نبض ودمدنى ( حكايات يوميه من الواقع المعاش)

[السلامى]

خروف العيد.............. قصتنا

[السلامى]

عدت من رحلة أمتدت ذهاء الاسبوعين ولقيت هنا الحال فى حاله الحاصل شنو

[السلامى]

مررت اليوم حوالى الساعة الحادية عشر صباحا بالسوق الكبير وقد وجدت ناس البلدية يدوبك يقومون بنظافة السوق يعنى ذحمة ولخمة واختلاط الحابل بالنابل ( يعنى ما نشترى خضار بالنهار ولا شنو ياصحة البيئة )

[السلامى]

عدنا من جديد فهل هنالك جديد

[عصام الدين عموش]

يا جماعة الخير مدني رائعة بناسها
أذكر في البداية الثمانينات في بركات كانوا الموظفين هم حدث الساحة وهم الذين يظبطوا عليهم الساعة في الحضور والإنصراف وكان عمنا ( وشي ) موظف في قسم الكتبة وكان له كباية أنيقة لشرب الموية الباردة لكن المشكلة في إنها مفقودة على طول منو ، والسبب موظفات المكاتب الأخرى ما بشربن إلا بالكباية بتاعت (وشي) قام يوم زعل وكسر الكباية ومشى اشترى من بتاع العدة في شارع إتجاه واحد ( قصرية ) جديدة صغيرة الحجم وختاها في نص التربيزة بتاعتو وبقى يشرب بيها براهو وحتى الأن ما أظن في موظفة شربت معاهو في القصرية دي ولم يفقدها إلا أن تقاعد من الخدمة

[samah]

شارع يستاهل تحك ليه رأسك
بالطبع مدنى فريده فى كل شى حتى الشوارع فى بعض أجزاء المدينة لها خصوصيتها مثل شارع العناقريب وشارع المستشفى وشارع الدباغة ولكن هناك شارع لابد من تعمل الف حساب قبل أن تسير فيه لغرابته وهو الشارع الذى يلى شارع أتجاه واحد يعنى شرقه والذى يمر بمرحلة تغيير مروريه كثيره فمثلا احيانا يكون الاتجاه واحد الى الشمال فقط وأحيانا يكون ذو اتجاهين وأحيانا يكون فى الفترة الصباحية ذو أتجاه واحد ومرة أخرى أحيانا فى وقت الزروة يكون ذو اتجاهين مما يعنى تاكد من جيبك قبل أن تسير فيه لاحتمال أنك تسير فى الاتجاه الخاطى .... الم أقل لكم بأن مدنى تحمل بين جنباتها كل ما هو فريد

ياسلام يالسلامي والله فعلا حكيت راسي
وخليك قريب
لك ياعموش دي قويه

[السلامى]

عصام عموش لك الف تحية وتحية اتمنى ان تواصل معى فى النبض لنعكس معا صورة طبيعية لما يدور فى مدنى الحبيبة

[السلامى]

زمان كان الفتيات يلذمن بيتهن بمجرد ما آذآن المغرب يقول الله أكبر لكن الايام دى بقيت الحكاية مقلوبة فكل يوم نسمع صوت جديد يقلق أمسياتنا بالاغانى الهابطة والدخيلة بالنسبة لمسامعنا والادهى والامر بان هذه الظاهرة تفشت فى مدنى حتى أصبح سماع صوت فنان أمر نادر الحكاية شنو ياربى الرجالة أنتهت فاصبحن نهز ونبشر لهن مما نزيد فى الطين بله أمك العولمه والله يجازى العولمة لو كانت هى السبب

[هيثم عبدالعال]

(السلامي زمان كان الفتيات يلذمن بيتهن بمجرد ما آذآن المغرب يقول الله أكبر لكن الايام دى بقيت الحكاية مقلوبة فكل يوم نسمع صوت جديد يقلق أمسياتنا بالاغانى الهابطة والدخيلة بالنسبة لمسامعنا والادهى والامر بان هذه الظاهرة تفشت فى مدنى حتى أصبح سماع صوت فنان أمر نادر الحكاية شنو ياربى الرجالة أنتهت فاصبحن نهز ونبشر لهن مما نزيد فى الطين بله أمك العولمه والله يجازى العولمة لو كانت هى السبب).
وكان شفت العزه يا السلامي يا اخوي تقول شنو ، وهاك الحكاية دي
صديق عزيز علي كان مسافر السودان للزواج وقلت أجاملو بي شئ مختلف ومن خلال كلامي معاهو عرفت إنو حيعمل حنه صغيرة زي ما بسموها وعاوز يجيب واحده من فنانات المهم قلت أتكفل بالأمر فأتصلت بواحد من الأصدقاء عشان الحجز وكده أصلو الحكاية فيها موسم وزحمة ، غايتو كلم (الأستاذه ) فوافقت لكن رفضت تحدد السعر لأنو أيام العيد الأسعار بتكون مختلفه وكان شفت جنس عزه ما بترد على التلفون وكان ردت الكلام بالتيله ، والمصيبة الكبرى تقوم سيدة الغناء العربي ( أقصد السوداني) تعتذر قبل المناسبة بيومين وتقفل تلفونها وما ترد على صاحبنا ، غايتو بعد جرسه وبوس يدين ورجلين لقينا واحدة ثانية بس طلبت 600ألف جنيه وجات غنت تسعه أغاني وإتقرضمت على ناس المناسبة شوية ومشت . رأيك شنو أنا الغلطان مش كده ؟

[خالد أحمد الصول]

أخي المستشار هيثم
سعدت إيما سعاده بمداخلتك هذي .. و حمدت الله من داخل قلبي أن تكون الزعله القديمة فكت ... إن كنت قد أغلظت عليك فلك العتبي حتي ترضي و لكن عشمي أنك أبني و أعرفكم تحترمون الكبير و توقرون الصغير ... أعرفكم أدبا و خلقا و إحتراما فلك العتبي
تحضرني في هذه المناسبة تلك الفنانه التي تشبه الضب إيما شبه فقد حضرت لتغني في حفل حنة لنا .. ولان الموضوع تجارة و بضاعة فقد أحضرت معها عازف أورج ليس فيه شي جميل عدي التي شيرت اللابسو و كان ينشذ كثيرا جدا .. فكانت الربكة و كان أن أوقف الحفل أكثر من 3 ساعات لتتصل بعازف آخر يأتي زائغا من حفله أخري لينقذ الموقف ... هذه المهازل تحصل دائما ... كما أنني سمعت أن أحداهن قد أعتزرت في آخر لحظة لانها كانت ممسوكة في قسم الانضباط بشرطة سنار .... عجبي

[السلامى]

(السلامي زمان كان الفتيات يلذمن بيتهن بمجرد ما آذآن المغرب يقول الله أكبر لكن الايام دى بقيت الحكاية مقلوبة فكل يوم نسمع صوت جديد يقلق أمسياتنا بالاغانى الهابطة والدخيلة بالنسبة لمسامعنا والادهى والامر بان هذه الظاهرة تفشت فى مدنى حتى أصبح سماع صوت فنان أمر نادر الحكاية شنو ياربى الرجالة أنتهت فاصبحن نهز ونبشر لهن مما نزيد فى الطين بله أمك العولمه والله يجازى العولمة لو كانت هى السبب).
وكان شفت العزه يا السلامي يا اخوي تقول شنو ، وهاك الحكاية دي
صديق عزيز علي كان مسافر السودان للزواج وقلت أجاملو بي شئ مختلف ومن خلال كلامي معاهو عرفت إنو حيعمل حنه صغيرة زي ما بسموها وعاوز يجيب واحده من فنانات المهم قلت أتكفل بالأمر فأتصلت بواحد من الأصدقاء عشان الحجز وكده أصلو الحكاية فيها موسم وزحمة ، غايتو كلم (الأستاذه ) فوافقت لكن رفضت تحدد السعر لأنو أيام العيد الأسعار بتكون مختلفه وكان شفت جنس عزه ما بترد على التلفون وكان ردت الكلام بالتيله ، والمصيبة الكبرى تقوم سيدة الغناء العربي ( أقصد السوداني) تعتذر قبل المناسبة بيومين وتقفل تلفونها وما ترد على صاحبنا ، غايتو بعد جرسه وبوس يدين ورجلين لقينا واحدة ثانية بس طلبت 600ألف جنيه وجات غنت تسعه أغاني وإتقرضمت على ناس المناسبة شوية ومشت . رأيك شنو أنا الغلطان مش كده ؟

كتر خيرك أخوى على المداخلة وعكس صورة أخرى عن معاناتنا مع الفنانات لكن أنت عارف انا الفاقع مرارتى اغانيهم التى تدعوا الى التحريض والفتن وتانى هم صوتهن الطاقع هاهاهاه

[السلامى]

أخي المستشار هيثم
سعدت إيما سعاده بمداخلتك هذي .. و حمدت الله من داخل قلبي أن تكون الزعله القديمة فكت ... إن كنت قد أغلظت عليك فلك العتبي حتي ترضي و لكن عشمي أنك أبني و أعرفكم تحترمون الكبير و توقرون الصغير ... أعرفكم أدبا و خلقا و إحتراما فلك العتبي
تحضرني في هذه المناسبة تلك الفنانه التي تشبه الضب إيما شبه فقد حضرت لتغني في حفل حنة لنا .. ولان الموضوع تجارة و بضاعة فقد أحضرت معها عازف أورج ليس فيه شي جميل عدي التي شيرت اللابسو و كان ينشذ كثيرا جدا .. فكانت الربكة و كان أن أوقف الحفل أكثر من 3 ساعات لتتصل بعازف آخر يأتي زائغا من حفله أخري لينقذ الموقف ... هذه المهازل تحصل دائما ... كما أنني سمعت أن أحداهن قد أعتزرت في آخر لحظة لانها كانت ممسوكة في قسم الانضباط بشرطة سنار .... عجبي

كان تردموها بقزاز البارد هاهاههاهه

[السلامى]

السخانة جات .........موسم القرفه والشكلة البلا سبب والايام دى السخانة الشديده من قرفتها تعلم سف التمباك

[هيثم عبدالعال]

القصه دي حصلت معاي في عز نهار رمضان ( الكريم) شهر التوبه والغفران : وأنا راجع على البيت قلت أشتري شوية فواكه أصل رمضان مسخن أحسن نظبط العصاير ، وكان أن ذهبت لبائع الفواكه وبدون أي نقاش قلت ليهو أديني دسته جوافه وما ناقشتو في السعر ، وأخينا قلت ليهو رجاء ما تعزل لي الصغار أو البايظه وبإعتبار أن الدنيا رمضان والنزعه الدينيه حاضره ما ممكن الراجل يغشني قعدت أتلفت وسلمت على كم شخص ، صاحبنا سلمني الكيس وأديتو القروش وأنا ماشي قلت أحسن أشوف الراجل عزل لي شنو وكانت المفاجأه إنو ولا جوافايه واحده نافعه ، رجعت عليهو وأنا زعلان جداً " يا أخوي ده شنو ليه كده ما الدنيا رمضان .... ومن غشنا ليس منا .... والحرام والحلال " قال لي يا أبو الشباب البيع بالتراضي ونحنا شغلنا كده . والغريبه تدخل واحد من الحضور وقال لي باركها وخلي يغير ليك نصف الكمية الراجل عاوز يسترزق !!! يعني حلال حرام مافارقه . ده والله جزء من الواقع المعاش فثقافة السرقه والغش في مجتمع المدينه أصبحت شفتنه ومشي حالك وبيع بالتراضي .
(( أوعك تدقس )) شهر حرام شهر حلال كلو محصل بعضو

[مرتضى ساتى]

بمناسبة البيع والشراء اوصى الكل بعدم الشراء من واحد بتعرفوا يعنى اشترى من الغريب علشان تجادل فى السعر وكتر قلل تمشى لغيروا وخلوا بالكم تشتري فواكه القانون واضح ما تعزل البائع هو المسئول تشيل كيسك وتمشى
وتعيش كتير تشوف كتير

[السلامى]

مشكور يا أخى بقدر معانى الكلمة

[السلامى]

السوق الكبير .............. تعال ليه قبل التاسعة صباحا وتجول فيه وادينى تعليقك

[السلامى]

فى انتظاركم ياشباب

[السلامى]

تناولت الصحف خبر يارب يكون صحيح وهو بخصوص اصحاح البئية بالمدينة فقد صرحوا المسئولين بالمحلية بانهم تعاقدوا مع احد الشركات التركية بغرض جلب اليات لنظافة المدينة وبالاخص الاماكن الحيوية منها مثل المستشفيات والاسواق ..... والالف ميل تبداء بخطوة

[السلامى]

عرفنا السخانة عندنا المذهجانا لكن ناس الخليج ديل المذهجهم شنو شانين حملة كبيرة عليناكده

[السلامى]

الحدث القادم فى المدينة الدورة المدرسية مرة اخرى سوف تنطلق فى ودمدنى

[السلامى]

فى مدنى تقسم المواصلات يوم الجمعة الى قسمين قسم يكون فى عطله وقسم يكون شغال والغريبه المواصلات بالرغم من ذلك تجدها متوفره ( ياربى يكون الناس دى كلها مابتطلع فى الجمع يعنى تتواصل مع بعضها ولاشنو

[السلامى]

الخرييييييييييف
الخرييييييييييف
الخرييييييييييف

يارب تصدق الثالثة آميييييين

[السلامى]

بالامس الاحد هطلت امطار غزيرة من السادسة عصرا حتى العاشرة ليلا
وقد اثرت بالطبع على مناحى الحياة فى المدينة وسط ترقب يشوبه الحذر بفيضان النيل

[mamdoh]

تمر بالواحد أمور ومواقف جد صعب ولايمكن أن ينساها من ذاكرته . تم نقلي في العمل من الدمازين الي الكرمك وطبعا الطريق صعب جدا وخاص في الخريف مافي عربية ولاأي شي يمكنه أن يعبر هذه الغابات أستقرفت رحلتنا سبع ايام مشيا بدون نوم أو طعام حتي اكلنا صفق الشجر والفئران حتي وصلنا بالسلامة يمكن انا وصلت بدون قميص ولا حذاء وكانت جد رحلة صعبة لايمكن ان أنساها واستفدة منها الكثير واتعرفت من خلالها علي اشياء جديدة منها القبائل التي قابلناه التي تعبد الحيوانات( الخنزير) ,اشياء كثيرة .........