شارع الشيخ زائد آل نهيان بودمدني

[علي النعيم محمد نور]

صباح السبت الماضي وعند حوالي الساعة العاشره صباحا" وأنا في طريقي بشارع المحطة أو شارع السكة حديد . . . إستوقفني منظر عجيب . . . عربة محملة بالرجال والنخيل ومعدات الزراعة تزرع في أشجار نخيل في ( التلتوار) الفاصل ما بين الإتجاهين لمساري الشارع . . . وهذا السلوك (الشاذ) والغريب والجديد سلوك لم تألفة ودمدني ! ! ! .
فكل حلم جميل تعيشة (ودمدني السني). . . تستيقظ منه (مخلوعة) وعرقها يصبب وريقها ناشف وكرعيها ما شايلاتنها . . . والسبب . . . الواقع الذي سيعقب ذلك الحلم أو قل (الرؤيه ) . . .
شوارع ألفنا فيها أكياس النايلون والتراب وموية المطره والحفر . . . فكيف أصدق ما أري . . . .
عادت بي الذاكرة لدولة الأمارات قبيل التطور الحالي . . .حيث خرج بي الأصدقاء لبعض الفسحة من الزمن وفي الطريق (نفس ) لينا لستك . . . فبينما الإخوان يصلحون (الكوتش) همت أنا بين نخيل الشيخ زائد آل نهيان(عليه رحمة الله) الذي يملاء الطرقات . . . وسرحت (ألقط ) في البلح والرطب والعجوه لأول مره في حياتي علي الهواء مباشرة . . . ومجانا" . . .وقلت في نفسي وأن (وسط الزهور مصور ) عليكم الله نحن بنصل (متل ) ده متتتتتتين ؟ . . .
والآن ليس عندي مهما" أن نصل بل المهم أن نسلك طريق البداية . . . اللهم أرحم الشيخ زائد بن سلطان . . . وسلط علينا من يخافك ويرحمنا ويزرع لنا لنأكل حتي نزرع لأبنائنا ليأكلون . . . ويلا يامدني فوق فوق فوق في العلالي . . . . آميييييييييييييين .

[أبونبيل]

اخبار ساره مفرحه تشرح الصدر

هى ضربة البدايه ونتمنى ان تتواصل

ودمدنى تستاهل كل خير

صدقنى ياجنابو فرحت جدا لهذه البشرى

دائما يأتى منك الخير ودائما تملاؤنا بالتفاؤل ياعلىالنعيم


http://up.dwltna.com/images/uscaypqozd89yxmd3uww.jpg (http://up.dwltna.com/)

http://up.dwltna.com/images/wffoqcnjz8fbwbaasyoc.jpg (http://up.dwltna.com/)

[nehroo]

سعاتوا علي النعيم ..
خلعتني ..
قول بسم الله ..
أنا قلت القيامة حاتقوم ..
لقيتوا حلم .. اللهم أجعله خير ..
قال نخيل !! ... خلي يرشوا لينا الباعوضة ..

[نزار حسن محمد]

ياكمدان ..
عليك رجال ابو حراز انت بجدك
ولا.. دا ...كان حلم

[الزبير محمد عبدالفضيل]

مشكور جنابو علي هذه الاخبار الجميله التي تشرح القلب وتسر النفس ونتمني

أن تصل ودمدني الي هذا الجمال الدائم


ولكم جزيل الشكر

[nehroo]

ود النعيم ..
ما هي المقومات التي جعلت الأمارات
تصل لهذا التطور ونحن لا ؟؟ ....
أراضيهم أحسن من أراضينا ؟
مطرهم أكتر من أمطارنا وفيضاناتنا ؟
جوهم أحسن من جونا ؟
خيراتهم أكتر من خيراتنا ؟؟؟
صحراء وأصبحت جنة .. ليه ؟

هو الصدق وعدم النفاق والمداهنة
العزيمة على الإنجاز دون فساد
وضع مصلحة البلد في المقدمة
قبل المصالح الشخصية المدمرة
التخطيط السليم والإعتماد على الخبرات دون محاباه

إنت لسه حلمان ولا صحيت يا ود النعيم ؟؟

[saleh farah]

ياربي شارع المحطه فيه تلتوار
اتمنى ان تعود لي ذاكرتي
عشان اعرف الزول ده بحلم
ولا بقول لينا فى حقائق

[محمد حسين (المميز)]

سعــــادة العمده الكمندان

كل سنه وانت طيب

انشالله لو حلم يتحقق

ولو علم يكتمـل

ونحن في الانتظار;)

[demyate]

يا شباب ما قالة سعاتو على النعيم حقيقة وليس حلم فبعد أن أكتملت التوسعة (أصبح الشارع مسارين) من صينية السوق الصغير الى مستشفى مدنى وتكملة لما بداء تمت زراعة شتول نخيل فى الجزيرة التى تتوسط الشارع ومع الأنارة فى الوسط تكتمل اللوحة
ولكن دوماً لا يكون العمل لدينا مكتمل ! فالشارع ليس به تصريف وسبحان الله كان السبب الرئيسى فى غرق أحياء 114 والدرجة والمزاد وشندى فوق وحلة محجوب ! والسبب ردم المصرف الموازى للشارع من الجهة الجنوبية للتوسعة والمرتبط بالمصرف القادم من 114 شرق مؤسسة الحفريات ليوصلة بمصرف شارع البحيرية وبعدها لم يتم حفره مرة أخرى !
بالمناسبة سمعت أن شارع المحطة يسمى شارع الزعيم الأزهرى لا أدرى مدى صحة هذه التسمية

[الزمن المريح]

لكم جميعا الف تحية

و الله اخبار حقيقة و فعلا مصرف اندفن و كمان برضو النخيل صحراوى و لكن عترات صغيرة و انشاء الله نتعلم فى الجايات كثير و بالمناسبة هناك شارع جديد كرت

الشارع المار جنوب نادى الاتحاد و حتى شارع البحيرية زمان كان ردمية بيضاء

والله شارع جميل

[محمد عبد الله عبدالقادر]

سعادتو على النعيم سلامات
نخيل واشجار في الجزيرة وسط شارع الظلط !!!!

آآآآآآآآآآآآآآآآآآآآآه

في مسئول حكومي كبير جاي بهناك وبعد ما يمش بودهو حته تانية

[علي النعيم محمد نور]

اخبار ساره مفرحه تشرح الصدر

هى ضربة البدايه ونتمنى ان تتواصل

ودمدنى تستاهل كل خير

صدقنى ياجنابو فرحت جدا لهذه البشرى

دائما يأتى منك الخير ودائما تملاؤنا بالتفاؤل ياعلىالنعيم

تستاهل البشري يا أبونبيل

[علي النعيم محمد نور]

سعاتوا علي النعيم ..
خلعتني .. قول بسم الله ..
أنا قلت القيامة حاتقوم ..
لقيتوا حلم .. اللهم أجعله خير ..
قال نخيل !! ... خلي يرشوا لينا الباعوضة ..

العزيز نهرو . . .
و(الخلعه) الجد جد أمس لقيت ليك عربية ( تانكر) بتسقي في النخيل . . . تصور! ! ! .

[علي النعيم محمد نور]

ياربي شارع المحطه فيه تلتوار
اتمنى ان تعود لي ذاكرتي
عشان اعرف الزول ده بحلم
ولا بقول لينا فى حقائق

شنو ياناس الثقافة ده ما شغلكم . . . وتتخيل (شككتني) . . . تاني رجعت الشارع لقيت كلامي صاح . . .

[علي النعيم محمد نور]

سعــــادة العمده الكمندان

كل سنه وانت طيب

انشالله لو حلم يتحقق

ولو علم يكتمـل

ونحن في الانتظار;)

ويييييييييييينك يالذيذ يارأيق . . .
مد رأسك من قدام بيتكم بتشوفو . . .( صحصحو) معانا شويه ياناس الدرجة (القطر) ماااااايفوتكم . . .

[علي النعيم محمد نور]

يا شباب ما قالة سعاتو على النعيم حقيقة وليس حلم فبعد أن أكتملت التوسعة (أصبح الشارع مسارين) من صينية السوق الصغير الى مستشفى مدنى وتكملة لما بداء تمت زراعة شتول نخيل فى الجزيرة التى تتوسط الشارع ومع الأنارة فى الوسط تكتمل اللوحة
ولكن دوماً لا يكون العمل لدينا مكتمل ! فالشارع ليس به تصريف وسبحان الله كان السبب الرئيسى فى غرق أحياء 114 والدرجة والمزاد وشندى فوق وحلة محجوب ! والسبب ردم المصرف الموازى للشارع من الجهة الجنوبية للتوسعة والمرتبط بالمصرف القادم من 114 شرق مؤسسة الحفريات ليوصلة بمصرف شارع البحيرية وبعدها لم يتم حفره مرة أخرى !
بالمناسبة سمعت أن شارع المحطة يسمى شارع الزعيم الأزهرى لا أدرى مدى صحة هذه التسمية

عليك الله يالدمياطي (كلمن ). . . الجماعة ماااا مصدقين . . . بس شارع الأزهري دي شويه ( صعبة) . . . نحن ما تخلونا نكمل (زعماء ) مدني وتاني ( نصدر ) . . . وهذا قطعا" لا ينقص من قدر الرجل بشئ وهو الزعيم والمناضل والأستاذ. . . وبالمناسبه غدا" الجمعة 2/10/2009م الذكري ال40 لوفاتة . . .

[علي النعيم محمد نور]

لكم جميعا الف تحية

و الله اخبار حقيقة و فعلا مصرف اندفن و كمان برضو النخيل صحراوى و لكن عترات صغيرة و انشاء الله نتعلم فى الجايات كثير و بالمناسبة هناك شارع جديد كرت

الشارع المار جنوب نادى الاتحاد و حتى شارع البحيرية زمان كان ردمية بيضاء

والله شارع جميل

ولك أنت مليااااار تحيه . . . وهو عليك الله في أجمل من (الزمن المريح) . . .؟

[علي النعيم محمد نور]

سعادتو على النعيم سلامات
نخيل واشجار في الجزيرة وسط شارع الظلط !!!!

آآآآآآآآآآآآآآآآآآآآآه

في مسئول حكومي كبير جاي بهناك وبعد ما يمش بودهو حته تانية

بس ما كملت ليك باقي (البوست) . . . وحكيت ليك شارع الزلط القدم بيتكم . . . عييييييك . . . والله الفرق الوحيد بينو وبين شارع الأربعين الصحراوي . . . . داك بودي مصر وحقكم بودي الآخرة . . .
سلامات ممزوجة برضاء الوالدين تصلك أنت والأسره الكريمة . . .

[nehroo]

العزيز نهرو . . .
و(الخلعه) الجد جد أمس لقيت ليك عربية ( تانكر) بتسقي في النخيل . . . تصور! ! ! .

ود النعيم ..
قالوا النخل الزرعوهوا الواحدة طول النجيلة ..
شفت هنا بزرعوا ليك النخلة بي قمريته
وبعد شهرين تحصدها ..

[عادل على]

جنابو على النعيم

كل سنة و أنت طيب و كل الأمنيات بتقدم البلاد

حقيقة خبر سعيد و أن شاء الله كل يوم نسمع ما يسر البال و الله تعبنا من الأخبار البتحطم آن الآوان أن نفرح .

العزيز نهرو ..... دا قالوا واقع مش حلم عش معانا الفرحة دا ما شارع بيتنا .....نور بيتنا شارع بيتنا ....... قالوا متر الأرض بقى ب........ غلبنى أحسبها جيب ليك محاسب و تعال .

[عزيز عيسى]

أستاذنا علي النعيم،
خشمك فيه اللبن..
أفرحتنا بهذه الأخبار السارة..
وأول الغيث قطرة..
لا بد لنا أن نتفاءل بالخير للشمس أن تشرق ولو طال الليل..
لدي إحساس بأن الوالي الجديد حريص وجاد على الإصلاح..
كل ما نريده الدارسة والتخطيط السليم مع العمل الجاد
لتحقيق الأهداف والآمال التي نتطلع إليها جميعا..
وعشمي كبير في أن يصحى أهل مدني والجزيرة عامة
كل يوم على (خلعة) جديدة وأنت أولهم.

[معتصم عيدروس]

يا سعادتو .. لو خلصت النية فمدني يمكن ان تكون المدينة الأجمل في السودان ..

بمناسبة شارع المحطة .. مدني كلها 3 شوارع .. شارع المحطة وشارع النيل وشارع سنكات جبرونا .. وبقية الشوارع متفرعة من هذه الشوارع.. ولا انا غلطان .. يعني ممكن تعمل منها شوارع جميلة بأقل مجهود .. ولكن قبل تجميل هذه الشوارع بالزهور والورود والنخيل .. حقوا أول حاجة نصلح الاسفلت بتاعها .. ولا شنو ؟!!!!

[أبونبيل]

عليك الله يالدمياطي (كلمن ). . . الجماعة ماااا مصدقين . . . بس شارع الأزهري دي شويه ( صعبة) . . . نحن ما تخلونا نكمل (زعماء ) مدني وتاني ( نصدر ) . . . وهذا قطعا" لا ينقص من قدر الرجل بشئ وهو الزعيم والمناضل والأستاذ. . . وبالمناسبه غدا" الجمعة 2/10/2009م الذكري ال40 لوفاتة . . .

********

اتفق معك ياجنابو فى اعادة تسمية الشارع

ونختار اسم ينتمى لست المدائن

لماذا نستورد اسماء من خارج ودمدنى

احترامنا الشديد للزعيم الازهر ى

هناك مدينة الازهرى وجامعة الازهرى و و

عندنا فى ودمدنى **احمدخير **مدثر البوشى ** بحيرى ** الامير نقد الله
وغيرهم من الرموز الوطنيه

بالنسبه لشارع سنكات جبرونا اقتر ح ان يسمى شارع الكاشف

http://up.dwltna.com/images/q4kcwrauv35p751dzjxg.jpg (http://up.dwltna.com/)

http://up.dwltna.com/images/86vi9bwttz57fcxvk.jpg (http://up.dwltna.com/)

http://up.dwltna.com/images/obhvmd15nt3qbbnqjt4m.jpg (http://up.dwltna.com/)

[نخيل طيبة]

ياسلام والله الحمد لله والشكر ولله
دي بداية جميلة جدا للحبيبة مدني ..
ونتمنى ان تكون بداية لكل جميل ان شاء الله
ومشكور للخبر الانيق ..
والله يرحم الشيخ زايد وفي ميزان حسناته...
يوجد تغيير كبير في ودمدني للاحسن يعني انا تفاجاته لم لقيت شارع الردمية المن سوق المزاد
الى شندي فوق تمت سفلتته واصبح بخير
وكمان في خلال اجازتي
كانت هناك بداية لحفر خور شندي فوق وهو المصرف الرئيسي لاغلب الشوارع
والمنتزهات كما ذكر اخي الذي سجل ملاحظته المهمة والحمد لله انه تمت معالجة الموضوع
المهم ياجماعه بالمبارك لمدينتنا بداية الخير

[محمود (أبو وضاح)]

سلامات يا جنابو وكل عام وأنت ونحن وأهل المنتدى والجميع يرفلون فى ثوب العافية والسعادة ،،،
أخبارك دائما مدهشة نأمل أن تتواصل الانجازات لإتمام سفلتة كل الطرق الداخلية بمدنى وتزدان بالإضاءة والاشارات المرورية ، والقروض الموزعة على الخرطوم والولاية الشمالية يدونا منها شوية لتحسين طرقنا ومنتزهاتنا ومستشفياتنا ومدارسنا ولا كيف ؟؟؟

[nehroo]

جنابو على النعيم

كل سنة و أنت طيب و كل الأمنيات بتقدم البلاد

حقيقة خبر سعيد و أن شاء الله كل يوم نسمع ما يسر البال و الله تعبنا من الأخبار البتحطم آن الآوان أن نفرح .

العزيز نهرو ..... دا قالوا واقع مش حلم عش معانا الفرحة دا ما شارع بيتنا .....نور بيتنا شارع بيتنا ....... قالوا متر الأرض بقى ب........ غلبنى أحسبها جيب ليك محاسب و تعال .

العزيز عادل .. مبروك عليكم
والمهم ليست الزراعة
ولكن المجهود الهام هو رعاية هذه الشتول
.. سقايتها وحمايتها حتى تخرج لبر الأمان أشجار
بكرة غنم مدني ما يخلوا فيها الحبة ههههه

[ام ريان]

سلامات جنابو علي النعيم
وكل عام والجميع بالف خير
مشكور علي الخبر الجميل المفرح
متفقه مع الاخ العزيز معتصم عيدروس

(بمناسبة شارع المحطة .. مدني كلها 3 شوارع .. شارع المحطة وشارع النيل وشارع سنكات جبرونا .. وبقية الشوارع متفرعة من هذه الشوارع.. ولا انا غلطان .. يعني ممكن تعمل منها شوارع جميلة بأقل مجهود .. ولكن قبل تجميل هذه الشوارع بالزهور والورود والنخيل .. حقوا أول حاجة نصلح الاسفلت بتاعها .. ولا شنو ؟!!!!)


متمنيين لست المدائن كل تقدم وازدهار وان شاء الله الاجازه الجايه تلقي ست المدائن في اجمل حلتها
مع خالص احترامي دمتم