عرض للطباعة
تعرف يا سيدالبلد ...اقتباس:
المشاركة الأصلية كتبت بواسطة سيد البلد
صاحبك دا قايل يوم 11-11-2011 بعيد ...
أسسسسسى بجى ذي يوم 9-9-2009 :o:o
عجبتنى كلمة ( اتجاوزا و لا تعيرو التفاتا ) ... :p:p
غايتو أنتو البصاحبكم ما بتريحوه ...
أها أنا برشح ليك الخيار التانى فى النسب وكدا ...
وحا أبقى ليك واسطة خير ...
بس انت تعال .
أخى صهيب البصير ...طبعاً البوست جاك فى وتر حساس ...اقتباس:
المشاركة الأصلية كتبت بواسطة صهيب البصير
خصوصاً وانت على وش جواز ...
ونقول ليك تانى ألف مبروك وربنا يتم ليك على خير ...
وسيروا وعين الله ترعاكم ... :p:p
والعسكرى أبو نسب ( اتلوم معاكم ) ...
ياخى كان تقولوا ليهو نحن أهل العوض وكدا ... :o:o
أها ان شاء الله تكون سيرتك قريبة وعلى الزلط .:p
أها قالوا فى عريس من مدنى عرس ليهو واحدة من بورتسودان ...
أها السيرة لامن وصلت بورتسودان ...
العريس اتسحب براحة ومشى لى بتاع جبنة ( أدروب ) يعدل مزاجو ...
أدروب عجبتو الحنة والنضافة حقت العريس وحلف ما يآخد حق الجبنة ...
وقال للعريس :
أها بعد العرس حا تسافر متين ...
العريس قال ليهو بكرة ...
أدروب :
أها وها تسافر بى شنو ...
العريس :
بالطيارة ...
أدروب :
لع لع لع ... تيارة ما تسافر ... ممكن تقع .
العريس :
خلاص يا أدروب حا أسافر بالبص ...
أدروب :
لع لع لع باص ما تسافر ... امكن أقبة ( العقبة ) بص يقع ...
العريس :
حيرتنا يا أدروب لا طيارة لا بص أها أسافر بى شنو ...؟؟؟؟:confused::confused:
أدروب :
.... ... ..... بعدين سافر :eek::eek:
حبيبنا عوض الكريم
"والجاء بنا والجاء كسر" واصل الخواطر وانت
تجلس في منتصف القاعدة
بعدين ياخ انت متلوم صراحة كدا
سيد البلد دا زااااتو مفروض تتجاوزوا
ولا هو والعاقب دا تقشهم بي مشاركة واحدة وانتهي الموضوع
غايتو اتلومت .. لكن نعمل شنو
حبيبنا صهيب البصير ...اقتباس:
المشاركة الأصلية كتبت بواسطة صهيب البصير
يرحبوا بيك نسابتك ...
قول آميييييييين .
اقتباس:
المشاركة الأصلية كتبت بواسطة ياسر عبدالرحمن
يا ياسر اخوى اخوك حفار وكدا
يعنى بنحفر للعايزين يتزوجوا
اها اخير من الموتة صح
شقة قانونية وكدا
عوض الكريم دا لو صبر شويه كان تلقوهو فى جدة
صدقينى يا مدنية ...اقتباس:
المشاركة الأصلية كتبت بواسطة مدنيّة
أشبه بالقاعدة العسكرية ...
لكن برضو ( الريدا ) بيناتم ...
والصينية جمعتهم ...
واختلاف الرأي لا يفسد للود قضية .
انت ما فطرتى ولا شنو ... :cool::cool:اقتباس:
المشاركة الأصلية كتبت بواسطة مدنيّة
أها عشان خاطرك تانى حا أكتبها ( القهوة ) ...
ياخى ما تعملى معانا واجب وترحبى بيهو وكدا .;)
اقتباس:
المشاركة الأصلية كتبت بواسطة okasha
حبيبنا عكاشة ...
قالوا الما بتلحقوا جدعوا ...
يااااااااااخى أريتا ورطتك ...
بس خليك قريب وجنب الزلط .
اقتباس:
المشاركة الأصلية كتبت بواسطة سيد البلد
انت بتطردنى بى هناك وبتجى بى هنا
كدى كان استقريت على راى سوقنى معاك
عندى نية ابقى عديلك نعديها شراب جبنة ساااااااااااااااااااى
اقتباس:
المشاركة الأصلية كتبت بواسطة عوض الكريم الخواض
نحن ناس تنظير ساى يا الخواض
ومرات كتيرة جدا بتصادف وبتظبط معانا
بس جربنا القعاد مع النسابة فى زمنا مضى
انت قايلنى زى سيد البلد دا مشى السودان وجى كرعينو ويدينو غُبش ساى
هسع عليك الله كان اقول عندى سخانة بجى بدون حنة
اها ياخواضاقتباس:
المشاركة الأصلية كتبت بواسطة عوض الكريم الخواض
جيب العمولة
اضغط هنا
اقتباس:
المشاركة الأصلية كتبت بواسطة عوض الكريم الخواض
كدى وضح أن شاء الله فى الخاص
النقاط دى مهمة شديد ياخ
اقتباس:
المشاركة الأصلية كتبت بواسطة esmat
عليك الله شوف جنس دا يا سيدا
حنتوا لسه ما طلعت وعايز يعمل فيها من قبيلة المتزوجين
الاداك بالمأزون يدينا بى ابوبكر المبارك:d:d
اقتباس:
المشاركة الأصلية كتبت بواسطة العاقب مصباح
عليك شوف ناس الشوط الأول ديل كمان
شوف اللحدي الليله ما جا البيت داخل ليهو بي كيس خدار ده كمان
ياخي كمان زي ده انا موش بتجاوزو
ده انا بعتبرو من الملغيات ...
وبعدين تعال نسالك يا العاقب اخوي
الزول ده صاحبك ولا حاجه؟
اقتباس:
المشاركة الأصلية كتبت بواسطة العاقب مصباح
يا زول عليك الله اختاني خليني اتم ديني ياخ
يعني استناك لمتين ؟
مستعجل شديد يا زول
وخرمان خرم كبير خلاص للجبنه الليلة ناس كسلا
وانا من زمااااااااااااااان اقول مالو قلبي ده برف لمن تجي سيرة كسلا دي
اقتباس:
المشاركة الأصلية كتبت بواسطة العاقب مصباح
اقتباس:
المشاركة الأصلية كتبت بواسطة سيد البلد
.........................
غايتو الواحد لما اكون عذابي بكون حاقد كيف
قلت لي ياعاقب كان اقول عندوا سخانة - عملتها قبل كدا ولا شنو
غايتو مشاركة واحدة تكفي - خفاااااااااااااااااااااف
اخف من قفة الخضار غايتو
اقتباس:
المشاركة الأصلية كتبت بواسطة esmat
بس النسالك كدي بالله
قفة الخضار دي حكا ليك بيها منو ؟
ولا درستها في العلوم ؟
قال قفة خضار قال
قوم لفا كده ولا كده
اقتباس:
المشاركة الأصلية كتبت بواسطة esmat
اقتباس:
المشاركة الأصلية كتبت بواسطة سيد البلد
عليك الله يا سيدا القفة لمن تكون خفيفة شن طعمها
ياخى املاها يا عصمت ياخ ما تفدحنا من الاجانب
قال قفة خضار قال
بالله يا سيدا وريهو ياخ
اقتباس:
المشاركة الأصلية كتبت بواسطة سيد البلد
انت كان انا ما شجعتك ما بتعرس
عشان كدا مصر نكون سوا
وننزل فى بيت واحد
انت اطلب قبلى وانا بقول ليهم داير اختها
البوست دا استلمناهو ود الخواض كان جاء لقانا هنا بيقيم علينا الحد
كدى النتخارج سريع سريع
التلاتة ما عندنا خبرة
طلع معاك " مازدا " دهاقتباس:
المشاركة الأصلية كتبت بواسطة العاقب مصباح
العامل لينا فيها خبير ليهو مية سنة
وهو لي يوم الليلة ما مشا الحتة الجمب الاوقاف ديك
ياخي البجيبو منها الحاجات ديك ياخي
ياخ انت زاتك بتعرف شنو عليك الله
اقتباس:
المشاركة الأصلية كتبت بواسطة سيد البلد
يا اخوى نحن نمشى لى محل ابصلعة
عنده شنو بالله اب صلعة دا
اقتباس:
المشاركة الأصلية كتبت بواسطة عوض الكريم الخواض
أبو كريم
طالما بكيت في مدني ودفنتو في كسلا ما تسألني منسوبة لي وين .
أنت الليلية مالك ملخبطه كده منسوبة ونسابة ونسيبة
حالتك بعيد من نسابتك .
أولاد مدني بفهموها وهي طايرة
كدي شوف لينا باقي قهوتك
وبعدها عرج لينا علي النيافة
بتاعت الدباغة بدون عنصرية :) .
اقتباس:
المشاركة الأصلية كتبت بواسطة العاقب مصباح
العاقب يافردة
وكت حفار جنس ده ما تحفر لنفسك جُحر تتلم فيهو
عشان ناس عصمت وسيد البلد أسكتوا
قلت لي شقة قانونية دي المقدم حقه كم ؟
داير توصلوا جدة بشقة قانونية ولا نفق من حفرك
لكن أبو كريم خطير المرقه في كسلا .
أها يا حبابيبنا ...
بعد القصة القصيرة الحكيتها ليكم ...
نجيكم للخاطرة ...
لأنو القصة مع واقعيتها كانت مقدمة لهذه الخاطرة ...
أن نكون مختلفين فى تقدير الأمور فهذا لا يعنى أننا ( نكره ) بعض ...
فلك رأي ...
ولى رأي ...
أن تستجيب لرأيي أو لا ( ليس هذه المشكلة ) ...
المشكلة أن تقوم بتسفيه رأيي ...
عندها يأتى التزمت والغلو فى التمسك بالآراء ...
أما أن تحترم رأيي ...
مع عدم أقتناعك به فهذا هو ( منتصف الطريق ) ...
ويبقى النصف الآخر اما أن أقنعك به ...
أو يقتنع به أغلب المهتمين بالأمر ...
وعندها وجب علينا احترام رأي الأغلبية ...
اذا كان للأغلبية ( وضعها ومكانتها ) ...
وعدم السعي فى تنفيذ رأي الجماعة يكون لسببين ...
أحدهما ضعف الهمة ...
والآخر المجاملة ...
وكلاهما يوحيان الى الطرف الآخر بما ينقص من تقديرنا لأنفسنا ....
وكما ( صينية ) النسابة التى ضمتهم بكل ود وألفة ...
كذلك هذا المنتدى قد فعل ذلك ...
وحقيقة هذه الألفة شعرت بها فى أكثر من تجمع ...
وبالذات فى احتفال الشمعة السابعة ...
وخصوصاً مع من يحملون الرأي الآخر ...
بل ذاد أحترامى وتقديرى لهم ...
بل وأعجابى بهم ...
اذ انهم يدافعون عن رأيهم بوسآئلهم التى يرونها مشروعة ...
وكل صاحب رأي يجد الأحترام ...
دون ذلك الذى لا يدرى أين موقعه ...
ان احسن الناس أحسنوا وان اسآؤا .... الخ ....
والألفة والمحبة ليست ( كلمات ) انما هي شعور تحسه من الطرف الآخر دون الأفصاح ....
وكما تسربت الى خياشيمنا رغماً عن أنوفنا و دون استئذان ...فأرجو أن تجد عند الطرف الآخر بعض أحترام وتقدير ...
وما يأتى سهلا ... يذهب سهلا .
اقتباس:
المشاركة الأصلية كتبت بواسطة عوض الكريم الخواض
الحبيب عوض الكريم الخواض
صينية النسابة
أستطاعت صينية النسابة أن تجمع من هو فى الحكومة بمن هو فى المعارضة بمن هو وقع وبمن لم يوقع وبمن أتى ليتزوج ... كلهم كانت تجمعهم صفة واحدة ... الإنسانية قبل السودانية .. رغم إختلاف الأفكار ...والمنهجية إلا أن ما يجمعهم كان أكبر مما يفرقهم ...تنازلوا لبعضهم عن بعض ما يُعكر صفوهم ...لم يصفوا بعضهم بالخيانة .... بتبعيته للحكومة ... ولم يُوصف البعض الآخر بالتمرد لقتاله الحكومة ... مصالحهم متضاربة ...ولكن رغم ذلك كانت صينية النسابة هى المنتصف ترك بعضهم الأسلحة فى زاوية بعيدة ... والبعض الآخر ترك كُراسة معلوماته الإستخباراتية فى درج .... جلسوا فى لحظة اخوة ... لحظة صفاء .... لحظة سلام ... حكومة ومعارضة ... أنتفت أسباب الحرب فى تلك اللحظة .... لأن ما بداخلهم من حب كان أكبر ... وما فيهم من تسامح كان يُغطيهم ... ابتعدوا عن ما يعكر عليهم جلسة إنسهم ...
ها نحن هنا فى المنتدى ... إلتقينا بعضنا حكومة والبعض الآخر معارضة ... بعضنا غنى والبعض الآخر فقير ... بعضنا ينتمى للمدينة والبعض الآخر للقرية ...دون تحديد ما هى القرية وما هى المدينة ... قد تكون المدينة الخرطوم ...وقد تكون الحصاحيصا وقد تكون مدنى وقد تكون الكاملين وقد تكون كسلا وقد تكون عطبرة وقد تكون بورتسودان وقد تكون أم درمان ... القرية قد تكون بورتبيل قد تكون الفقراء قد تكون ام تريبات قد تكون الحرقة قد تكون الهدى قد تكون طيبة الشيخ عبد الباقى قد تكون وقد تكون وقد تكون وقد تكون ...
ما الشئ الذى يجمعنا ؟؟؟؟؟؟؟؟؟
جميعنا نحمل هماً واحداً ... هم تطوير منطقتنا .... منطقتنا تشمل الاحياء فى المدن تشمل القرى تشمل المدن تشمل الولايات تشمل السودان تشمل العالم الثالث ....
نجد من يطلب برصف الطرق .... نسانده لأننا نسير بنفس الطرق ... نجد من يطالب بالتحقيق فى وفاة مريضة بالمستشفى .... نقف معه لأن المريض كان ممكنا أن يكون أنا كان ممكناً أن يكون أنت ...
نجد من يطالب بالحفاظ على مشروع الجزيرة ... نقف معه ...لأن أقرباءنا يعملون به ... لأن أهلنا يعيشون عليه .. لأن زملائنا يتخذونه وسيلة عيش كريم ....
نجد من يطالب بتحسين سودانير وسيلة نقلنا الجوية .... نقف معه لأننا نسافر أيضاً بها ....
نجد من يطالب بالمساواة فى توزيع ثروتنا القومية نقف معه لأننا قد ظُلمنا ولم نؤتى نصيباً كان ممكناً أن يكون لنا ....
نجد من يطالب بدفع الرواتب المتأخرة للمعلمين ...نقف معه لأن أبناءنا يدرسون ونُريد لهم مستقبلاً آمناً مبشراً به يرتقى الوطن للأمام ...
فى تقدم الوطن تقدم للولاية ...تقدم لمدينتنا مدنى تقدم لقريتنا الحرقة ...
إذاً يجب أن نجتمع فى صينية واحدة ... لأن زادها يكفى الجميع محبة
ويفيض عنها بالبركة ليُشبع آخرين .,,,
هنا سيجد الجميع الحب والتقدير
لأنه آثر حب الغير على حب نفسه
عمل للجميع دون أن يعمل لخاصته..
وجميعنا يبحث عن مدينته الفاضلة لغة وحواراً وتسامحاً وحباً
مع خالص وأكيد محبتى