راكوبة ...الضحويه.. [الأرشيف]

نزار حسن محمد

30-01-2008, 10:50 PM

الاحباب... صغار وكبار قدام ...وجدد
ازيكم وكفينكم ..
آها يالحبان نحمد الله عملنا لنا راكوبه خلف طرمبة الشاطى مقابله جنائن حنتوب الجميله وسمينها راكوبة الضحويه..تعالوووو انجمو عندنا اعمامك المشرفين الفخريين والمشرفين العادين وناس القصر العالى والاعضاء المعتقين والاعضاء الجدد تعالووو نتعارف ونتسالم ونتونس ونتسامر ...الفكاهه عندنا والسياسه عندنا والشلاقه عندنا والشمارات المعتقه عندنا واى شى بى تلاته ونص ..:eek:
اهآ عمكم خالد الصول بجيكم بى هنا ود الطاهر متحذم بى عمته الساكوبيس قاعد قدام فى الراكوبه ذى سواق البنطون ..عمكم الفنان بدرالدين قاعد اعين على شجر حنتوب ارسام ساى مره بى اقلام شمع ومره بالفحم
وخاتى قدامه مسجل اسمع وارسم .. ما فنان
فى الراكوبه عندنا بنابر كتيره ..ومنتظرين وحده من بناتنا تجى تعمل لنا القهوه والشاى عشان ضيوفنا كتار ...
ناس الشلاقه ودالمطامير وابورجاء عملووو الازم بعد ما شبارقه قال ليهم عملكم قانونى ما بتجيكم اى عوجه
آها تم تعين ود المطامير حارس دائم للراكوبه لو اشتاق لى ناس المطامير بعوم البحر بس مشكلته اول ما يطلع من البحر مابمشى الحله بقعد فى التكيلات :(..وابورجاء خائنه النظر غايتو بتعبوكم شويه لكن هم ناس حلوين بالحيل ;)
آها اعمامكم ناس عزيز شاشوق وعمكم العمده ودالماحى وابراهوته ديل بجكم نص الظهر عشان بدوره الدفويه
عشان البرد عندهم ذى الداردومه وهم ناس دوباى وناس نمه ساكت ..حلوين وزنين..
اهآ والحمدالله عنكم ود الماذون عنده دفتر عقد الزواج مصدق واختامه معه اى جنى بدور اعرس ..ارقد قفه بالفاتحه ياناس ما حلال ...حلال..
بورتبيل زولا حنين ..لكن ما بتفوت عليه كبيره ولاصغيره زولا حلوه بالحيل
وعندكم ناس النفاج ..اجازى محنم ..بقيادة ود عوب ..ود ام تريبات ..ورضا ..وعمكم محجوب ..وعمكم ملاح خدره أقصد عبد المنعم ...وناس جكوووووز وعيك ناس كتار بالحيل ناس خمجه وضحك حتى الاشباع
كدى نقول باسم الله ونقص شريط افتتاح ..راكوبة الضحويه ..
انفضلوووو لى جوه

مدناوية

30-01-2008, 11:00 PM

سلام يا عمنا نزار ولد حسن

أها أنا أول وحدة جيت أبارك ليكم راكوبة الضحوية ومستعده أساهم في تقديم القهوة والشاي
بس ما تتكلو علي لمن تقصو ظهري بشراب القهوة والشاي

وكمان شاطرة في عمل اللقيمات مع شاي الصباح

مدناوية

30-01-2008, 11:00 PM

سلام يا عمنا نزار ولد حسن

أها أنا أول وحدة جيت أبارك ليكم راكوبة الضحوية ومستعده أساهم في تقديم القهوة والشاي
بس ما تتكلو علي لمن تقصو ظهري بشراب القهوة والشاي

وكمان شاطرة في عمل اللقيمات مع شاي الصباح

ابوالنور

30-01-2008, 11:19 PM

يا اخوي ده مكتب المعاشات والله شنو

ود المطامير

30-01-2008, 11:35 PM

جانا الفرح شايلو النسيم وإشتقنا للمّه الجميله
أى يا الخزين عارفك حنين وما بيهون عليك حالنا
وعارفك بتلمنا تانى تحت ضل الراكوبه نتونس ونضحك وننسى هموم الدنيا

أى والله يا أبوسفروق رجعنا للزمن الجميل

المسافر

30-01-2008, 11:45 PM

إزيك يا كفيل صاحبي
مبروك عليكم الراكوبة

وأنا عارف الجلاكين ديل لما يتلموا مع بعض
حيعذبونا ليك بالمراسيل وجيب شاي وجيب قهوة
عشان كده أطلّوا بالله وراكبتكم دي أقعدوا فيها
براااااااااااااااااااااااااااااااااااااااااااااااا ااكم

ود المطامير

30-01-2008, 11:56 PM

سلام يا عمنا نزار ولد حسن

أها أنا أول وحدة جيت أبارك ليكم راكوبة الضحوية ومستعده أساهم في تقديم القهوة والشاي
بس ما تتكلو علي لمن تقصو ظهري بشراب القهوة والشاي

وكمان شاطرة في عمل اللقيمات مع شاي الصباح

أى والله
وهداك ود الطاهر جايب الكارو مليانه دقيق
وفحم ... ما تقولى إنتى بتعرفى تهببى الجمر تمااام
هع هع هع هع

معروف الجزولي

31-01-2008, 12:02 AM

اخي نزار -- شكرا لانك اعدت لنا الماضي وشكرا لانك لمست جواي حنين قديم كان منسي ؛؛؛ اخ واخ علي همبريب الراكوبه-- هنا في بلد الغربه اصابتنا التخمه من الهمبريب المصنوع وقابات الاسمنت المزيفه "" اخي نزار زمان كانت عندنا في مدينه المناقل طحونه كبيره ومشهوره وسط البلده كنا نتجمع فيها نحن ابنا الحله من اطبه ومهندسين وطلبه ومزارعين حتي اجدادنا الكبار كانو بشرفونا بحضورهم-- بنحكي فيها مشاكل مجتمعنا الصقير والكبير وهاك يا مهاترات وهاك يا قرقريبه اه واه علي تلك الايام الخوالي؛؛؛ ومن طرايف راكوبتنا ازكر بان صاحب الطاحونه الفيها الراكوبه ببيع فيها التمباك للرواد؛؛ وكان رجل جشع للغايه بتلاعب في حجم اكياس الصعود --وفي مره من المرات اتي احد الرواد من اعمامنا الكبار وطلب منه كيس تمباك قال ليه ها جنا ادنا كيس صعود عشان القعده تبقي حلوه يا ولدي--و علي طول صاحب الطاحونه راح جايبلوا الكيس بتاع التمباك وكتها احتجا عمنا علي حجم الكيس احتجاج شديد- لكن صاحب الطاحونه الجشع لا يابه للاحتجاج مستقل عدم منافس له في البلده وقال له بلهجه استقلاليه يا حاج ده الصعود العندي لو عجبك شيلوا لوما عجبك خليه لكن تاني ما جيني لصعود- لكن عمنا قبل الكيس بكل سرور لانه كان خرمان شديد حسب قوله وقال ليه سمح يا ولدي جيبوا نسوي شنو--- قبلناها لكن والله يا ولدي كيسك ده البشحت منو سفه علي الطلاق تب ما عندو عرض--- وضحكنا والله من الاعماق حتي ظهرت اسارير وجوهنا ؛؛؛؛ يا سلام علي الايام ويا سلام اخي نزار عليك لانك زكرتنا بالزمن الجميل-- بالمناسبه انا باذن الله نازل السودان غريب ولو عزمتوني بجي بقيل معاكم لكن بشرط تضبحوا لي عتود--

محمد أحمد الشيخ

31-01-2008, 12:30 AM

حبيبنا نزار مبروك عليكم الراكوبه الجديدة

نزار حسن محمد

31-01-2008, 12:31 AM

سلام يا عمنا نزار ولد حسن

أها أنا أول وحدة جيت أبارك ليكم راكوبة الضحوية ومستعده أساهم في تقديم القهوة والشاي
بس ما تتكلو علي لمن تقصو ظهري بشراب القهوة والشاي

وكمان شاطرة في عمل اللقيمات مع شاي الصباح

حباب ..الضوايه حباب مدناوية
حباب بتنا المبروكه ..من يد غيرك تب مابنشرب قهوة الضحويه ..
وبراك خربانة راكوبة الضحويه ..
الحمدالله ود الطاهر ستف الكارو تب حتى الجنزبيل جابوو
اكان كترة عليك الطلبات رسلى الجنى ود المطامير وابورجاء
اجيبو لك مساعدة حله ..;)
عفيت منك تب يامدناوية

نزار حسن محمد

31-01-2008, 12:36 AM

يا اخوي ده مكتب المعاشات والله شنو

آها شفتو الجنى ده
هوووى ياجماعه الجنى ابوالنورده
خته عينكم على ما امشى على البحر
كمان ..لو غلبكم قالووو ليه شعر
بقعد تعال يالمبروك ..اعمامك جاين

نزار حسن محمد

31-01-2008, 12:41 AM

جانا الفرح شايلو النسيم وإشتقنا للمّه الجميله
أى يا الخزين عارفك حنين وما بيهون عليك حالنا
وعارفك بتلمنا تانى تحت ضل الراكوبه نتونس ونضحك وننسى هموم الدنيا

أى والله يا أبوسفروق رجعنا للزمن الجميل

هووووى انت ابورجاء ده ما عنده حق المواصلات ولا الحاصل شنوا
امشى بسراع جيبوا فى يدك وتعال ...
ماتمشى كمان تغطس لى فى موقف المواصلات ولا جنب باب المستشفى
عارفك شليق ..هاك جيب معاك سعوط .. وانت اشرب لك بيبسى صاقط..

ريانية

31-01-2008, 12:43 AM

مرحبا اخوي نزار..
مبروك عليكم الراكوبة ولو عرفت دربها في المستقبل القريب ما حا
أبخل عليكم بمساعدتي يالله جهز لي شغلانة من هسي..
تشكر ولك تحياتي..

نزار حسن محمد

31-01-2008, 12:43 AM

أى والله
وهداك ود الطاهر جايب الكارو مليانه دقيق
وفحم ... ما تقولى إنتى بتعرفى تهببى الجمر تمااام
هع هع هع هع

تعال انت هبب ليها الجمر ونزل الحاجات من
الكارو ..اوعك تمشى تمعط ضنب الحصان
جنك شريك طير اقوم ارفسك الحقك امات
طه..

نزار حسن محمد

31-01-2008, 12:49 AM

اخي نزار -- شكرا لانك اعدت لنا الماضي وشكرا لانك لمست جواي حنين قديم كان منسي ؛؛؛ اخ واخ علي همبريب الراكوبه-- هنا في بلد الغربه اصابتنا التخمه من الهمبريب المصنوع وقابات الاسمنت المزيفه "" اخي نزار زمان كانت عندنا في مدينه المناقل طحونه كبيره ومشهوره وسط البلده كنا نتجمع فيها نحن ابنا الحله من اطبه ومهندسين وطلبه ومزارعين حتي اجدادنا الكبار كانو بشرفونا بحضورهم-- بنحكي فيها مشاكل مجتمعنا الصقير والكبير وهاك يا مهاترات وهاك يا قرقريبه اه واه علي تلك الايام الخوالي؛؛؛ ومن طرايف راكوبتنا ازكر بان صاحب الطاحونه الفيها الراكوبه ببيع فيها التمباك للرواد؛؛ وكان رجل جشع للغايه بتلاعب في حجم اكياس الصعود --وفي مره من المرات اتي احد الرواد من اعمامنا الكبار وطلب منه كيس تمباك قال ليه ها جنا ادنا كيس صعود عشان القعده تبقي حلوه يا ولدي--و علي طول صاحب الطاحونه راح جايبلوا الكيس بتاع التمباك وكتها احتجا عمنا علي حجم الكيس احتجاج شديد- لكن صاحب الطاحونه الجشع لا يابه للاحتجاج مستقل عدم منافس له في البلده وقال له بلهجه استقلاليه يا حاج ده الصعود العندي لو عجبك شيلوا لوما عجبك خليه لكن تاني ما جيني لصعود- لكن عمنا قبل الكيس بكل سرور لانه كان خرمان شديد حسب قوله وقال ليه سمح يا ولدي جيبوا نسوي شنو--- قبلناها لكن والله يا ولدي كيسك ده البشحت منو سفه علي الطلاق تب ما عندو عرض--- وضحكنا والله من الاعماق حتي ظهرت اسارير وجوهنا ؛؛؛؛ يا سلام علي الايام ويا سلام اخي نزار عليك لانك زكرتنا بالزمن الجميل-- بالمناسبه انا باذن الله نازل السودان غريب ولو عزمتوني بجي بقيل معاكم لكن بشرط تضبحوا لي عتود--

حباب معروف ود المناقل
حباب الزول السمح
حباب اخوه الاخوان
اتفضل تعال اقعد جنبى بى هنا
يامدناويه جبنه فى كبايه وزيدى الجنزبيل
عشان زول الونسه جاكم ..
وصينا ود المطامير اعمل لنا حقه كاربه
للكيف ..ماتخف عمك ود الماحى متكفل
بالمصاريف ..هو اصلو زول كييف
حباب معروف اقعد وتحكر كويس
فى العنقريب ..وشم ريحة الهمبريب
على اصلو ..هبوبك يالله..

مدناوية

31-01-2008, 12:49 AM

أى والله
وهداك ود الطاهر جايب الكارو مليانه دقيق
وفحم ... ما تقولى إنتى بتعرفى تهببى الجمر تمااام
هع هع هع هع

الظلم كعب ياجنى المطامير

مدناوية

31-01-2008, 12:51 AM

وعندك واحد جبنة في كباية وجنزبيلها زياده وزبطووووووو

أها هاك إتناول مني ياعمنا

الجبنة مظبووووطة وما خمج

نزار حسن محمد

31-01-2008, 12:59 AM

حبيبنا نزار مبروك عليكم الراكوبه الجديدة

الزول السمح الفات الكبار والقدره
محمد احمد الشيخ جاكم ..
اخبار الكوره والتمارين ..
والحديث الزين ما بطلع
الا من الزول الزين
حبابك الف تعال قريب

نزار حسن محمد

31-01-2008, 01:04 AM

إزيك يا كفيل صاحبي
مبروك عليكم الراكوبة

وأنا عارف الجلاكين ديل لما يتلموا مع بعض
حيعذبونا ليك بالمراسيل وجيب شاي وجيب قهوة
عشان كده أطلّوا بالله وراكبتكم دي أقعدوا فيها
براااااااااااااااااااااااااااااااااااااااااااااااا ااكم

المسافر ..تعال
مسافر وين مخلينى
بعد ولفته قلبى عليك
تعال اقعد هنا راكوبتنا
دى عندها حصانه دوليه
تعال هترش ذى ماعايز
لو كترته كلامك
سفروقى تحت العنقريب
حباب صاحب السياره
2008 ..غايتو لو لقيتك
مجكس ود الماذون قاعد
والعقود جاهزه والشهود
بالكوم .. امشى جيب معاك
زول فرده وتعال منتظرنك

ود المطامير

31-01-2008, 01:09 AM

الظلم كعب ياجنى المطامير

هع هع هع هع هع
من بيتين بقيتى مسكينه ؟
هع هع هع هع هع

ود المطامير

31-01-2008, 01:10 AM

وعندك واحد جبنة في كباية وجنزبيلها زياده وزبطووووووو

أها هاك إتناول مني ياعمنا

الجبنة مظبووووطة وما خمج

هووووووووووووووى
نزار دا لسه صغير
ولأ قاصده ود الطاهر ؟ أكان كدا معليش

نزار حسن محمد

31-01-2008, 01:13 AM

مرحبا اخوي نزار..
مبروك عليكم الراكوبة ولو عرفت دربها في المستقبل القريب ما حا
أبخل عليكم بمساعدتي يالله جهز لي شغلانة من هسي..
تشكر ولك تحياتي..

حباب الريانه
والله جيتى فى وقتك اختك مدناويه يده براه
تعال امسكى الشاى ونشفى النعناع ..
اعمامك ديل عنهم شاى الضحويه
مسمار الراس ..
تعالى سلمى على اختك مدناويه
وحباب بنتنا

نزار حسن محمد

31-01-2008, 01:16 AM

وعندك واحد جبنة في كباية وجنزبيلها زياده وزبطووووووو

أها هاك إتناول مني ياعمنا

الجبنة مظبووووطة وما خمج

تسلم يدك يامدناويه ..
والله الجبنه دى ناقصها
وداعيه
هوووى ياود المطامير مابتعرف
الوديع :confused:

نزار حسن محمد

31-01-2008, 01:18 AM

هووووووووووووووى
نزار دا لسه صغير
ولأ قاصده ود الطاهر ؟ أكان كدا معليش

اهآ قمنا على الشلاقه انت لقايت اسع مامشيت جبتا ابورجاء
اكان كدى الليله بتنوم هنا للصباح ..والله يستر

صلاح ودالطاهر

31-01-2008, 01:20 AM

هوووووووووووووووووووووووي ياود الحسن احسن ليك ترحل الراكبه دي للنفاج ولا بكلم الجنه الشليق ودالمطاريش يمشي يشالق ويكلم ليك زولك داك وشوف اولاً في التبادي الشجره قدام الراكبه حقتي وشوف الجنه المطفوش ما يمشي الجزيره يشاكل في الناس وخاصه الخواجات ابوعيون خدر ... اها انا العندي في الكارو بمسكو.... وشوف عيني حليمه قابلت ابكر واخر سلام لمن اسحاق زعل كان مغالطني امش اسال المطفوش .................. اها بكرر رحل الراكبه في اسرع وقت للنفاج

nehroo

31-01-2008, 01:20 AM

ماشاء الله سمعت راكوبتكم قالوا باااااااااااااااااااااارده
وشماراتها تقيييلة
كنت جاي عليكم
بس (الحيكومة) رسلتني السوق للخدار
ماشي اجيبه ليهم
بجيكم العصر.......... رشرشوا الراكوبة كوييييييييييييس

امير عبدالباقي

31-01-2008, 01:20 AM

انت يانزار الراكوبه العملتها دي مالقيت الاالمحل ده
اوعي من ناس الكشافه يجو يكسروها ليك انت ماعارف دي ارضهم

ود المطامير

31-01-2008, 01:22 AM

تسلم يدك يامدناويه ..
والله الجبنه دى ناقصها
وداعيه
هوووى ياود المطامير مابتعرف
الوديع :confused:
بعرف تب
أها .. كشكش كش كوش
أيوااا يا أبوسفروق الودعه المشت يمين دى خير تب
واللى إدردقت هناااك دى عاملين ليك عمل شين مربوط فى جناح ود أبرق
أها .. ود أبرق دا حبّ ليهو بت أبرق وهى مشت غوانتانامو وود أبرق لحقها
أها .. لو مشيت ليهو سلم لى على سامى الحاج
( اللهم فك أسرانا ) .. وفك أسرى المطامير وتجيها الكهربه والمويه
وبلغ تحياتى لأبوى العمده وأمى وخالاتى وأعمامى وناس الفريق
التلفزيون ؟ ممكن أشارك فى المسابقه ؟
هع هع هع هع هع هع هع

نزار حسن محمد

31-01-2008, 01:25 AM

ماشاء الله سمعت راكوبتكم قالوا باااااااااااااااااااااارده
وشمارها تقيييل
كنت جاي عليكم
بس (ناس البيت) رسلوني قالوا دايرين لحم وخدار
ماشي اجيبه ليهم
بجيكم العصر رشرشوا الراكوبة كوييييييييييييس]

نهرو الحنين حبابك مليون
اى بالله جيب معاك عمود غداء
للجنى والمطامير ..قال بدور اغشى
الاسبتاليه ..
الركوبه همبريبه ارد الروح
تعال ما تتاخر يالحبيب

ود المطامير

31-01-2008, 01:27 AM

انت يانزار الراكوبه العملتها دي مالقيت الاالمحل ده
اوعي من ناس الكشافه يجو يكسروها ليك انت ماعارف دي ارضهم
ميييييييييين ؟ ود عبدالباقى ؟
ياخى عاش من سمع صوتك والله
والله يا أمير بالجد مشتاق ليك شوق لا يوصف

هووووى ها يا أمير .. المحل دا حوش أبوسفرق
ولأ إنت ماعندك خبر ؟ ما السفروق بقى يشلشل هنى وحوش النواعم بس

كمان جايى تهددو بناس الكشافه ؟ وناس الكشافه أدوهو المفاتيح جت

نزار حسن محمد

31-01-2008, 01:28 AM

انت يانزار الراكوبه العملتها دي مالقيت الاالمحل ده
اوعي من ناس الكشافه يجو يكسروها ليك انت ماعارف دي ارضهم

الامير
ماتخاف يابوى ناس الكشافه
عمل المكان منتزه ونحن
اجرنا الراكوبه ..بس انت
تعال ..آها اخبار القريق
الاصلوا ما قومى شنوا
فضيحتنا بقت بجلاجل
بالله الواحد اشوف
المصرى اضيار التقول طالبننا
فلوس..

ود المطامير

31-01-2008, 01:29 AM

انت يانزار الراكوبه العملتها دي مالقيت الاالمحل ده
اوعي من ناس الكشافه يجو يكسروها ليك انت ماعارف دي ارضهم
ناس يشوتوهم من أول سنه إشراف
وناس المنتدى سنه مايدخلوهو ولسه هم مشرفين
يا ( عمدتنا ) أنا زاتى ببقى ليك وبيناتنا صِلة رحم

نزار حسن محمد

31-01-2008, 01:30 AM

هوووى ود المطامير ..
انا عندى مشوار احرس
الراكوبه ..لقايت ما اجيك
ما اجى القاك عملتها ..
راكوبة ديسكو

معتز الريح

31-01-2008, 01:44 AM

اهآ والحمدالله عنكم ود الماذون عنده دفتر عقد الزواج مصدق واختامه معه اى جنى بدور اعرس ..ارقد قفه بالفاتحه ياناس ما حلال ...حلال..

أكتر حاجه عجبتني ..

saleh farah

31-01-2008, 02:10 AM

اللهم كثر جمعهم وطعم مشاريبهم وكبر عتانم ، بالمناسبة الكرامة متين عشان انا عندى ليكم عتوت ليه شهرين بنطط فى الحوش عايز اخلص منه قلت اجيبه ليكم بس على شرط امير اكون قاعد لانه بحب لحمة الراس ( راس عتوت ! ) اها ان شاء الله تكونوا اشتركتوا فى الايه ار تي عشان نجي نشوف عمكم العجوز مازدا هو ودفعته العجب وريتشارد وطمبل عملوا شنو ؟
بالله ياود حسن ماتنسا تجيب لينا معاك بنابر كبيره شويه او عنقريب مخرته لانه نحن مقاسات كبيرة

ود المطامير

31-01-2008, 02:30 AM

.آها اخبار القريق
الاصلوا ما قومى شنوا
فضيحتنا بقت بجلاجل
بالله الواحد اشوف
المصرى اضيار التقول طالبننا
فلوس..
وحاة الله صح
أنا فى الجزيره لبست وزار
وعملت فيها هندى عديل كدا

3 وتلاته وتلاته
ياربى السر شنو فى التلاته دى

والحاله دى مازدا كان سافى
لو مافى تمباك كنا قلنا معليش

صلاح ودالطاهر

31-01-2008, 02:37 AM

أكتر حاجه عجبتني ..

قالوا في المثل احشف وسو كيل اها بعدين الاجاويد مافي وبابو الله

معروف الجزولي

31-01-2008, 02:45 AM

حباب معروف ود المناقل
حباب الزول السمح
حباب اخوه الاخوان
اتفضل تعال اقعد جنبى بى هنا
يامدناويه جبنه فى كبايه وزيدى الجنزبيل
عشان زول الونسه جاكم ..
وصينا ود المطامير اعمل لنا حقه كاربه
للكيف ..ماتخف عمك ود الماحى متكفل
بالمصاريف ..هو اصلو زول كييف
حباب معروف اقعد وتحكر كويس
فى العنقريب ..وشم ريحة الهمبريب
على اصلو ..هبوبك يالله.. تشكر نزار علي العزومه الجاده وانا جايكم بس كلم ود المطامير قول ليه كبر الحقه عشان انا خرمان لي سنين ومتقريف بلحيل وتسلم

ود المطامير

31-01-2008, 03:08 AM

تشكر نزار علي العزومه الجاده وانا جايكم بس كلم ود المطامير قول ليه كبر الحقه عشان انا خرمان لي سنين ومتقريف بلحيل وتسلم
هع هع هع هع
تسلم يا حبيبنا
وتمباك عبدالحق بوزن الرأس تمام

رضا حسن محمد

31-01-2008, 04:33 AM

انت يا ابو النيز ما سمعت بى واحد صاحبنا عزم نسابتو فى السماية وجلانا جلية السنين
هسع انا فتحت خشمى ولا جبت سيرة ود الريح

صلاح ودالطاهر

31-01-2008, 06:51 AM

هوووووووووووووووووووووووي ياود الحسن احسن ليك ترحل الراكبه دي للنفاج ولا بكلم الجنه الشليق ودالمطاريش يمشي يشالق ويكلم ليك زولك داك وشوف اولاً في التبادي الشجره قدام الراكبه حقتي وشوف الجنه المطفوش ما يمشي الجزيره يشاكل في الناس وخاصه الخواجات ابوعيون خدر ... اها انا العندي في الكارو بمسكو.... وشوف عيني حليمه قابلت ابكر واخر سلام لمن اسحاق زعل كان مغالطني امش اسال المطفوش .................. اها بكرر رحل الراكبه في اسرع وقت للنفاج

عزيز عيسى

31-01-2008, 07:15 AM

يا أبو النيز الراكوبة دي قالوا بانيها عشوائي.. وبدون تخطيط..
وكمان ما دافع الضرائب.. وحارسها ليك واحد إسمه ودالمطاريش
الزول دا إكتشفنا إنه دخل بالحدود وما عنده إقامة داخل الراكوبة.
غايتو عليك مخالفات وغرامات كثيرة ولازم نبحث في ملفك.
ولو ما دفعت حنسكر الراكوبة ونلحقها ليك أمات دكان ودالصول.

على فكرة واحد قريبي إسمه البروفسير/ محمد الخواجة عايز يعلق
اللوحة بتاعته في الراكوبة عندكم.. ممكن تشوفوا ليه محل؟
لكن المشكلة ما حيدفع ليك إيجار لأنه لايؤمن بحاجة إسمها
إيجار باطني.

http://www6.0zz0.com/2008/01/31/16/757461883.jpg

نزار حسن محمد

01-02-2008, 07:07 AM

أكتر حاجه عجبتني ..

هووووووى ياود الريح انت نسيبك سافر
ولا الحاصل شنوا...غايتو انا ساهل الله يسترك مع بتاع
جنى وجن .........

نزار حسن محمد

01-02-2008, 07:09 AM

وحاة الله صح
أنا فى الجزيره لبست وزار
وعملت فيها هندى عديل كدا

3 وتلاته وتلاته
ياربى السر شنو فى التلاته دى

والحاله دى مازدا كان سافى
لو مافى تمباك كنا قلنا معليش

والله ياود المطامير اجازى محنك ضحكتنى وانا زعلان;)

نزار حسن محمد

01-02-2008, 07:13 AM

قالوا في المثل احشف وسو كيل اها بعدين الاجاويد مافي وبابو الله

حباب العشاء بى لبن... حباب الاسد البنغالى ..حباب المن الخوف ما ببالى
حباب ود الطاهر ..والحب الظاهر ..
كدى نزل الحاجات من الكارو ...
وعندى معاك ونسه دقاق..
ود الصول ما يسمعنا..اقعد
انا جايك
ود الريح يابوى اخطر اسد فى الغابه

نزار حسن محمد

01-02-2008, 07:17 AM

تشكر نزار علي العزومه الجاده وانا جايكم بس كلم ود المطامير قول ليه كبر الحقه عشان انا خرمان لي سنين ومتقريف بلحيل وتسلم

معرف الجزولى والله اسمك رئيس وزراء عدددددديل
سوف نضمك لى كتيبة الثوار
ود المطامير يابوى كان حقته نقصت سفتين بقول ماعندى
تماك وبمشى اعبيها تانى عشان كده خليك مطمئن
اقعد وتوهط ساى ..

ود المطامير

01-02-2008, 07:21 AM

معرف الجزولى والله اسمك رئيس وزراء عدددددديل
سوف نضمك لى كتيبة الثوار
ود المطامير يابوى كان حقته نقصت سفتين بقول ماعندى
تماك وبمشى اعبيها تانى عشان كده خليك مطمئن
اقعد وتوهط ساى ..
هع هع هع هع
والله صدقت يا الحبيب
قبل يومين والأولاد معاى
وقفت عند بتاع التمباك وقلت ليهو جيب كيسين
ومشيت ووقفت عند الدكان وقلت ليهو جيب كيس خبز
أم عمرو قالت لى قادر الله
التمباك كيسين والخبز فرد كيس ؟

نزار حسن محمد

01-02-2008, 07:22 AM

اللهم كثر جمعهم وطعم مشاريبهم وكبر عتانم ، بالمناسبة الكرامة متين عشان انا عندى ليكم عتوت ليه شهرين بنطط فى الحوش عايز اخلص منه قلت اجيبه ليكم بس على شرط امير اكون قاعد لانه بحب لحمة الراس ( راس عتوت ! ) اها ان شاء الله تكونوا اشتركتوا فى الايه ار تي عشان نجي نشوف عمكم العجوز مازدا هو ودفعته العجب وريتشارد وطمبل عملوا شنو ؟
بالله ياود حسن ماتنسا تجيب لينا معاك بنابر كبيره شويه او عنقريب مخرته لانه نحن مقاسات كبيرة

حباب شاعرنا حباب ناس جزيرة الفيل..حباب ابو الكرم
يازول عتوتك ده بجيب لنا المشاكل
الجماعه ديل بدل القهوة والشاى
بطلبه حاجات تانيه
بعد شويه عمك ود الماحى اجينا وعنده بقجه كدى
بس مطعم متحرك شيتن شطه وشيتن دكوه وشين بصل
وحاجات تانيه حاميانى:confused:

نزار حسن محمد

01-02-2008, 07:25 AM

انت يا ابو النيز ما سمعت بى واحد صاحبنا عزم نسابتو فى السماية وجلانا جلية السنين
هسع انا فتحت خشمى ولا جبت سيرة ود الريح

كدى تعال انت اقعد واسمع ود الريح الاسد ...الما بتهرش
قال شنوا ...حرآآآم عفيت منو تب

نزار حسن محمد

01-02-2008, 07:28 AM

هوووووووووووووووووووووووي ياود الحسن احسن ليك ترحل الراكبه دي للنفاج ولا بكلم الجنه الشليق ودالمطاريش يمشي يشالق ويكلم ليك زولك داك وشوف اولاً في التبادي الشجره قدام الراكبه حقتي وشوف الجنه المطفوش ما يمشي الجزيره يشاكل في الناس وخاصه الخواجات ابوعيون خدر ... اها انا العندي في الكارو بمسكو.... وشوف عيني حليمه قابلت ابكر واخر سلام لمن اسحاق زعل كان مغالطني امش اسال المطفوش .................. اها بكرر رحل الراكبه في اسرع وقت للنفاج

هووووى ياود الطاهر شحت ربى عليك اقابلك ابكر نص الليل قول امين:p

ود المطامير

01-02-2008, 07:30 AM

وكمان ما دافع الضرائب.. وحارسها ليك واحد إسمه ودالمطاريش
الزول دا إكتشفنا إنه دخل بالحدود وما عنده إقامة داخل الراكوبة.

يا الحبيب أكان ماك خواجه وقاعد فى أمريكا ؟
مش بقولو الأسرار الخطيره بطلعوها بعد مرور30 سنه ؟
أها ... أنا لى 22 سنه بس :D

نزار حسن محمد

01-02-2008, 07:33 AM

يا أبو النيز الراكوبة دي قالوا بانيها عشوائي.. وبدون تخطيط..
وكمان ما دافع الضرائب.. وحارسها ليك واحد إسمه ودالمطاريش
الزول دا إكتشفنا إنه دخل بالحدود وما عنده إقامة داخل الراكوبة.
غايتو عليك مخالفات وغرامات كثيرة ولازم نبحث في ملفك.
ولو ما دفعت حنسكر الراكوبة ونلحقها ليك أمات دكان ودالصول.

على فكرة واحد قريبي إسمه البروفسير/ محمد الخواجة عايز يعلق
اللوحة بتاعته في الراكوبة عندكم.. ممكن تشوفوا ليه محل؟
لكن المشكلة ما حيدفع ليك إيجار لأنه لايؤمن بحاجة إسمها
إيجار باطني.

http://www6.0zz0.com/2008/01/31/16/757461883.jpg

حباب شاشوق...
يابوى ود الصول طلع لنا تصديق ممضى و مختوم
تعال ساى الركوبه بدونك ما بتنقعد
وحباب محمد الخواجه
لكن اليافطه ما عنده
والله محتاجين ليه بى شده
خاصه فى موضوع شفط الدهون;)
فى واحد كدى قال ماشى امتحن
ومابقدر اشف الا اضعف ...
انت مالك بجرجرنى فى الكلام
ياشاشوق انا اسع جبتا سيره
السمين بقع والضعيف يقيف:eek:

محمد السر احمد

01-02-2008, 07:38 AM

عمنا نزار والله جد فرحنا بخبر الركوابة بس اهم حاجة يكون طبلية بتاعت رصيد لانو ود الطاهر تلفونات كتيرة.
وبعدين يا استاذنا ود الطاهر مالك مع ود اهلي اعمل حسابك لانو انا لحدي اسه ما نسبت السواط الادتني ليهو في الاميرية ولسه دانة ليك .
تخريمة: ود الطاهر بالجد ليك و حشة خبرك شنو ؟ وين انت؟

عثمان جلالة

02-02-2008, 05:07 AM

الحبان ... سلام وشوق كتير ... ومالكم اللمة الحلوة دي ... ما بتدونا خبرها ... والله من الصباح في سوق العيش ... بعت لى 10 شولات (ود عكر) ... وجبته ليكم معاي .. بليلة عدسية ... وزيت سمسم ... حار ... قرموشوها .. قبل الغدا ... نظام (تسالي وكده) ... أها الشيشة وين ... يا مدناوية .. عليك الله جبنه مصلحة ... نشيل بيها صداع سماسرة سوق العيش ..

zoolfrda

02-02-2008, 07:46 AM

http://www.elhoot.net/Music/ShayalJrah.wma [/CENTER]

ابوالنور

02-02-2008, 07:58 AM

http://www.wadmadani.com/vb/attachment.php?attachmentid=7196&stc=1&d=1201970765

الحتة الناقصة دي مشت وين يا زول فرده

ود المطامير

02-02-2008, 08:32 PM

يا أبوسفروق
سفروق شنو ياخى ؟ خلى ولى السفروق
يا حبيب الملايين
عليك الله كلامى طلع صح ولأ لا ؟

ابراهيم

02-02-2008, 08:35 PM

http://www.wadmadani.com/vb/attachment.php?attachmentid=7196&stc=1&d=1201970765

الحتة الناقصة دي مشت وين يا زول فرده

وكمان يا ابو النور الزول الشالها حريف شديد
شايف مكانها نضيف كيف؟

مدناوية

02-02-2008, 09:01 PM

الحبان ... سلام وشوق كتير ... ومالكم اللمة الحلوة دي ... ما بتدونا خبرها ... والله من الصباح في سوق العيش ... بعت لى 10 شولات (ود عكر) ... وجبته ليكم معاي .. بليلة عدسية ... وزيت سمسم ... حار ... قرموشوها .. قبل الغدا ... نظام (تسالي وكده) ... أها الشيشة وين ... يا مدناوية .. عليك الله جبنه مصلحة ... نشيل بيها صداع سماسرة سوق العيش ..

أنت بس أقعد يا عثمان جلالة ،،، وشيل نفسك

والجبنة هدي جاية مظبطة

نزار حسن محمد

02-02-2008, 09:16 PM

عمنا نزار والله جد فرحنا بخبر الركوابة بس اهم حاجة يكون طبلية بتاعت رصيد لانو ود الطاهر تلفونات كتيرة.
وبعدين يا استاذنا ود الطاهر مالك مع ود اهلي اعمل حسابك لانو انا لحدي اسه ما نسبت السواط الادتني ليهو في الاميرية ولسه دانة ليك .
تخريمة: ود الطاهر بالجد ليك و حشة خبرك شنو ؟ وين انت؟

حبيبنا ود السر لك على الطبليه والكروت من عندى بس انت تعال من بدرى الجماعه ديل لو ما اخده منهم كاش بتفلس بكره ..تعال والله استرك من لسان استاذك ود الطاهر شايفه قاعد هناك تحت الشجره قال عنده راى فى الراكوبه وخايف على ابو النور قال الجنى ده كان مشى على البحر بطوفش

نزار حسن محمد

02-02-2008, 09:25 PM

الحبان ... سلام وشوق كتير ... ومالكم اللمة الحلوة دي ... ما بتدونا خبرها ... والله من الصباح في سوق العيش ... بعت لى 10 شولات (ود عكر) ... وجبته ليكم معاي .. بليلة عدسية ... وزيت سمسم ... حار ... قرموشوها .. قبل الغدا ... نظام (تسالي وكده) ... أها الشيشة وين ... يا مدناوية .. عليك الله جبنه مصلحة ... نشيل بيها صداع سماسرة سوق العيش ..

سيد الناس وصل ..سيد ناس وصل يالله يابنات جيبو القهوحباب ود جلاله وشدو العدسيه دى بسراع وزيت السمسم ده دسوه من ود المطامير والله يستر كان جاء عمكم ود الماحى حرآآآم زيت السمسم ده بجيب مشاكل بالكوم ..تعال الشيشه جاهزه ..كدى اخبار السوق شنوا اليوم ..حبابك تاجرنا الهمام حبابك اقعد وتوهط كويس ..متع عيونك بالجكس وشم الهمريب النضيف واسمع الاغانى البترد الروح ..عاين هناك تحت شجرة النيم عمك ود الطاهر قاعد مع الشباب قال بدور اتعلم رقصة النبق ..قبال ما اجى ود الصول..;)

نزار حسن محمد

02-02-2008, 09:26 PM

الحبان ... سلام وشوق كتير ... ومالكم اللمة الحلوة دي ... ما بتدونا خبرها ... والله من الصباح في سوق العيش ... بعت لى 10 شولات (ود عكر) ... وجبته ليكم معاي .. بليلة عدسية ... وزيت سمسم ... حار ... قرموشوها .. قبل الغدا ... نظام (تسالي وكده) ... أها الشيشة وين ... يا مدناوية .. عليك الله جبنه مصلحة ... نشيل بيها صداع سماسرة سوق العيش ..

سيد الناس وصل ..سيد ناس وصل يالله يابنات جيبو القهوحباب ود جلاله وشدو العدسيه دى بسراع وزيت السمسم ده دسوه من ود المطامير والله يستر كان جاء عمكم ود الماحى حرآآآم زيت السمسم ده بجيب مشاكل بالكوم ..تعال الشيشه جاهزه ..كدى اخبار السوق شنوا اليوم ..حبابك تاجرنا الهمام حبابك اقعد وتوهط كويس ..متع عيونك بالجكس وشم الهمريب النضيف واسمع الاغانى البترد الروح ..عاين هناك تحت شجرة النيم عمك ود الطاهر قاعد مع الشباب قال بدور اتعلم رقصة النبق ..قبال ما اجى ود الصول..;)

نزار حسن محمد

02-02-2008, 09:34 PM

http://www.elhoot.net/Music/ShayalJrah.wma [/CENTER]

يامدناويه ..بالله قهوة حبيبنا زول فرده خاصه ..الزول مشغول بالحيل عينى السواق قاعد فى العربيه لكن هو زول اصيل جاب معه التورته وجانا ..حباب الحبيب ..اقعد يابوى عنقريبنا جديد ومصنع بالجلد بتاع خروف الضحيه بتاعت السنه الفاتت ..يعنى اقعد وانت مطمئن ;)

نزار حسن محمد

02-02-2008, 09:38 PM

http://www.wadmadani.com/vb/attachment.php?attachmentid=7196&stc=1&d=1201970765

الحتة الناقصة دي مشت وين يا زول فرده

دى اكلتها السكرتيره ..انت تعال جاى من البحر ده اقعد مع ود السر فى بيع الكروت واوعك تدين استاذك ود الطاهر بكره الطبليه بتلحق امات طه ..

نزار حسن محمد

02-02-2008, 09:41 PM

يا أبوسفروق
سفروق شنو ياخى ؟ خلى ولى السفروق
يا حبيب الملايين
عليك الله كلامى طلع صح ولأ لا ؟

اهآ يالمطوفش اتحزم وانستر مع الاحباب ..كتر التمباك ..وخلى الشيش نظيفه ومدناويه دى براها لقايت الحظه ريانه ما ظهرة كان اتاخرة اركب العجله دى شوفه مالاه

نزار حسن محمد

02-02-2008, 09:48 PM

وكمان يا ابو النور الزول الشالها حريف شديد
شايف مكانها نضيف كيف؟

ابرهوته ..حباب الزول القيافه الفايت الناس مسافه حباب ود جزيرة الفيل
ياخوانا هوى صلوا على النبى شايفين الزول ده بقى ابيض كيف ..الزول دى جايكم من جنس برد لاحوله ولا قوه الا بالله برد نشف الدم فى العروق ..لكن البرد نفع معاه شوفووه بقى سمين كيف ماشاءالله تبارك الله ..
مدناويه كتيرى الجنزبيل لى حبيبنا ابراهوته ..
اقعد ..وماتتونس بالنجليزى يابوى النسيان بحصل نحن فى الراكوبه عاين بى هناك ديك حنتوب ..وكان عاينت يمين مع البحر بتشوف جناين جزيرة الفيل ..حبابك يالحبيب

نزار حسن محمد

02-02-2008, 09:50 PM

أنت بس أقعد يا عثمان جلالة ،،، وشيل نفسك

والجبنة هدي جاية مظبطة

عفيت منك تب يالمبروكه

صلاح ودالطاهر

02-02-2008, 10:19 PM

ها جنه كدي ادني جلابتي الفريد وحيده جناح ام جكه وكدي ناولني سكيني نخته في ضراعي آلجنه اب رويس ده ما عائز يجيبه البر كدي انا من كم يوم ما قلت الركوبه دي ترحل لفريق النفاج ولا انت عشان في الحيكومه اها الايام دي اصلو الحيكومه سمها فائر وتكترو وتقللو الراكوبه بترحل بترحل اها انا واقف جنب خشم الراكوبه نشوف اخرها شنو

نزار حسن محمد

02-02-2008, 11:20 PM

ها جنه كدي ادني جلابتي الفريد وحيده جناح ام جكه وكدي ناولني سكيني نخته في ضراعي آلجنه اب رويس ده ما عائز يجيبه البر كدي انا من كم يوم ما قلت الركوبه دي ترحل لفريق النفاج ولا انت عشان في الحيكومه اها الايام دي اصلو الحيكومه سمها فائر وتكترو وتقللو الراكوبه بترحل بترحل اها انا واقف جنب خشم الراكوبه نشوف اخرها شنو

هوووووى ياود الطاهر انا شاورته حارس الركوابه ود المطامير ..وقال الركوبه مكانه هنا تحت القيف فى العام عشان البغرق بنطلعوو وانت يا ابو ضراع كدى ناولنى سكينك دى نضبح بيها عتوت شاعرنا صالح فرح ..وداك زيت السمسم بتاع جلاله اوعك تقرب منوا
هى ما سمعته حفصه خلت اسحاق و رجعت لى ابكر..ياربى السبب شنوا !!!!

صلاح ودالطاهر

02-02-2008, 11:23 PM

هوووووى ياود الطاهر انا شاورته حارس الركوابه ود المطامير ..وقال الركوبه مكانه هنا تحت القيف فى العام عشان البغرق بنطلعوو وانت يا ابو ضراع كدى ناولنى سكينك دى نضبح بيها عتوت شاعرنا صالح فرح ..وداك زيت السمسم بتاع جلاله اوعك تقرب منوا
هى ما سمعته حفصه خلت اسحاق و رجعت لى ابكر..ياربى السبب شنوا !!!!

عاد كان كده كدي نجيب الكيته ونجي

نزار حسن محمد

02-02-2008, 11:28 PM

عاد كان كده كدي نجيب الكيته ونجي

ههههههههههه ..الله اجازى محنك ياود الطاهر ..ود الصول قال بجيب فرقة البوليس ياربى اكون معجب بى ابكر ..ولا الحاصل شنوا:eek:

saleh farah

03-02-2008, 12:58 AM

والله يافرده قهوتك شديده والله ياربى من مطعم هنايه ولا من وين ؟

ابوالنور

03-02-2008, 01:10 AM

دى اكلتها السكرتيره ..انت تعال جاى من البحر ده اقعد مع ود السر فى بيع الكروت واوعك تدين استاذك ود الطاهر بكره الطبليه بتلحق امات طه ..

يا اخوي انا بحري ده ما بقدر افوتو لكن كل مرة بديكم طلة وكده

وانت مالك بتخاف تغرق بطلعك ما تخاف عندنا عوامين

اسكرتشات واسكرتشات واسكرتشات يا ناس

نزار حسن محمد

03-02-2008, 01:18 AM

والله يافرده قهوتك شديده والله ياربى من مطعم هنايه ولا من وين ؟

يها ..زاته هنايه ياود فرح بس القهوه المر دى جابتها من اديس ابابا..
تعال وين العتوت .. ود الطاهر غايتو متبرع بالسكين ..

نزار حسن محمد

03-02-2008, 01:21 AM

يا اخوي انا بحري ده ما بقدر افوتو لكن كل مرة بديكم طلة وكده

وانت مالك بتخاف تغرق بطلعك ما تخاف عندنا عوامين

اسكرتشات واسكرتشات واسكرتشات يا ناس

هوووى يا ابو النور ..كل شى ولا البحر عاين بس بعيونك
تعال مع الاسكرتشات دى الادمن جاب طواقى ..ختها فى الطبليه
وكوريك اسكرتشات ..طواقى .. تمباك..

ابوالنور

03-02-2008, 02:26 AM

تمباك طواقي اسكراتشات مناديل ورق بطيخ لبان شكلة يااااااااااااااااااا

عثمان جلالة

03-02-2008, 03:34 AM

تمباك طواقي اسكراتشات مناديل ورق بطيخ لبان شكلة يااااااااااااااااااا

يا ود عمي أبو النور ... كدي عليك الله أدنا تلاته بتيخات ... واحده نشوف بيها النوعية أسي .. وأتنين نحفر ليها حفره جنب البحر ... عشان بعدين بعد ناكل العنبلوق ده ... نلقاهن .. صاقتااااااااااات .. عليك الله كيف ... أي جيب الكبيره دي .. ود الطاهر ... سكينك مالي ميته .... عليك شوفها حمرا كيف ... ما شاء الله ... عوووك ... ود المطامير والناس البعاد ... تعالوا ضبحنا البتيخه ..

صلاح ودالطاهر

03-02-2008, 09:26 PM

يا ود عمي أبو النور ... كدي عليك الله أدنا تلاته بتيخات ... واحده نشوف بيها النوعية أسي .. وأتنين نحفر ليها حفره جنب البحر ... عشان بعدين بعد ناكل العنبلوق ده ... نلقاهن .. صاقتااااااااااات .. عليك الله كيف ... أي جيب الكبيره دي .. ود الطاهر ... سكينك مالي ميته .... عليك شوفها حمرا كيف ... ما شاء الله ... عوووك ... ود المطامير والناس البعاد ... تعالوا ضبحنا البتيخه ..

حباب ودجاد الله اخوي كدي انت مسعول من الخير آجنه المطرطش ودام تريبات وينو اها كان علي سكيني اسكت خلها ساااااااااااااااااااااااااااي من العليها كدي نمش للجرف بتاع النفاج وبجيك صاد

نزار حسن محمد

03-02-2008, 09:45 PM

تمباك طواقي اسكراتشات مناديل ورق بطيخ لبان شكلة يااااااااااااااااااا

هووووى يا ابو النور ..الجماعه قالووو الطبليه بدون عنكوليب ما بتجيب دخل..امشى جيب لك ربطه ربطتين سمحات ما تمشى تختار العدار تجيب لنا المشاكل عامل طاقتك القصيره دى:rolleyes:

صلاح ودالطاهر

03-02-2008, 09:45 PM

هووووووووووووووووووووووووووووي يودحسن الركوبه دي مارحلتها للفريق النفاج

نزار حسن محمد

03-02-2008, 09:52 PM

يا ود عمي أبو النور ... كدي عليك الله أدنا تلاته بتيخات ... واحده نشوف بيها النوعية أسي .. وأتنين نحفر ليها حفره جنب البحر ... عشان بعدين بعد ناكل العنبلوق ده ... نلقاهن .. صاقتااااااااااات .. عليك الله كيف ... أي جيب الكبيره دي .. ود الطاهر ... سكينك مالي ميته .... عليك شوفها حمرا كيف ... ما شاء الله ... عوووك ... ود المطامير والناس البعاد ... تعالوا ضبحنا البتيخه ..

اى والله يا ود جادالله كمان خلى عبد المنعم جيب لنا عمود بتاع خدره ستات الكسره قراب من هنا ..وما تعتمد على سكين ود الطاهر ..جنبنا هنا فى اخوانا ابكر عنده سكين سنينه بالحيل ..كدى ادينى القطعه الحمراء دى ..لكن ماشاءالله حــــمأروحلا;)

نزار حسن محمد

03-02-2008, 09:55 PM

حباب ودجاد الله اخوي كدي انت مسعول من الخير آجنه المطرطش ودام تريبات وينو اها كان علي سكيني اسكت خلها ساااااااااااااااااااااااااااي من العليها كدي نمش للجرف بتاع النفاج وبجيك صاد

اى ياود الطاهر بالله شوف لنا العريس ود ام تريبات ده وين وبالمره اسال من بورتبيل الجنى ده من ما استلم سيارة الوزارء بقى ما بسال مننا ياربى اكون سافر ماليزيا :confused:

admin

03-02-2008, 09:57 PM

تمباك طواقي اسكراتشات مناديل ورق بطيخ لبان شكلة يااااااااااااااااااا

بيبسي دايت ما عندك يا اخونا

نزار حسن محمد

03-02-2008, 09:58 PM

هووووووووووووووووووووووووووووي يودحسن الركوبه دي مارحلتها للفريق النفاج

خلاص ياود الطاهر ..انت امشى قدامى انا اسع بجيب الكارو عشان نرحل ..طلباتك اوامر
ياخـــوى ..

ريانية

03-02-2008, 10:16 PM

والله ماشاءلله يا اخوي ود الحسن الناس عندك كثار يعني انشاءلله تجيب ليك دخل
قول امين بس عليك الله انتظرني السنة دي وانشاءلله بإذن الله بحاول اجي لان حنتوب
أظن فيها بنت خالتي يعني الجية في اذا كاتبها ربي الخلقني وعلى فكرة ممكن كمان اسوي شاي بحليب انا بسويه تمام اكان شفت.. بس دخيل الله ابعد التمباك والسجاير ديل اكره حاجة ريحة بس تطيرني والبجيك كلوا قول ليه مافي ..

ودتابر

03-02-2008, 10:23 PM

هو يا الجالسين ..
وتحت الراكوبة مقيلين
سلااااام .. وألفين سلااااام
أول تبادي أسقونا موية قلة طينية
نبرد الجوف من حر الشمس الصيفية
وبعد داك فجولنا بينكم لي قعدة الضهرية
عايزين نسمع ونستكم وكلام الريدة والحنية
أصلنا جايين من بلداً نهارات شتاها صيفية
مشتاقين للجبنة البكرية
وشمارات الحلة .. وقوالات نفيسة وعلوية
وكمان ورونا .. زيذونا خبرية
شن سو جنيات بلدنا في غانا وفضيحتنا الثلاثية
وبعد داك ما تنسو .. نحن كسلانين .. ما بنخلي رقدة الضحوية

مدناوية

04-02-2008, 12:00 AM

بيبسي دايت ما عندك يا اخونا

يا ربي يكون داير بيبسي دايت لشنو؟؟؟؟

صلاح ودالطاهر

04-02-2008, 12:08 AM

اى والله يا ود جادالله كمان خلى عبد المنعم جيب لنا عمود بتاع خدره ستات الكسره قراب من هنا ..وما تعتمد على سكين ود الطاهر ..جنبنا هنا فى اخوانا ابكر عنده سكين سنينه بالحيل ..كدى ادينى القطعه الحمراء دى ..لكن ماشاءالله حــــمأروحلا;)

شكيت محنك يودحسن ما خليتني اضحك ذي المجنون بشغلك ده يوم بجيب خبر واحد اخونا في مدني

نزار حسن محمد

04-02-2008, 12:15 AM

بيبسي دايت ما عندك يا اخونا

لاحوله الزول الوسيم ده جاى بى هنا ..قوووم يا ابوالنور اجرى على سوق العناقريب
جيب لنا عنقريب سبعه شنكل..وشيل معاك الترمسه دى جيب فيها بيبسى دايت و2كيلو باسطه ..وخلى الرهيفه تنقد ;)

nehroo

04-02-2008, 12:22 AM

يا ربي يكون داير بيبسي دايت لشنو؟؟؟؟

شكيت محنك يابت أخوي ماتمشي بعيد
الناس ناس ونسه وجبنة ساااااااااكت

نزار حسن محمد

04-02-2008, 12:23 AM

والله ماشاءلله يا اخوي ود الحسن الناس عندك كثار يعني انشاءلله تجيب ليك دخل
قول امين بس عليك الله انتظرني السنة دي وانشاءلله بإذن الله بحاول اجي لان حنتوب
أظن فيها بنت خالتي يعني الجية في اذا كاتبها ربي الخلقني وعلى فكرة ممكن كمان اسوي شاي بحليب انا بسويه تمام اكان شفت.. بس دخيل الله ابعد التمباك والسجاير ديل اكره حاجة ريحة بس تطيرني والبجيك كلوا قول ليه مافي ..

حباب المزيونه حباب ريانيه ..واين انتى لك يومين ما جيتى اختك مدناويه ريقه نشف من نضمى اعمامك ديل ..تعالى كده اقعدى على جهت البحر عشان دخان الشيشه والسجاير ما اجيك علا يابت امى الكنترول على الصعود ده صعب بالحيل والله يستر ما اجيك عمك ودالماحى ..حقته قدر الطش..وشاى حليب بتاع نص النهار كدى اسالى اختك مدنيه
بتوريك.. فوائد شاى الحليب نص النهار ..

ابوالنور

04-02-2008, 12:30 AM

بيبسي دايت ما عندك يا اخونا

هههههههههههههههههههههههههههههههههههههههها

ابوالنور

04-02-2008, 12:32 AM

لاحوله الزول الوسيم ده جاى بى هنا ..قوووم يا ابوالنور اجرى على سوق العناقريب
جيب لنا عنقريب سبعه شنكل..وشيل معاك الترمسه دى جيب فيها بيبسى دايت و2كيلو باسطه ..وخلى الرهيفه تنقد ;)

عنقريب مين يا نزار ده انت ما شايف شكلو قصدك اجيب لي خرسانة ونبني لينا مصطبة

بدر الدين محمد

04-02-2008, 03:36 AM

جيانكم يا حبايبنا .. ازيكم وكيفنكم وحق الله بق الله يمين وشمال.. قعدنا وهمبريب النيل الازرق يهب علينا طرينا ايامنا الجميلة نسرح في القيف من جنينة عبد الجليل لحد البنطون .. طرينا زمااااان ناس السيرك الهندي لمن جو مدني وكطان بحمو الافيال تحت الراكوبة دي ونحنا نتفرج اليوم كلو في الافيال الضخمة دي قبال ما نمشي الخرطوم ونشوفها في جنينة النزهة .. طرينا صيد السمك بالجبادة والرماي والصريمة .. طرينا ود الفتلي في نص البحر في لستكو ونحنا نتغالت يا ربي ده عود ولا عبد الغفار .. طرينا الجزيرة لما البحر انقفل سنة 64ومشينا بي كرعينا قطعنا البطيخ والعجور
بعد سلام وحبابك بدر الدين عيونه فعلا بترحل مع الموج والمراكب الشاقة البحر والجناين بي هناك والجزيرة ومباني المدرسة (حنتوب الجميلة) وحدود اللوحة وملامحها وخطوطها وألوانها
لحدي ما يصحيه ابوسفروق بالقهوة البتسطل (سطلة حلال)
ولنا عودة

صلاح ودالطاهر

04-02-2008, 04:41 AM

جيانكم يا حبايبنا .. ازيكم وكيفنكم وحق الله بق الله يمين وشمال.. قعدنا وهمبريب النيل الازرق يهب علينا طرينا ايامنا الجميلة نسرح في القيف من جنينة عبد الجليل لحد البنطون .. طرينا زمااااان ناس السيرك الهندي لمن جو مدني وكطان بحمو الافيال تحت الراكوبة دي ونحنا نتفرج اليوم كلو في الافيال الضخمة دي قبال ما نمشي الخرطوم ونشوفها في جنينة النزهة .. طرينا صيد السمك بالجبادة والرماي والصريمة .. طرينا ود الفتلي في نص البحر في لستكو ونحنا نتغالت يا ربي ده عود ولا عبد الغفار .. طرينا الجزيرة لما البحر انقفل سنة 64ومشينا بي كرعينا قطعنا البطيخ والعجور
بعد سلام وحبابك بدر الدين عيونه فعلا بترحل مع الموج والمراكب الشاقة البحر والجناين بي هناك والجزيرة ومباني المدرسة (حنتوب الجميلة) وحدود اللوحة وملامحها وخطوطها وألوانها
لحدي ما يصحيه ابوسفروق بالقهوة البتسطل (سطلة حلال)
ولنا عودة

عاد يابدرالدين النبي فيك كان تقولينا قصيده من بيت الكلاوي وحاة شيخي خرمان لمدني جنس خرمه بس اسكت ساااااااااااااااااااااااااااي

ريانية

04-02-2008, 04:54 AM

اجيك علا يابت امى الكنترول على الصعود ده صعب بالحيل والله يستر ما اجيك عمك ودالماحى ..حقته قدر الطش..وشاى حليب بتاع نص النهار كدى اسالى اختك مدنيه
بتوريك.. فوائد شاى الحليب نص النهار ..

ووب علي كان كدة يا ود حسن الله يستر من صعود الرجال ويا مدنية كدي وريني
فوائد شاي الحليب بالنهار عليك الله ما تقصري علشان لما استلم شغلي اكون
مستعدة انشاءلله وعارفة تب كل شيء..

عزيز عيسى

04-02-2008, 05:17 AM

بيبسي دايت ما عندك يا اخونا

الجماعة ديل لو جابوا ليك البستى كولا
عليك الله ما تنسى أخوك
أديني بقة نضوق معاك.

nehroo

04-02-2008, 05:58 AM

ماشاء الله..... ماشاء الله عيني باااااااااارده
والله يا أخوي نزار راكوبتك دي ما أظنها تشيل الناس ديل
شوفلك زيادة حصيرات النوسعه شوية
يازول الناس ماكتروا تب

abu_ola

04-02-2008, 06:21 AM

الحبيب ود حسن

مالك يا جنا عشاي سمعتو ولا جابوه ليك

ما بترسل لي مالك ؟ ؟ ؟ ؟

انا اول ما شفت الراكوبة و اللمة قايلو صيوان بكا اتحزمت و كشحت ليك الناس بالفاتحة الغريبة مافي زول قام على تب إلا الجنا ود المطامير جراني على طرف كدي و قال لي دي راكوبة ود حسن الجديدة بجربوا فيها ... قلت ليه كان كدي فاتحتي ما ضربت الواطة :confused::confused: بس امانة غزها في الشعبة فوق كان اي واحد من الحبان احتاج ليها اديها ليهو باقي انتو يا كافي البلاء و حايد المحن كان حصل شي اصلكم ما بتكلمو زول

ها ناس ها سلام يا الجوة ما دام المسعلة لمة و قرقرابة ادوني كباية جردقة و لا حرجل ، مدناوية ما تقولي لي ما بتعرفي الشـــــــيييح :confused:؟

محمد السر احمد

04-02-2008, 08:52 AM

والله الراكوبة عاااااااااااامرة
لكن يا ود حسن الراكوبة كان لقت ليها قعدت كوتشنة تكون خلصت
لكن ود الطاهر دا سكينو حنشوفه بتين لحدي اسه ما شوفنها

ابو صفاء

04-02-2008, 10:05 AM

ظاهر عليك يا نزار ومعاك ود المطامير انكم تربية حبوبات ارجو ان تجيبوا على سؤالي هذا ؟
الفرق بين ضل الشتاء وضل الصيف
وضل الضحوية وضل الساعة 2 ؟؟؟

moh_alnour

04-02-2008, 04:17 PM

ناس يشوتوهم من أول سنه إشراف
وناس المنتدى سنه مايدخلوهو ولسه هم مشرفين
يا ( عمدتنا ) أنا زاتى ببقى ليك وبيناتنا صِلة رحم

والله يا ود المطاريش خليتنا نشك في نفسنا ونقول
يا ربي الإشراف دا فيهو إمتيازات ولا شنو ؟
من ما جيت راجع يا ود المطاريش ما عندك كلام غير الإشراف
بس أعمى ومسكو العكاز ، طلع جديد سكسك العبيد
خلاص يا ود المطاريش نكلم أبسفروق يعملك مشرف على الراكوبة
كان همك يبرد وتبطل البتقول فيهو دا

saleh farah

04-02-2008, 07:54 PM

ابوحميد يااخوي ماتزعل الراكوبه دى امم متحده العندو مشكله كلو اجي اقولها فيها ولايهمك .
بالمناسبة ماتجى تعمل ليك كشك سجاير فى كورنة الراكوبة دى وياحبذا لو كان البيع بالسيجارة سيجارة صدقنى حاتجيب زباين زى الرز بمناسبة الرز دى
امس جبت لي شوال رز لزوم الفته بتاعت العتوت بعد ما اخدت نفسي قلت كدى النشوف العتوت ده مالو مابكورك
انقروا الحصل شنو ؟
مشيت لقيت العتوت مافي والغريبه الحبل الكان مربوط بيه قاعد !
اكون ياربي مشى اجيب قش ؟
وللا بفتش ليه فى تلج ؟

nehroo

04-02-2008, 08:10 PM

عووووك آآآآآآآآآ الاخدر
انا بسويلي كشك الليل ليمون جنب راكوبتك دي

... هي هي هي بديك النص بعدين ...

نزار حسن محمد

04-02-2008, 08:55 PM

هو يا الجالسين ..
وتحت الراكوبة مقيلين
سلااااام .. وألفين سلااااام
أول تبادي أسقونا موية قلة طينية
نبرد الجوف من حر الشمس الصيفية
وبعد داك فجولنا بينكم لي قعدة الضهرية
عايزين نسمع ونستكم وكلام الريدة والحنية
أصلنا جايين من بلداً نهارات شتاها صيفية
مشتاقين للجبنة البكرية
وشمارات الحلة .. وقوالات نفيسة وعلوية
وكمان ورونا .. زيذونا خبرية
شن سو جنيات بلدنا في غانا وفضيحتنا الثلاثية
وبعد داك ما تنسو .. نحن كسلانين .. ما بنخلي رقدة الضحوية

ياود تابر ..خسمتك بالرسول تسامحنى شفتك وجاى اسلام عليك
لكن ..الجماعه شغلونى قالووو العتوت الكان مربوط فى مرق الراكوبه
انسرق ...عليك الله اعفى لى تعال اقعد بى هنا حبابك يازول ياسمح يازين
جيب القهوه يابنيه ,,وختيها بشمال ود تابر ..خلى اوزن راسه بعد ما
فضيحتنا بقت فى لسان البعرف كوره والمابعرف ..غايتو نقول شنوا
حليل لمن كنت بجيب الكوره من وراء القوووون

نزار حسن محمد

04-02-2008, 08:58 PM

يا ربي يكون داير بيبسي دايت لشنو؟؟؟؟

عشان اركز فى الامتحان يامدناويه قال قهوتك فى مخدر التقول عامله بى موية فول
تعالى كدى رده عليه ..وجيب لى معاك فنجان دايت ..

نزار حسن محمد

04-02-2008, 09:03 PM

شكيت محنك يابت أخوي ماتمشي بعيد
الناس ناس ونسه وجبنة ساااااااااكت

حباب الحنين حباب نهرو
اى عليك الله يانهرو افضى لى شويه لى مدناويه دى عاملها ونسه وخلت شغله
هووووى يامدناويه علمى ريانيه دى تعمل القهوه الماخمج ..هى بتعرف تسوى النسكافى
والكابتشينو..

ابراهيم

04-02-2008, 09:04 PM

http://wadmadani.com/vb/image.php?u=5929&type=sigpic&dateline=1202036159

مدناوية يا اختي الراس مالو انبعج كدة يا حولااااا :confused:
الحاصل شنو؟

نزار حسن محمد

04-02-2008, 09:20 PM

عنقريب مين يا نزار ده انت ما شايف شكلو قصدك اجيب لي خرسانة ونبني لينا مصطبة

هوووووى ياابو النور ..الزول ده بطلع من الراكوبه وبجيك فى محلك غايتو كان حصل لك شى كوووورك يا ابو مروه ساكت وارجاء الله فى الكريبه

نزار حسن محمد

04-02-2008, 09:26 PM

جيانكم يا حبايبنا .. ازيكم وكيفنكم وحق الله بق الله يمين وشمال.. قعدنا وهمبريب النيل الازرق يهب علينا طرينا ايامنا الجميلة نسرح في القيف من جنينة عبد الجليل لحد البنطون .. طرينا زمااااان ناس السيرك الهندي لمن جو مدني وكطان بحمو الافيال تحت الراكوبة دي ونحنا نتفرج اليوم كلو في الافيال الضخمة دي قبال ما نمشي الخرطوم ونشوفها في جنينة النزهة .. طرينا صيد السمك بالجبادة والرماي والصريمة .. طرينا ود الفتلي في نص البحر في لستكو ونحنا نتغالت يا ربي ده عود ولا عبد الغفار .. طرينا الجزيرة لما البحر انقفل سنة 64ومشينا بي كرعينا قطعنا البطيخ والعجور
بعد سلام وحبابك بدر الدين عيونه فعلا بترحل مع الموج والمراكب الشاقة البحر والجناين بي هناك والجزيرة ومباني المدرسة (حنتوب الجميلة) وحدود اللوحة وملامحها وخطوطها وألوانها
لحدي ما يصحيه ابوسفروق بالقهوة البتسطل (سطلة حلال)
ولنا عودة

حباب الفنان المن شوفتووو طولنا نهواء ما زلنا
ياسلام عليك يابدرالدين اى عليك الله عود بينا لى
لليل الفرح وداوى القليب الانجرح ..عود لنا بالايام
الخوالى خلى الشباب اعرفه سيرة ست المدائن
منتظرنك يالحبيب جنب القيفه ...
وياحليل ود الفتلى وشجر الزونيه وصيد السمك
وحنتوب الجميله ...

نزار حسن محمد

04-02-2008, 09:28 PM

عاد يابدرالدين النبي فيك كان تقولينا قصيده من بيت الكلاوي وحاة شيخي خرمان لمدني جنس خرمه بس اسكت ساااااااااااااااااااااااااااي

وانا كمان معاك ياود الطاهر

نزار حسن محمد

04-02-2008, 09:34 PM

ووب علي كان كدة يا ود حسن الله يستر من صعود الرجال ويا مدنية كدي وريني
فوائد شاي الحليب بالنهار عليك الله ما تقصري علشان لما استلم شغلي اكون
مستعدة انشاءلله وعارفة تب كل شيء..

ياريانيه ..انتى علمى مدنيه تعمل الكابتشينو ولا اعمل ليها فيزاء
صدقنى بتعلمك المحن ..وتعالى ساعدى اختك مدناويه قربت تجن من
كترة الطلبات كمان شربت ليها ببسى دايت عمل ليها كوفاره...
عارفك ماعارفه كوفاره دى شنوا كدى اسالى عمك
ود تابر قاعد هناك بوريك
الكوفاره بس الله يستر ما يكون سافى

نزار حسن محمد

04-02-2008, 09:39 PM

الجماعة ديل لو جابوا ليك البستى كولا
عليك الله ما تنسى أخوك
أديني بقة نضوق معاك.

حباب شاشوق
البستى يابوووى مكسور بشين مر ..
مدناويه كبت فوقه جبنه قالت تعمل توازن مع الباسطه
والنبى فيك ياشاشوق كان ما تنادى لنا معاك ود الماحى
خلى اجى اشوف طبلية ود المطامير بتاعت التمباك

نزار حسن محمد

04-02-2008, 09:45 PM

ماشاء الله..... ماشاء الله عيني باااااااااارده
والله يا أخوي نزار راكوبتك دي ما أظنها تشيل الناس ديل
شوفلك زيادة حصيرات النوسعه شوية
يازول الناس ماكتروا تب

اى والله صدقت يانهرو ..
رسلنا الجنى المطوفش ود المطامير امشى اجيب لنا حصيرات
لكن انا عارف لازم امشى اقف جنب بوابه المستشفى اعاين
ساعه ساعتين حتان اجى ..ما مطوفش نسوى شنوا
الشكيه لابدن قويه

ريانية

04-02-2008, 09:46 PM

ياريانيه ..انتى علمى مدنيه تعمل الكابتشينو ولا اعمل ليها فيزاء
صدقنى بتعلمك المحن ..وتعالى ساعدى اختك مدناويه قربت تجن من
كترة الطلبات كمان شربت ليها ببسى دايت عمل ليها كوفاره...

كر عليك يا مدناوية سجمي والله ما ساعدتك في الطلبات ما تكثري من
الدايت..

ريانية

04-02-2008, 09:48 PM

عارفك ماعارفه كوفاره دى شنوا كدى اسالى عمك
ود تابر قاعد هناك بوريك
الكوفاره بس الله يستر ما يكون سافى

يا ود تابر كدي قولي معنى كوفارة شنو والله انا زي الاطرش في الزفة بس سريع الحقني بالاجابة.

نزار حسن محمد

04-02-2008, 09:51 PM

الحبيب ود حسن

مالك يا جنا عشاي سمعتو ولا جابوه ليك

ما بترسل لي مالك ؟ ؟ ؟ ؟

انا اول ما شفت الراكوبة و اللمة قايلو صيوان بكا اتحزمت و كشحت ليك الناس بالفاتحة الغريبة مافي زول قام على تب إلا الجنا ود المطامير جراني على طرف كدي و قال لي دي راكوبة ود حسن الجديدة بجربوا فيها ... قلت ليه كان كدي فاتحتي ما ضربت الواطة :confused::confused: بس امانة غزها في الشعبة فوق كان اي واحد من الحبان احتاج ليها اديها ليهو باقي انتو يا كافي البلاء و حايد المحن كان حصل شي اصلكم ما بتكلمو زول

ها ناس ها سلام يا الجوة ما دام المسعلة لمة و قرقرابة ادوني كباية جردقة و لا حرجل ، مدناوية ما تقولي لي ما بتعرفي الشـــــــيييح :confused:؟

اتلومت تب معاك يالحبيب ..
اشهد الله انا اقول فى حاجه ناقصه لى ...
سامحنى يالغالى ..وحرآآآم الركوبه بلاك
خربانه ..
كــــــــــدى تعال انجمه من المشوار
هوووى يا ريانيه جيبى قهوه لى عمك
ابوعلا ..الزول ده شاعر اسع بكتب
فيك قصيده ..بس انتى ظبطى القهوه
وشوفى بى عينك ..
حبابك ..ياضوء القبيله حباب
ابوعــــــــــــــــــــلا

نزار حسن محمد

04-02-2008, 09:55 PM

والله الراكوبة عاااااااااااامرة
لكن يا ود حسن الراكوبة كان لقت ليها قعدت كوتشنة تكون خلصت
لكن ود الطاهر دا سكينو حنشوفه بتين لحدي اسه ما شوفنها

يا ود السر لكن العتوت ما انسرق ..كدى اخشى معاك السوق المركزى شوف
مايكون ود المطامير ولا ابو النور قاعدين ابيعو فيه ..

نزار حسن محمد

04-02-2008, 09:59 PM

ظاهر عليك يا نزار ومعاك ود المطامير انكم تربية حبوبات ارجو ان تجيبوا على سؤالي هذا ؟
الفرق بين ضل الشتاء وضل الصيف
وضل الضحوية وضل الساعة 2 ؟؟؟

ابوصفاء ..
صدقت والله تربيت حبوبات من الساس للراس
كدى اول فى التبادى هاك اشرب الجبنه دى
وكان لى ضل الشتاء ده يابوى باردا بالحيل
اما ضل الصيف حيث الهمبريب فى العنقريب الهبابى
اما ضل الضحويه يالحبيب قصير وبفوت بسرعه
وضل الساعه 2..لو رشت الرمله بالمويه ما بتسوى التكتح

صلاح ودالطاهر

04-02-2008, 10:03 PM

تعرف يودحسن زولك داك عرفتو زول الاكس كمل الباقي الله يكضب الشينه ما بعرفوا مالوا كدي بجيك برواقه

نزار حسن محمد

04-02-2008, 10:04 PM

والله يا ود المطاريش خليتنا نشك في نفسنا ونقول
يا ربي الإشراف دا فيهو إمتيازات ولا شنو ؟
من ما جيت راجع يا ود المطاريش ما عندك كلام غير الإشراف
بس أعمى ومسكو العكاز ، طلع جديد سكسك العبيد
خلاص يا ود المطاريش نكلم أبسفروق يعملك مشرف على الراكوبة
كان همك يبرد وتبطل البتقول فيهو دا

والله يامحمد نور صدقت الجنى ده طوفش عدددديل
وبقى ذى طارق بتاع استديو الساعه
اكورك النهار كلو هوووى يا ...؟؟؟
لكن خلاص لك على اسلمه الراكوبه والخوف
الحقا امات طـــــــــــــــه

نزار حسن محمد

04-02-2008, 10:10 PM

ابوحميد يااخوي ماتزعل الراكوبه دى امم متحده العندو مشكله كلو اجي اقولها فيها ولايهمك .
بالمناسبة ماتجى تعمل ليك كشك سجاير فى كورنة الراكوبة دى وياحبذا لو كان البيع بالسيجارة سيجارة صدقنى حاتجيب زباين زى الرز بمناسبة الرز دى
امس جبت لي شوال رز لزوم الفته بتاعت العتوت بعد ما اخدت نفسي قلت كدى النشوف العتوت ده مالو مابكورك
انقروا الحصل شنو ؟
مشيت لقيت العتوت مافي والغريبه الحبل الكان مربوط بيه قاعد !
اكون ياربي مشى اجيب قش ؟
وللا بفتش ليه فى تلج ؟

شاعرنا الحبيب ..انت سويت العليك وزياده لكن نسوى شنوا
بالله العتوت كان انطط ساى علا انا خايف من الجنيات الكانو
قاعدين بى هنا جنب الطبليه بتاعت ود المطامير اكونه قالوو ليه
بنديك خمساتشر جنيه ...انت بس فك العتوت ..
غايتو انا ما بخلى الجنى ده بزرزرو لك
تعال عندنا ديك رومى بنضبح لك بسكين ودالطاهر
قال سنينه كدى النشوف السنينه دى ...

ريانية

04-02-2008, 10:12 PM

يا اخوي ود حسن عدد لي الوظائف اللي عندك وعدد الوظائف
الشاغرة منها..

نزار حسن محمد

04-02-2008, 10:12 PM

عووووك آآآآآآآآآ الاخدر
انا بسويلي كشك الليل ليمون جنب راكوبتك دي

... هي هي هي بديك النص بعدين ...

تم التصديق بس انت تعال وما تتاخر

نزار حسن محمد

04-02-2008, 10:14 PM

http://wadmadani.com/vb/image.php?u=5929&type=sigpic&dateline=1202036159

مدناوية يا اختي الراس مالو انبعج كدة يا حولااااا :confused:
الحاصل شنو؟

ما شربت دايت يابراهوته ..انت ماعارف ولاشنوا

نزار حسن محمد

04-02-2008, 10:16 PM

كر عليك يا مدناوية سجمي والله ما ساعدتك في الطلبات ما تكثري من
الدايت..

مش كدى ..انا زاتى قولة ليها كدى اسع عليك الله شوفى رقبتها بقت كيف

نزار حسن محمد

04-02-2008, 10:22 PM

يا ود تابر كدي قولي معنى كوفارة شنو والله انا زي الاطرش في الزفة بس سريع الحقني بالاجابة.

خلاص والله حنت عليك الكوفاره دى الطمام..ولها معانى كثيره انت بس شيلى الصبر من الراكوبه دى بتبقى من اهل العوض ..ما تقولى لى منو اهل العوض ديل كمان

نزار حسن محمد

04-02-2008, 10:26 PM

تعرف يودحسن زولك داك عرفتو زول الاكس كمل الباقي الله يكضب الشينه ما بعرفوا مالوا كدي بجيك برواقه

اى ياخوى ود الطاهر عرفته تب
اصلوا اليومين ديل الكدايس سمهم فاير
بتكون المفراكه مدوره ..والله يسترنا ..:confused:

نزار حسن محمد

04-02-2008, 10:30 PM

يا اخوي ود حسن عدد لي الوظائف اللي عندك وعدد الوظائف
الشاغرة منها..

اصبر على شويه اجيب الدفتر ..من راس الراكوبه .. ونديك الاكيده

ريانية

04-02-2008, 10:32 PM

ما تقولى لى منو اهل العوض ديل كمان

اهل العوض بعرفها بس انتوا الكلمات اللي ما بعرف معناتها
اتشطروا وعلموني ليها بس ما تكونوا تاكلني في الحيطة وترموا طوبتي..

نزار حسن محمد

04-02-2008, 10:48 PM

اهل العوض بعرفها بس انتوا الكلمات اللي ما بعرف معناتها
اتشطروا وعلموني ليها بس ما تكونوا تاكلني في الحيطة وترموا طوبتي..

حاشا وكلا ..
نرمى طوبتك ليه ..انتى هينه ولا لينه ..
ياكى حقتنا وبتنا نعلمك كل كبيره وصقيره ..
بس انتى شيل الصبر ..
اسع اعمامك جاين انت بس هبى النار للقهوه

صلاح ودالطاهر

04-02-2008, 10:56 PM

اهل العوض بعرفها بس انتوا الكلمات اللي ما بعرف معناتها
اتشطروا وعلموني ليها بس ما تكونوا تاكلني في الحيطة وترموا طوبتي..

انت يابت امي كدي اديني الحرجل والمحريب وكدي شوف عند عمك نزار كان عندو طينة ودالطريفي نفك الكوفاره .................. واها اسعلك انت قصة الطوب مع الحريم شنو بالله الواحد وكت تركب معه مره الناس تقو ل ليك خت طوبه اها العلاقه بين النسوان والطوب شنو غير الفليك

نزار حسن محمد

04-02-2008, 11:15 PM

انت يابت امي كدي اديني الحرجل والمحريب وكدي شوف عند عمك نزار كان عندو طينة ودالطريفي نفك الكوفاره .................. واها اسعلك انت قصة الطوب مع الحريم شنو بالله الواحد وكت تركب معه مره الناس تقو ل ليك خت طوبه اها العلاقه بين النسوان والطوب شنو غير الفليك

يا ابوعلا ..تلحقنا وتنجدنا ..

saleh farah

04-02-2008, 11:40 PM

ودحسن يا اخوي ابشر العتوت لقيناهو فى سوق الحرامية ظاهر عليه كان ماشى المسرح

عثمان جلالة

04-02-2008, 11:50 PM

انت يابت امي كدي اديني الحرجل والمحريب وكدي شوف عند عمك نزار كان عندو طينة ودالطريفي نفك الكوفاره .................. واها اسعلك انت قصة الطوب مع الحريم شنو بالله الواحد وكت تركب معه مره الناس تقو ل ليك خت طوبه اها العلاقه بين النسوان والطوب شنو غير الفليك

النقول أنا يا ود الطاهر العلاقة بين الطوب والحريم علاقه أصيلة ... بعامل أنك بتطب ساكت في الحالتين ... نشرح أكتر ... الطوبه لو كانت زي طوب زمان ... بعد ضربتها بتطب ساكت .. ومغمى عليك ... والحرمه كان بقت تمام بتطيب ليك خاطرك .. وجروحك ... وبتطب ساكت من الألفه ...:p والله لا يرميك في طوبه من طوب الزمن ده ... ولا حرمه ما تمام ... صدقني العواقب بتكون وخيمه:D

نزار حسن محمد

04-02-2008, 11:52 PM

ودحسن يا اخوي ابشر العتوت لقيناهو فى سوق الحرامية ظاهر عليه كان ماشى المسرح

بركه يابوى ..الجمعت وحمدالله على السلامه اتهمنا الجنيات ساكت الله يلعن ابليس
عوووووك هووووى يا ود الطاهر سكينك سنينه ؟؟؟تعال بى هنا اضبح ..انا ماشى الملجه اجيب سلطه ودكــــــــــــوه ..

نزار حسن محمد

04-02-2008, 11:56 PM

النقول أنا يا ود الطاهر العلاقة بين الطوب والحريم علاقه أصيلة ... بعامل أنك بتطب ساكت في الحالتين ... نشرح أكتر ... الطوبه لو كانت زي طوب زمان ... بعد ضربتها بتطب ساكت .. ومغمى عليك ... والحرمه كان بقت تمام بتطيب ليك خاطرك .. وجروحك ... وبتطب ساكت من الألفه ...:p والله لا يرميك في طوبه من طوب الزمن ده ... ولا حرمه ما تمام ... صدقني العواقب بتكون وخيمه:D

اى والله يا ابوعفان صدقت تب والعجب لو مرتك دكتوره :eek::confused::eek:
والليله ..والليله ..بصات ابورجيله ..سواقه زولا صالح وطاهر

ريانية

05-02-2008, 12:06 AM

انت يابت امي كدي اديني الحرجل والمحريب وكدي شوف عند عمك نزار كان عندو طينة ودالطريفي نفك الكوفاره .................. واها اسعلك انت قصة الطوب مع الحريم شنو بالله الواحد وكت تركب معه مره الناس تقو ل ليك خت طوبه اها العلاقه بين النسوان والطوب شنو غير الفليك

طيب يا ود الطاهر الحرجل دايرو كيف وطلباتك اوامر..
يا اخوي نزار عندك طينة يفكوا بيها الكوفارة
والله بارك الله فيك يا نزار وريتني معنى الكوفارة وكثر خيرك هسي بقيت اتعامل معاكم
تمام والله مافي اي حكاية بس في ناس بيرموا طوبة النسوان وبيخلوهم.. يا نزار انت وين مدناوية اختفت الليلة ما دخلت؟؟؟

عثمان جلالة

05-02-2008, 12:08 AM

والله جبنة مدناوية على بتيخة ود النور .. على الدايت بتاع الأدمن ... عملت عمايل ... وانا بدور أعرض صقريه ... ريانيه بتعرفي الصقريه ... بى العراقي والسديري ... وكمان كان لقيت لي واحد يباطني في الراكوبه دي ... أنا جاهز للبطان ... هع أنا أخو البنات ... أنا عشا البايتات ... أنا ود أم تريبات أبشرن بالخير :cool:

ريانية

05-02-2008, 12:12 AM

ودحسن يا اخوي ابشر العتوت لقيناهو فى سوق الحرامية ظاهر عليه كان ماشى المسرح

هههههههههههههههههههه كويس ان ما اتذبح, حا اساعدكم فيه يا مسكته ليكم
ولا ذبحته معاكم يالله هسي حا اشمر علشان ما اتوسخ..:D:p:D

نزار حسن محمد

05-02-2008, 12:13 AM

طيب يا ود الطاهر الحرجل دايرو كيف وطلباتك اوامر..
يا اخوي نزار عندك طينة يفكوا بيها الكوفارة
والله بارك الله فيك يا نزار وريتني معنى الكوفارة وكثر خيرك هسي بقيت اتعامل معاكم
تمام والله مافي اي حكاية بس في ناس بيرموا طوبة النسوان وبيخلوهم.. يا نزار انت وين مدناوية اختفت الليلة ما دخلت؟؟؟

هى انتى ما عرفتى :confused:
عندها كوفاره من الدايت

نزار حسن محمد

05-02-2008, 12:18 AM

والله جبنة مدناوية على بتيخة ود النور .. على الدايت بتاع الأدمن ... عملت عمايل ... وانا بدور أعرض صقريه ... ريانيه بتعرفي الصقريه ... بى العراقي والسديري ... وكمان كان لقيت لي واحد يباطني في الراكوبه دي ... أنا جاهز للبطان ... هع أنا أخو البنات ... أنا عشا البايتات ... أنا ود أم تريبات أبشرن بالخير :cool:

اجازى محنك ياود جادالله ..كدى عليك شوف لنا الجناه ده وين ودام تريبات مايكون مشى اعوم فى الترعه الجنى بدور اعرس والترعه مليانه غراميط ام شنبات..شوفوو وين خلى اجى اتونس معنا واشرب ليه فنجان قهوه من ايد ريانيه ..
واتأ..اخبار سوق العيش شنوا ..شايف جزلانك.. تقيل ..مايكونن حجر بطاريه

ريانية

05-02-2008, 12:19 AM

والله جبنة مدناوية على بتيخة ود النور .. على الدايت بتاع الأدمن ... عملت عمايل ... وانا بدور أعرض صقريه ... ريانيه بتعرفي الصقريه ... بى العراقي والسديري ... وكمان كان لقيت لي واحد يباطني في الراكوبه دي ... أنا جاهز للبطان ... هع أنا أخو البنات ... أنا عشا البايتات ... أنا ود أم تريبات أبشرن بالخير :cool:

اهلين يا يا ود جلالة انت بتفتش على واحد يباطنك انشاءلله تلقى لي ما تسأل نزار
يمشي يلبس العراقي والسديري ويرقص والله عاوزة اشوف منظركم وانتوا بترقصوا
يا ريت تعملوا فيديو تصوروا روحكم وانتوا بترقصوا..هع هع... :p :o :p

ريانية

05-02-2008, 12:25 AM

اجى اتونس معنا واشرب ليه فنجان قهوه من ايد ريانيه ..
واتأ..اخبار سوق العيش شنوا ..شايف جزلانك.. تقيل ..مايكونن حجر بطاريه

القهوة حارة جبتها عملتها ليك مضبوطة تنفعك انشاءلله يا ود امي وكان
داير شاي سادة ولا شاي بحليب اطلبوافا عليك بس.. :o ;) :)

نزار حسن محمد

05-02-2008, 12:27 AM

اهلين يا يا ود جلالة انت بتفتش على واحد يباطنك انشاءلله تلقى لي ما تسأل نزار
يمشي يلبس العراقي والسديري ويرقص والله عاوزة اشوف منظركم وانتوا بترقصوا
يا ريت تعملوا فيديو تصوروا روحكم وانتوا بترقصوا..هع هع... :p :o :p

اصبرى شويه اسع ود المطامير بجيك بالسديرى والعراقى ..
غايتو انا زول غناء ساكت بس بعاين بعيونى..
اخواتى البنات الجرى ده ما حقى
حقى المشنقه والمدفع السكلى
حقى المشنقه والمدفع السكلى
حالف باليمين اعز بنات اهلى
مصيبت البجرى ..اثبت ياودجادالله
كما ثبت الزاكى طمل...

حسن سادة

05-02-2008, 12:30 AM

جيناكم يا ناس نزار بعد غربة وشوق نغالب فيه ويغالبنا
وأصلوا الولف قتال
جيناكم عشان تاه الفرح من دارنا وإنتو فرحنا
جيناكم عشان نتلاقى معاكم في الرملة الدقاقة
" وسماحة الدنيا نتلاقي ،،،
بعد فرقة وشتات ونوي ،،،
ونقعد مع بعض لحظات ،،،
ونتشايل همومنا سوي ،،،
ونضحك في الزمان الشين ،،،
لانه الضحكة ذاتها دواء ،.،.، "
" ونحن اهل الفرحه جينا
لاالمدامع وقفتنا ولا الحكايات الحزينه
لما درب الرايحه جابنا جابنا في هادى الراكوبة
فوا حباب عينكم حبابها
وا حبابك وا حباب عينيك حبابا
تسقي ريقي الظامي بي قطرة سحابه
وابقى فارس من جبيني تشع مهابه
من ضراعي الريد بقطّر والعشق مكتوب كتابه
يعني ايه الدنيا يا شمس الضحى
مالسنين يا غاليه بكره مروّحه
والعمر ايامو بتوالن رحى
الا في يوم سكتك ما بنبرحا
بالزهور والطيبه نحنا نوشحا "

ووينك يا نزار ووين جبنتك اللي ريحتها فايحة
والله أقول ليك خذ إنت جبنتك في الأول وأديني بعدين
عشان إنت المهم
"
انت المهم الناس جميع ما تهمني
انت العزيز افرد شراعك ضمني
خايف تفوت والسكه بيك ما تلمني
انت الوداد
نبض الفؤاد
بستان نضير
وصفا وعبير "

أهلاً بكل الحبايب في ضل الراكوبة العامرة دي

عثمان جلالة

05-02-2008, 12:32 AM

اجازى محنك ياود جادالله ..كدى عليك شوف لنا الجناه ده وين ودام تريبات مايكون مشى اعوم فى الترعه الجنى بدور اعرس والترعه مليانه غراميط ام شنبات..شوفوو وين خلى اجى اتونس معنا واشرب ليه فنجان قهوه من ايد ريانيه ..
واتأ..اخبار سوق العيش شنوا ..شايف جزلانك.. تقيل ..مايكونن حجر بطاريه

,]ود أم تريبات :p أسألني منو انا من أسي شيلوهو القفه ... الحال دي ... مع وقف التنفيذ ... لقيتو ليك في السوق المركزي ... وحاة الله القفه ما قادر يشيلها قال نعمل شنو مع المسئوليات .. لكن بجي بعد ما يرفع التمام لى وزارة الداخليه ... :D

ريانية

05-02-2008, 12:39 AM

اصبرى شويه اسع ود المطامير بجيك بالسديرى والعراقى ..
غايتو انا زول غناء ساكت بس بعاين بعيونى..

ياود المطامير وينك يالله تعال علشان نشوفك مع ود جلالة ترقصوا..
طيب يا ود حسن ادينا غنية سمحة كدة اطربنا بيها بعد القهوة اللي شربتها.. :D

نزار حسن محمد

05-02-2008, 12:41 AM

جيناكم يا ناس نزار بعد غربة وشوق نغالب فيه ويغالبنا
وأصلوا الولف قتال
جيناكم عشان تاه الفرح من دارنا وإنتو فرحنا
جيناكم عشان نتلاقى معاكم في الرملة الدقاقة
" وسماحة الدنيا نتلاقي ،،،
بعد فرقة وشتات ونوي ،،،
ونقعد مع بعض لحظات ،،،
ونتشايل همومنا سوي ،،،
ونضحك في الزمان الشين ،،،
لانه الضحكة ذاتها دواء ،.،.، "
" ونحن اهل الفرحه جينا
لاالمدامع وقفتنا ولا الحكايات الحزينه
لما درب الرايحه جابنا جابنا في هادى الراكوبة
فوا حباب عينكم حبابها
وا حبابك وا حباب عينيك حبابا
تسقي ريقي الظامي بي قطرة سحابه
وابقى فارس من جبيني تشع مهابه
من ضراعي الريد بقطّر والعشق مكتوب كتابه
يعني ايه الدنيا يا شمس الضحى
مالسنين يا غاليه بكره مروّحه
والعمر ايامو بتوالن رحى
الا في يوم سكتك ما بنبرحا
بالزهور والطيبه نحنا نوشحا "

ووينك يا نزار ووين جبنتك اللي ريحتها فايحة
والله أقول ليك خذ إنت جبنتك في الأول وأديني بعدين
عشان إنت المهم
"
انت المهم الناس جميع ما تهمني
انت العزيز افرد شراعك ضمني
خايف تفوت والسكه بيك ما تلمني
انت الوداد
نبض الفؤاد
بستان نضير
وصفا وعبير "

أهلاً بكل الحبايب في ضل الراكوبة العامرة دي

ذغرتن يابنات الحبيب حسن ساده جاكم
من يلاد بعيد شايل معه فرح السنين
والاماسى الحلوه بى عبير الكلاكلات
لك وحشه ياغالى
قرب تعال ما تبتعد
وادخل لى جوه
بتنا ريانيه الليله متحزمه ومتلزمه تسوى لك بى ادينا شاى
وحالبالاك ضراع الليل .. وما ممكن تخليك من غير التنى
والتالت والرابع من القهوه البتساوى الدنيا بى حاله
والله نورت وشرفت يالحبيب الغالى ..
بى جيتك اديتنا حماس وحواس ويغين اتفضل جاى
اللحظه معاك بتساوى سنين وسنين

هشام السماني إبراهيم

05-02-2008, 01:24 AM

نزار الحبيب

كدي ياخوي وريني نظام الراكوبة دي كيفن

ويني قهوتكم

وضيافتكم

قالو اول مرة ملح ((مجانا)) الكلام دا صح

النور محمد يوسف

05-02-2008, 02:23 AM

نزار العزيز .....قلت ليك جائيك

آههها جيت....بديت معاك من الأول "طبعا مبروك الراكوبة"....وماشي معاك كويس ....سودانيين بلهجتنا..... من تمعط الحصان....مرورا بمضايرة ودالمطامير من المصريين كانهم طالبنو فلوس...والتلفزيون ...ممكن اشارك في المسابقة....ومعروف وزولو القال "على الطلاق البشحدني سفة من الكيس دا ما عندو عرض ....وكيسين تمباك وواحد كيس خبز.... وكيتة ودالطاهر....والادمن وعنقريب 7 شنكل ...وابوعلا وشيل الفاتحة ومفيش واحد ههبوا ليهو...وعلاقة النسوان بالطوب ...الا الفليك.....

كلو ماش تمام ...لكن البنت ريانية دي .....مالكم عليها ...جاتكم عديلة ......بديتو معاها شوية شوية .....من كر....وسجمي والكوفاراا .......ونحن القايلين بتعلم لينا مدناوية الكفتشينو .....تقوموا في النهاية تعوجو لينا لسانها وتخلوها تلوك في الطين

يا جماعة ....خلو لينا حاجة سمحة ....... قومي يابت بعد شوية بقولوا ليك وسِّري لينا الكراب داك...... وتبقي ما تعرفي الفرق بين مااال ومول

تخريمة :
مدناوية ممكن اتسلف منك رقبتك دي واشوف كان في واحد من الجماعة ديل يسلفني قريشات...لحاق بعيد ...اصلي مزنوووووق......لكن بالجد بتعققققققـد

ريانية

05-02-2008, 04:21 AM

نزار الحبيب

كدي ياخوي وريني نظام الراكوبة دي كيفن

ويني قهوتكم

وضيافتكم

قالو اول مرة ملح ((مجانا)) الكلام دا صح

حبابك يا هشام في راكوبة الضحوية القهوة عملتها ليك مضبوطة تب
وما في مشكلة فيها بس شوف اذا اول مرة ملح المرة الثانية شوف راي المدير :p

ريانية

05-02-2008, 04:30 AM

نزار العزيز .....قلت ليك جائيك

آههها جيت....بديت معاك من الأول "طبعا مبروك الراكوبة"....وماشي معاك كويس ....سودانيين بلهجتنا..... من تمعط الحصان....مرورا بمضايرة ودالمطامير من المصريين كانهم طالبنو فلوس...والتلفزيون ...ممكن اشارك في المسابقة....ومعروف وزولو القال "على الطلاق البشحدني سفة من الكيس دا ما عندو عرض ....وكيسين تمباك وواحد كيس خبز.... وكيتة ودالطاهر....والادمن وعنقريب 7 شنكل ...وابوعلا وشيل الفاتحة ومفيش واحد ههبوا ليهو...وعلاقة النسوان بالطوب ...الا الفليك.....

كلو ماش تمام ...لكن البنت ريانية دي .....مالكم عليها ...جاتكم عديلة ......بديتو معاها شوية شوية .....من كر....وسجمي والكوفاراا .......ونحن القايلين بتعلم لينا مدناوية الكفتشينو .....تقوموا في النهاية تعوجو لينا لسانها وتخلوها تلوك في الطين

يا جماعة ....خلو لينا حاجة سمحة ....... قومي يابت بعد شوية بقولوا ليك وسِّري لينا الكراب داك...... وتبقي ما تعرفي الفرق بين مااال ومول

تخريمة :
مدناوية ممكن اتسلف منك رقبتك دي واشوف كان في واحد من الجماعة ديل يسلفني قريشات...لحاق بعيد ...اصلي مزنوووووق......لكن بالجد بتعققققققـد

اولا حبابك عشرة يا النور في راكوبة الضحوية.. والاخ نزار ما قصر وراني معنى
الكوفار بس كر وسجمي انا الكلمات د بعرفه ومدناوية كان دارت بوريها الكبتشينو
ودايرنا نضيفك بشنو اختار وانا بلبي اختيارك..

بنت الرفاعي

05-02-2008, 04:41 AM

والله ماشاءالله قلتوا لي عملتوا راكوبة وماخالين كلمة سودانية بالله ريانية دي أي كلمة صعبة أدوها ليها طوالي ، بالمناسبة دي عايزة أسألكم من أبو رجاء وين مختفي ولا أنا علشان طولت ؟؟!!!

ريانية

05-02-2008, 04:43 AM

يا اخوي ود الحسن الليلة مرام دخلت المنتدى ويا ريت توريها الحاصل شنو
ومن هسي حبابك في راكوبة ود الحسن اللي ماشاءلله الزوار ما مخلينها هم في زيارة
دوما ياريت تكوني وحدة من الزوار يا مرام واطلبي دايرة شنو دايرة شاي بحليب
ولا قهوة تعدل مزاجك ولا شاي سادة ولا اقول ليكِ اجيب ليكِ بيبسي دايت علشان
يسوي اللي سواه في مدناوية يعمل ليكِ كوفار انتي يالله اطلبي وانتي ما عارفة انا
ومدناوية بنشتغل في الراكوبة دي بس هسي مدناوية من ما شربت الدايت ما دخلت..

بنت الرفاعي

05-02-2008, 06:22 AM

دايت شنو وبيبسي شنو يا يابتي ؟؟!!! نحن ناس شاي وقهوة ولو دايرة تضيفيني بحاجة باردة بس لوسمحتي يا آبري أو كركدي قال دايت قال!!!!!!:confused::eek::D:D:D

ريانية

05-02-2008, 06:49 AM

دايت شنو وبيبسي شنو يا يابتي ؟؟!!! نحن ناس شاي وقهوة ولو دايرة تضيفيني بحاجة باردة بس لوسمحتي يا آبري أو كركدي قال دايت قال!!!!!!:confused::eek::D:D:D

ابريه حا اجيبه ليك انشاءلله بعملوا وبضبطوا ليكِ عديل كدة وانتي كل العليك
انك تشربيه بس من لقافتي ليه الدايت ما داراهو بيعمل ليكِ.................؟!!
وبعديها حا اجيب ليكِ الشاي.. :D :p ;)

moh_alnour

05-02-2008, 03:35 PM

والله جبنة مدناوية على بتيخة ود النور .. على الدايت بتاع الأدمن ... عملت عمايل ... وانا بدور أعرض صقريه ... ريانيه بتعرفي الصقريه ... بى العراقي والسديري ... وكمان كان لقيت لي واحد يباطني في الراكوبه دي ... أنا جاهز للبطان ... هع أنا أخو البنات ... أنا عشا البايتات ... أنا ود أم تريبات أبشرن بالخير :cool:

وكت جابت ليها عرضة وبُطان
معناها كلام أبسفروق صاح ، الدايت دا مكسور بي شيء مر
بالله ما في زول واعي تتونس معاهو
الراكوبة كلها لط إلا خط

نزار حسن محمد

05-02-2008, 08:39 PM

نزار الحبيب

كدي ياخوي وريني نظام الراكوبة دي كيفن

ويني قهوتكم

وضيافتكم

قالو اول مرة ملح ((مجانا)) الكلام دا صح

حباب العريس حباب دووم
يابوى ..انت تعال بالعندك مفيش مشكله
وبتنا ريانيه بتسندك مفيش مشكله
قهوتك كيف ..تدلال

نزار حسن محمد

05-02-2008, 08:49 PM

نزار العزيز .....قلت ليك جائيك

آههها جيت....بديت معاك من الأول "طبعا مبروك الراكوبة"....وماشي معاك كويس ....سودانيين بلهجتنا..... من تمعط الحصان....مرورا بمضايرة ودالمطامير من المصريين كانهم طالبنو فلوس...والتلفزيون ...ممكن اشارك في المسابقة....ومعروف وزولو القال "على الطلاق البشحدني سفة من الكيس دا ما عندو عرض ....وكيسين تمباك وواحد كيس خبز.... وكيتة ودالطاهر....والادمن وعنقريب 7 شنكل ...وابوعلا وشيل الفاتحة ومفيش واحد ههبوا ليهو...وعلاقة النسوان بالطوب ...الا الفليك.....

كلو ماش تمام ...لكن البنت ريانية دي .....مالكم عليها ...جاتكم عديلة ......بديتو معاها شوية شوية .....من كر....وسجمي والكوفاراا .......ونحن القايلين بتعلم لينا مدناوية الكفتشينو .....تقوموا في النهاية تعوجو لينا لسانها وتخلوها تلوك في الطين

يا جماعة ....خلو لينا حاجة سمحة ....... قومي يابت بعد شوية بقولوا ليك وسِّري لينا الكراب داك...... وتبقي ما تعرفي الفرق بين مااال ومول

تخريمة :
مدناوية ممكن اتسلف منك رقبتك دي واشوف كان في واحد من الجماعة ديل يسلفني قريشات...لحاق بعيد ...اصلي مزنوووووق......لكن بالجد بتعققققققـد

النور محمد يوسف شخصيا عندنا ياهلا ومليون مرحبا
نورت ياغالى جتنا وفيك ملامحنا ..ادخل لى جــــوه يالحبيب
هووووى يابنات بالله قهوه خاصه مع بخور تيمان عشان العين
ازيك ياستاذ وكيفنك ..جت فى وقتك اليوم ضابحين عتوت وانا
دى جيتى من السوق جبت السلطه والدكوه ...وماشاءالله عليها
بتنا ريانيه ..يازول دى طلعت بنيه نجيضه بالحيل ...وسريعة الفهم
ربنا يحفظه لنا ..وبتنا مدناويه ليه كم يوم كدى غايبه الله اجازى الدايت!!
ياستاذ ..حرآآآآم انت تامر بس من الف لى مليون كان ما لقيت اخوانك ساعة الحاره
تانى بتلقاهم وين ..جيبى القهوه ياريانيه خلنى اتونس مع ناس العلم والفهم
شرفتا والله ياستاذ

عثمان جلالة

05-02-2008, 08:53 PM

وكت جابت ليها عرضة وبُطان
معناها كلام أبسفروق صاح ، الدايت دا مكسور بي شيء مر
بالله ما في زول واعي تتونس معاهو
الراكوبة كلها لط إلا خط

هع هع هعععععع حبيبنا ود الجاك ... مكسور ... بالضمة وعلامة ضمه .... اللطه الظاهره على وجوه اهل الراكوبه :p.. كل يغني على ليلاه ... أسي بس أنت اقعد خمسه دقايق ... براااااك بتعقد تدوبي .....

الليلة الصعيد جاب الهبوب مقلوبه ... (قالبه هووبه)
وحلاته القعده ... مع حبنانا في الراكوبه ..... (عقب) :D...

مدناوية

05-02-2008, 08:53 PM

نزار العزيز .....قلت ليك جائيك

آههها جيت....بديت معاك من الأول "طبعا مبروك الراكوبة"....وماشي معاك كويس ....سودانيين بلهجتنا..... من تمعط الحصان....مرورا بمضايرة ودالمطامير من المصريين كانهم طالبنو فلوس...والتلفزيون ...ممكن اشارك في المسابقة....ومعروف وزولو القال "على الطلاق البشحدني سفة من الكيس دا ما عندو عرض ....وكيسين تمباك وواحد كيس خبز.... وكيتة ودالطاهر....والادمن وعنقريب 7 شنكل ...وابوعلا وشيل الفاتحة ومفيش واحد ههبوا ليهو...وعلاقة النسوان بالطوب ...الا الفليك.....

كلو ماش تمام ...لكن البنت ريانية دي .....مالكم عليها ...جاتكم عديلة ......بديتو معاها شوية شوية .....من كر....وسجمي والكوفاراا .......ونحن القايلين بتعلم لينا مدناوية الكفتشينو .....تقوموا في النهاية تعوجو لينا لسانها وتخلوها تلوك في الطين

يا جماعة ....خلو لينا حاجة سمحة ....... قومي يابت بعد شوية بقولوا ليك وسِّري لينا الكراب داك...... وتبقي ما تعرفي الفرق بين مااال ومول

تخريمة :
مدناوية ممكن اتسلف منك رقبتك دي واشوف كان في واحد من الجماعة ديل يسلفني قريشات...لحاق بعيد ...اصلي مزنوووووق......لكن بالجد بتعققققققـد

نجم شهرنا ونجمنا طول السنة

كدي أقعد يابا النجيب ليك الجبنة الماخمج

وخليك من ناس كبتشينو وملك شيك

الرقبة طويلة وزايداني شموخ

القريب والبعيد وللمافي بتشوف

لو أديتك منها حته مابقدر أشوف الفوق الرفوف

وكان على القريشات أمشي لي أب سفروق وما في كسوف

مدناوية

05-02-2008, 08:59 PM

هع هع هعععععع حبيبنا ود الجاك ... مكسور ... بالضمة وعلامة ضمه .... اللطه الظاهره على وجوه اهل الراكوبه :p.. كل يغني على ليلاه ... أسي بس أنت اقعد خمسه دقايق ... براااااك بتعقد تدوبي .....

الليلة الصعيد جاب الهبوب مقلوبه ... (قالبه هووبه)
وحلاته القعده ... مع حبنانا في الراكوبه ..... (عقب) :D...

حبابك ياود جلاله عثمان

القهوة بنقدمها بس للحبان

ومعاها بلح أشكال وألوان

والفواكه راقده لحدي الرمان

وحلاوة دربس ونعناع كيمان كيمان

وبخور لبان وصندل وبخور التيمان

نبخر ناسنا من عين الحاسدين والنسوان

نزار حسن محمد

05-02-2008, 09:00 PM

والله ماشاءالله قلتوا لي عملتوا راكوبة وماخالين كلمة سودانية بالله ريانية دي أي كلمة صعبة أدوها ليها طوالي ، بالمناسبة دي عايزة أسألكم من أبو رجاء وين مختفي ولا أنا علشان طولت ؟؟!!!

حباب ..الذوق... حباب الاصاله حباب مرام
وينك انتى ياغاليه لك كم يوم غايبه ..والا يعنى
عشان جبتى لنا ..المزيونه ريانيه قلتى خلاص
..وماشاءالله على ريانيه ..عينى بارده ما يسحروها
قامت بالواجب وزياده ..اخوانا ابورجاء ..برتب فى
ما..بعد العوده ..وقريبا انشاءالله اظهر وانا سلمته
مفاتيح حوش القرقراب عشان الطير بنى فوقه
البوم سكن جــــوه ..ود المطامير اشتره ليه
كامرى باقى ما بخشاه ..والله نورتى يامرام
تعالى ساعدى اختك ريانيه الليله ضابحين
ومنتظرين ود الطاهر اجيب سكينه واجى
اقعدى اشربى الابرى ..الماخمج..

admin

05-02-2008, 09:01 PM

بركه يابوى ..الجمعت وحمدالله على السلامه اتهمنا الجنيات ساكت الله يلعن ابليس
عوووووك هووووى يا ود الطاهر سكينك سنينه ؟؟؟تعال بى هنا اضبح ..انا ماشى الملجه اجيب سلطه ودكــــــــــــوه ..
انت يا ودحسن عتوت صالح فرح دا هانكوك ولا شنو لغاية حسه ما استوى

والله جبنة مدناوية على بتيخة ود النور .. على الدايت بتاع الأدمن ... عملت عمايل ... وانا بدور أعرض صقريه ... ريانيه بتعرفي الصقريه ... بى العراقي والسديري ... وكمان كان لقيت لي واحد يباطني في الراكوبه دي ... أنا جاهز للبطان ... هع أنا أخو البنات ... أنا عشا البايتات ... أنا ود أم تريبات أبشرن بالخير :cool:
يا زول ما تعملها فيني دا ما دايت الادمن .. دا دايت حاجة تانية الخلاك تعرض في الراكوبة

هى انتى ما عرفتى :confused:
عندها كوفاره من الدايت
كُر

دايت شنو وبيبسي شنو يا يابتي ؟؟!!! نحن ناس شاي وقهوة ولو دايرة تضيفيني بحاجة باردة بس لوسمحتي يا آبري أو كركدي قال دايت قال!!!!!!:confused::eek::D:D:D
خفتي من كوفارة مدناوية ولا من عرضة جلالة :D

وكت جابت ليها عرضة وبُطان
معناها كلام أبسفروق صاح ، الدايت دا مكسور بي شيء مر
بالله ما في زول واعي تتونس معاهو
الراكوبة كلها لط إلا خط
يا جماعة محمد نور دا تاني ما تكبو ليهو .. خلاص كفاهو الجنى تقول بالع بشكير:D

مدناوية

05-02-2008, 09:05 PM

مش كدى ..انا زاتى قولة ليها كدى اسع عليك الله شوفى رقبتها بقت كيف

كلو من ناس كدا

في زول قال عاوز دايت

قلته النجرب الدايت دا يمكن حاجة سمحة

لكن الله يجازيك يا الدايت

وعلى قولة ود النور ،، الدايت أظنو مكسور ليهو بي شيتن كدي مُر ما بعرفو

شربتو منو كباية ،،،، تلاته يوم كل ما أفتح عيني أشوف طشاش أرجع أغمدن تاني

لكن الليلة صِبحت كويسة وقلت النجي عليكم بي جاي

لكن يا الدايت ختيت ليك القدرك

نزار حسن محمد

05-02-2008, 09:11 PM

وكت جابت ليها عرضة وبُطان
معناها كلام أبسفروق صاح ، الدايت دا مكسور بي شيء مر
بالله ما في زول واعي تتونس معاهو
الراكوبة كلها لط إلا خط

عاد نكذب ياود الجاك
اسع عاين هناك الادمن مبارى ابراهيم بى نبلته جنب شجرة الزونيه ..هناك
وابراهيم من الدغش لقايت اسع ما ناش ولا ودبرق واحد ..والادمن كله مره
اديه جقمه من الدايت :confused:

ريانية

05-02-2008, 09:15 PM

..المزيونه ريانيه قلتى خلاص
..وماشاءالله على ريانيه ..عينى بارده ما يسحروها
قامت بالواجب وزياده ..

ما دا الواجب زاتو يا اخوي نزار اللي مفروض اسويه بس
انت عارف والله شغلانة حلوة خلاص ماشاءلله..

ريانية

05-02-2008, 09:18 PM

كلو من ناس كدا

في زول قال عاوز دايت

قلته النجرب الدايت دا يمكن حاجة سمحة

لكن الله يجازيك يا الدايت

وعلى قولة ود النور ،، الدايت أظنو مكسور ليهو بي شيتن كدي مُر ما بعرفو

شربتو منو كباية ،،،، تلاته يوم كل ما أفتح عيني أشوف طشاش أرجع أغمدن تاني

لكن الليلة صِبحت كويسة وقلت النجي عليكم بي جاي

لكن يا الدايت ختيت ليك القدرك

يا هلا والله على الجو والله فقدناك عليك الله يا بنت امي ما تشربي بيبسي دايت
اكان دايرة تشربي عصير ابري ولا كركديه ولافانتا فراولة بس ابعدي من
وجع الراس..

نزار حسن محمد

05-02-2008, 09:19 PM

كلو من ناس كدا

في زول قال عاوز دايت

قلته النجرب الدايت دا يمكن حاجة سمحة

لكن الله يجازيك يا الدايت

وعلى قولة ود النور ،، الدايت أظنو مكسور ليهو بي شيتن كدي مُر ما بعرفو

شربتو منو كباية ،،،، تلاته يوم كل ما أفتح عيني أشوف طشاش أرجع أغمدن تاني

لكن الليلة صِبحت كويسة وقلت النجي عليكم بي جاي

لكن يا الدايت ختيت ليك القدرك

هى حمدالله على السلامه يابت امى
دايت وصابتك..:confused:
الراكوبه كلها تسال وين مدناويه
لكن اختك ريانيه قامت بالواجب
كدى تعالى ..الليله ضيوفنا ..كتار
كلهم..جاين عشان الضبيحه ..
والله يستر العتوت الجابوو
صالح فرح ده ما اشرد تانى
نورتى راكوبتك يالحنينه

مدناوية

05-02-2008, 09:23 PM

يا هلا والله على الجو والله فقدناك عليك الله يا بنت امي ما تشربي بيبسي دايت
اكان دايرة تشربي عصير ابري ولا كركديه ولافانتا فراولة بس ابعدي من
وجع الراس..

الله يجازي البيبسي الدايت يا بت أمي

هو كان بيبسي دايت ما مكسور بالشي المُر دا ،، ما كان جاتنا حاجة

لكن تاني كركدي وأبري سااااااااااي

هوي هسي أنا قلته الأرباب
ما كفاية رقبتي القصروها لي بمقص الشجر
كمان يقوم يقبل على لسساني

بري السياسة ما حقتنا

مدناوية

05-02-2008, 09:27 PM

هى حمدالله على السلامه يابت امى
دايت وصابتك..:confused:
الراكوبه كلها تسال وين مدناويه
لكن اختك ريانيه قامت بالواجب
كدى تعالى ..الليله ضيوفنا ..كتار
كلهم..جاين عشان الضبيحه ..
والله يستر العتوت الجابوو
صالح فرح ده ما اشرد تانى
نورتى راكوبتك يالحنينه

حبابو عمي سيد الناس

حبابو البقدم البيبسي بالكاس

والقهوة في راكبتو بتعدل الراس

حبابو الضبح العتوت بالفاس

حبابو البدين وما بسجل في الكراس

وأنا مشمرة وجاهزة لخدمة العتوت
بس كسرو لي الضُلوع وناولوني جاي

الليلة غدا مظبووووووط

ريانية ظبطي الشطة بالدكوة علبال ما يجبو لينا اللحمه للشية والضلوع لأم رقيقة وأنا بطني ضيقة

ريانية

05-02-2008, 09:31 PM

ريانية ظبطي الشطة بالدكوة علبال ما يجبو لينا اللحمه للشية والضلوع لأم رقيقة وأنا بطني ضيقة

الليلة حلاة شطة حتكون بس عاوزة اسألكم منو اللي حا يعمل الشية؟؟؟؟

مدناوية

05-02-2008, 09:33 PM

الليلة حلاة شطة حتكون بس عاوزة اسألكم منو اللي حا يعمل الشية؟؟؟؟

وأنا قاعدة أسوي في شنو يا ريانية

ريانية

05-02-2008, 09:56 PM

وأنا قاعدة أسوي في شنو يا ريانية

كدي يا مدناوية عليك الله ليها لينا شية ما حصلت..

نزار حسن محمد

05-02-2008, 10:36 PM

انت يا ودحسن عتوت صالح فرح دا هانكوك ولا شنو لغاية حسه ما استوى

يا زول ما تعملها فيني دا ما دايت الادمن .. دا دايت حاجة تانية الخلاك تعرض في الراكوبة

كُر

خفتي من كوفارة مدناوية ولا من عرضة جلالة :D

يا جماعة محمد نور دا تاني ما تكبو ليهو .. خلاص كفاهو الجنى تقول بالع بشكير:D

حرآآآم شركته عدددديل ..:D
هوووى ياود الجاك انت القعدك فى صايد بى شنوا
اعمامك ديل بدوره شمومه بس;)

نزار حسن محمد

05-02-2008, 10:44 PM

حبابو عمي سيد الناس

حبابو البقدم البيبسي بالكاس

والقهوة في راكبتو بتعدل الراس

حبابو الضبح العتوت بالفاس

حبابو البدين وما بسجل في الكراس

وأنا مشمرة وجاهزة لخدمة العتوت
بس كسرو لي الضُلوع وناولوني جاي

الليلة غدا مظبووووووط

ريانية ظبطي الشطة بالدكوة علبال ما يجبو لينا اللحمه للشية والضلوع لأم رقيقة وأنا بطني ضيقة

حرآآآآم عفت منك تب يابت اخوووى
الليله من دربك ده تمشى تختارى البعجبك
من سوق الدهب ..والارباب حالف يمين
الحساب عليه ..شوفتى معزتك كيف
..
هووووى يامدناويه ..العتوت ده بعد
ما ضبحناه طلع كيلو ونص ..ومافى طريقه
نكفى الحبان ..كدى شغيلى ليهم شريط
نانسى عجرم ..
حبيبى ارب بص وبص بص..
لقايت ما امشى الجزاره واجى
والجناه ود المطامير ده محل
ما ترسله اغطس فد غطسه
اصبرى لى ليه ..

بورتبيل

05-02-2008, 10:48 PM

ان وردن بيجيك في اول الواردات ****** مرنن مو نشيط ان قبلن صادات

سلام يا ناس هو ي سلام جاااكم
وان ما خاويت ود حسن تب ماني حداكم

صلاح ودالطاهر

05-02-2008, 11:00 PM

ما ضبحناه طلع كيلو ونص ..ومافى طريقه
نكفى الحبان ..كدى شغيلى ليهم شريط
نانسى عجرم ..
حبيبى ارب بص وبص بص..
لقايت ما امشى الجزاره واجى
والجناه ود المطامير ده محل
ما ترسله اغطس فد غطسه
اصبرى لى ليه ..

تعرف يا ودحسن ذكرتني قصة ابكر البيخلي الناس تسلم علي السوق كلو اها عمك ابكر اشترىجباده واشترى ربع كيلو لحمه واشترى بطاطس وباميه وخدره ورجله اصلو عازم جماعه اها خته الاربعه حلل في النار ومسك الجباده الفيها ربع الكيلو يختو شويه في الخدره وشويه في الرجله وشويه في البطاطس وشويه في الباميه واخر القيم عمل منو اقشي ومحشي ....................... تقول لي كيلو نص ما يكفي

ريانية

05-02-2008, 11:01 PM

يا هلا والله باخوي بورتبيل..
حبابك عشرة في الراكوبة وما بنقصر معاك ابدا اطلب واتمنى والطلب بجيك
قهوة.. شاي.. وما تنسى الشية الليلة مضبوطة من يد مدناوية الله يديها العافية..

saleh farah

05-02-2008, 11:07 PM

معقوله بس !
لا شيه ؟ لا لحمه ؟ لاكمونيه ؟
والغريبه قالوا الجلد شالوا ود حسن مشى ابيعه واجيب بى قروشو السلطه
سلطه ؟
سلطه عشان شنو يعنى ؟
ولا آآآآآآآآآآآآآآآآآآآآآآآآآآآآآه
فى ناس عامله دايت

ود المطامير

05-02-2008, 11:10 PM

ياود المطامير وينك يالله تعال علشان نشوفك مع ود جلالة ترقصوا..

هووووى يا .. ريانيه ... نحنا ناس المطامير ناس عرضه ساااى
حتى أنا آخر مره عرضت فيها شالتنى الهاشميه نطيت فووووووق وقلت كدا
نهزت ليك الواطه بكراعى .. وحاة الله .. تلاته يوم وأنا أعتب ..

نزار حسن محمد

05-02-2008, 11:14 PM

ان وردن بيجيك في اول الواردات ****** مرنن مو نشيط ان قبلن صادات

سلام يا ناس هو ي سلام جاااكم
وان ما خاويت ود حسن تب ماني حداكم

هيا الحبيب ..اشهد الله سالت منك ورسلت لك ..
حبابك يالاسد ...تعال اقعد جنبى بى هنا ..
وجيت فى وقتك ..ود الطاهر حلف اجيب
خروف على حسابه ..
وبناتنا الله اديهم العافيه ولعن النيران
للشيه ..وشوف عينى الشطه بالدكوه
جاهزه ..كدى انت اشرب لك كركدى
بارد لقايت ما ود الطاهر اسلخ
الخروف ده ...
والله بى جيتك المزاج اتعدل تب
كدى يامدناويه لو فى باقى دايت
ادى بورتبيل ده شويه... خلى
انم.. لنا ..نمه.... نمتين

ود المطامير

05-02-2008, 11:20 PM

مرحب حباب أهلى .. يا أبوعلاء .. ناولنى البنبر داك
مدناويه دى تقلب فى الشّيه وتأكل الله يستر العضام ما نلم فيها

ريانية

05-02-2008, 11:21 PM

هووووى يا .. ريانيه ... نحنا ناس المطامير ناس عرضه ساااى
حتى أنا آخر مره عرضت فيها شالتنى الهاشميه نطيت فووووووق وقلت كدا
نهزت ليك الواطه بكراعى .. وحاة الله .. تلاته يوم وأنا أعتب ..

هههههههه..وطيب ماله هسي سوي عرضة بس لكن شكيت محنك الواطة نهزتها دي
ما حصل ليها حاجة دام ان رجلك تعبتك؟؟!!!!

ريانية

05-02-2008, 11:22 PM

معقوله بس !
لا شيه ؟ لا لحمه ؟ لاكمونيه ؟
والغريبه قالوا الجلد شالوا ود حسن مشى ابيعه واجيب بى قروشو السلطه
سلطه ؟
سلطه عشان شنو يعنى ؟
ولا آآآآآآآآآآآآآآآآآآآآآآآآآآآآآه
فى ناس عامله دايت

مرحبا بك يا اخوي الشية هسي بتجي بس اجيب ليك عصير..

ريانية

05-02-2008, 11:24 PM

مرحب حباب أهلى .. يا أبوعلاء .. ناولنى البنبر داك
مدناويه دى تقلب فى الشّيه وتأكل الله يستر العضام ما نلم فيها

يا اهلين وسهلين يا ود المطامير.. رايك شنو اول حاجة نجيب ليك آبري كارب
وبعديها الشية بس اكان داير تاكل حاجة الشطة جهزتها اجيب ليك منها شوية بخبز علشان اللسان يولع؟؟ :D:p:D:D

saleh farah

05-02-2008, 11:25 PM

اناما داير عصير داير شربووووووووووووووووووووووووووووووووت

ود المطامير

05-02-2008, 11:30 PM

يا اهلين وسهلين يا ود المطامير.. رايك شنو اول حاجة نجيب ليك آبري كارب
وبعديها الشية بس اكان داير تاكل حاجة الشطة جهزتها اجيب ليك منها شوية بخبز علشان اللسان يولع؟؟ :D:p:D:D
هع هع هع هع
نحنا والله أهل الشطه
وجدى الله يرحمو كان بشيلها فى جيبو :D

ود المطامير

05-02-2008, 11:30 PM

اناما داير عصير داير شربووووووووووووووووووووووووووووووووت
وأنا حتّى كمان

ريانية

05-02-2008, 11:38 PM

هع هع هع هع
نحنا والله أهل الشطه
وجدى الله يرحمو كان بشيلها فى جيبو :D

خخخخخخخ.. كتلتني من الضحك. الله يرحمو جدك..

ريانية

05-02-2008, 11:42 PM

اناما داير عصير داير شربووووووووووووووووووووووووووووووووت

وأنا حتّى كمان

طيب يا صالح ويا ود المطامير انا الشربوت ما بعرفش اعمله بس عندي فكرة عنه
وتعالوا هنا الشربوت دا موش بيشربوه بعد الاكل علشان يهضم؟؟؟؟؟؟؟؟؟؟ :D:(:o

معروف الجزولي

05-02-2008, 11:45 PM

طيب يا صالح ويا ود المطامير انا الشربوت ما بعرفش اعمله بس عندي فكرة عنه
وتعالوا هنا الشربوت دا موش بيشربوه بعد الاكل علشان يهضم؟؟؟؟؟؟؟؟؟؟ :D:(:o ريانيه ديل ما عايزين اهضموا انا بعرفهم كويس ديل دايرين انعنشوا

ريانية

05-02-2008, 11:52 PM

ريانيه ديل ما عايزين اهضموا انا بعرفهم كويس ديل دايرين انعنشوا

حبابك يا اخوي معروف.. نضيفك بشنو ولا انت معاهم عاوز شربوت
والله مدام عاوزين ينعنشوا اللي ينعنشوا بس صدقني الشطة هي اللي بتنعنشهم لانها حارة.... :D :D:D

نزار حسن محمد

05-02-2008, 11:57 PM

ريانيه ديل ما عايزين اهضموا انا بعرفهم كويس ديل دايرين انعنشوا

اى والله صدقت تب يامعروف
هم قبيل ببسى الدايت كسروه بى كسره من كسرات ابوعلى
خلووو مدناويه نايمه تلاته يوم ..
اها اسع ان عرفته انه صالح بالى التمر من قبل اسبوع
يعنى ده بكون شربوت ..ولا شلوت ..
بالله ده حالته انا شمته من بعيد
بقت اهترش..
الله يسرنا ساكت..

معروف الجزولي

06-02-2008, 12:05 AM

[/ حبابك يا اخوي معروف.. نضيفك بشنو ولا انت معاهم عاوز شربوت
والله مدام عاوزين ينعنشوا اللي ينعنشوا بس صدقني الشطة هي اللي بتنعنشهم لانها حارة....
شكرا يا ريانيه انا داير حقه مدنكله من عبد الحق-- وجني وجن زول اشحتني سفه ونصيبي من العتود متبرع بيه لبرتبيل لاني بعرفوا كويس بحب الرمرمه والمزه[/color] :d :d:d[/quote]

معروف الجزولي

06-02-2008, 12:07 AM

اى والله صدقت تب يامعروف
هم قبيل ببسى الدايت كسروه بى كسره من كسرات ابوعلى
خلووو مدناويه نايمه تلاته يوم ..
اها اسع ان عرفته انه صالح بالى التمر من قبل اسبوع
يعنى ده بكون شربوت ..ولا شلوت ..
بالله ده حالته انا شمته من بعيد
بقت اهترش..
الله يسرنا ساكت..

والله بيني وبينك يا نزار نحن كمان كان لقينا الشربوت ده نعزبو عزاب لكن ما تكلم زول خلي الكلام ده بيني وبينك[/color][/size][/quote]

معتز الريح

06-02-2008, 12:12 AM

أنا نباتي .. ما داخل معاكم في العتوت ..
خلو لي حقي في الشربوت ..
ولو الشربوت جايبو ود المطامير .. أنا ما معاكم ..

ود المطامير

06-02-2008, 12:21 AM

ريانيه ديل ما عايزين اهضموا انا بعرفهم كويس ديل دايرين انعنشوا
شكيت محنك يا الجزولى يا أخوى
كتلتنى بالضحك

ابوالنور

06-02-2008, 12:21 AM

السيوترات السيوترات يا ناس ايو السيوترات
عندنا سيوترات

ود المطامير

06-02-2008, 12:22 AM

أنا نباتي .. ما داخل معاكم في العتوت ..
خلو لي حقي في الشربوت ..
ولو الشربوت جايبو ود المطامير .. أنا ما معاكم ..
هع هع هع هع هع هع هع
ههههههههههههههههههههه
هههههههههههههههههه
والله يا الحبيب قربت أقع من الكرسى من الضحك
الله يديك العافيه يارب

ود المطامير

06-02-2008, 12:25 AM

أنا نباتي .. ما داخل معاكم في العتوت ..
خلو لي حقي في الشربوت ..
ولو الشربوت جايبو ود المطامير .. أنا ما معاكم ..
عارف يا الحبيب ؟
هنى عندنا نوعين من التمباك
واحد سودانى وواحد باكستانى طيب ؟
أها .. اللى متعود على الباكستانى لو ختّ سفّه سودانيه بحس بيها قش قش

أها .. الشربوت .. ذى السفه السودانيه عندنا
هع هع هع هع هع

مدناوية

06-02-2008, 12:31 AM

<table class="tborder" bordercolordark="#FFFBF2" bordercolorlight="#993300" align="center" border="1" cellpadding="4" cellspacing="0" width="100%"><tbody><tr valign="top"><td class="alt2" width="20%">
</td> <td class="alt2">يا خوانا جهزو شعوركم الفطور جاي ،،، إتصبروا لغاية ما يجهز الغدا</td></tr></tbody></table>

saleh farah

06-02-2008, 12:32 AM

يابتاع السيوترات والله جيت فى مواعيدك ودحسن الاروش ده دفق فينا جردل الشربوت من الصباح نقوليه خليه كده اقول لا لازم نصفيه لحدما دفقه
والله بعد ده يا اخوانا الا ناكل التمر ساي ، غايتو الضرسو بيوجعو ما اقرب ولا رايك شنو يافرده تجيب لينا معاك طبيبك بتاع السنون ههههههه انتو ياجماعه ابوسنون اخباره شنو ؟

ريانية

06-02-2008, 01:04 AM

أنا نباتي .. ما داخل معاكم في العتوت ..
خلو لي حقي في الشربوت ..
ولو الشربوت جايبو ود المطامير .. أنا ما معاكم ..

هلا معتز.. انت كمان داخل في حكاية الشربوت ما حنقصر معاك بس كدي انضيفك
قهوة.. وانت يعني يدك ما حتشرف في الشية والله حاتفوتك بالشطة..... :D:D:D

ابوالنور

06-02-2008, 01:05 AM

يابتاع السيوترات والله جيت فى مواعيدك انتو ياجماعه ابوسنون اخباره شنو ؟

ربنا يرحمو ويغفر لية ويسكنو فسيح جناتة

ريانية

06-02-2008, 01:06 AM

السيوترات السيوترات يا ناس ايو السيوترات
عندنا سيوترات

حبابك ابو النور شرفت مرة ثانية الراكوبة اضبط ليك شاي محصلش
وانشاءلله بعديها يدوك الشربوت اذا عاوز..
والسيوترات حكاية معاك شنو الليلة؟؟؟؟!!!! :D:D

نزار حسن محمد

06-02-2008, 01:06 AM

يابتاع السيوترات والله جيت فى مواعيدك ودحسن الاروش ده دفق فينا جردل الشربوت من الصباح نقوليه خليه كده اقول لا لازم نصفيه لحدما دفقه
والله بعد ده يا اخوانا الا ناكل التمر ساي ، غايتو الضرسو بيوجعو ما اقرب ولا رايك شنو يافرده تجيب لينا معاك طبيبك بتاع السنون ههههههه انتو ياجماعه ابوسنون اخباره شنو ؟

والله يا صالح رحيتى بقت كركار عدددديل
انتو الشربوت ده صفيتوه بى طرحت منوااا
كدى قوموو شايف مدناويه جهزت اللحمه
وباقى الشيه بالله العتوت ده طاعم جنس
طعم ...التقول مدناويه حمرته بالالتى
عفت منك يامدناويه ..
والشطه ماعندك ياريانيه بالله الجماعه
كلهم بقو ذى ام كلثوم منايل اشكال والوان
كدى هووووى ياود المطامير ادينى النهضم
معاك ...ودفرح لو شاف الكوره بتاعتك دى
ما بفضل لنا التكتح.....اررررقد ياعيش
رقدددد فلليلك ...

النور محمد يوسف

06-02-2008, 01:23 AM

العتود ما شاء الله عملتو ليهو دعاية فاتت الفي تشاد بيغادي....
وبعدين كونوا يكون مدناوية وريانية براهم في المطبخ دي حاجة انا ما بأيددددها.....
شايفهن أي واحد يجي اتفضل عصير ...اتفضل آآبري...اتفضل كركدي ....ماعاوزات واحد ياكل ليهو حاجة... وانتو عارفين كيدهن ...
فما دام العتود صغير .....والطباخين هم هم الاثنين القلناهم ديل وامرهم لسع ما بطمن .....
فأنا شايف عتودكم دا ما حا يكفي .....دا لو فضل لينا فيهو حاجة... فعشان يكفِّي الموجودين ديل بس وما يجينا واحد تاني من براا ....خاصة الزول داك...السَّافر عشان يااااااكل الدرت (ما بقول اسمو) بيدوووووقني .....نطفي الانوار والنار ... وما عاوزين أي دخان ....عشان اليوم دا يعدي على خير ..... خاصة الباعة المتجولين ديل ....عندهم كل شيء وخاتمنها بشكلة ياااااااااااا...
فيا جماعة النِّجضت نجضت والما نجضت ناكلها.....
ما حرام أكلها ما دام وقت الذبح سال دمها..... (جديدة دي)

ودا كلام صاح يا جماعة ....ما في حاجة اسمهما تنجيض بالنار عشان الاكل يكون حلال ....

الليمون بنجِّض ....الخل بنجِّض ...... الهوا دا بنجِّض .....

فخلونا نتناول لينا حاجة ونقطع حيلة مدناوية دي ..... كل مرة انتظرو شوية الفطور جاييكم ...انتظرو شوية الغدا جاييكم......

عاريفااا عاوزانا ننوم ...تشيل وتدي في الشربوت للناس ....لكن انا حرم شربوت ما عاوزو تب .....فالحكاية بانت ....ويا نزار ماتتدققققس...وود المطامير فاهم كويس ما يدور خلف الكواليس .....قال الشية جاية آآآآآآل.

معتز الريح

06-02-2008, 01:33 AM

هلا معتز.. انت كمان داخل في حكاية الشربوت ما حنقصر معاك بس كدي انضيفك
قهوة.. وانت يعني يدك ما حتشرف في الشية والله حاتفوتك بالشطة..... :D:D:D

كلك زوووق .. وقهوتك مظبطه ..
والشطه دي قطعي لي معاها تبش .. لو في طريقة ..

ابوالنور

06-02-2008, 01:35 AM

حبابك ابو النور شرفت مرة ثانية الراكوبة اضبط ليك شاي محصلش
عليك الله سكر خفيف
وانشاءلله بعديها يدوك الشربوت اذا عاوز..
لا لا اي شي الا الشربوت هو كده عمك ما مريحنا نشرب شربوت يعني يودينا النظ.....
والسيوترات حكاية معاك شنو الليلة؟؟؟؟!!!! :D:D
لحدي الان ماشة كويس كان ما الشمس دي تطلع

مدناوية

06-02-2008, 01:55 AM

يلا يا جماعة قوموا على صينية الغدا
أوعكم تقعدوا معاكم ود المطامير لأنكم ما حتلموا في حاجة

http://www.jawaher-qtr.net/uploads/4304a1b664.jpg

مدناوية

06-02-2008, 01:55 AM

يلا يا جماعة النبي فوقكم تقوموا على الصينية والله تعبته لغاية ما ظبطها

وهديييييييييك شطة ريانية في النص

ابوالنور

06-02-2008, 01:59 AM

دحين يا مدناوية روب رووووووووووب ما عندكم

ابو صفاء

06-02-2008, 02:02 AM

ان واقف من بعيد اتفرج فيكم وكنتو كويسين قهوة وشاي وجبنة وحكي
لكن مادام الموضوع جاب ليهو شربوت بنعنش انشاء الله يجيكم هواء بكتاحة تشيل الراكوبة لا تلموا في العيدان ولا تلموا في العويش

saleh farah

06-02-2008, 02:02 AM

ههههههههههههههههههههه
مدناويه انا داير عتوتى
اتاري العتوت ده فيه الحاجات دى كلها
لا كان كده رجعوا لي عتوتى
اول مره اشوف لي عتوت كمونته فلافل ومرارته سمك
قايتو واحد من اتنين
ياانتى حاوي
يا انتى حاوي
ياتو فيهن

مدناوية

06-02-2008, 02:04 AM

دحين يا مدناوية روب رووووووووووب ما عندكم

قلته النطلع ليكم الجاهز الجماعة أكلوا لحمي *** مدناوية أكلت اللحمة ومدناوية قرمشت العضمة

الروب بجيبو ليك هسي

بس كدي قول بسم الله ومد يدك قبل جنى المطامير دا ما يجي ينتهي ليكم منها

مدناوية

06-02-2008, 02:07 AM

ههههههههههههههههههههه
مدناويه انا داير عتوتى
اتاري العتوت ده فيه الحاجات دى كلها
لا كان كده رجعوا لي عتوتى
اول مره اشوف لي عتوت كمونته فلافل ومرارته سمك
قايتو واحد من اتنين
ياانتى حاوي
يا انتى حاوي
ياتو فيهن

هو زاتو عتوتك كلو فيهو كيلو ونص لحم

الباقي دا تميناهو أنا وريانية زيادة خير

قلنا عشان العتوت دا براهو بقصر تب

والمرارة هديك في النص ما شايفها

والكمونية في الصحن المغتى بي صحن الطعمية عشان ما تبرد لغاية ما تقنبو في الصينية

النور محمد يوسف

06-02-2008, 02:11 AM

يلا يا جماعة قوموا على صينية الغدا
أوعكم تقعدوا معاكم ود المطامير لأنكم ما حتلموا في حاجة

http://www.jawaher-qtr.net/uploads/4304a1b664.jpg

والله يا مدناوية ما قصرتي تب ..... لكن برضو الشية وييييينااااا

غايتو رقبتك دي يا مدناوية جنب الصينية كدا ما بتجي .....لازم تشوفي حل

معروف الجزولي

06-02-2008, 02:13 AM

النور محمد يوسف; العتود ما شاء الله عملتو ليهو دعاية فاتت الفي تشاد بيغادي....
وبعدين كونوا يكون مدناوية وريانية براهم في المطبخ دي حاجة انا ما بأيددددها.....
شايفهن أي واحد يجي اتفضل عصير ...اتفضل آآبري...اتفضل كركدي ....ماعاوزات واحد ياكل ليهو حاجة... وانتو عارفين كيدهن ...
فما دام العتود صغير .....والطباخين هم هم الاثنين القلناهم ديل وامرهم لسع ما بطمن .....
فأنا شايف عتودكم دا ما حا يكفي .....دا لو فضل لينا فيهو حاجة... فعشان يكفِّي الموجودين ديل بس وما يجينا واحد تاني من براا ....خاصة الزول داك...السَّافر عشان يااااااكل الدرت (ما بقول اسمو) بيدوووووقني .....نطفي الانوار والنار ... وما عاوزين أي دخان ....عشان اليوم دا يعدي على خير ..... خاصة الباعة المتجولين ديل ....عندهم كل شيء وخاتمنها بشكلة ياااااااااااا...
فيا جماعة النِّجضت نجضت والما نجضت ناكلها.....
ما حرام أكلها ما دام وقت الذبح سال دمها..... (جديدة دي)

ودا كلام صاح يا جماعة ....ما في حاجة اسمهما تنجيض بالنار عشان الاكل يكون حلال ....

الليمون بنجِّض ....الخل بنجِّض ...... الهوا دا بنجِّض .....

فخلونا نتناول لينا حاجة ونقطع حيلة مدناوية دي ..... كل مرة انتظرو شوية الفطور جاييكم ...انتظرو شوية الغدا جاييكم......

عاريفااا عاوزانا ننوم ...تشيل وتدي في الشربوت للناس ....لكن انا حرم شربوت ما عاوزو تب .....فالحكاية بانت ....ويا نزار ماتتدققققس...وود المطامير فاهم كويس ما يدور خلف الكواليس .....قال الشية جاية آآآآآآل
خلاص يا حبيبنا النور اذا الشربوت ما دايروا اتبرع لي بنصيبك وانا بخلي ليك نصيبي في المراره لاني المراره ما بحبها- ويا ريت لو جاسفت لي سفه من حقة ود المطامير[/CENTER][/COLOR].[/SIZE][/QUOTE]

معروف الجزولي

06-02-2008, 02:17 AM

يلا يا جماعة قوموا على صينية الغدا
عكم تقعدوا معاكم ود المطامير لأنكم ما حتلموا في حاجة--------
الله يجازيك يا مدناويه خليتيني اتمطق ههههههه

عثمان جلالة

06-02-2008, 03:27 AM

كدى يا أخوانا قبل ما تاكلو ... تعالوا معاي شوفوا ابراهيم ده .... لقى ليهو فدان ... مزروع قطن ... لمه فيهو قطيع ويكورك .. أبيض التقول مغالتنو ... أبياااااااض التقول مغالتنوووووو:p ... قايل روحو في جليد كندا:eek:

مدناوية

06-02-2008, 03:42 AM

والله يا مدناوية ما قصرتي تب ..... لكن برضو الشية وييييينااااا

غايتو رقبتك دي يا مدناوية جنب الصينية كدا ما بتجي .....لازم تشوفي حل

يا خوانا ما قلنا ليكم العتوت كلو جاب كليو ونص

أسألو سيد الراكوبة ود حسن

صلاح ودالطاهر

06-02-2008, 04:47 AM

قال العتوت جاب كيلو نص قال كدي اعملوا ذي ابكر
تعرف يا ودحسن ذكرتني قصة ابكر البيخلي الناس تسلم علي السوق كلو اها عمك ابكر اشترىجباده واشترى ربع كيلو لحمه واشترى بطاطس وباميه وخدره ورجله اصلو عازم جماعه اها خته الاربعه حلل في النار ومسك الجباده الفيها ربع الكيلو يختو شويه في الخدره وشويه في الرجله وشويه في البطاطس وشويه في الباميه واخر القيم عمل منو اقشي ومحشي ....................... تقول لي كيلو نص ما يكفي

Madanawi

06-02-2008, 05:10 AM

حطت رحال قافلتي عند محطة الراكوبة ..
وكان اليوم ثقيلا ومررت خلاله بالف معترك
وحملت في نفسي شئ من التعب الروحاني ولا
تقولوا قلة في الايمان .. فقد عانيت ويلات يوم
أشعث .. وتجرعت سقيا الشجن الاليم ..
ويا سبحان الله ..
أول ما ضربني هبوب نسام جايي من تحت شجرة
تنسمت شذى قهوة مدناوية .. وشممت شياط سموم
بجوار ود المطامير .. وشاي اللبن نص الضهرية من
يد بتنا ريانية .. وصينية مدناوية لفت راسي وطالت رقبتي
فوق رقاب الناس الماهميها جنى الجنيّة .. وبي حنيّة
سمعت صوت سكينة تسن .. تقول ترنك الكبانية ......
فحسبت ان ودالطاهر يحوم حوالين الركوبة .. نعم
بالحيل ودالطاهر قريب .. جنا الجزار .. وبدأ النحر.
بسرعة تناسيت التعب .. وتغلبت على كل بروتوكولات
الألم .. وفارقت العطش بجرعة من الدايت الماخمج .. والآدمن كان شاف الحصل .. مدناوي
الليلة الا يبيت في راكوبة نزار .. ولا جزيرة العجائب ... حقت الجنية البتجي دقشية من الساعة
تلاتة الفجر بتوقيت .. الصاحين والواعين من جزيرة المعدن النفيس ..

خلوني الننجم تحت الضل ..
بحكي ليكم عن الشموس .. والفل ..
وكان بقينا حيين .. حباب الضيف وحباب الكل ..

.................................................. .........

ود المطامير

06-02-2008, 07:28 AM

يلا يا جماعة قوموا على صينية الغدا

أوعكم تقعدوا معاكم ود المطامير لأنكم ما حتلموا في حاجة

http://www.jawaher-qtr.net/uploads/4304a1b664.jpg
هووووى يا شباب أقعوا الفول بس
هسى حبيب قلبى .. صالح فرح .. ضرب لى تلفون
قال لى إنت عارف أنا جبت ليهم العتود فى الراكوبه لشنو ؟ قلت ليهو لشنو ؟
قال لى عشان أمس الليل كلو والعتود يعطس خفت يكون جاياهو حمة الوادى المهردم

أها .. إنتو بس أقعو الفول وخلونى أنا أمشى شويه فى صحن الشيّه برااى
أى ما مشكله ببقى ليكم حقل تجارب .. عشان أنا أفديكم بروحى .. أها موافقين ؟

يا مدناويه .. الله يديك العافيه والله صنيه صااااح

ود المطامير

06-02-2008, 07:31 AM

ربنا يرحمو ويغفر لية ويسكنو فسيح جناتة
يا حليلو جاهل وصغير

ود المطامير

06-02-2008, 07:33 AM

<TABLE class=tborder cellSpacing=0 borderColorDark=#fffbf2 cellPadding=4 width="100%" align=center borderColorLight=#993300 border=1><TBODY><TR vAlign=top><TD class=alt2 width="20%">

</TD><TD class=alt2>يا خوانا جهزو شعوركم الفطور جاي ،،، إتصبروا لغاية ما يجهز الغدا</TD></TR></TBODY></TABLE>
يا مدناويه دى عملتيها كيف ؟
والله دى الكاشف أخوى ما يقدر عليها
علمينى عليك الله علشان داير أعمل شريط متحرك للترجمه
لأختنا .. ريانيه ..
هع هع هع

ود المطامير

06-02-2008, 07:36 AM

فما دام العتود صغير .....والطباخين هم هم الاثنين القلناهم ديل وامرهم لسع ما بطمن .....
.
حبيب قلبى والله كلامك صاح
مدناويه قالت اللحم كان كتير
قالت بس من رمتو فى الصاج كشّ
عليك الله هو لحم ولأ عراقى دموريه ؟
هع هع هع هع

ود المطامير

06-02-2008, 07:39 AM

ههههههههههههههههههههه
مدناويه انا داير عتوتى
اتاري العتوت ده فيه الحاجات دى كلها
لا كان كده رجعوا لي عتوتى
اول مره اشوف لي عتوت كمونته فلافل ومرارته سمك
قايتو واحد من اتنين
ياانتى حاوي
يا انتى حاوي
ياتو فيهن
يعنى يا حبيب قلبى بقت عليهو حكاية صاحبنا ؟
صاحبنا كان لط للآخر .. وإستفرغ .. يععع .. هع هع هع
عشان أطمم بطنكم وتقموا من الصنيه
أها .. صحبنا إستفرغ وجات الكديسه
عاين كدا وقال .. اللحمه دى أكلتها .. الرقيف دا أكلتو
الطماطم دى أكلتها لكن علىّ الطلاق الكديسه دى ما أكلتها

ود المطامير

06-02-2008, 07:43 AM

بس كدي قول بسم الله ومد يدك قبل جنى المطامير دا ما يجي ينتهي ليكم منها

هووووووى الطعميه دى ريانيه رمتها 32 واحده
هسى الصحن دا فيهو 19 بس .. أحسبى ..

ود المطامير

06-02-2008, 07:47 AM

حطت رحال قافلتي عند محطة الراكوبة ..
وكان اليوم ثقيلا ومررت خلاله بالف معترك
وحملت في نفسي شئ من التعب الروحاني ولا
تقولوا قلة في الايمان .. فقد عانيت ويلات يوم
أشعث .. وتجرعت سقيا الشجن الاليم ..
ويا سبحان الله ..
أول ما ضربني هبوب نسام جايي من تحت شجرة
تنسمت شذى قهوة مدناوية .. وشممت شياط سموم
بجوار ود المطامير .. وشاي اللبن نص الضهرية من
يد بتنا ريانية .. وصينية مدناوية لفت راسي وطالت رقبتي
فوق رقاب الناس الماهميها جنى الجنيّة .. وبي حنيّة
سمعت صوت سكينة تسن .. تقول ترنك الكبانية ......
فحسبت ان ودالطاهر يحوم حوالين الركوبة .. نعم
بالحيل ودالطاهر قريب .. جنا الجزار .. وبدأ النحر.
بسرعة تناسيت التعب .. وتغلبت على كل بروتوكولات
الألم .. وفارقت العطش بجرعة من الدايت الماخمج .. والآدمن كان شاف الحصل .. مدناوي
الليلة الا يبيت في راكوبة نزار .. ولا جزيرة العجائب ... حقت الجنية البتجي دقشية من الساعة
تلاتة الفجر بتوقيت .. الصاحين والواعين من جزيرة المعدن النفيس ..

خلوني الننجم تحت الضل ..
بحكي ليكم عن الشموس .. والفل ..
وكان بقينا حيين .. حباب الضيف وحباب الكل ..

.................................................. .........
رهيب يا الحبيب
نضمى يدخل القلب طوااالى

قلت لى الساعه تلاته فجر :D
شكيت محنك والله

نزار حسن محمد

06-02-2008, 08:29 AM

الحمدالله رب العالمين عده اليوم على خير وبارك الله فيكم يامدناويه وياريانيه رفعتوم راس فوق وبقى اطول من رقبة مدناويه ;)
علا الشربوت نوم ناس كتار نحمد الله لكن الجنى ود المطامير بلع ليه فى تبادى بشكير بالله لقيته قاعد فى طرف البحر البنات انضفن فى الصحانه وهو قاعد اقول ليهن ادونى النحسن لكم الصحن دى نعمه وبالله هو عين مفتحه وعين متليسه تب:rolleyes:
حبيبنا مدناوى ... بالله من التعب رقد فريد نومه لى اسع ماصحه نوم يابوى انشاءالله نوم العافيه.. وربنا اديك الصحه والعافيه وفى ميزان حسناتك انا عارف التعب ده قدر كيف
والجنى ابو النور بالله باع كترة سويترات ماشاءالله عينى بارده
لكن لقيت ود الطاهر مزرزر ابو النور قال راس المال كان بالنص
وبارك الله فيك ياصالح العتوت بعد مابقى فى البطون بدور ترجعه :confused:
ودالريح قال مابدور الشربوت بالله ادوه دايت لقايت اللحظه ماسك طرف البحر ويدوبى
ابراهيم والادمن جاوه المغربيه ناشو ليهم ودابرق وعشوشه قالووو دايرنهم حله :confused:

ريانية

06-02-2008, 09:32 AM

يا مدناويه دى عملتيها كيف ؟
والله دى الكاشف أخوى ما يقدر عليها
علمينى عليك الله علشان داير أعمل شريط متحرك للترجمه
لأختنا .. ريانيه ..
هع هع هع

ههههههههههههههههههههه والله كتلتني من الضحك يا خوي ههههههههههههههه
بس لكن كثر خيرك انك داير تعمل ترجمة تساعدوني يعني... :D:p:p:p

ريانية

06-02-2008, 09:58 AM

يا هلا مدناوي وحبابك عشرة في الراكوبة وتشكر وانت عاوز شاي بحليب مش
كدة حا اجيبه ليك واذا عاوز اي حاجة ثانية اطلب ونحن نلبي...

نزار حسن محمد

06-02-2008, 12:04 PM

اهآ يالحبان الجنى ابوالنور ده جاب عنكوليب وقصب سكر وقاعد من الدغش جني الراكوبه
تعالووو ما تبوره عليه العنكوليب ده ...

moh_alnour

06-02-2008, 04:05 PM

كلك زوووق .. وقهوتك مظبطه ..

والشطه دي قطعي لي معاها تبش .. لو في طريقة ..

لا دي إلا تشرحا ليها

moh_alnour

06-02-2008, 04:08 PM

يلا يا جماعة قوموا على صينية الغدا

أوعكم تقعدوا معاكم ود المطامير لأنكم ما حتلموا في حاجة

http://www.jawaher-qtr.net/uploads/4304a1b664.jpg

لكن يا مدناوية ما عملتي لي نفسيات عديل كدا
والله سديتي لي نفسي من الأكل
إنت متأكدة دا عتوت صالح فرح
ولا دي مائدة بني إسرائيل
والله بعد الصينية دي الشاف جلالة بدوبي وبعرض ما كضب

saleh farah

06-02-2008, 07:46 PM

هووووى يا شباب أقعوا الفول بس
هسى حبيب قلبى .. صالح فرح .. ضرب لى تلفون
قال لى إنت عارف أنا جبت ليهم العتود فى الراكوبه لشنو ؟ قلت ليهو لشنو ؟
قال لى عشان أمس الليل كلو والعتود يعطس خفت يكون جاياهو حمة الوادى المهردم

أها .. إنتو بس أقعو الفول وخلونى أنا أمشى شويه فى صحن الشيّه برااى
أى ما مشكله ببقى ليكم حقل تجارب .. عشان أنا أفديكم بروحى .. أها موافقين ؟

يا مدناويه .. الله يديك العافيه والله صنيه صااااح

ودالمطامير والله ناس نزار ديل لاحمى الوادى المهردم ولا الوادي الاخضر مابعمله ليهم حاجه لكن بينى وبينك العتوت تربية مشك ممكن اعمل ليهم حاجات تانيه
الشيه تنفعك يا اخوى والمره الجايه ليك علي خروف متورت

saleh farah

06-02-2008, 07:50 PM

اهآ يالحبان الجنى ابوالنور ده جاب عنكوليب وقصب سكر وقاعد من الدغش جني الراكوبه
تعالووو ما تبوره عليه العنكوليب ده ...

عنكوليب شنو يانزار الدنيا شتاء ياخى
والله العنكوليب ده غير اقطع شلاليفكم واجرحها ليكم ماتستفيدوا منه اي حاجه
هو غير عنكوليب وقصب سكر الشتاء عامل عمايله
جابت ليها كمان قصب سكر .
بعدين نحن جننا وجن الوسخ والبنيات ديل كفاهن الطبيخ
غايتو يانزار نخلي ابوالنور انقي ( شوف انقى دى سمحه كيف )
انقي لينا العنكوليب وقصب السكر عشان نستفيد من القشر فى نار الدفويه ( الله الدفويه برضو عجبتنى والله )

مدناوية

06-02-2008, 08:10 PM

حطت رحال قافلتي عند محطة الراكوبة ..
وكان اليوم ثقيلا ومررت خلاله بالف معترك
وحملت في نفسي شئ من التعب الروحاني ولا
تقولوا قلة في الايمان .. فقد عانيت ويلات يوم
أشعث .. وتجرعت سقيا الشجن الاليم ..
ويا سبحان الله ..
أول ما ضربني هبوب نسام جايي من تحت شجرة
تنسمت شذى قهوة مدناوية .. وشممت شياط سموم
بجوار ود المطامير .. وشاي اللبن نص الضهرية من
يد بتنا ريانية .. وصينية مدناوية لفت راسي وطالت رقبتي
فوق رقاب الناس الماهميها جنى الجنيّة .. وبي حنيّة
سمعت صوت سكينة تسن .. تقول ترنك الكبانية ......
فحسبت ان ودالطاهر يحوم حوالين الركوبة .. نعم
بالحيل ودالطاهر قريب .. جنا الجزار .. وبدأ النحر.
بسرعة تناسيت التعب .. وتغلبت على كل بروتوكولات
الألم .. وفارقت العطش بجرعة من الدايت الماخمج .. والآدمن كان شاف الحصل .. مدناوي
الليلة الا يبيت في راكوبة نزار .. ولا جزيرة العجائب ... حقت الجنية البتجي دقشية من الساعة
تلاتة الفجر بتوقيت .. الصاحين والواعين من جزيرة المعدن النفيس ..

خلوني الننجم تحت الضل ..
بحكي ليكم عن الشموس .. والفل ..
وكان بقينا حيين .. حباب الضيف وحباب الكل ..

.................................................. .........

ما خاتي قمته تقول كلام سمح بالحيل

أتاريك شربته من الدايت

يابا الدايت دا فيهو لغم أعمل حسابك يا عشاي

مكسور ليهو بي شيتن مُر كدي

أسأل منو الأرباب

قالو هو الجابو

أنا ما شفته حاجة

مدناوية

06-02-2008, 08:11 PM

هووووى يا شباب أقعوا الفول بس
هسى حبيب قلبى .. صالح فرح .. ضرب لى تلفون
قال لى إنت عارف أنا جبت ليهم العتود فى الراكوبه لشنو ؟ قلت ليهو لشنو ؟
قال لى عشان أمس الليل كلو والعتود يعطس خفت يكون جاياهو حمة الوادى المهردم

أها .. إنتو بس أقعو الفول وخلونى أنا أمشى شويه فى صحن الشيّه برااى
أى ما مشكله ببقى ليكم حقل تجارب .. عشان أنا أفديكم بروحى .. أها موافقين ؟

يا مدناويه .. الله يديك العافيه والله صنيه صااااح

هوووووووووي *** كان باريتو ود المطامير دا والله إلا يمرقكم من الجنة وسقطها

مدناوية

06-02-2008, 08:15 PM

يا مدناويه دى عملتيها كيف ؟
والله دى الكاشف أخوى ما يقدر عليها
علمينى عليك الله علشان داير أعمل شريط متحرك للترجمه
لأختنا .. ريانيه ..
هع هع هع

والله ضحكتني بالحيل يا جنى المطامير *** قلته لي داير تعمل شريط ترجمة لي ريانية *** لي هو الفلم هندي ولا شنو؟؟؟

<table class="tborder" bordercolordark="#FFFBF2" bordercolorlight="#993300" align="center" border="1" cellpadding="4" cellspacing="0" width="100%"><tbody><tr valign="top"><td class="alt2" width="20%">
</td> <td class="alt2">والله ضحكتني بالحيل يا جنى المطامير *** قلته لي داير تعمل شريط ترجمة لي ريانية *** لي هو الفلم هندي ولا شنو ؟؟؟؟</td></tr></tbody></table>

مدناوية

06-02-2008, 08:26 PM

حبيب قلبى والله كلامك صاح
مدناويه قالت اللحم كان كتير
قالت بس من رمتو فى الصاج كشّ
عليك الله هو لحم ولأ عراقى دموريه ؟
هع هع هع هع

هووووووووووي يا جنى المطامير

يا جماعة نادو لي الجنى المحامي الإسمو شبارقة

يجي يرفع لي قضية في ود المطامير دا

إتهامو واضح وصريح

يابا يا ود حسن تعال شوف جنى المطامير دا قال علي شنو؟؟؟

جيبو لي حقي منو

مدناوية

06-02-2008, 08:27 PM

حبيب قلبى والله كلامك صاح
مدناويه قالت اللحم كان كتير
قالت بس من رمتو فى الصاج كشّ
عليك الله هو لحم ولأ عراقى دموريه ؟
هع هع هع هع

هووووووووووي يا جنى المطامير

يا جماعة نادو لي الجنى المحامي الإسمو شبارقة

يجي يرفع لي قضية في ود المطامير دا

إتهامو واضح وصريح

يابا يا ود حسن تعال شوف جنى المطامير دا قال علي شنو؟؟؟

جيبو لي حقي منو

مدناوية

06-02-2008, 08:30 PM

هووووووى الطعميه دى ريانيه رمتها 32 واحده
هسى الصحن دا فيهو 19 بس .. أحسبى ..

أها شايف يا أبوي ود حسن

شايف يابا هنا بأكد إتهامو تاني

شي لحم وشي طعمية

أسأل ريانية قول ليها إنتي بتعرفي ترمي طعمية يا ود المطامير؟؟؟؟

يمكن تقول ليك برضو ختها لي في شريط الترجمة

مدناوية

06-02-2008, 08:34 PM

الحمدالله رب العالمين عده اليوم على خير وبارك الله فيكم يامدناويه وياريانيه رفعتوم راس فوق وبقى اطول من رقبة مدناويه ;)
علا الشربوت نوم ناس كتار نحمد الله لكن الجنى ود المطامير بلع ليه فى تبادى بشكير بالله لقيته قاعد فى طرف البحر البنات انضفن فى الصحانه وهو قاعد اقول ليهن ادونى النحسن لكم الصحن دى نعمه وبالله هو عين مفتحه وعين متليسه تب:rolleyes:
حبيبنا مدناوى ... بالله من التعب رقد فريد نومه لى اسع ماصحه نوم يابوى انشاءالله نوم العافيه.. وربنا اديك الصحه والعافيه وفى ميزان حسناتك انا عارف التعب ده قدر كيف
والجنى ابو النور بالله باع كترة سويترات ماشاءالله عينى بارده
لكن لقيت ود الطاهر مزرزر ابو النور قال راس المال كان بالنص
وبارك الله فيك ياصالح العتوت بعد مابقى فى البطون بدور ترجعه :confused:
ودالريح قال مابدور الشربوت بالله ادوه دايت لقايت اللحظه ماسك طرف البحر ويدوبى
ابراهيم والادمن جاوه المغربيه ناشو ليهم ودابرق وعشوشه قالووو دايرنهم حله :confused:

رقبتك يــــابــــا ديــــــــمة مرفوعة

وبي وجودك عامرة ديمة الراكوبة

طلتك عليـــنا بالحيـــــــل محبوبة

ربي يديك الصحة والعافية يا سيد الراكوبة

مدناوية

06-02-2008, 08:37 PM

لكن يا مدناوية ما عملتي لي نفسيات عديل كدا
والله سديتي لي نفسي من الأكل
إنت متأكدة دا عتوت صالح فرح
ولا دي مائدة بني إسرائيل
والله بعد الصينية دي الشاف جلالة بدوبي وبعرض ما كضب

لا يا ولد عمي بالتبني

العتوت قصر لكن سيد الراكوبة جاب لينا زيادة ورقعنا الصينية

ما عاش يا جناي البسد نفسك من الأكل

شمر عن سواعدك وقول بسم الله

ودتابر

06-02-2008, 08:44 PM

الحبيب نزار .. وبقية الرهط الرااااااائع من الجالسين في الهواء الطلق تحت ضل الراكوبة ..
والله القعدة احلوت شديييييييييييييييييد .. فيها كل حاجة حتى العنكوليب .. ونحن الكنا تعبانيين نمنا نومت الضهرية وصحينا .. وكمان لقينا الراكوبة فيها صحان فول .. ..

تعرف يا الحبيب نزار نحن هسع عاوزين بس يدخل على الراكوب شاعرا كارب .. فارس كلمة راضع لبا أمه .. وعاشق لي وطن عزه .. ومعذب بآلام فاطمة السمحة .. ومنداح كما سماحة ناس الراكوبة الطيبين .

ولين يدخل علينا الشاعر .. عليكم الله أكان فيكم واحد بيعرف في الدوبيت ما يبخل علينا .

مدناوية

06-02-2008, 09:04 PM

الحبيب نزار .. وبقية الرهط الرااااااائع من الجالسين في الهواء الطلق تحت ضل الراكوبة ..
والله القعدة احلوت شديييييييييييييييييد .. فيها كل حاجة حتى العنكوليب .. ونحن الكنا تعبانيين نمنا نومت الضهرية وصحينا .. وكمان لقينا الراكوبة فيها صحان فول .. ..

تعرف يا الحبيب نزار نحن هسع عاوزين بس يدخل على الراكوب شاعرا كارب .. فارس كلمة راضع لبا أمه .. وعاشق لي وطن عزه .. ومعذب بآلام فاطمة السمحة .. ومنداح كما سماحة ناس الراكوبة الطيبين .

ولين يدخل علينا الشاعر .. عليكم الله أكان فيكم واحد بيعرف في الدوبيت ما يبخل علينا .

كدي يا عمي ود تابر أقعد وإتوهط في العنقريب
وعلى بال ما تشرب فنجان القهوة الما خمج تلقى عثمان جلالة داخل علينا وهو بيدوبي