النتائج 551 إلى 575 من 635

الموضوع: ابو علا كوفي شوب

أدوات الموضوع
- مشاهدة صفحة طباعة الموضوع


	03-04-2007 11:11 PM #551 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 الأعزاء طلاب و طالبات الحنكشة نقدم لكم مقرر طلاب محو الحنكشة ( المستوي الأول ) علماً بان سوف تعقد ورشة عمل بمباني الكوفي لمناقشة المقرر ، عليه نرجو تسجيل ملاحظاتكم و إقتراحاتكم القيمة ملخص المقرر : 1/ الأمثال الشعبية معاني و دلالات نماذج من الأمثال الشعبية معاني الأمثال الهدف من المثل ( متى يضرب المثل ) الحكمة أو المثل العربي المرادف له 2/ الأحاجي السودانية دراسة و تحليل نموذج الأحاجي شرح الأحاجي الهدف أو العبرة من القصة 3/ الألعاب الشعبية و أثرها في بناء الفرد و المجتمع شرح اللعبة الهدف من اللعبة المهارات المكتسبة من اللعبة 5/ الأكلات السودانية طريقة التحضير و الفوائد الغذائية أسم الأكلة طريقة التحضير الفائدة الغذائية و العلاجية 6/ الأعمال الحرفية و أثرها في تنشيط الصناعات و زيادة الدخل أسم الحرفة طريقة عمل الحرفة الإستخدامات 8/ الشعر و الأغاني و الرقصات الشعبية نماذج من الدوبيت / المسادير / شعر الهمباتة / أغاني الحماسة / الطتبور / الجراري اسم الرقصة / طريقة الأداء / مناسبات الرقصة . 9/ العادات و التقاليد و اثرها في المحافظة على الهوية السودانية النفير / الشلوخ / البطان 10/ الأزياء و الزينة و العطور الشعبية 11/ الغلوتية , أثرها في تنشيط الذهن و نمو المهارات الإبداعية و تطوير الملكات العقلية 12 / الشخصيات الإجتماعية و أثرها في الترابط الأسري و المجتمعي الحبوبة الحكامة الهداي المراجع تاريخ دخول الحنكشة السودان - للمؤرخ بتاع الشمارات التراث و آثاره في بناء شخصية الفرد السوداني - حبوبة السرة أثر الحبوبات في تقويم سلوك الحنكوشات - التاية بت جبارة الحنكشة من منظور أهل العوض - عمك ود الماحي تعريب مصطلحات الحنشكة - حسن ود جبارة الله بالتعاون مع الحنكوشة نيللي مستقبل الصراع الفكري بين الحناكيش و أهل العوض - العوض ود نفسية بت اللمين الإغتراب و أثاره في تغير معالم الشخصية - اتحاد نساء المغتربين لزوم الكندشة واصول الحنكشة - اتحاد حناكيش جبرونة الحتكشة وجهجهة التساب – ديون شعر - ابراهيم ود جزيرة الفيل قاموس المصطلحات العوضة قاموس ثلاثي اللغة ( عوضي – عربي - حنكوشي ) و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	03-04-2007 11:16 PM #552 مدنيّة الملف الشخصي مشاهدة المشاركات فخر المنتديات Array تاريخ التسجيل Jul 2006 الدولة محل الرئيس بنوم والطيارة بتقوم المشاركات 18,647 لاحولة يا ابوعُلاء دي رؤوس المواضيع طب المواضيع كيف ياربي كل إنـــ(انا امراة لاتنحنى كى تلتقط ماسقط من عينيها)ــــاء بما فيه ينضح رد مع اقتباس


	03-04-2007 11:18 PM #553 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المشاركة الأصلية كتبت بواسطة مدنيّة هي يا ابوعُلاء يعني ما قلت لي انا جبت كم في الاجوبة الشفيتها ديك ؟؟ الرائعة مدنية خلي الطابق مستور و بكرة من الصباح ابري قلمك و تعالي بدري كان تلقي ليك بنبر قدااااااااااااااام جنب الأستاذ و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	03-04-2007 11:25 PM #554 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المشاركة الأصلية كتبت بواسطة ابراهيم تعرف يا ابو علا اولاً بالتبادي مشتاقين وتانياً بالتبادي انت بتجيب الكلام دة من وين انا والله ترباية حبوبات عشان ما تقول على حنكوش لكن يمين الامتحان لو جبتو لي حبوبة كان طشت شبكة .. لكن روعة حقيقة خاصة الكلام ماخد من هناك وهناك يعني في تغطية جغرافية ودة اجمل ما في الموضوع انا غايتو بطبع الكلام دة وبحفظو تاني مافي زول يقدر يقشر بينا تسلم يا غالي وما تنقطع يا عزيزي الرائع دوماً برهــــــــــــــــوتة تحيات و أشتياقات شايلنها بالشولات أنقر انت كان قلت لي انا حنكوش بصدقك !!!!!!!!!! قال تربية حبوبات قال باين لي انو حبوبتك دي كان اسمها سوزي انتو يا ناس جزيرة الفيل اسكتو ساااااكت بالمناسبة انا عندي اصحاب من جزيرة الفيل ان شاء تكون بتعرفهم ما يبقو عليك اتنين حنكشة و عدم معرفة ( هههههههههههههههههههه ) و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	04-04-2007 02:36 AM #555 مدنيّة الملف الشخصي مشاهدة المشاركات فخر المنتديات Array تاريخ التسجيل Jul 2006 الدولة محل الرئيس بنوم والطيارة بتقوم المشاركات 18,647 المشاركة الأصلية كتبت بواسطة abu_ola الرائعة مدنية خلي الطابق مستور و بكرة من الصباح ابري قلمك و تعالي بدري كان تلقي ليك بنبر قدااااااااااااااام جنب الأستاذ اي اي ابوعُلاء مافي اي مشكلة من الصباح بدررررررري بس ما يكون فيها طابور عشان انا ما بقدر اقيف كل إنـــ(انا امراة لاتنحنى كى تلتقط ماسقط من عينيها)ــــاء بما فيه ينضح رد مع اقتباس


	07-04-2007 09:31 PM #556 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 أعزائي الطلاب الأوفياء السادة / أولياء الأمور المحترمين سوف تبدأ الدراسة من اليوم لذا وجب التنويه بضرورة الحضور و أهمية مناقشة الدروس لتعم الفائدة كما لا يفوتني أن اذكر الطلاب بضرورة تسجيل الحضور عند الإطلاع على هذه المحاضرات الأمثال الشعبية معاني و دلالات المثل هو مقولة شعبية مختصرة تحمل في طياتها الحكمة و يتداولها الناس مع التركيز على المعني العام دون الإلتفات لصاحب المقولة و يضرب المثل في الحالات المشابهة لتوضيح الحكمة أو المعني المراد . . و الأمثال الشعبية السودانية تعتبر عصارة تجارب المجتمع في جميع مراحل تطوراته الحياتية الإقتصادية و الفكرية و الثقافية و تمثل الأمثال الشعبية علامة بارزة في تطور الثقافة الشعبية كما تعتبر الأمثال بمثابة الإشارات المرورية التي تنظم حياة الفرد و المجتمع لما للمثل من مكانة نفسية خاصة في نفوس عامة الناس . الحسنة معطت شن الاسد يقال أن هناك أمراءة أتت الى رجل حكيم ظناَ منها بأنه دجال أو مشعوذ و طلبت منه أن يعمل لها عملا تستطيع به أن تسيطر على زوجها فطلب منها أن تحضر لها شعرة من شارب ( شنب ) الأسد فذهب المرأة الى الغابة بحثاً عن الأسد و ظلت تقدم له الطعام يوماً بعد يوم و تتقرب إليه و تتودد إليه و بعد مرور أكثر من شهر إستطاعت المرأة ان تلمس الأسد و تقترب منه أكثر و في لحظة من لحظات أنسجام الأسد مع الطعام الذي تقدمه له أستطاعت المرأة أن تنال مرادها و تحصل على شعرة من شارب الاسد و أتحت بها فرحاً الى ذلك الرجل فلما رأي الرجل ذلك الشعر و شرحت له كيفية الحصول عليه بعد ترويضها للأسد و تقديم الطعام له و التقرب منه يوماً بعد يوم قال لها الرجل الحكيم أن زوجك ليس أكثر وحشيةً من الأسد فأتني وحدك القادرة على ترويضه و الحصول على مبتغاك منه ، ثم أطلق مقولته الشهيرة التي صارت مثلاُ ( الحسنة معطت شنب الأسد ) الحسنة : تشمل كافة الأعمال و الكلمات و الإشارات الحسنة معطت : أقتلعت شنب : شارب اللسد : الأسد المعني : العمل الطيب يلين أشد القلوب صلابة ( الحسنات يأكلن السيئات ) يضرب المثل في التأكيد على أن عمل الخير لا يضيع سدا أزرع جميلاً و لو في غير موضعه ** فلن يضيع جميلاً أينما زرع و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	07-04-2007 11:20 PM #557 samah الملف الشخصي مشاهدة المشاركات عضو مميز Array تاريخ التسجيل Jan 2007 الدولة العزازه المشاركات 573 ابو علا سلام والله انا زعلانه لاني مادخلت البوست من زمان كن بكل عافية المطر كلامك سمح وانا بريد متل الكلام ده شكرا ليك انا حنكوشه من الجزيره يعني بعرف ام تكشو والموليته وام بقبق وجايه اتعلم اها اقعد وين جنب مدنيه ودمت لينا وعندي كم سؤال كده اقعد عافيه فتَحتَ جوابك الأوّل لقيتَك لسَّه يا وطني بتكتب بالعَمار والدم رد مع اقتباس


	07-04-2007 11:28 PM #558 شبرقية الملف الشخصي مشاهدة المشاركات عضو برونزي Array تاريخ التسجيل Feb 2007 الدولة ارض المحنة المشاركات 808 يديك الف عافية ابو علا والله بوست قمة في الروعه وقلمي هدا جنبي ودفتر كبير يلا ابدا الحصة والى الامام معا لمحو الحنكشة بكي ..........مابكي بكاه... حس الطائرات بكاه...يرجي المعجزات بكاه.... قدرتو تنتهي رد مع اقتباس


	07-04-2007 11:59 PM #559 مدنيّة الملف الشخصي مشاهدة المشاركات فخر المنتديات Array تاريخ التسجيل Jul 2006 الدولة محل الرئيس بنوم والطيارة بتقوم المشاركات 18,647 اي اي يا سموحة عشان اشف منك ويلا يااستاذ عشان نمحو امية ناس شبرقية ديل كل إنـــ(انا امراة لاتنحنى كى تلتقط ماسقط من عينيها)ــــاء بما فيه ينضح رد مع اقتباس


	08-04-2007 05:23 AM #560 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المشاركة الأصلية كتبت بواسطة samah ابو علا سلام والله انا زعلانه لاني مادخلت البوست من زمان كن بكل عافية المطر كلامك سمح وانا بريد متل الكلام ده شكرا ليك انا حنكوشه من الجزيره يعني بعرف ام تكشو والموليته وام بقبق وجايه اتعلم اها اقعد وين جنب مدنيه ودمت لينا وعندي كم سؤال كده اقعد عافيه سموحة الصبوحة العاجبانا و عاجبة روحها وينك يا بت امي من زمااااان الزعل و حردان ابو الدقيق ما بنفع الكوفي فاتح 24 ساعة و المدرسة منورة بي وجودك يا الغالية عاد نسوي شنو ناس مدنية و نور العيون و شوق العيون و همس الجنون و المميز و أخوهم حسون و عصير ليمون و كلو عند العرب صابون ديل بقلع ليك حنكشتهم دي قلعة فجلة من الواطة اها يدك معانا شوية ادي المدرسة لزة و ما تنسي تجيبي معاك المعراكة عشان نسمح بيها السبورة عمك ود الماحي كان صادفتي فرت يوم كان تهملي مشهادتك و تصاقريه يوماتي على الله جيبي ليك بنبر وهيييييييييييييييط و ختي قدام و ابقي نجيييييضة مدنية ما تشيل منك كراسك تعمل بيهو مرقنبو قربنو غايتو في الزمن دا الواحد بنات افكارو كان ما حافظ عليها بشيلوها اعرسوها لأولاد افكار واحد تاني و بتجيب ليك المحنكشين و انصاف المدلعين و الممسحين بالنيفا و الفازلين و عاد لي وين من اليوم دا داير اشوفك يوماتي في المدرسة و مسجلة حضور و كان ما لقيتي دفتر اشختي في الواطة و قولي يا واحد الله و يا محمد رسول الله ام تكشو دي دفي ليها الموية شوية و الموليتة فقشي ليها البصل الكبار كبار و غني معاي أنا أم بقبق قرعة الشيخ أنا ام بقبق قرعة الشيخ و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	08-04-2007 05:38 AM #561 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المشاركة الأصلية كتبت بواسطة شبرقية يديك الف عافية ابو علا والله بوست قمة في الروعه وقلمي هدا جنبي ودفتر كبير يلا ابدا الحصة والى الامام معا لمحو الحنكشة شبرقية الحنكوشة النعنوشة الراسية ما مدووشة كان ما المدرسة مجان كان تقرأ بي قروشة كان ما خليت حنكـــك سنيــــــــــييين زي القوقاية أكون أنا ما ابو علا بس ساعديني بالحضور و الأنتباه و سندوتشات الفطور و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	08-04-2007 05:47 AM #562 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المشاركة الأصلية كتبت بواسطة مدنيّة اي اي يا سموحة عشان اشف منك ويلا يااستاذ عشان نمحو امية ناس شبرقية ديل تبصي من منو يا مدنية اختي ديل كلهم بسلامتهم حناكيش جداد لنــــج بعدين نظام مرقنــــــــبو قربنـــبو دا أنا ما بنفع معاي شبرقية شنو يا اختي صحي و الله قالوا أبو سنيــنة بضحك على أبو سنيـــينتين النصيحة لي الله يا مدنية اختي انتي داير ليك معسكر مقفول و دروس عصر و مدرس خصوصي و كان عندك محــرم بعرف جنس النضمــي دا جيبيــه معااااك و بعد دا كان تنجحي انتي في و أنا في و زي ما قالوا الموية تكضب الغطاس و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	08-04-2007 06:29 AM #563 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 حبايبنا الحلوين مساكم الله بألف خير سوف نتحدث اليوم عن واحدة من العادات السودانية الخالدة التي تفرد بها هذا المجتمع السوداني العظيم فهذه دعوة عامة للتعرف على النفير النفير عادة تكافلية إجتماعية تكرس روح الوحدة و العمل الجماعي تعتمد على تكاتف الأهالي و تعتبر مقياس لروح الأخاء و الترابط بيت أفراد المجتمع إذ يهدف النفير لمساعدة الضعيف و نجدة الملهوف و قد تكون التسميه تشبيهاً بنفرة الحجاج من صعيد عرفات الطاهر في اليوم التاسع من شهر ذو الحجة أو قد تكون كلمة نفير مأخوذة من الفعل (نفر ) بمعني هب و قام لمساعدة شخص ما و النفير عادة سودانية أجتماعية قديمة ذات جذور تكافلية دينية اسلامية تبين بجلاء التساوي بين أفراد المجتمع و حب الخير للجميع و هي ذات دلالة على ترابط النسيج الأجتماعي لأفراد المتجمع الواحد و فيها تتجلي اسمي أيات الإيثار و حب الخير للجميع كما تبرز أهم سمات الشخصية السودانية مثل الكرم و الترابط و الرجولة و الشهامة و الصدق و الوفاء بالعهد و المحافظة على محارم الجار و نجدة الصديق و مد يد العون للمحتاجين و يعتبر النفير اساس الجمعيات المدنية و الأنسانية الحديثة . و في النفير يتخلص الفرد من الأنانية و الطمع و إيثار الذات و تتجلي فيه روح الوحدة و التضامن حتى تحسبن أفراد المجتمع كالبنيان المرصوص يشد بعضه بعضا . يعتمد المجتمع على النفير في الكثير من مناحي حياته اليومية و هو علامة بارزة في المناسبات و الإجتماعات و تستند عليه كافة المناسبات ( الزراعة ، الحصاد ، الأفراح ، الأعراس المآتم بناء المنازل و مقارعة نوائب الدهر و الأزمات يشارك كافة افراد المجتمع في النفير ففي الزاعة مثلا يقوم الرجال و الشباب بأعمال الزراعة في الحقول و تجتمع النسوة لطبخ و صنع الأكل كما تقوم الفتيات بجلب الحطب لإستخدامة كوقود في الطبيخ و يقوم الصبيان بجلب الماء من البئر أو الترعة او البحر و في المساء يجتمع القوم صغيرهم و كبيرهم أميرهم و غفيرهم في دار الشخص الذي عقد من أجله النفير يتناول أصناف الطعام التي صنعتها النسوة في حبور و بشاشة راضين عن أنفسهم تمام الرضاء عن ما بذلوه في خدمة احد افراد مجتمعهم يتجاذبون أطراف الحديث في سعادة و حبور يتناقشون في ما يهمهم من احداث و قضايا و قد يعقدون العزم للقيام بنفير من نوع اخر لمصحة شخص آخر يحتاج الى مساعدتهم و يحتاجون لكي يعبرون له عن مدي اهتمامهم بمشاكله و يمكن ان نلاحظ النفير في عدة مناسبات مثل الزراعة و الحصاد ، بناء المنازل ، درء أثار الأمطار و الخريف و الفيضانات ، مواجهة الألزمات المالية التي يعاني منها احد افراد المجتمع و صنع الطعام في المآتم ، الفزعة للبحث عن المفقود أو مطاردة اللصوص في حالة تعرض احد افراد المجتمع لعميلة السطو أو السرقة من قبل اللصوص و غيرها من الملمات التي تلم بالمجتمع و أفراده كما يمكننا أن نلاحظ صور مصغرة للنفير مثل تجمع النسوة في أحد البيوت قبل حلول شهر رمضان المبارك لعواسة الآبري و كذلك عملية دق الريحة قبل مناسبات الزواج كما تقوم بعض الفتيات الصغار بنفير مصغر لترتيب و تنظيف بيوت بعض الاسر التي ليس لديهم بنات في الأعياد و غيرها من المناسبات الخاصة و مما سبق ذكره نلخص ان النفير عادة تكافلية اجتماعية يقوم بها كافة أفراد المجتمع في كافة المناسبات التي يمر بها بالمجتمع و لكل فرد من افراد المجتمع دور في عملية النفير كما ان هناك شخص أو أشخاص يقومون بالإشراف على النفير و توزيع المهام بين أفراد المجتمع و تنظيم عمليات النفير المستقبلية ، و هو المقياس الحقيقي لوحدة و ترابط افراد المجتمع و عملاً بنشر تقافة النفير في المنتدي و تأكيداً بأن هذا المجهود لا يضيع سداً ارجو منكم المشاركة في محو الحنكشة و الحاضر يكلم الغايب راجيكم كلم الصباح في ضهر الترعة اقصد ( مدخل الكوفي شوب ) و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	08-04-2007 07:43 AM #564 مختار بازى الملف الشخصي مشاهدة المشاركات عضو ذهبي Array تاريخ التسجيل Dec 2006 الدولة حنتوب المربعات حى الرياض مربع 2 المشاركات 5,587 كلام روعـــــــــــــــــــه ما داير ليك زول يشتغل معاك انا جاهز والمرتب علي كيفك كن كالنخلة عن الاحقاد مرتفعا ترمى بحجر فتعطى اطيب ثمرى رد مع اقتباس


	08-04-2007 08:49 PM #565 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 الواجبات المنزلية تطبيقاً لأحدث الوسائل العلمية الحديثة يتم أحتساب درجات الواجب المنزلي من ضمن درجات الإختبارات الفصلية و السنوية الواجب المنزلي رقم ( 1 ) مستخدماً جدول اللوغرثيمات و البودي لوشن دون الإستعانة بصديق الرجاء حل الغلوتية التالية *الكلوقية و المرفعيب* لو عندك كلوقية و مرفعيب و خروف و داير تقطعهم البحر و بعدين المركب ما بتشيل إلا حاجة واحدة تعمل شنو ؟؟ معاني الكلمات : الكلوقة : حزمة القصب المرفعيب : حيوان من أكلة اللحوم الخروف : حيوان من الثديات يذبح و يقشر في العيد تنبيه : على جميع الطلاب حل الواجب المنزلي قبل المحاضرة التالية و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	08-04-2007 09:47 PM #566 معتز حمدتو الملف الشخصي مشاهدة المشاركات عضو مميز Array تاريخ التسجيل Feb 2006 الدولة ودمدني - حي المدنيين المشاركات 412 الرائع روعه غروب شمس بلدي .... الممتلئ معاني بقدر كلمات اهلي .... الغائب عنا ذي غيبت كتاررررررررررررر عن وطني..... وينك ياحاج وحمدا علي العوده ،،، لكن اول مره اشوف دراسه من اول يوم بعد الاجازه ماتبقي ذي ناس الخليج ، خليك ذي ناس السودان الاسبوع القادم الدراسه ولايام الاولي دردشه وكده . لك الود ابو علا والله منووووووووووووووور كميات . رد مع اقتباس


	08-04-2007 09:53 PM #567 samah الملف الشخصي مشاهدة المشاركات عضو مميز Array تاريخ التسجيل Jan 2007 الدولة العزازه المشاركات 573 ابوعلا صباحاتك نور دخلنا في الجد اهاياود امي الغلوتيه انا حافظها حفظ لكن مابحلها الا تجي مدنيه تشوفها وتحلها فتَحتَ جوابك الأوّل لقيتَك لسَّه يا وطني بتكتب بالعَمار والدم رد مع اقتباس


	08-04-2007 10:08 PM #568 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المشاركة الأصلية كتبت بواسطة مختار بازى كلام روعـــــــــــــــــــه ما داير ليك زول يشتغل معاك انا جاهز والمرتب علي كيفك أخونا مختار بازي ألف تحية و سلام و انت تشرف مدرستنا المتواضعة نرحب بك عضواً فعالاً في هيئة التدريس المرتب ما تشيل ليهو هم يا ود عشاي دولار ... ريال ... شيك سياحي و كان السيولة ما أتوفرت عندهم الحناكيش ديل بغرقوك بالهدايا بس انت شد حيلك سااااهي و قول يا مهون القواسي و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	08-04-2007 10:23 PM #569 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المشاركة الأصلية كتبت بواسطة معتز- حمدتو الرائع روعه غروب شمس بلدي .... الممتلئ معاني بقدر كلمات اهلي .... الغائب عنا ذي غيبت كتاررررررررررررر عن وطني..... وينك ياحاج وحمدا علي العوده ،،، لكن اول مره اشوف دراسه من اول يوم بعد الاجازه ماتبقي ذي ناس الخليج ، خليك ذي ناس السودان الاسبوع القادم الدراسه ولايام الاولي دردشه وكده . لك الود ابو علا والله منووووووووووووووور كميات . حمدتو .... يا أيها الممتلئ روعة و بهاء ليك وحشة .... والشوق أردام أردام زي القطن في مارنجان حمدتو يا اخوي الساعة البايلوجية حقت الحناكيش ديل مظبووووطة على الخليج و الدول المجاورة عشان كده نحن إخترنا انو الدراسة تكون على راحتهم مش هم البيقروا و بدفعوا القروش !!! كدي خليهم يأخدوا راحتهم شوية و لا شنو ؟؟؟؟ بعدين يا اخوي توقيت السودان ياتو فيهم القديم و لا الجديد ؟؟؟ على العموم المستوي الأول دا شكلوا كلوا نظري بعدين المستوي التاني بكون فيهو العملي و التطبيقي و بيني و بينك كده الكوفي دا زاتو بنبــني فيهو رواكيب و كرانق لي الدراسة انت بس شيل الصبر و يدك معانا لز المدرسة شوية أن شاء الله بي قنقليس و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	09-04-2007 09:29 PM #570 Madanawi الملف الشخصي مشاهدة المشاركات فخر المنتديات Array تاريخ التسجيل Sep 2006 الدولة مدني المشاركات 3,544 يا ابو علا طبعا لو شلت القصب المرفعيب بياكل الخروف، ولو شلت المرفعيب الخروف بياكل القصب عشان كده اول حاجة تشيل الخروف وتقطعو البحر عشان المرفعيب ما بياكل القصب. بعدين تجي تشيل المرفعيب تقطعو البحر وترجع معاك الخروف. تاني تقوم تشيل القصب تقطعو وتخلي الخروف براهو. ترجع فاضي للخروف وتخلي بي هناك المرفعيب والقصب. تشيل الخروف تقطع بيهو وتكون انجزت المهمة بأمان. رأيك شنو في أخوك ؟؟ أها .. بتشغلني معاك وكيل للمدرسة .. ولا كيف ؟؟ إيه الدنــيا غيــــــر * لمة نــــــــاس في خيــــــر * أو ســـاعة حـــزن رد مع اقتباس


	09-04-2007 11:05 PM #571 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المشاركة الأصلية كتبت بواسطة samah ابوعلا صباحاتك نور دخلنا في الجد اهاياود امي الغلوتيه انا حافظها حفظ لكن مابحلها الا تجي مدنيه تشوفها وتحلها سمـــــوحة الصبوحة سلاماااااات أنتي و قت عارفة الغلوتية دي تراكي ما عندك عوجة بس خوفي تكون دي فرمالتك الوحيدة بعد شوية بندخل في الغريق أها دي عمـــتي كان ما مرقتي بــــرة الشبكة و بطاريتك طفت على العموم ما في عوجة تـــب قاموس أهل العوض بساعدك وأي كلمة دايرة تعرفي معناها أكتبيها و بجيك الرد في خمارة العجين التعديل الأخير تم بواسطة abu_ola ; 09-04-2007 الساعة 11:09 PM و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	09-04-2007 11:12 PM #572 شبرقية الملف الشخصي مشاهدة المشاركات عضو برونزي Array تاريخ التسجيل Feb 2007 الدولة ارض المحنة المشاركات 808 شبرقية شنو يا اختي صحي و الله قالوا أبو سنيــنة بضحك على أبو سنيـــينتين قصدك شنو يابو علا بكي ..........مابكي بكاه... حس الطائرات بكاه...يرجي المعجزات بكاه.... قدرتو تنتهي رد مع اقتباس


	09-04-2007 11:35 PM #573 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المشاركة الأصلية كتبت بواسطة Madanawi يا ابو علا طبعا لو شلت القصب المرفعيب بياكل الخروف، ولو شلت المرفعيب الخروف بياكل القصب عشان كده اول حاجة تشيل الخروف وتقطعو البحر عشان المرفعيب ما بياكل القصب. بعدين تجي تشيل المرفعيب تقطعو البحر وترجع معاك الخروف. تاني تقوم تشيل القصب تقطعو وتخلي الخروف براهو. ترجع فاضي للخروف وتخلي بي هناك المرفعيب والقصب. تشيل الخروف تقطع بيهو وتكون انجزت المهمة بأمان. رأيك شنو في أخوك ؟؟ أها .. بتشغلني معاك وكيل للمدرسة .. ولا كيف ؟؟ حبيبنا مدنــــاوي سلامات و إشتياقات أدرب و الباقي كيـــلات أأأأأي بركــة الجيب بركــة الجيت وينك من زمان ما بتزورنا تعجبــني يا مدناوي و كدي مــية مـــية أتقطعت فيها و قطعتهم بالسلامة أها يدك معانا نطور المدرسة شوية و من اليوم دا ياكــا العمــدة حق المدرسة دي أنا بس بدرس الحناكيش و باخد راتبـــي آخر الشهر و لا رأيك شنـــو آآآخزين و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	10-04-2007 12:02 AM #574 مدنيّة الملف الشخصي مشاهدة المشاركات فخر المنتديات Array تاريخ التسجيل Jul 2006 الدولة محل الرئيس بنوم والطيارة بتقوم المشاركات 18,647 المشاركة الأصلية كتبت بواسطة samah ابوعلا صباحاتك نور دخلنا في الجد اهاياود امي الغلوتيه انا حافظها حفظ لكن مابحلها الا تجي مدنيه تشوفها وتحلها يعني ياسموحة انا قلت عايزة اقعد معك لشنوووووووووووووو ؟؟ يلا باصي لي الاجابة في الخاص عشان نجي نكتبها سوا كل إنـــ(انا امراة لاتنحنى كى تلتقط ماسقط من عينيها)ــــاء بما فيه ينضح رد مع اقتباس


	10-04-2007 12:05 AM #575 مدنيّة الملف الشخصي مشاهدة المشاركات فخر المنتديات Array تاريخ التسجيل Jul 2006 الدولة محل الرئيس بنوم والطيارة بتقوم المشاركات 18,647 المشاركة الأصلية كتبت بواسطة abu_ola حبيبنا مدنــــاوي سلامات و إشتياقات أدرب و الباقي كيـــلات أأأأأي بركــة الجيب بركــة الجيت وينك من زمان ما بتزورنا تعجبــني يا مدناوي و كدي مــية مـــية أتقطعت فيها و قطعتهم بالسلامة أها يدك معانا نطور المدرسة شوية و من اليوم دا ياكــا العمــدة حق المدرسة دي أنا بس بدرس الحناكيش و باخد راتبـــي آخر الشهر و لا رأيك شنـــو آآآخزين اها عجبك كدا ياسموحة ؟؟؟ جاء التوم حلاها وقالوا ليه شاطر وعينوه عمدة المدرسة اها اسمعيني النحدثك من هنا وجاي اي حاجة تعرفيها حليها طوالي واكتبي في نهاية الاجابة سموحة ومدنية كل إنـــ(انا امراة لاتنحنى كى تلتقط ماسقط من عينيها)ــــاء بما فيه ينضح رد مع اقتباس

الإنتقال السريع المنتدى العام الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 10:46 PM

Powered by vBulletin® Version 4.2.5
Copyright © 2026 vBulletin Solutions, Inc. All rights reserved.
Translate By Almuhajir

ودمدني