النتائج 1 إلى 25 من 130

الموضوع: مدني انتهت ..

أدوات الموضوع
- مشاهدة صفحة طباعة الموضوع


	21-06-2009 04:57 AM #1 بت مارنجان الملف الشخصي مشاهدة المشاركات عضو ماسي Array تاريخ التسجيل May 2009 المشاركات 6,855 مدني انتهت .. احبتي الكرام كيفكم ان شاء الله تكونو بخير وماعندكم عوجة .... في زيارة خاطفة ومفاجئة وسريعة مشيت " مارنجان السودان " سواد ليل زي مابتقول حبوبة ورجعت .. وياريتني مامشيت ............. مدني انتهت نهاية " مرة " شديد ........... تابعوني اجي احكي ليكم رحلة ال 24 ساعة حصل فيها شنو التعديل الأخير تم بواسطة بت مارنجان ; 21-06-2009 الساعة 09:01 AM لو أعيش زول ليهو قيمة أسعد الناس بوجودي زي نضارة غصن طيب كل يوم يخضر عودي وأبقي زولآ ليهو قيمة وأبقي زولآ ليهو قيمة رد مع اقتباس


	21-06-2009 05:06 AM #2 الملكة اسماء ( ام محمد ) الملف الشخصي مشاهدة المشاركات عضو ماسي Array تاريخ التسجيل May 2009 الدولة مُدن الحروف المشاركات 9,731 جاية تبشرينا صح ؟ بالله خلينا نصل هناك بعدين نتخلع برانا رد مع اقتباس


	21-06-2009 05:09 AM #3 بت مارنجان الملف الشخصي مشاهدة المشاركات عضو ماسي Array تاريخ التسجيل May 2009 المشاركات 6,855 الحجة صحتني ليك " فجر " توجهنا علي الميناء البري وركبنا " سوار " الساعة 7 ونص البص اتحرك الجماعة اتشهدو والناس تستغفر و" يامسخر الحديد " واتوكلنا عليك يارب أها " الوالدة الله يديها العافية جمبي ماسكة سبحتها " وقصادنا برضو حجة كبيرة ماسكة السبحة وتتشهد " والله التقول ماشين الجهاد " .. المهم عدينا جياد موبايل السواق بقي يرن .. السواق شال التلفون ورد سواق بص سفري في شارع طريق عام " سريع " بيتكلم بالموبايل وباليد التانية سايق البص الحجة بقت تسبح " ياولدي موبايلك دة بعدين انت سايق بني آدمين كدي ركز قدام الحجة القصدانا بقت ربضو تنقنق اتخيلو تلفونو وين ؟؟ .. في جيب " البنطلون " وقام بعد خلص المكالمة رجع تاني ختاه في جيب البنطلون .. قلنا الحمدلله وسرنا علي بركة الله .. التلفون تاني رنا اخونا تاني طلعو من جيبو " الحجة اتصلحت ليه في الكرسي وبقت تتكلم معاه انت ياولدي الكلام بعدين .. انت ياولدي ماتعملو silent " الوالدة " مثقفة " طيب ياولدي ماعندك سامعة تتكلم بيها ولا تشغل speaker ولاحياة لمن تنادي والحجة الجمبنا بقت تنقنق لغاية راجل وراء سمع الهرجي قام بقي يكورك الناس جاطت .. صاحبنا خت التلفون وتاني مادقة .. قمة الاستهتار بارواح البشرية بس نقول ربنا يهدي ........ ولنا بقية ....... لو أعيش زول ليهو قيمة أسعد الناس بوجودي زي نضارة غصن طيب كل يوم يخضر عودي وأبقي زولآ ليهو قيمة وأبقي زولآ ليهو قيمة رد مع اقتباس


	21-06-2009 05:15 AM #4 بت مارنجان الملف الشخصي مشاهدة المشاركات عضو ماسي Array تاريخ التسجيل May 2009 المشاركات 6,855 البص ماشي بينا ... ماهذا البؤس والجفاف علي جنبي الطريق .. ياربي الخريف لسة ماخشا .. ولا انحنا استعجلنا شوية .. ولا الخريف متاخر ..... جفاف علي طول الطريق الناس تعبانة شكلها " لاتعرفو ارهاق زهني ولا جسدي " ولا " فلس " .... الارض محروتة استعدادا لنزول المطر والزراعة .. لكن ابت السماء وبخلت بنقاط وحبات المطر .. وبقايا عظام الحيوانات ملقاة علي جانب الطريق ... الشي الوحيد البخليك تفرح وانت داخل علي الحصاحيصا تشوف كبري بتاع " رفاعة " ياسلالالالام شي خطير ... وووصلنا مدني وانا مصابة بشي من الاحباط انو " مدني " ماحتضيفني بمطرة ورعدة تقيلة وبرق مخيف لمن اخش " تحت السرير " ... قلت يابت خلي املك في ربنا كبير الساعة يادوب 10 ونص ولسة عندنا النهار والليل طويل .... تيييييييت وصلنا السوق الشعبي مدني .... :d لو أعيش زول ليهو قيمة أسعد الناس بوجودي زي نضارة غصن طيب كل يوم يخضر عودي وأبقي زولآ ليهو قيمة وأبقي زولآ ليهو قيمة رد مع اقتباس


	21-06-2009 05:22 AM #5 مهيد ود السفاح الملف الشخصي مشاهدة المشاركات زيارة الصفحة الرئيسية عضو فضي Array تاريخ التسجيل May 2007 الدولة ودمدني / حي ناصر/ جنب القسم الشرقي المشاركات 1,285 بت مارنجان انا لي من مدني 6 سنوات الحاصل شنو ؟؟ حاجه فوق عقل التصور ؟؟؟ اها انا منتظرك ان الحزن لا يتخير الدمع ثياباً كي يسمى في القواميس بكاء رد مع اقتباس


	21-06-2009 05:25 AM #6 بت مارنجان الملف الشخصي مشاهدة المشاركات عضو ماسي Array تاريخ التسجيل May 2009 المشاركات 6,855 ركبنا الاتوز طبعآ عمك " كبير " اول ماركبنا شغل لينا عثمان حسين .. استبشرت خير قلت خلاص " فرجت " ... بسم الله طلعنا مشينا طبعآ " مارنجان " .. دخلنا بي " ابتسم انت في حي البستان " ابتسمت قلت نجاملهم ... جينا بي لفة كدة بيت ناصية قدامو عربات كتيرة وحافلات وبنات خاشات ومارقات وبنات سغار شكلهم في الجامعة بتاع " الاتوز " قال لينا دة بيت فكي قالو كااااااااارب " يروب الموية .. البنيات يخشن يكونو ياربي بيعملو في شنو عند الفكي دة بنات لم تتجاوز اعمارهم ال 30 أها خشينا بي " شندي فوق " وجينا جمب مصنع النهر بتاع الصابون .. لاحول الله مصنع خااااااااااااااوي ومافيه شي قالو قفل قفل ليه قالو خسر " ياخوانا مصنع صابون وجرسلين " البفلسو شنو " الناس بقت لابتتمسح لا بتغسل مصنع حدادي مدادي يعلن الافلاس في ظروف غامضة .. تعالو شوفو الشارع علي طول الشارع من بدايتو لغاية نهايتو ووصلا للسكن العشوائي " قالو اسمو الدوحة ولا الرياض " لكن هي حلة " محجوب " بتاعت الفلاتا .. الشارع فيه قريب ال 30 ست شاي وكل ست شاي يتمركز حولينا قريب العشرة " رجال " لو لزو الحيطة يهدوها يشربو في الشاي والقهوة الناس دي شغلا وين معقولة كلهم عطالة يشربو في الشاي وونسة في الكورة اتحسرت علي الشباب الضايع والعطالة وعدم الموضوع .. ياخونا شبابك فيما افنيته معقولة مدني الكانت عبارة عن كتلة نشاط وعمل الناس قاعدة مع ستات الشاي يكسرو في العويش .. حتي اشكالهم بائسة وحزينة ومافي في اليد شي .. جينا بي جمب حلة محجوب " الحلة دي مافيها كهربة " لكن حكمة ربنا مركب فيها ديجيتل وطبعا ماحكينا عن الشوارع والاسفلت والظلط " بقو مدييييييييييييييدة " ياخوانا وين " الزبير طه " لو أعيش زول ليهو قيمة أسعد الناس بوجودي زي نضارة غصن طيب كل يوم يخضر عودي وأبقي زولآ ليهو قيمة وأبقي زولآ ليهو قيمة رد مع اقتباس


	21-06-2009 05:37 AM #7 nehroo الملف الشخصي مشاهدة المشاركات عضو فضي Array تاريخ التسجيل Dec 2006 الدولة مدني المنيرة المشاركات 1,228 يا بت مارنجان حالتك جيتي بي بره .. ولسه ماشفتي محل ( المديده ) الصاح جوه مدني .. همسة: الجماعة ديل بعرفوا ليك ( العويش ) ده شنو ياربي .. اللهم اسألك الفوز بالجنة رد مع اقتباس


	21-06-2009 05:46 AM #8 العاقب مصباح الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Jan 2008 الدولة ضل النيمة المشاركات 7,179 احلى حاجة انك ما مشيتى بى عربيتك كان حتفترى على خلق الله مشتاقين ياخ أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما! http://alagibmisbah.blogspot.com/ رد مع اقتباس


	21-06-2009 05:48 AM #9 بت مارنجان الملف الشخصي مشاهدة المشاركات عضو ماسي Array تاريخ التسجيل May 2009 المشاركات 6,855 أها جينا جمب الصيينة والخرفان مرصرصة .. ياربي في زول لسة بيشتري خرفان في الفلس الحاصل دة .. اها مشينا والناس زايدة في التكيل مع ستات الشاي .. تعرفو اسرع طرقة للربح انك تكون " بتاع شاي " مصاريف يومك يطلعو براحة دة لو حسبنا انو حساب ست الشاي " كاش نقدآ " يعني مابالدين مشينا وانا راسي ولع بالدلوكة الفي الشارع .. الشارع زي الفي زول بي فاس وحفرو والحفر " عميقة " يعني مادقداق زي بتاع الخرطوم .. الاتوز والركشات شديدة في عضمها الحايمة ماحصل لي العادم شي .. ليكم الله ياناس مدني ... الوجع والألم والحزن .. والبكاء .. ووممكن نصل لدرجة النواح ....... اسفي عليك ياشارع المصانع والمحالج .. أبو حلقات ... مصانع النسيج .. النيل الازرق الهدي حالة من الهدوء والله الشارع دة تخش بيه زي الخاشي مقابر تسمع صوت البوم ينعق والطيور تكورك والملك جوة بيسأل المكن عن مآلت اليه حالته ... والله حرام " مكنات المانية " بآلف الملالاين تصبح في مكب .. تصبح مكنات مهلكة .. وهي بحالة اكتر من ممتازة للشغل والانتاج .. المشكلة وين يعني بالظبط .. عمال مافي طبعآ لا .. طيب التمويل غير موجود ..التمويل لي شنو الناس المشروع قدامها لو فرضنا انو " الاموات بيحيو تاني " المشروع متوفي .. ناس تشيل محاصيل زراعية " مواد خام " بتتحول تبقي مواد تحت التصنيع وتبقي منتج صالح للبيع .. في لحظة انتهاء الشارع نزلت علي خدي دمعة الم .. وحزن معقولة ياناس ندفن ابيار من الانتاج وشي ممكن يرفعنا ولا يخلينا نحتاج لا لبنك دولي ولا لي منتجات نكتشف فيما بعد انها اسرائلية ومامعروف يمكن تكون فيها مادة من الخنازير .. او مواد مسرطنة .. أسفي عليك ياجزيرة الخير .. أسفي عليك يامدني وأٍفي علي نضالك ياود مدني ... نواصل .......... لو أعيش زول ليهو قيمة أسعد الناس بوجودي زي نضارة غصن طيب كل يوم يخضر عودي وأبقي زولآ ليهو قيمة وأبقي زولآ ليهو قيمة رد مع اقتباس


	21-06-2009 05:57 AM #10 بت مارنجان الملف الشخصي مشاهدة المشاركات عضو ماسي Array تاريخ التسجيل May 2009 المشاركات 6,855 تعالو النضحكم شوية بعد الحزن دة ... في آخر شارع مارنجان في مساحة فاضية كدة علي اليمين بعد قضبان السكة الحديد .. القضيب دة بعديه بداية الشارع .. المساحة دي كبيييييييييييييرة جداااااااااااااا علي الشمال اي يعني الشرق مقسم مارنجان بتاع سوداتل .. المهم لقينا لمة ناس وجوطة .. هي ياخوانا الحاصل شنو .. قالو الاهالي جو ياخدو الاراضي دي بوضع اليد زي اجدادنا القدماء قلت لي بتاع " الاتوز " هسي يعني انا اقوم اشيل فحمة واشخت كدة اقول دة بيتي قال لي آي وتختي " حجر " للحجز أجي يابري .. القيامة رابطة والشفع يجرو يشيلو في الطوب عشان يسورو في القطع الفاضية وكل زول حجري وحجرك وطوبتي وطوبتك .. والحشاش يملي شبكتو " قصدي يجيب طوباتو ويحجز بيتو " ... انحنا وين ياعالم في غابة .. مافي خطط اسكانية مافي توزيع للناس وقرعة .. طيب ماكل همباتي يجي يقول دة بيتي ونطلع الناس من بيوتها ونقول عايزين المكان دة حقائق يعجز الانسان عن وصفها الا تمشي وتشاهدها بي عينك .... الناس بتموت بعض في اراضي فاضية اصلا هي ماملكها واكيد حيحصل زي ماحصل في العشوائيات يبنوها ويجو يطلعوهم منها .. ويتغشو بي كزبة حنعوضكم "" ويبقي عوضنا الله في قريشات البنيان والرواكيب .. بقينا غابة مافي مسؤولية ولا محاسبة ولا مين هو المسؤول عن الدمار والخراب الحاصل .. نشكي منو ولا نسأل منو عن حقوق الاطفال والمعاشيين المطرودين من المشروع المات وادفن .. وين احلام المستقبل بتاعت الشباب الهاجر وسافر واتغرب ومشي يطور في بلد الاجانب والغرب وبلدو خرابة عايزة اليساعدها ويطورها .. نعيب زماننا والعيب فينا ومالزماننا عيب سوانا .. والشكية لي " اب ايدآ قويآ " والشكية لل " المانام ولا اكل الطعام " لو أعيش زول ليهو قيمة أسعد الناس بوجودي زي نضارة غصن طيب كل يوم يخضر عودي وأبقي زولآ ليهو قيمة وأبقي زولآ ليهو قيمة رد مع اقتباس


	21-06-2009 06:03 AM #11 بت مارنجان الملف الشخصي مشاهدة المشاركات عضو ماسي Array تاريخ التسجيل May 2009 المشاركات 6,855 هي بالمناسبة شارع مارنجان مقفول بيصلحو فيه وأخيـــــــــــــــــــــــرآآآآآآآآآآآآآآآ محفر ومقفول بي شركة بتاعت رصف .. بس الخوف نرجع بعد شهر نلاقيه حفرو وخلوه كدة سليقة ساي لا اترصف ولا شي نقول ليه " يقولو ناس الطرق ماصرفو الشركة البتصلح في الشارع " ,, الله يكضب الشينة لو أعيش زول ليهو قيمة أسعد الناس بوجودي زي نضارة غصن طيب كل يوم يخضر عودي وأبقي زولآ ليهو قيمة وأبقي زولآ ليهو قيمة رد مع اقتباس


	21-06-2009 06:05 AM #12 بت مارنجان الملف الشخصي مشاهدة المشاركات عضو ماسي Array تاريخ التسجيل May 2009 المشاركات 6,855 المشاركة الأصلية كتبت بواسطة ملكة القلوب جاية تبشرينا صح ؟ بالله خلينا نصل هناك بعدين نتخلع برانا ملوكة اول شي حمدلله عالسلامة وياخي بعد الشر عليك ,,, انا قلت اي زول جاي قريب نديه شوية جرعة عشان الصدمة تكون مخففة ماتجيكم حالة قوية يعني علي جرعات كدة لو أعيش زول ليهو قيمة أسعد الناس بوجودي زي نضارة غصن طيب كل يوم يخضر عودي وأبقي زولآ ليهو قيمة وأبقي زولآ ليهو قيمة رد مع اقتباس


	21-06-2009 06:05 AM #13 ابوجود الملف الشخصي مشاهدة المشاركات عضو جديد Array تاريخ التسجيل Sep 2007 الدولة قريب منكم المشاركات 83 بت مارنجات لك التحيه شوقتينا وجننتينا وشكلك حاتحبطينا !!! متابعين ... كل الفرح ســــــــــــــــــــــــافر وراك رد مع اقتباس


	21-06-2009 06:06 AM #14 بت مارنجان الملف الشخصي مشاهدة المشاركات عضو ماسي Array تاريخ التسجيل May 2009 المشاركات 6,855 المشاركة الأصلية كتبت بواسطة مهيد ود السفاح بت مارنجان انا لي من مدني 6 سنوات الحاصل شنو ؟؟ حاجه فوق عقل التصور ؟؟؟ اها انا منتظرك ياود السفاح غايتو انا اديتكم فكرة عشان ماتنخلعو لمن تجو .. تاني بعمل لفة في مدني وبوريكم الحاصل .. مشاققة : بس ابو نضارات مايجي يطير البوست دة لو أعيش زول ليهو قيمة أسعد الناس بوجودي زي نضارة غصن طيب كل يوم يخضر عودي وأبقي زولآ ليهو قيمة وأبقي زولآ ليهو قيمة رد مع اقتباس


	21-06-2009 06:12 AM #15 بت مارنجان الملف الشخصي مشاهدة المشاركات عضو ماسي Array تاريخ التسجيل May 2009 المشاركات 6,855 [QUOTE=nehroo;315351]يا بت مارنجان حالتك جيتي بي بره .. ولسه ماشفتي محل ( المديده ) الصاح جوه مدني .. همسة: الجماعة ديل بعرفوا ليك ( العويش ) ده شنو ياربي .. والله يانهرو الزيارة قصيرة ومستعجلة مالفيت .. عادتآ بعمل لفة .. لكن عندي زيارة قريب ان شاء الله الايام الجاية وبخش طبعا حتكون المطرة عاملالاه " مديدة " صحي صحي .. تعرف المديدة صحي شارع المصنع بتاع الصابون دة وقت المطرة السنة الفاتت .. انا اخدت فيه وقعا لمن فهمت شي وكنت يادوبك جيت مدني حتي مامشيت لي بيتنا غشينا نجيب حاجة من زول هناك ونزلت من العربية والطوب بيرقص في الواطة مالقيت ليك روحي الا مستشهدة في الارض ... والله ياخي من المفترض يكونو بعرفو العويش ولا شنو لو أعيش زول ليهو قيمة أسعد الناس بوجودي زي نضارة غصن طيب كل يوم يخضر عودي وأبقي زولآ ليهو قيمة وأبقي زولآ ليهو قيمة رد مع اقتباس


	21-06-2009 06:16 AM #16 بت مارنجان الملف الشخصي مشاهدة المشاركات عضو ماسي Array تاريخ التسجيل May 2009 المشاركات 6,855 المشاركة الأصلية كتبت بواسطة agibmisbah احلى حاجة انك ما مشيتى بى عربيتك كان حتفترى على خلق الله مشتاقين ياخ عقوبة وينك يامختفي الف حمدلله علي السلامة وبركة الظهور وحلاوة الشوفة لفة بالعربية كدة مشوار لشارع النيل لمن تجي الاجازة بسوقك مدني بالعربية نسوي شنو عوضنا الله في البنزين البي " 50 الف " بس ماتنسي " المعلوم " هدية الحديدة وكدي لو أعيش زول ليهو قيمة أسعد الناس بوجودي زي نضارة غصن طيب كل يوم يخضر عودي وأبقي زولآ ليهو قيمة وأبقي زولآ ليهو قيمة رد مع اقتباس


	21-06-2009 08:00 AM #17 محمد حسين (المميز) الملف الشخصي مشاهدة المشاركات عضو ذهبي Array تاريخ التسجيل May 2006 الدولة الدرجه المشاركات 3,528 المشاركة الأصلية كتبت بواسطة بت مارنجان احبتي الكرام كيفك ان شاء الله تكونو بخير وماعندكم عوجة .... اللــه يبارك فيــك الله يسلمــك اللــه يبارك فيــك الله يسلمــك اللــه يبارك فيــك الله يسلمــك اللــه يبارك فيــك الله يسلمــك المشاركة الأصلية كتبت بواسطة بت مارنجان وياريتني مامشيت ................. اللــه يطمنـــك المشاركة الأصلية كتبت بواسطة بت مارنجان مدني انتهت نهاية " مرة " شديد ........... طيب كويس واللــه اتطورت شويه أنا اخر مره لمن كنت هنــاك قبل 6 شهور كان اتمسحت نهائيا من الخريطه وبقت عباره عن دمار حرب كيـف لا أعشــق جمـالك •• ما رأت عينــاي مثــالك رد مع اقتباس


	21-06-2009 08:08 AM #18 محمد حسين (المميز) الملف الشخصي مشاهدة المشاركات عضو ذهبي Array تاريخ التسجيل May 2006 الدولة الدرجه المشاركات 3,528 المشاركة الأصلية كتبت بواسطة بت مارنجان البص اتحرك الجماعة اتشهدو والناس تستغفر و" يامسخر الحديد " واتوكلنا عليك يارب أها " الوالدة الله يديها العافية جمبي ماسكة سبحتها " وقصادنا برضو حجة كبيرة ماسكة السبحة وتتشهد " والله التقول ماشين الجهاد " .. وانت مالك ما عندك سبحــه ؟؟ المشاركة الأصلية كتبت بواسطة بت مارنجان المهم عدينا جياد موبايل السواق بقي يرن .. السواق شال التلفون ورد سواق بص سفري في شارع طريق عام " سريع " بيتكلم بالموبايل وباليد التانية سايق البص عــــــادي يا ماما انت قايله المقابر دي الملاها شنو ماياها العينه دي المشاركة الأصلية كتبت بواسطة بت مارنجان اتخيلو تلفونو وين ؟؟ .. في جيب " البنطلون " وقام بعد خلص المكالمة رجع تاني ختاه في جيب البنطلون .. يكون لابس تيشيرت مافيهو جيب الود ستايل وكده المشاركة الأصلية كتبت بواسطة بت مارنجان .. انت ياولدي ماتعملو silent " الوالدة " مثقفة " طيب ياولدي ماعندك سامعة تتكلم بيها ولا تشغل speaker .. ماعندها عوجه انا بتك يا أمي المشاركة الأصلية كتبت بواسطة بت مارنجان ولاحياة لمن تنادي والحجة الجمبنا بقت تنقنق لغاية راجل وراء سمع الهرجي قام بقي يكورك الناس جاطت .. صاحبنا خت التلفون وتاني مادقة .... ناس تخاف ماتختشيش قمــّـــة المتعـــه ونحن معاك مكمليــــن كيـف لا أعشــق جمـالك •• ما رأت عينــاي مثــالك رد مع اقتباس


	21-06-2009 08:12 AM #19 محمد حسين (المميز) الملف الشخصي مشاهدة المشاركات عضو ذهبي Array تاريخ التسجيل May 2006 الدولة الدرجه المشاركات 3,528 المشاركة الأصلية كتبت بواسطة بت مارنجان البص ماشي بينا ... ماهذا البؤس والجفاف علي جنبي الطريق .. ياربي الخريف لسة ماخشا .. ولا انحنا استعجلنا شوية .. ولا الخريف متاخر ..... جفاف علي طول الطريق الناس تعبانة شكلها " لاتعرفو ارهاق زهني ولا جسدي " ولا " فلس " ........ :d المشاركة الأصلية كتبت بواسطة بت مارنجان تيييييييت وصلنا السوق الشعبي مدني .... :d حمداللـــه عالســلامه كيـف لا أعشــق جمـالك •• ما رأت عينــاي مثــالك رد مع اقتباس


	21-06-2009 08:35 AM #20 محمد حسين (المميز) الملف الشخصي مشاهدة المشاركات عضو ذهبي Array تاريخ التسجيل May 2006 الدولة الدرجه المشاركات 3,528 المشاركة الأصلية كتبت بواسطة بت مارنجان ابتسم انت في حي البستان " ابتسمت قلت نجاملهم ... المشاركة الأصلية كتبت بواسطة بت مارنجان جينا بي لفة كدة بيت ناصية قدامو عربات كتيرة وحافلات وبنات خاشات ومارقات وبنات سغار شكلهم في الجامعة بتاع " الاتوز " قال لينا دة بيت فكي قالو كااااااااارب " يروب الموية كان تنزلي تجربي حظك المشاركة الأصلية كتبت بواسطة بت مارنجان البنيات يخشن يكونو ياربي بيعملو في شنو عند الفكي دة بنات لم تتجاوز اعمارهم ال 30 المشاركة الأصلية كتبت بواسطة بت مارنجان أها خشينا بي " شندي فوق " وجينا جمب مصنع النهر بتاع الصابون .. لاحول الله مصنع خااااااااااااااوي ومافيه شي قالو قفل قفل ليه قالو خسر " ياخوانا مصنع صابون وجرسلين " البفلسو شنو " الناس بقت لابتتمسح لا بتغسل " لا حول ولا قوة الا بالله المشاركة الأصلية كتبت بواسطة بت مارنجان مصنع حدادي مدادي يعلن الافلاس في ظروف غامضة .." شالوهو لحم ورموهو عضم الله يجازي اللي كان السبب المشاركة الأصلية كتبت بواسطة بت مارنجان تعالو شوفو الشارع علي طول الشارع من بدايتو لغاية نهايتو ووصلا للسكن العشوائي " قالو اسمو الدوحة ولا الرياض " لكن هي حلة " محجوب " بتاعت الفلاتا .. " الله يجازي محنك المشاركة الأصلية كتبت بواسطة بت مارنجان الشارع فيه قريب ال 30 ست شاي وكل ست شاي يتمركز حولينا قريب العشرة " رجال " لو لزو الحيطة يهدوها يشربو في الشاي والقهوة الناس دي شغلا وين معقولة كلهم عطالة يشربو في الشاي وونسة في الكورة اتحسرت علي الشباب الضايع والعطالة وعدم الموضوع .. ياخونا شبابك فيما افنيته معقولة مدني الكانت عبارة عن كتلة نشاط وعمل الناس قاعدة مع ستات الشاي يكسرو في العويش .. حتي اشكالهم بائسة وحزينة ومافي في اليد شي .. " نظام الازمه الماليه وكده المشاركة الأصلية كتبت بواسطة بت مارنجان " ياخوانا وين " الزبير طه " واللـــه سؤال وجيــه في التلفزيون مافي؟؟ لغـــــــــــــــاية هسه ماسمعنا بجديد في الولايه شكله احمد زي حاج احمد الله يعوض عليك يا مدني "[/COLOR][/QUOTE] كيـف لا أعشــق جمـالك •• ما رأت عينــاي مثــالك رد مع اقتباس


	21-06-2009 08:40 AM #21 محمد حسين (المميز) الملف الشخصي مشاهدة المشاركات عضو ذهبي Array تاريخ التسجيل May 2006 الدولة الدرجه المشاركات 3,528 المشاركة الأصلية كتبت بواسطة بت مارنجان هي بالمناسبة شارع مارنجان مقفول بيصلحو فيه وأخيـــــــــــــــــــــــرآآآآآآآآآآآآآآآ محفر ومقفول بي شركة بتاعت رصف .. بس الخوف نرجع بعد شهر نلاقيه حفرو وخلوه كدة سليقة ساي لا اترصف ولا شي نقول ليه " يقولو ناس الطرق ماصرفو الشركة البتصلح في الشارع " ,, الله يكضب الشينة ما تفــــــرحي تغيــــــــــــــــبي وتجي بعد سنتيـــن وتلقي الحال في حاله بصــــراحه والله يا بت ما رنجان رغم المعاناة والمآسي الموجوده في البوست الى انه والله استمتعنا معاك بالرحله وكأننا كنا معاك وانشالله ربنا يجمع كل اعضاء المنتدى الموجودين بالغربه (( زيي كده )) في مدني كيـف لا أعشــق جمـالك •• ما رأت عينــاي مثــالك رد مع اقتباس


	21-06-2009 08:44 AM #22 كاتم الأحزان الملف الشخصي مشاهدة المشاركات عضو مميز Array تاريخ التسجيل Nov 2006 الدولة حي التلفزيون- مدني الحبيبة المشاركات 510 العزيزة بت مارنجان حقيقة كل كلمه قلتيها صحيحة بس الحاجة البتبشر بخير إنو البروف الزبير بشير طه من أوائل قراراتو قرر تكوين لجنة تجميل مدينة ودمدني واللجنة مكونة من حكومة الولاية ومدراء المصارف والبنوك ورجال أعمال وفنانيين تشكيليين إتحاد المصارف تكفل بإنشاء اكثر من ثلاثة مسطحات خضراء وميادين و حدائق عامة بالمقابل حكومة الولاية تكفلت بترميم ورصف الشوارع وكل شارع يوضع على جنباته رصيف والبداية بالتأكيد لو سمعتوا باالحملة الإسعافية لإصحاح البيئة كانت البداية يوم 18 وحتى يوم 25 من هذا الشهر لتنظيف الولاية بشكل عام ومدني بشكل خاص وقد رصدت الولاية كما قالوا جوائز ضخمة بعد نهاية الحملة لأنظف وأجمل محلية ووحدة إدارية وكذلك أنظف حي نتمنى من الله أن يسير العمل بالشكل المطلوب وما حب الديار شغفن قلبي ولكن حب من سكن الديارا رد مع اقتباس


	21-06-2009 08:54 AM #23 محمد الجزولى الملف الشخصي مشاهدة المشاركات فخر المنتديات Array تاريخ التسجيل May 2009 الدولة مارنجان المشاركات 4,340 بت مارنجان يديك العافيه والله حلقتى بينا فى رحله ولا فى الاحلام ... يعنى الواحد كده يقول نزل اجازه السنه دى سرد رائع .. وتعليق وتحليل ولا تحليل جماعتنا بتاعين الكوره عليك الله لما يفتحو شارع مارنجان ده ادينه خبر ... والله استمتعنا معاك جدا يا بت مارنجان ... ويا ريت تواصلى وتكتبى لينا عن رحلة العوده رد مع اقتباس


	21-06-2009 08:58 AM #24 محمد حسين (المميز) الملف الشخصي مشاهدة المشاركات عضو ذهبي Array تاريخ التسجيل May 2006 الدولة الدرجه المشاركات 3,528 المشاركة الأصلية كتبت بواسطة كاتم الأحزان العزيزة بت مارنجان حقيقة كل كلمه قلتيها صحيحة بس الحاجة البتبشر بخير إنو البروف الزبير بشير طه من أوائل قراراتو قرر تكوين لجنة تجميل مدينة ودمدني واللجنة مكونة من حكومة الولاية ومدراء المصارف والبنوك ورجال أعمال وفنانيين تشكيليين إتحاد المصارف تكفل بإنشاء اكثر من ثلاثة مسطحات خضراء وميادين و حدائق عامة بالمقابل حكومة الولاية تكفلت بترميم ورصف الشوارع وكل شارع يوضع على جنباته رصيف والبداية بالتأكيد لو سمعتوا باالحملة الإسعافية لإصحاح البيئة كانت البداية يوم 18 وحتى يوم 25 من هذا الشهر لتنظيف الولاية بشكل عام ومدني بشكل خاص وقد رصدت الولاية كما قالوا جوائز ضخمة بعد نهاية الحملة لأنظف وأجمل محلية ووحدة إدارية وكذلك أنظف حي نتمنى من الله أن يسير العمل بالشكل المطلوب صــدّق يا كاتم الأحــزان كلامك ده ماااااااااباقي لي يعني زي الهظار هظار كده يعني الناس دي حتشتغل ولاّ؟؟ حيكون كلام جرايد انشـــــــــالله يكون جد كيـف لا أعشــق جمـالك •• ما رأت عينــاي مثــالك رد مع اقتباس


	21-06-2009 10:07 AM #25 عوض الكريم الخواض الملف الشخصي مشاهدة المشاركات عضو فضي Array تاريخ التسجيل May 2009 المشاركات 1,274 قلت لي مدنى الجميلة ... مدنى يا أجمل خبر ... اغتربوا برة مدنى ... ونحن بنحرس الخرابة .. أقصد المدينة ... وتعالوا أبكوا على ىالأطلال وفراق الديار ... غايتو بعد كلامك يا بت مارنجان الزول حسّ أنو مظلوم طلم شديد . أها مارنجان لقيتيها كيف ؟؟؟؟؟؟؟؟ . رد مع اقتباس

الإنتقال السريع المنتدى العام الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 01:50 PM

Powered by vBulletin® Version 4.2.5
Copyright © 2026 vBulletin Solutions, Inc. All rights reserved.
Translate By Almuhajir

ودمدني