوية الرائعة ..
ودمتم دائماً بخير مع التمنيات للأخ مزوني برحلة موفقة .

[وليد عمر سعيد]

ود عشمنا فيكم والله

ماقصرتو والله يديكم الف عافيه

وكان ودي انو مناي يتحقق شهر اتنين دا ولكن للاسف يا اخوي عروه العوارض وما ادراك ما العوارض

حكايتها حكايه معاي مافي للاسف اي طريقه للجيه كما سبق وان وعدتك

من هنا والرياض طوالي وسوف اغادر بعد ثلاثه يوم انشاء الله

[الفارس البنفسجي]

بصراحة بنحسدكم على اللمة دي ... وخليتونا نحن ونشتااااااااااق ... اكيد بقيتو في عالم تاني .. والله العظيم يا جماعة نفسي اشوف ناس المنتدى كلهم نفر نفر... والواحد قرب يكب الجرسة. ربنا يحفظكم ويغطيكم ويلمكم مع بعض كمان وكمان .

الإحساس بالانتماء دا حاجة جميلة جداً ورائعة وبتديك احساس مضاعف بلذة الحياة

[شبارقة]

حمد الله على سلامة مزوني ....
ولودالمطامير ونزار الشكر الجزيل .. ودا عشمنا فيكم ...

تفحيطة:
طمنونا المنقه الهندية وصلت سليمة؟؟

[ود المطامير]

ماأجمل اللحظات عندما تشهد لقاء الأحبة ويحلو حينها العناق ..
أدام الله وصلكم وتجمعكم وجمعنا وإياكم في أوقات أرحب .
شكراً للجميل نزار وصاحب الكلمة الطريفة ودالمطامير على نقل تلك المشاهد الأخوية الرائعة ..
ودمتم دائماً بخير مع التمنيات للأخ مزوني برحلة موفقة .
وربنا يجمعنا كلنا إنشاء الله فى أسعد الأوقات أخوى خالد
والله بالجد كونك تلتقى بأخ أو أخت من المنتدى بتحس بشعور
لايوصف وهذا هو جمال منتدانا العامر بإذن الله
وشكراً جزيلاً أخوى العزيز خالد

[ود المطامير]

ود عشمنا فيكم والله

ماقصرتو والله يديكم الف عافيه

وكان ودي انو مناي يتحقق شهر اتنين دا ولكن للاسف يا اخوي عروه العوارض وما ادراك ما العوارض

حكايتها حكايه معاي مافي للاسف اي طريقه للجيه كما سبق وان وعدتك

من هنا والرياض طوالي وسوف اغادر بعد ثلاثه يوم انشاء الله
الغالى وليد
يا أخوى كدى قول خير وحاولها مره تانى وباصرها وسايسها
وربنا يكفيك شر العوارض وربنا يعدل طريقك والعوده خليها بالإمارات
إنشاء الله ولأ هى حجه وزوغه ؟

[ود المطامير]

بصراحة بنحسدكم على اللمة دي ... وخليتونا نحن ونشتااااااااااق ... اكيد بقيتو في عالم تاني .. والله العظيم يا جماعة نفسي اشوف ناس المنتدى كلهم نفر نفر... والواحد قرب يكب الجرسة. ربنا يحفظكم ويغطيكم ويلمكم مع بعض كمان وكمان .

الإحساس بالانتماء دا حاجة جميلة جداً ورائعة وبتديك احساس مضاعف بلذة الحياة
أووووو أخوى جساس كيفك والله مشتاقين عديل كدا
الكرسى الساخن ما مسكنى منك لكن خلاص يوم يومين
وبتلحك تانى .
واللمه والله كانت حلوه بس ناقصاكم وربنا يجمعنا على
خير فى ساعة خير فى بلد الخير يا وجه الخير .

[ابودجانه العباس]

الحمدلله بركه ياولاد أمي التلاقيتو واتشاوفتو في البلد البعيده دي وانشاءالله كدي تتشاوفو في الحج وبعدين في الجنه مع الرسول واصحابه انشاءالله وكان عليكم انتو يا (نزار و ودالمطامير) دا شي ما غريب عليكم ودي المحريه فوقكم وانا متاكد بعد الشفتو هنا في المنتدي أي واحد في الاعضاء كان حايعمل كدا برضو ربنا يخلينا كلنا لي بعض ويخلي بعض لينا بالمناسبه (اتنين عاوزين يمشوا مع بعض ...بعض ابي يمشي معاهم )هههههههههههه هييييييييييييييييي
ودمتم.

[ود المطامير]

حمد الله على سلامة مزوني ....
ولودالمطامير ونزار الشكر الجزيل .. ودا عشمنا فيكم ...

تفحيطة:
طمنونا المنقه الهندية وصلت سليمة؟؟
أخوى والقايد بتاعى
لا شكر على واجب وأى واحد منكم ما بقصر تب
التفحيطه .. النقطتين ديل عملتهم كيف ؟ أها
المنقه الهنديه هازول الحبيب مازونى نساها فى
سيارتى وأنا شحنتها لأبوى العمده .

[ود المطامير]

الحمدلله بركه ياولاد أمي التلاقيتو واتشاوفتو في البلد البعيده دي وانشاءالله كدي تتشاوفو في الحج وبعدين في الجنه مع الرسول واصحابه انشاءالله وكان عليكم انتو يا (نزار و ودالمطامير) دا شي ما غريب عليكم ودي المحريه فوقكم وانا متاكد بعد الشفتو هنا في المنتدي أي واحد في الاعضاء كان حايعمل كدا برضو ربنا يخلينا كلنا لي بعض ويخلي بعض لينا بالمناسبه (اتنين عاوزين يمشوا مع بعض ...بعض ابي يمشي معاهم )هههههههههههه هييييييييييييييييي
ودمتم.
وين يا الحبيب والله مشتاقين موووت والله يا حبوبتى عشه الدعّايه ه بسم الله والله
يا أبو دجانه كلامك صاح وأى حد فى مكانا مابقصر تب .
والله دعاك السمح يشرح الصدر واللهم آميييين
كدى عليك الله دُعاء واحد من النوع التانى .

[سواااح]

دع الروح تنعم باللقاء

دع السلام يحط علي القلب

بردا وسلاما ورحمة

هكذا هي مدني

وهكذا هم ابناء مدني

لكم التحايا علي

قدر ما تنثرون من وصال

[ود المطامير]

دع الروح تنعم باللقاء

دع السلام يحط علي القلب

بردا وسلاما ورحمة

هكذا هي مدني

وهكذا هم ابناء مدني

لكم التحايا علي

قدر ما تنثرون من وصال
نعم هكذا هى مدنى تؤلف بين القلوب إلفه وإخاء
وتجعلنا نطوى المسافات للحظات اللقاء
فحينما نلتقى نشعر بالسعاده وننسى العناء
فالإبتسامات التى رأيتها والضحكات التى سمعتها
هى أجمل لحن وأعذب غناء .
يا سواح يا غالى كلنا قلب واحد .

[محمد السر احمد]

انشاء الله تلمو في السمح دايما و ربنا يديم الود بين ناس المنتدي الحلوين

[الشريف الهندي]

ياسلام عليكم .... كم جميلة ساعات اللقاء ...
الحقيقه سعدت كثيرا بتلكم الساعات وكأني كنت معكم
ادام الله عليكم وعلينا جميعا الود والاخاء ...انشاء الله آمين يارب

[ود المطامير]

انشاء الله تلمو في السمح دايما و ربنا يديم الود بين ناس المنتدي الحلوين
آميين يارب العالمين يا أخوى محمد
ونتلم كلنا وكلنا نتهنأ بشوفة بعض
فى أفراح بعض ولبعض

[samah]

والله عشنا معاكم روعة المشهد والله مع انو جديدة بينكم الا حاسة اني بعرفكم فردا فردا .............لكن ياود المطامير دي المحرية وتحياتي لمزوني ونتمني نشوفك بي جاي!!!!!!!!!!!!!!!!!!!!!!

[Madanawi]

يا سلااااااااااااااااااااااااااااااااااااااااااام يا شباب

والله يا نزار اتنيت اكون معاكم في اللمة الحلوة دي وانشاء الله دايما ملمومين في الخير وناس الامارات ما بيقصروا والله وكل الشباب سدادين تقيلة والله ، وحمد لله على السلامة يا مزوني ، والمنقة العند العمدة انشاء الله تعملو كوفيرةً ما يشد بعدها يا ود المطامير ، انحن نقنطر وانت تجي تشوت للعمدة.

[ود المطامير]

يا سلااااااااااااااااااااااااااااااااااااااااااام يا شباب

والله يا نزار اتنيت اكون معاكم في اللمة الحلوة دي وانشاء الله دايما ملمومين في الخير وناس الامارات ما بيقصروا والله وكل الشباب سدادين تقيلة والله ، وحمد لله على السلامة يا مزوني ، والمنقة العند العمدة انشاء الله تعملو كوفيرةً ما يشد بعدها يا ود المطامير ، انحن نقنطر وانت تجي تشوت للعمدة.
ههههههههههههه هعهعهعهعهعهعهعهع
الضحكه دى رسلها ليك أبوى العمده وقال ليك أنا يا دوب كدا شميت العافه أمانه الشعر ولا ضنب الحصان والعيون شدة ما واساعات يبلعن جبق , وقال ليك تعيش وتاخد غيرها وقال لى أنا عافى وراضيان منى .. ونحنا يا الحبيب مدناوينا .. طبعا منتظرين جيتك بشوق ولهفه وحب .

[ود المطامير]

والله عشنا معاكم روعة المشهد والله مع انو جديدة بينكم الا حاسة اني بعرفكم فردا فردا .............لكن ياود المطامير دي المحرية وتحياتي لمزوني ونتمني نشوفك بي جاي!!!!!!!!!!!!!!!!!!!!!!
تسلمى يا أختى سماح ونحن كمان نبادلك نفس الشعور ونحس وكأننا نعرفك من زماااان
وربنا يحقق كل الأمانى ويلم كل الناس الطيبين دول فى ساعة خير .
تسلمى وربنا يديك العافيه

[Jamal Elmahi]

الحبايب
جمل الشيل أخو الاخوان أبو النسب ود حسن
عشا البايتات فرّاج الضلمّه الخزين ود المطامير
عافي ورضيان عليكم عفواَ يخدّر ضراعكم ويكتّر نفاعكم ...وشاحد الله الكريم يخليكم ويجعل البركه فيكم ويغطيكم ويضاريكم من كل أزيّه وبليّه ..ويحرسكم ربي من العين والعرض الشين ...وتكونوا دايماَ سباقين للخير وفعل الخير يا وشوش الخير...وفي ميزان حسناتكم إن شاء الله...والواجب إنتوا أسيادو..

مشاققه...
متين يا الله نحنا تلمنا مع الناس الحلوين ديل ...قريب يا الله إن شاء الله تلمنا...
والحي مصيرو يلاقي...

ود الماحي

[zoolfrda]

الحبايب
جمل الشيل أخو الاخوان أبو النسب ود حسن
عشا البايتات فرّاج الضلمّه الخزين ود المطامير
عافي ورضيان عليكم عفواَ يخدّر ضراعكم ويكتّر نفاعكم ...وشاحد الله الكريم يخليكم ويجعل البركه فيكم ويغطيكم ويضاريكم من كل أزيّه وبليّه ..ويحرسكم ربي من العين والعرض الشين ...وتكونوا دايماَ سباقين للخير وفعل الخير يا وشوش الخير...وفي ميزان حسناتكم إن شاء الله...والواجب إنتوا أسيادو..

مشاققه...
متين يا الله نحنا تلمنا مع الناس الحلوين ديل ...قريب يا الله إن شاء الله تلمنا...
والحي مصيرو يلاقي...

ود الماحي

إنت بس قدِّم المشيئة

وأمانة كلو علينا

[Madanawi]

ههههههههههههه هعهعهعهعهعهعهعهع
الضحكه دى رسلها ليك أبوى العمده وقال ليك أنا يا دوب كدا شميت العافه أمانه الشعر ولا ضنب الحصان والعيون شدة ما واساعات يبلعن جبق , وقال ليك تعيش وتاخد غيرها وقال لى أنا عافى وراضيان منى .. ونحنا يا الحبيب مدناوينا .. طبعا منتظرين جيتك بشوق ولهفه وحب .

والله يا ود المطامير سويتها معاي حاااااااااااااامضة وانا حالتي ساكي الجكس واجهز ليك في حفلة الوداع والزيت والبنزين وحاجات تانية حامياني وانت تجي تقول لى العمدة شم العافية . يعني والله الواحد لو ما كان عامل حسابو وموصي ليهو واحد صديق من جدة هنا كان اتلحس سااااااااااااااااااااكت على العموم عندنا ايطالي مستورد جاي قريب واوكراني مسلح عشان الفاونديشن وانشاء الله حا نصدر ليكم منو عشان السوق حاااااااااااااااااااااااااااار عندكم.

[HaSsOoN]

والله ماشاء الله وربنا يجمعنا كلنا ونتقابل ونشوف الوجوهه النيره دي....طبعا حبينا مزوني قبل مايسافر كنتا على اتصل هاتفي معاو من باكستان وودعتو وبلغتا التحايا للكل ..ان شاء الله تكون وصلتكم يا نزار وود المطامير وزول فرده ...ولو في صور للجمعه دي ماتنزلوها لينا

ويديكم العافيه

[ود المطامير]

والله يا ود المطامير سويتها معاي حاااااااااااااامضة وانا حالتي ساكي الجكس واجهز ليك في حفلة الوداع والزيت والبنزين وحاجات تانية حامياني وانت تجي تقول لى العمدة شم العافية . يعني والله الواحد لو ما كان عامل حسابو وموصي ليهو واحد صديق من جدة هنا كان اتلحس سااااااااااااااااااااكت على العموم عندنا ايطالي مستورد جاي قريب واوكراني مسلح عشان الفاونديشن وانشاء الله حا نصدر ليكم منو عشان السوق حاااااااااااااااااااااااااااار عندكم.
هازول أنا أكان كدى ما إدقست تب ,, أكان كنت قايل الحكايه
فيها زيوت وبانزين أكن شاققت بالحدود وجبتهم ليك وأبوى العمده
الياكل نيمو .. وبس ألحق بالطليانى الله يعلم ذى ضى الرتينه

[ود المطامير]

والله ماشاء الله وربنا يجمعنا كلنا ونتقابل ونشوف الوجوهه النيره دي....طبعا حبينا مزوني قبل مايسافر كنتا على اتصل هاتفي معاو من باكستان وودعتو وبلغتا التحايا للكل ..ان شاء الله تكون وصلتكم يا نزار وود المطامير وزول فرده ...ولو في صور للجمعه دي ماتنزلوها لينا

ويديكم العافيه
أهلاً حبيبنا حسون .
وإنشاء الله ربنا يجمعنا فى أسعد الأوقات
وتحيّاتك العطره وصلتنا وبها سعدنا وفرحنا
ويا حبيبنا حسون والله للأسف لم نخلد تلك اللحظات
بالصور لأن فرحة اللقاء شلّت عقولنا وحلقنا فى أفق الروعه
ولكننا خلدناها فى الذاكره بكل صفاء ونقاء الروح والروعه .
وإنشاء الله لمّا تشرفنا إنت والإخوان الكاميراء ح تكون جاهزه
لك كل الحب .

[ود المطامير]

الحبايب
جمل الشيل أخو الاخوان أبو النسب ود حسن
عشا البايتات فرّاج الضلمّه الخزين ود المطامير
عافي ورضيان عليكم عفواَ يخدّر ضراعكم ويكتّر نفاعكم ...وشاحد الله الكريم يخليكم ويجعل البركه فيكم ويغطيكم ويضاريكم من كل أزيّه وبليّه ..ويحرسكم ربي من العين والعرض الشين ...وتكونوا دايماَ سباقين للخير وفعل الخير يا وشوش الخير...وفي ميزان حسناتكم إن شاء الله...والواجب إنتوا أسيادو..

مشاققه...
متين يا الله نحنا تلمنا مع الناس الحلوين ديل ...قريب يا الله إن شاء الله تلمنا...
والحي مصيرو يلاقي...

ود الماحي
الحبيب الغالى والرائع .. جمال الماحى .
دائماً وكلما أسمع كلامك بشعر بحنين جارف للبلد , إذ تسرِى كلماتك فى أعماقى كالتيار فيهتز هذا القلب الساكن خلف الضلوع وتكون الأشواق ويكون الحنين للبلد والناس الطيبين ونفحات الدعاش
وبدأت أتتبع خُطى قلمك الذى يملأ فضاء صدرى بشذى ورود الجناين وعبق الرياحين وزقزقة العصافير فاللغه التى تخاطبنا بها تدخل إلى القلوب بكل الحب وتمسك فى البطينات والخزينات
حبيب القلوب ... جمال .. يا لك من .. جمال جميل ومدهش .