مســاءاتـي , شويـة بـَـوْح ..

وهــــــــــــــج الجمـــــــــــــــــــــر ؟؟

لــــــو بريدك يعني مالو ماكلو زول في الكون بريـــد
والبريد لو شافلو وردة بيها ياما يكون سعيـــد ...
ما البريدك انتي زاتو زي كأنو بيعيش في دنيا لابقت لاعمـــرو شافا
زي كأنو بناجي غيمة الصباح جرتق زفافها
ياسلام لو شفتي ريدك المشاعر ريدا طافها
000
بقيت اريد واخلصت ليك ياحلم عمري العطاشا .. ياحلم ريدة الفراشة
بقيت اريد واخلصت ليك يامطر يسقي العطاشا .. ياحلم ريدة الفراشة
بقيت اريد واخلصت ليك يازهور لاقيتا باشة .. في القليب احلامها راشة
000
ولا يعني عشان لقيتنا زي عطور محروقها دابا
قلت لازم تسيبنا في وهج جمر الصبابة ..
ولو بريدك يعني مالو ماكل زول في الكون بريد ؟؟؟؟
فيها حـــاجة ؟ والله مافيها حاجة ريد ساااي آآآزول ...

صاحب القلم المميز
ود الضو

احلي حاجة في الريد
الاخلاص

------
واصل ابداعاتك
واحنا ح نواصل المتابعة

بفرح بيها
البنيه الهاجده في احضان خواطري ..البشتهيها
بفرح بيها ..
البنيه اللامست ايد السعاده .. وضجّت الاشواق عليها
الحبيبه .. الايقظت
نبض الحروف .. في قلوب صدر الكلام
القريبه .. الزّيي لي
في عيونها برتاح الهيام
دي الشوقها نص الليل بصحي
غامض الغمضه وجليها
وبفرح بيها ....
-----------------
حنانك زاتو ياخ ...

دوما كانت تحرضنى ... حتى اترك نفسى للظنون ..
وكانت تقول...ووجهها البسام ... فى مواجهتى ..
تعال...نرسم .. خواطر .. بالحروف ..
تعال اكتب...كلام للناس البترسم ... ملامح للسفر ... ووجع الغياب ..
وقد..كان ..
وشوقى..اليها الان يتجاوز احساس
..الود الى اللوعه ...
احساس .. حصة عصر ..فى مدرسة مختلطة..
لا تتعجب ..
فقد تاورني ..
احساسى يوم كانت معاى....

مازلـت أذكـرها وأنـا أغازلها ( يافلانة أنــا بـ ......... يـاخ ) , كيف يصبـح لون وجههـا وشكلها البـرئ بكل ذلك الجمال الذي وكأنها قد إختـارته إختيـار بعناية فائقة ( يوم الجمال جابوهو ليك قالولك أعزل مِنو شيل )
وكانت لمـَّـا لم تجد ماتقول ( كانـت بتنــادينـي لـِي ) , ما أصــلو أنـا وهـي , و هـي وأنـا ( بقينـا عايشين ) بي فِـدْ قلب واحــد يمارسه نبضـاً منضبط ومنتظـم حتـي في السـَّاعات البنكون جالسين فيـها جلسة مسائيـة علي خـد القمـر , فقل لي كيف يحتمل الكـون ظهـور قمـرين في آن واحــد , كانت وكنت ( لي ولها ) , أجلستها علي قلبي ومنحتها حـق أن تتـحكـَّـر فيه كمـا وكيف تشاء , ( كيـف أنســاك وإنتِ الجـرح النازف منو خريف العتــَّة ) ؟؟ كيــــف ؟؟
مشاققة :
الليلة أنـــا رومانسيتي هايجــة هيجـان شديد , مافي زول عنــدهـ حبــَّة مهدئة للرومانسية ؟

كلهـم كانـوا بعشقونها حـتي الثمالة وأنا اولهم, تخرج ضحـيً من بيتهـم والشوارع تملأها ( الصفافير ) وكأنَّ موكب عسكري قد مرَّ بتلك الشوارع البتعـرف وقــع خـُطـي تلك الصـَّبيـَّة وتجعل من أديــم أرضـها ( بساط ) حريري لتسير عليه بكل تلك النعـومة والرشاقة ( التي جاءت بها الي الدنيا ) ( خِلـْـقة الله ) التي لم تـُضِف عليها مسحوقاً أو مُبيِّض , ومن علي القريب قلوب تعشق تلك الخـُطي ( وصاحبة الخـُطي ) ولكن كل ذلك مكتوم ومصوبَن جـوَّة الجـوَّة حتي حين , آآآهـ يـاخ ( البت دي ياربي الحايعرِّسها منــو ؟ ) هكذا أخذ يُحدِّث نفسه التي مافتئت تأمره بأن ( يقتــرب أكثر ) فالمسافة لم تـزل بعيــدة مابينه وتلك ( الزولـة ) التي يمكنها أن تجعل ماء ( نيلينا ) طاااااعمة بس لو مرَّت بقربهما , ياإنتـي بالله لــو فـي طريـقة خلينـا ( نشــوفك ) كل دقيـقة , هذا آخـر بعد أن أرهقه الإنتـظار لساعات ومعه من الصـّبر مايجعله ينتظـر لسنواتٍ قادمــات ولايجد غير أن يُردِّد ( اليوم الدراسي دا لـو خلـُّـوهـ نص ساعة بس البحصل شنــو هِي الدنيا طايرة ولا طايـرة ؟ )

مشاققة :
خـوفـي بس ياحلــوة ماتصيبـك عيــون
بسحـروك فـي البسمـة لــو شافــو السنون
والسَّـمار الباقي ليك ياحلــوة لــون ..

ذات ريـدة صادقة وواضحة الرؤية أخـذ يُحدِّثها بهـزل عاطفي : بالله القال ( يخلق من الشبـه أربعين دا مُش كضـَّاب ؟ ) فأنا لست مقتنعاً بهذا القول لانه لاينطبق عليك فقلبي لم يرَ أنّ لك شبيهاً , كانت واحدة من تلك اللواتي لاتجعل للقوم قولاً غير ( هـاااا بت هـااا إنتِ بحالك دي والله يا ( ياسـَحَرُوك ) أو ( جَنـَّـنـتي ليك وَدُ نـاس ) مازال يبحث عن نفسه وموقعه وسـط الحِسان , فذاك العاشق كثيراً ماكان يقف عنـده الكلام وهو معها , فبعد أن يكثر صمته ويغلب عليه يبدأ يبوح ليها بيها بعد أن يرسم بسمة خفيفة ويُضيف ( ممكن أعايـن لـي فيـك ) ؟؟

أخذ يجتر تلك الذكريات وينبشها نبشاً ( بشويش بشويش ) حتي يعثر علي واحدة من ذكريات تلك ( الحبيبة ) ذات زمـن مضـي , وأخذ يستذكرها عندما كانت تأتي الي منزلهم القريب والشمس قد بدأت ترحل , تقترب منه وفي يدهـا بعض الماء لترشه به حين غفلة منه تحت أسم ( العشق المائي ) , بعد أن تصله ذرّات الماء يبدأ وكأنه قد إنزعج بعض الشيئ من فعلتها وفي نفسه يقول ( ياريت لو ترشيني بي موية البرميل كلها ) أنا لاقي يــاخ , وكعادتها وفطرتها كانت زولة لمّا تهاظر بتهاظر بما يخطر في بالها لحظيـّاً , وذات خاطرة أسمعته ( إنت ياولد ح تتزوجني متين ؟ ) فبعد أن اكثر من أن يُصنقِع الي السماء داعياً ( يسمع منك ربي آآآ الحليوة ) ردَّ عليها متلعثماً ( بعــد تخطبيني من أبوك ) لالا ( بعـــد أخطبك مني لي ) , لم تفهــم شيئاً وأخذت تمارس تلك الفطرة التي كثيراً ماتجعل ذلك المسكين في عالم لم يتم إكتشافه بعـد حين تنظر اليه بنظرة فيها من المعاني مايحتاج الي معاجم لتـُترجم , ثمّ تأخذ نفسها وتبدأ مسرعة وتدعه غارق في كم من الاسئلة التي لايستطيع الاجابة عليها ( البت دي بتقصـد شنو من كلامها دا ؟) إنت ياولد ح تتزوجني متين ؟ وهاهو أخذ يُكمل ذلك البيت من اغنية ابو عركي البخيت :
بتقصـد شنو ماعرفتها بتقصد شنو ؟
بس ممكن أقول
ممكن أقـول
تجربة خطيـرة جـد ,, ومــا إجتـزتها ..
بتقصــد شنــو ؟؟؟

اقتباس:

---

المشاركة الأصلية كتبت بواسطة ود الضو

( ممكن أعايـن لـي فيـك ) ؟؟

---

مباااااااااااااااالغة دي
حد الروعة ياود الضو

[QUOTE=مدنيّة;614264][COLOR="red"]صاحب القلم المميز
ود الضو

احلي حاجة في الريد
الاخلاص

------
واصل ابداعاتك
واحنا ح نواصل المتابعة
---------------------
مدنية هاك تحية المساء
شاكر لك مداخلات التي تمدنا بـ طاقة أن نكتب ولو قليلاً
اقعدي عافية ..

إذا سالتني عنها :
فهي عندي ( كدفقة ماء )...
كم جعلتني اطفق واحث الخطي الي هناك حيث هي وبقلق ..
وكم اجبرتني ان اولي وجهي شطرها وبي شوق جارف ووجد
متقد .. جميلة هي بكل تفاصيلها ..ادمنتها حد الانتشاء ..
اقف عندها وهي تداعب خصلتيها التي تغطي حاجبيها
والجبين وجسد ممشوق يضج جمالا وفتنة ,وصوتا عذبا دافئا
مموسقاً ياخذك بعيدا , ويدعوك للتفكير كثيرا ..
وشيئ من الخوف الجميل يتقافز في عينيها الواسعتين بلذة وانتشاء ..
لِمَا فهي لم تزل بكرا في عشقها ..
تعودت ان تلجمني الاندهاشة ساعة ان اراها ودوما كنت آلفها في
نقطة واحدة للتلاقي وحبات من العرق الجميل تكتسي بها أنفها وهي تحاول مسحها بأصابعها البضة , وشيئ من هاتيك المقل الكحيلة
السوداء يجعلك تائه في ذاتك , ساعتئذ فأذن لنفسك بملكية حق الهلاك واردعها كثيرا بالبعد هنا عن الامر بالسوء لحظة ان تمسك بيديك على كفها الممتلئ فتنة وأنوثة وتكتشف وقتها وتوقن تماما أن المصافحة فيها شيئ جميل من التواصل والالفة مع انثي ذات غنج ووجه جميل واسنان لامعات وذات سحر كتلك الانثي التي تفرض عليك قوانين كيف ان تعشق ؟؟ وتجعلك تنتعل قلبك عندها لحظة ان يغشاك الشجن وتتاكد بان صفة البكاء مسموح بها للكثيرين ..
وبعد كل هذا شاكرا :
لا تسل عني ليالي يا حبيبي لا تسلني ..
لا تسلها فهي حلم عابر طاف بذهني ..
لا تسلها كم تعانقنا على رقة لحن ..

اقتباس:

---

المشاركة الأصلية كتبت بواسطة مدنيّة

مباااااااااااااااالغة دي
حد الروعة ياود الضو

---

---------------------
انه الريد يامدنية أختي
يجعل العبارات تخرج ( بكراً )

أين مساءاتك لهذا اليوم
ياصاحب القلم المميز!!

اشتقت ليك ساعة المساء
فرد الجناح
لملم مصابيح النهار
العتمة تاهت في الدروب
والكون شرب لون الجراح
اشتقت ليك شوق السحابه الراحله
في جوف الشتاء عطشانه تحلم بالخريف
وبقيت ضعيف
مديت معابر شوقي ليك
وحنين حنيني الطاغي ليك
عايز أجيك وكايس مجيك
الحبيب ود الضو
بوحك جميل زي طلتك
وحرفك يغازل فينا زي رنة رباب

بوست يجبرك على المتابعة و التسلح بكل أدوات الإندهاش

اقتباس:

---

المشاركة الأصلية كتبت بواسطة ود الضو

وهــــــــــــــج الجمـــــــــــــــــــــر ؟؟

لــــــو بريدك يعني مالو ماكلو زول في الكون بريـــد
والبريد لو شافلو وردة بيها ياما يكون سعيـــد ...
ما البريدك انتي زاتو زي كأنو بيعيش في دنيا لابقت لاعمـــرو شافا
زي كأنو بناجي غيمة الصباح جرتق زفافها
ياسلام لو شفتي ريدك المشاعر ريدا طافها
000
بقيت اريد واخلصت ليك ياحلم عمري العطاشا .. ياحلم ريدة الفراشة
بقيت اريد واخلصت ليك يامطر يسقي العطاشا .. ياحلم ريدة الفراشة
بقيت اريد واخلصت ليك يازهور لاقيتا باشة .. في القليب احلامها راشة
000
ولا يعني عشان لقيتنا زي عطور محروقها دابا
قلت لازم تسيبنا في وهج جمر الصبابة ..
ولو بريدك يعني مالو ماكل زول في الكون بريد ؟؟؟؟
فيها حـــاجة ؟ والله مافيها حاجة ريد ساااي آآآزول ...

---

طيب انت بتريد ...
ويا يمه داك برضو بريد
رغم ظلم الليالى ..
والدمع الديما جارى
بتلقى فى قليبو ...
يمه .. سمح النشيد

اقتباس:

---

المشاركة الأصلية كتبت بواسطة مدنيّة

أين مساءاتك لهذا اليوم
ياصاحب القلم المميز!!

---

----------------------
بلعت حبة مهدئة
وبخّرت مني كل ذاك البوح
مدنية مليون سلام ..

المبدع ود الضو بمشى وأجيك برووووووووووواقه

اقتباس:

---

المشاركة الأصلية كتبت بواسطة محمد الجزولى

اشتقت ليك ساعة المساء
فرد الجناح
لملم مصابيح النهار
العتمة تاهت في الدروب
والكون شرب لون الجراح
اشتقت ليك شوق السحابه الراحله
في جوف الشتاء عطشانه تحلم بالخريف
وبقيت ضعيف
مديت معابر شوقي ليك
وحنين حنيني الطاغي ليك
عايز أجيك وكايس مجيك
الحبيب ود الضو
بوحك جميل زي طلتك
وحرفك يغازل فينا زي رنة رباب

---

--------------------------
ياسلام يامحمد الجزولي ياخ
دا الكلام البيقطع في القلب كم وتر ..
دمت بخير

اقتباس:

---

المشاركة الأصلية كتبت بواسطة مصطفى هاتريك

بوست يجبرك على المتابعة و التسلح بكل أدوات الإندهاش

---

--------------------------
مصطفي هاتريك
تأتي ويتبعك الجمال
خلينا نندهش ياخ , باقيلك فضل فينا شيتاً حي ..
اقعد عافية آآآآالحبيب ..

اقتباس:

---

المشاركة الأصلية كتبت بواسطة ودسمير

طيب انت بتريد ...
ويا يمه داك برضو بريد
رغم ظلم الليالى ..
والدمع الديما جارى
بتلقى فى قليبو ...
يمه .. سمح النشيد

---

--------------------------
انت عارف ياود سمير بكلامك دا ذكرتني
ذلك المقطع من اغنية يغنيها الراحل ابوداؤود عليه رحمة الله
مُر يانسيم بي جاري
وأحكيلو كل الجاري
قوليهو دمعو الجاري
في خدودو سوّا مجاري
رأيك شنو في التشعلقة دي ؟؟؟
تسلم ياحبيب ..

اقتباس:

---

المشاركة الأصلية كتبت بواسطة تغريد عبد العظيم

المبدع ود الضو بمشى وأجيك برووووووووووواقه

---

تغريد عبد العظيم
لك التحية
وتأكدي بأني منتظر جيتك ..

اقتباس:

---

المشاركة الأصلية كتبت بواسطة ود الضو

مازلـت أذكـرها وأنـا أغازلها ( يافلانة أنــا بـ ......... يـاخ ) , كيف يصبـح لون وجههـا وشكلها البـرئ بكل ذلك الجمال الذي وكأنها قد إختـارته إختيـار بعناية فائقة ( يوم الجمال جابوهو ليك قالولك أعزل مِنو شيل )

وكانت لمـَّـا لم تجد ماتقول ( كانـت بتنــادينـي لـِي ) , ما أصــلو أنـا وهـي , و هـي وأنـا ( بقينـا عايشين ) بي فِـدْ قلب واحــد يمارسه نبضـاً منضبط ومنتظـم حتـي في السـَّاعات البنكون جالسين فيـها جلسة مسائيـة علي خـد القمـر , فقل لي كيف يحتمل الكـون ظهـور قمـرين في آن واحــد , كانت وكنت ( لي ولها ) , أجلستها علي قلبي ومنحتها حـق أن تتـحكـَّـر فيه كمـا وكيف تشاء , ( كيـف أنســاك وإنتِ الجـرح النازف منو خريف العتــَّة ) ؟؟ كيــــف ؟؟
مشاققة :

الليلة أنـــا رومانسيتي هايجــة هيجـان شديد , مافي زول عنــدهـ حبــَّة مهدئة للرومانسية ؟

---

تراتيل الحروف تبوح بـذات المكنون

بين ذاك الملك وتلك الخنساء تحت سماء زرقاء

لـ يعم بعدها الهدوء ويخلوا إلا من تلك المشاعر

وتلك الجميلة تحت المطر القادمه ولكن قبل قدومها

أعلن جمالها الأخاذ ذالك

لـ تكون هي الأميره وهي المالكه لذاك القلب
رد المشاققة:ودالضو أن شاء الله ماتلقى ليك ولاحته حبة رومانسية والهيجة
تزييييييييييييييييييييييييييييييد:)

اقتباس:

---

المشاركة الأصلية كتبت بواسطة تغريد عبد العظيم

[SIZE=5][COLOR=deepskyblue
رد المشاققة:ودالضو أن شاء الله ماتلقى ليك ولاحته حبة رومانسية والهيجة
تزييييييييييييييييييييييييييييييد:)

---

--------------------------------
لك التحية الاخت تغريد
هههههههههههههههههههههه
المشكلة مافي حتة الحبة ياتغريد
المشكلة في الحروف البقت مابتنزل دي
مشاققة :
الحرف عندك مرتب ياتغريد
واصلي البوح ودعيني وآخرون نستمتع بجميل حرفك
لحدي ماربنا يفرجها ونقدر نلون معاك شوية في الصفحات دي
دمتِ بخير ..