عزوف الشباب عن زواج بنات المغتربين في دول الاغتراب

[ابو صفاء]

مشكلة اجتماعية كبرى تواجه كثيرا من الاسر خارج السودان وهي وصول بناتهن لسن الزواج ويعزف كثيرا من الشباب عن زواج بنات المغتربين لحجج واهية وليس منطقية واليكم بعض الامثلة :
-يرى البعض انهن مسرفات وقد لا يتحملن المسئولية وهذه حجة واهية لان اسر المغتربين الاغلب اسرة متوسطة الدخل تجد البنت تشارك والدتها في كل خدمات المنزل عكس السودان حيث تدخل الشغالة في اغلب خدمات المنزل
- يتحجج البعض بالتربية ونجد هنا في دول الاغتراب ان رب الاسرة عنده كنترول على اسرته اكثر من السودان لان المجتمع محصور عكس السودان المجتمع مفتوح وذلك له مساوئه الكثيرة على التربية
- يتحجج البعض بالتكلفة نجد هنا تكلفة الزواج كاملة قد تكون اقل من تكلفة الوليمة فقط بالسودان وتبعاتها هذا بيعيد عن الشيلة والمال
-بنت المغترب تكون عالمة بامور البلد اكثر من القادمة من السودان واكثر دراية بوضع البلد بالاضافة لتوفيرها تكلفة فيزة الاقامة للزوج
-كثيرا من الزيجات والحمد لله ناجحة وهم يعيشون بيننا
-الامر في النهاية قسمة ونصيب فقط لا نريد لمن يطلق تلك الحجج الواهية ان تكون على حساب بنات المغتربين
-اتمنى ان يعمل المنتدى على علاج مثل هذه المشاكل فانها مشكة تؤرق كثيرا من الاسر
والله من وراء القصد

[صلاح الدين]

أخونا أبو صفاء كل سنة وانت طيب والأسرة الكريمة .
يا أخوي جبت المفيد ودا كلام صاح ميه الميه ومين يسمع ؟؟؟
أخوك معاه 3 بنات والحمد لله إتولدو في الغربه وتحديدا في جده وزي ماقلت الواحدة مع أمها في كل صغيره وكبيره ولما تسافر يمسكو البيت زي الحلاوة والحمد لله . والآن هم طلاب بالجامعات السودانية . وفي الإجازات معانا برضو قراية ودخول المطبخ . وترتيب البيت وزي مابعملو الناس في الأعياد في السودان يقلبو البيت رأسا على عقب .يعني اتعلمو كل شارده ووارده ، طبعا دا بجانب المحافظه على اللهجه السودانية الصرفه لأنو ممنوع التعامل في البيت إلا بالسوداني .وكذلك الأولاد .
المهم ياأخوي الله يكون في العون ولي عوده .

[ابو صفاء]

اخي صلاح تقبل الله منا ومنكم وكل عام وانتم بخير
سبب هذا الموضوع هو:
لي صديق ارسل الى اهله في السودان يريد ابنة احد المغتربين فاذا بخطاب طويل وعريض به ثمانية توقيعات من الاب والام الى اصغر واحد في البيت يرفضون الموضوع وقالوا عايزين ( ) ابنة عمتهم
لانها صحراوية تجلس معاهم على المنقد تعوس الكسره وتعمل القراصة
آليس هذا بمنطق غريب ، اما عدم دراية باحوال المغتربين او حساده بس
بنات المغتربين عندهم المنقد الكهربائي ومنقد عادي بالبوتجاز يعملن الكسرة والغراصة والكنافة والبسبوسة واحدث الاكلات
والواحده عندما تحضر من السودان تجلس سنة تتعلم من بنات المغتربين
ولنا عوده،،،،،،

[DANY]

الاخ ابو الاصفياء لك التحيه وكلامك ميه الميه
تصور بنت مغتربه آخر ادب وجمال وتعليم وتواضع !! مايجيها اى عريس وتلقى واحد مغترب ساكن بجوارهم يمشى السودان يعرس واحده معصعصه وشينه !ويجى يفتش ليها فى عمره او زياره بمبالغ خياليه !!بس كان لزوم التلتله دى شنو ما المغتربه مقيمه جاهزه !! ولاشنو يا اخوانا؟؟؟؟؟؟؟

[صلاح الدين]

الأستاذ DANY
الدنيا عيد كل سنه وانت طيب

[ابو صفاء]

اشكرك اخوانا Dany على هذا الدعم لبنات المغتربين وكل سنة وانت طيب

[moh_alnour]

مشكلة اجتماعية كبرى تواجه كثيرا من الاسر خارج السودان وهي وصول بناتهن لسن الزواج ويعزف كثيرا من الشباب عن زواج بنات المغتربين لحجج واهية وليس منطقية واليكم بعض الامثلة :
-يرى البعض انهن مسرفات وقد لا يتحملن المسئولية وهذه حجة واهية لان اسر المغتربين الاغلب اسرة متوسطة الدخل تجد البنت تشارك والدتها في كل خدمات المنزل عكس السودان حيث تدخل الشغالة في اغلب خدمات المنزل
- يتحجج البعض بالتربية ونجد هنا في دول الاغتراب ان رب الاسرة عنده كنترول على اسرته اكثر من السودان لان المجتمع محصور عكس السودان المجتمع مفتوح وذلك له مساوئه الكثيرة على التربية
- يتحجج البعض بالتكلفة نجد هنا تكلفة الزواج كاملة قد تكون اقل من تكلفة الوليمة فقط بالسودان وتبعاتها هذا بيعيد عن الشيلة والمال
-بنت المغترب تكون عالمة بامور البلد اكثر من القادمة من السودان واكثر دراية بوضع البلد بالاضافة لتوفيرها تكلفة فيزة الاقامة للزوج
-كثيرا من الزيجات والحمد لله ناجحة وهم يعيشون بيننا
-الامر في النهاية قسمة ونصيب فقط لا نريد لمن يطلق تلك الحجج الواهية ان تكون على حساب بنات المغتربين
-اتمنى ان يعمل المنتدى على علاج مثل هذه المشاكل فانها مشكة تؤرق كثيرا من الاسر
والله من وراء القصد

الاخ أبو صفاء
كما ذكرت أنت فالمسألة أولاً وأخيراً قسمة ونصيب ، وكل ما ذكرته أنت ليس صحيحاً على إطلاقه كما لا يمكن الجزم بعد صحته ، فالمسألة تتوقف على التربية التي تربتها البنت في البيت المعين وأنت ربما تتحدث عن نماذج معينة حولك ولكنها ليست مقياس ومعيار للكل ، وأنا شخصياً وحسب تجربتي المتواضعة في الغربة وجدت كثير من أبناء المغتربين الذين لا يعرفون الكثير عن وطنهم السودان كما أنهم لا يتحدثون باللهجة السودانية ناهيك عن التفاصيل الدقيقة للحياة الزوجية لنا كمجتمع سوداني وإذا أردت أن ترى هذه الأمثلة فأنظر إلى أبناء المغتربين الذين يذهبون إلى الدراسة في الجامعات السودانية وما يجدونه من معاناة وعدم تكيف مع المجتمع هناك وهذه تحديداً تتوقف على نوع التربية فأنا أعرف أسر تذهب سنوياً بأبنائها الى السودان وتعرفهم بأهلهم وعاداتهم وتقاليدهم والعكس هناك أبناء لم يذهبوا الى السودان إلا للدراسة الجامعية
فالشاب عندما يفكر في الزواج يقول أن بنت البلد تستطيع أن تتكيف مع الغربة ولكن العكس صحيح وهذه وجه نظر كثير من الشباب الذين أعرفهم فهم يقولون لك ( العرجاء لي مراحها ) يقصدون أنهم يوماً ما سيعودون إلى السودان والبنت المغتربة لا تستطيع العيش بسهولة في السودان ، وبنات المغتربين في نظر الكثيرين ( أكل ونوم وسهر وخمول ) ولا يجيدون الأعمال المنزلية ، وأنا شخصياً واحد من الذين يتخوفون من فكرة خوض تجربة الزواج من بنت مغتربة ، وتقبل مروري

[نزار حسن محمد]

اخى ابوصفاء
كل عام وانت بالف خير ..ولجميع الاخوه المتدخلون فى هذا البوست الهادف ...
نعم اتفق معك بانها مشكله ويجب ان نطراحها للنقاش الهادف ..اذكر قبل فتره كان هناك بوست يحمل نفس الفكره كاتبه اخوانا نزار الكاشف وكانت هناك مشاركات جميله وهادفه ..يمكن الرجوع لىذلك البوست..
اما عن راى فانا اتفق تماما مع ماذكره الاستاذ
صلاح الدين نعم هناك اسر سودانيه علمت وربت
بناتها على احسن مايكون وحتما سوف ياتيهم نصيبهم ولو بعد حين اما راى اخوانا mohalnour فاقول له عند الاختيار لو كانت مغترب او فى السودان هذا شعور عام بالتردد
ولكن اقول لك لافرق بين بنت الحلال فى السودان اوالاغتراب فبنت الحلال موجوده داخل السودان كما انها موجوده بدول الاغتراب يرجع الامر للقناعه الشخصيه بالقسمه والنصيب ..
اتمنى من جميع الاخوه ان يدلو بى رائهم فى هذا الموضوع الاجتماعى ولك الشكر مرة اخرى اخوانا ابو صفاء...

[nasir]

اخي ابوصفاء
العزوف ام الخوف
يحتاج الانسان لكثير من الوقت لخوض تجربة احترافية (زواجية )في بلاد المهجر لعدم معرفتة بالطرف الاخر ولكن يكمن الحل في ولي امر الزوجة ان يختار من شبابنا لبنته وقديما كان يخطب الناس لبناتهم وهي دعوة لاختيار القوي الامين
تخريمة لدي بوست عن مشاكل الهجرة السودانية
http://wadmadani.com/vb/showthread.php?t=20473

[ابو صفاء]

شكرا لمروركم اخي نزار واخي nasir و اخي mohalnour
هذا الموضوع يحتاج منا لكثير من الآراء المتباينة
وراي ان لا ننظر لبنات المغتربين جميعا بنظارة سوداء وأن نكون منصفين ولنا في الزيجات الناجحة التي هي بيننا نموذجا
ونتمنى مزيدا من الآراء المتباينة

[moh_alnour]

اما راى اخوانا mohalnour فاقول له عند الاختيار لو كانت مغترب او فى السودان هذا شعور عام بالتردد
ولكن اقول لك لافرق بين بنت الحلال فى السودان اوالاغتراب فبنت الحلال موجوده داخل السودان كما انها موجوده بدول الاغتراب يرجع الامر للقناعه الشخصيه بالقسمه والنصيب ..

كل سنة والجميع بخير ، المسألة ليست تردد يا أخ نزار بل هي تريث وذلك لأن أمر الأختيار يحتاج فعلاً للتريث وذلك لأنها حياة أبدية ودائمة ويترتب عليها الكثير من الأمور التي تحتاج إلى نظرة بعيدة وشاملة ، يا أخ نزار نحن جميعاً متفقون في أن الأمر أولاً وأخيراً قسمة ونصيب ، وصحيح أن بنت الحلال موجودة في السودان وخارج السودان ، ولكن لكل منا مواصفات معينة في زوجة المستقبل وشريكة الحياة وعندما يجدها من المؤكد أنه لن ينظر إلى هل هي مغتربة أو مقيمة بالسودان وأرجع وأوكد لك بأن الأمر يتعلق أيضاً بتربية البنت ونشأتها في الأسرة التي ربت بنتها على أخلاقنا وقيمنا وموروثاتنا السودانية ، ولكن تبقى المسألة رهينة بمعرفة الشاب للبنت وأتفق تماماً مع زميلي وأخي ناصر إبراهيم في أن الغربة لا تتيح لك التعرف على البنت عن قرب إلا إذا كانت من الذين تربطك بهم صلة غرابة

[نزار حسن محمد]

كل سنة والجميع بخير ، المسألة ليست تردد يا أخ نزار بل هي تريث وذلك لأن أمر الأختيار يحتاج فعلاً للتريث وذلك لأنها حياة أبدية ودائمة ويترتب عليها الكثير من الأمور التي تحتاج إلى نظرة بعيدة وشاملة ، يا أخ نزار نحن جميعاً متفقون في أن الأمر أولاً وأخيراً قسمة ونصيب ، وصحيح أن بنت الحلال موجودة في السودان وخارج السودان ، ولكن لكل منا مواصفات معينة في زوجة المستقبل وشريكة الحياة وعندما يجدها من المؤكد أنه لن ينظر إلى هل هي مغتربة أو مقيمة بالسودان وأرجع وأوكد لك بأن الأمر يتعلق أيضاً بتربية البنت ونشأتها في الأسرة التي ربت بنتها على أخلاقنا وقيمنا وموروثاتنا السودانية ، ولكن تبقى المسألة رهينة بمعرفة الشاب للبنت وأتفق تماماً مع زميلي وأخي ناصر إبراهيم في أن الغربة لا تتيح لك التعرف على البنت عن قرب إلا إذا كانت من الذين تربطك بهم صلة غرابة

صدقنى يالحبيب كم من متريث لم يظفر بما يرد ..وهى فى النهايه القسمه والنصيب وذى ما بتقول حبوبتى ام عيالك بتفتش لك وانت بتفتش ليها لقايت ما تتقابله فى بلاد الله الواسعه ،،
اتمنى من الموالى ان تجد رفيقة المستقبل فى القريب العاجل ...
كما نى اتفق معكم فى مبداء التعارف..وايضا اقول لك تحت مفهوم القسمه والنصيب رب العباد يجعل الاسباب لكى تتعرف على ام عيالك فى بلاد الغربه او داخل الوطن ...لك الود ..

[الزبير محمد عبدالفضيل]

الاخوه الاعزاء أبوصفاء والاخ صلاح الدين أوافقكم الراي فعلا أهم شيء التربيه وبنات

المغتربين والحمدالله تربيتهم جيده وطبعا حسب التربيه البيت ونقول لجميع الشباب لاتترددوا

في التقدم الي بنات المغتربين وممكن تكون هناك شريحه قليله غير ملتزمه بعادات وتقاليد

وطنهم السودان او تكون علي غير درايه بنظم الحياة الزوجيه

لاكن ارجو أن لا نظلم بناتنا في الغربه


وأتمني التوفيق للجميع

[مدنيّة]

الحالة دي عاااااااامة في الدنيا كلها مش بس عند بنات المغتربين او داخل السودان فقط

بعدين كسرة شنو ياابوصفاء ؟؟
هو القاعدين في البلد قالوا ليك قاعدين يعملوا الكسرة ؟؟؟؟
اصلا ما بتذكر متين شفت لي وحدة بتعمل كسرة ، كله عندنا جاهز بقي

[ودكمبال]

مشكلة اجتماعية كبرى تواجه كثيرا من الاسر خارج السودان وهي وصول بناتهن لسن الزواج ويعزف كثيرا من الشباب عن زواج بنات المغتربين لحجج واهية وليس منطقية واليكم بعض الامثلة :
-يرى البعض انهن مسرفات وقد لا يتحملن المسئولية وهذه حجة واهية لان اسر المغتربين الاغلب اسرة متوسطة الدخل تجد البنت تشارك والدتها في كل خدمات المنزل عكس السودان حيث تدخل الشغالة في اغلب خدمات المنزل
- يتحجج البعض بالتربية ونجد هنا في دول الاغتراب ان رب الاسرة عنده كنترول على اسرته اكثر من السودان لان المجتمع محصور عكس السودان المجتمع مفتوح وذلك له مساوئه الكثيرة على التربية
- يتحجج البعض بالتكلفة نجد هنا تكلفة الزواج كاملة قد تكون اقل من تكلفة الوليمة فقط بالسودان وتبعاتها هذا بيعيد عن الشيلة والمال
-بنت المغترب تكون عالمة بامور البلد اكثر من القادمة من السودان واكثر دراية بوضع البلد بالاضافة لتوفيرها تكلفة فيزة الاقامة للزوج
-كثيرا من الزيجات والحمد لله ناجحة وهم يعيشون بيننا
-الامر في النهاية قسمة ونصيب فقط لا نريد لمن يطلق تلك الحجج الواهية ان تكون على حساب بنات المغتربين
-اتمنى ان يعمل المنتدى على علاج مثل هذه المشاكل فانها مشكة تؤرق كثيرا من الاسر
والله من وراء القصد

الاخ/ ابوصفاء
عيد سعيد
الموضوع جدير بالنقاش لكن للاسف الشديد غالبية اعضاء المنتدى مغتربين وذى ما عارف نحن المغتربيين ما لاقين منهم غير البشتنه وضرب الشواكيش وياريت يقتنعوا والواحد منهم يتزوج من مغتربة على الاقل هى ادرى بالغربة وتانى حاجة بتوفر عليهو مصاريف كتيرة وبتزيح عن امثالنا سيرة البحر.

ود
ك
م
ب
ا
ل

[ابو صفاء]

شكرا للاخ الزبير والاخ ود كمبال والاخت مدنية نريد ان نرد بموضوعية على الطرف الآخر فلهم من اللآراء والتخوفات التي يجب ان تأخد بعين الاعتبار
مثلا اخونا الدكتور : mohalnour
يخشى من اذا قرر الرجوع للسودان وهي مقيمة مع اسرتها في دول الاغتراب قد سيواجه مشاكل في ذلك
ولكن اعتقد ان الزواج سيكون قبله فترة خطوبة يتعارف فيها الخطيب مع خطيبته ويطرحون كل المواضيح المحتملة في المستقبل وحلها
اما حديثه عن النوم والخمول فكل النساء هنا ينامون حتى الظهر لانو ما عندهم موضوع وهذه ظاهرة حتى في الجنسيات الاخرى
اما عدم المسئولية فوالله اعرف بتات مغتربين هنا يعملن في فترة الاجازات يتحملن المسئولية مع والديهم
وهذا كما قالت الاخت مدنية هناك شريحة غير مسئولة وخاصة المترفات
ومشكلة الفتاة المترفة مشكلة تواجه الزوج ان كان في السودان او خارج السودان
ونتمنى ان نسمع مزيدا من الاتجاهات المعاكسة

[ابو صفاء]

شكرا للاخ الزبير والاخ ود كمبال والاخت مدنية نريد ان نرد بموضوعية على الطرف الآخر فلهم من اللآراء والتخوفات التي يجب ان تأخد بعين الاعتبار
مثلا اخونا الدكتور : mohalnour
يخشى من اذا قرر الرجوع للسودان وهي مقيمة مع اسرتها في دول الاغتراب قد سيواجه مشاكل في ذلك وهذه فعلا قد تكون مشكلة
ولكن اعتقد ان الزواج سيكون قبله فترة خطوبة يتعارف فيها الخطيب مع خطيبته ويطرحون كل المواضيح المحتملة في المستقبل وحلها
اما حديثه عن النوم والخمول فكل النساء هنا ينامون حتى الظهر لانو ما عندهم موضوع وهذه ظاهرة حتى في الجنسيات الاخرى
اما عدم المسئولية فوالله اعرف بتات مغتربين هنا يعملن في فترة الاجازات يتحملن المسئولية مع والديهم وهذا كما قال الاخ الزبير هناك شريحة غير ملتزمة ونجد ذلك خاصة في الفتيات المترفات
ومشكلة الفتاة المترفة مشكلة تواجه الزوج ان كان في السودان او خارج السودان
ونتمنى ان نسمع مزيدا من الاتجاهات المعاكسة

[moh_alnour]

مثلا اخونا الدكتور : mohalnour

أنا الأخ محمد النور و( الدكتور ) هذه شرف لا أدعيه ، شكراً كثيراً أخونا أبو صفاء على طرقك لهذا الموضوع الحيوي وشكراً لتعقيبك الموضوعي ونرجع ونؤكد بأن المسألة أولاً وأخيراً قسمة ونصيب ، ودمتم لنا جميعاً ، وفي إنتظار المزيد من الأراء

[حبيبة ودمدني]

زعلانين مالكم وبعدين منو القال انو البنات المغتربات مابيتكيفو مع العيشه في السودان انا عايشه عمري كلو في السعوديه وبمشي السودان سنويا في الاجازات ولمن الاجازه تنتهي بيقلغوني قلع عشان ارجع

واما في طريقة كلام المغتربات ف انا علمت بنات كتير من دول مختلفه الكلام السوداني دي لغة بلدي ولازم افتخر بيها

واما في كسل وخمول الفتاة المغتربه دا كلام ماصاح انا اكبر اخواني وشغل البيت كلو بقوم بيهو انا بي ارغم من طروف دراستي انا بطبخ وبغسل وبدرس اخواني وبدرس انا كمان وعلى فكره بطبخ اكل سوداني القراصه والعصيده والنعيميه والويكه

لاكن للاسف مابعرف اعمل كسره

[نادر سلفاب]

والله ما عزوف ما لا قيييييييييييييييييييييييييييييين بس

[نادر سلفاب]

زعلانين مالكم وبعدين منو القال انو البنات المغتربات مابيتكيفو مع العيشه في السودان انا عايشه عمري كلو في السعوديه وبمشي السودان سنويا في الاجازات ولمن الاجازه تنتهي بيقلغوني قلع عشان ارجع

واما في طريقة كلام المغتربات ف انا علمت بنات كتير من دول مختلفه الكلام السوداني دي لغة بلدي ولازم افتخر بيها

واما في كسل وخمول الفتاة المغتربه دا كلام ماصاح انا اكبر اخواني وشغل البيت كلو بقوم بيهو انا بي ارغم من طروف دراستي انا بطبخ وبغسل وبدرس اخواني وبدرس انا كمان وعلى فكره بطبخ اكل سوداني القراصه والعصيده والنعيميه والويكه

لاكن للاسف مابعرف اعمل كسره

انتي حاله من حالات دي ما مشكله عندي خمسه اخوات ما طلعن حته وما بعوسن . وصاحبي جاب مرتو من الريف بتعلم فيها بت مدني العواسه يعني الاغتراب ما مقياس للبت

[ابو صفاء]

شكرا لمرور الاخت حبيبى واد مدني ونأمل ان تكوني على الخط لان الموضوع موضوعكم كا اشكر الاخ نادر على تعقيباته واقول للاخ نادر البنات كتار بس انوي .
واقول المرأة لا تقاس بصنع اكلة او عدم صنعها
مقياس المرأة تقدير المسئولية وذلك كاحترام الحياة الزوجيه وذلك بالقيام بمسئولياتها تجاه زوجها وضيوفه واحترام اهله والطاعة في غير معصية وغير ذلك
اخي محمد النور اشكرك على تعقيباتك وان تتواصل معنا لنستفيد من آرائك . معي بالمكتب احد الزملاء وهو من جزيرة الفيل وعلمت من خلاله انك دكتور بيطري ولذلك ذكرت ذلك سالفا

[Madanawi]

هل معايير الزواج اختلفت لدرجة أن التقييم أصبح بالمكان داخل أو خارج السودان؟؟؟

أين الودود والولود؟

أين ذات الدين ؟؟

أولم نؤمر بأن نقبل بمن نرضى دينه وخلقه وان لم نفعل تكن فتنة في الأرض وفساد؟

عموما المسألة مكتوبة منذ الأزل ونسأل الله أن يجعل الطيبات للطيبين ... آمين !!

[ابو صفاء]

شكرا لك اخي مدناوي وكل سنة وانت طيب
احييك على ردك الجامع
فيجب ان نرد كل ما يشكل علينا الى الله ورسوله
كما قال رسول الله صلى الله عليه وسلم تنكح المرأة لاربعة ( لمالها وجمالها ونسبها ودينها اظفر بذات الدين تربت يداك )
تربت يداك اخي مدناوي على ما تفضلت به

[نادر حجر]

طبعا اود ان اعبر عن وجه نظرى فى هذا الموضوع الحيوى بخصوص الزواج من بنات المغتربين فى حاجه واحده ممكن تكون فاتت على الجميع انو يخوانا نحن السودانين ديل مهما نكون فى السودان ولا خارج السودان نفس القيم البتنقرس فى البت سواء موجود فى السودان او مغتربه هى نفسها وانا شاهد على كثير من الزواجات الناجحه من سودانين مقمين و سودانين موجودين فى السودان متزوجين من مقيمات وبقول للاخ محمد النور بطل الحجج الواهيه دى وانا عارفك عندك النيه فى واحده مقيمه بس اتوكل على الله