النتائج 1 إلى 25 من 30

الموضوع: مشــاهد من الزمـن ده ... داك!!!!

أدوات الموضوع
- مشاهدة صفحة طباعة الموضوع


	29-06-2009 11:48 PM #1 محمد الجزولى الملف الشخصي مشاهدة المشاركات فخر المنتديات Array تاريخ التسجيل May 2009 الدولة مارنجان المشاركات 4,340 مشــاهد من الزمـن ده ... داك!!!! مشهد افتتاحى جمهرة من الاطفال يشكلون دائره وهم جلوس بينما احدهم يجرى حول هذه الدائره وهم ينشدون الفات الفات فى ديلو سبع لفات فى ديلو ..الجبه ... وقعت فى البير .. السعاده تشع من وجوههم ... والضحكه لا تفارق محياهم ... .... . على الطرف الاخر تجمع اطفال اكبر سنا يركضون خلف عظمه مهترئه ويرددون بنغم شجى .. شليل وينو اكلو الدودو ... شليل وين راح اكلوا التمساح . .. كان الكل يضحك ومسرور .. . قلوبهم صافيه واذانهم صاغيه ... يلعبون حد الترف ... ويضحكون حد الثمالة ... رد مع اقتباس


	29-06-2009 11:50 PM #2 محمد الجزولى الملف الشخصي مشاهدة المشاركات فخر المنتديات Array تاريخ التسجيل May 2009 الدولة مارنجان المشاركات 4,340 مشهد ملتزم القريه تتحلى بابهى صورها وهى تستعد للحدث السعيد ... زواج منال من احمد . .لا حديث لاهل القريه الا عن هذا اليوم ... سوق المدينه ارتفعت وتيرته ...و المحلات ضجت بالحركه .. ..نسوان القريه لا حديث لهم الا عن الحنه وشراء الثياب الجديده .. . كان الكل يحس فى قرارة نفسه ان الحدث السعيد يخصه هو . . والفرحه فرحته هو .. . كانو يحسون ان منال بنت كل واحد منهم واحمد ابن كل واحد منهم ... يعدون الايام للحدث السعيد ... . زواج منال من احمد ... رد مع اقتباس


	29-06-2009 11:54 PM #3 محمد الجزولى الملف الشخصي مشاهدة المشاركات فخر المنتديات Array تاريخ التسجيل May 2009 الدولة مارنجان المشاركات 4,340 مشهد فوضوى اتت حليمه المشاطه مسرعه الى منزل العروس حيث ان اليوم هو اليوم الموعود لتبدأ العروس جلسة المشاط استعدادا للعرس.... دخلت حليمه الى غرفة العروس لتجد كل شئ فى انتظارها .. . عنقريب حبل يكاد يلامس الارض وضعت في طرفه مخده من القطن الخالص بينما كانت طاوله من الفورمايكا عليها علبة سيجائر برنجى صنع فى السودان وتنكه قهوه بجوارها فنجانين من القهوه ... السلام عليكم ناس العافيه .. كيفنكم .... اهلا يا حليمه يا اختى بركة الجيتى يا اختى .. ارح نحن مجهزين ليك كل حاجه.... عليك الله كدى خلينى النولع لى سجاره فى الاول عشان اصابعينى ديل يمشن فى رأس بتك دى زى ماكينة السنجر اقعدى يا اختى .. السجائر جااااااااااااااهز بعد ان انتهت حليمه من تدخين سجارة البرنجى اعتدلت فى جلستها خلف منال واخذت تمشط فى شعرها باحترافيه تحسد عليها وجل اهتمامها لحديث العافيه وهى تحكى لها عن تجهيزات العرس ومشتريات العروس انحن يا اختى خلاص كده ما فاضل لينا الا العريس يجى بى نفسه كده يا يمه ويقعد فى الكوشه جنب القمره دى!!! والله يا اختى منال تستاهل ... بت ما هينه يا اختى ... وربنا يتممو ليكم على خير.. تستاهلى الخير يا اختى !!!! اصبرى يا العافيه شفتى عمايل بخيته يا اختى ؟؟؟؟ اجى يا اختى !!! بخيته ماله كمان ... الفنجريه!!! قالو عامله مشكله مع راجله يا بت امى ... شكله كبيييره !!! واسى هى وينه يا اختى؟؟؟ قالو مشت لى بيت ابوها !!!! الله يكضب الشينه يا اختى ... انتى النسألك يا حليمه يا اختى هو الحسن راجل بخيته دى ما ياهو الشالو وختاهو مع الوسيله السنه الفاتت ديك ؟؟؟؟ اياهو زاتو يا اختى ..!!! انت فى ده ولا البنيه ساره بت حاج عبد الله ... البنيه قالوا تقرأ فى جامعته زى العجب بدون سبب اجننت وقالت ما عايزه تقراء !!!!!! ده كلام شنو ده يا اختى ... كمان العلام بى يابوهو؟؟؟؟ اصلوا قالوا تحت تحت رادت ليها ولد من اولاد الجامعه ... معاها فى الكليه واتفقوا على العرس .. فجاءه قام خلاها وعرس ليهو واحده من فريقهم ... اها البنت جاتا نفسيات وهديك قاعده فى البيت!!!! ............... قايتو بنات الزمن ده .. النبى انتى ما سمعتى بى قصه اسيل ؟؟؟؟ برى !! كدى احكيها لى الرسول؟؟؟؟ قالو يا بت امى ... ..... ؟؟؟ ............ !!!!!! انخرطت العافيه وحليمه فى حديث طويل لا ينقطع تتخلله ضحكات الاثنتين وقرقعة فنجاين القهوه واهات متقطعه تصدر من العروس ( منال) وهى مستسلمه الى ايادى حليمه المشاطه تمهيدا لزفافها الى عريسها احمد ... بينما كان الكل فى انتظار الحدث السعيد ... . زواج منال من احمد ...... رد مع اقتباس


	29-06-2009 11:56 PM #4 محمد الجزولى الملف الشخصي مشاهدة المشاركات فخر المنتديات Array تاريخ التسجيل May 2009 الدولة مارنجان المشاركات 4,340 مشهد تكافلى منزل العريس يضج بالحركه ...اقوام من كل السحنات ....نساء ورجال ... الكل يبحث له عن مهمه لينجزها ... رغم من ان العرس تبقى له اسبوع بحاله الا ان المنزل امتلا بالضيوف ... حضر الاهل من الشماليه ... والخرطوم ..... وقرى الجزيره .... اتت بعض الاسره المغتربه لحضور المناسبه السعيده ... . اهل الحى اعلنوا حالة الطوارى ... امتلا البيت بالخرفان التى اتت هديه من اهل الحى ... صناديق البيبسى امتلات بها كل البراميل المتوفره فى منزل العريس .. .. ابواب الجيران فتحت على مصراعيها لاستقبال ضيوف العريس .. . تكافل اجتماعى غريب انتظم الحى باكمله.... فى انتظار الحدث السعيد .... زواج منال من احمد ... نتـابع رد مع اقتباس


	30-06-2009 12:34 AM #5 حاتم مرزوق الملف الشخصي مشاهدة المشاركات عضو فضي Array تاريخ التسجيل Apr 2007 الدولة جنب الماوس المشاركات 2,569 مشاهد لم تجد صعوبة لتستقر في النفس ورجوع جميل للزمن الجميل واسلوب سهل ممتنع وبراعة في تصوير المشاهد وميلاد لمبدع يشق طريقه بكل ثقة. احتاج ان اتحدث قليلا عن مشهد المشاط ولا اظن انني استطيع الأجادة ولكن تدفعني لقطات ما زالت في الذاكرة وقد كان يحلو للمشاطة سعدية ان تمشط جاراتنا بمنزلنا لجودة القهوة وكنا اطفالا صغار ندخل ونخرج دون ان يحس بنا احد وتنطبع بعض المناظر التي تستوقفنا في الذاكرة ولكن دون ان نسأل عنها ، كان مشاط سعدية (حار) كما نسمع ولكنه جيد وكنا نري بعض (الورم) الخفيف علي رؤوس النسوة اللاتي تمشطن ،ربطنا فيما بعد حرة المشاط بذاك الورم الذي لا يكاد يخلو منه راس اي امراة تمشطت ولكن سرعان ما يختفيذاك الورم ويعود المشاط اجمل. محمد الجزولي انت انسان جميل . يا حبذا لو مر استاذنا السني علي هذه المشاهد. التعديل الأخير تم بواسطة حاتم مرزوق ; 30-06-2009 الساعة 12:36 AM رَبَّنَا آمَنَّا بِمَا أَنزَلْتْ وَاتَّبَعْنَا الرَّسُولَ فَاكْتُبْنَا مَعَ الشَّاهِدِينَ رد مع اقتباس


	30-06-2009 09:47 PM #6 محمد الجزولى الملف الشخصي مشاهدة المشاركات فخر المنتديات Array تاريخ التسجيل May 2009 الدولة مارنجان المشاركات 4,340 استاذى حاتم لك التجله والتحيه عادة المشاط كانت تحرص عليها حتى العوائل الغنيه وذلك لاضافة لمسة من الجمال لدى نسوان ذلك الزمن الجميل ..وقد كنت اتمنى ان نجد دراسة مطوله عن تلك العاده التى اندثرث ... كلماتك فى حقى تعطينى املا فى باكر سيما وانها صادره من استاذ فى قامتك لك كل الشكر عزيزى حاتم واتمناك ان تعطر هذا المكان دائما ومرحب باستاذنا السنى ليضيف الى كلماتنا القاصره ليعطيها دفئا وابداعا يمشى على رجلين رد مع اقتباس


	30-06-2009 10:11 PM #7 مهيد ود السفاح الملف الشخصي مشاهدة المشاركات زيارة الصفحة الرئيسية عضو فضي Array تاريخ التسجيل May 2007 الدولة ودمدني / حي ناصر/ جنب القسم الشرقي المشاركات 1,285 روعة الفكره وجمال الاسلوب وسهولته وتسلسل الاحداث ودقة تصوير المشاهد والتفاصيل , كلها عوامل تجعل الابداع روحاً لهذا البوست , وتدفعنا لتقديم الرجاءات لمواصلة هذا الفن الراقي . والله ما اقول تاني اي حاجه بس اطفئ لهيب اللهفه بالمواصله في الابداع ان الحزن لا يتخير الدمع ثياباً كي يسمى في القواميس بكاء رد مع اقتباس


	01-07-2009 03:52 AM #8 محمد الجزولى الملف الشخصي مشاهدة المشاركات فخر المنتديات Array تاريخ التسجيل May 2009 الدولة مارنجان المشاركات 4,340 المشاركة الأصلية كتبت بواسطة مهيد ود السفاح روعة الفكره وجمال الاسلوب وسهولته وتسلسل الاحداث ودقة تصوير المشاهد والتفاصيل , كلها عوامل تجعل الابداع روحاً لهذا البوست , وتدفعنا لتقديم الرجاءات لمواصلة هذا الفن الراقي . والله ما اقول تاني اي حاجه بس اطفئ لهيب اللهفه بالمواصله في الابداع عزيزى مهيد ود السفاح احتراماتى يا راجل يا راقى شكرا لك وانت تعطى هذا البوست من انفاسك الجزلى فيكسبه بريقا وتوهجا لا يسعنى الا ان اقول لك شكرا جزيلا فكلماتك قلادة شرف رد مع اقتباس


	01-07-2009 04:07 AM #9 محمد الجزولى الملف الشخصي مشاهدة المشاركات فخر المنتديات Array تاريخ التسجيل May 2009 الدولة مارنجان المشاركات 4,340 مشهد هستيرى بينما كان الكل فى انشغال بتجهيزات العرس الذى تبقى له ليلتان لا غير انطلقت فجاءة صرخه وجدت لها حيزا وسط ذلك الضجيج وكثرة الحركه وحمى التجهيزات... الكل انتبه لمصدر تلك الصرخه يا ولد سمعتو الكواريك دى ااى يا حاج ... اظنها من فريق ورا اجرى يا ولد شوف الحاصل وارجع بسرعه اعقبت الصرخه صرخه اخرى وصرخات سرعان ما تحول الى عويل ونحيب ركض الكل نحو مصدر البكاء وسرعان ما انتشر الخبر موت حاجه فاطمه ... تلك المراءه الورعه الصلايه القوامه ... تلك المراءه التى تحفظ كتاب الله ... ماتت حاجه فاطمه المراءه الطيبه ... انا للة وانا اليه راجعون يا ولد شيلوا الصيوانات دى ودوها بيت البكاء سرعان ما تحول السيناريو الى النقيض . ... كل الاغراض التى امتلاء بها منزل العريس تحولت فى لحظه الى منزل المأتم ... تم تركيب الصيوانات على عجل ...... ذبحت الذبائح لاكرام المعزيين . .. كان كل شئ جاهز قبل ان يوارى الجثمان الثرى ... ما اعظمها من وسائج انتظمت كل الحاضرين ...تم الاعلان عن الغاء الاحتفال بزواج احمد من منال وذلك تضامنا مع اهل الميت ... وتعبيرا عن الحزن الذى امتلك الجميع ..... انتاب الحزن ارجاء الحى بعدما كانو ينتظرون الحدث السعيد .. . زواج منال من احمد .... رد مع اقتباس


	01-07-2009 04:33 AM #10 عباس الدسيس الملف الشخصي مشاهدة المشاركات عضو برونزي Array تاريخ التسجيل Jun 2009 الدولة مدني - اركويت المشاركات 956 رائع يا ود الجزولي متابعنك هل من بقيه آنا لست مِثلهُم.. افعَل ما أُريـد فقط لأني أُريد~ لا اهتـم بمآ يقولون عنّي! لاني مؤمن بآن كلٍ يرى النآس بعين طبعه.. مشآعري مختلفه كثيـــــرا عن غيري ...تفكيري ... مبدأي ... منطقي . تحليلي كلهــآ مختلفه عنهم! انطق كَلمآتي باسلوب مختلِف.. و ذوقيّ غير مرتبط بذوق آحد! اما "الذوق العام",,, تركته لهم.. من يفهمُني يرى فيي عآلماً مُختلف.. و من لا يفهمُني.... عذراً ليـــــــس من اهتــمآآآمي رد مع اقتباس


	01-07-2009 09:18 PM #11 محمد الجزولى الملف الشخصي مشاهدة المشاركات فخر المنتديات Array تاريخ التسجيل May 2009 الدولة مارنجان المشاركات 4,340 المشاركة الأصلية كتبت بواسطة عباس الدسيس رائع يا ود الجزولي متابعنك هل من بقيه تسلم يا عبس يا ذوق والبقيه فى الطريق ان شاء الله رد مع اقتباس


	01-07-2009 09:53 PM #12 العاقب مصباح الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Jan 2008 الدولة ضل النيمة المشاركات 7,179 زواج منال من احمد وفاة حاجة فاطمة فى السودان تتصادف فى احايين كثيرة مثل تلك المواقف يكون فرحا كامل الدسم وفى لحظة يتحول الى فرح رمادى وبعدها فرح حزنى لا تستطيع ان تحزن ولا تستطيع ان تفرح ينبع هنا التكافل كثيرا ما يقوم اهل العريس بإرسال ولائمهم الى اهل العزاء... تلك ميزة لا نجدها الا فى السودان شكرا يا صديقى على توثيقك لشئ مهم مثل هذا فكثيرا ما نحتاج لأن نرى عاداتنا الجميلة مكتوبة شكرا ود الجزولى على اللوحة وفى انتظارك أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما! http://alagibmisbah.blogspot.com/ رد مع اقتباس


	03-07-2009 08:27 AM #13 محمد الجزولى الملف الشخصي مشاهدة المشاركات فخر المنتديات Array تاريخ التسجيل May 2009 الدولة مارنجان المشاركات 4,340 المشاركة الأصلية كتبت بواسطة agibmisbah زواج منال من احمد وفاة حاجة فاطمة فى السودان تتصادف فى احايين كثيرة مثل تلك المواقف يكون فرحا كامل الدسم وفى لحظة يتحول الى فرح رمادى وبعدها فرح حزنى لا تستطيع ان تحزن ولا تستطيع ان تفرح ينبع هنا التكافل كثيرا ما يقوم اهل العريس بإرسال ولائمهم الى اهل العزاء... تلك ميزة لا نجدها الا فى السودان شكرا يا صديقى على توثيقك لشئ مهم مثل هذا فكثيرا ما نحتاج لأن نرى عاداتنا الجميلة مكتوبة شكرا ود الجزولى على اللوحة وفى انتظارك صديقى العاقب مصباح كثيرا ما احزن عندما ارى فى بلادى صيوانا للعزاء وعلى بعد امتار منه صيوانا للفرح اناسا يبكون على فقيدهم ... وعلى بعد امتار اناسا يرقصون على انغام الموسيقى حليل وحليل ... شن نقول يا العافب يا اخوى شكرا لك مرورك الراقى يا عزيزى رد مع اقتباس


	03-07-2009 01:10 PM #14 علي النعيم محمد نور الملف الشخصي مشاهدة المشاركات فخر المنتديات Array تاريخ التسجيل May 2009 الدولة ودمدني /حي الواحة المشاركات 349 المشاركة الأصلية كتبت بواسطة محمد الجزولى مشهد افتتاحى جمهرة من الاطفال يشكلون دائره وهم جلوس بينما احدهم يجرى حول هذه الدائره وهم ينشدون الفات الفات فى ديلو سبع لفات فى ديلو ..الجبه ... وقعت فى البير .. السعاده تشع من وجوههم ... والضحكه لا تفارق محياهم ... .... . على الطرف الاخر تجمع اطفال اكبر سنا يركضون خلف عظمه مهترئه ويرددون بنغم شجى .. شليل وينو اكلو الدودو ... شليل وين راح اكلوا التمساح . .. كان الكل يضحك ومسرور .. . قلوبهم صافيه واذانهم صاغيه ... يلعبون حد الترف ... ويضحكون حد الثمالة ... صاحبها واحد خنزير والهوج ضرب التلفون والعسكر واقف طابور عم (علي ) بياع الزيت ومخلايتو مربوطه بخيط في بيتو عامل زعــــلان في القهوه شارب فنجان . . . . الله عليك يا ودالجزولي يارائع . . . عدنا معك لايام وليالي قمريه و(رمضانيه ) صادقه ونديه . . .وبس . التعديل الأخير تم بواسطة علي النعيم محمد نور ; 04-07-2009 الساعة 11:27 PM (سبحان الحي الدائم الذي لا يموت) رد مع اقتباس


	03-07-2009 01:23 PM #15 عاطف عولي الملف الشخصي مشاهدة المشاركات زيارة الصفحة الرئيسية عضو ذهبي Array تاريخ التسجيل May 2009 الدولة مدني مارنجان حلة حسن محطة الصهريج جوار نادي حلة حسن المشاركات 5,744 ود الجزولي كيف احتملت اجترار كل تلك الذكريات وكيف كانت ولادة الخلطة العجيبة من الحزن والفرح الفرح المحزن والحزن المحزن جعلت الحروف تتداخل وانت تستحلب جدران الذكري هذا الكم الهائل حملتنا علي حين غرة مسافرين دون زاد الي مساحات ذلك الزمان الجميل . صدقني وانا اتابع النقط لا الحروف تقمصتني تلك الشخصيات والشخوص في مراحلها العمرية المختلفة. وخلت نفسي في ربوع مارنجان وازقة حلة حسن ناس كمال كزو والرشيد فرج الله وطارق دبلوك في طريقهم الي الحفلة عمك رحمة عبد الله رجب وعبد الفتاح رجب في طريقهم الي المقابر لتجهيز المقبرة بعد اذاعة نبا الوفاة من مكرفون الجامع وهناك عمك حسن موسي وهو سائق ترلة الموية من ورشة مارنجان متجه نحو المقابر سالكآ شارع النص حتي المصانع. تعبت وعاوز اصنقر شوية واخد لي نفس لمن تجينا تاني لا تقرأ وترحل ساهم برد أو موضوع وتذكر جهد غيرك في كتابة المواضيع ومساعدة الأخرين [IMG] رد مع اقتباس


	04-07-2009 11:24 PM #16 محمد الجزولى الملف الشخصي مشاهدة المشاركات فخر المنتديات Array تاريخ التسجيل May 2009 الدولة مارنجان المشاركات 4,340 مشهد ختامى تم كل ذلك فى تراجيديا اقرب الى الفكاهه ... لم يدر بتفكير احد ان كل ذلك سيدور فى خلد منال وهى تجلس زهاء الثلاث ساعات فى ذلك الكوافير الذى يعج بالبنات من كل الاعمار .. . من اتت لمناسبة زواج ومن اتت لمناسبه تخرج ومن اتت لمناسبة سفر .. . كلهن اجتمعن عند الكوافير ليبدون اجمل مما هن عليه .. .. انتبهت فجاءه على صوت الاستشوار وهو يحدث صوتا عاليا قطع عليها سرحانها . ..لتجد نفسها بين يدى ذلك الرجل ليفعل فى شعرها ما شاء .. .وفى مكان غير بعيدا عن ذلك وفى منزل العروس كان مجموعة من الفتيان يلبسون اقمصه كتبت عليها افراح كزام يعملون على نصب ذلك الصيوان بينما كان المنزل خالى الا من بعض النسوه اتين للقيام بغسيل العدة بالاجره .... ووالد العروس يزرع البيت ذهابا وايابا وهو يفكر كيف يدبر مصاريف ذلك العرس بعد ان اعياه البحث عن من يسلفه حفنة من النقود .... وهو يلعن هذا الزمن الذى تخل فيه الاخ عن اخيه .... وانشغل الجار عن جاره واصبحنا نردد جميعا يا حليل ايام زمان ... رد مع اقتباس


	07-07-2009 09:42 PM #17 محمد الجزولى الملف الشخصي مشاهدة المشاركات فخر المنتديات Array تاريخ التسجيل May 2009 الدولة مارنجان المشاركات 4,340 المشاركة الأصلية كتبت بواسطة علي النعيم محمد نور صاحبها واحد خنزير والهوج ضرب التلفون والعسكر واقف طابور عم (علي ) بياع الزيت ومخلايتو مربوطه بخيط في بيتو عامل زعــــلان في القهوه شارب فنجان . . . . الله عليك يا ودالجزولي يارائع . . . عدنا معك لايام وليالي قمريه و(رمضانيه ) صادقه ونديه . . .وبس . شكرا ليك عزيزنا الغالى الكمندان فمرورك زادنا شرفا والقا دمت يا غالى رد مع اقتباس


	07-07-2009 10:42 PM #18 ابوالنور الملف الشخصي مشاهدة المشاركات مشرف منتدي النفاج Array تاريخ التسجيل Sep 2006 الدولة مدني المشاركات 6,658 أنا وانت والدنيا الأمان ود الجزولي يا رائع يا ربي انا وين sun shine رد مع اقتباس


	07-07-2009 11:22 PM #19 نزار حسن محمد الملف الشخصي مشاهدة المشاركات فخر المنتديات Array تاريخ التسجيل Apr 2006 الدولة حى المنيره المشاركات 6,876 لاتعليق ياود الجزولى يافنان هكذا هم السودانين يفزعون... لينسجوا لك البردة والكسوة يعجنوا لك العيش واللقمه ويعيدوا بهاء خبائك الجميل يازول ياجميل [SIZE=2]الابتسامه.. كلمه طيبه .. من غير حروف الابتسامه لاتكلف شيئا ولكنها تعنى الكثير[/SIZE] ************************************************ ************ حياة جل مكسبها خسار وعيش لايسرك يانزار رد مع اقتباس


	08-07-2009 09:27 AM #20 عزيز عيسى الملف الشخصي مشاهدة المشاركات زيارة الصفحة الرئيسية عضو فضي Array تاريخ التسجيل Feb 2005 الدولة مارنجان - مدني - الخرطوم المشاركات 1,716 محمد الجزولي الله يديك العافية أخوي شكرا لهذا السرد والوصف التصويري الممتع لحال أهل الحي زمان في توادهم وتراحمهم وتواصلهم مع بعض.. إذا فرح الجار يفرح أهل الحي كله.. وإذا حزن الجار حزن أهل الحي كله. فعلاً يا حليل أيام زمان!!! خلال زيارتي للسودان عند نهاية عام 2007 نزلت في الخرطوم الصحافة ولاحظت شيء غريب.. أثناء النهار كنت أشاهد كمية من صيوانات العزاء في الأحياء وفي المساء تنطلق أصوات ميكرفونات حفلات المناسبات وتكاد تسمعها وهي قادمة من كل الإتجاهات تناقض عجيب ناس حزنانة بالنهار وناس فرحانة بالمساء دون مراعاة لشعور جيرانهم الآخرين؟!!!! رد مع اقتباس


	08-07-2009 11:27 AM #21 الصادق عبدالله الملف الشخصي مشاهدة المشاركات عضو جديد Array تاريخ التسجيل May 2009 الدولة ودالنور /جنوب مدني المشاركات 38 رائع يا محمد الجزولي بروعة الزمن الجميل الذي حوى هذه الفصول التي نتمنى ان تواصل في سردها 000 واكيد لديك الكثير 0 رد مع اقتباس


	08-07-2009 09:11 PM #22 محمد الجزولى الملف الشخصي مشاهدة المشاركات فخر المنتديات Array تاريخ التسجيل May 2009 الدولة مارنجان المشاركات 4,340 عزيزى عاطف عولى ( ود حلتى ) يا سلام عليك ياخى ... فقد استرجعت معك تلك الشخصيات الفريده .. ومظاهر الحزن التى تجتاح كل الحله بعد اذاعة خبر موت احد الاشخاص بالحله ... ومظاهر التكافل والترابط والتوادد التى يسعى الكل لاظهارها لاهل المتوفى ... شخصيات من الزمن الجميل اخى عاطف شاكر لك مرورك الكريم عزيزى عاطف عول رد مع اقتباس


	08-07-2009 09:13 PM #23 محمد الجزولى الملف الشخصي مشاهدة المشاركات فخر المنتديات Array تاريخ التسجيل May 2009 الدولة مارنجان المشاركات 4,340 المشاركة الأصلية كتبت بواسطة ابوالنور أنا وانت والدنيا الأمان ود الجزولي يا رائع ابو النور يا زول يا جميل طلتك بالدنيا لا تحرمنا منها اخى العزيز رد مع اقتباس


	08-07-2009 09:20 PM #24 محمد الجزولى الملف الشخصي مشاهدة المشاركات فخر المنتديات Array تاريخ التسجيل May 2009 الدولة مارنجان المشاركات 4,340 المشاركة الأصلية كتبت بواسطة نزار حسن محمد لاتعليق ياود الجزولى يافنان هكذا هم السودانين يفزعون... لينسجوا لك البردة والكسوة يعجنوا لك العيش واللقمه ويعيدوا بهاء خبائك الجميل يازول ياجميل الغالى نزار تصور كيف يكون الحال لو ما جيت من زى ديل كان واسفأأأأى وا ماساتى وا ذلى سيد الناس كلهم .. تسلم على المرور الراقى رد مع اقتباس


	10-07-2009 08:05 AM #25 محمد الجزولى الملف الشخصي مشاهدة المشاركات فخر المنتديات Array تاريخ التسجيل May 2009 الدولة مارنجان المشاركات 4,340 المشاركة الأصلية كتبت بواسطة عزيز عيسى محمد الجزولي الله يديك العافية أخوي شكرا لهذا السرد والوصف التصويري الممتع لحال أهل الحي زمان في توادهم وتراحمهم وتواصلهم مع بعض.. إذا فرح الجار يفرح أهل الحي كله.. وإذا حزن الجار حزن أهل الحي كله. فعلاً يا حليل أيام زمان!!! خلال زيارتي للسودان عند نهاية عام 2007 نزلت في الخرطوم الصحافة ولاحظت شيء غريب.. أثناء النهار كنت أشاهد كمية من صيوانات العزاء في الأحياء وفي المساء تنطلق أصوات ميكرفونات حفلات المناسبات وتكاد تسمعها وهي قادمة من كل الإتجاهات تناقض عجيب ناس حزنانة بالنهار وناس فرحانة بالمساء دون مراعاة لشعور جيرانهم الآخرين؟!!!! الغالى عزيز عيسى هكذا كان اهلى فى سابق الازمان فرحهم واحد ... وحزنهم واحد .. يقتسمون اللقمه ويتشاطرون الفرش ماذا دهانا ؟؟؟؟ لا اعرف !!! حتى لدينا فى مارنجان اخى عزيز تغير الحال وصارت سرادق العزاء تقام بجانب صيوانات الافراح شاكر لك نثر عطرك هنا اخى عزيز فقد سرنى ذلك رد مع اقتباس

الإنتقال السريع المنتدى العام الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 01:18 PM

Powered by vBulletin® Version 4.2.5
Copyright © 2025 vBulletin Solutions, Inc. All rights reserved.
Translate By Almuhajir

ودمدني