عيد الرياض عيدين

[عبدالمنعم الصديق(خدرا)]

كل عــــــــــــــــــــــــام وأنتم بخــــــــــــــــــــــــــــير

مختـ بازي ـــــــــــار

من العايدين الفايزين يابازى

[عبدالمنعم الصديق(خدرا)]

كل عام وأنت بخير يا عبد المنعم
والقراصة والملوخية ولا ورق مش عارف بس عروة يا غالي

حسن السيد
كل سنه وانت طيب
عروه قال خدره مفروكه ياحسن

[moh_alnour]

والله يامحمد نور الكديسه ما مشكله المشكله فيك انت
وانا والله اكان جانى هواء الا يجينى منك ولا من دعوب
سلملم
وكل سنه وانت بالف خير

مجنون يحكي وعاقل يسمع ، أها يا عبد المنعم أنا ودعوب طلعنا منها ، إنشاء الله الكديسة تسمعك عشان يبقى ليك بمبي زي لون المشاركة بتاعتك دي ، صدق القال : ( الفار لما يسكر بقول أين القطط ) إنشاء الله تخربشك وما تلقى الأحجزك منها يا فارة
وكل سنة وأنت بألف خير ، ودمت لنا

[مختار بازى]

انتو عيدتو بختكم والله نحــــــــــــــــنا لسة صايمين...

[moh_alnour]

خروج غير مشرف ليه
لانو تالت افريقيا

دا طموحكم في الدنيا ، على قدر أهل العزم تأتي العزائم وعلى قدر أهل الكرام تأتي المكارم ، بس تستاهلوا المركز التالت لأنكم مغلوبين بتلاتة أقوان بطريقة واحدة

[مجاهد]

والله يا عبد المنعم كان مشيت اكلت قراصتك المشهينا ليها دي احسن ليك من خروف دعوب . ههههههههه


كل سنة وانت طيب

[عبدالمنعم الصديق(خدرا)]

مجنون يحكي وعاقل يسمع ، أها يا عبد المنعم أنا ودعوب طلعنا منها ، إنشاء الله الكديسة تسمعك عشان يبقى ليك بمبي زي لون المشاركة بتاعتك دي ، صدق القال : ( الفار لما يسكر بقول أين القطط ) إنشاء الله تخربشك وما تلقى الأحجزك منها يا فارة
وكل سنة وأنت بألف خير ، ودمت لنا

والله فعلا يانور مجنون يحكى عاقل يسمع
لو طلعتو انت ودعوب مشكله مافى
الكديسه حقتى مدجنه ومستأنسه يعنى انا عامل ليها غسيل مخ
ووالله لا بتعضى لا بتخربش
وكل سنه وانت طيب
ودمت بمليون خير ايها الغالى

[عبدالمنعم الصديق(خدرا)]

انتو عيدتو بختكم والله نحــــــــــــــــنا لسة صايمين...

مخو
لسه صايمين
الستوت ولا شنو؟؟؟؟؟

[عبدالمنعم الصديق(خدرا)]

دا طموحكم في الدنيا ، على قدر أهل العزم تأتي العزائم وعلى قدر أهل الكرام تأتي المكارم ، بس تستاهلوا المركز التالت لأنكم مغلوبين بتلاتة أقوان بطريقة واحدة

شوف ترتيبنا عالميا وترتيبكم
حسب الفيفا
الهلال 69 علميا المريخ 168
افضل خمسه انديه افريقيه
25 الاهلى المصرى
56 النجم الساحلى التونسى
69 الهلال السودانى سيد البلد
85الترجى التونسى
121شبيبة القبايل الجزائرى
وافضل خمسه انديه عربيه
25 الاهلى المصرى
56 النجم الساحلى التونسى
69 الهلال السودانى سيد البلد
85 الترجى التونسى
111 الفيصلى الاردنى
اها ياود نور
الحمام الميت تصنيفوا كم ووين؟؟؟؟؟؟
ماتقول لى كاسات محموله جوا ولا برا
دا تصنيف دولى ومن الفيفا مامنى انا
اسال الفيفا
( التصنيف منقول من موقع جريدة المشاهير الالكترونى )

[عبدالمنعم الصديق(خدرا)]

والله يا عبد المنعم كان مشيت اكلت قراصتك المشهينا ليها دي احسن ليك من خروف دعوب . ههههههههه


كل سنة وانت طيب

مجاهد
كل سنه وانت طيب
اها ماكلمتك
خروف دعوب مات قبل مانضبحوا
شاف دعوب شايل السكين
اترهب
تلب من السطوح
انتحر
تصور يامجاهد
مشينا نفتش عن الصحن
لقيناهو اتحزف