حلم مزعج!!!!

[عثمان جلالة]

أفيدكم بأنني قد نمت بعد أن تعوذت من الشيطان الرجيم .. ورددت المعوذتين ... وكل الأدعية التي تحفظ النائم بما فيها دعاء "أعوذ بكلمات الله التامات كلهن من شر ما خلق" ... وأفيدكم بأنني ... نمت مطمئنا رغم الهم والغم الذي الذي سببته لي متابعة أخبار السودان ... والجزيرة .. والإنفصالات التي تلوح في الأفق !!!!

رغم ده كلو ... حلمت يا الحبان حلم مزعج !

السودان إتقسم

الغرب بقى دولة

والشرق بقى دولة

والجنوب بقى دولة

والشمال بقى دولة

من دوله واااااااااحده بقن أربعة دول:confused::eek:

لكن ده كلو هين

أكتر حاجه أزعجتني في الحلم ده

موقف ناس الوسط أو ولاية الجزيرة أو أهل الجزيرة

لا عرفوا يمشوا على ناس الجنوب

ولا عرفوا يمشوا لى ناس الغرب

ولا عرفوا يمشوا لى ناس الشرق

ولا عرفوا يمشوا لى ناس الشمال

وبقت حالتهم صعبة جدا جدا

تلقى الجذورو من الشمالية مثلا .. زول إتولد في الجزيرة .. وجد جدو مدفون في الجزيرة وهو الزرع أرضها وعمرها وخدرها .. محتار ؟؟ يمشي وين يا أخوانا ؟؟

المهم .. ختونا في موقف صعب .. الإنفصاليين ديل "في الحلم طبعا"

آخر منظر شفتو في الحلم ده .. وإنتزعت نفسي منو إنتزاع عشان أصحى

كان

منظر أسر بكاااااااااااملها تشردت وتفرقت

مضت الأم لأهلها في الشمال

ومضى الأب لأهله في الشرق

وضاع الأبناء في مفترق الطرق

اللهم أجعله خير

ووقي وطننا العزيز .. شر الفتن ما ظهر منها وما بطن

وستظل جزيرة الخير والعطاء .. وأهلها الطيبون المتسامحون .. رمزا من رموز الوحدة في بلادي...... "صاعين نكيل الصاع .. وللسلم راياتنا"

اللهم أجعله خير،،،،

[العاقب مصباح]

لا حول ولا قوة الا بالله

غايتو الحمد لله انى ما حلمت بيهو

لأن أحلامى الكثير منها يتحقق

ربنا يصلح الحال

ويظل الوطن واحد

بعد زوال الفئة الظالمة من ذوات الكروش المنتفخة واللحى المسترسلة نفاقاً

بغير زوالهم لن ينصلح حالنا

[بدر الدين محمد]

وَلاَ تَهِنُوا وَلاَ تَحْزَنُوا وَأَنتُمُ الأَعْلَوْنَ إِن كُنتُم مُّؤْمِنِينَ

[عثمان جلالة]

لا حول ولا قوة الا بالله

ربنا يصلح الحال

ويظل الوطن واحد

[/color][/size]


...................................

أولا يا العاقب أخوي وضعت النقاط .. دلالة على أنك يا سيد الناس قد وضعت النقاط فوق الحروف أنت تريد صلاح الحال أولا

مما يؤدي ثانيا وحتميا لـ وحدة الوطن

لأن كل ما يحدث حاليا .......... سببه الأساسي .. فساد النفوس

لك الكثير الكثير من الود يااااااااخ :)

[عثمان جلالة]

وَلاَ تَهِنُوا وَلاَ تَحْزَنُوا وَأَنتُمُ الأَعْلَوْنَ إِن كُنتُم مُّؤْمِنِينَ

حسبنا الله ونعم الوكيل .. نورت البوست أستاذنا بدر الدين

[نخيل طيبة]

علي قول امي اريتو يايمة حلم الحجار والجبال:D
تاني ماتنوم:p

[esmat]

نفيد سعادتكم بأنه قد تم تسجيله في
موسوعة (غنتس) للإحلام المزعجة

[moh_alnour]

سلام قولٌ من رب رحيم
الله يكضب الشينة يا جلالة يا أخوي
فالأحلام مرآة الواقع و الواقع لا يسر عدو ولا صديق
اللهم جنب بلادنا الفتن ما ظهر منها و ما بطن و أحفظ وطنا واحد متوحد

[محمد حسين (المميز)]

السودان إتقسم

الغرب بقى دولة

والشرق بقى دولة

والجنوب بقى دولة

والشمال بقى دولة






:eek::eek::eek::eek:

ارررررررربعه مره وااااااااااحده

بالغت بوليغ ياود جلاله

اتنين قلنا صعبه

لكن ارررررربعه:(



هسسسسسسسسه عليك الله ده حلم:mad:

ده كابووووووووووووس:o

عليك الله تاني اتعشـى بدري:D:p:D

أُستـُـــر ياللي بتستـُــــر:rolleyes:

[مدنيّة]

:(:(:(:(
:(:(:(:(

[ابوالنور]

انصحك ما تخش المنتدي لمدة تلاتة ايام

[أبوبكرحامد]

تعرف ياجلالة أنا موافق على القسمة دى ، بشرط أن يصدر جواز لأهل الجزيرة نسميه جواز قومى يخوِّلنا التجوال فى ربوع الوطن السابق ، داخل الجزيرة (نزرع نتيرِب نحقق أملنا) ، على أن نمدَّ مترو أنفاق يصل للمليون ميل مربع ، ومثلما نحن متجذرون ومنحدرون منه ، فينبغى تيسير سبل الوصول إليه ، فلنمدد أيدينا زرعاً وخضرة مقابل صافى الوداد والمحبَّة غير المشروطة.

[عثمان جلالة]

علي قول امي اريتو يايمة حلم الحجار والجبال:D
تاني ماتنوم:p

:):) نخيل طيبه ... كتر خيرك .. أنوم وين؟؟ وكلامك ده ح استلفو منك وأوجههو لقادة وسادة وحكام البلد ... أوعكم تنوموا .. وتفرطوا .. عشان ننوم نحنا في امان :rolleyes:

لك الود،،،

[عثمان جلالة]

نفيد سعادتكم بأنه قد تم تسجيله في
موسوعة (غنتس) للإحلام المزعجة

أصلو ما تستبعد يا إسمت حلمي دا لو إتحقق يجوا يقولوا لي .. عرفتها كيف؟؟؟ :eek::confused::rolleyes:

هي "فيها جائزه" ؟؟؟ !!! :):)

[عثمان جلالة]

سلام قولٌ من رب رحيم
الله يكضب الشينة يا جلالة يا أخوي
فالأحلام مرآة الواقع و الواقع لا يسر عدو ولا صديق
اللهم جنب بلادنا الفتن ما ظهر منها و ما بطن و أحفظ وطنا واحد متوحد

نصيحتي ليك .. يا محمد أخوي أخوي .... زوجتك لازم تكون من بلدك .. يعني يا تعيشوا سوا ويا تنفصلوا سوا :rolleyes::)

البشتنه والإنفصالات ما معروفة :confused::eek::rolleyes::p

[عثمان جلالة]

:eek::eek::eek::eek:

ارررررررربعه مره وااااااااااحده

بالغت بوليغ ياود جلاله

اتنين قلنا صعبه

لكن ارررررربعه:(



هسسسسسسسسه عليك الله ده حلم:mad:

ده كابووووووووووووس:o

عليك الله تاني اتعشـى بدري:d:p:d

أُستـُـــر ياللي بتستـُــــر:rolleyes:

هو نحنا يا أبوهاااااااا عندنا منو غيرو؟؟ رب العالمين .. قادر إنو يجعل كيدهم في نحورهم

لكن كان علي خلقو ... وااااااطاتنا أصبحت

كل واحد فيهم ما مقتنع بالتاني !!! ... وما داير يقدم تنازلات عشان التاني !!!

أستر يا البتستر الحال .. أستر على عبادك :)

[عثمان جلالة]

:(:(:(:(
:(:(:(:(

;);):):p

أقعدي أصرفي لي في الوشوش كده :):).. يوم الخرتوم :eek: دي زاتا تنفصل أوع تجينا عشان "جذورك" من مدني .. اليوم داك البره بره والجوه جوه :rolleyes:

"إن شاء الله دايما خرطومنا وسودانا في سلام" :p

[عثمان جلالة]

انصحك ما تخش المنتدي لمدة تلاتة ايام

ههههههههه هي آآآآ ود عمي دخلتي المنتدى هينه كعب دخلتنا حلتنا تكون بأوراق ثبوتيه :eek::confused: ونسب وشهادة موقعة من مجلس الأمن :confused::)

[عثمان جلالة]

تعرف ياجلالة أنا موافق على القسمة دى ، بشرط أن يصدر جواز لأهل الجزيرة نسميه جواز قومى يخوِّلنا التجوال فى ربوع الوطن السابق ، داخل الجزيرة (نزرع نتيرِب نحقق أملنا) ، على أن نمدَّ مترو أنفاق يصل للمليون ميل مربع ، ومثلما نحن متجذرون ومنحدرون منه ، فينبغى تيسير سبل الوصول إليه ، فلنمدد أيدينا زرعاً وخضرة مقابل صافى الوداد والمحبَّة غير المشروطة.

حبيبنا أبوبكر ود حامد .. والله كلامك ده أقنعني أنا تب :) لكن البقنع الإنفصاليين شنو ؟؟ ديل حتى ممكن يحرمو إنك تحب خارج حدود قسمتك :confused::rolleyes:

يعني لا مجال للحب والشعر والأحسايس ..... ولا حتى زراعة للخير والخضرة والجمال .. فقط زراعة للكراهية والبغضاء .. والحروب

لكن ربك كريم .... وربنا يجيب العواقب سليمة :)

منور يا زول يا رائع :rolleyes: