ادار محركات السيارة فى الصباح الباكر لم يكن هناك داعى لتشغيل المكيف فالجو جميل رغم الغربة الجوانية والبرانية , ظبط الراديو على محطة امدرمان , امدرمان تاتى فى قطار الثامنة , تذكر ابو عركى انا امدرمان انا الدر البزين بلدى , الشوارع خالية فى هذا الصباح الباكر الا من بعض المارة , اشار له صبيان صغيران , اوداجهم منتفخة من اثار النيدو واللافاش كيرى عندما وقف اخذو يجرون فى الاتجاه الاخر وهم يتضاحكون انعل .....
, اعوذ بالله من همزات الشياطين ياها الغربة الكربة المعفنة وياها سواقة التاكسى وزمان كان ناس السودان عندما يصفونك بالصعلقة يقولو ليك امشى يا سواق التاكسى , نسوى شنو يا الله نرجع بلدنا وناس الرقشات كرهونا الاهلى , مافى شغل ومافى طين , الشغل لبعض الناس القروش لبعض الناس ولا نقعد هنا نتحرق كدى , اشار له شاب من الجنسية الصومالية وركب السيارة وانطلقت السيارةتهب الارض, ساله الصومالى بعربية مكسرة جنسك ايش ؟ سودانى, فرد الصومالى السودانيين طيبين لكن كسالى ويحبو السكر , ثم اضاف عملتو شنو فى مشكلة دار فور, فرد صاحبنا والله المشكلة شنو انا ذاتى ما عارفة فقال الصومالى انا اديكم فكرة ...طالما دارفور فى شرق السودان ما تدوها للحبش وتريحو , نفسكم من وجع القلب دة ....يعنى نخلى الحبش يحتلونا زى ما احتلوكم...... ابدا الحبش ما احتلونا نحن دعيناهم بمزاجنا ومتى ما نقول ليهم امشو يمشو ....كلامك سمح حقو ندى دارفور الفى شرق السودان للحبش .... انتوالسودانيين بالمناسبة عرب ولا افارقة .... نحن اصلنا هولنديين جينا من هولندا ..... طيب مالكم سود كدة ....... وانتو بيض ؟ طبعا نحن الصوماليين جدنا عقيل ابن ابى طالب .... كدى فوكم .....ثم اخذ الصومالى يغنى باعلى صوته
دى ليه يا عدلى
دى ليه يا عدلى
دوقيا مال
درجة دى دو يا مالى
دى ليه يا عدلى
ثم نزل الصومالى الفلتة وركب معه اخر من الجنسية المصرية
بكرة نواصل
رد مع اقتباس
المشاركة الأصلية كتبت بواسطة صلاح ودالطاهر
المفضلات