تورا بورا السودان

[sami_alkaer]

في البدء اجاركم الله من عيشة العزابه وانا هنا مابقصد العزابة الذين لم يتزوجوا ، لا انا بقصد العزابه العايشين براهم بالانجليزي عديل with out family 1 ، والجماعه ديل للاسف والظروف انا واحد اصيل منهم ، ده كان مدخل ونجي للعنوان تورا بور السودان ونرجع سنين وراء لمن جيت علي البندر 2 للدراسه فكانت مشكلة السكن مشكله كبيره والايجار غالي والزول كل يوم في حته يوم مع عمك ويوم مع خالتك ويوم مع صاحبك ويوم مع صاحب ودخالة جيرانكم في مدني ، المهم ربنا فرجها وعندي اختي متزوجه رحلت الثوره الحاره الثامنه والبيت ماشاء الله عليهو حدادي مدادي (غرفه وصالون )، وبقي بيت اختي البيت الجابو ليه العسل يعني بقي بيت العائله المصغره (اشقائي اثنين وانا وود عمتي ومرات بعض الضيوف من مدني )
يعني الحالة كانت شكله في طين والمنظر ما دسيس 3 ، ده كلو كوم و المواصلات السفريه بين الخرطوم حيث الدراسه والثوره حيث المأوي
بعني انا كنت بشوف مدني اقرب من امدرمان مع الزحمه والشماعه والشخصيات اللطيفه ( الكماسره اصدقاء الطلبه)
ماعلينا ...
فجأة وبدون مقدمات في ليله كان فيها القمر بدرا والسماء صافيه 4 برز ضوء امل لنهاية معاناتنا جميعا وجاء الامل في ذلك الوقت من والدي (رحمة الله عليه) وكان الامل متجسدا في منزل يضمنا جميعا انا واشقائي وابن عمتي وكان المنزل لصديق لوالدي كان قد تحدث معه بعد ان عايش معاناتنا فأصر الصديق ان يعطينا المنزل ملح 5 يعني لا قرش ولا تعريفه
وخلاص نحن ما صدقنا وبأحلامنا فرشنا المنزل وجبنا تلفزيون ودش وبوتوجاز واي حاجه ... المافي شنو (ماحلم)
وجاء اليوم الموعود 6 وفي اليوم ده كانت المعنويات الف 7 ومشينا بيتنا...


نسبة لضيق الوقت وماداير اقدكم كتير في المره الجايه بوريكم الحصل شنو في اول يوم وتورا بورا السودان دي معناها شنو

معاني الكلمات

1- : من الديكشنري
2- : الخرطوم
3- :حالة صعبه
4- :لوحة سريالية
5- :معروفه ومامحتاجه لشرح
6 - : يوم الرحول (الهجره الي عنوان الموضوع)
7- :معنويات عاليه

[سواااح]

سامي الخير ..

البداية تشجع علي استمرار متابعة القراءة
ووجدت في الموضوع نوع من الطرفة والمعاناة
وما يكون فيه حال الطلبة الجاميعيين
واعدت لي ذكريات الجامعة وتلك الايام الغريبة العجيبة
انا معك وبانتظار الحلقات
فقط لا تطيل الغياب ..

دمــــــــــــــــــــــت ،،

[sami_alkaer]

الاخ سواح اولا شكرا علي الخريمه وانا يادوب خاشي البيت ( بيت العزابه ) الان ( 1 صباحا )
عشان كده بكره. .. بكره شنو بكره جاء والموضوع استحمي ، خلاص الليله بعد كم ساعه بتم الموضوع
هسع ماقادر افتح عيني

[sami_alkaer]

معليش ياسواح علي التأخير وانا كنت في الايام الفاتت دي جاري جري شديد

المهم كنا وقفنا في يوم الرحول ونحنا بعد ما وصلنا البيت ونزلنا سرايرنا كنا قمة في الفرح لانو البيت كان كبير ( غرفتين وصاله ومطبخ ) وطوالي هاك يانظافه وبعد شويه كانت المفاجأه الاولي وهي ان المويه قاطعه . اها ياجماعه الحل شنو نستحمي من وين . لكن مامشكله عندنا برميل صفير قلنا نملاهو من الجيران . ومشينا للجار الاول قالو ديل عزابه مافيشين وللجار الثاني ...الثالث لحدي ماوصلنا الجامع، والحمد لله ملينا البرميل فل ( بضم الفاء ) ورجعنا بيتنا وكانت المفاجأه الثانيه في الحمام ( الحمام غير صالح للاستعمال ويحتاج صيانه وتكلفة الصيانه مبلغ خرافي ) المهم قفلنا الحمام ، المفاجأة الثالثه طبعا حاتكون منطقيه ( الكهرباء ) وبدون كلام كثير مقطوعه هي والمويه وناس الكهرباء والمويه عايزين من صاحب البيت متأخرات كثيره لم تسسد .
بعد ده اصبح اعتمادنا الكلي علي الجامع من حمام - مويه - ( نداء الطبيعه ) وللمعلوميه الجامع بيفتح في اوقات الصلاه بس يعني صلاة الصبح والمغرب والعشاء في وقتها تمام التمام في الجامع

ومع الايام اصبح بيتنا الحلم باسم ( تورا بورا) نظرا للخدمات اللاموجوده به
وصبرنا في تورا بورا قريب شهر ورحلنا لنواجه الجهجهه من جديد
وحته اخيره برغم كل التعب الشفناه هناك لكن كانت ايام جد جميله ، ومابتمني انها ترجع بنفس الصوره

[بنت الرفاعي]

التعب ده كلو في الآخر فشنك؟؟:D
طيب تاني مشيتوا وين؟واتصرفتوا كيف؟؟

[بنت الرفاعي]

سؤال:موقعك حاليا في الحياة وين؟؟:confused:

[ود المطامير]

سؤال:موقعك حاليا في الحياة وين؟؟:confused:
هووووى يا بت دا ما الكرسى الساخن
حبيبنا والله يا ريت لو تكتر وتتحفنا بقصصك الجميله
وونستك والله دايره ليها سيرمس شاى منعنع

[بنت الرفاعي]

ودالمطامير مالك شابي لي في حلقي كدة :D هو بيتكلم عن ماضي وأنا حبيت أسألو عن حاضر.:confused:

[ود المطامير]

ودالمطامير مالك شابي لي في حلقي كدة :D هو بيتكلم عن ماضي وأنا حبيت أسألو عن حاضر.:confused:
وأنا حبيت أوريك أخوى سامى دا الكرسى القاعد فيهو
دا حقو براااهو مش الكرسى الساخن
يا حبيب وينك ؟ تعال فكنى من البت دى

[بنت الرفاعي]

الكرسي الظاهر عليهو فوت بيك.
ويفكك ...............!:d

[ود المطامير]

الكرسي الظاهر عليهو فوت بيك.
ويفكك ...............!:d
هع هع هع هع هع

[sami_alkaer]

التعب ده كلو في الآخر فشنك؟؟:D
طيب تاني مشيتوا وين؟واتصرفتوا كيف؟؟

الاخت مرام شكرا علي المرور
وجوابي
ابيت في غربة لا النفس راضية بها ولا الملتقي من شيعتي كثب
يعني لسع عزابي لكن شويه بقت باسطه والحمد لله( عزابي موظف )

اما اتصرفنا كيف فدي خايف اذا قلنها ليك تقومي تبكي ساكت وتقولي الحمد لله انك ما أخت سامي

[sami_alkaer]

سؤال:موقعك حاليا في الحياة وين؟؟:confused:

البندر (ما المدرسه المعروفه في مدني ) ولكن عاصمة السودان الخرتوم

[sami_alkaer]

هووووى يا بت دا ما الكرسى الساخن
حبيبنا والله يا ريت لو تكتر وتتحفنا بقصصك الجميله
وونستك والله دايره ليها سيرمس شاى منعنع

تسلم ياود المطامير ونحنا مزاجك بهمنا عشان كده برسل الشاي في رساله خاصه

[sami_alkaer]

وأنا حبيت أوريك أخوى سامى دا الكرسى القاعد فيهو
دا حقو براااهو مش الكرسى الساخن
يا حبيب وينك ؟ تعال فكنى من البت دى
والله ياعمو ود المطامير انت ماقدرت عليها ، انا بقدر ؟
واصل كفاحك

[sami_alkaer]

الشاي وصل ياود المطامير

[سواااح]

معليش ياسواح علي التأخير وانا كنت في الايام الفاتت دي جاري جري شديد

المهم كنا وقفنا في يوم الرحول ونحنا بعد ما وصلنا البيت ونزلنا سرايرنا كنا قمة في الفرح لانو البيت كان كبير ( غرفتين وصاله ومطبخ ) وطوالي هاك يانظافه وبعد شويه كانت المفاجأه الاولي وهي ان المويه قاطعه . اها ياجماعه الحل شنو نستحمي من وين . لكن مامشكله عندنا برميل صفير قلنا نملاهو من الجيران . ومشينا للجار الاول قالو ديل عزابه مافيشين وللجار الثاني ...الثالث لحدي ماوصلنا الجامع، والحمد لله ملينا البرميل فل ( بضم الفاء ) ورجعنا بيتنا وكانت المفاجأه الثانيه في الحمام ( الحمام غير صالح للاستعمال ويحتاج صيانه وتكلفة الصيانه مبلغ خرافي ) المهم قفلنا الحمام ، المفاجأة الثالثه طبعا حاتكون منطقيه ( الكهرباء ) وبدون كلام كثير مقطوعه هي والمويه وناس الكهرباء والمويه عايزين من صاحب البيت متأخرات كثيره لم تسسد .
بعد ده اصبح اعتمادنا الكلي علي الجامع من حمام - مويه - ( نداء الطبيعه ) وللمعلوميه الجامع بيفتح في اوقات الصلاه بس يعني صلاة الصبح والمغرب والعشاء في وقتها تمام التمام في الجامع

ومع الايام اصبح بيتنا الحلم باسم ( تورا بورا) نظرا للخدمات اللاموجوده به
وصبرنا في تورا بورا قريب شهر ورحلنا لنواجه الجهجهه من جديد
وحته اخيره برغم كل التعب الشفناه هناك لكن كانت ايام جد جميله ، ومابتمني انها ترجع بنفس الصوره



حبيبو سامي ..

يعني صارت الصلاة اجبارية

وتعرف ذكرتني واحد صاحبنا زماااااان

وكان ما بداوم علي الصلاة

يعني بيصلي لما يكون في ناس كباااار

فكنا بنسميها ليهو الصلاة الاجبارية

والمصيبة انها كانت لا وضوء ولا نية !!!

لكن قلتا لي ايام جميلة وفي نفس الوقت ما عايزها ترجع

منتظر منك البقية

واعمل حسابك تورا بورا الايام دي عملوها غونتنامو !!!

دمـــــــــــــــــــــــــــــت ،،

[سواااح]

التعب ده كلو في الآخر فشنك؟؟:D
طيب تاني مشيتوا وين؟واتصرفتوا كيف؟؟


مراااام ..

انتي يا بتي ما تركزي معانا شوية

ولا اقول ليك

اشربي ليك كباية شاي بالنعناع من تيرمس ود المطامير

والله لا وداك في غربة بعيدة عن اهلك يوم

دمـــــــــــــــــــــــــــــــــــتي ،،

[sami_alkaer]

حبيبنا سواح بخصوص الايام الجميله وماعاوزها ترجع دي مثل: ( اكبر غلطة في حياتي وما ندمان عليها )

[مدنيّة]

والله ياسامي مبالغة لكن

عليك الله تم لينا الحكاية دي وبعد رحلتوا مشيتوا وين والحصل شنو

وعلي فكرة رحلة العذاب دي بتجسد معاناة معظم الطلاب الوافدين من المدن الاخري عشان كدا خلينا نشوفكم اتصرفتوا كيف علي الاقل الناس تستفيد من تجربتكم دي

[sami_alkaer]

والله ياسامي مبالغة لكن

عليك الله تم لينا الحكاية دي وبعد رحلتوا مشيتوا وين والحصل شنو

وعلي فكرة رحلة العذاب دي بتجسد معاناة معظم الطلاب الوافدين من المدن الاخري عشان كدا خلينا نشوفكم اتصرفتوا كيف علي الاقل الناس تستفيد من تجربتكم دي


اختي مدنيه شكرا علي المرور وبالنسبة عن سؤالك عن الحصل :
بإختصار رجعت ريما لعادتها القديمه ...

[ود المطامير]

الشاي وصل ياود المطامير
وصل يا الحبيب الغالى ومن اليوم داك خالف كراع
فوق كراع تحت ضل النيمه والكبايه بعد الكبايه
لكن ماتقولى شاى يرد الروح
مشكور عليه من كل قلبى
وهوعربون صداقتنا إنشاء الله
وإنشاء الله ربنا يجمعنا فى ساعة خير .

[sami_alkaer]

وصل يا الحبيب الغالى ومن اليوم داك خالف كراع
فوق كراع تحت ضل النيمه والكبايه بعد الكبايه
لكن ماتقولى شاى يرد الروح
مشكور عليه من كل قلبى
وهوعربون صداقتنا إنشاء الله
وإنشاء الله ربنا يجمعنا فى ساعة خير .

الحمد لله انو الشاي عجبك ياعمده
لكن كدي نسألك الشاي انا رسلتو ليك كيف يكون عربون صداقة ، خلي شعلنه ورسل الدراهم

قف ...
نتشرف جدا جدا جدا وتاني جدا بصداقنك يا عمده

[سواااح]

سامي الخير ..

شايفك فتحت ليك ونسة مع ود المتامير

ونسيت القصة القطعت روحنا فيها

يا اخوي ما ترجع تكمل لينا الباقي

ولا انا ومدنية بنقبل عليك بتعرف حاجة ...

دمـــــــــــــــــــــــت ،،

[MOHAMED OMER]

والله يا ولدن قصه رهيبه من حى المطار لى توربورا برضو تمام لانو المعانه تولد الابداع وتزيدك حماس تمشى لقدام واسال مجرب

[sami_alkaer]

سامي الخير ..

شايفك فتحت ليك ونسة مع ود المتامير

ونسيت القصة القطعت روحنا فيها

يا اخوي ما ترجع تكمل لينا الباقي

ولا انا ومدنية بنقبل عليك بتعرف حاجة ...

دمـــــــــــــــــــــــت ،،

اخوي سواح اسف جدا علي التأخير و...
السطر الاول : سامي الخير : تصبح وتمسي علي كل الخير
السطر الثاني : انا مابرضي تقول علي صديقي ود المطامير ود المتامير
السطر الثالث + الرابع : انا مانسيت القصه وفعلا انا تميتها ( رجعت ريما لعادتها القديمه ) يعني يوم مع عمك يوم مع خالتك واختي الله يديها العافيه ماقصرت معاي .. ورجعتا : سواح - ليس في منتدي ودمدني - ولكن سواح في احياء الخرطوم وامدرمان و بحري كمان . لحدي ما ربنا فرجها واتخرجنا واشتغلنا والزول لسع عزابي لكن عزابي 5 stars والحمد لله
السطر الخامس : نحن جعليين والتهديد مابجيب نفع معانا ، حتي لو معاك مدنيه ( مع احترامي ليها ) ولا شفق .
السطر السادس : تدوم انت مع دوام الدوام وليك كل التحيه والاحترام ياغالي

[sami_alkaer]

والله يا ولدن قصه رهيبه من حى المطار لى توربورا برضو تمام لانو المعانه تولد الابداع وتزيدك حماس تمشى لقدام واسال مجرب

حبيبنا مناره ياريت تحكي لينا عن حياة العزابه في بلاد العم سام ...
وخصوصا شيكاغو
تحياتنا من علي البعد للأخ بج بج( محمد الامين)

[sami_alkaer]

وييييييييينك يامناره

[سواااح]

اخوي سواح اسف جدا علي التأخير و...
السطر الاول : سامي الخير : تصبح وتمسي علي كل الخير
السطر الثاني : انا مابرضي تقول علي صديقي ود المطامير ود المتامير
السطر الثالث + الرابع : انا مانسيت القصه وفعلا انا تميتها ( رجعت ريما لعادتها القديمه ) يعني يوم مع عمك يوم مع خالتك واختي الله يديها العافيه ماقصرت معاي .. ورجعتا : سواح - ليس في منتدي ودمدني - ولكن سواح في احياء الخرطوم وامدرمان و بحري كمان . لحدي ما ربنا فرجها واتخرجنا واشتغلنا والزول لسع عزابي لكن عزابي 5 stars والحمد لله
السطر الخامس : نحن جعليين والتهديد مابجيب نفع معانا ، حتي لو معاك مدنيه ( مع احترامي ليها ) ولا شفق .
السطر السادس : تدوم انت مع دوام الدوام وليك كل التحيه والاحترام ياغالي


تعرف يا سامي دي شكلها ح تكون مذبحة

انتي جعلي

وانا جعلي

ومدنية شكلها جعلية

الحل شنو ؟؟

[sami_alkaer]

تعرف يا سامي دي شكلها ح تكون مذبحة

انتي جعلي

وانا جعلي

ومدنية شكلها جعلية

الحل شنو ؟؟

الحل :
1- انو انت ومدنيه تشوفو ليكم منتدي تاني غير منتدي ودمدني .
2- , ولا تسلموا يؤتكم الله اجركم مرتين.
3- وكمان تدفعوا الجزيه وتقولو الروب.
ملحوظه:اذا قامت الحرب بيننا بس عاوز مهله كم اسبوع عشان التجهيزات الحربيه والخطط التكتيكيه وكمان استقطاب بعض الاعضاء ( المحاربين ) ومن هنا انا بقوم بعلن فتح باب التسجيل للذي يرغب في الانضمام لمعسكرنا - ( هسع ماعندو إسم ) - وفق الشروط التاليه :
أ/ لايقل العمر عن 10 سنه ولا يزيد عن 150 سنه
ب / الوزن بين 40 كيلوجرام الي 750 كيلو جرام
ج / غير مهم اكمال الخدمه الوطنيه
د / خبره في الحروب الالكترونيه
ه / يستطيع اتخاذ القرارات المناسبه

وعلي من يأنس في نفسه الكفاءه ويريد شرف الالتحاق لمعسكرنا الحربي عليه الاتصال بالمحارب الصنديد ود المطامير او بشخصي الضعيف ( أسد الحوبه) مع ارفاق المستندات اللازمه
ولا عدوان الا علي الظالمين

الحرب صبر واللقاء ثبات .................... حياة

[بنت الرفاعي]

شنو قلت حرب؟:eek: انت هو وقت عايز تحارب تحارب سوااح ومدنية؟؟!!!!
باااااااااااااااااالغت!:confused:

[sami_alkaer]

انت يامرام معانا ولا مع الخيانه

[Jamal Elmahi]

الوجيه سامي
القصه ظريفه وطريفه ودمها خفيف بس البطل كان يمشي يفتش الخائن صاحب البيت وين عشان يخليهو يستحمي في الحمام بدون مويه ...نظام تيمم يعني ...
مشاققه ...
شوف لينا قصه تانيه وبرضو ما تمّها ...

ود الماحي

[sami_alkaer]

الوجيه سامي
القصه ظريفه وطريفه ودمها خفيف بس البطل كان يمشي يفتش الخائن صاحب البيت وين عشان يخليهو يستحمي في الحمام بدون مويه ...نظام تيمم يعني ...
مشاققه ...
شوف لينا قصه تانيه وبرضو ما تمّها ...

ود الماحي

عزيزنا ود الماحي شكرا علي المداخله اللطيفه، وحقيقه البطل ماكان عندو طريقه لانو البيت إيجار مع ايقاف التنفيذ( ملح ) بعدين صاحب البيت ( الله يرحمه ) انا شخصيا ماتشرفت بمعرفته ابدا لكنه كان صديق الوالد( رحمه الله)

وبعدين والله العظيم القصه دي انا تميتها ، ولا ياعمنا انت داير ليك سبب عشان تخش مع ناس سواح ومدنيه في معسكر الاعداء .
وشكرا مره اخري ود الماحي علي تشريفك البوست .

[بنت الرفاعي]

مع الصح!!!!!!!!:D

[sami_alkaer]

مع الصح!!!!!!!!:D

يعني شنو لا معانا ولا الخيانه يعني مع منو غانا مثلا

علي العموم الموضوع قبل مايستحمي في جماعه اجاويد خشوا وبرضوا نحن بنقدرهم و.......
العفو عند المقدره ماحلو

مع تحياتي يا مرام