راكوبة ...الضحويه..

[نزار حسن محمد]

الاحباب... صغار وكبار قدام ...وجدد
ازيكم وكفينكم ..
آها يالحبان نحمد الله عملنا لنا راكوبه خلف طرمبة الشاطى مقابله جنائن حنتوب الجميله وسمينها راكوبة الضحويه..تعالوووو انجمو عندنا اعمامك المشرفين الفخريين والمشرفين العادين وناس القصر العالى والاعضاء المعتقين والاعضاء الجدد تعالووو نتعارف ونتسالم ونتونس ونتسامر ...الفكاهه عندنا والسياسه عندنا والشلاقه عندنا والشمارات المعتقه عندنا واى شى بى تلاته ونص ..
اهآ عمكم خالد الصول بجيكم بى هنا ود الطاهر متحذم بى عمته الساكوبيس قاعد قدام فى الراكوبه ذى سواق البنطون ..عمكم الفنان بدرالدين قاعد اعين على شجر حنتوب ارسام ساى مره بى اقلام شمع ومره بالفحم
وخاتى قدامه مسجل اسمع وارسم .. ما فنان
فى الراكوبه عندنا بنابر كتيره ..ومنتظرين وحده من بناتنا تجى تعمل لنا القهوه والشاى عشان ضيوفنا كتار ...
ناس الشلاقه ودالمطامير وابورجاء عملووو الازم بعد ما شبارقه قال ليهم عملكم قانونى ما بتجيكم اى عوجه
آها تم تعين ود المطامير حارس دائم للراكوبه لو اشتاق لى ناس المطامير بعوم البحر بس مشكلته اول ما يطلع من البحر مابمشى الحله بقعد فى التكيلات ..وابورجاء خائنه النظر غايتو بتعبوكم شويه لكن هم ناس حلوين بالحيل
آها اعمامكم ناس عزيز شاشوق وعمكم العمده ودالماحى وابراهوته ديل بجكم نص الظهر عشان بدوره الدفويه
عشان البرد عندهم ذى الداردومه وهم ناس دوباى وناس نمه ساكت ..حلوين وزنين..
اهآ والحمدالله عنكم ود الماذون عنده دفتر عقد الزواج مصدق واختامه معه اى جنى بدور اعرس ..ارقد قفه بالفاتحه ياناس ما حلال ...حلال..
بورتبيل زولا حنين ..لكن ما بتفوت عليه كبيره ولاصغيره زولا حلوه بالحيل
وعندكم ناس النفاج ..اجازى محنم ..بقيادة ود عوب ..ود ام تريبات ..ورضا ..وعمكم محجوب ..وعمكم ملاح خدره أقصد عبد المنعم ...وناس جكوووووز وعيك ناس كتار بالحيل ناس خمجه وضحك حتى الاشباع
كدى نقول باسم الله ونقص شريط افتتاح ..راكوبة الضحويه ..
انفضلوووو لى جوه

[مدناوية]

سلام يا عمنا نزار ولد حسن

أها أنا أول وحدة جيت أبارك ليكم راكوبة الضحوية ومستعده أساهم في تقديم القهوة والشاي
بس ما تتكلو علي لمن تقصو ظهري بشراب القهوة والشاي

وكمان شاطرة في عمل اللقيمات مع شاي الصباح

[مدناوية]

سلام يا عمنا نزار ولد حسن

أها أنا أول وحدة جيت أبارك ليكم راكوبة الضحوية ومستعده أساهم في تقديم القهوة والشاي
بس ما تتكلو علي لمن تقصو ظهري بشراب القهوة والشاي

وكمان شاطرة في عمل اللقيمات مع شاي الصباح

[ابوالنور]

يا اخوي ده مكتب المعاشات والله شنو

[ود المطامير]

جانا الفرح شايلو النسيم وإشتقنا للمّه الجميله
أى يا الخزين عارفك حنين وما بيهون عليك حالنا
وعارفك بتلمنا تانى تحت ضل الراكوبه نتونس ونضحك وننسى هموم الدنيا

أى والله يا أبوسفروق رجعنا للزمن الجميل

[المسافر]

إزيك يا كفيل صاحبي
مبروك عليكم الراكوبة

وأنا عارف الجلاكين ديل لما يتلموا مع بعض
حيعذبونا ليك بالمراسيل وجيب شاي وجيب قهوة
عشان كده أطلّوا بالله وراكبتكم دي أقعدوا فيها
براااااااااااااااااااااااااااااااااااااااااااااااا ااكم

[ود المطامير]

سلام يا عمنا نزار ولد حسن

أها أنا أول وحدة جيت أبارك ليكم راكوبة الضحوية ومستعده أساهم في تقديم القهوة والشاي
بس ما تتكلو علي لمن تقصو ظهري بشراب القهوة والشاي

وكمان شاطرة في عمل اللقيمات مع شاي الصباح

أى والله
وهداك ود الطاهر جايب الكارو مليانه دقيق
وفحم ... ما تقولى إنتى بتعرفى تهببى الجمر تمااام
هع هع هع هع

[معروف الجزولي]

اخي نزار -- شكرا لانك اعدت لنا الماضي وشكرا لانك لمست جواي حنين قديم كان منسي ؛؛؛ اخ واخ علي همبريب الراكوبه-- هنا في بلد الغربه اصابتنا التخمه من الهمبريب المصنوع وقابات الاسمنت المزيفه "" اخي نزار زمان كانت عندنا في مدينه المناقل طحونه كبيره ومشهوره وسط البلده كنا نتجمع فيها نحن ابنا الحله من اطبه ومهندسين وطلبه ومزارعين حتي اجدادنا الكبار كانو بشرفونا بحضورهم-- بنحكي فيها مشاكل مجتمعنا الصقير والكبير وهاك يا مهاترات وهاك يا قرقريبه اه واه علي تلك الايام الخوالي؛؛؛ ومن طرايف راكوبتنا ازكر بان صاحب الطاحونه الفيها الراكوبه ببيع فيها التمباك للرواد؛؛ وكان رجل جشع للغايه بتلاعب في حجم اكياس الصعود --وفي مره من المرات اتي احد الرواد من اعمامنا الكبار وطلب منه كيس تمباك قال ليه ها جنا ادنا كيس صعود عشان القعده تبقي حلوه يا ولدي--و علي طول صاحب الطاحونه راح جايبلوا الكيس بتاع التمباك وكتها احتجا عمنا علي حجم الكيس احتجاج شديد- لكن صاحب الطاحونه الجشع لا يابه للاحتجاج مستقل عدم منافس له في البلده وقال له بلهجه استقلاليه يا حاج ده الصعود العندي لو عجبك شيلوا لوما عجبك خليه لكن تاني ما جيني لصعود- لكن عمنا قبل الكيس بكل سرور لانه كان خرمان شديد حسب قوله وقال ليه سمح يا ولدي جيبوا نسوي شنو--- قبلناها لكن والله يا ولدي كيسك ده البشحت منو سفه علي الطلاق تب ما عندو عرض--- وضحكنا والله من الاعماق حتي ظهرت اسارير وجوهنا ؛؛؛؛ يا سلام علي الايام ويا سلام اخي نزار عليك لانك زكرتنا بالزمن الجميل-- بالمناسبه انا باذن الله نازل السودان غريب ولو عزمتوني بجي بقيل معاكم لكن بشرط تضبحوا لي عتود--

[محمد أحمد الشيخ]

حبيبنا نزار مبروك عليكم الراكوبه الجديدة

[نزار حسن محمد]

سلام يا عمنا نزار ولد حسن

أها أنا أول وحدة جيت أبارك ليكم راكوبة الضحوية ومستعده أساهم في تقديم القهوة والشاي
بس ما تتكلو علي لمن تقصو ظهري بشراب القهوة والشاي

وكمان شاطرة في عمل اللقيمات مع شاي الصباح

حباب ..الضوايه حباب مدناوية
حباب بتنا المبروكه ..من يد غيرك تب مابنشرب قهوة الضحويه ..
وبراك خربانة راكوبة الضحويه ..
الحمدالله ود الطاهر ستف الكارو تب حتى الجنزبيل جابوو
اكان كترة عليك الطلبات رسلى الجنى ود المطامير وابورجاء
اجيبو لك مساعدة حله ..
عفيت منك تب يامدناوية

[نزار حسن محمد]

يا اخوي ده مكتب المعاشات والله شنو

آها شفتو الجنى ده
هوووى ياجماعه الجنى ابوالنورده
خته عينكم على ما امشى على البحر
كمان ..لو غلبكم قالووو ليه شعر
بقعد تعال يالمبروك ..اعمامك جاين

[نزار حسن محمد]

جانا الفرح شايلو النسيم وإشتقنا للمّه الجميله
أى يا الخزين عارفك حنين وما بيهون عليك حالنا
وعارفك بتلمنا تانى تحت ضل الراكوبه نتونس ونضحك وننسى هموم الدنيا

أى والله يا أبوسفروق رجعنا للزمن الجميل

هووووى انت ابورجاء ده ما عنده حق المواصلات ولا الحاصل شنوا
امشى بسراع جيبوا فى يدك وتعال ...
ماتمشى كمان تغطس لى فى موقف المواصلات ولا جنب باب المستشفى
عارفك شليق ..هاك جيب معاك سعوط .. وانت اشرب لك بيبسى صاقط..

[ريانية]

مرحبا اخوي نزار..
مبروك عليكم الراكوبة ولو عرفت دربها في المستقبل القريب ما حا
أبخل عليكم بمساعدتي يالله جهز لي شغلانة من هسي..
تشكر ولك تحياتي..

[نزار حسن محمد]

أى والله
وهداك ود الطاهر جايب الكارو مليانه دقيق
وفحم ... ما تقولى إنتى بتعرفى تهببى الجمر تمااام
هع هع هع هع

تعال انت هبب ليها الجمر ونزل الحاجات من
الكارو ..اوعك تمشى تمعط ضنب الحصان
جنك شريك طير اقوم ارفسك الحقك امات
طه..

[نزار حسن محمد]

اخي نزار -- شكرا لانك اعدت لنا الماضي وشكرا لانك لمست جواي حنين قديم كان منسي ؛؛؛ اخ واخ علي همبريب الراكوبه-- هنا في بلد الغربه اصابتنا التخمه من الهمبريب المصنوع وقابات الاسمنت المزيفه "" اخي نزار زمان كانت عندنا في مدينه المناقل طحونه كبيره ومشهوره وسط البلده كنا نتجمع فيها نحن ابنا الحله من اطبه ومهندسين وطلبه ومزارعين حتي اجدادنا الكبار كانو بشرفونا بحضورهم-- بنحكي فيها مشاكل مجتمعنا الصقير والكبير وهاك يا مهاترات وهاك يا قرقريبه اه واه علي تلك الايام الخوالي؛؛؛ ومن طرايف راكوبتنا ازكر بان صاحب الطاحونه الفيها الراكوبه ببيع فيها التمباك للرواد؛؛ وكان رجل جشع للغايه بتلاعب في حجم اكياس الصعود --وفي مره من المرات اتي احد الرواد من اعمامنا الكبار وطلب منه كيس تمباك قال ليه ها جنا ادنا كيس صعود عشان القعده تبقي حلوه يا ولدي--و علي طول صاحب الطاحونه راح جايبلوا الكيس بتاع التمباك وكتها احتجا عمنا علي حجم الكيس احتجاج شديد- لكن صاحب الطاحونه الجشع لا يابه للاحتجاج مستقل عدم منافس له في البلده وقال له بلهجه استقلاليه يا حاج ده الصعود العندي لو عجبك شيلوا لوما عجبك خليه لكن تاني ما جيني لصعود- لكن عمنا قبل الكيس بكل سرور لانه كان خرمان شديد حسب قوله وقال ليه سمح يا ولدي جيبوا نسوي شنو--- قبلناها لكن والله يا ولدي كيسك ده البشحت منو سفه علي الطلاق تب ما عندو عرض--- وضحكنا والله من الاعماق حتي ظهرت اسارير وجوهنا ؛؛؛؛ يا سلام علي الايام ويا سلام اخي نزار عليك لانك زكرتنا بالزمن الجميل-- بالمناسبه انا باذن الله نازل السودان غريب ولو عزمتوني بجي بقيل معاكم لكن بشرط تضبحوا لي عتود--

حباب معروف ود المناقل
حباب الزول السمح
حباب اخوه الاخوان
اتفضل تعال اقعد جنبى بى هنا
يامدناويه جبنه فى كبايه وزيدى الجنزبيل
عشان زول الونسه جاكم ..
وصينا ود المطامير اعمل لنا حقه كاربه
للكيف ..ماتخف عمك ود الماحى متكفل
بالمصاريف ..هو اصلو زول كييف
حباب معروف اقعد وتحكر كويس
فى العنقريب ..وشم ريحة الهمبريب
على اصلو ..هبوبك يالله..

[مدناوية]

أى والله
وهداك ود الطاهر جايب الكارو مليانه دقيق
وفحم ... ما تقولى إنتى بتعرفى تهببى الجمر تمااام
هع هع هع هع

الظلم كعب ياجنى المطامير

[مدناوية]

وعندك واحد جبنة في كباية وجنزبيلها زياده وزبطووووووو

أها هاك إتناول مني ياعمنا

الجبنة مظبووووطة وما خمج

[نزار حسن محمد]

حبيبنا نزار مبروك عليكم الراكوبه الجديدة

الزول السمح الفات الكبار والقدره
محمد احمد الشيخ جاكم ..
اخبار الكوره والتمارين ..
والحديث الزين ما بطلع
الا من الزول الزين
حبابك الف تعال قريب

[نزار حسن محمد]

إزيك يا كفيل صاحبي
مبروك عليكم الراكوبة

وأنا عارف الجلاكين ديل لما يتلموا مع بعض
حيعذبونا ليك بالمراسيل وجيب شاي وجيب قهوة
عشان كده أطلّوا بالله وراكبتكم دي أقعدوا فيها
براااااااااااااااااااااااااااااااااااااااااااااااا ااكم

المسافر ..تعال
مسافر وين مخلينى
بعد ولفته قلبى عليك
تعال اقعد هنا راكوبتنا
دى عندها حصانه دوليه
تعال هترش ذى ماعايز
لو كترته كلامك
سفروقى تحت العنقريب
حباب صاحب السياره
2008 ..غايتو لو لقيتك
مجكس ود الماذون قاعد
والعقود جاهزه والشهود
بالكوم .. امشى جيب معاك
زول فرده وتعال منتظرنك

[ود المطامير]

الظلم كعب ياجنى المطامير

هع هع هع هع هع
من بيتين بقيتى مسكينه ؟
هع هع هع هع هع

[ود المطامير]

وعندك واحد جبنة في كباية وجنزبيلها زياده وزبطووووووو

أها هاك إتناول مني ياعمنا

الجبنة مظبووووطة وما خمج

هووووووووووووووى
نزار دا لسه صغير
ولأ قاصده ود الطاهر ؟ أكان كدا معليش

[نزار حسن محمد]

مرحبا اخوي نزار..
مبروك عليكم الراكوبة ولو عرفت دربها في المستقبل القريب ما حا
أبخل عليكم بمساعدتي يالله جهز لي شغلانة من هسي..
تشكر ولك تحياتي..

حباب الريانه
والله جيتى فى وقتك اختك مدناويه يده براه
تعال امسكى الشاى ونشفى النعناع ..
اعمامك ديل عنهم شاى الضحويه
مسمار الراس ..
تعالى سلمى على اختك مدناويه
وحباب بنتنا

[نزار حسن محمد]

وعندك واحد جبنة في كباية وجنزبيلها زياده وزبطووووووو

أها هاك إتناول مني ياعمنا

الجبنة مظبووووطة وما خمج

تسلم يدك يامدناويه ..
والله الجبنه دى ناقصها
وداعيه
هوووى ياود المطامير مابتعرف
الوديع

[نزار حسن محمد]

هووووووووووووووى
نزار دا لسه صغير
ولأ قاصده ود الطاهر ؟ أكان كدا معليش

اهآ قمنا على الشلاقه انت لقايت اسع مامشيت جبتا ابورجاء
اكان كدى الليله بتنوم هنا للصباح ..والله يستر

[صلاح ودالطاهر]

هوووووووووووووووووووووووي ياود الحسن احسن ليك ترحل الراكبه دي للنفاج ولا بكلم الجنه الشليق ودالمطاريش يمشي يشالق ويكلم ليك زولك داك وشوف اولاً في التبادي الشجره قدام الراكبه حقتي وشوف الجنه المطفوش ما يمشي الجزيره يشاكل في الناس وخاصه الخواجات ابوعيون خدر ... اها انا العندي في الكارو بمسكو.... وشوف عيني حليمه قابلت ابكر واخر سلام لمن اسحاق زعل كان مغالطني امش اسال المطفوش .................. اها بكرر رحل الراكبه في اسرع وقت للنفاج