النتائج 1 إلى 25 من 75

الموضوع: خاطرة قلبية ...

أدوات الموضوع
- مشاهدة صفحة طباعة الموضوع


	26-10-2009 12:52 AM #1 عوض الكريم الخواض الملف الشخصي مشاهدة المشاركات عضو فضي Array تاريخ التسجيل May 2009 المشاركات 1,274 خاطرة قلبية ... أبدأ بذلك المنزل الرحيب الذى ضم مجموعة من الأفكار المتناقضة الى حد الاحتراب ... وهذا ليس من وحي الخيال ... بل هي حقيقة رأيتها بأم عينى ... المكان : كسلا ( بيت النسابة )... الزمان : 2002 ... وعلى شرف النسيب الجديد اللى هو ( أنا ) أجتمع أفراد العائلة فى المنزل الكبير ... وقد أختصونى بالمقعد الوثير وبجانبى ( أبو نسب ) المترجم الخاص ... وذلك لأن علاقتى برطانة الهدندوة كعلاقة ( أبو مزن ) مع علم النانوتكنلوجى ... بدأ نسيبى أو مترجمى بالتعريف هذا فلان وقرابته لنا كذا ... وهذا كذا ... الخ .... بعد ذلك بدأ الأقارب ( بالرطانة ) ... أو ما يعرف بلغة ( البداويت ) ...ثم أرتفعت الأصوات ... وأحمرت الأعين ... مع التلويح بالأيادى ... والتأشير بالأصابع ... يا ألهى ما هذا ... الله يمرقنى من الجماعة ديل ... الجماعة ديل لو أتذكروا فى اللحظة دى أنى نسيبهم ممكن ... وأنا بين هؤلاء القوم لا أعلم سبباً لهذا الهيجان ... وفجأة وبدون سابق أنذار ( سكنت الأنفس ) ... اذ دخل ( أبو نسب ) وهو يحمل ما لذ وطاب من الطعام ... وشمر القوم عن سواعد الجد أكلاً وتقطيعا ... وكنت أنا أسعد من فى الأرض بهذه ( الصينية ) التى لولاها لقامت الحرب ... وأثناء تناول الطعام بدأت بعض الهمهمات والتعليقات التى لم أفهمها ... ثم تلتها بعض أبتسامات ... ثم ضحكات حتى القهقهة ... بعد الفراغ من الطعام جيئ بالحلويات ... ثم ( الجبنات ) ... ويا لها من ( جبنات ) ... على الطريقة اليابانية ... وبدا القوم فى مواصلة ( الرطانة ) ... يتحدث أحدهم فيضحك الباقين فعلمت أنهم يحكون ( النكات ) . وما زال شمارى ( عالياً ) ... وبعد أن لاحت لى ( انفرادة ) مع ( أبونسب ) ... سألته عن عمل أخوانه وأبناء عمومته ... وبدأ يفندهم لى واحداً تلو الآخر ... هذا ( مؤتمر وطنى ) يعمل فى المجلس التشريعى ... وهذا فى جبهة الشرق جآء من منطقة العمليات ( مخصوص ) للتعرف اليك ... وهذا يعمل فى الأستخبارات ... وهذا يعمل فى وزارة الداخلية ... وهذا من جيش الفتح ... قلت له مداعباً ... لو تأخرت ( الصينية ) بضع دقائق لقامت الحرب ... ولكنت أنا أول الضحايا ... لأنه بالتأكيد سيكون عند بعض أبناء العمومة ( أجندة خفية ) . ولى عودة لأكمال الخاطرة ... رد مع اقتباس


	26-10-2009 01:06 AM #2 عوض صقير الملف الشخصي مشاهدة المشاركات فخر المنتديات Array تاريخ التسجيل Apr 2006 الدولة ود مدنى المدنيين شمال المشاركات 6,175 أخى عوض الكريم .... وأنا أقرأ فى هذه الخاطرة الجميلة كنت أتوقع أن تحدثنا عن القهوة وريحة البن التى أشتهرت بها هذه المدينة الحالمة ...... كسلا فى الأنتظار ... عسى ولعل القهوة وريحة البن تجى فى القادم .... رد مع اقتباس


	26-10-2009 01:28 AM #3 أبوبكرحامد الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Dec 2004 الدولة مدنى - بانت المشاركات 2,748 المشاركة الأصلية كتبت بواسطة عوض الكريم الخواض أبدأ بذلك المنزل الرحيب الذى ضم مجموعة من الأفكار المتناقضة الى حد الاحتراب ... وهذا ليس من وحي الخيال ... بل هي حقيقة رأيتها بأم عينى ... المكان : كسلا ( بيت النسابة )... الزمان : 2002 ... وعلى شرف النسيب الجديد اللى هو ( أنا ) أجتمع أفراد العائلة فى المنزل الكبير ... وقد أختصونى بالمقعد الوثير وبجانبى ( أبو نسب ) المترجم الخاص ... وذلك لأن علاقتى برطانة الهدندوة كعلاقة ( أبو مزن ) مع علم النانوتكنلوجى ... بدأ نسيبى أو مترجمى بالتعريف هذا فلان وقرابته لنا كذا ... وهذا كذا ... الخ .... بعد ذلك بدأ الأقارب ( بالرطانة ) ... أو ما يعرف بلغة ( البداويت ) ...ثم أرتفعت الأصوات ... وأحمرت الأعين ... مع التلويح بالأيادى ... والتأشير بالأصابع ... يا ألهى ما هذا ... الله يمرقنى من الجماعة ديل ... الجماعة ديل لو أتذكروا فى اللحظة دى أنى نسيبهم ممكن ... وأنا بين هؤلاء القوم لا أعلم سبباً لهذا الهيجان ... وفجأة وبدون سابق أنذار ( سكنت الأنفس ) ... اذ دخل ( أبو نسب ) وهو يحمل ما لذ وطاب من الطعام ... وشمر القوم عن سواعد الجد أكلاً وتقطيعا ... وكنت أنا أسعد من فى الأرض بهذه ( الصينية ) التى لولاها لقامت الحرب ... وأثناء تناول الطعام بدأت بعض الهمهمات والتعليقات التى لم أفهمها ... ثم تلتها بعض أبتسامات ... ثم ضحكات حتى القهقهة ... بعد الفراغ من الطعام جيئ بالحلويات ... ثم ( الجبنات ) ... ويا لها من ( جبنات ) ... على الطريقة اليابانية ... وبدا القوم فى مواصلة ( الرطانة ) ... يتحدث أحدهم فيضحك الباقين فعلمت أنهم يحكون ( النكات ) . وما زال شمارى ( عالياً ) ... وبعد أن لاحت لى ( انفرادة ) مع ( أبونسب ) ... سألته عن عمل أخوانه وأبناء عمومته ... وبدأ يفندهم لى واحداً تلو الآخر ... هذا ( مؤتمر وطنى ) يعمل فى المجلس التشريعى ... وهذا فى جبهة الشرق جآء من منطقة العمليات ( مخصوص ) للتعرف اليك ... وهذا يعمل فى الأستخبارات ... وهذا يعمل فى وزارة الداخلية ... وهذا من جيش الفتح ... قلت له مداعباً ... لو تأخرت ( الصينية ) بضع دقائق لقامت الحرب ... ولكنت أنا أول الضحايا ... لأنه بالتأكيد سيكون عند بعض أبناء العمومة ( أجندة خفية ) . ولى عودة لأكمال الخاطرة ... الزول الحكّاى .......... سديد الراى ............ عوض الكريم الخوّاض نتلهف للقادم من الحكايا ، ودعنى أبادلك التحية بأخرى مشابهة ، قمت بخطبة حلفاوية ، وانفصمت عرى العلاقة لأسبابٍ ما ، المهم كنت حين ازورهم يتحلقون حولى ، لبؤس حظى أن كان لديهم ذلك اليوم زائر من خلفا الجديدة ( من قرية كم ماعارف - أول سؤال يسأل لمن هو من حلفا الجديدة : من قرية كم ؟ - زى فنائل برشلونة ) ، المهم فى الأمر أن ذاك الشخص يتمتع فيما علمت بالطرافة والظرف ، أخذ هذا الرجل يحكى والجميع فى ضحك متواصل لاينقطع إلا من أخو القدح الذى يلتفت إلى برهةً مطيّباً لخاطرى المكسور ويعاود الإنضمام لأوركسترا الضحك المتواصل ، فى النهاية تم عمل ترجمة للنكات ، ياخى لقيتا ليك بايخه بوخ زى النكات بتاعات ركن الأطفال بالإذاعة ، وهى بكل تأكيد غير ذلك فى نسختها الأصلية قبل الترجمة التى تأتى على روح النص وتجعله أشبه بالبيبسى حين يذهب عنه الغاز . أجمل النقد ماكتب عن مَحَبَّة - الراحل / أميل حبيبى رد مع اقتباس


	26-10-2009 01:48 AM #4 أبوعمرو الملف الشخصي مشاهدة المشاركات عضو فعال Array تاريخ التسجيل May 2009 المشاركات 258 شيخ العرب(ودالخواض) الواحد يادوب بدأ يفهم إصرارك علي عزائم القهوة... ياخ ما تقول راميك جنزبيل من زماااان .... ........... ........... ذكرتنا والله نوادر أيام العرس الله يطراهو بالخير فيما أتذكر عندما تحركت عربة العريس (العبدلله) من الخرطوم الي مدني ... وكانت تحمل أكثر المعتاد ... أوقفتنا شرطة المرور بالقرب من سوبا ... نظر الي الشرطي والي الحريره والهلال علي البدله وكان يجلس معي في المقعد الأمامي (في العربة الصالون) خالي وهو مشهور بطولة اللسان... نظر الشرطي الي السائق (دي مخالفة).. ما كان من خالي إلا أن نظر الي الشرطي (ياخوي نحن معانا عريس ماشين مدني التقول الخرطوم ما فيها بنات) رد مع اقتباس


	26-10-2009 11:12 AM #5 عوض الكريم الخواض الملف الشخصي مشاهدة المشاركات عضو فضي Array تاريخ التسجيل May 2009 المشاركات 1,274 المشاركة الأصلية كتبت بواسطة عوض صقير أخى عوض الكريم .... وأنا أقرأ فى هذه الخاطرة الجميلة كنت أتوقع أن تحدثنا عن القهوة وريحة البن التى أشتهرت بها هذه المدينة الحالمة ...... كسلا فى الأنتظار ... عسى ولعل القهوة وريحة البن تجى فى القادم .... أخى الأكبر عوض صقير ... شكلك خرمان لى قهوة كاربة ... كدى أصبر احتمال نقليها قدامك ... وسبحان الله ... البن اذا لم يتم قليه وطحنه لما أنتج هذا الشراب البديع . رد مع اقتباس


	26-10-2009 11:25 AM #6 عوض الكريم الخواض الملف الشخصي مشاهدة المشاركات عضو فضي Array تاريخ التسجيل May 2009 المشاركات 1,274 المشاركة الأصلية كتبت بواسطة أبوبكرحامد الزول الحكّاى .......... سديد الراى ............ عوض الكريم الخوّاض نتلهف للقادم من الحكايا ، ودعنى أبادلك التحية بأخرى مشابهة ، قمت بخطبة حلفاوية ، وانفصمت عرى العلاقة لأسبابٍ ما ، المهم كنت حين ازورهم يتحلقون حولى ، لبؤس حظى أن كان لديهم ذلك اليوم زائر من خلفا الجديدة ( من قرية كم ماعارف - أول سؤال يسأل لمن هو من حلفا الجديدة : من قرية كم ؟ - زى فنائل برشلونة ) ، المهم فى الأمر أن ذاك الشخص يتمتع فيما علمت بالطرافة والظرف ، أخذ هذا الرجل يحكى والجميع فى ضحك متواصل لاينقطع إلا من أخو القدح الذى يلتفت إلى برهةً مطيّباً لخاطرى المكسور ويعاود الإنضمام لأوركسترا الضحك المتواصل ، فى النهاية تم عمل ترجمة للنكات ، ياخى لقيتا ليك بايخه بوخ زى النكات بتاعات ركن الأطفال بالإذاعة ، وهى بكل تأكيد غير ذلك فى نسختها الأصلية قبل الترجمة التى تأتى على روح النص وتجعله أشبه بالبيبسى حين يذهب عنه الغاز . حبيبنا ود الماذون ... بالتأكيد الترجمة الحرفية يضيع معها ( روح النص ) ... وأذكر من الطرآئف التى ترجمت لى ولكنها أضحكتنى كثيراً أنَّ أحد النسابة كان يتحدث عن شح المياه وتأخر الخريف ... وكنت حاضراً بينهم ... ثم ( رطن ) فأذا بالجميع يضحك ضحكاً شديداً ... وكان نص الترجمة أنه قال ( أنتو عارفين الخريف دا أتاخر عشان قلوبنا وسخانة ... المطر ذاتو ما راضى ينضفا لى وساختا الشديدة ... عليكم الله أبقوا ذي ناس الجزيرة ديل ( طوالي مخدرييين ) ...كان المطرة ما جات البحر جنبهم . رد مع اقتباس


	26-10-2009 11:35 AM #7 عوض الكريم الخواض الملف الشخصي مشاهدة المشاركات عضو فضي Array تاريخ التسجيل May 2009 المشاركات 1,274 المشاركة الأصلية كتبت بواسطة أبوعمرو شيخ العرب(ودالخواض) الواحد يادوب بدأ يفهم إصرارك علي عزائم القهوة... ياخ ما تقول راميك جنزبيل من زماااان .... ........... ........... ذكرتنا والله نوادر أيام العرس الله يطراهو بالخير فيما أتذكر عندما تحركت عربة العريس (العبدلله) من الخرطوم الي مدني ... وكانت تحمل أكثر المعتاد ... أوقفتنا شرطة المرور بالقرب من سوبا ... نظر الي الشرطي والي الحريره والهلال علي البدله وكان يجلس معي في المقعد الأمامي (في العربة الصالون) خالي وهو مشهور بطولة اللسان... نظر الشرطي الي السائق (دي مخالفة).. ما كان من خالي إلا أن نظر الي الشرطي (ياخوي نحن معانا عريس ماشين مدني التقول الخرطوم ما فيها بنات) أها يا أبوعمرو ... يعنى أنت معانا نظام ريدة وكدا ... غايتو المرة و ( المنتدى ) يوم بعملوها فيك ... ربنا يحفظك ... قلت لي أبومزن البوكس بتاعو أنقلب 78 من المحاحاة بين مدنى والخرطوم ... أسال الله أن يديمها ألفة باقية الى يوم البعث . رد مع اقتباس


	26-10-2009 11:48 AM #8 العاقب مصباح الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Jan 2008 الدولة ضل النيمة المشاركات 7,179 القصاص الخواض جينا نشرب معاك جبنة ونشوف الكبكبة مع النسابة اصعب من الكبكبة تب مافى خصوصاً لو قعدت فى الغداء وجنبك نسيبك والله تضوق الاكل مسيخ ولا بتشبع تقوم ساى تعمل فيها ظريف اها فى انتظارك عشان نشوف آخرك شنو بس ركز لينا فى التفاصيل الدقاقة أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما! http://alagibmisbah.blogspot.com/ رد مع اقتباس


	26-10-2009 12:10 PM #9 wad alballal الملف الشخصي مشاهدة المشاركات عضو ذهبي Array تاريخ التسجيل Jun 2009 الدولة مدني -المطار المشاركات 3,193 عزيزي عوض الكريم الخواض ... كلنا شوق لمعرفة الحاصل ... ارح ... والله شحتفتنا مع نسابتك ... ورينا الحصل شنو ؟؟ مودتي البــــــــ ود ــــــلال احتاج دوزنةً وتراً جديداً لايضيف إلي النشيد سوي النشاذ لغةً تفتش عن أراضٍ خصبةٍ شمساً تغير طعم فاكهة الشتاء رد مع اقتباس


	26-10-2009 09:35 PM #10 عوض صقير الملف الشخصي مشاهدة المشاركات فخر المنتديات Array تاريخ التسجيل Apr 2006 الدولة ود مدنى المدنيين شمال المشاركات 6,175 المشاركة الأصلية كتبت بواسطة عوض الكريم الخواض وسبحان الله ... البن اذا لم يتم قليه وطحنه لما أنتج هذا الشراب البديع . سبحان الله زى الشاى إذا لم تضعه فى ماء يقلى بدرجة عالية من القليان لما آتى لنا بهذا الشكل الرائع والمذاق الطيب ...يعنى كده فى إنتظار قهوة كاربة وشاى منعنع .... رد مع اقتباس


	26-10-2009 09:50 PM #11 أبوريلان الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Jul 2004 الدولة أحلى وأحن المدن المشاركات 4,251 يا عوض الكريم هيجت شجونا ياخي بكسلا لي بها ذكريات جميلة كجمال هذه الفاتنة وريحة البن وطيبة أهلها وجمال سردك الشيق في إنتظارك . همسة 1 : أنت العاقب ده عامل فيها شق المقابر يعني . همسة 2 : لقيتك بكاي شديد ياعوض الكريم الوصلك لحد كسلا . ناس بتمشى سنين طويلة وناس بدون ما تمشى توصل رد مع اقتباس


	26-10-2009 09:56 PM #12 هاشم الخواض الملف الشخصي مشاهدة المشاركات عضو جديد Array تاريخ التسجيل Oct 2009 المشاركات 12 إبن أخى العزيز عوض الكريم تحياتى وأشواقى الحارة لك وأهل البيت الكبير إن شاء الله معزوم عندك قهوة مدنكلة قريبا وكمان حتكون فى عز الشتاء يعنى فى وقتها ومعى عمك عثمان إن شاء الله مع تحياتى مجددا. رد مع اقتباس


	26-10-2009 10:04 PM #13 ابوالنور الملف الشخصي مشاهدة المشاركات مشرف منتدي النفاج Array تاريخ التسجيل Sep 2006 الدولة مدني المشاركات 6,658 المشاركة الأصلية كتبت بواسطة عوض الكريم الخواض ولى عودة لأكمال الخاطرة ... وحاة الله نفوتك مكسرين كنت قايلك ح تبدا من قبل الكبري كان خواطرنا داعبت خواطرك نجي سوي رايك شنو ؟ يا ربي انا وين sun shine رد مع اقتباس


	26-10-2009 11:00 PM #14 سيد البلد الملف الشخصي مشاهدة المشاركات عضو فضي Array تاريخ التسجيل May 2009 المشاركات 1,039 المشاركة الأصلية كتبت بواسطة العاقب مصباح اها فى انتظارك عشان نشوف آخرك شنو بس ركز لينا فى التفاصيل الدقاقة بالله عليك يا عوض الكريم ياخي الزول " العزابي " ده إتجاوزو وما تعيرو التفاتاً واعتبر انو ما جا البوست ده زاتو " العامل لينا فيها كولو يوم نسابتو مزرزرنو ده .. كمان قال : المشاركة الأصلية كتبت بواسطة العاقب مصباح خصوصاً لو قعدت فى الغداء وجنبك نسيبك والله تضوق الاكل مسيخ ولا بتشبع تقوم ساى تعمل فيها ظريف وواصل لينا في زرزرة النسابة دي ... عشان نقدر نحدد يا ناسبنا ناس كسلا , يا ناسبنا ناس كسلا أنا البدعوك تقيِّل في الدواخل يوت أنا البصبِح بعد أمسيت معاك نشوان وأنا السمُّوني بي ريدتك وكان في السِّكة شافوني إنادوا عليَّ بي إسمك عشان ياروحي بيك مليان رد مع اقتباس


	26-10-2009 11:27 PM #15 صهيب البصير الملف الشخصي مشاهدة المشاركات عضو فعال Array تاريخ التسجيل May 2009 الدولة المنيره المشاركات 264 المشاركة الأصلية كتبت بواسطة عوض الكريم الخواض أبدأ بذلك المنزل الرحيب الذى ضم مجموعة من الأفكار المتناقضة الى حد الاحتراب ... وهذا ليس من وحي الخيال ... بل هي حقيقة رأيتها بأم عينى ... المكان : كسلا ( بيت النسابة )... الزمان : 2002 ... وعلى شرف النسيب الجديد اللى هو ( أنا ) أجتمع أفراد العائلة فى المنزل الكبير ... وقد أختصونى بالمقعد الوثير وبجانبى ( أبو نسب ) المترجم الخاص ... وذلك لأن علاقتى برطانة الهدندوة كعلاقة ( أبو مزن ) مع علم النانوتكنلوجى ... بدأ نسيبى أو مترجمى بالتعريف هذا فلان وقرابته لنا كذا ... وهذا كذا ... الخ .... بعد ذلك بدأ الأقارب ( بالرطانة ) ... أو ما يعرف بلغة ( البداويت ) ...ثم أرتفعت الأصوات ... وأحمرت الأعين ... مع التلويح بالأيادى ... والتأشير بالأصابع ... يا ألهى ما هذا ... الله يمرقنى من الجماعة ديل ... الجماعة ديل لو أتذكروا فى اللحظة دى أنى نسيبهم ممكن ... وأنا بين هؤلاء القوم لا أعلم سبباً لهذا الهيجان ... وفجأة وبدون سابق أنذار ( سكنت الأنفس ) ... اذ دخل ( أبو نسب ) وهو يحمل ما لذ وطاب من الطعام ... وشمر القوم عن سواعد الجد أكلاً وتقطيعا ... وكنت أنا أسعد من فى الأرض بهذه ( الصينية ) التى لولاها لقامت الحرب ... وأثناء تناول الطعام بدأت بعض الهمهمات والتعليقات التى لم أفهمها ... ثم تلتها بعض أبتسامات ... ثم ضحكات حتى القهقهة ... بعد الفراغ من الطعام جيئ بالحلويات ... ثم ( الجبنات ) ... ويا لها من ( جبنات ) ... على الطريقة اليابانية ... وبدا القوم فى مواصلة ( الرطانة ) ... يتحدث أحدهم فيضحك الباقين فعلمت أنهم يحكون ( النكات ) . وما زال شمارى ( عالياً ) ... وبعد أن لاحت لى ( انفرادة ) مع ( أبونسب ) ... سألته عن عمل أخوانه وأبناء عمومته ... وبدأ يفندهم لى واحداً تلو الآخر ... هذا ( مؤتمر وطنى ) يعمل فى المجلس التشريعى ... وهذا فى جبهة الشرق جآء من منطقة العمليات ( مخصوص ) للتعرف اليك ... وهذا يعمل فى الأستخبارات ... وهذا يعمل فى وزارة الداخلية ... وهذا من جيش الفتح ... قلت له مداعباً ... لو تأخرت ( الصينية ) بضع دقائق لقامت الحرب ... ولكنت أنا أول الضحايا ... لأنه بالتأكيد سيكون عند بعض أبناء العمومة ( أجندة خفية ) . ولى عودة لأكمال الخاطرة ... اخى عوض الكريم شكرا على الخاطرة الجميله دى ذكرتنى كان عندنا عرس خالى العروسه من الدمازين شوف القسمه دى قويه كيف والله قسمه عابره قارات ( سكوت ) بس المهم السيره اتحركت من 8 صباحا وصلنا الدمازين 7 مساء بس كانت رغم بعد المسافه ممتعه جدا وبعد وصلنا سنجه بدا الجو الصحو الظريف على انغام العصافير وغابات الجنائن من المنقه والجوافه كانهم سايرين ممعنا خضره الى مد البصر المهم السواق كان جعلى قلبوا حار زى الجعلى عمر احمد وانت ادرى ولك ولكل الجعليين العفو والصفح كل البص مخالفات فى مخالفات واحد راكب شمال السواق وناس تطلع بره فى السطح وناس واقفه فى الباب الممر المهم كل مانجى فى تفتيش والدلوكه تشتغل جياشه وين جياشه والجيش قلبوا فتاشه وين المهم طوالى بتاع التفتيش اعرف انها سيره وابدا ااشر لينا بالمرور اخر تفتيش وداخلين على الدمازين تعالى شوف والجماعه دقوا الدلوكه فتاشه وين فتاشه والجيش قلبوا فتاشه اطلع ليك واحد من جماعتك ديل الكنت معاهم ديل ادروباوى وقف البص دا وين الرخصه جيب التامين قام الجعلى قالى دى سيره ماسامع فتاشه دى قالى لى مش كان فتاشه اكان جبتا مجلس الوزراء كلو مابحلك والله ياعوض الكريم الادروباوى دا طالع لى بى سيرمس قهوا كامل حتى خلانا نمر رد مع اقتباس


	26-10-2009 11:31 PM #16 صهيب البصير الملف الشخصي مشاهدة المشاركات عضو فعال Array تاريخ التسجيل May 2009 الدولة المنيره المشاركات 264 المشاركة الأصلية كتبت بواسطة هاشم الخواض إبن أخى العزيز عوض الكريم تحياتى وأشواقى الحارة لك وأهل البيت الكبير إن شاء الله معزوم عندك قهوة مدنكلة قريبا وكمان حتكون فى عز الشتاء يعنى فى وقتها ومعى عمك عثمان إن شاء الله مع تحياتى مجددا. هاشم الخواض تحياتى لك ياخى ماكان تكلمنا تقول انك بقيت عضوا جديد عشان نفرش ليك الورد طريقا مرحب بقدومك اخى خواض الى منتيات مدنى العامره باهلها البيت بيتك وانشاء الله الدار ترحب بيك رد مع اقتباس


	26-10-2009 11:42 PM #17 مدنيّة الملف الشخصي مشاهدة المشاركات فخر المنتديات Array تاريخ التسجيل Jul 2006 الدولة محل الرئيس بنوم والطيارة بتقوم المشاركات 18,647 ابو كريم كنت قاعد × قاعدة عسكرية يعني منتظرين الباقي ماتتاخر كل إنـــ(انا امراة لاتنحنى كى تلتقط ماسقط من عينيها)ــــاء بما فيه ينضح رد مع اقتباس


	27-10-2009 12:24 AM #18 okasha الملف الشخصي مشاهدة المشاركات عضو فضي Array تاريخ التسجيل Nov 2006 الدولة ودمدنى-حى دردق المشاركات 1,530 ماشاء الله البوست جاب ليهو ناس ... يلا يا المتورطين ادونا خبراتكم معليش قصدى المتزوجين رد مع اقتباس


	27-10-2009 12:37 AM #19 عوض الكريم الخواض الملف الشخصي مشاهدة المشاركات عضو فضي Array تاريخ التسجيل May 2009 المشاركات 1,274 المشاركة الأصلية كتبت بواسطة العاقب مصباح القصاص الخواض جينا نشرب معاك جبنة ونشوف الكبكبة مع النسابة اصعب من الكبكبة تب مافى خصوصاً لو قعدت فى الغداء وجنبك نسيبك والله تضوق الاكل مسيخ ولا بتشبع تقوم ساى تعمل فيها ظريف اها فى انتظارك عشان نشوف آخرك شنو بس ركز لينا فى التفاصيل الدقاقة العاقب أخووووووووووووووي ... بس ما تلقى ليك بوست فيهو عرس ونسابة الا تجى ناطى لينا ... يا زول كلامك الفوق دا حقو تغيرو ... يآآآآآخى أجمل حاجة ( التجدع ) فى بيت النسابة ... أنت ( تأشر بس ) ... فندق خمسة نجوم ... طبعاً ذي ما عارف ( النسب شرا فى العين ) . بعدين تعال هنا ... وذي ما قال سيد البلد ... شن خبرك بى أمور الكبار دى . رد مع اقتباس


	27-10-2009 12:41 AM #20 عوض الكريم الخواض الملف الشخصي مشاهدة المشاركات عضو فضي Array تاريخ التسجيل May 2009 المشاركات 1,274 المشاركة الأصلية كتبت بواسطة wad alballal عزيزي عوض الكريم الخواض ... كلنا شوق لمعرفة الحاصل ... ارح ... والله شحتفتنا مع نسابتك ... ورينا الحصل شنو ؟؟ مودتي حبيبنا ود البلال ...شمارك عالى ... وخليك فى الخط لامن نرد على الناس ( الحورو ) مجرى البوست ... لكن نقول شنو على الشمار ( الكاتل الناس ) . رد مع اقتباس


	27-10-2009 12:45 AM #21 عوض الكريم الخواض الملف الشخصي مشاهدة المشاركات عضو فضي Array تاريخ التسجيل May 2009 المشاركات 1,274 المشاركة الأصلية كتبت بواسطة عوض صقير سبحان الله زى الشاى إذا لم تضعه فى ماء يقلى بدرجة عالية من القليان لما آتى لنا بهذا الشكل الرائع والمذاق الطيب ...يعنى كده فى إنتظار قهوة كاربة وشاى منعنع .... تعرف يا عوض صقير ...انت كدا فهمتنى صاح ... يعنى أي حاجة عشان تطلع حلوة وجميلة ( لازم يكون فيها عصرة ) . أها تكون طالبنى عيزومة شاي منعنع ...ثم جبنة كااااااربة . رد مع اقتباس


	27-10-2009 12:55 AM #22 عوض الكريم الخواض الملف الشخصي مشاهدة المشاركات عضو فضي Array تاريخ التسجيل May 2009 المشاركات 1,274 المشاركة الأصلية كتبت بواسطة ياسر عبدالرحمن يا عوض الكريم هيجت شجونا ياخي بكسلا لي بها ذكريات جميلة كجمال هذه الفاتنة وريحة البن وطيبة أهلها وجمال سردك الشيق في إنتظارك . همسة 1 : أنت العاقب ده عامل فيها شق المقابر يعني . همسة 2 : لقيتك بكاي شديد ياعوض الكريم الوصلك لحد كسلا . حبيبنا ياسر ( الميريلان ) ... أها كلمة ( الفاتنة ) منسوبة الى المدينة أم الى شئ آخر ... والبكا باين ( عملة مشتركة بيننا ) ... وأولاد مدنى فى الجامعة كانوا مشهورين بالحاجة دى ( شهرة العاقب فى المنتدى ) ... ( يا أخوانا من دون عنصرية وكدا ) . رد مع اقتباس


	27-10-2009 12:59 AM #23 عوض الكريم الخواض الملف الشخصي مشاهدة المشاركات عضو فضي Array تاريخ التسجيل May 2009 المشاركات 1,274 المشاركة الأصلية كتبت بواسطة هاشم الخواض إبن أخى العزيز عوض الكريم تحياتى وأشواقى الحارة لك وأهل البيت الكبير إن شاء الله معزوم عندك قهوة مدنكلة قريبا وكمان حتكون فى عز الشتاء يعنى فى وقتها ومعى عمك عثمان إن شاء الله مع تحياتى مجددا. عمى العزيز ... هاشم عوض الكريم الخواض ...أول حاجة نرحب بيك فى المنتدى ... وبركة الشفناك طيب... ومنتظرنك أنت والعم د.عثمان ... والجبنة جااااااااااااهزة . رد مع اقتباس


	27-10-2009 01:02 AM #24 عوض الكريم الخواض الملف الشخصي مشاهدة المشاركات عضو فضي Array تاريخ التسجيل May 2009 المشاركات 1,274 المشاركة الأصلية كتبت بواسطة ابوالنور وحاة الله نفوتك مكسرين كنت قايلك ح تبدا من قبل الكبري كان خواطرنا داعبت خواطرك نجي سوي رايك شنو ؟ هاهاهاهاهاهاهااااااااااااي ...القبل الكبرى دا خليتو ليك ... ومنتظرك بى ( باص قون ) وكدا . رد مع اقتباس


	27-10-2009 01:08 AM #25 مدنيّة الملف الشخصي مشاهدة المشاركات فخر المنتديات Array تاريخ التسجيل Jul 2006 الدولة محل الرئيس بنوم والطيارة بتقوم المشاركات 18,647 عارف ياابو كريم كل ما تكتب "الجبنة" "القهوة" انا بقراها " "الجبنة البيضاء البياكلوها ياخ" همسة : عمك دا ياخ خلي البخل ونزل ليه بوست ترحيب هسي يقول عليك شنووووو ؟؟ كل إنـــ(انا امراة لاتنحنى كى تلتقط ماسقط من عينيها)ــــاء بما فيه ينضح رد مع اقتباس

الإنتقال السريع المنتدى العام الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 02:37 AM

Powered by vBulletin® Version 4.2.5
Copyright © 2025 vBulletin Solutions, Inc. All rights reserved.
Translate By Almuhajir

ودمدني