ابـتـسـمـ .. انـتـ .. فــي ودمـدني !!

[سواااح]

اقلعت من مطار الملك عبد العزيز بمدينة جدة مساءٌ
وكان في وداعي حتي تلك اللحظات الصديق مدناوي والصديق هيثم الخواض
وطبعا لم تقصر الخطوط السودانية الناقل الوطني
في ان تزيد من الشوق والقلق والارهاق
تذكرت المثل الدارجي " البباري الجداد بوديهو الكوشة " !!!
يعني قدر ما نقول ناس سودانير مشوا تمام
نلقاهم رجعوا مترين للخلف ويا ريت لو وقفت علي كده !!
الشئ الوحيد في الامر الذي كان جيداٌ
هو معاملة طاقم الطائرة من الكابتن والمضيفين الجويين معنا
استطاعوا بكل هدوء تفريغ شحنات الغضب التي كانت تشمل الجميع
الجميع دون سواء !! رجال او نساء او اطفال
وصلت الخرطوم مع تباشير نسمات الصباح
اهـ منه هذا الوجع
اهـ منه هذا الشوق
اهـ منك يا وطن يمتد فينا بعمق النيل !!
عامان من الغياب كانت هناك
وها انا اعود اليك وشيئا من بعضي يصبو الي بعضي
اغيب عنك وانت اصلي
اغيب عنهم وهم اهلي
اغيب منهم وها انا اليهم اعود
وكان كل الشوق ياخذني اليها
الي تلك الرائعة روعة بلادي
وهي كل بلادي !!
" مـــــــدني " !!!!!
وصلت اليها مساءٌ
نسمات دعاش النيل والليل
تملؤك حنيناٌ
تزيد توهج الشوق لهذه الديار
تؤرق الاحلام باقتراب اللقاء
ووجدتها ..كما تركتها
ضجيج النهار يمحوه سكون الليل
واهلها كما هم ..كما هم .. كما هم !!
الطريق ينبئك انك في مدينة ليست ككل المدن !!
وصحيح انه ليس هناك من جديد كثير يذكر فيها
ولكنها لازالت تحتفظ بمعالم تميزها وتفردها وجمالها ....
انك ذكريات اول يوم .. ومعا انشاء الله نواصل باقي الايام !!!

[مدنيّة]

تبعا عنوان البوست ذكرني نكتة واحد قالوا ماشي ليه عزاء × مدني وفي المدخل في عبارة ( ابتسم انت في ود مدني )
قال ابتسم كيف وانا جاي اعزي

عودا حميدا لارض الوطن ومبارك مقدما الزواج وربنا يتمه علي الف خير

[الطويل]

ياسلام .............وياالله تودينا زى ماوديت سواااح

والله العظيم ياسواااااح حاسدك وأكيد ما حأكون أنا الوحيد الحاسدك لأنو شعوووور فى غاية المتعه أنو تكون فى مدنى وسط أهلك وناسك

وياريت كل يوم تكتب لينا عن مدنى وعن اخبارك وانته فى الغاليه ودمدنى

وبتمنى ليك من كل قلبى قضاء أجازه سعيده



وأنشاء الله ما تجيك الملاريا ياسواااح :D :D

وبالله عليك ماتنسى تمشى تغشا لينا معاك أختنا مدنيه وتبلغها تحياتنا

[Madanawi]

حمدلله الف على السلامة .. وربنا يجعل ليك في كل خطوة سلامة .. وابقى زي ما وصيتك يا الحبيب ،، افتقدناك كثيرا .. ونسأل الله كثيرا أن يتمم مقاصدك بكل التوفيق فانت تستحق الدعوات الطيبات .. وتحياتي لك وعبرك لكل الاهل والاحبة وكل شبر من ارض المحنة .

اجازة سعيدة ، ودمت سواااح

[الشريف الهندي]

الف حمدا لله على السلامه ياسواح ... واجازه جميله انشاء الله
والف مبروك مقدما الزواج وربنا يتم ليك على خير
اتذكرت واحد صاحبي يوم عيزومته قلت ليهو ربنا ينم على خير انشاء الله وزواجو كان تاني يوم طوالي ..... فرد وقال والله لو ما تم بعد ده تكون مشكله كبيييييييره هههههههه
كل سنه وانت طيب ياغالي وكل لحظه وانت في احسن حال وكل يوم وتشوف كل الاهل والاحباب
في شواق متزايد انشاء الله ..... ولشهرزاد الخير ألف أمنيه في ألف أمنية بزواج سعيد ولك ايضا ......... كن بخير صديقي ...

[ابوالنور]

وانا اقول مدني منورة ليها كم يوم كده مالا اهو انت بداخلها

مرحب بيك والله اخونا سواح وربنا يتمم ليك بي العافيه والسلامه يا رب

[محمد السر احمد]

حمد لله علي السلامة
واجازة سعيدة انشاء الله
وتحياتنا الي كل سكان مدني

[مختار بازى]

حمد الله علي الســـلامة
تحياتي للغاشي والماشي في مدني
وتحية خاصــــــــــة للام الرؤم مـــــــــــــدني

[خالد أحمد الصول]

تم الترحيب بالاخ سواح بطريقة رسمية في مدني ... وهو الايام دي حايم ما مدي الملايكة راحة ... و قاعد يعمل في حاجاتو من الامل يعني داير ينتقم من الغربة ... فول كشك ... قعاد الخيران و كل ما الي ذلك
مبروك مقدما ليهو و سوف نمثلكم خير تمثيل بإذن الله بس عاوزين ترسلو لينا النقطة عشان نختها ليهو
مشاققة:
يا أبو النور أعدل صورتك دي ... حوصت بينا

[بورتبيل]

الف حمداً على السلامة
واتمنى ان تقضي اجازة سعيدة
بين احضان النيل وجروفو .. وبين الاهل الطيبين يا رب
وإن شاء الله ربنا يبعد عنك المصائب .. وينور ليك دربك يا سوااح يا اخوي

[الطويل]

يااخوانا شكلوا سواح لقى أحبابوا ونسى أصحابوا :D


من حقك ياسواح انته فى مدنى بي حالها لازم تنسانا


بس بعدين وانته راجع ما تنسانا من الطيبات واهم حاجه الفسيخ والفول المسحون :D

[نزار حسن محمد]

اسيبك كيف ..اسيبك والله مابقدر وكيف اقدر على الهجران ...سواااح ارفع راس الجزيره ياخضورى ونحن معاك وماهماك...وعريسنا زينا.. وحالف مايدلينا ...
طبعا نحن ح نمشى الكوفير مع العريس اسوتا باخواتنا البنات مش قالووو البنات بمشه مع العروس نحن ذاتنا ماشين مع العريس ..ونشوف بالدفع منوا ... برغم انى لدى صلعه لكن بكويها ..كيتن فى البنات

[بنت الرفاعي]

سودانا كلو يرحب بيك شمال وجنوب, شرق وغرب, والجزيرة ومدني تحديدا وبكل العائدين من المغتربين , طبعا زول ماصدق وصل لأهلو وكمان جاي يعرس أكيد أكيد حايكون في وادي ونحن هنا في وادي ولا ما كدة يا أبورانيا؟! :D

[الطويل]

سودانا كلو يرحب بيك شمال وجنوب, شرق وغرب, والجزيرة ومدني تحديدا وبكل العائدين من المغتربين , طبعا زول ماصدق وصل لأهلو وكمان جاي يعرس أكيد أكيد حايكون في وادي ونحن هنا في وادي ولا ما كدة يا أبورانيا؟! :D


كده والله يامرام وعقبالنا جميعا انشاء الله

[يسرا عشريه]

حمدا للسلامه ورايك شنو في مدني بالجد مافي تغيير خالص ودي الحاجه البتزعل.

[سواااح]

اواصل معكم بعد انقطاع ليس بالقصير ..

طبعا والحمد لله اكملت زواجي ولي اسبوعين في شيل الاكياس
ومن اليوم بدينا في جيب لينا معاك ده
وداك ناقص ما تنساهو ..
وفي حاجات بتذكروها متاخرة يحقوك بالجوال ..
يعني كان في داعي للمشاكل والمطالبات دي من الآن ؟؟
يعني باختصار الحياة ريحتها قلبت .. بقالة !!!!!!!! :D

[سواااح]

وقفة .. لخاطرة ضاعت في غفلة ..
في طريقي من جدة للخرطوم عرجنا علي الريس ابوبكر محمد المبارك
وكاس سريعة من الشاي بداره العامرة
ومكالمة وداع من بورتبيل صاحب البوتيك الجميل
معا نكمل باقي الايام .....

[الشريف الهندي]

مرحب بك والعود دوما احمد
كيف ولا وحولك الان الملائكة ... اهلا بيك عرسينا .... يلا احكي ونحنا راجين نسمع صوتك ونجد انفاسك
فسطر لينا واحكي لينا ...الف تحيه ومليون فال .... ( ادي لينا ابو رانيا قرصه بالله ) اكان تنحل عليهو
وتتفرج من قبيل قاعد يدعي سااااااي والله يستجيب له انشاء الله

[ابوالنور]

طيب يا حيبنا وانت طالع علي السوق ابقي اغشانا معاك سلم علينا بس لانو نحنا في شارعك
ودمت بي كل الود

[سواااح]

رافقني في رحلة الطريق الي مدني الاخ خالد هاشم
عناق طويل مملؤ بالاهات والاشواق
وطول الطريق لم يكن لنا حديث سواها " مدني "
ولم يكن لنا حديث لسواه " منتدي ودمدني "
هي اوجدنتا من عدم
وهو جمعنا من جميع اقطار الارض ونواحيها
لكن الزمن اصبح ضنينا بالوعد واللقاء .....
والناس اصبحت ملؤها ضجيج الحياة
وتحس منهم كلهم يرفعون شعار " نكون او لا نكون "
انحسر ذاك الجمال القديم
وكست الناس ملامح ضيم وحزن يكوي القلوب قبل الارواح .....
ولكن ايضا .. ابتسموا .. فانتم .. في .. ودمدني ..!!!!!

[سواااح]

تبعا عنوان البوست ذكرني نكتة واحد قالوا ماشي ليه عزاء × مدني وفي المدخل في عبارة ( ابتسم انت في ود مدني )
قال ابتسم كيف وانا جاي اعزي

عودا حميدا لارض الوطن ومبارك مقدما الزواج وربنا يتمه علي الف خير


مدنية ..

لك جزيل الشكر ..
وعقبال ما تبارك لي بنياتك ..
ومدني فيها تبتسم
مهما كانت مشاعرك وقتها
ومهما كانت المناسبة
ومهما كان الوقت لك فيها ..

دمــــــــــــــتي ،،

[سواااح]

ياسلام .............وياالله تودينا زى ماوديت سواااح

والله العظيم ياسواااااح حاسدك وأكيد ما حأكون أنا الوحيد الحاسدك لأنو شعوووور فى غاية المتعه أنو تكون فى مدنى وسط أهلك وناسك

وياريت كل يوم تكتب لينا عن مدنى وعن اخبارك وانته فى الغاليه ودمدنى

وبتمنى ليك من كل قلبى قضاء أجازه سعيده



وأنشاء الله ما تجيك الملاريا ياسواااح :D :D

وبالله عليك ماتنسى تمشى تغشا لينا معاك أختنا مدنيه وتبلغها تحياتنا


حبيبو ابو رانيا ..

سلام يا زول يا رائع
وكل يوم بكتب ليك
بس انت ابقي قريب
وما تخاف من اي حاجة

دمـــــــــــــــت ،،

[همسة شوق]

ملياااااااااااااار مبروك ياعريسنا

[أمير عبداللطيف]

ألف ألف مبروك ياعريسنا ،، وربنا يسعدكم ويهنيكم ويرزقكم الزريه الصالحه

[غيداء نورالدين]

حمد لله علي السلامة
واجازة سعيدة انشاء الله

[زهرة البنفسج]

الف حمد لله علي السلامة
ومبروك الزواح وانشاء الله بيت مال وعيال
قول امين:D

[سواااح]

اليوم اشرقت الشمس كعادتها .. مثل كل يوم
اشرقت وهي تمنح دون انتظار مقابل
اشرقت وهي تشرق لتمنح الحياة للجميع
الحياة للجميع دون استثناء ..
طفت شوارع مدينتي ووجدتها
وجدتها كما هي كما تركتها
ما عدا شارع النيل .. اقاموا فيه حدا فاصلاٌ
حدا تلحظه بوضوع وانت في طريقك للسوق الشعبي
الناس ..
الشوارع ..
البيوت ..
وشئ من حزن دفين يسكن بالقلب .. بالعمق منه
افلتت مني اهـ الم .. في لحظة غفلة
مستشفيات وصروح شيدت وهي يكسوها الجمال
ولكن اسمها يتبعه " عسكرية "
وان خفي ذلك في اللوحة
فان العسكرية تكون ادارة خفية
ويبقي ان نتذكر جميعا ان نبتسم فاننا .. في .. ودمدني ...

[صلاح ودالطاهر]

يا ماشي لسنكات اغشي الشانزليزي وجيب لي معك باسطات والف مبروك ياحبيبنا جوالك خارج الخدمه

[صالح ابوشوارب]

الحبيب سواح
مبرووووووك
ظاهر العسل في كتاباتك
متين لحقت تكمل العسل ** وتترسل تجيب البصل

[سواااح]

حمدلله الف على السلامة .. وربنا يجعل ليك في كل خطوة سلامة .. وابقى زي ما وصيتك يا الحبيب ،، افتقدناك كثيرا .. ونسأل الله كثيرا أن يتمم مقاصدك بكل التوفيق فانت تستحق الدعوات الطيبات .. وتحياتي لك وعبرك لكل الاهل والاحبة وكل شبر من ارض المحنة .

اجازة سعيدة ، ودمت سواااح



صديقي . مدناوي ..

اليك تحياتي قدر ما تشتهي
الدعاء ان يجيب الله مقاصد الجميع
ولك دوما عاطر تحياتي
وجميل اشواقي

دمـــــــــــــــت ،،

[سواااح]

المساء جميل بمدني
لكن ان كان الجوء صباحا حارا
فاحذر فانه مساءا اما حار
او المصيبة الكبري .. غبار لا تجد له نهاية
هدوء
سكون
امان
الفة
بساطة
روعة
ونسيم يعبي رئتيك هواءا عليلا
لكن احذر التسوق مساء
فان مدني .. تنام مبكرا !!!!
وابتسموا .. فانتم ..في .. ودمدني !!

[ابوالنور]

حبيبنا سواح شنو يعني نحنا ما في مدني وقلنا اغشونا يعني شنو
ما شايفنك ولا انت مع الهدوء
سكون
امان
الفة
بساطة
روعة

[سواااح]

اول من قابلت .. في مدني
كبك " محمد مصطفي "
ثم قابلت التيمان وما عايز اقول وين
عشان مافي داعي للفضائح ..

[سواااح]

اتصال هاتفي من صول سودان
تشعر معه وبكل بساطة .. بالالفة
وكان بيننا الوعد باللقاء ..

[سواااح]

اتصال اخر من رائع ..
يوسف السلامي
رجل ملؤه .. الفرح والدعابة ..
وايضا كان بيننا الوعد باللقاء ..

[سواااح]

اتصال من جميل آخر
ابو النور " انور "
وان هناك اصار علي اللقاء
وكان ان تم اللقاء به في نفس اليوم
والبسال .. ما بتوه !!!

[سواااح]

الف حمدا لله على السلامه ياسواح ... واجازه جميله انشاء الله
والف مبروك مقدما الزواج وربنا يتم ليك على خير
اتذكرت واحد صاحبي يوم عيزومته قلت ليهو ربنا ينم على خير انشاء الله وزواجو كان تاني يوم طوالي ..... فرد وقال والله لو ما تم بعد ده تكون مشكله كبيييييييره هههههههه
كل سنه وانت طيب ياغالي وكل لحظه وانت في احسن حال وكل يوم وتشوف كل الاهل والاحباب
في شواق متزايد انشاء الله ..... ولشهرزاد الخير ألف أمنيه في ألف أمنية بزواج سعيد ولك ايضا ......... كن بخير صديقي ...


الشريف الهندي ..

اين انت يا صديقي ؟؟
والله يبارك فيك
وعقبال ما نبارك ليك انت كمان
وطبعا الايام دي المطر
ما يديك الدرب
بس ابقي طالع عشان تشوف بنفسك
وحاتك .. كا يوم مطرة

دمـــــــــــــــــــت ،،

[سواااح]

وانا اقول مدني منورة ليها كم يوم كده مالا اهو انت بداخلها

مرحب بيك والله اخونا سواح وربنا يتمم ليك بي العافيه والسلامه يا رب


ابو النور ..

مدني منورة باهلها
وعقبالك انت كمان
اكيد حنتلاقي كمان وكمان

دمـــــــــــــت ،،