رسالة ..... له - لها

[ابودجانه العباس]

رسالة : لها

تطلع تنور في السما *** زي قمرة من غير ضو مصابيح

سبحان من خلق الجمال *** وخلاه فيك باين صريح

انا من وعيت زولاً عديل *** ما بحب الولوه ولا التلاميح

بيك عقلي من حتاتو طار *** ما ظنو يرجع بالحقن ولا التجاريح

يا غالية يحفظك الإله *** من الألم حتى التباريح

حبيت جمال رباني فيك *** حبيتو طبعك يا تسابيح

[الملكة اسماء ( ام محمد )]

رسالة : لها

*** حبيتو طبعك يا تسابيح

طبعا لو ما كان قلت كان نقشناه

ذكرتني استاذنا ازهري
نفس الحركة باختلاف الاسم ( رشا )
بس للاسف الاسيف ما متذكرة القصيدة

[ناصر عمر دبيب]

كلو عشانك إنت
وسهري كلو عشانك إنت

تبريح الزمن طال بي..
صحاني من حلماً معاك يطول
اريتو يطول معاهو عمري..
اقضيهو اغني ليك واقول
واحكي ليك عن الحكاوي كتير..
وكيف بقت الغناوي رسول
تمش من داري شايله الشوق..
وتحلم بي كلام معسول
تعود بيهو لي انا الصابر..
وبي قسوة جفاك مكتول

يا احلى الناس امام نظري
انا بكتم في وانحي الشوق..
واهواك وإنت ما بتدري
ولو خاطرك تجافيني..
ببقى جفاك لي قدري
وبلقاك حتى في نومي..
وللا آخر مره في عمري

وألمي كلو عشانك إنت
وسهري كلو عشانك إنت

[الملكة اسماء ( ام محمد )]

هيمن على ارض الجمال ولمه..جمع ثقافات البشر في تاجه
قمه على قمه وذوقه قمه..ذوق وجمال وغرتن وهاجه

اهتم من همه و همي همه..ومنهاج قلبي منهجه منهاجه

دمه على دمي و دمي دمه..أهوا الدواء وأنا الطبيب اعلاجه

في ذمتي يانور عيني ذمه.. ذمه ولا لي حاجتن محتاجه

لكن لك شي فوادي ضمه.. يامن على قلبي حكم بسياجه

ياسيد مغرور الجمال وعمه..ياتاج راس الحسن زيد حراجه

قل تم ياعمري وقولي تمه...يانشوة القلب الشجي وفراقه

[الملكة اسماء ( ام محمد )]

رسالة : لها

وجايى تفتش الماضى خلاص الماضى ولىَّ زمان ،
وجفت مقلتى الباكية ونامت من سنين أحزان ،
أرجع بالزمن مرة وأتذكر حكايتى معاك ،
تلاقى القصة جد مره هل راعيت شعور مضناك ،
كلما تزيدنى فى هجرك أقول ليك زيدنى ما أحلاك ،
لا شفع التشفع فيك ولا حرمانى يوم هماك ،
وجيت تترجى بالدمعات أسامحك أنسى أغفر ليك ،
جفف دمعك الغالى مسامحك وما عشان عينيك
عشان تتعلم الغفران وتصفح لو زمن جار بيك ،
وحاول لو قدرت كمان تقدر رقة الحابيك
وعزة نفسى مابيه على أسلم قلبى ليك تانى ،
سنين الهجر بيناتنا وحاجات تانية حاميانى ،
ولو رجع الحنين وعاود وليك من تانى ودانى ،
ولو مكتوب لى تانى أحب بحب إنسان يكون تانى ،،،

[ناصر عمر دبيب]

يا معذبني

يا معذبني..يا معذبني
عذِّب قلبي وتسلم إيدك
انت زيد في هجرك انا اريدك
اشيلك بسمه..واغازلك نسمه..تعطِّر عيدك
برضي بريدك يا الخليت خلق الله عبيدك
يا معذبني..يا معذبني..

انا في الريد طال إنتطاري
يا الهالكني وبي ما داري
اخاف من همَّك دا الجاني وسكن داري
يا معذبني..يا معذبني..

يا معذبني..يا معذبني
عذِّب قلبي وتسلم إيدك
انت زيد في هجرك انا اريدك
اشيلك بسمه..واغازلك نسمه..تعطِّر عيدك
برضي بريدك يا الخليت خلق الله عبيدك

[ناصر عمر دبيب]

لو تعرف الشوق

انت يا المريود

كنت مابتروح و تنساني

شلت ليك الشوق الشوق

لو بي اييدك شالت الاحلام

ما بنسيبه حراااام

نهجر الريده يا حبيبي

تعال ليه بتنساني

دي اصلها الريده

من القلوب بترووق

تفعل الجميل

قالو اهل الريد

اصلها الريده في القلوب بدوووب

[ابودجانه العباس]

رسالة : لها


كنوز جواك مابتكمل

تضوي الليل وتتجمل

زي عصفوره حامت فوق وركت في قليب أنبل

كنوز من شهدك الفياض ونكهة روحك الصندل
ما إنت سواحلك الأفراح ومنبع نيلك المنهل
وصورتك شرفة الأحلام مشاهد نجمة تتجول

[ناصر عمر دبيب]

عشان ألقاك
قطعتا رمال بلا آخر
عبرتا بحار
ورغم ضراوة التيار
بقيت اعصار
وعشتا معاكي يوم باكر
على الحاضر
لأنو الماضي هاجر
في ركاب الليل
وخلف جرح ما ببرى
وكسر خاطر

عشان ألقاك ولاقيتك
أريتوا لقانا يوم ما كان
تعبتا من السفر في الموج
وداير اوصل الشطآن
طلبتك قلتا خلصني
مد إيدك وجود وحنان
لقيتك إنتا فوق البر
أشد أغرق من الغرقان
عجيبة حظوظنا في الدنيا
غريبة الدنيا في الاحسان
لكن للأسف يا سنين
كملتي ونحن برضو كمان

آيه تعبر حروف الشعر
اذا جفت ينابيعوا وصار الحب
مجرد كلمة من كلمات
وهل نفطم قلوبنا على تعابيروا
ونقنع انو مافي صلات
اذا الايام بتبعدنا وتسرق اجمل اللحظات
وتاخدك مني رغم الحب ورغم حرارة العبرات
اريتا حروفي ما اتغنت
واريتو غنايا نازع ومااااات

[ميادة]

كل كلمة أي لمحة من حياتي انت فيها
في كلامي في ابتسامي في آلامي البشتهيها
في نضاري واخضراري
ياربيعي وازدهاري
يا مدلل يا غرامي
ياحبيبي انت داري بالعذاب الأنا فيه

[عثمان جلالة]

النضار الـ في شبابك
والطفولة الـ في عينيك
والقلوب الـ حايمه حولك
يا حلو بتتمنى ليك

ياااااااااااااااااااااااااااخي بعد الشر عليك

[tigani18]

صاحبة السمو:
نفسي في داخل أعاين
أروي روحي وأشوف منابعك

[صهيب البصير]

رسالة : لها

وجايى تفتش الماضى خلاص الماضى ولىَّ زمان ،
وجفت مقلتى الباكية ونامت من سنين أحزان ،
أرجع بالزمن مرة وأتذكر حكايتى معاك ،
تلاقى القصة جد مره هل راعيت شعور مضناك ،
كلما تزيدنى فى هجرك أقول ليك زيدنى ما أحلاك ،
لا شفع التشفع فيك ولا حرمانى يوم هماك ،
وجيت تترجى بالدمعات أسامحك أنسى أغفر ليك ،
جفف دمعك الغالى مسامحك وما عشان عينيك
عشان تتعلم الغفران وتصفح لو زمن جار بيك ،
وحاول لو قدرت كمان تقدر رقة الحابيك
وعزة نفسى مابيه على أسلم قلبى ليك تانى ،
سنين الهجر بيناتنا وحاجات تانية حاميانى ،
ولو رجع الحنين وعاود وليك من تانى ودانى ،
ولو مكتوب لى تانى أحب بحب إنسان يكون تانى ،،،

نحييك مابتحيينا ونرضيك مر ارضينا
احكم فينا بالدايروا دا ريدك وانتكتب لينا
خلاص اخترتا ناس غيرنا وهم اغروك تخلينا
زمان الحال دا ما حالك ولاطبعك تافيينا
اتاريك كنت خادعنا سرابك موجو غاشينا
خداعك كان شويه غريب دى اخر معذتك لينا

[الملكة اسماء ( ام محمد )]

رسالة : له
ماااااااااابتتخيل مدى سعادتي وفرحتي عشانك
تستاهل ياراقي
وربنا يديم الافراح

همسة : اتمنى ان تشهد هذه الزوايا دائما كل افراحك وامنياتك

[ابودجانه العباس]

رسالة : لها

بتمنى ليك كل السمح

ما تشوف عذاب ولاتنجرح

وأتمنى ليك سعد العمر

لاحسرة لا أحزان تمر

وياربي تنعم بالصبر

ويديك كمان طولة العمر

[الملكة اسماء ( ام محمد )]

شيلي الطرحة وغمضي عينك
سامعاني ؟.........


كان احساسي بلحظة قرب انفاسك من خصلات شعري .. ببعد
لي وين ماشي ..مخليني

استكترت علي ارسم لحظة يلامس طيفك ..خصلات شعري
وتمسك يدي .. وانسى العالم ..بين ايديك

طيفك مرات بقصد يشرد
بين افكاري

يجوط الفكرة
يسعف غيري

ياااااااااه
اتماديت ياطيف خداع

طيب ارجع
لم خصلي
وجيب الطرحة

وانسى الفكرة

[الملكة اسماء ( ام محمد )]

رسالة : لك
تعرف حاليا كدا في ( دندنة ) حاصلة جوا مشاعري
اللحن ماغريب علي
لكن الكلمات تايهة جواي ومنعشة احساسي

دقايق وارغم جواي يعلن ويفصح عن الحاصل

[العاقب مصباح]

ماعارفين حبال الذكري تنجـر فـوق قليبي سيوف
نرسمو خلا ما ضي الذكـري غدار في الغرام معـروف
***
ياخلا تعرفــو البيـا البي ما بتطـلو حـــــــــروف
ما لسـه وتـراي للي في سجـن الغرام مكتوف
***
الحال التوصفــو فيـه ظاهـر وللعيون مكشــوف
والله العظـيم كان تبكو لو شفتـو الدفين في الجوف
***
داجي علي ياخلايا اهيم البال علي مغـروف
ما جايب خبير للدنيا زي فاقد السمع والشوف
***
ناحل جسمي شاحب لوني زي زهرا ضبل ملفـوف
لكن الهمــوم والحسره زي الضاربي فوقي دفوف
***
ياخلا البريـده قليبي يوم لقياها ما معـروف
املتا وكتيـر راجيها خاب ظني ورجع مكـسوف
***
ماقادر اقـــول خلـتني او جارت عليها ظــروف
ولا قادر اطمن نفسي من فارق الظنـون والخوف
***
بقيت اشــتاق لليل اقول يمكن خيالا يطوف
يرجع لي صوابي افيـق يعـود قلبي القبيل مختوف
***
تمر سالت دقيش نسمات عبير طيـبا يفوح مسروف
يرد روحي ويبل شـوقي ويصيب جـرح الاسي المالوف
***
يعود الليل واعود لبكايا في ليلا طـويل مــــــــردوف
منداري من الجحيم يا خلا من فوج بالهموم مزفـوف
***
اسوق بين الدمـوع والحسره داير لصباحي اشوف
حليل شمسا تعيدو صباحي في دنيايا طـاقي كٍـسوف
***
قط ما كان غريب ياخـلا الحب لمصــــــايبو اشوف
من شدة هواي في دربو صار عندي العـذاب مالوف
***
يسعـدني اني صنتو هواها بادلتا العــــــذاب معروف
زي ما صان قليـبي هواها طوع في غناها حــــروف

[الملكة اسماء ( ام محمد )]

سل نجم ليل عن هوية فارسي
ان اخبروك فاخبره بانه ملك قلبي وحارسي
لم ينم طرفه وقلبي عليل شوق
الا وكان مونسي
ولم يبارح تفكيري
فسكن ظني وهواجسي

يااااقوم
هل رائيتم هذا الملك ؟!!!!!!!!
ان زاركم فاخبروه اني هناك انتظر
احالت نيران الشوق اضلعي جمر

[ابودجانه العباس]

رسالة : لها


إختلفنا

مين يحب الثاني أكثر

واتفقنا

إنك أكثر وإني أكثر

[الملكة اسماء ( ام محمد )]

عيون الصيد ناعسات عيوني.....عيون النيل حاكن عيوني
نسيت قلبي وروحي ونسوني...وفقدت الكانوا يؤانسوني
ليالي هناى جد عاكسوني.....وأخاصم النوم كيف درسونى
مع الآلام هاجت شجوني.....وأطباء الكون ما عالجوني
جفوا بنفورهم هيجوني .....متين في الطيف يصبو ويجونى
فقدت صحاى لا تنصحوني......خطاب وعتاب كفى بارحونى
عيون الصيد ديل جرحوني.....سروري يتم لو يلمحوني
غلبني أسير هيا درجونى.......وعلى الأطلال ليل عرجونى
هواى شريف لا تحرجونى ....وعلى الأكفان شيش درجونى
مقر املى فيهم ظنونى.....يزيدوا دلال وتزيد جنوني
لذيذ تعذيبهم لو ضنونى ...وصالهم آه راحتي ومنوني

[الملكة اسماء ( ام محمد )]

ما بخاف من شئ برضي خابر......المقدر لا بد يكون
********
إن اتانى الهم جيشه دافر....يلقى يا خلاي صبري وافر
يلقى عزمي التام ليه خافر....يلقى قلبي شجاع ما جبون
*********
بالعدا معروف ما ببادر .......ما بخون الجار مانى غادر
ما بقول للناس مثلى نادر......بل بقول للخالق..... شئون
********
ما عصيت مولاي مانى فاجر.......لا... ولا بالعالم بتاجر
نفسي يا أحباب ليها زاجر........لم أكون كل يوم لي لون
********
الثبات معروف لي معاصر ......لو بقيت في داخل معاصر
و الإله غير شك لي ناصر........رغم انف الواشي الخؤن
*********
قول لشاهد الزور فيما ثائر.......هدى روعك قبل الخسائر
يا ما قبلك عميت بصائر........من لساني ...وقولي الهتون
*******
قول لأهل الجور والمساخر .....مافى أول ما ليه آخر
مابدوم العز والمفاخر.......وما بدوم الظل والحصون
*******
عن لسان الحق مانى نافر....وما جحدت الخير مانى كافر
ما ضمرت السوء مانى حافر......للصديق هاويات السجون

[الملكة اسماء ( ام محمد )]

اسمعني واشجيني...... وبذكرة الأحباب...... بلاهي ناجيني
وغرد يا الحمام
*******
رحماك نجيني......ومن تلك الهموم البى....في قاع سجيني
خلى الهنا يجينى.....وخلى السرور يصبح....في طيه زاجينى
************
تبريحي صالينى .....وهيامي زاد أضعاف......ومنامي سالينى
قول انت سالينى.....خلى اليزول منى ........آلمي الموالينى
**********
الشوقو مالينى......والبين برا جسمي............بنوائبه بالينى
يا دمعة بليني....ويا قسوة الأيام.............فتى الحدود ليني
*********
من غيرك يشفيني ....ومن غيرك يعيد......صبري المجافينى
قول انت صافيني.....زمني القصد هجري.....وفى هاوية خافيني
**********
غاب رشدي اهديني......وعلى ملتقى النيلين......أتغنى واشدينى
على توتي....عديني......تجد الأدب فطرى......وتجد الحياء الديني
********
اصعد وناديني.....واقصد رياض شمبات......سير بى عديني
بغناك افديني.....واندب هناك حظي....... وسعدي المعادينى
********
صابحنى وماسينى......ويا جالب الأفراح.......لا تبقى ناسينى
سجعك يواسيني.......ورجائي فيك ياحمام.....إن مت ترثيني
*********
بطرا البساتين......وبطرا الشذا الفواح....المسك والتين
ياجنة فتيني.....وهل بعد ذلك أرجوك......يا حظي ابكيني
*********
إن رمت ترويني ...ري العطيش في ابروف.....وبجرعه داويني
في جوفي كاوينى ....حب أم عفاف أم در......من قبل تكويني

[الملكة اسماء ( ام محمد )]

أدينى إحساس بالأمل
فى كل رحلة شوق .. تطول
وأدى الخطاوى الراجعة ليك
فى سكتك عشم الوصول
********
ما الدنيا كلها إنتظار
والإرتحال قدر الفصول
الموجة تحلم بالضفاف
والغيمة تحلم بالهطول
********
جايى ومعاى ضى الأمانى
وذكرى للأيام .. هناك
لحظات بتذخر بالأمانى
وكيف أنسى تذكارات هواك
نتحمل الغربة .. ونعانى
ونصبر عشان نكسب رضاك
ونغنى لو زاد الحنين
ياريتو كان سفراً .. معاك

[ابودجانه العباس]

رسالة : لها


الجاغريو و عبدالرحمن الريح

لما كانو مع عشة الفلاتية

عملو غنية جديدة

ممكن تنزليها لينا

( أحس إنو قاعدين

بنسمع في حقيبة الفن)

بس برضو ملعوبة منك