غلطات يقع فيها المغترب عندما يقررالإستقرار في الوطن - ملاحظات في دفتر مجرب

[portbail]

أعزائي و أحبائي
أكره التحدث في الموأضيع الإجتماعية ولكنني وشاهد الله أكتويت بهذه النيران ولذلك أحببت طرح الموضوع للنقاش حتي نستفيد من أراء بعضنا وحتي تتكرر المأسي ويصير الندم ملازماً لنا لذلك أرجوا من الذين يمت إليهم الموضوع بصلة أن يدلوا بدلوهم وسوف أبتدي الموضوع منذ قرار الرجعة الذي يؤرق الجميع وكيف تكون عملية إتخاذ القرار و الإنسحاب التكتيكي من الغربة ...
أولاً :- الجلوس مع أم العيال ومحاولة إقناعها بعدم جدوي الغربة بعد الظروف الأخيرة التي حدثت للمغتربين والتغيرات المكوكية في سعر الصرف ( سياسات دأخلية ) لا تعني إن الإقتصاد السوداني قد تعافي تماماً فهي سياسات نقدية فقط السياسات المؤثرة علي إقتصاديات الدول هي التجارة الخارجية ( ميزان المدفوعات والمقبوضات " الصادر و الوارد") علشان ما نلخبط .
ثانياً :- كيف تتخارج من الكفيل وتقنعوا بسفرك للسودان بسبب ظروفك القاهرة التي جعلتك تتخذ هذه الخطوة المهمة ، الكفلاء ما بقتنعوا وبرازوك في مستحقاتك لكن حاول أتخارج بي أقل خسائر.
ثالثاً:- زكرياتك و الحياة السهلة والمنظمة والتطلعات العظيمة"Great expectations " في بلاد الغربة التي تجعل منك متردداً في إتخاذ قرار الرجعة وتحويل الأولاد للمدارس
رأبعاً:- إقناع الأهل بالسودان بحتمية الرجعة بسبب ... والعيال كبرت و ... عموماً أسابك المنطقية ، كيفية الخروج من مطار الدولة المستضيفة .
خامساً:- الولوج لمطار الخرطوم وكيفية التماشي مع صف الجوازات والتفتيش والذين يجرون عربات العفش .
سادساً:- الدخول للمجتع السوداني بعد فراق دام سنوات طويلة وصعوبة فهم إيدلوجيتهم وتعاطيهم للأمور لأنك تعودت علي حياة مغاييره تماماً نصيحتي طول بالك ... طول بالك .
سابعاً:- المشاريع المتهورة وعدم دراسة الوأقع السوداني يجعل المغتربين يحزمون حقائبهم والإستعجال للرجعة للغربة مجدداً أدرس السوق بتأني ونكران ذات وخلي الفلسفة جانباً .
ثامناً :- التخلص من المسطلحات التي تكون تكتسب من الغربة كالسيارة والحين ويمين ويسار وهلا والله والإستعاضة عنها بالعربية وهسع ويمين وشمال مرحب بيك علي التوالي .
تاسعاً :- عدم الدخول للأماكن التي تجرك جهة السماسرة ( الأراضي والعربات ) وحتي لو كان قريبك المصاحبك مفتح ومستنسخ منك لأنها كلها مناطق موبوئة بالحرامية وضعاف النفوس الذين يترزقون علي جهل الغير
عاشراً :- جهاز العاملين بالخارج حاول أتخارج منوا بمجرد ما تصل البلد علشان الناس ديل ما بنسوا حاجة وبستنزفوك .
أحدي عشر : عدم القيام بمشاريع التي تعتمد علي ثقة الآخرين لأنوا هنا الثقة صارت من ضروب الماضي السرقة صارت فهلوة لغياب الغدوة الحسنة ، أما الأراضي فلها مصطلحاتها عند السماسرة " التونسية "
ونواصل

[مدنيّة]

بالله هي الرجعة عايزة دا كلللللللللللللللله !!


ذكرتني بالسيارة وسيار وصب بنزين دي سواق جديد عندنا
كل مااتصل عليه اقول ليه انت وين ؟ يقول لي واقف جنب السيارة !!
ولما اقول ليه لف شمال يقول لي يسار !!


وكنت متحيرة فيه واقول السواق دا مثقف ، اها اتاريها طلعت دي ثقافة خليجية

[portbail]

بالله هي الرجعة عايزة دا كلللللللللللللللله !!


ذكرتني بالسيارة وسيار وصب بنزين دي سواق جديد عندنا
كل مااتصل عليه اقول ليه انت وين ؟ يقول لي واقف جنب السيارة !!
ولما اقول ليه لف شمال يقول لي يسار !!


وكنت متحيرة فيه واقول السواق دا مثقف ، اها اتاريها طلعت دي ثقافة خليجية

لك التحية مدنية
وأنت كالعادة مشاكسة المغتربين حقيقة كلما أقراء لك تذكرينني " ببت قضيم" هههه ولكن لا نعيب علي أخوأننا المغتربين تعاطي هذه المصطلحات ولكنهم أرغموا علي علي تعاطي هذه المصطلحات مثلاً زول قاعد معاك 24 ساعة لا يفصلكم إلا النوم وشك في وشوا بتتكلم معاه لمدة 8 سنوات لا تتأثر به ويتأثر بك؟؟؟ كما أسلفت عملية الإتصال الجماهيري ولكن هنالك أناس يتكلمونها من دوأعي الجهل والتكبر والتعالي علي الأخرين لكن هؤلاء فئة معروفين في المجتمع وهم ليس قياس لغيرهم ... لك حبي

[samar_taha]

والله عندك حق يا أخونا بورتبيل وفعلاً عدم الاستعداد للتأقلم مع الواقع من قبل المغتربين يوقعهم في مشكلة كبيرة .
وأضيف على كلامك التحذير من مشاريع مستهلكة وكثيرة وعديمة الفائدة مثل ( المدارس الخاصة , والمستوصفات الخاصة , والأمجاد )
يعني حقوقكم أعملوها ركشات أحسن

[بابكر]

الاخ برتبيل
لك التحيه وشكرا على التنبيهات القيمه !! والله ان كل ماقلته هو عين الحقيقه المره والتى تجعلنا , او بالاصح تجعلنى افكر الف مره !!ولكنى سوف اتخذ القرار الصعب ان شاء الله

[أبو مهدي371]

الاخ :برتوبيل
السلام عليكم ورحمة الله
أولا : الجلوس مع ام العيال واقناعها , لو كانت ام العيال هنا اي معاك في الغربة اكيد ماحترفض والسبب كفاية عليها قفلة الباب 24 ساعة يعني زهجانة للطيش , اما لوكانت في البلد اكيد متابعة تطورات البلد وتحسن الوضع فيه يعني كدة كدة هي موافقه انت بس كلمها والباقي علي الله.
ثانيا : الكفيل : ياخوي كفيل شنوا وانت مقرر الرجوع نهايا نصيحة ليك ولغيرك انت كدة لوحاولت ترضي كفيلك ضيعت زمنك لنوا هدول البشر ما يرضوا منك الا انت تحت مداسهم وانت سيد العارفين اخير تخلي عندوا قريشاتك ولا تخلي باقي عمرك .
ثالثا : ياخي الغربة شن فيها الساهل مانحن كل يوم بنتجرع في الحنظل واقل ليك مهما تجني منها انت خسران لنوا شبابك ضاع فيها واكثر من كدة شنو.
رابعا : الاهل هم محتاجين لي فلوسك مامحتاجين لي شوفتك كلهم اسألني انا منهم والله غير امك مافي زول اقوليك ارجع اي واحد يقوليك( حوووووول فلوس) يني راجع متين ماتسمعها الا من الغالية امك واسألني انا بعرفهم كويس عمرنا كلوا ضاع عشانهم وكل دي بعدين مايزكروه ليك
عشان كدة رضاهم قاسي .
سادسا : والله بكرة من ماتضرب الويكة والكسرة تنسا حنان الغربة وتلم علي الاصحاب والاحباب ياخي ديل السودانين تخاف منهم يزيدوا في ريدك .
سابعا : موضوع الاستثمار انت كدة جتني في محلي لانو تخصصي اول حاجة تقفل دماغك وتعمل فيها بليد مرة واحدة وما تسمع كلام اخوك زاتوا واعلم كلهم سماسرة يعني تتريس كم شهر حتي ينسوا موضع فلوسك بعداك شاور دماغك انت عاوز تعمل شنو ومن اول شهر دور ليك علي شغل يعني فلوسك في البنك ماتصل عليها وعيش حياتك كانك مامغترب وبعدين شوف البيحصل شنو.
اخي اندرجت معك في اللغة الدراجية لكن افهم كلامي كويس .
وتوكل علي الله وما تلاوز ياحبيب .

[طلال يوسف الحاج]

الاخ :برتوبيل طبعاً يا جماعة الغربة مراحل في ناس أدمنو الغربة ولما يمشو السودان بتكون دي غربتم أو رحلة ترفيهية في أوقات الإجازات .شريح كبيرة من الاطفال ترعرعوا وتربو فيها مما يترك في دواخلهم أثر نفسي وتعلق بتلك البلاد التي فيها اصدقائهم ومعارفهم والمعالم التي أصبحت جزء منهم . والشريحة دي ما بتحس بالغربة للأسباب الأنفة ووجود أهلهم معاهم والشريحة دي صعب عليها الرجوع والتعايش مع أوضاع السودان إلى فترات قصيرة والعودة إلى الغربة على الرغم من وجود سفارتنا في معضم أنحاء العالم والجهود المبذولة منها في زرع الوطنية في قلوبهم وحب الوطن . وتقع الاسر في مئزق العودة إلى الوطن يكون وكتها العيال كبرت ونصهرة في مكان مسقط رأسهم ولما تحاول تقنعهم بالعودة يقولو إنو بلادنا طاردة مافيها ومافيها ومافيها.................ألخ...................ألخ
أها دي يحلوها كيف حتى لو كان وضعك المادي ممكن يعيشك بالمستوى العادي زيك زي الناس ؟

[portbail]

والله عندك حق يا أخونا بورتبيل وفعلاً عدم الاستعداد للتأقلم مع الواقع من قبل المغتربين يوقعهم في مشكلة كبيرة .
وأضيف على كلامك التحذير من مشاريع مستهلكة وكثيرة وعديمة الفائدة مثل ( المدارس الخاصة , والمستوصفات الخاصة , والأمجاد )
يعني حقوقكم أعملوها ركشات أحسن

عزيزتي samar_taha
لك الحب والود وأنت تثري الموضوع بأرائك الجميلة النيرة ...كنت مع إحدي الأمريكان زميل لدي في العمل "مستر كيفن" نتجازب أطراف الحديث عن الغربة فقال لي إن المغترب منكم إذا أراد أن يرجع لحالته الطبيعية مفترض يجلس ببلدة الأصلي يعني الرجع ليه نفس فترة الغربة يعني مغترب 10 سنوات داير ليك عشرة سنوات في بلدك علشان تتأقلم فضحكنا لأنني أعلم إن هنالك لهم 30 سنه يعني لن يتأقلم إلا في الآخرة عزراً علي السخرية ولكن وجهة نظر لفتت إنتباهي ...
الإستثمارات هي قاصمة الظهر تجعل من حصاد الغربة = Big Zero ومرجعية ذلك عدم التأقلم مع الوضع السوق السوداني و الإقتصاد الضعيف وظاهرة غسيل الأموال التي تشغل الرآي العام حالياً " وزير يسرق ويعطي لأناس نكرات ليدورا لهم قروشهم" علشان يبعد الأضواء عنهم فيدخلون في المضاربات الوهمية إذا في الأراضي أو العربات بعلم وبدون علم مما يسبب خلل كبير في حركة الربيع والشراء كلها عوأمل تؤدي للمجازفة بالأموال وتصير في خبر كان ولذلك أري إن الرآي الصائب هو رأي الأخت سمر الإبتداء بإستثمارات ضعيفة لمعرفة سيكلوجية السوق المستهلك والسوق ومن ثم القفزة لمشاريع أكبر ... مع حبي

[portbail]

الاخ برتبيل
لك التحيه وشكرا على التنبيهات القيمه !! والله ان كل ماقلته هو عين الحقيقه المره والتى تجعلنا , او بالاصح تجعلنى افكر الف مره !!ولكنى سوف اتخذ القرار الصعب ان شاء الله

عزيزي بابكر

صعوبة الخروج من الغربة هي مسألة إتخاذ القرار وإذا قمت بذلك الخطوة فمرحب بك في السودان وحقيقة السودان يقبل علي طفره تنموية كبيره محتاج لمعظم الكفأءات ولقد لمست ذلك عندما حضرت وإلتحقت بإلقطاع الخاص وناقشت هذه المواضيع مع بعض الأشخاص في القطاع الحكومي وكيفية تطوير القطاعين الخاص والعام إلا إذا حضر المؤهلين من العاملين بالخارج لأنهم أناس موأكبين وتعاطوا مع التكنلوجيا ويحترموا المواعيد ويعرفون قدسية العمل ويحرصون علي الإلتزام بمواعيدهم و إنجاز أعمالهم بتفاني ونكران ذات ولو وفرت لهم مؤسسات القطاع الخاص والعام نفس أوضاعهم في الغربة ما في زول بقعد في الغربة ولا بطيق وجع رأسها يعني دعوة للحوار ... لك التحية ومزيد من المشاركة

[بورتبيل]

الرائع Portbail
اولاً تحياتي واشواقي
ثانياً .. بالجد لقد حرك فيّ تناولك لهذا الموضوع الجميل كوامن وذكريات كانت معكم في هذا الخضم الاجوف .. وانا يا عزيزي من اكثر الذين يؤمنون بارائك ومقترحاتك .. ولا اذيع سراً اذا قلت لك انني احيانا اعشق ما ترمي اليه انت..
تناولك لموضوع الرجوع والرجعة شي جميل جداً وهذا ما نبحث عنه بالجد .. الا انني اقول لك يا عزيزي ان القرار هو سيد الموقف .. ومن يمتلك ان القرار فقد فاز.
وانا في الطريق باذن المولى يا صديقي.

[portbail]

الاخ :برتوبيل
السلام عليكم ورحمة الله
أولا : الجلوس مع ام العيال واقناعها , لو كانت ام العيال هنا اي معاك في الغربة اكيد ماحترفض والسبب كفاية عليها قفلة الباب 24 ساعة يعني زهجانة للطيش , اما لوكانت في البلد اكيد متابعة تطورات البلد وتحسن الوضع فيه يعني كدة كدة هي موافقه انت بس كلمها والباقي علي الله.
ثانيا : الكفيل : ياخوي كفيل شنوا وانت مقرر الرجوع نهايا نصيحة ليك ولغيرك انت كدة لوحاولت ترضي كفيلك ضيعت زمنك لنوا هدول البشر ما يرضوا منك الا انت تحت مداسهم وانت سيد العارفين اخير تخلي عندوا قريشاتك ولا تخلي باقي عمرك .
ثالثا : ياخي الغربة شن فيها الساهل مانحن كل يوم بنتجرع في الحنظل واقل ليك مهما تجني منها انت خسران لنوا شبابك ضاع فيها واكثر من كدة شنو.
رابعا : الاهل هم محتاجين لي فلوسك مامحتاجين لي شوفتك كلهم اسألني انا منهم والله غير امك مافي زول اقوليك ارجع اي واحد يقوليك( حوووووول فلوس) يني راجع متين ماتسمعها الا من الغالية امك واسألني انا بعرفهم كويس عمرنا كلوا ضاع عشانهم وكل دي بعدين مايزكروه ليك
عشان كدة رضاهم قاسي .
سادسا : والله بكرة من ماتضرب الويكة والكسرة تنسا حنان الغربة وتلم علي الاصحاب والاحباب ياخي ديل السودانين تخاف منهم يزيدوا في ريدك .
سابعا : موضوع الاستثمار انت كدة جتني في محلي لانو تخصصي اول حاجة تقفل دماغك وتعمل فيها بليد مرة واحدة وما تسمع كلام اخوك زاتوا واعلم كلهم سماسرة يعني تتريس كم شهر حتي ينسوا موضع فلوسك بعداك شاور دماغك انت عاوز تعمل شنو ومن اول شهر دور ليك علي شغل يعني فلوسك في البنك ماتصل عليها وعيش حياتك كانك مامغترب وبعدين شوف البيحصل شنو.
اخي اندرجت معك في اللغة الدراجية لكن افهم كلامي كويس .
وتوكل علي الله وما تلاوز ياحبيب .

الحبيب أبو مهدي
1* من أسباب عدم إتخاز المغتربين لخطوة الرجعة للبلاد هي أم العيال التي تريد أن لا تتنازل من هذا الوضع لأسباب عديدة يعلم الله بها ... لأ أود حصرها
2* والله يا أخوي بابكر الكفيل ما أخلي ليه تعبي وقروشي وأستسلم والله أقلعوا من عيونوا لأنهم ناس معفنين بستهلكوا الزول أكتر من اللأزم ولو عندوا مصلحة معاك يرقد ليك الكلام ولو ما عندك شي معاه " وراك ياشيخ ؟؟ " يعني داير شنوا ؟ علشان كدا متخلوا ليهم هللة من حقوقكم وداء تعبكم وشقاكم والله ما بخلي حقوا إلا الزول الضعيف
3* ألحق نفسك وما تبكي علي شبابك فالحاضر والمستقبل منتظرك
4* معاك في النقطة دي كل الناس الحولك إستقاليين وعطالة ومستنكحيين عايزين يعيشوا علي تعبك وشقاك ماعدا أمك التي يحديها الحنين لك ودايرك تجي محنة وريدة
5* مفطوطه
6* سادسا : والله بكرة من ماتضرب الويكة والكسرة تنسا حنان الغربة وتلم علي الاصحاب والاحباب ياخي ديل السودانين تخاف منهم يزيدوا في ريدك --- داء كان زمان هسع بشلوك لحم وبرموك عضم
7* فكرتك جميلة لكن تأكد القروش بتاعت الغربة دي معاك بطير منك النوم لغاية ما تطيرها منك ، وسمعت زوجتي توسوس مع أمها قالت ليها الرأجل داء ما بنوم قالت ليها وهي كانت مغتربة مع زوجها قبلي بعشات السنين " والله لو ماكمل قروش الغربة دي ما بنوم " وفعلاً بمجرد ما طارت مني بقيت أنوم نوم الفيلة هههههههههه .

يازول الدارجي داء أحسن لغة ويروفسير عبد الله الطيب قال الدارجيه السودانية أقرب إلي العربية
ثم تأني أنا أتوكلت زمان وطلقت الغربه طلاق بات وأتخزت قراري ومزقت الخضراء" صك إستعبادي" كما قالوا أخوانا السوريين " داء الرق الأبيض البتشتريه بي قروشك " وهسع قاعد في نص الخرطوم الدور والباقي عليك شد حيلك وربنا يكون عونك ....
وشكراً علي المشاركة

[portbail]

الاخ :برتوبيل طبعاً يا جماعة الغربة مراحل في ناس أدمنو الغربة ولما يمشو السودان بتكون دي غربتم أو رحلة ترفيهية في أوقات الإجازات .شريح كبيرة من الاطفال ترعرعوا وتربو فيها مما يترك في دواخلهم أثر نفسي وتعلق بتلك البلاد التي فيها اصدقائهم ومعارفهم والمعالم التي أصبحت جزء منهم . والشريحة دي ما بتحس بالغربة للأسباب الأنفة ووجود أهلهم معاهم والشريحة دي صعب عليها الرجوع والتعايش مع أوضاع السودان إلى فترات قصيرة والعودة إلى الغربة على الرغم من وجود سفارتنا في معضم أنحاء العالم والجهود المبذولة منها في زرع الوطنية في قلوبهم وحب الوطن . وتقع الاسر في مئزق العودة إلى الوطن يكون وكتها العيال كبرت ونصهرة في مكان مسقط رأسهم ولما تحاول تقنعهم بالعودة يقولو إنو بلادنا طاردة مافيها ومافيها ومافيها.................ألخ...................ألخ
أها دي يحلوها كيف حتى لو كان وضعك المادي ممكن يعيشك بالمستوى العادي زيك زي الناس ؟

عزيزي طلال

حقيقة إن غربة السودانيين صارت مسار جدل فالسودان بكل موارده المتاحة والأرض الخصبة وتعدد الموارد كفأءة الكادر السوداني الذي يفني جل عمره بالخارج ولكن بالدأخل لا يحرك ساكناً ولا يتفاعل مع الحركة التنميوية لإصلاح حال البلد من الفساد والتدني في البنية التحتية ولا يتجاوب مع إطروحات ودعوات النهضة التنمية والتطور وذلك بسبب ظلم وجور وفساد الحكومات المتعاقبة ...
وحقيقة فترة الإجازات القصيرة لأرض الوطن غير كافية للتأقلم مع الوضع الدأخلي وهي مثلها مثل الرحلة كما أسلفت و أوافقك الرآي ولكن أري إن المغتربين قد فطنوا لذلك مؤخراً وصاروا يرسلوا أبناءهم لدراسة بدأخل السودان مما ترتب علي ذلك سلبيات وإيجابيات عديدة يمكن التطرق لها في طرح آخر لأن الحديث يطول في هذا الصدد وهذه دعوة مني للدعوة لفتح بوست جديد عن( سلبيات وإيجابيات دراسة أبناء المغتربين بالوطن )
أما التربية في خارج نطاق الوطن وصعوبة تأقلم الأبناء علي هذا الوضع هذه مسألة شائكة ومعقدة ترجع لنوع التربية والدور التربوي العظيم للأسرة ... أود أن يتطرق إحدي الإخوة في مجال التربية لهذا الموضوع...
لك حبي ومشكور علي المدأخلة طلال

[portbail]

الرائع Portbail
اولاً تحياتي واشواقي
ثانياً .. بالجد لقد حرك فيّ تناولك لهذا الموضوع الجميل كوامن وذكريات كانت معكم في هذا الخضم الاجوف .. وانا يا عزيزي من اكثر الذين يؤمنون بارائك ومقترحاتك .. ولا اذيع سراً اذا قلت لك انني احيانا اعشق ما ترمي اليه انت..
تناولك لموضوع الرجوع والرجعة شي جميل جداً وهذا ما نبحث عنه بالجد .. الا انني اقول لك يا عزيزي ان القرار هو سيد الموقف .. ومن يمتلك ان القرار فقد فاز.
وانا في الطريق باذن المولى يا صديقي.

أخي ورفيقي وإبن خالتي مدثر

تحدوني إليك الزكريات الجميلات الرأئعات وأنت الرائع التي كلما أخلد لذكراك ينتابني الحنين لبورتبيل والتعرعة القدامية ومدرسة بورتبيل الإبتدائية و المدينة المتوسطة ورأبطة طلاب أبناء بورتبيل بالجامعات والمعاهد العليا دأخلية شمبات ود البشير بوابة عبد الغيوم الرياض (غبيرا"حي سليم"-السلمانية - الملز-العليا) " شداء - تراكا وأساليب - يغمش -زجوووووووووووووووول "
لقد تحدثنا في هذا الصدد كثيراً ولقد وفقني الله وقد أتخذت القرار السليم رغم النجاحات و الإخفاقات ولكنني تعلمت من تجاربي وكل موقف مر بي قد جعل لي ساتراً فولازياً وأي ضربه قوتني وجعلتني أخوض غيرها بشراسة وجسارة
لك الحب وأنت تحاول إتخاز القرار الصائب حتي ترجع لأرض والوطن سالم غانم معافي أخي وصديقي مدثر أي غربة لجني المال مرفوضه تماماً ولكن لتلقي العلم و ألإستفادة من خبرات غيرنا مطلوبة
لك حبي أغداً القاك بإذن الله

[بابكر]

الاخ الغالى برتبيل لك التحيه العطره , وفعلا الموضوع يستحق النقاش الجاد ,, لان اتخاذ القرار فى مثل هذه الامور فى غاية الصعوبه ,, وخاصه اذا كنت شغال فى قطاع حكومى ,, والعمل مريح وليس به مضايقات,, بل تحس ان كل الناس محتاجه الى خدماتك ,, وتعامل بكل التقدير والاحترام ,, ولكن !!! الغربه طالت ,, والزمن والايام تتسرب كحبات الرمل من بين الاصابع !! امضينا معظم حياتنا فى الغربه !! !! الوطن فى البال ,, وهو فى حدقات العيون ,, ولكن!!!! وآه من لكن تلك !! ولى عوده يابرتبيل فقد اثرت الشجون ياغالى !!!

[معتز الريح]

الحبيب portbail
أكبر غلط في اعتقادي للمغترب العايز يستقر ويرجع نهائي هو التفاؤل الأكثر من اللازم .. وسماع وجهات نظر الناس المتفائله بدون دراية بالواقع .. لأن كثير من الناس تسهل الأمور من باب المجاملة والكلام المخدر ..
فالواحد يمشي نهائي ويخطط تخطيط غلط ويدخل السوق ويفتش المشاريع ويستعجل النجاحات ويستعجل الروقة .. ويصطدم بأرض الواقع ..
المؤسف انو ما بكون خلى خط رجعة .. وفقد وظيفتو وحيرجع يبتدئ من جديد ..
والله موضوع جميل نرجو انك تواصل فيهو

[portbail]

الاخ الغالى برتبيل لك التحيه العطره , وفعلا الموضوع يستحق النقاش الجاد ,, لان اتخاذ القرار فى مثل هذه الامور فى غاية الصعوبه ,, وخاصه اذا كنت شغال فى قطاع حكومى ,, والعمل مريح وليس به مضايقات,, بل تحس ان كل الناس محتاجه الى خدماتك ,, وتعامل بكل التقدير والاحترام ,, ولكن !!! الغربه طالت ,, والزمن والايام تتسرب كحبات الرمل من بين الاصابع !! امضينا معظم حياتنا فى الغربه !! !! الوطن فى البال ,, وهو فى حدقات العيون ,, ولكن!!!! وآه من لكن تلك !! ولى عوده يابرتبيل فقد اثرت الشجون ياغالى !!!

أخي بابكر
ماذا أقول وأنت تعلم أكثر مني بإمور نفسك ، ولكنني أدعو الله أن يوفقك لإتخاذ القرار الصائب والسليم ... وأتمني أن ترجع بنا حتي نستفيد من أرائك النيره والثرة

[portbail]

الحبيب portbail
أكبر غلط في اعتقادي للمغترب العايز يستقر ويرجع نهائي هو التفاؤل الأكثر من اللازم .. وسماع وجهات نظر الناس المتفائله بدون دراية بالواقع .. لأن كثير من الناس تسهل الأمور من باب المجاملة والكلام المخدر ..
فالواحد يمشي نهائي ويخطط تخطيط غلط ويدخل السوق ويفتش المشاريع ويستعجل النجاحات ويستعجل الروقة .. ويصطدم بأرض الواقع ..
المؤسف انو ما بكون خلى خط رجعة .. وفقد وظيفتو وحيرجع يبتدئ من جديد ..
والله موضوع جميل نرجو انك تواصل فيهو

الأنيق ود الريح
قد أصبت كبد الحقيقة ، وإضافة جميلة ، ونصيحة غالية قد أسديتها بعد أن وقع الفاس في الرأس وكما أسلفت الرجعت قاسية بعد ودعنا الغربة لكن تأكد الإنسان" لو ما وقع ما بقيف تاني "والماكسرك بقويك " وأنا سميتها إستراحة محارب بعد ترأجعت إستثماراتي وأغلقت معظم محلاتي فشمت عليّ من نصحني في الولوج لهذا النوع من الإستثمارات ولكنهم لأيدرون بإنني عنيد جداً وسوف أتعلم من غلطاتي وسف أصل لمرادي كما قال المتنبي :-

سأضرب في طول البلاد وعرضها ***أنال مرادي أو أموت شهيد

لك حبي