يادرديرى ... ويييييييييينك ... ؟؟؟؟

[ابوخالد]

السادة معجبى الكاتب الرائع

درديرى كباشى( أبوالدر ) ...

ملك القصة

نناشدكم من يملك معلومة عن غياب كاتبنا الرائع

فليمدنا بها ....

لأنه طلب من أخونا أشرف السعيد قصيدة من خربشاتو يرسلا للعيال أشواق وحنين

وكده ...

وأشرف رفض .... وأتمنى أن نطمئن عليه ... وح نكلم ليهو شاعرنا الرئع

العاقب أو ود جلالة يكتبوا طلبه ....

بس يرجع لداره وكتاباته .... والباقى كله هين ..

[العاقب مصباح]

ياخى درديرى يغيب

دا لا يمكن ولا يجوز


والقصيدة العايزها على بالطلاق طلقانة مرتى اقولها ليهو

بس تفوت الجرسة دى

يا ابو خالد انت تامر بس

وجلالة يدوبى

:d:d:d

ويا درديرى تعال لينا جاى

وفرحنا وابو خالد

وكل الناس البتحبك

[أشرف صلاح السعيد]

تحذيـــــــــــــــــــــــــــــر..

أخى واختى العضوة إحذروا الإشاعات..
ابوالدر موجود والخبرية بلاغ كاذب من مواطن له أجندة خفية..

أبوخالد شكيت محنك .. الفصيدة وكاتب القصيدة فدى ابو الدر..
أرجع للرد "القصيدة ماللسلف وماعندها صاحب..وهى حقت جميع العشاق وأنتا عاشق"..
بالله عليك دا هسى رفض؟؟
هااااى ماتلخبط بينى وبين ابو الدر الفردة..
وانتا يالعاقب ياسريع الذوبان ماتتوكد يااخوى العول وبعدين تجى ناقز..
علا لقيتكم ناس أوشاعات جد..

ورمضان كريم على الجميع..

[درديري كباشي]

علي باليمين ما اشرف قال قصيدته ملك حر ما للاستلاف يعني عاملها سبيل .. يمين من شوية فتحت القصيدة واتصلت بام العيال وقريتها ليها لا من دموعها جاتني بسماعة الجوال .. بس المشكلة حجز ما في اليومين ديل المغتربين يكابسوا في المطارات خافوا من المطره...
اولاد اشرف قالوا هم ما خايفين من المطره بس خايفين من السبلوكة ما تقيف ومافي ضبه يقفلوها منها عشان كدا جايين راجعين انشاء الله بركشة .

[أشرف صلاح السعيد]

علي باليمين ما اشرف قال قصيدته ملك حر ما للاستلاف يعني عاملها سبيل .. يمين من شوية فتحت القصيدة واتصلت بام العيال وقريتها ليها لا من دموعها جاتني بسماعة الجوال .. بس المشكلة حجز ما في اليومين ديل المغتربين يكابسوا في المطارات خافوا من المطره...
اولاد اشرف قالوا هم ما خايفين من المطره بس خايفين من السبلوكة ما تقيف ومافي ضبه يقفلوها منها عشان كدا جايين راجعين انشاء الله بركشة .

ظهر الحق وزهق الباطل ان الباطل كان زهوقا..
ابوالدر حبيبنا الله ينصر دينك برأتا ساحتى ..شفتا محن ابوخالد دى؟
الله يجيب ام العيال بالسلامة يارب وتلاقى حجز قريب..
والله الليلة بقيت ليا زى عشة الفلاتية "واخوى الكاشف" هسع خليك فى ناسك انا ساهل اولادى فى المدينة وليهم يادوب عشرة ايام..


كيا:
ابوخالد: عاد تودى وشك تانى وين؟؟؟؟؟؟

[درديري كباشي]

مالك عاوز تبوظ لي حفلتي يا ابو صلاح

هو اولادك في المدينة وانت كابي جرسلين قدر دا مالك ..

ومال لو نزلوا السودان وسرقوا جوازهم وناس السفارة تنكروا ليهم كان كتبت شنو..

بعدين عاوز تعمل لي زي دعاية خديجة وقعت من البلكونة مالك ..



ورغما عن اني ما قادر اربط بين وقعة خديجة وبوهية المهندس ..



امك خديجة وقعت تاني