***عنقريب هباب فى ضُل نيمة مرشوشة ***

[الملكة اسماء ( ام محمد )]

الشمار بيقتلني..:d:d

الشافني هسي ( فالقاك ) بكوز الموية دا ما كضب :mad::mad::mad:
يابت انتي ما مركزة خاااالص
ضيف بكرة ابو وشوش ياااااااااااخ ;)
اكيد ما بتعرفيه .... طيب خليك قريبة كلها كم ساعة وتشوفي الرموش الغجرية متناثرة هنا :p:p:p

[صاحبة السمو]

حبابه عشره ابو الشوش...









يابت انتي ضارباك حمى ..

[خالد 000 ابقرجة]

ضيف بكرة ابو وشوش ياااااااااااخ ;)
:p:p:p


معقولة 0000؟؟؟
ود المزاد بالانجليزي ؟؟؟


عارفة يا ملكة 000
الزول ده أنا بريدو في الله سيدي سااااااااااااااكت كدة 000


وبعدين كسير التلج ده أنا طمنتو 000 جايب ليه (Ice maker ) مخسوس 000


بس هو يجي 000

[هيثم ادروب]

صباح الورد ..
صباح البنفسج ..
صباح الخير عليكم ...

[esmat]

رموووووووووووووووووووووووش


الليلة وووووووووووووب علينا كدا لكن خاتنها لي في الباب
تااااااني ووووووووووب طيب

ليه كل العذاب ليه كــــــــــــل العذاب ليه كل الألم بزرع في المحبة وحصادي العشم ليه كل العذاب ليه كل الألــــــــــــم لسه الفرقة حاصلة وبقاسي الألم

( وش حارقاااهو عدييل )

[esmat]

[/u]
جايكم كسارالتلج الكبير:cool:
ياخي دا مكسر كل الواح التلج في المنتدى
;);););)
:p:p:p
:):)

والغريبة عنده تكسر:eek:(تقصف) في الرموش:rolleyes: :p




ملكة اخبارك امورك صباحك خير ياخ
وحاتك بردنا عدييل كدا نعمل شنو عاد
عايزين السخانة الليلة الجو فارض نفسو


(وش عامل ناااايم)

[esmat]

يا هلا بيهو والله واكييييييييييييييد ح ينور العنقريب
ومنتظرنو بفااااااااااااااااااااااارق الصبر بث هو يجي :d
واكيييد ما بنقصر معاهو في العصير والقهوة وحاجات تانية كده ;):p


ميدو العسل وحاتك عسل بتقصري انتي
اقصروا الرجال ياخ وحاة الله ما تنتظري كتير
انا بقدر معقولة بس بعدين لاقهوة لا عصير
خليها حاجات تانية كدا

(وش زاااتو كان منتظر افتحواا ليه الباب)

[esmat]

الشمار بيقتلني..:d:d


الليلة ووووووووب
نموت نحنا وادوم خيرك
ما قلنا ليك الشمار دا بشرق ليه زوول
ما تكتروا وخاصة الايام دي عشان صحتكم

(وش خايف عليكم)

[esmat]

معقولة 0000؟؟؟
ود المزاد بالانجليزي ؟؟؟


عارفة يا ملكة 000
الزول ده أنا بريدو في الله سيدي سااااااااااااااكت كدة 000


وبعدين كسير التلج ده أنا طمنتو 000 جايب ليه (ice maker ) مخسوس 000


بس هو يجي 000


اب قرجة الزول دا بريدو ياناس
هي لكن انت بتريد ونحنا بنحب
يعني فايتنك وكدا وبنغير عديل
لكن كسير التلج للرجال شين
عشان كدا

(وش كاتلو في قلبو)

[خالد 000 ابقرجة]

(وش زاااتو كان منتظر افتحواا ليه الباب)



أدروب 000
ألحق 000 جيب اللستة
الشرك قبض 000 ( قصدي العنقريب ) ( وش زول بولع في النار بينك وبين أدروب مدعي النيمة العام )

عصمت 000
رجل المهام الصعبة 000
أستاذ الجودية الصامتة المتدارية بالكواليس 000
صاحب أجمل مصنع تلج 000
وألذ مشغل وشوش 000

وأجمل رموش 000 ( أبو مزن حا يجيب ليك كام كيلو وهو جاي )

ياخي النيمة دي منورة كل يوم 000
بس الليلة شمسها زيادة 000

[esmat]

الموجز


عارفة يا ملكة

كان ما عارفة عارفة


حبابه عشره ابو الشوش... يابت انتي ضارباك حمى ..

مالك ذكرتيني ابو الحروف كدا - بعدين الحمى دي بعيد بعيد نبكي الحبيب
ما تطولي الغيبة


وتشوفي الرموش

تاني ياعموو ما بالغت


ومن هسي افتحي اضانك

قالوا ليك اضاااانك


عارفه يا ملكه حيجبوا ليك خبر زول مات بشمار حقك دا ..

ونحنا قبيل شن قلنا ما قلنا بشرقكم ياخ


اها انا كسرت تلج خلي يظهر

تلج دا ما دقااااق كدا


رموووووووووووووووووووووووش

الليلة وووووب

[هيثم ادروب]

بسم الله الرحمن الرحيم
الاخ الحبيب عصمت مرحب بك فى العنقريب ..
وانا جد سعيد ان افتتح البوست ببعض الاسئلة
اولا :
من هو عصمت ..؟

ماهي نقطة ضعفك ..؟


ماهي اصعب كلمة ممكن ان تقولها لأي شخص ..؟


ماهي مشكلة العصر في نظرك ..؟


ماهو الشيء الذي يطاردك في كل مكان وانت تهرب منه ..؟

هل تمنتى الموت يومآ ومتى ..؟


ماهي الطريقة التي تعبر فيها عن غضبك ..؟

ماهو دافعك في الحياة ..؟


متى تكذب ..؟


ماذا تفعل لو قال شخص اني اكرهك

ماذا يعنى لك منتدى ودمدني ..؟

جملــة ( ويبقى الأمـل ) .. قصيرة فى كلماتها .. كبيرة فى معناها .. تحدث لنا بإختصار

عن التمسك بالأمل..؟

اشرب القهوة وبجيك ...

[esmat]

أدروب 000
ألحق 000 جيب اللستة
الشرك قبض 000 ( قصدي العنقريب ) ( وش زول بولع في النار بينك وبين أدروب مدعي النيمة العام )

عصمت 000
رجل المهام الصعبة 000
أستاذ الجودية الصامتة المتدارية بالكواليس 000
صاحب أجمل مصنع تلج 000
وألذ مشغل وشوش 000

وأجمل رموش 000 ( أبو مزن حا يجيب ليك كام كيلو وهو جاي )

ياخي النيمة دي منورة كل يوم 000
بس الليلة شمسها زيادة 000


خالد اب قرجة وحاتك الزيك دا ما بردوا ليه بعدين
ياخ انت عندك نكهة خااااصة في المنتدي دا وعلى فكرة
والله متابعك تماماً وخاصة في طريقة استقطابك لي الاعضاء
الجدد وطريقة تعاملك معاهم وترحيبك بيهم عشان تديهم احساس بالأمان
ياخ انت راقي والله انا لي كل الشرف اني اتعرف بي شخصك
المدعي العام بتاعكم دا ياهو الخايف منو انا
(وحش حاسدك على ابداعك دا)
ما شاء الله تبارك الله عليك اللهم لا حسد

[esmat]

هيثم ادروب ياخ انت ربنا اخليك عامل لي كرفتتك دي براحة علينا ياخ


بسم الله الرحمن الرحيم
الاخ الحبيب عصمت مرحب بك فى العنقريب ..

الف مليون مرحب بيك انت ياخ (وش ما جادي)


وانا جد سعيد ان افتتح البوست ببعض الاسئلة


اسي عليك الله دي كلللها بعض ولا شيء من حتى

اولا :
من هو عصمت ..؟


شوف من الاخر كدا طبعاً الناس بتقول ليك في السؤال دا انا
زول بسيط وما عارف شنو والله انا صراحة زول قتيت
وبعدين ما قاعد اصافح بي سهولة عشان بعمل حسابي
مليون مرة قبل ما اغلط عادتي كدا ممكن ازعل منك انزلك
وما اهتم بي اي شي

ماهي نقطة ضعفك ..؟


شفت نقطة ضعفي دي البنات ديل مجنناتني في راسي دا
لحدى ما ازوج شكلوااا ياخ انا عايز اعرس
(وش واحد ضاق بيهو)


ماهي اصعب كلمة ممكن ان تقولها لأي شخص ..؟

(نزلتك ) نزلتك دي لانها بتعني لي انا نزلتك من كل محلة
كنت خاتيك فيها وما قاعد اقولها بالساهل لانها بتعني عدم
اهتمامي بي كل ما يعنيك

ماهي مشكلة العصر في نظرك ..؟


المشكلة مافي العصر الزمن هو الزمن المشكلة في
شباب العصر فاقد بوصلة ما في تخطيط لي مستقبل
كل حاجة بتصب في دائرة واحدة وتبدا من جديد في نفس
الدائرة يعني شباب لا ينظر لغد انما لساعات وليس ليوم

ماهو الشيء الذي يطاردك في كل مكان وانت تهرب منه ..؟


الغريبة ما في حاجة بتطاردني عشان عايش حياتي بي واقعية تماماً

هل تمنتى الموت يومآ ومتى ..؟


يا اخوي صغير وجاهل مالك علي

ماهي الطريقة التي تعبر فيها عن غضبك ..؟


الصمت والنظرات الحادة

ماهو دافعك في الحياة ..؟


تعرف الحياة هي نفسها الدافع يعني لما تعرف ان الله
خلقك وبث فيك الروح تحمد الله على ذلك والدنيا زايلة
ولا يحدث شيء في الدنيا الا ان يريده الله لك
لكن من الاهداف حالياً الاستقرار والزواج

متى تكذب ..؟


احاول بقدر الامكان ان اكون صادق في حياتي
ممكن اكذب اذا حسيت فعلاً اني ممكن اخسر شخص
لكن تأكد تماماً بتحسس الوقت المناسب عشان اكلموا بالكذبة دي

ماذا تفعل لو قال شخص اني اكرهك


مقياس الشخص لدي هو البحدد النوع
وغالباً احترم رايو كثيراً واحاول ما اختلط بيهو

ماذا يعنى لك منتدى ودمدني ..؟


منتدى مدني اتنفث من خلاله احزن لنهاية اليوم لأنه يعني مفارقتي
ليه واسعد ببداية اليوم للرجوع وابداء دائماً بقراءة المواضيع الجادة

جملــة ( ويبقى الأمـل ) .. قصيرة فى كلماتها .. كبيرة فى معناها .. تحدث لنا بإختصار

عن التمسك بالأمل..؟


ويبقى الامل يا الله تعرف انا حالياً متمسك بي امل
اللقيا عشان كدا الكملة دي بتعني لي اشياء كثيرة جدا
ودائماً بتذكر ما دامت المآذن تُرفع أصواتها معلنةً أن لا إله الأ الله وأنّ محمداً رسول الله : يبقى الأمـل
يبقى الامل ما دمت حياً

اشرب القهوة وبجيك ...


وش زول صاااااااااري ليك ياخ

[العاقب مصباح]

العاقب اخوى
سلام عليك ياود العم
اعزرنى انا بمشى طوالى
اصلوا عنقريبك كرابو واقع
كدى جيب ناس بكرى كسلا ود صقير كان يشدوا شويه
وبعدين برجع ليك
كان شوفت الكراب مشدود بجى وبعقد معاكم
اه ودعتك الله
برجع ليك




مرحب حباب الراقى حافظ شعبان

منور النيمة والنيامة والله

شرفتنا ونورتنا

بى طلتك الجميلة دوما

ومرحب بالرائعين كسلا وعوض صقير من الضل ولى محل قاعدين

ويا ريت لو يطلوا علينا

[الملكة اسماء ( ام محمد )]

وش زول صاااااااااري ليك ياخ


من الصبااااااااااااح كدا صاري ؟؟
يااااااااااخ قول صباح الورد :)

وبعدين لو سمحتوا بس الزوال دا قلنا من الطبقة ..................
يعني ماف داعي ترصوا ليه لستة طويلة كدا ياهيثم ;).... وراه اشغال وعقودات وكدا:rolleyes:


هسي حاليا كدا ما شفت لي وحدة من نقاط ضعفه قدمت ليه حاجة
اها انا شخشيا كدا يا اسمت قلت اقدم ليك حاجة
( بس ما اطلع سطر جديد مانقطة ):D:D:D:D:D



http://forum.ozkorallah.com/up/4229/1204529346.jpg


مالقيت كركدي ;););)


ولمن اصحى ليك كويس بقول ليك
حيااااااااااااااااك وارجا الجاياك :rolleyes::cool:





وش وحدة ( ماشمتانة خااااااااالص):p

[هيثم ادروب]

عصمت ..

ماوريتنا انت من وين في مدني ..؟

وهسة قاعد وين ..؟

رايك في الحب بصورة عامة ..؟

كم مرة حب عصمت ..؟

متى دق الحب باب قلبك .. ؟

كيف تسدد ديون الأوفياء .. ؟

كيف تتحقق من أن آهاتك خرجت .. ؟

أول وجه تتمنى رؤيته عندما تستيقظ (غير امك) ..؟

ماذا لو تمثل الحب بشرا سويا .. ؟

متى تكون الإجابات غير مقنعة .. ؟

أين يقيم قلبك عندما تسافر أو تغترب .. ؟

عما ذا تبحث في حقيبة الماضي .. ؟

ذكريات لانتسى .. ؟

قرار ندمت عليه بعد اتخاذه .. ؟

قرار ندمت انك لم تتخذه .. ؟

امنية لم تتحقق فى حياتك تتمنى ان تحققها .. ؟

ماذا تعنى لك هذه الكلمات ..

الطبيعة ..

ألمراة ..

الوفاء ..

الصداقه بين الرجل والمراة ..

اذا عاد بك الزمان الى الماضى ماذا تاخذ منه ..؟

فى يدك اربع اقلام لمن تهديها وماذا تتمنى ان يكتب كل واحد بهذا القلم .. ؟

عصمت واالسياسة ..؟

هل ينتمي عصمت لأي حزب سياسي .. ؟

رايك شنو في الفتن البتحصل الايام دي في السودان ..؟

والحل شنو في نظرك ..؟

دقيقة النجيب ليك موية من الزير البارد ده

[هشام سلس]

http://forum.ozkorallah.com/up/4229/1204529346.jpg


مالقيت كركدي ;););)

نحنا ما كنا قاعدين في العنقريب الحاجات دي ما جاتنا مالها

وش واحد مبوز وزعلان وطاقي

[حسام التنين]

السلام عليكم ورحمة الله

كيفكم يالنيامة والله الشوق شديد

اخباركم واموركم شنو

اها اخر الاخبار شنو ادونا تلخيص سريع عشان نقدر ننداح

(وش زول مشتاق شدييييييييييييد)

ادروب والله مشتاق لمعلقاتك السؤاليه جدا

ودمدثر ابوقرجة سيدالعنقريب و.... (النمشئ اجيب قائمة الاعضاء واجي)

[الملكة اسماء ( ام محمد )]

[/URL]




نحنا ما كنا قاعدين في العنقريب الحاجات دي ما جاتنا مالها

وش واحد مبوز وزعلان وطاقي


انتوا انتوا بتتنسواااااااااااا

ياااااخ وعندك احلى عصاير لاحلى ناس
كله الا زعلك ياسلس ياااااااااااااااااخ :):)


http://www.elaana.com/up/get-1209763851.jpg


الكباية القدام دي ليك انت تحديدا كدا :cool::cool:
[URL="http://forum.ozkorallah.com/up/4229/1204529346.jpg"] (http://forum.ozkorallah.com/up/4229/1204529346.jpg)

[الملكة اسماء ( ام محمد )]

(وش زول مشتاق شدييييييييييييد)

)


حساااااااااااااااااااام شخشياااااااا
يااااااخ بتبالغ
قربت اسئل منك السفارات:d
ياااااااااااخ مشتاقون
اين انت يا رجل

وانا اقول النيمة دي مضلمة كدا مالها



حبااااابك

واقعد عافية

[هيثم ادروب]

وينك ياتنين ..

دا كلو وانت في مدني..

ياخ مشتاقين عديل ..

طمنا عليك ياخ ..

[حسام التنين]

حساااااااااااااااااااام شخشياااااااا
اهلين يادكتوره
يااااااخ بتبالغ

بس اوع تديني حقنة (وش زول بخاف)

قربت اسئل منك السفارات:d
لالالالالالا :eek: نحنا هناك ممنوع الاقتراب والتصوير بتجيبي لي روحك هواء:cool:
ياااااااااااخ مشتاقون

والله واقعيين عديل (كملنا جنحينا في الطيران معاك)_علي وزن جارين وراك

اين انت يا رجل

والله ياستي الحمد لله بس كدي لمن نتلاقي بي هناك
وانا اقول النيمة دي مضلمة كدا مالها

ماعشان مافيها نيران :eek:



حبااااابك

واقعد عافية

تسلمي والله ياملكة..

[حسام التنين]

وينك ياتنين ..

دا كلو وانت في مدني..

ياخ مشتاقين عديل ..

طمنا عليك ياخ ..



ياريت لو كنت في مدني والله في الخرطوم

انتو الشوق ليكم الف والله ياغالين

والله كانت عندي كترت كفاوي

بس حسي داير انداااح

امبارح المطره في مدني من 3ظ حتي 2ص
كيه بس

[esmat]

هيثم ادروب غايتو الواحد بقى ارد ليك سريع سريع عشان ما تكتر عليه اسئلتك دي
(وش واحد شايل هم حاسي عايزك تورطو)


عصمت ..

ماوريتنا انت من وين في مدني ..؟


انا ياعزيزي من مايو نص محطة الامية ناس سلس ديل قدامنا طوااااالي

وهسة قاعد وين ..؟


هسة قاعد في جدة في شركة اسمها كوماتسو وساكن
في منطقة بقولوا ليها حي الجامعة في جنوب جدة
(وش واحد قال ليك حاول زوروا)

رايك في الحب بصورة عامة ..؟


الحب هو اللحظات التي تخلد في أذهاننا وتحمل كل معاني السعادة، فلا تندم على لحظة حب عشتها حتى ولو صارت ذكرى تؤلمك .

كم مرة حب عصمت ..؟


مرتين

متى دق الحب باب قلبك .. ؟


الحب نفسو ليهو فهم معين يعني في حب مراهقة
في حب تدي نفسك احساس بي انك بتحب (موهوم)
لكن الحب حقيقة في حياتي كان قبل ثلاثة سنوات
عشت حب حقيقي

كيف تسدد ديون الأوفياء .. ؟

الاوفياء لا تستطيع تسديد ديونهم إلا بالوفاء نفسه

كيف تتحقق من أن آهاتك خرجت .. ؟


آهاتي كامنة في الدواخل اعلم انها لا تخرج إلا بلقاء (قاتل الله الغربة)

أول وجه تتمنى رؤيته عندما تستيقظ (غير امك) ..؟


(رموووووووووش)

ماذا لو تمثل الحب بشرا سويا .. ؟


سيكون بالنسبة لي مشتت لا يدري يقف ام يقع على الارض
ولا اظنه يستطيع الوقوف لإهمالي له

متى تكون الإجابات غير مقنعة .. ؟

عندما تحس ان هناك مصالح تجمع بين السؤال والاجابة

أين يقيم قلبك عندما تسافر أو تغترب .. ؟


تركت قلبي في يدها عند آخر لقاء

عما ذا تبحث في حقيبة الماضي .. ؟

دائماً ما ابحث عن الذكري الجميلة واتدثر بثوب الجلوس معها

ذكريات لانتسى .. ؟


يوم كنا جالسين سوا

قرار ندمت عليه بعد اتخاذه .. ؟


السفر الغربة دون وضع اعمدة كافية لتحمل حبي

قرار ندمت انك لم تتخذه .. ؟


الزواج قبل السفر

امنية لم تتحقق فى حياتك تتمنى ان تحققها .. ؟


(وش ماسك ليك في الزواج دا بس)

ماذا تعنى لك هذه الكلمات ..

الطبيعة ..

خضرة وماء فقدناها في هذه الغربة لا تستطيع تذكرها إلا بذاكرة الوطن ألمراة ..

الوفاء ..


حالياً نبحث عنه فهو نادر هذه الايام

الصداقه بين الرجل والمراة ..


هي صداقة لا يشوبها شائب

اذا عاد بك الزمان الى الماضى ماذا تاخذ منه ..؟


ايام الجامعة جميلة هذه الايام

فى يدك اربع اقلام لمن تهديها وماذا تتمنى ان يكتب كل واحد بهذا القلم .. ؟


اهديها لشخص واحد اتمني ان يكتب جملة واحدة
لما ترجع بالسلامة ترجع ايامنا الجميلة

عصمت واالسياسة ..؟


لا احب السياسة كثيراً

هل ينتمي عصمت لأي حزب سياسي .. ؟


انتمى لحزب واحد وهو العيش بكرامة

رايك شنو في الفتن البتحصل الايام دي في السودان ..؟


الفتن التي تحدث الان ما هي إلا لعبة كراسي ستتوقف

والحل شنو في نظرك ..؟


انتخابات ديموقراطية وهي في الطريق ان شاء الله

دقيقة النجيب ليك موية من الزير البارد ده


اشرب واقعد قبلك ياخ جاي لي شنو

[تغريد]

النيامة

كلكم وبدون فرز







انا زعلانة منكم شديد





ولا حتي تفكروا تسالوا روحكم

سااااااااااااااااااكت البت دي مشت وين ؟

[الملكة اسماء ( ام محمد )]

البت دي مشت وين ؟\\



هي يا انتوا البت دي مشت ووووووووووين ؟:confused::eek::rolleyes::p


همسة : صراحة عقدتوا سلس عديل:(:(
من يوم قعد انتوا طفشتوا ( وش وحدة بتحب تشعللها ;););))


لكن جد كدا وحشتوناااااااااا وحشتونااااااااااا وبرضوا بالغتوا مع ابو الهش ياااخ :o:cool::cool::D:D

[تغريد]

\\



هي يا انتوا البت دي مشت ووووووووووين ؟:confused::eek::rolleyes::p


:eek::eek::eek:

همسة : صراحة عقدتوا سلس عديل:(:(
من يوم قعد انتوا طفشتوا ( وش وحدة بتحب تشعللها ;););))


اي اي محتاجة هبابة ولا عندك بعدين دي ياها زاتا خير وسيلة للدفاع الهجوم
لكن جد كدا وحشتوناااااااااا وحشتونااااااااااا وبرضوا بالغتوا مع ابو الهش ياااخ :o:cool::cool::d:d



لا ما هو بااااااااااااااااااااااااااااااااااااااااااااااااا اين

[صاحبة السمو]

صباح الخير والفل الياسمين لكل النيامه









اصبحتي يا ملكه كيف من امبارح:cool:

[الملكة اسماء ( ام محمد )]

صباح الخير والفل الياسمين لكل النيامه[/
COLOR]


صباح الورد









اصبحتي يا ملكه كيف من امبارح:cool:


[COLOR=purple]اصبحنا واصبح الملك لله ... بالف خير والحمد لله .. وانت عساااك طيبة
( وش وحدة حااااااااااااااااااااااسة ان النظرة دي ماغريبة عليها :cool:)

[صاحبة السمو]

http://pic.a77la.com/data/thumbnails/21/TRH3.gif

منور في العنقريب يا عصمت..

[هيثم ادروب]

هوووووووووووووووووي يابنات ..

انتو عصمت ماعجبكم ولا شنو ...؟

عايزنكم تشدو حيلكم معاه ..

ماشايف اي واحدة فيكم قاعدة تزرزرو ..

يلا وروه المكشم بلا بصل ..

[هيثم ادروب]

ياجماعة انتو تغريد وين ..

من يوم جابت الاتوز وهي مافاضية لينا ..

نمشي البطري ولا شنو ..

[تغريد]

ياجماعة انتو تغريد وين ..

من يوم جابت الاتوز وهي مافاضية لينا ..

نمشي البطري ولا شنو ..




غايتو جنس غايتو :eek::eek:


الحركة دي عملتها ملكة قدامك قبل شوية




شوف غيرها :p:p

[تغريد]

صباح الخير والفل الياسمين لكل النيامه









اصبحتي يا ملكه كيف من امبارح:cool:




صباح الخير يا صاحبة السمو

[الملكة اسماء ( ام محمد )]

غايتو جنس غايتو :eek::eek:
دا اسم بوست ماعارفاه حاليا كدا وين ؟
كان نفسي اعرف مضمونه بس مافضيت ليه:p


الحركة دي عملتها ملكة قدامك قبل شوية

هههههههه
يابت نحن مشتاقين ليك بشكل تاني
يعني الا نقول ليك والله العظيم على البال
بس عذرا على عدم السؤال




شوف غيرها :p:p

طيب
نشوف غيرها


مشتاقين تربيع ...تنفع ؟:p:p

[هيثم ادروب]

غايتو جنس غايتو :eek::eek:


الحركة دي عملتها ملكة قدامك قبل شوية




شوف غيرها :p:p

والله يادكتورة ..اتلومنا معاك ..

بس بالجد مناورانا ..

وليك حق تزعلي ..

كدي زرزري لينا عصمت دا ..

[صاحبة السمو]

صباح الخير يا صاحبة السمو






يسعد صباحك يا عسل مشتاقيييييييييييييييييييييييييييييييين ..

[تغريد]

طيب
نشوف غيرها


مشتاقين تربيع ...تنفع ؟:p:p




هههههههههههههههههههههههههههههههه



عارفاك حناكة يا ملكة وما بتنقدري في النضمي




الجديد شنو في العنقريب يا ختي باقي طولت منو ؟؟ هي اي والله طولت شديد وما في

زول هببوا لي






تاااااااااااااااااااااااااااني زعلت :mad::mad::mad:

[الملكة اسماء ( ام محمد )]

كدي زرزري لينا عصمت دا ..

بعد اذنك يا هيثم
اسمت دا احنا خففنا عليه الزرزرة مخصوص ( وش زول عامل فيها واسطة وكدا :o)

لكن ممكن تطبق فيه نظريات الاسئلة المختصرة ( الحااااااااارة )

وبالله ما تجيبوا ليه سيرة رموش تاني يقوم يجيب لينا ( عواصف عاطفية لاتحمد عقباها:D)


ياترى ياهل ترى .... عصمت عنده كم وش ؟؟؟:D:o:(:):confused::eek::mad::rolleyes::cool:;): p

[تغريد]

عصمت يا منقة والله مرحب بيك في العنقريب ومعليش اعزرني بس جيت زعلانة وشايفة طشاش


بالمناسبة العنقريب عاجبني ليك شديد




وش شمتان جدا جدا جدا جدا جدا الي ما لا نهاية :p:p:p

[تغريد]

يسعد صباحك يا عسل مشتاقيييييييييييييييييييييييييييييييين ..





تسلمي يا ستي الله يديك العافية

[الملكة اسماء ( ام محمد )]

عارفاك حناكة يا ملكة
دي وين لحجامة :confused::p





الجديد شنو في العنقريب يا ختي باقي طولت منو ؟؟
اسكتي ساي
فكوني مسكوا سلس
وسلس زول مفتح جدا ... زايغ من النيمة ليه يومين:p
هي اي والله طولت شديد وما في

زول هببوا لي
يابتي والله انا مشركة لنفرين هنا لما نسيت اشغالي التانية
غايتو الشرك قبض ليك واحد باقي التاني وبعدها بقعد في اقرب بمبمر اتفرج :rolleyes:..وش زول متخيلك هسي بتقول في شنو يااسمت :D:D






تاااااااااااااااااااااااااااني زعلت :mad::mad::mad:

يااااااااااخ اقول ليك كلام
ازعلي
انا زاتي زعلانة
اها و دي قعدة :mad::mad::mad::mad::mad::mad::mad:

[هيثم ادروب]

عصمت والله ياخ الونسة معاك سمحة ..

الغربة في عيون عصمت ..؟

ما الذي وجدته في الغربة ولم تجده في الوطن ..؟

ماذا استفدت ياعصمت من الغربة ..؟

الغربة حرمتك من شنو ..؟

اشياء تحزن عصمت ..؟

واشياء تفرحك .. ؟

ماهي اصعب المحطات التي قابلتك ..؟

الاحساس بالظلم ماذا يولد لديك .. ؟

شخص تحتاجه .. وغاب عنك لفتره طويله.. وفجأه رأيته .. ماهى شعورك في تلك

اللحظه .. وماهي الكلمه التي تقويها له ..؟

القلب يشوف قبال العين ....مارايك .. ؟

من الذي تتمني رؤيته من اعضاء المنتدي ..؟

من الذي التقيت به من اعضاء المنتدي ..؟

سلبيات المنتدي في رايك ..؟

ما الشي الذي يميز منتدي ودمدني ..؟

رايك في المشرفين بصراحة ..؟

من الذي لا يستحق لقب مشرف في رايك ..؟

كاتب او كاتبة تستمتع بكتاباته في المنتدي ..؟

قسم تتمني إضافته في المنتدي ..؟

الكورة في الســـــــــــــــــــــــــــــــــــــــــودان ... ؟

لونك الرياضي ..؟

افضل لاعب في السودان ..؟

بتسمع لي منو قديم وجديد ..؟

بتحب الشعر ..؟

هل مرة جربت انك تكتب .. سواء ان كان شعر او بعض الخواطر .. ؟


النيمة عطشانة النفتح الموية وبجيك ..
وش زول مبسوط منك ..
:p:p:p

[الملكة اسماء ( ام محمد )]

النيمة عطشانة النفتح الموية وبجيك ..
وش زول مبسوط منك ..
:p:p:p

ياجماعة المرشح الثاني للعنقريب الجاي هيثم
المؤيد فيكم يرفع يده :eek::eek::eek: وش زول خايف الفي باله يكون صحي :(:(:(

[esmat]

عصمت يا منقة والله مرحب بيك في العنقريب ومعليش اعزرني بس جيت زعلانة وشايفة طشاش


كدي دقيقة ياجماعة الليلة وووووووب منقة وكدا ياخ
ما قلنا ليكم الحاجات دي بتعمل لينا اكولة وكدا اقول
ليك شنو عاد الليلة انا اعذرك ياخ عاذرك ساااي عاذرك شديد
بس ما تعملي كدا (وش تلجوا مجمد ما قادر اكسروا)

[هيثم ادروب]

ياجماعة المرشح الثاني للعنقريب الجاي هيثم
المؤيد فيكم يرفع يده :eek::eek::eek: وش زول خايف الفي باله يكون صحي :(:(:(

ياملكة مااااااااااااااااااااااااااااااالك علي ..

دا انا غلبااااااااااااااااااااااااان ..

بس الفي بالك ماصحي ..

المرشح الجاي ..

صلاح ود الطاهر ..

مشرفنا الهمام ..

[الملكة اسماء ( ام محمد )]

بس ما تعملي كدا (وش تلجوا مجمد ما قادر اكسروا)

غااااااااااايتو
الحكومة دي لو الاقيها اقول ليها ( عفيت منك ياااااااااخ ):d:d:d

[esmat]

اسمت دا احنا خففنا عليه الزرزرة مخصوص ( وش زول عامل فيها واسطة وكدا

دقسة ودقسنا لكن ما مشكلة بعدين ما تقولوا حااااار بنكون قاصدين


منور في العنقريب يا عصمت..

وحاة الله ياصاحبة السمو نوري دا مع نورك ولا شايفو ياخ ما تعملي كدا
(وش حااارقوا جفاك دا)


تسلمي يا ستي الله يديك العافية

غايتو كترت ستات


زول هببوا لي

ما بالغتي لكن نان النفخ من قبيل دا فوق ام كم ياختي

[الملكة اسماء ( ام محمد )]

ياملكة مااااااااااااااااااااااااااااااالك علي ..

دا انا غلبااااااااااااااااااااااااان ..
ماهو عشان انت غلبان نحن رشحناك بعد ود الطاهر :cool::cool: .. وش حالف يشوف فيك يوم:cool:

بس الفي بالك ماصحي ..
انت عارف الفي بالي كان شنو ؟؟ كنت خايفة تكون قعدت قبل كدا وانا ماجيبة خبر ( وش وحدة مفهية خااااالص):o

المرشح الجاي ..

صلاح ود الطاهر ..

مشرفنا الهمام ..


حيااااااااه الله عمنا وتاج راسنا
اي زاتو جيبوا لينا يشوف مطالب شعب النفاج شنو ؟


والله ح يكون عنقريب ... عنقريب مكرب ومفروش فيه برش كمان :):)

[esmat]

ياجماعة انتو تغريد وين ..

من يوم جابت الاتوز وهي مافاضية لينا ..

نمشي البطري ولا شنو ..


طيب ممكن اشارك

[esmat]

هوووووووووووووووووي يابنات ..

انتو عصمت ماعجبكم ولا شنو ...؟


تعرف الاعجاب دا زاااتو انواع مثلاً في اعجاب ما بتقدر تتكلم
زي حالتن دي اها شنو ليك

عايزنكم تشدو حيلكم معاه ..


وحاة الله اقطعوا

ماشايف اي واحدة فيكم قاعدة تزرزرو ..


مادي الوهمة زاااااااااتا

يلا وروه المكشم بلا بصل ..


المكشم عرفنا البصل دا شنو

(وش شايفك وساكت )

[هيثم ادروب]

ياجماعة المرشح الثاني للعنقريب الجاي هيثم
المؤيد فيكم يرفع يده :eek::eek::eek: وش زول خايف الفي باله يكون صحي :(:(:(

http://www.wadmadani.com/vb/showthread.php?t=25110&page=11

والله ياملكة الفي بالك طلع صاااااااااااااااح ..
وش زول مبسوط

[الملكة اسماء ( ام محمد )]

http://www.wadmadani.com/vb/showthread.php?t=25110&page=11

والله ياملكة الفي بالك طلع صاااااااااااااااح ..
وش زول مبسوط


طيب يافرحان :mad:

اعرف ان عندك ( اعادة ) راسب في الاسئلة الانا لسه ما ختيتها :mad::mad::mad::cool::cool::cool:

[wad alballal]

هيتم دا اليوم الديرنو ليك يا هيثم مبروك عليك .......
...........

[هيثم ادروب]

طيب يافرحان :mad:

اعرف ان عندك ( اعادة ) راسب في الاسئلة الانا لسه ما ختيتها :mad::mad::mad::cool::cool::cool:



http://img176.imageshack.us/img176/451/2k880771dj5.gif

[حسام التنين]

ادرووووووب ... والله انت لو قعدت في العنقريب من جديد

هههه والله تدقس دقسه

انا حزرتك .. صاح

والله دايرك تقعد تاني عشان تشوف المابتشاف

[هيثم ادروب]

[center][size="5"][color="olive"][font="times new roman"]

والله دايرك تقعد تاني عشان تشوف المابتشاف

هاهاهاهاها
تاني انا من اللجنة المنظمة ..

http://img176.imageshack.us/img176/451/2k880771dj5.gif

[حسام التنين]

هاهاهاهاها
تاني انا من اللجنة المنظمة ..

http://img176.imageshack.us/img176/451/2k880771dj5.gif


انت من اللجنة المستنزفه

(وش زول داير فيك يوم ولابد ليك )

[يوسف كيكل]

انتي ياالملكه يومك انتي كان المنتدىكلو صحفيين وصحافين بتشديدالح الليله مالم

[الملكة اسماء ( ام محمد )]

انتي ياالملكه يومك انتي كان المنتدى كلو صحفيين وصحافين بتشديد الح الليله مالم

مسكتهم من الزول دا مخصوص برضو
قال مشغول وعملنا ليه تخفيف عقوبة ;):p:p

عصمت جمهوروا عاذرنه جد

لكن باذن الله يومك التقعد انت ( الحراس بتاعنك زاتم مايقدروا يتصدوا ليهم ):cool::cool:

اها هسي حاليا كدا .. المايك .. معاك
اسئل لينا عصمت اسئلة ... تحير وشوشوا كلهم :p:p

[تغريد]

كدي دقيقة ياجماعة الليلة وووووووب منقة وكدا ياخ
ما قلنا ليكم الحاجات دي بتعمل لينا اكولة وكدا اقول
ليك شنو عاد الليلة انا اعذرك ياخ عاذرك ساااي عاذرك شديد
بس ما تعملي كدا (وش تلجوا مجمد ما قادر اكسروا)

هههههههههههههه



خلاص انا فضيت ليك وباقي اليوم دا تب بتموا معاك

[هيثم ادروب]

هههههههههههههه



خلاص انا فضيت ليك وباقي اليوم دا تب بتموا معاك

ياخ انتي من قبيل انا راجيك تزعلي

[الملكة اسماء ( ام محمد )]

وباقي اليوم دا تب بتموا معاك

يااااااااااااااااااحليلو كان طيب


غردة دي زولة عسل يا اسمت وما ح تقصر معاك ... عصاير ... شاي ... قهوة


والباقي .... اسئلة من نوعية ...علل :d:d

[تغريد]

ياخ انتي من قبيل انا راجيك تزعلي




ههههههههههههههههههههههههههههه





جد أمة حاقدة

:mad::mad:

[هيثم ادروب]

جد أمة حاقدة

:mad::mad:

ليك يوم ياست الاتوز ... :mad:

[تغريد]

يااااااااااااااااااحليلو كان طيب


غردة دي زولة عسل يا اسمت وما ح تقصر معاك ... عصاير ... شاي ... قهوة


والباقي .... اسئلة من نوعية ...علل :d:d




كدا انا يا داب لقيت زول يفهمني في المنتدي دا ونبدا طواااااااااااااااااااالي بعد السلام






عصمت وفيما لا يقل عن عشرة سطور ممكن تشرح لينا فهمك شنو في الحياة يعني أبجديات حياتك ومفاتيح سخصيتك والحاجات الماشي بيها ؟؟


ويا ريت لو تمر علي اكتر مرحلة حسيت فيها انك محتاج فيها للصداقة بجد مع ذكر الاسباب والحلول ودي ما مشكلة خمسة سطور فيها كفاية عشان ما اكتر عليك



اخر سؤال في المجموعة صفر اها يا منقة المرحلة الثانوية البداية الفعلية لعصمت الحالي ولا بعد كدا ولا قبل كدا مع الشرح والتوضيح

[esmat]

عصمت والله ياخ الونسة معاك سمحة ..


انت عارف الكلام قالونوا هن

الغربة في عيون عصمت ..؟


امر ايام في عمري الغربة دي قاتلها الله غلطة ياخ
(وش حارقوا)

ما الذي وجدته في الغربة ولم تجده في الوطن ..؟


والله صراحة كدا غير القروش دي ما لقينا حاجة

ماذا استفدت ياعصمت من الغربة ..؟


الحمد لله الغربة في السعودية بتفرق من كل الاغتراب
لتمكنك من العمرة والحج

الغربة حرمتك من شنو ..؟


من اهلي ياخ

اشياء تحزن عصمت ..؟


الفراق دا ما بقدر اوصفوا بكون حزين

واشياء تفرحك .. ؟


يوم الاقيها ان شاء الله

ماهي اصعب المحطات التي قابلتك ..؟


اصعب محطة في حياتي لاقتني قرار سفري

الاحساس بالظلم ماذا يولد لديك .. ؟


الاحساس بالظلم بتحس انو الدنيا دي كلها ضددك

شخص تحتاجه .. وغاب عنك لفتره طويله.. وفجأه رأيته .. ماهى شعورك في تلك

اللحظه .. وماهي الكلمه التي تقويها له ..؟


شعور المنتصر واقول ليه بكل صراحة محتاج ليك

القلب يشوف قبال العين ....مارايك .. ؟


اها شفت دا الكلام بتاع الكسير زااااتو سمعت الكلام دا برضو انا

من الذي تتمني رؤيته من اعضاء المنتدي ..؟


هي عارفة نفسها

من الذي التقيت به من اعضاء المنتدي ..؟


اوههه كتااار لكن الغريبة كلهم رجال

سلبيات المنتدي في رايك ..؟


ناس المنتدي ديل عصبيين وتخبط الادارة في بعض الاحيان

ما الشي الذي يميز مندي ودمدني ..؟


العفوية الفيه ممكن مشكلة بين عضو والاخر تنتهي في نفس اللحظة
والاعتذار بين الاعضاء بالسرعة المطلوبة

رايك في المشرفين بصراحة ..؟


والله بي صراحة المشرفين شايفين شغلهم كويس
لكن الاعضاء مستعجيلين عليهم وفي نفس الوقت ما قاعدين
اعذروا غلطة اي مشرف وبشوفها كأنو قاصد وناسين انهم مكلفين

من الذي لا يستحق لقب مشرف في رايك ..؟


انا دا

كاتب او كاتبة تستمتع بكتاباته في المنتدي ..؟


العاقب وعبد الرحمن المدثر- ملكة وتيسير

قسم تتمني إضافته في المنتدي ..؟


لا اتمنى اضافة اي قسم بل بالعكس اتمني دمج الثقافي مع العام

الكورة في الســـــــــــــــــــــــــــــــــــــــــودان ... ؟


انسي ياخ بجيب ليك المرض ياخ

لونك الرياضي ..؟



هلالابي ياخ

افضل لاعب في السودان ..؟


هيثم مصطفى طبعاً

بتسمع لي منو قديم وجديد ..؟


مصطفى سيد احمد - عصام محمد نور

بتحب الشعر ..؟


شديد والرومانسي بالذات طبعاً

هل مرة جربت انك تكتب .. سواء ان كان شعر او بعض الخواطر .. ؟


اي ياخ انا ما متابعني ولا شنو (وش زول خيبت املو ياخ )

النيمة عطشانة النفتح الموية وبجيك ..
وش زول مبسوط منك ..
:p:p:p


اي ياخ ريحني بالموية دي وكمان لو ناديت لي هنااااية ديك
تكون ما قصرتا تب

[تغريد]

ليك يوم ياست الاتوز ... :mad:






يا هناي أنت ممكن تشيل الاتوز دي من راسك ولا أجي عليك :mad::mad::mad:

[esmat]

هههههههههههههه

خلاص انا فضيت ليك وباقي اليوم دا تب بتموا معاك


اها وحاتك ما اخيب ظنك ياختي
انا بمشي اتغدي واجيك وكان مشيتي
معاي تكوني ما قصرتي عشان اقدر اكل وكدا
بدونك مااااا ببقي لي اها
(وش حنك وكدا)

[الملكة اسماء ( ام محمد )]

اي ياخ ريحني بالموية دي وكمان لو ناديت لي هنااااية ديك


تكون ما قصرتا تب


نادي ليه هناية ديك ياهيثم
يكون قاصد ست الشاي الهناااااااااااااااك دي :rolleyes::rolleyes:


غايتو ... وش وحدة عاجبها العنقريب الليلة
وتتفرج بصمت


يااااااااااااااخ انت انت انت


الله يحقق امانيك

[الملكة اسماء ( ام محمد )]

يا هناي أنت ممكن تشيل الاتوز دي من راسك ولا أجي عليك :mad::mad::mad:

انتوا الاتوز دا نوع طواقي والا شنو ؟:confused::confused::p:p

[العاقب مصباح]

يا شباب شيلو الوشوش دى كدا شويه الندخل

الوشوش دى كلها محمرة لى مالها

عصمت انا مبسوط شديد بى قعادك فى عنقريبنا

وخلينى اجيك يا رائع

وش زول عنده رغبة تلون كتاباتك

[الملكة اسماء ( ام محمد )]

اها وحاتك ما اخيب ظنك ياختي

انا بمشي اتغدي واجيك وكان مشيتي
معاي تكوني ما قصرتي عشان اقدر اكل وكدا
بدونك مااااا ببقي لي اها
(وش حنك وكدا)


ثاااااااااااااااااابت يامعلم

نيتك ساااااابقة


الله يلمني فيك يارموووووش يا اختي :cool:

وش وحدة عارفة حكومة وشوشكم ساكنة وين

[تغريد]

انتوا الاتوز دا نوع طواقي والا شنو ؟:confused::confused::p:p





اااااااااااااااااااااااااااااااااااااااااااااااااا ااااااااااااااااااااااااااااااااااااي

:mad::mad::mad:

[العاقب مصباح]

اول شئ الكارنيه بتاعك ما شفناهو

وتوقيع الكفيل اهم شئ

وفارسة الاحلام بعيون عاشق الرموش

بتعنى ليك شنو

[العاقب مصباح]

تغريد مشتاقيـــــــــــــــــــــــــــن جد

[الملكة اسماء ( ام محمد )]

يا شباب شيلو الوشوش دى كدا شويه الندخل

عقبة دي ما الوشوش
دي النيمة محتاجة قص وترتيب
يااااخ ماشاء الله فرعت تب



الوشوش دى كلها محمرة لى مالها
لانك مافيش يا سيد النيامة كلهم
في زول بخلي ضيفانه تحت النيمة ويمش يقعد في البرندة :mad:


عصمت انا مبسوط شديد بى قعادك فى عنقريبنا

وفي رواية اخرى ( شمتان)
وش وحدة اشتغلت ولاعة مؤخرا :p


وخلينى اجيك يا رائع



وش زول عنده رغبة تلون كتاباتك



والله ذات الرغبة والاحساس
تعال يا اخوي نقدم رغباتنا سوا كان يوافق يغير ياااااااااخ :cool::o

[تغريد]

تغريد مشتاقيـــــــــــــــــــــــــــن جد





بالاكتر يا العاقب ياخ كيفك ويينك من الصباح







وش زول ما زعلان

[هيثم ادروب]

اااااااااااااااااااااااااااااااااااااااااااااااااا ااااااااااااااااااااااااااااااااااااي

:mad::mad::mad:

ياخ والله عادي .. ماتزعلي ..

البت دي حنكوشة وما بتعرف الاتوز ..

هسي كان قلنا ليها همر .. ولا لمبرقيني كان عرفتها ..

هاهاهاهاهاهاهاها

[هيثم ادروب]

الاتوز هدي ياملكة ماتفضحينا مع تغريد ياخ



http://img9.imageshack.us/img9/7448/mediumzmr.jpg

[حسام التنين]

دكتوره تغريد احوالك واخبارك وين انت

متشعلقين في الفرع ده من النيمة

[تغريد]

ياخ والله عادي .. ماتزعلي ..

البت دي حنكوشة وما بتعرف الاتوز ..

هسي كان قلنا ليها همر .. ولا لمبرقيني كان عرفتها ..

هاهاهاهاهاهاهاها



لمبر من هوووووووووووي يا هيثم الكلام الكبار كبار دا خليهو خليني في اتوزي




قلت لي منو الشهادة عربية :p:p:confused::confused:



انا يا ملكة ما قلت انتي :cool::cool::rolleyes:

[الملكة اسماء ( ام محمد )]

هسي كان قلنا ليها همر .. ولا لمبرقيني كان عرفتها ..



ديل منم ياهيثم
اوعا تقول لي عضوات جداد هنا :rolleyes:;):p

[تغريد]

الاتوز هدي ياملكة ماتفضحينا مع تغريد ياخ



http://img9.imageshack.us/img9/7448/mediumzmr.jpg



حقتي بيضاء هنا مافي :p


لي بس كدا بس يا هيثم كان تخليها تتخيلها حاجة كبيرة كدا تشبه الهمر

[العاقب مصباح]

والله ذات الرغبة والاحساس
تعال يا اخوي نقدم رغباتنا سوا كان يوافق يغير ياااااااااخ :cool::o




عليك الله مش كدا

عصمت قول خير ياخ

وش زول ما قاعد فى طرف العنقريب زى المرسل

[الملكة اسماء ( ام محمد )]

الاتوز هدي ياملكة ماتفضحينا مع تغريد ياخ



http://img9.imageshack.us/img9/7448/mediumzmr.jpg (http://img9.imageshack.us/img9/7448/mediumzmr.jpg)


ياااااااااااااااااي عرباتكم قيافة لكن
قلت ليك ماف منها ... بالذهبي

( وش وحدة ضحكت لحد ما اخوها استغرب) ... يااااااااااااخ بالغت بوليغ

و(هل يخفى القمر ... قصدي الاتوز ):p:p:p

[تغريد]

دكتوره تغريد احوالك واخبارك وين انت

متشعلقين في الفرع ده من النيمة



:eek::eek::eek:
سبحان الله سامعة لي زول بيتكلم معاي بس من شدة الغضب ماشايفة لي تنين قصدي زول قدامي




يا ربي انا جنيت ولا شنو ؟ :confused:














هوووووووووووووي يا تنين انت بالذات ما دايرة معاك كلام :mad::mad:

[تغريد]

انتو تعالوا العاقب دا بيقعد متين في العنقريب دا ؟؟؟

[الملكة اسماء ( ام محمد )]

قلت لي منو الشهادة عربية :p:p:confused::confused:
محسوبتك ... soma



انا يا ملكة ما قلت انتي :cool::cool::rolleyes:



اخير كان تقولي

انا عاااااااااااارفة سعالات هيثم دي ماساااااااااي
عايز يشهر بسمو الملكة شخشيا :mad::mad:


يااااااااخ في احلى من ناس ش- ع ;);)


وش وحدة اتحسست من الشهادة السودانية في المجلس الاعلى بدولة قطر وشكلها ماشي تعيدها في السودان :(:o:p

[الملكة اسماء ( ام محمد )]

انتو تعالوا العاقب دا بيقعد متين في العنقريب دا ؟؟؟


قريبا جدا جدا


وحدة عاملة فيها المتحدث الرسمي للنيامة :cool:

[العاقب مصباح]

انتو تعالوا العاقب دا بيقعد متين في العنقريب دا ؟؟؟




ياخى سيد البيت بيقعد والضيوف واقفين يا تغريد

معقولة بث

نحن اهل الكرم ياخ

وخلينى اخر واحد

بعد تقعدوا كلكم

[تغريد]

جد كدا العاقب لااااااااااااااااااااااااازم يقعد لينا في العنقريب دا خلي عامل فيها المزيع

[تغريد]

ياخى سيد البيت بيقعد والضيوف واقفين يا تغريد

معقولة بث

نحن اهل الكرم ياخ

وخلينى اخر واحد

بعد تقعدوا كلكم



بالله عليك يا زول بطل الجرسة وأقعد قعادك وعارفنك كرييييييييييييييييييييييم بس لازم تقعد

[هيثم ادروب]

لمبر من هوووووووووووي يا هيثم الكلام الكبار كبار دا خليهو خليني في اتوزي

عشان تعرفي وبس تاني ماتدخلي الملكة في احراج ..

قلت لي منو الشهادة عربية :p:p:confused::confused:

الملكة (سوما )

انا يا ملكة ما قلت انتي :cool::cool::rolleyes:


بس اكيد قاصدة ..

[هيثم ادروب]

للتعميم ...

الجالس القادم في العنقريب اخونا

العاقب مصباح ..

والحاضر يكلم الغايب ..

امانة جاك زول مو هين يالنيمة ..

[الملكة اسماء ( ام محمد )]

للتعميم ...

الجالس القادم في العنقريب اخونا

العاقب مصباح ..
هي يا انت قبل شوية مش قلت ؟( الفقي سلاه ود التاهر شخشيا ) ديفنا الجاي؟؟ .. انت والله زول بتاع اوشائاااات بشكل :confused:

والحاضر يكلم الغايب ..
غايتو انا حاضرة وكلمتني انت
الغايب منو بكلموا ليك انا :p

امانة جاك زول مو هين يالنيمة ..


يازولنا مااك هين والله

هسي خلينا نخلص من الاخ اسمت يااااااااخ


شرد
غشاكم
قال ليكم ماش يتغدا؟؟؟؟
ياااااااحليلكم انتوا المرة دي :o:o

[العاقب مصباح]

للتعميم ...

الجالس القادم في العنقريب اخونا

العاقب مصباح ..

والحاضر يكلم الغايب ..

امانة جاك زول مو هين يالنيمة ..




انا قعدت فى الاول يا هيثم ياخ

وكان داير ليك فى يوم اصبر بعد الجماعة يقعدوا كلهم

عشان تكو ن فى عدالة فى توزيع الفرص

كدا الناس حتقول عامل فيها سيد النيمة ويقعد فيها كم مرة

وش زول حناك شديد

[هيثم ادروب]

انا قعدت فى الاول يا هيثم ياخ

وكان داير ليك فى يوم اصبر بعد الجماعة يقعدوا كلهم

عشان تكو ن فى عدالة فى توزيع الفرص

كدا الناس حتقول عامل فيها سيد النيمة ويقعد فيها كم مرة

وش زول حناك شديد

خلاص ياعقوبة ..
قعد لينا زود الطاهر شخصياً ..
وليك علي اخلي ريحتو طير طير ..
ياخ دايرين لينا فيه يوم ..

[هشام سلس]

حبيبنا عصمت يا منقة والله مرحب بيك في العنقريب ومعليش كنت طاشي ( زايق)

لكن ولا في زول هببو لي أو سأل البركة في المللكة الله يديها الفي مرادا

النخش ليك لي جوة
وهاك الدردشة دي

* اشياء انت على خصام معها؟
* ميلاد الاشياء هل يحتاج إلى تدوين؟
* الانتظار هل يحلل عصب الوعد؟
*ما هي الدموع التي تبقي في قلب ذاكرتك ؟
*ما هي المحادثة الهاتفية التي أورثتك الدهشة؟
* ابيات شعر تسافر في اعماقك؟
* عندما يسدل الليل ستارة على جبين الكون ويرمي بظلال العتمة قوام الوجود يكتسي أفق الاحلام بدثار يحجب الرؤية عن المراسي في تلك اللحظات أين أنت؟
* خذ نفس عميق وأكتب ما تشاء؟

بجيك صادي ... بس لمن ما يكون في زول

[الملكة اسماء ( ام محمد )]

ومعليش كنت طاشي ( زايق)

طول عمري بقول الاعتراف بالحق ....:rolleyes:

لكن ولا في زول هببو لي أو سأل البركة في الملكة الله يديها الفي مرادا

ويبارك ليك فيما اعطاك ويزيدك
لكن صدقني كلهم مشتاقين ليك
بس في حضرة عصمت عبارات الشوق .... ممكن تجيب عواصف;):p ..لانه السيد اسمت .... ينداح عن اشعال فتيل الشوق
وفي ذلك مايذكره ...الوطن ... الام ... الحبيبة ...
والرموش ياصاحبي ستار ليل انسدل
ورغم الكان مشتاق ليك ...
مستني بس حماك اصل
برفع ايديني للرحمن ...
يتمنى بس ساعة وصل



بجيك صادي ... بس لمن ما يكون في زول

وانا اقول الاخ الفي توقيعك دا بتلبت لمنو ؟:d
يااااااااااخ لو جيت ولقيت الناس دي مافي صدقني الا تقعد تقطع صفق النيمة وتقول

يا نيمة يااااخ اشتاقوا لي .. والا لا
اي
لا
لا
ااااااااي

ياااااخ ااااااااي
مشتاقين

بس والله ملخومين
ضيفنا ظريف ..
وبعلمنا ... نكون بي وش ما وشين



وانت يا سيد الزوغااان ماتزعل ... امسحها في وش الهسي قاعدين :):)

وحبابك الف ومرحبتين

[عبدالرحمن مدثر]

عصمت النجااااااااار

شوقنا بحر

اخوك معصور من الصبااااح

لقينا فرقة وجينا المكتب

قلنا نسلم عليك وعلى المجموعة

استمتعت حقيقة بزنقة ادروب الحبوب

وتفقدت حال النيمة بعد حضورك الانيق

لقيتها كلها (وشوش)

- سؤال ساااى

كيف تنتقل عدوى الوشوش يانجار

[عبدالرحمن مدثر]

يادفعة تعال نتونس دواخليا

ونشوف النجااار فى المنتدى ومع من يحيط به ....

- التعليق اللاذع هل هو مكتسب ام طبيعة داخلية وجدت الفضاء المناسب؟

- عصمت متهم بانه مزاااجى لابعد مايكون ؟

- عصمت هل انتابك احساسك بانك قد خانك التعبير فى كثير من المشاركات والردود

لدرجة الغليان ؟؟

- متى ترتديك الكتابة لتظهر لنا بكامل اناقتك التى نفتقدها كثيرا

- لديك خط خاص فى الكتابات ساحر لابعد الحدود .. لانك من انصار الواقعية والمتمردين على الخيال

لكن اذا رجعنا للمحطة التى تتوقف فيها الان هى مرحلة (خيااااال) .. لاننى سمعت مقولة بان الانسان

عندما يتزوج يصبح واقعى المزاااج ...؟

- الحب لاياتى الا مرة واااحدة .. حدثتنا بانك احببت مرتين (فسر ) ...؟

[الملكة اسماء ( ام محمد )]

http://www.sunna.info/souwar/data/media/9/choko.jpg





يسعد مساء كل الحاضرين


ياجماعة الخير شايفة لي مطرة اسئلة نازلة

قلنا السيد اسمت المعروف انه من طبقة ................ ( وش محتار لانه لحد هسي ماف زول سئلني ياتو طبقة ؟:confused::D) مشغول وكدا وعنده ( بسبس ) خارج اوقات الدوام الرسمي :p
عشان مانقوم نخليه يطفش ويزوغ زي صاحبنا القبليه داك .... خففوا الاسئلة يااااااااااااااخ

واذا امكن نديه فرصة حذف الاسئلة كلها والاجابة على كل سؤال انطرح بعد الساعة الواحدة ظهرا :rolleyes::cool::D

[الملكة اسماء ( ام محمد )]

صاحبكم غايتو لما يشوف الاسئلة دي وشوا ح يكون زي وش بسبوسة دي



http://img6.imageshack.us/img6/4993/rabe3gharaeb5.jpg
:p:p:p:p

[الملكة اسماء ( ام محمد )]

غايتو انا كدا عملت العلي وزيادة
توصيات
وعصاير
وماعارفة شنو ؟
وهسي كمان جبت ليك (نسكافي) تشربه وتعدل الدماغ كدا وتقعد برااااااااااحة تجاوب للشباب ديل ( وش وحدة زايغة جدا):cool::cool:


http://www.goyas.ie/siteready/coffeecup.jpg

[مدنيّة]

- الحب لاياتى الا مرة واااحدة .. حدثتنا بانك احببت مرتين (فسر ) ...؟[/font][/center][/size][/color]

هلالابي ياخ

اي حاجة اتوقعها منوووو :cool:

[esmat]

دكتوره تغريد احوالك واخبارك وين انت
متشعلقين في الفرع ده من النيمة


التنين مشعلق آآآ وانا اقول القاعد اقطع في الصفق دا منو
ياخ قول السلام عليك تغريد ملحوقة ياخ (وش واحد عايز اعقدك)


وفارسة الاحلام بعيون عاشق الرموش
بتعنى ليك شنو

رموش رموش رموش ياااااه احساس جميل الرموش
لما تذكرها وتررد الاسم تحس بسريان الدم الحار في القلب
يدخ بشكل سريع يتجاوز كل المسارات حتى يصل مع الصوت
في وقت واحد - وقد كانت هنا الليلة وووب (وش واحد حاسي بي هوا)


وش زول عنده رغبة تلون كتاباتك

الليلة وووب وتاااني وووب

معقولة ياجماعة الواحد اجيب اسألتكم من الصفحة التلاتمائية وواحد

[يوسف كيكل]

اخوانك كم وانت الكم لديك اولاد ابو
جاوب عشان نتم الباقي

[esmat]

حبيبنا عصمت يا منقة والله مرحب بيك في العنقريب ومعليش كنت طاشي ( زايق)

ياخ ما توريني الطريقة الزقت بيها دي (وش زول ناااوي)

لكن ولا في زول هببو لي أو سأل البركة في المللكة الله يديها الفي مرادا

آآآآمين الملكة بتهبهبوا ليك ههبت ليك شنو البت دي
النخش ليك لي جوة
وهاك الدردشة دي

الدرش دا قصدك مخير الله

* اشياء انت على خصام معها؟

الازعاج احب الهدوء بطريقة قد تتعب الجالس معي

* ميلاد الاشياء هل يحتاج إلى تدوين؟


ميلاد الاشياء عندي لا يحتاج إلى تدوين كثيراً ما اتفاجأ بعيد مثلاً عيد الحب
او عيد ميلادها او عيد ميلادي فأنا اعيش اليوم عيد وغداً عيد

* الانتظار هل يحلل عصب الوعد؟

الانتظار في بعض الاحيان يعد مهلك إلا ان يريد الله

*ما هي الدموع التي تبقي في قلب ذاكرتك ؟

وفات صديق امام بخطأ من صديق آخر لا استطيع النسيان

*ما هي المحادثة الهاتفية التي أورثتك الدهشة؟


محادثة منها تحكي عن شخصية غيرها في حياتي كانت مسار دهشة
وقد انهيتها بالإنكار التااااام

* ابيات شعر تسافر في اعماقك؟

دعني آآخذ معي هذا التوقيع فهو يترك في داخلي اثر ويعطيني بعض الامل

* عندما يسدل الليل ستارة على جبين الكون ويرمي بظلال العتمة قوام الوجود يكتسي أفق الاحلام بدثار يحجب الرؤية عن المراسي في تلك اللحظات أين أنت؟

في هذه اللحظات تراني عند كل المحطات اعيش في خيال حتى أني لا اريد
الشمس ان تشرق امر بكل محطة جميلة في حياتي اقطف منها بعض الذكري
وأزيل الالم ياااااااااااه احساس جميل ان تصنع ما تريد (وش زول مغمض)

* خذ نفس عميق وأكتب ما تشاء؟

دعنى احلم مع بما اريد حتى لو كنت لا تريد فهو حلم

بجيك صادي ... بس لمن ما يكون في زول

تعال يا أخوي بس ما تتعود

[esmat]

عصمت النجااااااااار

شوقنا بحر

حبيبنا عبد الرحمن الشوق محيط هائج الامواج في انتظارك ياخ
اخوك معصور من الصبااااح

انت بتتكلم عني شكلي ولا شنو

لقينا فرقة وجينا المكتب

قلنا نسلم عليك وعلى المجموعة

استمتعت حقيقة بزنقة ادروب الحبوب

ظااااهرة في كلامك مرحب بيك يا اخوي

وتفقدت حال النيمة بعد حضورك الانيق

لقيتها كلها (وشوش)

- سؤال ساااى

كيف تنتقل عدوى الوشوش يانجار

عدوى الوشوش تنتقل حين تريد توصيل شيء لشخص معين
في هذه الحالة ليس لديك حل إلا أن تنجر ما تريد الجميل انها وشوش لا نلبسها بل
ندونها فقط تنتهي عندما يفهم الشخص المقصود المقصد من الوش

[esmat]

يادفعة تعال نتونس دواخليا

تعال لي وما تشمت الناس عليا

ونشوف النجااار فى المنتدى ومع من يحيط به ....

(وش زول حاسي بيك عايز تورطو وبرضو ماشي)

- التعليق اللاذع هل هو مكتسب ام طبيعة داخلية وجدت الفضاء المناسب؟

التعليق اللازع دائماً ما يحمل الاختصار وانا بطبيعتي لا احب الترسل في الكتابة
احب ان اعلق بكلمات بسيطة توصل المعنى وربما جاءت هذه من الطبيعة فأنا
يقال عني قليل الكلام

- عصمت متهم بانه مزاااجى لابعد مايكون ؟

نعم هو كذلك واحاول الضبط في بعض الاحيان واتجنب بعض البوستات
(وش زول حالياً حارقو بوست في العام وعامل نااايم)

- عصمت هل انتابك احساسك بانك قد خانك التعبير فى كثير من المشاركات والردود

لدرجة الغليان ؟؟


دائماً اكتب ما اريد لم احس بهذا الاحساس ولكن يمكن ان احس بأني لم
اوصل الفكرة كاملة وانها تحتاج لتعديل

- متى ترتديك الكتابة لتظهر لنا بكامل اناقتك التى نفتقدها كثيرا

ليتني احمل ملكتك في الكتابة لكنت كل اليوم في شأن
دائماً ما اكتب عندما تستفزني بعض الاخبار العامة في جريدة او ما شابه
فأحولها لقصة بخيالي لهذا احب الكتابات الشبه واقعية

- لديك خط خاص فى الكتابات ساحر لابعد الحدود .. لانك من انصار الواقعية والمتمردين على الخيال

احب الحقيقة التي تتصل بالواقع (مثلاً حالياً مستمتع بقصة تيسير في العام لأنها تمس الواقع)

لكن اذا رجعنا للمحطة التى تتوقف فيها الان هى مرحلة (خيااااال) .. لاننى سمعت مقولة بان الانسان عندما يتزوج يصبح واقعى المزاااج ...؟

كان كدا انا مزوج الواقع ولا كيف يا الله

- الحب لاياتى الا مرة واااحدة .. حدثتنا بانك احببت مرتين (فسر ) ...؟

ذكرت في الاجابة على هذا السؤال اني قد احببت مرتين
احببت مرة في زمن المراهقة تعلقت بمن احب يأتيني خيالها الان
احب الان امرأة اخرى بعد ان انتهت علاقتي بالأولي منذ زمن بعيد
فأنا دائماً اقول لا ينسي الحب إلا الحب فهي مراحل في الحياة لا اتمرد عليها
ولم اقصد بأن قلبي يحمل اثنين في وقت واحد ليس هذا حكمي
اذا تزوجت من احب ماذا افعل اابكي على الاطلال ام استمر في الحياة

[esmat]

مدنية اصلي واجيك ان شاء الله

[تغريد]

كدا انا يا داب لقيت زول يفهمني في المنتدي دا ونبدا طواااااااااااااااااااالي بعد السلام






عصمت وفيما لا يقل عن عشرة سطور ممكن تشرح لينا فهمك شنو في الحياة يعني أبجديات حياتك ومفاتيح سخصيتك والحاجات الماشي بيها ؟؟


ويا ريت لو تمر علي اكتر مرحلة حسيت فيها انك محتاج فيها للصداقة بجد مع ذكر الاسباب والحلول ودي ما مشكلة خمسة سطور فيها كفاية عشان ما اكتر عليك



اخر سؤال في المجموعة صفر اها يا منقة المرحلة الثانوية البداية الفعلية لعصمت الحالي ولا بعد كدا ولا قبل كدا مع الشرح والتوضيح



هووووووووووووووووي يا عصمت وكتين ما عندك خلف هدي أنا مشيت جبت ليك السؤال

دا تااااااااااااااااااااااااااااني ياربي الكلام دا انا سمعتو وين قبل كدا :confused::confused:





وش زول عندو سؤال حاجز بيهو من أصبحت :p:p:p

[تغريد]

مدنية اصلي واجيك ان شاء الله

أي اي انت الليلة عديها كلها غدا وصلاة بس وراك وراك

[هشام سلس]

عصمت حبيبنا ما قلت ليك بجيك وقت مافي زول

لكن لقيت ليك الاخت تغريد لابدا ليك لبدا شيل شيلتك معاها


* يقال ان الكتابة محاولة للطيران بطائرة ورقية...مجرد احلام في الهواء... رايك؟
* لو كان نيوتن شاعراً برأيك من سيكتشف قانون الجاذبية؟
* كيف لك ان تتخيل العالم بدون هذه الاشياء( القهوة... يوم الاربعاء... الرموش)
*لو قدر لك ان تدخل السجن- لا سمح الله- فما هي القضية التي تتمني أن تدخل بها السجن ... ولماذا؟
تاني برجع ليك

[تغريد]

الشاكوش او الصدمة العاطفية ممكن تؤثر ايجابيا ولا سلبيا في حياة عصمت؟



وهل ممكن عصمت يتزوج بدون حب ؟ والسبب اهم حاجة طبعا ؟



واخر سؤال في المجموعة واحد عن رايك في العلاقة بين الحب والكرامة بأسهاااااااااااااااااااااااااااااااااااااااب ممل :p:p





واكييييييييييييييييييييييييد بجيك راجعة

[esmat]

هلالابي ياخ

اي حاجة اتوقعها منوووو :cool:


تعرفي يامدون الهلالاب هم الوحيدين الذين لا يتصفون بالخيانة
ممكن تلاقي واحد من مية اما المريخاب حدثي ولا حرج فتشي
حولك بتلقى معظمهم مريخاب لأنهم يعشقون اللون الاحمر
ونزيف النساء الهلالاب رقيقي المشاعر رومانسيين لدرجة بعيدة
لا يحبون الخيانات ممكن احب مرة واثنين ولكن بعد التأكد من نهاية
العلاقة الاولى تماماً واقول لك الهلالاب لا يجرحون مشاعر البعض
ابداً ابداً

[تغريد]

عصمت حبيبنا ما قلت ليك بجيك وقت مافي زول

لكن لقيت ليك الاخت تغريد لابدا ليك لبدا شيل شيلتك معاها


* يقال ان الكتابة محاولة للطيران بطائرة ورقية...مجرد احلام في الهواء... رايك؟
* لو كان نيوتن شاعراً برأيك من سيكتشف قانون الجاذبية؟
* كيف لك ان تتخيل العالم بدون هذه الاشياء( القهوة... يوم الاربعاء... الرموش)
*لو قدر لك ان تدخل السجن- لا سمح الله- فما هي القضية التي تتمني أن تدخل بها السجن ... ولماذا؟
تاني برجع ليك




الله مرقك يا سلس يا اخوي كنت اتزرزرت جنس زرزرة مبااااااااااااااااااااالغة


يا اخوانا الزول دا ما كان مافي جا متين ؟ :confused::confused:

[محمد الواثق]

مدنية اصلي واجيك ان شاء الله

عاد قدر دة

دي حنكك الهنضبة حاصلة ومعصور لما سنقرتة

اسمعني اجيب اللبن بس واجيك :d:d:d

[esmat]

تغريد والله لكن لقيت الاتوس والخلف عندك ما شاء الله ما نقد ليك لساتكها


كدا انا يا داب لقيت زول يفهمني في المنتدي دا ونبدا طواااااااااااااااااااالي بعد السلام

وعليك السلام ورحمة الله وبركاته (احي انا من الفهم دا ما تكسريني ياخ)
(وش واحد سريع الذوبان)

عصمت وفيما لا يقل عن عشرة سطور ممكن تشرح لينا فهمك شنو في الحياة يعني أبجديات حياتك ومفاتيح سخصيتك والحاجات الماشي بيها ؟؟

عصمت حيدر
سبق ان ذكرت احب الصدق بصورة غريبة
احاول ان اكون صريح في حياتي حتى لو يؤدي ذلك لفقدان شخص غالي
وااقعي لا اعيش في الخيال إلا في اوقات معينة
واعتبرها احلم بما احب تحقيقه
مفاتيح شخصتي الاحترام والتعامل المحترم
يأثرني الشخص الصادق جداً احب ان اتعرف عليه واكون قريباً منه
عشرة /جميع الناس عندي سواسية حتى اختار منهم من اريد
يعني اتعامل من لا اعرفهم سواسية حتى اتعرف عليهم جيداً

ويا ريت لو تمر علي اكتر مرحلة حسيت فيها انك محتاج فيها للصداقة بجد مع ذكر الاسباب والحلول ودي ما مشكلة خمسة سطور فيها كفاية عشان ما اكتر عليك

اكتر مرحلة حسيت اني محتاج فيها لي صديق
في الغربة دي وخاصة لما اجي الليل وتحس
انك براااك في بلد لا تعرف فيها إلا نفسك
اما اللحظة التانية كانت يوم زفاف انسانة
عزيزة علي رغم اني كنت في منتصف الدائرة

اخر سؤال في المجموعة صفر اها يا منقة المرحلة الثانوية البداية الفعلية لعصمت الحالي ولا بعد كدا ولا قبل كدا مع الشرح والتوضيح

المرحلة الثانوية كانت تشوبها بعد الشوائب وطوش الشباب
البداية الفعلية كانت في معاهد التعليم البريطانية حيث كنت
اعمل في فترةالاجازات الجامعية صقلت كل الافكار احسست
بالمسئولية وخاصة عندما تفاجأت مرة بطلبة كانوا اساتذتي
في المرحلة المتوسطة خضت التجربة ونجحت فيها بشهادتهم

(وش عاجباهو المنقة لكن شكها مااا مصفنها كويس ياخ)

[esmat]

اخوانك كم وانت الكم لديك اولاد ابو
جاوب عشان نتم الباقي



حبيبنا يوسف
عصمت السابع في الاسرة في الترتيب
نحنا عشرة بالوالد والوالدة ربنا اديهم العافية يارب
ستة بنات وولدين الحمد لله
اصغر مني بنت اسمها سماح احبها حباً جما

[مدنيّة]

تعرفي يامدون الهلالاب هم الوحيدين الذين لا يتصفون بالخيانة
ممكن تلاقي واحد من مية اما المريخاب حدثي ولا حرج فتشي
حولك بتلقى معظمهم مريخاب لأنهم يعشقون اللون الاحمر
ونزيف النساء الهلالاب رقيقي المشاعر رومانسيين لدرجة بعيدة
لا يحبون الخيانات ممكن احب مرة واثنين ولكن بعد التأكد من نهاية
العلاقة الاولى تماماً واقول لك الهلالاب لا يجرحون مشاعر البعض
ابداً ابداً

كدي اولا بالتبادي
شايفة جابت ليها جرح مشاعر
ماتكون اخدت كلامي بصورة جادة:(

اها نجي لوصفك للهلالاب
واقول ليك
سكتنا (وش زول مهجوم كيف)

[esmat]

عصمت حبيبنا ما قلت ليك بجيك وقت مافي زول

لكن لقيت ليك الاخت تغريد لابدا ليك لبدا شيل شيلتك معاها

تغريد يا اخوي كانت لابتة ليك انت انا جاااتني عددديل (وش احنن)

* يقال ان الكتابة محاولة للطيران بطائرة ورقية...مجرد احلام في الهواء... رايك؟

الكتابة تصقل الافكار وتضعها على ارض الواقع لتجمع افكار القراء للخروج
بنتيجة واقعة لمسألة معينة

* لو كان نيوتن شاعراً برأيك من سيكتشف قانون الجاذبية؟

اظن انه كان سيكون العاقب فقد رأيته مرة ينظر إلى النيمة وهي تتساقط (زونيا)
والزونيا لمن لا يعرفونها هي ثمرة شجرة النيم هذا الرجل لديه من الافكار يجعلك تتوقع كل شيء

* كيف لك ان تتخيل العالم بدون هذه الاشياء( القهوة... يوم الاربعاء... الرموش)

القهوة لا احبها ولا اتعاطها إلا في بعض الاوقات وبوجود بعض الاصرار من البعض

*لو قدر لك ان تدخل السجن- لا سمح الله- فما هي القضية التي تتمني أن تدخل بها السجن ... ولماذا؟

اذا تمنيت ادخل السجن تأكد اني احب ان ادخل لنصرة مظلوم
الاحساس بالظلم لا يمكن لأحد ان يتخيله إلا من ظلم في يوم من الايام

تاني برجع ليك

تعال ومعك آخرون

[esmat]

كدي اولا بالتبادي
شايفة جابت ليها جرح مشاعر
ماتكون اخدت كلامي بصورة جادة:(

اها نجي لوصفك للهلالاب
واقول ليك
سكتنا (وش زول مهجوم كيف)


يامدون والله بالغتي انت عارفة انا كنت دائماً
بقول مدون اكتر واحدة عارفاني ياخ انا كترت
ما بهظر بحس اني بايخ وعارفك ما قاعدة ترضي
في المريخ ولا المريخاب عشان كدا قلت اشن
حملة وكدا (وش قال ليك فهمك غلط ياخ لكن عاذرك ما مريخابية )

[esmat]

مدنية والله زعلتيني جدجد ياخ ماقاصد والله

بعتذر ياخ والله بعتذر

[مدنيّة]

يامدون والله بالغتي انت عارفة انا كنت دائماً
بقول مدون اكتر واحدة عارفاني ياخ انا كترت
ما بهظر بحس اني بايخ وعارفك ما قاعدة ترضي
في المريخ ولا المريخاب عشان كدا قلت اشن
حملة وكدا (وش قال ليك فهمك غلط ياخ لكن عاذرك ما مريخابية )

اتسديها قلت لي سرعة سرعة

بيني وبينك لما شفتها جابت ليها جروح قلت ماهلالابي ما مضمون يكون قاصد شنو
كدي النساله بالدرب :cool:


سعيدة والله بوجودي معاكم في النيمة

وباذن الله بنكرر الطلة عشان نزنقك ياعصمت
اصلو الزنقة محمداكم
و18 قرررررررررررربت

[مدنيّة]

مدنية والله زعلتيني جدجد ياخ ماقاصد والله

بعتذر ياخ والله بعتذر

عصمت هوي ها
العوارة شنو :mad:


كدي قوم علي اسئلة الناس دي
نشوفها بتوصلك وين :cool:

[esmat]

الشاكوش او الصدمة العاطفية ممكن تؤثر ايجابيا ولا سلبيا في حياة عصمت؟

العلاقات العاطفية تؤثر ايجابياً في شخصي
لأن مقتنع تماماً ان كل شيء قسمة ونصيب
وانسان واقعي جداً قد يتخللها بعض من الصدمة
ولكن لوقت بسيط . ودائماً ما اقول كل شيء بحدث
لي خير ودائم الاستخارة في بداية العلاقات لهذا
تريني عادي في هذا الجانب واحمد الله على ذلك


وهل ممكن عصمت يتزوج بدون حب ؟ والسبب اهم حاجة طبعا ؟


لالالالا دي مستحيل تماماً اني اتزوج بدون حب (والله اعلم بما يريد)
السبب ارى ان الحب يزلل كل الصعاب التي تحدث بين الطرفين
ويكون الحب متبادل وقد تغفر للحبيب بعض الزلات للحب الذي عشته

واخر سؤال في المجموعة واحد عن رايك في العلاقة بين الحب والكرامة بأسهاااااااااااااااااااااااااااااااااااااااب ممل :p:p


العلاقة بين الحب والكرامة شعرة بسيطة بعض الناس لا يستطيع التفرقة
بينهم لان للحبيب له حق الدخول في اي شيء طالما هو حبيب يحترم المحبوبة
فبالتأكيد لا يهن كرامة من يحب وحتى إذا حدث فسيكون لها حدود دون آثار وإلا
فهو لا يجيد الحب نقول دائماً ان المحب لا يجب ان يجرح مشاعر محبوبته ولكن
لم نذكر الكرامة لأنها بمجرد وجود الحب الرضا به تتحول الكرامة إلى احترام بين
الطرفين


واكييييييييييييييييييييييييد بجيك راجعة

تعالي ما بس عشان تصفي المنقة دي لكن

[esmat]

عصمت هوي ها
العوارة شنو :mad:
كدي قوم علي اسئلة الناس دي
نشوفها بتوصلك وين :cool:




عليك الله يامدون شفتي الهلالاب ديل راقين كيف
ياخ وااااشريري لو ما كنت هلالابي (وش واحد شركو قبض ياخ)

[esmat]

عاد قدر دة

دي حنكك الهنضبة حاصلة ومعصور لما سنقرتة

اسمعني اجيب اللبن بس واجيك :d:d:d



نعمل شنو يا واثق الناس دي والله الحنك ولا بنفع
معاهم (وش احنن)

[تغريد]

نجي لمجموعة 2


عصمت الهلالابي المتعصب بس ما شديد اخر كورة هلال حضرها كانت متين والنتيجة كم

الكورة ممارسة ولا فرجة ولا بس اسم انا عندي علاقة بالكورة

اكتر مباراة فيها اتمنيت لو الهلال دا كان مافي لانو الغلب حرقك شديييييييييييييييييييد كانت متين ومع منو ؟ وطبعا كهلالابي حاقد ما حتجيب سيرة المريخ في الكورة دي وحتقول مع الامل عطبرة :p




ملحوظة الكلام دا بدون تعصب ونفخة كضابة




وطبعا بدون زعل بجيك تاني ياخ ونستك سمحة

[esmat]

نجي لمجموعة 2


عصمت الهلالابي المتعصب بس ما شديد اخر كورة هلال حضرها كانت متين والنتيجة كم

آخر مبارة حضرتها كان الهلال متعادل وبسببها خسرنا بطولة دامت خمسة سنوات
في الدوري السوداني

الكورة ممارسة ولا فرجة ولا بس اسم انا عندي علاقة بالكورة

الكورة عندي صراحة كانت سابقاً أما الان احب الهلال ولست متعصب
والدليل على ذلك اني لا اتابع بشدة احببت الهلال منذ الصغر منذ طارق
احمد آدم وتنقا والوالي رحمه الله واسامة الثغر وكندورة هؤلاء عندي الهلال


اكتر مباراة فيها اتمنيت لو الهلال دا كان مافي لانو الغلب حرقك شديييييييييييييييييييد كانت متين ومع منو ؟ وطبعا كهلالابي حاقد ما حتجيب سيرة المريخ في الكورة دي وحتقول مع الامل عطبرة :p

اكتر مبارة زعلت فيها وحقيقة ما قدرت اقعد اقيف اقع يوم المريخ اخد كأس السودان
كان يوم مؤلم صراحة لكل هلالابي ومسح لتاريخ دام طويلاً وعلا صوت آخر ما كان
ليعلو في يوم من الايام


ملحوظة الكلام دا بدون تعصب ونفخة كضابة


انا عندي طبعة بحب الصراحة زي ما قلت ليك ولو لقيت اي سؤال ممكن اعتذر
لكن ما اكذب خااااالصوطبعا بدون زعل بجيك تاني ياخ ونستك سمحة

وحاة الله انتي السمحة منقة بس

[يوسف كيكل]

[QUOTE=مدنيّة;328847][font="courier new"][size="4"][color="red"]كدي اولا بالتبادي
شايفة جابت ليها جرح مشاعر
ماتكون اخدت كلامي بصورة جادة:(

اها نجي لوصفك للهلالاب
واقول ليك
سكتنا (وش زول مهجوم كيف

معليش يامدنيه الراجل مضغوط في العنقريب الليله ماعليه ملامه بس لوكان من الصفوه كان ردو حيكون غير كده

[ميادة]

يا هلا وغلا بي عصومي :p;) ده الدلع الجديد موش احسن من ابو وشوش بلاي :D

اها بسم الله نبدء وشايفة الشباب ما قصرو معاك تب :p



هل كتبت مذكراتك..؟


المرأة ماذا يعني وجودها في حياتكـ اليوم ؟


من هي الشخصية النسائية التي تعجبك ؟ الرجالية ايضا ؟


من هو الرجل التي تود ان يكون قدوة كل رجال الارض ؟


بعد الأخلاق الحسنة ماأكثر مايلفت انتباهكـ في المرأة شكلاً ؟


ما رأيك بالمرأة التي اهتمامتها تشبه الي حد كبير اهتمامات الرجال ؟

- كلمة توجهها الي حواء : الام - الاخت - الزوجة ؟

- بيت شعر تهديه لحواء ؟

[محمد الواثق]

يعيش يعيش المريخ يعيش يعيش :rolleyes:

[ميادة]

يعيش يعيش المريخ يعيش يعيش :rolleyes:




يا سلاااااااااااااااااااااام

يحيى يحيى ... مريخنا :d

[الملكة اسماء ( ام محمد )]

وحاة الله انتي السمحة منقة بس

هي ياحليلك يارموش يا اختي :rolleyes:

غااااايتو ... الله غالب

وش وحدة من قبيل بتتفرج
وبعد الناس فرتقوا جاية تشوف وفد السيد اسمت اتعشوا والا لسه ؟

يلا يابنات جهزوا ليهم عناقريبهم وختوا ليهم المخدات الجداد واهم شي شوفوا لينا العايز ( ناموسية) منو ,كله الا انفلونزا الباعوض كمان :p:p

وماتنسوا تختوا برش الصلاة قريب لمولانا اسمت ..بصلي الفجر حاضر وكدا..:)
والاهم من دا كله ..ادوه الخرطوش يملا الازيار الفاضيات ديل .. وياريت تدوه يعبي لينا قوالب التلج الكسروا دا كمان





ياااااااااااااخ والله عنقريبك عنقريب الباقين لي حدهم :D:D

اهم مافي الموضوع انه القصة قلبت ازرق واحمر
وفي هذه الحالة اتخارج انا من اوسع ابواب الراكوبة
واعود اليكم بعد زوال غمة اللونين ( وحدة ما بتحب كورة القدم خااااااااااااااااالص ):mad::mad:


يلا يا راقين
تصبحوا على الف خير

[ميادة]

ماااااااشة وين ياخ خليك النبي فيك


عايزين نجيب لينا قهوة بليل ده نتونس بيها مدام الرجال مشو نامو :D:p;)

[تغريد]

المجموعة 3

عصمت في البيت مشاركة وندية ولا اتكالية حتي في صب الشاي بالعربي كدا بتشارك ولا قاعد كنب علي قول عبد الرحمن مدثر الله يطراهو بالخير


اول زول بيتبادر لي زهنك لما تكون عيان منو في ناس بيتكم غير الحاجة طبعا


الاعمال المنزلية ومشاركة الرجال فيها رايك فيها بكل صراحة السؤال دا بشبه الاول بس الاجابة اكييييييييييد مختلفة



بالجد يا عصمت روحك عالية وطويلة ودا شجعني اجي تاني



بجيك اكيد

[الملكة اسماء ( ام محمد )]

مااشة وين ياخ خليك النبي فيك
النبي عزيز يابتي





عايزين نجيب لينا قهوة بليل ده نتونس بيها مدام الرجال مشو نامو :D:p;)



الرجال نامو وخلونا حارسين البلد :confused::confused:
يااختي شفتي الزمن الماشي عكس دا؟

[ميادة]

الرجال نامو وخلونا حارسين البلد :confused::confused:
يااختي شفتي الزمن الماشي عكس دا؟







تقولي شنو يا بتي

لكن اخير

اسي لو خلونا حارسنها طواااااااااااااااالي مالو ;):p:D

[الملكة اسماء ( ام محمد )]

بالجد يا عصمت روحك عالية وطويلة ودا شجعني اجي تاني



بجيك اكيد


يابت والله العظيم حرام عليك
واسمت زاااااااااتو شرد
بالغتي يابت امي

هسي الله يسئلك غاطسة ساعة ونص تجهزي في الاسئلة دي


والحالة قلنا خليكم حنان .... واخواتها زاتم ياااااااااااخ :mad:


وش وحدة حاسة انها ورطتك يا اسمت غايتو وماعارفة تعمل شنو زاتو ؟:(:(:(

[محمد الواثق]

[QUOTE=ملكة القلوب;328901]هي ياحليلك يارموش يا اختي :rolleyes:

غااااايتو ... الله غالب

وش وحدة من قبيل بتتفرج
وبعد الناس فرتقوا جاية تشوف وفد السيد اسمت اتعشوا والا لسه ؟

يلا يابنات جهزوا ليهم عناقريبهم وختوا ليهم المخدات الجداد واهم شي شوفوا لينا العايز ( ناموسية) منو ,كله الا انفلونزا الباعوض كمان :p:p

وماتنسوا تختوا برش الصلاة قريب لمولانا اسمت ..بصلي الفجر حاضر وكدا..:)
والاهم من دا كله ..ادوه الخرطوش يملا الازيار الفاضيات ديل .. وياريت تدوه يعبي لينا قوالب التلج الكسروا دا كمان





ياااااااااااااخ والله عنقريبك عنقريب الباقين لي حدهم :D:D

اهم مافي الموضوع انه القصة قلبت ازرق واحمر
وفي هذه الحالة اتخارج انا من اوسع ابواب الراكوبة
واعود اليكم بعد زوال غمة اللونين ( وحدة ما بتحب كورة القدم خااااااااااااااااالص ):mad::mad:


يلا يا راقين
تصبحوا على الف خير



شنو ما بدري طيب خلاص عليك الله اتغطي كويس بلاي

[ميادة]

يابت والله العظيم حرام عليك
واسمت زاااااااااتو شرد
بالغتي يابت امي

هسي الله يسئلك غاطسة ساعة ونص تجهزي في الاسئلة دي


والحالة قلنا خليكم حنان .... واخواتها زاتم ياااااااااااخ :mad:


وش وحدة حاسة انها ورطتك يا اسمت غايتو وماعارفة تعمل شنو زاتو ؟:(:(:(






حنان ولا نعمات


ياخ انتي اطلعي منها بث


وش زول بكسر في تلج :d لي تغريد

[الملكة اسماء ( ام محمد )]

اسي لو خلونا حارسنها طواااااااااااااااالي مالو ;):p:D


ايواااااااااااااااااااا

وش وحدة حاسة انها فاهماااااااك كويث :p:p

[ميادة]

ايواااااااااااااااااااا

وش وحدة حاسة انها فاهماااااااك كويث :p:p



هههههههههههههههههههههههههههههههههههههههههههههههههه ههههههه


وش وحدة بتحبك موووووووووووووووووووووت ومشتاقة ليك كميات الف :d

[تغريد]

تقولي شنو يا بتي

لكن اخير

اسي لو خلونا حارسنها طواااااااااااااااالي مالو ;):p:D




ما سقد :mad::mad::mad: بتحرسيها كان حية انتي :p:p

[ميادة]

ما سقد :mad::mad::mad: بتحرسيها كان حية انتي :p:p


هي :eek:

اختنا زمااااااااااااااااااااااااااااااااااااااااان

كيفك :p

ليك وحشة والله

اسي انتي ما هدي حارساها معانا :mad:

[تغريد]

هي :eek:

اختنا زمااااااااااااااااااااااااااااااااااااااااان

كيفك :p

ليك وحشة والله

اسي انتي ما هدي حارساها معانا :mad:



عايني انا كلام معاك نهائيا ما دايرة وزعلانة منكم يا نيامة وش زول مركب الاسطوانة دي من الصباح وزول شغال بيهو مافي :(:(





خصوصا انتي يا خوة النت انتي :mad::mad::mad:

[صاحبة السمو]

إزيكم بنات مدني اخباركم...

[الملكة اسماء ( ام محمد )]

وش وحدة بتحبك موووت ومشتاقة ليك كميات الف


يااااااااخ والله العظيم بالاكتر يا سكرة
اتي عارفة احلى مافي الموضوع ان الرجال ديل جاااادين مشوا ناموا سابونا مساهرين

غايتو
ياحليل زمن الجعلي المرته ولدت ليه بت الساعة تلات صباحا
مسك الشافعة كفتها قال ليها : ماعندنا بنات بجوا زي الساعة دي :p

[الملكة اسماء ( ام محمد )]

إزيكم بنات مدني اخباركم...

هلا والله

كلام يشير الا انك ما مدني


يلا يابنات نحقق مع صاحبة السمو دي

يمكن نطلع قرايب :p

[تغريد]

إزيكم بنات مدني اخباركم...




:eek::eek::eek:
اجي اجي الحقوا يا ملكة وميادة صاحبة السمو جاية الساعة كم




هووووووي يا بت المارقك من بيتكم بالليل القريب الصباح دا شنو ؟؟




ملكة

اجري نادي ليها الجعلي المرتو ولدت :p:p:p







اهلا والله كتييييييييييييييييييييير يا سكرة

[ميادة]

يااااااااخ والله العظيم بالاكتر يا سكرة
اتي عارفة احلى مافي الموضوع ان الرجال ديل جاااادين مشوا ناموا سابونا مساهرين

غايتو
ياحليل زمن الجعلي المرته ولدت ليه بت الساعة تلات صباحا
مسك الشافعة كفتها قال ليها : ماعندنا بنات بجوا زي الساعة دي :p







ههههههههههههههههههههههههههههههههههههههههههههه

ههههههههههههههههههههههه

الله يجازي محنك يا بت ضحكتيني


يا بت جاااااااااااااااادين شديد ديل

وما بيصدقو غايتو ربنا يسهل

اسي يجو بكره يقولو قطعتو فينا سجمنا

يا بت امشي نومي يلا ما يقوم يجي واحد يتاوق يلقانا صاحين بنقطع فيهم

واقفلي معاك موية الزير دي





































































دقيقة دقيقة




اديني سفنجاتي :D:p;)

[ميادة]

هلا والله

كلام يشير الا انك ما مدني


يلا يابنات نحقق مع صاحبة السمو دي

يمكن نطلع قرايب :p



ما بعيد تصدقي

ياخ دي بتكون قريبتي انا ;)


:eek::eek::eek:
اجي اجي الحقوا يا ملكة وميادة صاحبة السمو جاية الساعة كم



والعجب انتي يا بت اسي الساعة كم ما تمشي تتخمدي :D

هووووووي يا بت المارقك من بيتكم بالليل القريب الصباح دا شنو ؟؟




ملكة

اجري نادي ليها الجعلي المرتو ولدت :p:p:p




هههههههههههههههههههههههههههههههههههههههههههههههههه

اهلا والله كتييييييييييييييييييييير يا سكرة










هلا والله بصاحبة السمو

يا ثكرة :p

[تغريد]

هلا والله

كلام يشير الا انك ما مدني


يلا يابنات نحقق مع صاحبة السمو دي

يمكن نطلع قرايب :p



اقول ليك حاجة يا ملكة انا شاكة انو صاحبة السمو دي انتي زاااااااااااااااااتك وعاملة شحصييتين اها رايك شنو قال قرايب قال :rolleyes::rolleyes:


وش زول عامل فيها المحقق كونان :cool::cool:

[ميادة]

اقول ليك حاجة يا ملكة انا شاكة انو صاحبة السمو دي انتي زاااااااااااااااااتك وعاملة شحصييتين اها رايك شنو قال قرايب قال :rolleyes::rolleyes:


وش زول عامل فيها المحقق كونان :cool::cool:




:eek::confused::rolleyes::confused::eek::rolleyes: :confused::eek:


سجمنا

كونان شنو يا بت بليل ده :D

كدي دقيقة ياخ
;)

[تغريد]

:eek::confused::rolleyes::confused::eek::rolleyes: :confused::eek:


سجمنا

كونان شنو يا بت بليل ده :D

كدي دقيقة ياخ
;)




وانتي زاتك معاهم :p:p:p

[ميادة]

وانتي زاتك معاهم :p:p:p


ههههههههههههه

لا دي بالغتي فيها :d

[ميادة]

هي هي هي وتاااااااااااااااااني هي

السهر عمل عمايل في الجدادة :eek: اقصد تغريد :eek:

وبدت تهضرب وتقول كلام ما في محلو :p;)

انا ماااااااااشة انوم


لا اسمع لا ارى لا اتكلم :D:D:D

[تغريد]

[size="5"]تصبحوا علي خير يا حلوييييييييييييييييييييييييييييييييييييين[


وش زول نعسان لمن بقي يلخبط الكتابة /size]

[ميادة]

تصبحوا علي خير يا حلوييييييييييييييييييييييييييييييييييييين[


وش زول نعسان لمن بقي يلخبط الكتابة /size]


[SIZE="5"]والعجب انا


يلا يا بنات تصبحو على خير

واقفلو معاكم الباب ده بلاي


اها والبتجي بكرة بدري تفرش وترش وتعمل الشاي لي عصمت ده

وباقي الشباب ;):p

[خالد 000 ابقرجة]

النياميات 000
كيفينكن 000

قولن بسم الله 000
برعمتن كدي شكلكن شايلاتنها قطيعة 000

تمو قطيعتكن أنا ماشي 000

بس مسعولات من الخير 000
الليلة سيد النيمة وين 000

يا كافي البلا و يا حايد المحن 000 زولن كدي فقدو مافي 000

غايتو ضيف العنقريب أكان ما نهرو سيد النيمة وقال ليهو
أرجا الراجيك 000

ما أظن في زول بقدر أعصروا 000

ود مصباح 000 بالله أول ما تجي الصباح أنهر لينا أب وشوش ده بأثر رجعي طير لينا رحمن قلبو
وخلي الباقي علي أدروب

بالمناسبة ( نهرو دي من نهر 000 لكن برضو أعزمو لينا الرائع نهرو )

[الملكة اسماء ( ام محمد )]

:eek::eek::eek:
اجي اجي الحقوا يا ملكة وميادة صاحبة السمو جاية الساعة كم
يختي البت يمكن خايفة على وشوشها من الشمس :p




هووووووي يا بت المارقك من بيتكم بالليل القريب الصباح دا شنو ؟؟

تقولي شنو بس
اكيد نفس وذات سبب حوامتنا حاليا :p




ملكة

اجري نادي ليها الجعلي المرتو ولدت :p:p:p

الجعلي الايامات دي فك ( الطبنجة) وقال زمن التحضر:cool:






اهلا والله كتييييييييييييييييييييير يا سكرة


تعرفي يابت
انا زاتي هسي عايزة امشي اتمشى في شارع المنتدى الرياضي
وش وحدة حاسة بعدم وجود رقيب ;):p

[الملكة اسماء ( ام محمد )]

دقيقة دقيقة






اديني سفنجاتي :D:p;)



ههههههههههه
يا انتي ما ماوريتك اني الايامات دي حايمة حافية القدمين :p

[الملكة اسماء ( ام محمد )]

شنو ما بدري طيب خلاص عليك الله اتغطي كويس بلاي



ياسلاااااااااااااااااام عليك انت ياااااااخ


حاااااااااضر بتغطى كويس

دا لو نمت طبعا :p:p

[الملكة اسماء ( ام محمد )]

اقول ليك حاجة يا ملكة انا شاكة انو صاحبة السمو دي انتي زاااااااااااااااااتك وعاملة شحصييتين اها رايك شنو قال قرايب قال :rolleyes::rolleyes:

طبعا بما انك اتهمتيني مباشرة فيسرني ويشرفني اقول ليك

















































هارد لك ....
وش وحدة مستغربة انك رابع شخص يتهمها .... يعني يومي الاخش بشخصية تانية اخش بلقب فرد من البلاط الملكي :confused:....ياااااااااااااخ معناتها الله يرحم زمن الفي بالي ;););)


وش زول عامل فيها المحقق كونان :cool::cool:

يلا ياكونان
ح اديك رشوة مقابل تسكتي


اتوز تانية كيف معاك ؟:rolleyes::rolleyes::cool:

[الملكة اسماء ( ام محمد )]

والعجب انا
وانا طمبل :p





يلا يا بنات تصبحو على خير


واقفلو معاكم الباب ده
ثمح يا ماما




اها والبتجي بكرة بدري تفرش وترش وتعمل الشاي لي عصمت ده



وباقي الشباب ;):p



ايوااااااااااحركات زوغان وكدا

اسمعي من هسي بكرة الضيافة عليك
انا فترت من ضيوف عصمت الكتار وما مساخ ديل :p:p



يلا
انكشحي قدامي



تصبحي بالف خير




قال كونان قال .....( وش وحدة لسه محتارة ):confused::confused::confused:

[صاحبة السمو]

هههههههههههههههههههه
انا بت مــــــــــــــــــــ(الاعداديه)ــــــــــــــــــ ــــــــــــــــــــــــــدني..


انا مفروض اسافر اسي لكن الطياره إتجلت(سودانيز) الى السودان ده هو المصحيني

[الملكة اسماء ( ام محمد )]

هههههههههههههههههههه
انا بت مــــــــــــــــــــ(الاعداديه)ــــــــــــــــــ ــــــــــــــــــــــــــدني..


انا مفروض اسافر اسي لكن الطياره إتجلت(سودانيز) الى السودان ده هو المصحيني


يابت زحي كدا والا كدا :mad:
انتي محيراني ومحيرة البلد دي كلها فيني :mad::p:p

[صاحبة السمو]

يابت زحي كدا والا كدا :mad:

:confused::confused::confused::confused::confused: :confused::confused::confused::confused::confused: :confused:

انتي محيراني ومحيرة البلد دي كلها فيني :mad::p:p




محيراك؟؟؟:confused::confused: انا حاسه اني بعرفك من المعلومات الهنا

[الملكة اسماء ( ام محمد )]

محيراك؟؟؟:confused::confused: انا حاسه اني بعرفك من المعلومات الهنا


وانا حاسة اننا بنعرف بعض كويس


قلتي لي ابوك اسمه الملك منو ؟:p:p

[تغريد]

تسجيل حضور صباحي مميز وقبال أي زول :):) صفقة شديدة للزولة المساهرة للساعة خمسين وصاحية الساعة خمسة ونص


الليليييييييييييييييييييييييييييييييييييية انا قاعدة براي :eek::eek::eek: ولا شنو بري بري

النقوم جارية ساي





هوووووووووي يا اخوانا قوموا صلوا النهار طلع عديييل كدا

[تغريد]

اها بسم الله الننضف النيمةدي


عصمت دا ملا ليناالنيمة كلها مناديل ورق كرهنا بس مسكين يعرق ويجف مسكييين من العليهو

والبت ميادة مجدعة سفنجاتا كدا مالها التقول مغالطنها فيهم هن كما مقطعات:mad::mad:


وباين كدا والله اعلم الطاقية الوسخانة دي بتاعت محمد الواثق اااااااي يا ه زاتا


وطبعا ملكة وصاحبة السمو اكلن تسالي الدنيا كلو وجدعوهو في الواطة



:rolleyes::p




هووووووووووووووي دايرين باسكت عشان الناس ديل ما يقعدو يجدعوا لينا الحاجات تاني في الواطة






عاد فوضي السواد يا اخواني انا دي ما بقدر غليها النقوم اتصل علي ناس صحة البيئة:mad::mad:






هي هي هي سجمي الازيار اتملن:eek::eek:

[تغريد]

أحساس الهدوء احساس جميييييييييييل شديد بس والله المكان من غير النيامة بااااااااااااااايخ وما عندو طعم باين علي اتعودت عليهم وكدا وش زول داير ينداح من الصباح










ياخ والله مشتاقييييييييييييييييييييييييييييييييييييييييييييي ييييييييييييييييييييييييين نفر نفر

[هيثم ادروب]

صباح الخير

للنيامة ..

كيفنكم ..

[esmat]

وش وحدة بتحبك موووووووووووووووووووووت

ياخ انا من ما جيت بفتش في الوش دا


الجداد اهم شي

والحمام دا ما تنسيى


ادوه الخرطوش يملا الازيار الفاضيات ديل

طيب ما تنادوا ليه هناية دي اتونس معاها


شنو ما بدري طيب خلاص عليك الله اتغطي كويس بلاي

عليك الله امشي غطيها بعد كدا الضاق قرصة النملة بخاف من البعوض اتغطى

يا هلا وغلا بي عصومي

الليلة ووووب اها

[العاقب مصباح]

صباح الخير يا حلوين

عساكم طيبين وزينين

عصمت عاشق الرموش

فى اغنية (( شغلن قلبى لمن باص الرصيرص فات))

قال الفنان الجمرى (( سمحات رموشهن يجرحن))....

ورينى الرموش عملت فيك شنو ياخ

انت اسئلتى دى مالك ما بترد عليها ياخ

[سيد البلد]

الزول ده باقي فيهو روح ؟

عشان اتشطف واقبل ليكم عليهو ياخوانا ...

[esmat]

صباح الخير يا حلوين

عساكم طيبين وزينين

عصمت عاشق الرموش

ياعقبة ياحبيبنا شايفك رافع القزاز ومظلل

فى اغنية (( شغلن قلبى لمن باص الرصيرص فات))

قال الفنان الجمرى (( سمحات رموشهن يجرحن))....

ورينى الرموش عملت فيك شنو ياخ

رموش عينيها توديني علي درب الأمل فرحان تحلق روحي في نشوة وتروق الدنيا في عيني ... احساس بالأمان ياخ مالك (وش فرحان)

انت اسئلتى دى مالك ما بترد عليها ياخ


عاد لكن ما بسألك ياعاقب انت ماملحوق ياخ
الواحد اصلووا ما اتونس مع الحمام دا الا تجوووه ناطين
ادونا فرصة معاكم

[esmat]

الزول ده باقي فيهو روح ؟


اها يا اللخو شايف المرة الفااتت قبضوك هنا تاااني جيت ياعمك
(وش شمتااان)

عشان اتشطف واقبل ليكم عليهو ياخوانا ...

انت الشطيف دا مااا بتخليهو استحم مرة وااحدة بس
بل راسك بلووو

[تغريد]

صباح الخير تاااااااااااااااااني



وش زول شكلوا كان بايت هنا



عصمت ياخ انا عندي اسئلة ما رديت عليها ياخ :mad::mad::mad:

[سيد البلد]

انت الشطيف دا مااا بتخليهو استحم مرة وااحدة بس
بل راسك بلووو


ياخي عندي نزلة مااااااا ببلو

وبعدين انا مؤمن بالمثل البقول :

كن شمعةً تحترق لحدي آخر سطر ولا تبلها فتنطفئ فتظلم الدنيا والناس نيام ...

[تغريد]

ياخي عندي نزلة مااااااا ببلو

وبعدين انا مؤمن بالمثل البقول :

كن شمعةً تحترق لحدي آخر سطر ولا تبلها فتنطفئ فتظلم الدنيا والناس نيام ...





هههههههههههههههههههههه

من كل نيمة فرع


بسم الله :eek:



من كل مثل حرف


يا الله :mad:



باختصار المثل دا ملقط تلقيط شديد ياخي :p

[سيد البلد]

الأخ والصديق " عصومي " على قول هناية

زنبابق بيض , وأقحوانه , ولك ما شئت من الإحترام

الحب والدماء البيضاء ..

عزيزي ... هل الحب غاية أم وسيلة ؟
وهل سمو الغايه يبرر دناءة الوسيلة الموصلة لها ؟

الدماء البيضاء , أو دموع الرجال

الدمع عند الرجل سلاح يقتل به احزانه ويغرقها فيه " ده لو ما بتعرف تعوم "

فما هي الأسباب التي تجعل " عصومي " يتوارى من نفسه ليمارس هذا الطقس ؟

سؤال آخير :

ناقش بإستفاضة نظرية النشؤ والإرتقاء لـ " دارون " في ميزان الشريعة
و إثباتات العلم الحديث ...


بالمناسبه :

زنبقة وأقحوانه ديل شنو ياخوي ؟

[هيثم ادروب]

ما لقيتي غير صحبي الوحيد
كان تمشي انتي مع السراب
تبقى الخيانة بعيد بعيد
وسيبي لي صاحب العمر
احكيلو هم قلبي البيريد

ماذا يعني لك هذا البيت ..؟

هل مرة خانك صديق ..؟

بماذا تصف شخصيتك .. ؟

هل الشخص ممكن يحب اكثر من مرة ..؟

عصمت حب مرتين .. مع انو الحب مرة واحدة .. احكي لينا عن السبب ..؟

اين تجد نفسك بعد 10 سنوات من الان إنشاء الله .. ؟

اجمل ما يتميز به عصمت ..؟

تجربة كان لها اكثر كبير في حياتك ..؟

ما هي اصعب كلمه يمكن ان تخرج من عصمت ... غير نزلتك ..؟

ما هي اكثر لحظة مؤلمه التي مرت عليك .. ؟

موقف طريف وآخر ( بايخ ) مروا بيك ..؟

نظرة عصمت لي باكر ..؟

كيف تتعامل مع لحظة إحباط ..؟

ماهي علاقتك بالبكاء ..؟

ماذا كان يقول عنك اصحابك في الدراسة .. ؟

وزملائك في العمل .. ؟

ماذا تعني تلك المعاني في حياتك

عزة النفس ..

الفشل ..

الحب الأول ..

الرموش ..

أذا أحببت فتاة مرتبطة(مخطوبة ,,متزوجة) هل ستواصل في حبها علما بأنها تكن لك

مشاعر ريده لا توصف... لكن ظروفه أقوي منها ..؟

بماذا تصف شخصيتك .. ؟

هل انت شخص ملول ..؟

مارايك في الحب عبر شاشات الكمبيوتر .. ؟

هل تتنازل عن بعض معتقداتك حتي لاتخسر شخص ما ..؟

قصة غرام فاشلة في سطر واحد ..؟

من في المنتدي تحس تجاهو بالآتي .. ;)

القوة ..

الصداقة ..

الشفقة ..

الضحك ..

ماهي اهم لحظة مرت بحياتك ..؟

ممكن تغمض عينك لحظة وتتخيل معاي :D

اولا انتي صاحب منتدى ودمدني .. :eek:

ما هو اول قرار حتتخذو ..؟

ماهي الاضافات التي ستقوم بها ..؟

من هم الاعضاء الذين ستحرمهم ..؟

من هو النائب عنك ..؟

من العضو البتفتقدو عندما يغيب ..؟

ماشي اوصل سلس وبجيك ..
:D:D:D:D

[سيد البلد]

باختصار المثل دا ملقط تلقيط شديد ياخي


اي اي

ده مثل لقيط

[العاقب مصباح]

المكيفنى فى عنقريب عصمت انو جاب لى حبيب قلبى سيد البلد وخلاهو متحكر

حبابك سيد البلد الرجل الجادى لمن غلط زاتو

منور بإشراقاتك الحلوه

يا عصمت والله ما رفع قزاز ولا شئ

بعدين القزاز ما بيرفعوهو عليك انت ياخ

عندنا كم عصمت

مشاغل تبهدل خلوقنا وتشيل الملام

عصمت ابقى عافية

وباقى اليوم دا بكون معاك تب

وخصوصا بالليل

[سيد البلد]

وخصوصا بالليل



وانا مكيفني " خصوصاً بالليل " دي

انتوا ياخوانا بقيتو تحبو لينا هنا ولا شنو ؟

اها انا زااااااااااااااتي خصوصاً بالليل وبالنهار وبالنص وبالشنقيطي زاتو
الليلة الا يتعلم الطيران " عصومي " حبيبي ده

[العاقب مصباح]

وانا مكيفني " خصوصاً بالليل " دي

انتوا ياخوانا بقيتو تحبو لينا هنا ولا شنو ؟

اها انا زااااااااااااااتي خصوصاً بالليل وبالنهار وبالنص وبالشنقيطي زاتو
الليلة الا يتعلم الطيران " عصومي " حبيبي ده




يا سيدا ما سمعت بى دفن الليل اب كراعا برة

ولا ما سمعت بى الليل الغطى الجبال

وما سمعت انو الجكس بالليل بيجى كتير التقول معزوم حنة

تعال لينا عشان تشوف

اصلو نحن من اصحاب الليـل يهـــود بي ويبــقى تـلـت أخــير
يطـويني في رحــابه الوثـــــير
أنا والظنـون وعـــذابي والصمت المثير
خلاني وحدي جناح كسير .

[سيد البلد]

وما سمعت انو الجكس بالليل بيجى كتير التقول معزوم حنة






سمعت ياخوي , الا ما شفت " وليس كمن سمع كمن شاف "

فدحين لو عندكم تسجيل قديم من شرايط الحنن حقتكم دي فرجونا
الله لا يفرج عليك خلقو

[تغريد]

يا سيدا ما سمعت بى دفن الليل اب كراعا برة

ولا ما سمعت بى الليل الغطى الجبال

وما سمعت انو الجكس بالليل بيجى كتير التقول معزوم حنة

تعال لينا عشان تشوف

اصلو نحن من اصحاب الليـل يهـــود بي ويبــقى تـلـت أخــير
يطـويني في رحــابه الوثـــــير
أنا والظنـون وعـــذابي والصمت المثير
خلاني وحدي جناح كسير .




غايتو جنس تكسر :p:p:p

[هيثم ادروب]

سيدا ياسيدا ..
الله لي من ديل سكن الجزيرا الله لي من ديل

ياخ خليك بي جاي اوع تمش

بي المناسبة دي ..عايزين الود دا يوم ياعقبة

[هيثم ادروب]

غايتو جنس تكسر :p:p:p

ست الاتوز ..

صباح الخير

[تغريد]

ست الاتوز ..

صباح الخير



صباح النور يا هيثومة ياخ مشتاقيين ياخ



بس لو نسيت لي موضوع الاتوز دي بتبقي احلي زول :mad::mad:

[العاقب مصباح]

سمعت ياخوي , الا ما شفت " وليس كمن سمع كمن شاف "

فدحين لو عندكم تسجيل قديم من شرايط الحنن حقتكم دي فرجونا
الله لا يفرج عليك خلقو


خلاص انت بس خش لى جوه

واللى ما يشترى يتفرج

عندنا تسجيل حقيبة كمان

نوع الجاغريو وما شابه ذلك

تحب اغنى ليك اغنية شنو

حبيبى حنننى ولا حنة عواطف الما شالت

[العاقب مصباح]

غايتو جنس تكسر :p:p:p




كسرنا كتييير يا تغريد يا بتى

بس شالو السيل

هسع دايرين نكسر من جديد

يمكن نصادف لينا تلجة حايمة

[العاقب مصباح]

سيدا ياسيدا ..
الله لي من ديل سكن الجزيرا الله لي من ديل

ياخ خليك بي جاي اوع تمش

بي المناسبة دي ..عايزين الود دا يوم ياعقبة




ياخى صباحك ابيض

وانت تقول وتنفذ

وانا بشد من عضدك

[esmat]

صباح الخير تاااااااااااااااااني



وش زول شكلوا كان بايت هنا



عصمت ياخ انا عندي اسئلة ما رديت عليها ياخ :mad::mad::mad:


ياخ فتشت ليهم ما لقيتهم ياخ اسي عليك الله في ذمتك دي
انا غير بالجكس ديل شغال بي زول في العنقريب دا كيف ما ارد هو انا اقدر
(وش احنن ياخ)

[esmat]

الأخ والصديق " عصومي " على قول هناية

يعني في داعي تذكرني هناية في الصباح دا

زنبابق بيض , وأقحوانه , ولك ما شئت من الإحترام

ورب ضارة نافعة وفي بعض الاحيان تبيض وتلد
الحب والدماء البيضاء ..

زهور هي تتنفس الصعداء

عزيزي ... هل الحب غاية أم وسيلة ؟

الحب غاية وليس سيلة للامتطاء

وهل سمو الغايه يبرر دناءة الوسيلة الموصلة لها ؟

لالا ليس هكذاء تورد الابل سمو الغاية يأتي بسو الوسيلة

الدماء البيضاء , أو دموع الرجال

الدمع عند الرجل سلاح يقتل به احزانه ويغرقها فيه " ده لو ما بتعرف تعوم "

فما هي الأسباب التي تجعل " عصومي " يتوارى من نفسه ليمارس هذا الطقس ؟

دائماً ما اتخذ القوة سلاح اتوارى خلفه (بعدين حنكي ولساني كافيني)

سؤال آخير :

خيرك سابق يا اخوي والسابق لاحق

ناقش بإستفاضة نظرية النشؤ والإرتقاء لـ " دارون " في ميزان الشريعة
و إثباتات العلم الحديث ...

تأتي هنا الموازنة بين الشريعة والقانون فإن الشريعة في حد زاتها
لابد لنا من صياغة افكار الاسلاميين حتى نتجنب العنف الذي ينتج منه
فتحديد ومعايير دولة علمانية كانت او ديموقراطية لابد لها من اركان
واساس وطموح شبابها للإرتقاء ولو لا ان هذا المكان لا يسمح لتحدث
لك عن ما يحدث الان في محاورات الدولة.
بالمناسبه :

زنبقة وأقحوانه ديل شنو ياخوي ؟




برسلن ليك في رسالة خاصة ولا كيف

[تغريد]

المجموعة 3

عصمت في البيت مشاركة وندية ولا اتكالية حتي في صب الشاي بالعربي كدا بتشارك ولا قاعد كنب علي قول عبد الرحمن مدثر الله يطراهو بالخير


اول زول بيتبادر لي زهنك لما تكون عيان منو في ناس بيتكم غير الحاجة طبعا


الاعمال المنزلية ومشاركة الرجال فيها رايك فيها بكل صراحة السؤال دا بشبه الاول بس الاجابة اكييييييييييد مختلفة



بالجد يا عصمت روحك عالية وطويلة ودا شجعني اجي تاني



بجيك اكيد




ياهم ديل يا عصمت ما قلت مافي :mad::mad::mad:

[esmat]

ما لقيتي غير صحبي الوحيد
كان تمشي انتي مع السراب
تبقى الخيانة بعيد بعيد
وسيبي لي صاحب العمر
احكيلو هم قلبي البيريد

ماذا يعني لك هذا البيت ..؟

يعني لي هذا المثل قمة الوفاء ومثل هؤلاء ما نبحث عنهم

هل مرة خانك صديق ..؟

ايوا حصل - سيد البلد

بماذا تصف شخصيتك .. ؟

اقول ليك شي بعتبر نفسي واثق في نفسي شديد (يعني الثقة متوفرة)

هل الشخص ممكن يحب اكثر من مرة ..؟

الحب نفسو بالمناسبة ليه قوانين يعني
ما ممكن ومن المستحيل تحب وقبل انتهاء علاقتك تحب تاني
دا يعتبر خيانة كاملة المعايير

عصمت حب مرتين .. مع انو الحب مرة واحدة .. احكي لينا عن السبب ..؟

الحب ليس مرة واحدة كما يظن البعض الحب يمنك ان يتفرع
لا يمكن لأنسان عاش الحب مرة ان يتقوقع داخله ويحرم نفسه
من الحب للمرة الثانية فإذا انتهت العلاقة الاولى التي تدعى انها الحب
الحقيقي ماذا تفعل اتحرم عن الحب وتخلع ثيابه وتقول احببت وكفى
لابد لهذا القلب ان يحب من جديد ليعيش فهو قلب حب

اين تجد نفسك بعد 10 سنوات من الان إنشاء الله .. ؟

ان شاء الله في اسرة متحابة

اجمل ما يتميز به عصمت ..؟

هناك بعض الاشياء لا يمكن ان احس بها بل يحس بها غيري
ومن اتعامل معه ولكني ادعى الصدق واحب ان اكون انسان
صادق في حياتي

تجربة كان لها اكثر كبير في حياتك ..؟

الغربةتجربتها لها حكاياتها صقلت حياتي ولم اقصد الغربة
الان فأنا في السودان لم اكن في اجلس في مدينة واحدة

ما هي اصعب كلمه يمكن ان تخرج من عصمت ... غير نزلتك ..؟

لا اخرج كلمات صعبة كثيرة لأني اذا اخرجتها لا ترجع بسهولة
ولكن في بعض المواقف اكتفى بالتأمل

ما هي اكثر لحظة مؤلمه التي مرت عليك .. ؟

اللحظات المريرة كثيرة ولكن نعيش لننسى

موقف طريف وآخر ( بايخ ) مروا بيك ..؟

اطرف موقف مر بي كنت في سيارة مواصلات احمل
معي حق المواصلات بس فجاة ركبت واحدة من فريقنا
وقعدت ورا وانا قريب للمساعد وما قدرت انزل وواصلت
الزول الجنبي طوالي قلت ليهو الحاصل وقلت ليهو ياخ
ادفع لي وانا بدفع لي المرة دي لما جاء المساعد قال
ليهو تلاتة وانا اقول ليهو لا والله تخليهو وهو اقول لا والله
غايتو قاتل الله الفلس ياخ

المواقف البايخة ما كتيرة عندي لكن مرة كنت بتكلم مع رموش
وطلعت ما هي شخص تاني وتركتني انداح بطريقة غريبة


نظرة عصمت لي باكر ..؟

يايوم بكرة ما تسرع ان شاء الله لنا ايام لنقول كلمتنا

كيف تتعامل مع لحظة إحباط ..؟

الاحباط عندي اقول فيه قدر الله وما شاء الله فعل ولي خير
ان شاء الله

ماهي علاقتك بالبكاء ..؟

إلا في الافلام مرة مرة كدا

ماذا كان يقول عنك اصحابك في الدراسة .. ؟

لم اسألهم في يوم من الايام من رأيهم

وزملائك في العمل .. ؟

اراهم مرتاحون وينتظرون لحظة اكون خالي عن العمل يمكن
ان تستنتج

ماذا تعني تلك المعاني في حياتك

عزة النفس .. عزة النفس هي عزة النفس هي حياتك وكينونتك البشرية

الفشل .. الفشل مرحلة يمر بها الانسان في حياته عليه ان يتخطاها ولا يستسلم
الحب الأول .. قال عن الحب الاول لا يتحول - وانا اقول لا الحب هو احساس انسان يحسسك بالأمان ترى نفسك معه اذا كان الاول او الاربعتاااشر

الرموش .. هذه الرموش مدرسة من الحب يكفي انى كنتاحد طلابها ذات يوم

أذا أحببت فتاة مرتبطة(مخطوبة ,,متزوجة) هل ستواصل في حبها علما بأنها تكن لك
مشاعر ريده لا توصف... لكن ظروفه أقوي منها ..؟

نعم ولما لا ما دام الحب هو الاسمى ما يمنع ان تتحرك مشاعرها او مشاعري

هل انت شخص ملول ..؟

لالا دائماً الشخص الذي يصف بالسكوت لا يكون ملول

مارايك في الحب عبر شاشات الكمبيوتر .. ؟

قناعتي لا يمكن تكوين علاقة حب كاملة إلا باللقاء فالحب احساس ومشاعر

هل تتنازل عن بعض معتقداتك حتي لاتخسر شخص ما ..؟

هذا يحدد من هو هذا الشخص بالنسبة لي على ذلك يمكن ان يكون التوقع

قصة غرام فاشلة في سطر واحد ..؟

تجربة واجتزتها

من في المنتدي تحس تجاهو بالآتي .. ;)

القوة .. لا تعليق

الصداقة .. لا تعليق

الشفقة .. لا تعليق

الضحك .. لا تعليق

ماهي اهم لحظة مرت بحياتك ..؟

اهم لحظة يوم تخرجي

ممكن تغمض عينك لحظة وتتخيل معاي :d

اولا انتي صاحب منتدى ودمدني .. :eek:

ما هو اول قرار حتتخذو ..؟

ضم الثقافي مع العام ليكون في قسم واحد

ماهي الاضافات التي ستقوم بها ..؟

اضافة بعض الاشكال

من هم الاعضاء الذين ستحرمهم ..؟

النفاجين ايقاف مؤقت لمدة شهر

من هو النائب عنك ..؟

لا احد فسأدير المنتدي بدون مشرفين

من العضو البتفتقدو عندما يغيب ..؟

انسى ياخ

ماشي اوصل سلس وبجيك ..
:d:d:d:d

اقول ليك شي اغشى معاك غبيرة اكل ليك سلطة اسود
كان تسد نفسك من الصباح عشان ما تجي

[esmat]

المجموعة 3

عصمت في البيت مشاركة وندية ولا اتكالية حتي في صب الشاي بالعربي كدا بتشارك ولا قاعد كنب علي قول عبد الرحمن مدثر الله يطراهو بالخير

تعرفي انا عندي ما شاء الله ستة اخوات والله مرات قاعد اغسل براااي وخاصة يوم الجمعة
وسريري بالذات ومتعود اذا ما فرشتو قبل ما اسوك بشوف انو في حاجة ناقصة يعين مشارك


اول زول بيتبادر لي زهنك لما تكون عيان منو في ناس بيتكم غير الحاجة طبعا

اختي الكبيرة اسمها زينب زولة حنية ياخ

الاعمال المنزلية ومشاركة الرجال فيها رايك فيها بكل صراحة السؤال دا بشبه الاول بس الاجابة اكييييييييييد مختلفة

تعرف الاعتماد الكلي على الاخوات داخل البيت مشكلة كبيرة والانسان بحس بيها
لما اكون في غربة بعرف انو اتعود على شيء ما في مصلحتو خاصة اذا كان بحب
النظافة عشان كدا المشاركة في البيت مامعناها انت فاضي وما عندك موضوع او
دا شغل بنات لا عشان تتعلم الظروف ما معروفة تعرف تغسل كيف تفرش سريرك
اقل شي كيف ترص الغداء تغسل التلاجة يعني مشاركة لالالازم يعني

بالجد يا عصمت روحك عالية وطويلة ودا شجعني اجي تاني

اها اسي كدا تجي ولا نجي

بجيك اكيد

خلاص شكلك حاتجي في الانتظار ياخ (وش مشكور)

اها قطعنا ليك حيلتك شابكاني اسألتي اسالتي

[ميادة]

هي صباح الخير يا ناس يا رايقين


شنو يا عصومي ;):p

عملت نايم في الاسئله

ما سالنا ستين سؤال بي هناك امشي فتش وجيب الاسئله ددي وجاوب عليها

سرعة

[esmat]

" عصومي " حبيبي ده

آآآآآآخ انا احول الرياض ولا شنو

[esmat]

هي صباح الخير يا ناس يا رايقين

شنو يا عصومي ;):p

عملت نايم في الاسئله

ما سالنا ستين سؤال بي هناك امشي فتش وجيب الاسئله ددي وجاوب عليها

سرعة


هي يا ميدو والله مشتاقين ما بتوصف غايتو الا تأجري اتوز تغريد دي وتمشي تجيبهم
ياخ ديل لو كتبتيهم مسافة تعملي رفرش بكون حصل الصفة
طااااشر ولا يهمك ياخ اعملي رايحة زي كدا
(وش بحنك فيك)

[ميادة]

يا هلا وغلا بي عصومي :p;) ده الدلع الجديد موش احسن من ابو وشوش بلاي :D

اها بسم الله نبدء وشايفة الشباب ما قصرو معاك تب :p



هل كتبت مذكراتك..؟


المرأة ماذا يعني وجودها في حياتكـ اليوم ؟


من هي الشخصية النسائية التي تعجبك ؟ الرجالية ايضا ؟


من هو الرجل التي تود ان يكون قدوة كل رجال الارض ؟


بعد الأخلاق الحسنة ماأكثر مايلفت انتباهكـ في المرأة شكلاً ؟


ما رأيك بالمرأة التي اهتمامتها تشبه الي حد كبير اهتمامات الرجال ؟

- كلمة توجهها الي حواء : الام - الاخت - الزوجة ؟

- بيت شعر تهديه لحواء ؟






اها يا عصومي

دي الاسئله

وبطل حنك ;):p

[esmat]

يا هلا وغلا بي عصومي ده الدلع الجديد موش احسن من ابو وشوش بلاي

ياخ انتي لا تفوتي لا تموتي ربنا احفظك واخليك لينا تدلعينا وتعشينا ومرات تحنكينا

اها بسم الله نبدء وشايفة الشباب ما قصرو معاك تب

ديل خليني النطلع من دي بس وتعالي شوفي تاني

هل كتبت مذكراتك..؟

زمان والله لما كنت في الثانوي كنت عامل فيها شاب كدا
وبحب وعندي مذكرات غايتو لكن لما جيت اسافر اول مرة
برة البلد كان نصيبها الحرق

المرأة ماذا يعني وجودها في حياتكـ اليوم ؟

المرأة نصفي الثاني وجودها مهم جداً في حياتي (وحاة الله شديد كمان ابكي ليك ولا شنو )

من هي الشخصية النسائية التي تعجبك ؟ الرجالية ايضا ؟

والله ما عندي شخصية معنية كدا حالياً غايتو عاجباني نفسي دي بس

من هو الرجل التي تود ان يكون قدوة كل رجال الارض ؟

لا بد ان ان يكون هو محمد صلى الله عليه وسلم

بعد الأخلاق الحسنة ماأكثر مايلفت انتباهكـ في المرأة شكلاً ؟

صراحة كدا الشكل العام

ما رأيك بالمرأة التي اهتمامتها تشبه الي حد كبير اهتمامات الرجال ؟

دي ولا تبراني ياخ الانوثة دي مهمة كيف

- كلمة توجهها الي حواء : الام - الاخت - الزوجة ؟

الاحترام والصدق اهم كلمات بالنسبة لي- بيت شعر تهديه لحواء ؟

ياميدو ياميدو ياميدو ياخ انتي اسمك سمح وفيه موسيقى عجيبة ياخ

[سيد البلد]

آآآآآآخ انا احول الرياض ولا شنو


والله اهو ده الفضل كمان

شوف ياخوي
خلقتك ده نهااااااااااااائي ما بتخارج معانا
معقوله ؟ عصومي + سلس + ود ام تريبات

يعني مع كل وجبه نقابل لينا واحد ولا شنو ؟

[سيد البلد]

ياميدو ياميدو ياميدو ياخ انتي اسمك سمح وفيه موسيقى عجيبة ياخ


ابسط يا عم ماشه معاك برتكان عديل كده
" اللهم شماته عديييييييييل كده ده "

سماحة اسم ورسم ودليفري للأساله كمان

[الملكة اسماء ( ام محمد )]

ياااااخ هي الساعة كم

دقيقة بس اشوف الساعة

ااااااي
وحدة وجمبها كم دقيقة قاعدات

ظهر الخير يا شباب

اولا بالتبادي

حباب الضيفان الجداد


ثانيا بالزبادي

يابنات فطرتوا العالم دي:mad:


ثالثا والماعادي...

انت يا اسمت ... وبعدين معاك ؟:mad::mad::mad:

[esmat]

ابسط يا عم ماشه معاك برتكان عديل كده
" اللهم شماته عديييييييييل كده ده "
سماحة اسم ورسم ودليفري للأساله كمان

اشمت يا اخوي اشمت ادينا فرصة معاك ياخ معقولة بس

سماحة الزول في الطول والعلا ما سمعت بيها ولا شنو


انت يا اسمت ... وبعدين معاك ؟

اهااا شنو في زول بقوم بالليل

[الملكة اسماء ( ام محمد )]

اهااا شنو في زول بقوم بالليل

:mad::mad::mad::mad:
:mad::mad::mad:
:mad::mad:
:mad:


وش وحدة جد على وشك .........
















الضحك :D:D:D

[هيثم ادروب]

اها الزول مافي واحدة عايزة تزنقوا ..؟ :mad:

[الملكة اسماء ( ام محمد )]

اها الزول مافي واحدة عايزة تزنقوا ..؟ :mad:

بصراحة بصراحة الزول دا امس
تحت تهديد السلاح خلاني اوقع على ورقة :(:(:(مكتوب فيها اني ....اختاه نهائيا....
وما اسئله خااااااااااص






وش وحدة عارفة انها لو سئلت اسمت ح ينداح و البوست بتحذف :cool::cool::cool::D:D:cool::cool::cool:

[هيثم ادروب]

وما اسئله خااااااااااص
وش وحدة عارفة انها لو سئلت اسمت ح ينداح و البوست بتحذف :cool::cool::cool::d:d:cool::cool::cool:


كدي النشوف ..

انتي اسأليه ..

إن شاء الله في الخاص ..

[الملكة اسماء ( ام محمد )]

كدي النشوف ..

انتي اسأليه ..

إن شاء الله في الخاص ..

هي لكن كان سئلته في الخاص البجيب ليكم الحوار المغلق دا منو ؟:p:p:p

ح اسئله يا سيدي وشليوا نيمتكم وارحلوا من هسي

[الملكة اسماء ( ام محمد )]

esmat

شارد الذهن في تضاريس الحياة
احب فيك صراحة لا يمتلكها الجميع
فانت رجل يرفض الرتوش في غالبية الاحيان

ارى فيك الرجل ... الرومانسي

قراءت في احد المواضيع ( المحذوفه ) رائيك الصريح في فكرة معينة كانت دليل على انك رجل تقدس المراءة والحياة الزوجية

( وش وحدة تحوم حول الحمى وتخاف ان تقع في مربط فرس اندياحك الصريح ):p:D:p

لو فرضنا ان في حياة عصمت امراءة ... تجلد احساسها في زمن بارد ... وشتاء قارس
في تحدي مع عصمت الرومانسي الرجل الملتهب المشاعر ..فرضنا وجود تلك المراءة في حياتك
وكان لزاما عليك تعليمها فن الحياة .. كآنثى ( صف خطة مبسطة لاعادة الحياة في انثى هي الحياة)... علما بان عصمت صاحب قصة ( المنبوذة ) علمنا ان الانثى المتقدة يطفئها واقع براثن الغدر ..عشقا

يقال ان ( الحب ) كذبة يطلقها اثنان واول من يصدقها هما الاثنان ..كيف يتاكد عصمت من احساس المراءة نحوه ؟؟

عصمت والمراءة السودانية الاصول والتقاليد .. لكل رجل مميزات في زوجته ... هل يفضل عصمت السودانية على غيرها في حال كانت هناك فرصة لغيرها .. ولماذا ؟؟

غايتو انا بجيك راجعة ... بشرط ما القاك مسجون :p:p:p

[ميادة]

ياميدو ياميدو ياميدو ياخ انتي اسمك سمح وفيه موسيقى عجيبة ياخ


امووووووووووووووووت انا ولا اعمل شنو يا جماعة


هنا الشعر ولا بلاش ;):p

[هيثم ادروب]

p:p:p

ح اسئله يا سيدي وشليوا نيمتكم وارحلوا من هسي


انحنا نيمتنا دي ممتدة في قلوبنا ..

وكان شالوها ما بقدرو ا يشيلوها من قلوبنا ..

اها السؤال شنو ..؟

[هيثم ادروب]

امووووووووووووووووت انا ولا اعمل شنو يا جماعة


هنا الشعر ولا بلاش ;):p



يابت رجعي الصورة القديمة .. :mad::mad::mad:

[الملكة اسماء ( ام محمد )]

اموووت انا ولا اعمل شنو يا جماعة






هنا الشعر ولا بلاش ;):p



موتي يا ميدو موتي
هم الماتوا قبلك شوية :p:p:p
وش وحدة كدا بث

[ميادة]

يابت رجعي الصورة القديمة .. :mad::mad::mad:


ابييييييييييييييييييييت

:p;):D

[ميادة]

موتي يا ميدو موتي
هم الماتوا قبلك شوية :p:p:p
وش وحدة كدا بث




:mad::mad::mad::mad::mad:

:eek::eek::eek::eek::eek:

[الملكة اسماء ( ام محمد )]

:mad::mad::mad::mad::mad:




:eek::eek::eek::eek::eek:



من عاشر كسار التلج يومين صار مثله او مكنة تكسير كبيرة كمان :p:D:p

[ميادة]

- إنسان يجيب لك الإكتئاب ؟ :D






- أكثر شي يفرحك ؟






- أكثر شخص في المنتدى نفسك تقابله؟





- مـــا هي الحكــــمة التي دائماً ما تلازمك ، وتكررها كثيراً ؟





عضو مواضيعه وردوده تعجبك ويستحق لقب مبدع بالنسبه لك ؟










-إذا كنت شمعه .. فلمن تضحي بإحتراقك ؟







لو وقع في يدك فانوس علاء الدين وقيل لك تمنى ثلاث أمنيات ! ماذا سوف تتمنى؟ :eek:





اها رايك شنو اجيك تاني :D


طبعا انا قعد اسدا فيك حق اختي وكده :p;)

[ميادة]

من عاشر كسار التلج يومين صار مثله او مكنة تكسير كبيرة كمان :p:d:p



ههههههههههههههههههههه

بث حاسبي يختي التلج ده بيجيب ليك انفلونزا وكده :d

[هيثم ادروب]

ابييييييييييييييييييييت

:p;):D

طيب سووووووووووووري :mad:

[ميادة]

طيب سووووووووووووري :mad:


ياخ ما غيرتها شنو عامل زعلان :D:p;)

[الملكة اسماء ( ام محمد )]

ياخ ما غيرتها شنو عامل زعلان :D:p;)



ايواااااااااااااااااااااااااااااااااااااااااااا
جابت ليها كسير صور:eek::eek::eek: اقصد تلج بيجاي كمان ;):p:cool:

قصص:o

[هيثم ادروب]

ياخ ما غيرتها شنو عامل زعلان :d:p;)

تسلمي ..

مافي زعل بس اتعودنا علي الصورة الاولي ..

وبالمناسبة هي عاجباني شديد

[ميادة]

ايواااااااااااااااااااااااااااااااااااااااااااا
جابت ليها كسير صور:eek::eek::eek: اقصد تلج بيجاي كمان ;):p:cool:

قصص:o




غايتو جنس غايتو :mad:ة


اسي انتي جيتي من وين واسي شايفة ليك كسير تلج هنا ;):p

[ميادة]

تسلمي ..

مافي زعل بس اتعودنا علي الصورة الاولي ..

وبالمناسبة هي عاجباني شديد



شكرن يا ابو كرفته يا عثل

وش زول ما عارف يكسر تلج نهائي :d

[سيد البلد]

ياخ ما غيرتها شنو عامل زعلان :d:p;)



وانا ولاااااااااا كاني شفت حاجه
اقول ليك سر ؟

وكاني ما مشترك في المنتدى ده زاتو

شنو ليك بالله ؟

[الملكة اسماء ( ام محمد )]

شكرن يا ابو كرفته يا عثل




وش زول ما عارف يكسر تلج نهائي :d


:rolleyes::rolleyes::rolleyes::rolleyes::rolleyes: :rolleyes::rolleyes:
:rolleyes::rolleyes::rolleyes::rolleyes::rolleyes: :rolleyes:
:rolleyes::rolleyes::rolleyes::rolleyes::rolleyes:

ياربي انا وين؟

جواااااااااااا كسارة ice :cool::rolleyes:;);):rolleyes::cool::p:p:p:p

[هيثم ادروب]

ايواااااااااااااااااااااااااااااااااااااااااااا
جابت ليها كسير صور:eek::eek::eek: اقصد تلج بيجاي كمان ;):p:cool:

قصص:o

والله لو في حاجة غير التلج كان كسرناها ..

[الملكة اسماء ( ام محمد )]

وانا ولاااااااااا كاني شفت حاجه

اقول ليك سر ؟


وكاني ما مشترك في المنتدى ده زاتو



شنو ليك بالله ؟




.......................... 2 .......................

[الملكة اسماء ( ام محمد )]

والله لو في حاجة غير التلج كان كسرناها ..


الليلة وووووووووووووووووووووووب
قال اسمت قال

انا مافيشة غايتو :cool::cool::D:D:cool::cool:

[esmat]

ياخ ما غيرتها شنو عامل زعلان :d:p;)


اااااحيييييييييييييييييي انا الليلة ووووووووووب

[ميادة]

وانا ولاااااااااا كاني شفت حاجه
اقول ليك سر ؟


قول قول قول ما تخجل :D

وكاني ما مشترك في المنتدى ده زاتو

شنو ليك بالله ؟




ياخ وين انت ليك وحشة :p;)

[الملكة اسماء ( ام محمد )]

اااااحيييييييييييييييييي انا الليلة ووووووووووب



شوفوا الجاي من برا باحي ووووب

لو سمحت جاوب سعالاتي


وش وحدة واصلة حدها ... من حاجات كدا حامياني :o:o:o

[ميادة]

:rolleyes::rolleyes::rolleyes::rolleyes::rolleyes: :rolleyes::rolleyes:
:rolleyes::rolleyes::rolleyes::rolleyes::rolleyes: :rolleyes:
:rolleyes::rolleyes::rolleyes::rolleyes::rolleyes:

ياربي انا وين؟

جواااااااااااا كسارة ice :cool::rolleyes:;);):rolleyes::cool::p:p:p:p








سبحان الله غايتو الليله لقيتو ليكم برنامج :D

شنو يا جماعة الزول ما يكسر معاكم تلج ولا شنو :mad:

[ميادة]

اااااحيييييييييييييييييي انا الليلة ووووووووووب


ههههههههههههههههههههههههههههههههههههه

الله يجازيك يا عصومي

كدي جاوب على الاسئله الفوق دي وبعدين بنتفاهم

[الملكة اسماء ( ام محمد )]

سبحان الله غايتو الليله لقيتو ليكم برنامج :D
انتي قايلة اللقطة وين ( فريق قريب لفريقنا):p
لا جد اللقطة في اننا بنكسر بعد تكسيركم ...شفتي كيف ؟؟:rolleyes:




شنو يا جماعة الزول ما يكسر معاكم تلج ولا شنو :mad:



كسري يا منقة كسري
ان شاء الله ماتخلي ليك لوح تلج حايم :mad::D:mad:


غاايتو وش وحدة لو كسرت تلج بتحول المنتدى اسكيمو :cool::cool::cool:

[سيد البلد]

اااااحيييييييييييييييييي انا الليلة ووووووووووب



ياخوي ارحكاكا نتم ليك اسلتك دي في الثقافي بهناك

[ميادة]

كسري يا منقة كسري
ان شاء الله ماتخلي ليك لوح تلج حايم :mad::d:mad:


غاايتو وش وحدة لو كسرت تلج بتحول المنتدى اسكيمو :cool::cool::cool:






ههههههههههههههههههههههههههههههههههههههههههه

تصدقي نفس البيحصل لو بديت اكسر معاك :d

[ميادة]

ياخوي ارحكاكا نتم ليك اسلتك دي في الثقافي بهناك


ليه :eek:

في شنو

شكلكم بردتو من التلج المكسر ده :D

[سيد البلد]

ياخ وين انت ليك وحشة :p;)




يا خوانا الكلام البي اللحمر ده واضح ليكم ولا نكبرو شوية

وشوفي ياللخت بقا انا بغمر ليك هنا ده رسمياً وفورياً وما بقوم ليكم
تاني مش لو حمار الوادي هنق ما بقوم ما بقوم

[الملكة اسماء ( ام محمد )]

تصدقي نفس البيحصل لو بديت اكسر معاك


ااااااحي انا على قولة اسمت
يابتي انا حاليا كدا مصابة بزكام بعيد عنك
والسبب التلج الصابي هنا من امبارح دا
دحين يا اختي اديني بطانية ادفئ بيها


وش وحدة جد حاسة ان النيمة دي ح تنشف بالبرد

ولو قررنا ندفيها ... نولع نار بس شنو البطفيها ؟;);)