
المشاركة الأصلية كتبت بواسطة يوسف كيكل
السماء جاب غيارات جديده وطمه
انفتق المدلج والمنوسر دمه
كان مايغيثنابالاسعاف شفيع الامه
مالوف الطبايع بي وبيك يتسمى
مالك ياودمدثر داير تجدد الجرح المنوسر
كيكل يا الحبيب الاسعاف بدورو حبيبك
بي عكاز الكلام الفلقة حالفة تصيبك
وحلو الحروف ضمادة من تلابيبك
الفالقك بالكلام يا ابقرجة زاتو طبيبك
كدي 000 عفيت منك يا كيكل 000 تفلق وتداوي

المشاركة الأصلية كتبت بواسطة عبدالرحمن مدثر
ياخل المطر بعيالوا اتقبلنا
خلى الواطة خضرة وفى نداها اتحكرنا
خليتو الخلال وكتين خيالها كتلنا
خلخل قليبنا وخلا الرعشة بجيوشا تسكنا
شكلها بدور تكتلنا
هيييييييع
الخرباش يخربش بي نملة وعمود متصابي
وبي سبلوقة مشاعر المطر الهتان الصابي
من بين السطور الهمبريب والدعاش شو هابي
المطرة بتقيف بس من قليبو السحاب الكابي
المفضلات