اها عليكم الله انا عندي كلام ازيدو علي الدرر ديالمشاركة الأصلية كتبت بواسطة بورتبيل
الحوش ... الفطيرة .. الزريبة .. زير الموية .. الجداد .. غنامية تمشي الهوينا .. سرير قديم سلكه اهترى بمرور الزمن .. شجرة شامخة تنأثرت اوراقها وبذورها المرة على الارض .. فتاة (تقش الحوش) تكنس بحركات منسقة .. وشجرة قرض .. عليها صقر يراقب الافق.. وجدار من الطين السميك .. وحمار بالخارج يستمتع في غليوتة نهارية .. !! وكارو صغير لا اعلم كيف يسير .. واظنه بدون عمر افتراضي .. او انه مسروق!!!
مناظر من الزمن الجميل .. زمن إنسرق منّا بفعل الغربة والاغتراب .. والتكنلوجيا .. والشبكة العنكوبتية... وحفنة من المال.
ويا لغريب الصدف .. ان كل هذه الاشياء متشابه في كل السودان .. ولكن من هو من يحن اليها؟
حوشنا هذا .. يصور بعض من تلكم الصور الجميلة .. وبعض من التفاعل الاجتماعي الفريد في الحوش السوداني.. بيت العرس .. بيت البكاء .. الفطور .. الونسة .. والضحك البرئ .. والشخوص النادرة .. ود الطاهر ..ود حسن .. الفتوات الشليغات .. والوليدات المعولقين والشفوت .. والمطاريش ..ود المطامير .. كلها احسبها شخوص حقيقية في حوش حقيقي.. كلها اسرة واحدة ( والتحية لمن جعل هذا المنتدى كالحوش) التحية لابوبكر ( الأرباب اخوي) والتحية لأبو رجاء .. (اب دقن) .. التحية لكل ابناء مدني الذين احس بدفء كلماتهم ..وهذا من شيم اهل الكرم والمكارم .. التحية لكل اخواني واخواتي اعضاء المنتدى .. الذين اصبحوا لي اخوة في زمن مغرّب !!
حوش القرقراب .. وود حسن وابو رجاء وكل البقية لا اظنه فكرة وليدة الصدفة بل فكرة نابعة من شخص سكنه الحنين والشوق لمكونات الحوش والبيت السوداني.. واشتاق الى لمّة الناس في العصر .. وساعة الهجير .. وشراب القهوة .. والحكاوي الجميلة ( اظنو جنى حبوبات) والتحية بصورة خاصة لكل حبوبة ولكل والدة في السودان .. التحية لكل الاصدقاء عبر كل بوبات الزمن .. والتحية للسودانيين في دول المهجر .. ونسأل الله ان يرد غربتنا جميعاً.
حوشنا ( واقول حوشنا .. ليس بداعى الملكية له ) ولكن كل المنتدى للجميع ... هذا الحوش اضافة فريدة لمنتديات ود مدنى .. هذا الحوش .. جعل من الجميع يقولون ويكتبون بلا قيود ولا شروط وبعيداً عن التلميع والبحث عن بريق الكلمات .. جعل الناس تكتب ما تريد .. وتقول ما تريد .. وليس الهدف الكتابة بحد ذاتها بل الهدف .. لمّلمة الناس .. وخلق صلات وعلاقات اجتماعية قوية بيننا.
اذاً انها دعوة لكل الاخوان في المنتدى بالدخول الى هذا الحوش .. والتعرف على المشاركين الرائعين دون النظر الى ان هذا الحوش ممكن ان يكون حِكراً لشلة بعينها او مجموعة بعينها.
انه للجميع .. صدقوني يا اخوتي. .. للجميع فقط.
تسلم والله وياها المحرية فيك.... نعم هي دعوة للتواصل
للحميمة للاريحية لسكب كل معين المعرفة هنا حوشنا
لمتنا اخوتنا طيبة اصل الناس الفيهو والغاشنوا من بره
قلوب تملؤها المحبة والمودة والإلفة نخدم بعضنا نواسي
ونهنئ نشارك الهموم نتفاكر نتشاور في محبة واخوة هكذا
ديدن ابناء المدينة الفاضلة (ودمدني ) ....
ودوما في رعاية الله وحفظه...
مع كل الود باقة ورد...
رد مع اقتباس
.....
انا كنت 
[/]
.....
المفضلات