@ مهيد ود السفاح ضيف الكُرسي الساخن @

[esmat]

حبيبنا السفاح
رمضان على الابواب وانت حالياً في اليمن
عادات رمضان اليمنية والبرنامج العام للسودانين في اليمن


خاص: رسل لي رقمك في رسالة خاصة وكدا نسمع صوتك دا

[مهيد ود السفاح]

الرائع مهيد ود السفاح
منور المكان كلو والله
سؤال ترحيبى كده
الطفوله ... بكل القها ... وبراءتها ...
لعبها وجدها .... ذكريات الطفولة لدى مهيد ... وما تبقى منها فى الذاكره ؟؟؟؟

اخي / محمد الجزولي
معين ذكريات الطفولة لا ينضب ابداً , فأنت تعرف جزءاً كبيراً من طفولتي , فتقسمت طفولتي , وعشت طفولة قد تختلف عن طفولة الكثيرين , فكانت موزعة بين قرية سعد الشفيع حيث درست الابتدائيه , وسبقتها طفولة بمحطة القوز حيث تربيت في احضان جدي ( رحمه الله ) يوسف بابكر سعد , والقوز وسنوات عمر في القوز حافلة بالمثير , فجمعتني تلك الطفولة بأصدقائي في روضة القوز وايام لا تنسى مع ( ست بتول وسعاد مامون ) , فكيف بالله عليك انسي حيدر كركوج صاحب الكديسه , وعثمان دوليب , والتجو وياسر الياس وهيثم وهواري ميرغني.
قضيت في القوز اجمل ايام عمري قبل السابعه , واحمد الله ان احفظ تلك الفتره بتفاصيلها ومواقفها , ايامي كلبتي(( مائير )) التي كانت تحرس شجرة النبق ولا تسمح لاحد غريب بالاغتراب منها او اخذ شئ من النبق .
وكنت افرح كثيراً للذهاب للحصاحيصا بالقطار , وايام الدوري بالقوز الحله.
وعلى ذكر الطفوله اديك نكته مع حيدر كركوج
( حيدر كان عندو كديسه , بحبها جداً جداً وانا عندي كلبه اسمها ( مائير ), المهم كانت الدنيا لسه بخيرها وحيدر بيقسم من اللبن حق البيت للكديسه , ويوم انكشح اللبن من حيدر , والكديسه جاعت جوع شديد , فغسل حيدر حلة اللبن وكباها للكديسه , الكديسه اخدت الجغمه الاولى وعرفت انو ده ما لبن وصاحت : مياو مياو مياو , وضحك حيدر وقال : شوف يا مهيد الكديسه قالت شنو , قالت مياهو مياهو مياهو .
هههههه هههههههههه ههههههههههه

[مهيد ود السفاح]

ماشاءالله ماشاءالله

ود النــور اصطاد لينا نجم والله

عذرا اخونا مهيــد على التأخيـر في الزياره

لكن براااااك عارف ظروفنا

سفر ومرض وربك كريــم

قلنا نزورك سااااي المره دي

لكن الزياره الجايه بنجيـك مشهلين بالسعالات الرمضانيه

كل سنه وانت طيب

قالوا المميز هو المميز وانا اقول المميز هو المميز
مليون مرحب بيك الرائع صاحب الشفافية المطلقه المميز .
ورمضان كريم وتقبل الله صيامكم وقيامكم
ومع بوادر هذا الكريم وفي هذه الايام المباركه ادعو الله ان يشفي مرضاك ومرضى كل المسلمين , قول امييييين .
وداخل علينا رمضان يا المميز والله طرقة ابري واحده ما عندي , والعصيده مقدور عليها لكن الأبري ده اسوي فيهو شنو ؟؟
وانا منتظرك يا غالي .

[مهيد ود السفاح]

حبيبنا السفاح
رمضان على الابواب وانت حالياً في اليمن
عادات رمضان اليمنية والبرنامج العام للسودانين في اليمن


خاص: رسل لي رقمك في رسالة خاصة وكدا نسمع صوتك دا

اسمت
وجودك بجواري يزيد من جمال المكان .
اما عن عادات رمضان في اليمن فهي مختلفه كثيراً عن السودان , وبيني وبينك ما وقعت لي ابداً .
كل شخص يتناول الافطار داخل البيت ( اها قول واحد )
دوام العمل لـ 90 % يكون بالفتره المسائيه من التاسعه مساء وحتى الثالثه صباحاً ( يعني النهار كلوا نوم )
يقوم اليمني عند سماعه الاذان بنتاول التمر والسامبوسه والشفوت , السامبوسه هي فطائر محشوه باللحم المفروم والبقوليات , اما الشفوت ( وما تقول انو مفردها شفت بمعني مفتح ) لا يا حبيب الشفوت ده عباره عن كسره بي مويه وروب وشوية عجور وطماطم وبصل زي ما عندنا الكسره بي المويه . وبعدها يتوقف عن الاكل حتي موعد صلاة التراويح وبعدها يبدأ الاكل والفطور ويسمى عشاء , ومكوناته الرئيسيه (الارز , اللحم , الدجاج وهناك وجبة السحور التي تختلف تماماً عن ما هو عندنا , فالسحور وجبه كامله ( لحم وفول وارز وسلطات ) ودي يا عصمت كيف يتم هضمها؟
الله اعلم .
عموماً رمضان في السودان له طعم خاص , وروعة لمة الناس في الشارع , والبرش والضيف المار من الطريق , وشراب القهوه والشاي بعد الفطور مع الجلاكين في الشارع , وشيل الصينيه وجك العصير , وبرنامج ما بعد التراويح نادي الجزيره, والمجمع, والبحر , والسينما , والدوره الرمضانيه , والمسابقات والليالي الثقافية و الخيم .
رمضان عندنا له روعة وجمال لا يدركه الا من صامه خارج تراب الوطن .

[صابرحسين]

الأخ / مهيد منور الكرسي الساخن الذي يتيح أكبر فرصة للمعرفة والتلاقي
شخصيتك الرياضية وأخلاقك الرياضية العالية تجعلني ابحث عن تعليقاتك الساخرة أيام مباريات هلال مريخ ، ومؤكد اخي وراء هذه التعليقات يوجد الكثير من الألم لما وصل إليه مستوى كرة القدم في بلادنا الحبيبة ...... أنت عارف أنا زمان كنت من عشاق دوري الدرجة الثانية وبالرغم من معرفتنا أن الدوري كله عراك وبردعه في الفاضي ، كانت تجذبنا الشلة والقفشات من عبده مالك وبرعي وكل الظرفاء وأحياناً لا ندري بالنتيجة إلا بعد السؤال في نهاية المباراة ..... أتمنى لك إقامة طيبة في الكرسي الساخن ، وأسأل الله تعالى أن يوفقك ويحقق كل أمنياتك ...

[مهيد ود السفاح]

الأخ / مهيد منور الكرسي الساخن الذي يتيح أكبر فرصة للمعرفة والتلاقي
شخصيتك الرياضية وأخلاقك الرياضية العالية تجعلني ابحث عن تعليقاتك الساخرة أيام مباريات هلال مريخ ، ومؤكد اخي وراء هذه التعليقات يوجد الكثير من الألم لما وصل إليه مستوى كرة القدم في بلادنا الحبيبة ...... أنت عارف أنا زمان كنت من عشاق دوري الدرجة الثانية وبالرغم من معرفتنا أن الدوري كله عراك وبردعه في الفاضي ، كانت تجذبنا الشلة والقفشات من عبده مالك وبرعي وكل الظرفاء وأحياناً لا ندري بالنتيجة إلا بعد السؤال في نهاية المباراة ..... أتمنى لك إقامة طيبة في الكرسي الساخن ، وأسأل الله تعالى أن يوفقك ويحقق كل أمنياتك ...

الغالي صابر
كل المحبه والود وانت تعطر الكرسي بمرورك

اما مسألة تشجيع دوري الدرجات الصغرى ده فهو حاله تحمل طابع خاص , فالتعصب الشديد في الدرجات الصغرى كبير جداً , بس التشجيع هناك له طعم خاص , ويكون اقوى من تشجيع الفرق الكبرى , والسبب يرجع لأنه في الغالب افراد الفريق بكونوا هم اولاد الحي او الحله .
اما الظرفاء وقفشاتهم اثناء المباريات او بعدها او في جلسة الونسه فهي النكهه المميزة للكره , فمثلاً في دردق تجد الرائع ( حراسه ) واسامه جني وسكابسو وهولاء كل كلمه تخرج منهم هي ضحكه طويله .
وهناك قصه مشهوره لسكابيسو وهو من محبي فريق الربيع رابطة دردق
ويحكى ان فريق الربيع سافر لكوستي لاداء مباريات وديه هناك , والكلام ده ايام الروابط فعلاً روابط , وكانت المباراة ضد احد فرق كوستي , والربيع مسيطر على المباراة دون فعاليه واضاع اللاعبون اهداف بالجمله , وشاءت الاقدار ان يكون الحكم هو سكابيسو بحكم انه مرافق لبعثة الربيع , وضاق الحكم وهو يشاهد الجماعه يضيعوا في الاوقوان , ومن كره كورنر لصالح الربيع تم عكس الكره وكامعتاد قفز الجماعه ولم يفلح أي واحد للتسجيل حتى مرت الكره من الجميع ووصلت ( جاهزه ومقشره) لاخر واحد قرب خط 18 وكان هو الحكم سكابيسو الذي لم يتوانى في عمل ( دبل كيك ) عالمي محرزاً اروع الاهداف, وبعدها صاح سكابيسو في لاعبي الربيع : القون بجيبوه كده , وانت يا حارس كوستي خت الكوره العبها اوت )
القصص كثيره وممتعه بس بتكون احلى لما يحكيها صاحبها

اما ما وصل اليه مستوى الكره لدينا فعلينا فرد مساحات واسعه للحديث , ففي كل جانب لدينا ما يعيق التطور والتقدم , وحقيقة ما يقدم من نقد بناء في هذا المنتدى قل ان تجده في الصحافة المحترفه .
وسوف اعود لهذه النقطه بشئ من التفصيل ان شاء الله .
ولك ودي

[الملكة اسماء ( ام محمد )]

غايتو يامهيد انا قاعدة اتفرج
ومحافظة على هدوئي عشان ادي الناس فرصة
وبعدها ح افتح كراس الاسئلة بتاعتي
بما اني قررت وبكل اسف ليك طبعا
اشردك من المنتدى
ماتقول لي الدنيا رمضان ورافة بالمساكين
اسئلة من نوع علل وفسر
بس استنى لي

[محمد حسين (المميز)]

يا مهيــد بما انك في اليمن

ومن المهتمين بالكوره

وريني رأيك في تعويذة كأس الخليج اللي جايه

واللي حتكون في اليمن





ورمضــان كريم,,

[بدر الدين احمد الطائف]

مهيد لك الف تحية
ورمضان كريم تصوموا وتفطروا على خير
الناس المدخنين اول ما ياذن الاذان لافطار رمضان الواحد تلقاهو ولع السيجارة
اها اخونا اليمنيين قاعدين يعملوا شنو مع القاد.


( اللهم لاتجعلنا من المدخنيين والمخزنيين)

[مهيد ود السفاح]

غايتو يامهيد انا قاعدة اتفرج
ومحافظة على هدوئي عشان ادي الناس فرصة
وبعدها ح افتح كراس الاسئلة بتاعتي
بما اني قررت وبكل اسف ليك طبعا
اشردك من المنتدى
ماتقول لي الدنيا رمضان ورافة بالمساكين
اسئلة من نوع علل وفسر
بس استنى لي

اول حاجه

وتاني حاجه انا تطير عيشي امشي الرياضي مدنيه تقول لي مهيد ابعد من قدامي .
اجي هنا في ناس عايزه تشردني .

ومرحب بأسئلتك , وانا عارفك طيبه وحنينه وما بتعمليها .

تخريمه : لقيتيني بعرف اضرب بوهيه ولا ما بعرف ؟
وتاني حاجه انا من رابعه ابتدائي علل وفسر قاعد اخليها في الامتحان فاضيه

[مهيد ود السفاح]

يا مهيــد بما انك في اليمن

ومن المهتمين بالكوره

وريني رأيك في تعويذة كأس الخليج اللي جايه

واللي حتكون في اليمن





ورمضــان كريم,,

رمضان كريم وتقبل الله صيامكم وقيامكم

اما تعويذه دورة الخليج 20 والمقامه بعدن اليمنيه , فقد تم اختيارها بعد المنافسة مع 70 تصميم اخر تقريباً , وهي معبره لحد كبير عن ثقافة اهل اليمن وقد تتجاوز ذلك لتشمل بعض دول الخليج التي تشبه ثقافتها ثقافة اليمن , والتعويذه تشمل رجل يرتدي الزي اليمني التقليدي او الشعبي والمكون من الاتي :-
1 - المشده او القطره : وهي غطاء للرأس يلبسه كل اليمنين , وفي التعويذه رسم عليه العلم اليمني .
2 - قميص و(فوطه) او (المعوز) وهما لباس من التراث اليمني والمعوز هو ما يعرف عندنا (بالقرقاب) ويلبسه في السودان اهل السواحل الشرقيه او ما يعرف بشرق السودان بالسماكه .
3- اما الكره والرقم عشرين فهو رقم الدوره .
وحسب اعتقادي ان التعوذه معبره الي حد كبير عن طبيعة اهل اليمن .

اتمنى ان اكون قد اضفت شيئاً .
ورمضان كريم

[مهيد ود السفاح]

مهيد لك الف تحية
ورمضان كريم تصوموا وتفطروا على خير
الناس المدخنين اول ما ياذن الاذان لافطار رمضان الواحد تلقاهو ولع السيجارة
اها اخونا اليمنيين قاعدين يعملوا شنو مع القاد.


( اللهم لاتجعلنا من المدخنيين والمخزنيين)

رمضان كريم وتصوم وتفطر على خير

حقيقة ان المدخنين ومع الاسف الشديد انا منهم بعد الفطور مباشرة ينصب التفكير في اشباع رغبة التدخين , الله اعنا على ترك الدخان , وشهر رمضان فرصة طيبه لتحقيق الاقلاع عن التدخين , لكن الامر يحتاج الي قوة عزيمه واصرار , ولدي قناعه ان المدخن لا يمكنه الامتناع او الاقلاع عن التدخين بصورة مباشرة , بل قد يحتاج الامر عند الغالبيه من المدخنين للتدرج في تقليل كمية الدخان ومن ثم الاقلاع عنه .
اما الاخوه اليمنين فهم يفكرون في القات بدرجة تفوق تفكير المدخن , وتجد اعداد كبيره منهم في اسواق القات قبل موعد الافطار , وحسب ادعائهم ان للقات طعم ومزاج اخر في رمضان , وليس هناك حالة من التعب او ما يعرف بـ ( الخرمه ) اثناء صيام اليمني للقات , فهم لا يتأثرون كالمدخنين لتأخر القات من موعد الاساسي عصراً الى ما بعد صلاة التراويح . ولأكل القات ملحقات ضروريه كالماء البارد او المشروبات الغازيه والدخان , وبعضهم يتناول القات على حلوي النعاع او سكر المكعبات .
خلاصة الامر ان القات يسيطر على اكثر من 80 % من الشعب اليمني .

وادعو الله ان يوفق جميع المدخنين لترك الدخان دون رجعه واغتنام فرصه هذا الشهر المبارك .

وحقيقة سعدت جداً بوجودك استاذ / بدر الدين
فقط مازلت اطمح في وجودك بالبوست حتى ننهل من فيض علمكم .

وتقبل الله صيامك [/

[عمرسنهوري]

الحبيب مهيد

رمضان كريم وياريت نشوفك في السودان قريب .
سؤال صغير

اتخرجت من الجامعه سنة كم ؟؟؟
عاوز اسالك من زول
بمشي وبجيك راجع عندي ليك اسئله كتيره

[محمد الجزولى]

اخي / محمد الجزولي
( حيدر كان عندو كديسه , بحبها جداً جداً وانا عندي كلبه اسمها ( مائير ), المهم كانت الدنيا لسه بخيرها وحيدر بيقسم من اللبن حق البيت للكديسه , ويوم انكشح اللبن من حيدر , والكديسه جاعت جوع شديد , فغسل حيدر حلة اللبن وكباها للكديسه , الكديسه اخدت الجغمه الاولى وعرفت انو ده ما لبن وصاحت : مياو مياو مياو , وضحك حيدر وقال : شوف يا مهيد الكديسه قالت شنو , قالت مياهو مياهو مياهو .
هههههه هههههههههه ههههههههههه

هههههههههههههه .. والله ضحكتنى اخى مهيد ورجعتنى لذكريات حلوه وجميله وشخصيات لا زالت اثارها باقيه بالذاكره
شكرا اخى مهيد ... وبجيك راجع تانى اكيد

[أبو حمزة]

الأخ الصديق مهيد: تحايا رمضانية وشوق متدفق.. كم قد احترت في الكتابة إليك .. نحبك بكل تفاصيلك الرائعة..

وأنت بجد محبوب الكل..

توووش سؤال .. بس قرِّب تعال::

طبعاً الغربة ألوان..

كنت بتمنى تصف لي الأحوال في اليمن الشقيق تبدَّلت..؟؟

أم لا زال التقدير للسوداني ..؟؟

واحترام المعلم..والثقة في السوداني وبيتو دون الآخرين!!

[مهيد ود السفاح]

الحبيب مهيد

رمضان كريم وياريت نشوفك في السودان قريب .
سؤال صغير

اتخرجت من الجامعه سنة كم ؟؟؟
عاوز اسالك من زول
بمشي وبجيك راجع عندي ليك اسئله كتيره

الغالي عمر
رمضان كريم وتقبل الله صيامكم وقيامكم

والله الشوق كاتلني عديل للسودان وادعو الله ان يرفع القدم في رمضان ان شاء الله .

انا اتخرجت من الجامعه سنة 2000 م
وجهز اسئلتك وتعال انا منتظرك
اسمع يا سنهوري
وانت جاي جيب لي معاك مويه ساقطه من الزير خليني اغسل وشي ده .
هههههههه هههههههههه تخاريف سيد جرسه .

[وضاحة]

ود السفاح انت مابتعرفني انا واحدة متلبة جدية لنججججججج



بخش تووووووووش المهم انا شبة عرفتك زي ماقالو انت

اسمك ماليك اهااااااا سبب التسمية ؟؟؟ انت مايوي المولد ولاشنو يعني


بالعربي الراحل الله يرحموا نميرى يبقى ليك شنو؟؟؟؟؟؟؟؟


مهيد ندلعك شوية:

كلمات من: والي منو؟؟

من النت:

التلفزيون:

الصحيفة اليومية:


تخريمةةة: يبمناسبة ندوية:شغل لينا شباب مدني الله فوقوا مع حتة كاربة منك

[عمرسنهوري]

اسمع يا سنهوري
وانت جاي جيب لي معاك مويه ساقطه من الزير خليني اغسل وشي ده .
هههههههه هههههههههه تخاريف سيد جرسه .

قلنا ثنائي الجرسه عبدالرحمن والعاقب
جاهم تنين بقو ثلاثي هسه نضيف ليهم د السفاح
يبقو رابطه ومعاهم تغريد والملكه .

[عمرسنهوري]

الحبيب مهيد

عندي زول كنت عاوز اسالك منو لكن انت صغير بالنسبه ليهو
اسمو يوسف احمد عبدالرحمن سنهوري
درس في القضارف -ا قتصاد

[عمرسنهوري]

حبيب الكل مهيد
نمشي شوية رياضه ونجي


لاعب في المريخ تمنيته في الهلال ؟؟؟؟؟؟
لاعب في المريخ تخشاه في مباراة القمه ؟؟؟؟؟؟؟
هدف في شباك الهلال لم تنساه ؟؟؟
هدف للهلال لم تنساه ؟؟؟؟

[مهيد ود السفاح]

الأخ الصديق مهيد: تحايا رمضانية وشوق متدفق.. كم قد احترت في الكتابة إليك .. نحبك بكل تفاصيلك الرائعة..

وأنت بجد محبوب الكل..

توووش سؤال .. بس قرِّب تعال::

طبعاً الغربة ألوان..

كنت بتمنى تصف لي الأحوال في اليمن الشقيق تبدَّلت..؟؟

أم لا زال التقدير للسوداني ..؟؟

واحترام المعلم..والثقة في السوداني وبيتو دون الآخرين!!

الغالي ابو حمزه
رمضان كريم وتقبل الله منا ومنكم صالح الاعمال ان شاء الله

اما محبة الناس فهي كل ما املك في هذه الدنيا الفانيه .

اما السودانين فهم اصحاب تقدير ومكانة رفيعه في كل مكان يتواجدون فيه , والسودانين دائماً خير سفير لبلادهم , وفي اليمن مازال السودانين يحتفظون بمحبة وتقدير الشعب اليمني , وخصوصاً ان جل المتعلمين في اليمن يعود الفضل في تعليمهم للسودانين دون سائر البلدان الاخرى .
والرأي عندي انها مهمة صعبة للغاية ان تحافظ على تلك المكانة التي خلقها جيل سابق , فالمطلوب العمل على تأكيد احقية السودانين بتكل الثقه , وهذا لن يأتي الا وفق ثقافة معينه نسعى لتعميقها في كل سلوكياتنا في بلاد الغربه .
ولك ودي يا غالي

[هيثم ادروب]

الاخ ودالسفاح .. لك ميزة في كل شي ..تترك اسرك وانت تسبح في حنايا المنتدي ..تعجبني ردودك .. وصراحتك خاصة في الثقافي ..مرح جداً في العا والنفاج .. متدين في الاسلامي اما الرياضي فيظهر لنا شخصية عدائية علي عكس طبيعة شخصية مهيد والسفاح ..رمضان كريم وربنا يلمنا فيك في السودان ان شاء الله

معليش جيتك متأخر شوية ..

بس قلنا ندي الجماعة ديل فرصة ..

وعندي ليك شوية اسئلة من الدكشنري بتاعي ..

مهيد انت زول مثقف حسب معرفتي بيك في المنتدي .. حصل جربت مرة تكتب اي حاجة ..؟

رايك شنو في المنتدي بصورة عامة ..؟

ماهو الشي الذي اضافه المنتدي الي مهيد ..؟

رايك بصراحة في الاشراف بصورة عامة ..؟

هل عرض عليك الاشراف في المنتدي ..؟

واذا عرض عليك لماذا رفضت ..؟

مهيدبتسمع لي قديم وجديد ..؟

رايك شنو في مطربين اليومين ديل ..؟

الاحوال في السودان ماشة في تحسن من وجهة نظرك السياسية ..؟

لو بقيت رئيس جمهورية ازكر اول ثلاث قرارات حتصدرها ..؟

بلف وبجيك تاني ..

[مهيد ود السفاح]

حبيب الكل مهيد
نمشي شوية رياضه ونجي


لاعب في المريخ تمنيته في الهلال ؟؟؟؟؟؟
لاعب في المريخ تخشاه في مباراة القمه ؟؟؟؟؟؟؟
هدف في شباك الهلال لم تنساه ؟؟؟
هدف للهلال لم تنساه ؟؟؟؟

لاعب مريخي تمنيته في الهلال : اولاً اخي سنهوري لابد ان تكون الكفة متوازنه والا فعلى الارض السلام , اما اللاعب الذي تمنيته وبكل صدق في الهلال هو

عبد الحميد السعودي

فهو لاعب فنان بمعنى الكلمة ولو اتيحت له الفرصه كاملة فهو خطير خطير جداً , راجع اخي سنهوري الهدف التالت للمريخ في جمعية الشلف وانت بتشوف السعودي .

لاعب مريخي اخشاه : برضو عبد الحميد السعودي وكل لاعبي المريخ اعمل لهم الف حساب , فليس في المريخ لاعب سئ ابداً , فلاتنسى انها القلعه الحمراء

هدف لن انساه للهلال : اكيد هدف مساوي التالت في نسارواه ( فانا مت وحيت في تلك المباراه في 2007 م

هدف في شباك الهلال : اي هدف في شباك الهلال لا يمكن ان انساه , ولكن هدف فلافيو لاعب الاهلي الاول الذي زاحم فيه عمار رمضان وذاد من ارباك لاعبي الهلال لينالوا الثاني وتنتهي المباراة 2/ صفر في القاهره وكانت المباراة تشير الى التعادل صفر للجميع .
وفي انتظارك يا رائع

[مهيد ود السفاح]

ود السفاح انت مابتعرفني انا واحدة متلبة جدية لنججججججج



بخش تووووووووش المهم انا شبة عرفتك زي ماقالو انت

اسمك ماليك اهااااااا سبب التسمية ؟؟؟ انت مايوي المولد ولاشنو يعني


بالعربي الراحل الله يرحموا نميرى يبقى ليك شنو؟؟؟؟؟؟؟؟


مهيد ندلعك شوية:

كلمات من: والي منو؟؟

من النت:

التلفزيون:

الصحيفة اليومية:


تخريمةةة: يبمناسبة ندوية:شغل لينا شباب مدني الله فوقوا مع حتة كاربة منك

الصباح الباهي لونك
وضاحه يا فجر المشارق
غابة الابنوس عيونك

تسلمي وضاحه ورمضان كريم
التسميه : طبعاً المسؤلية كامله يتحملها جدي الهادي بابكر فعلى ما يبدو لي ان الرجل متأثر بتأريخ الدولة العباسيه , فوالدي هو السفاح وله اخوه ( اعمامي ) مصعب , والحارث , والرشيد , والمرضي , وفيصل , حيدر , ومعتصم , وكلها اسماء تشير بوضوح لتأثر الرجل بالدولة العباسيه , حتي اسم جدي ( الهادي ) هو اسم لخليفة عباسي , ولا توجد علاقة بيني وبين الرئيس الراحل / نميري سوى انه رئيسي من 1969 وحتي ابريل 1985 .


ومن النت : افتتح يومي بالنت ومنتدى ست المدائن ومنه انهل الكثير .
التلفزيون : اتابع الاخبار ومباريات كرة القدم وبعض البرامج والتلفزيون انيسي في وحدتي .
الصحيفه : الصحافه اتابعها من النت وكذلك الرأي العام , وقوون والصدى .

تعرفي يا وضاحه كل هدة الاشياء لا استطيع الاستغناء عنها ابداً .

ومشكوره على المشاركه
وفي انتظارك يا لنججججججج

[العاقب مصباح]

جينا نطمئن عليك

ولقيناك الحمد لله ولا متجرس ولا حاجه

بس اختى ادروب

وملكة القلوب

والباقى هين