كلام فى السر

[الخواض محمداحمد خواض]

ياخواض
ياجماعة الحكاية شنو
انت باين عليك مشغووووووووول
والأسرار عندك انتا...
كيف أخبار الملاريا أتمنى أن تكون قد تعافيت تماماً..
انتا وأبوحمزة !!! لالالا دي عين عدييييييييل
اها سر الحكاية دي اسوي عليهو شنو؟؟؟؟

معليش يا الزونيه جولة الصباح
من البيت للمنطقه للسوق الكبير
ومرات الواحد بيتوقف عند حسن بتاع السمك فى السوق الصغير
لزوم الفطور وكده
وبعدين ماشاء الله معاك ود الطاهر وعبد الرحمن ابو مزن
واسماء بقى دى عندها ترحيب خاص
الحمد لله ولت الملاريا
لكن ابوحمزه جرسه ساى وبتحجج
والعلاج الفعال مش التطعيم بل بل الشوق بإجازه سريعه

[الخواض محمداحمد خواض]

كنت تعلمني اتصبر في بعدك..ان شاء الله برسالة في الخيال تفهمني انك .. احتمال
تطول غياب

واسماء بقى دى عندها ترحيب خاص

والله ياملكه اتلخبت شويه الى ان رجعت وتأكدت من ان الملكه هى اسماء واسماء هى الملكه رسونا يا إخوان باين طلعت خارج الخط

[أبو حمزة]

غبت بس لحظات.. كح.. كح.. هاااتشن..!! استغفر الله ..هي .. الحمد لله ..
(.. .. .. .. .. )..
( يهديكم الله و يصلح بالكم). .بس ما أغيب..ألقى ليك الناس كلَّها مجتمعة..إنتو عندكم (ربيد)؟؟

أنا قلت الناس ديل يكونوا ضابحين ولا شنو..!!

يا أخوتي : أنا متابع معاكم.. وإن كانت الحياة شغلتني عنكم شوية.. ( ربي يشغلكم بطاعته)..
قولوا آمين.. تاكلوا...

ما قادر أرد على كل زول لوحده.. فاسمحوا لي أشخبط شخابيط .. وإنتو بس جيبوا الألوان..
( أكيد ود السجانة بكون حافظها.. ما أصلوا هو بتاع شخبطة.. و الوحيد المربح ناس الدهانات..)..

يا ود الطاهر.. خلي المشاكل..أنا ما فيني ليك حيل.. أقول ليك عندي إلتهاب وتعبان.. تضحكني.. وتلعب علي.. يا أخي دي عملية ده..(واحد بالياء والثانية بالهاء.. موش على كيفي..؟؟) .. تلعب علي في التلفون وتعمل فيها حبوبة كبيرة.. سبحان الله إنتو المدرِّسين ديل بعلموهم أول شيء التمثيل و لا عندهم مواهب ساااي..!! أنا ما تخيلت أبداً الحكاية تمثيلية.. بعدين الكلام القديم والحنين و السمح دااك بتجيبو من وين.. على كلٍ أسعدتني وشلت مني الورده ذاتها..

ويا خوَّاض: جايب الحيكومة لمنو؟؟.. وناي شندي فوق إنتو (بفلكوكم).. لكن أنا لي هسع ما شفت حاجة ..!! مسكين ويتيم (مالكم ) عليَّ..!!بس بصراحة تلفونك كان جميل.. لأنك إنت جميل.. وفيك الصدق وبتعرف تختار الألفاظ.. . تبارك الله عيني عليك باردة.. ( ما أنت عارف سر إنو أمي رباطابية) بعدين تقول أنا سحرتك.. لا .. لا .. يا أخوي.. أنا ذكرت الله.. شوف ليك سبب تاني.. والمعجبين كتاااار..!!

ويا أسماء: شكراً على الروعة والإهتمام. . وصدقيني الإنسانة البتهتم بالعلاقات الإنسانية .. ده إنسانة ما عادية..!! ونحن بصراحة مفتقدون حضورك .. وسائلون عنك.. بس كونك طلِّيتي وقلتِ عندك مشاغل.. نحن مقدِّرون..!! بس لا تطولي الغيبة .. فزياراتك بتدعم فينا روح التواصل..
ويا عقبة: يا حبيب الفراولة.. وشوية منقة.. أعجز أن أقول سوى.. والله يا أخي مشتاقون..!!
متمني أسمع صوتك.. عديل كدة.. واحشني..ترريرارا.. وااحشني..( بتاعة أبو عركي ده..)..إن شاء الله ربنا يوفقك في كل ما ترجوه.. ويسدِّد في الحياة خطاك..( خوَّتك سمحة)..!!

ويا الزونية: يا سمحة الترحاب وصافية النية.. كل السعد في الحياة بمقابلة الوعي الشامخ .. والسمو عن الصغائر .. نكرات الذات.. واحترام الآخرين..سلمتِ أختي وربنا يحفظك لبيتك وأهلك وناسك.. وتظلي شعلة تضيئ للناس الدروب..!! تصلحي المعوج.. وتعمري ما في القلوب.. ففيك تتجلى روح القيادة.. وتواضع الفهم والذوق..فأنت مثال لحواء .. الواثقة.. والرزينة.. والصابرة..والمشاركة.. والواعية.. وشرف لكل من كان لك أخ أو صديق..

أسأل الله يكرمك.. مثلما أنتي تكرمين الناس ببذر روح التواصل وبشاشة الترحاب.. كأنني أراك تستقبلين الناس وتودعينهم لجوار الباب.. سماحة أهلنا .. وطيبة مدني ..

وحقيقة مدني تفخر بهكذا نساء ورجال وشباب..!! شكراً لكم في كل ما مضى.. وشكراً برضو فيما هو آت..!!

[الخواض محمداحمد خواض]

يا ابو حمزه
كل الاخوان رديت عليهم
ود الطاهر وخواض واسماء وعقبه والزونيه ونيست زينة الشباب يعنى علشان ذكر الصلعه طنشتو وله خدعة ود الطاهر طششت العيون
بعدين يا اخوى ما فيش مظهر للرقم والله قصتك قصه
وبرافو يا ود الطاهر إظهار رقم : زينة الشباب عبد الرحمن مدثر ( ابو مزن ) الواحد راسه لافى ده العجز وله إيه
الله يكضب الشينه

[أبو حمزة]

ناس الاسراااار

سلام

جيت لصاحبى (ابو صلعة ) عفوا ابو حمزة

من عصرتى بهناك

داير اعمل ليك عصير فراولة مدهش

حمدالله على السلامة

وبركة الشفناك طيب

وسلامى يوصل

لكل الاحباب

شوية جوطة

وبنجيكم

الحبيب الرجل القريب.. الأديب الأريب.. تحياتي.. وأشواقي.. شايفك معصور بهناك..

ولاموني فيك الحبائب.. الخوَّاض قال لي نسيت ترد على الزول ( عشان قال ليك صلعة).. طيِّب أنا صلعة.. والقدامي (سحابة صيف..!!) ..

هو ما عارف إني قاصد أرد ليك براك.. يعني كلام تحت تحت.. يا حبيبنا أنا مفتقدك شديد.. وبصراحة.. زهجت من حاجات كثيرة.. خلتكم مشغولين.. يعني بصراحة.. أنت وواحد إسمو أبا قرجة.. بحس شكري وكلامي وتلميحي وأشواقي وكل حاجة مني فيهم مجروحة.. يا أخي أنا شفت الهندسة أبا قرجة.. الذوق والفهم والعلاقات الممتدة.. بصراحة بخجل منو؟؟

وأنت ما شفتك .. وده المجنن بوبي.. يعني ما خُفيَ أعظم..متابع كل كتاباتك. . ومرات و الله ما بخل..بس بلقى نفسي أنتشيت.. فبرجع حتى من غير ما أقفل الجهاز.. يعني تقول أنا طول اليوم في النت.. وأنا أكون سكرت من عبارة ولا رد ولا قصيدة .. خاااصة بت الناس السموها ( بت مارنجان ده).. يا صاحبي ده تبارك الله ما ساهلة.. تبارك الله كتابة بمزاااج.. واختيارات تعجب.. شفته ذي ديل بخلوك تسرح 1000 مرة.. الله يحفظ بنات بلادي وأولادها و ناسها وكل البسعدو غيرهم..

بحس في كتاباتي ليك تقصير.. عشان كدة لي حق يا خوَّاض أزوغ.. وأبرز رد خاص لحبيبنا الخرباش.. ولا شنو..!!

لكن أكيد أكان الله أدانا العافية بنتلاقى.. ويتحقق حلم عيني.. وأبل شوقي.. وبكرة قريب..
ويا الزونية : شوفي البيت ده معطَّر كيف.. الخرباش الغالي الظريف.. الذوق المرهف.. والكتابة البتروي.. وطبعاً أنا من زمان قلت معجب بعقبة.. بس هو ما عاوز يرسل لي صورة خااصة.. ( يا ريت بالجلابية..) وما ضروري بيضة مكوية.. حتى لو ما سودانية.. ما مشكلة .. المشكلة شوفة الصورة هي ذاتها بكت المشكلة..

[صلاح ودالطاهر]

الفكره
الوعي
الجمال
القناعه
توصيل المعلومه
النقد
الضحك
والكثير من جمال هذا البوست

يكفي بداية الفكره والتطور الذي حدث وابداعات الاخوان والاخت الغاليه الزوينه

كلام في السر حتماً البوست يستحق التثبيت

مشاققه
اها من دربي للدبابيس والشاكوش

نستاذنك عزيزي صاحب البوست للتثبيت

[الملكة اسماء ( ام محمد )]

استاذي صلاح (عمدة النفاج)
سيد الذوق والواجب
لفتة بارعة
تشكرات لحد مايجي سيد البيت

[الملكة اسماء ( ام محمد )]

واسماء بقى دى عندها ترحيب خاص

والله ياملكه اتلخبت شويه الى ان رجعت وتأكدت من ان الملكه هى اسماء واسماء هى الملكه رسونا يا إخوان باين طلعت خارج الخط

انا هي ملكة القلوب زااااااااااتها
مابراك الطشيت في الحتة دي

[الملكة اسماء ( ام محمد )]

ويا أسماء: شكراً على الروعة والإهتمام. . وصدقيني الإنسانة البتهتم بالعلاقات الإنسانية .. ده إنسانة ما عادية..!! ونحن بصراحة مفتقدون حضورك .. وسائلون عنك.. بس كونك طلِّيتي وقلتِ عندك مشاغل.. نحن مقدِّرون..!! بس لا تطولي الغيبة .. فزياراتك بتدعم فينا روح التواصل..

واوعدك لو اغيب عن باقي الزوايا ...تكون الزاوية دي ملاذي لما اختنق من ضجة الكلمات المنمقة

[صلاح ودالطاهر]

استاذي صلاح (عمدة النفاج)
سيد الذوق والواجب
لفتة بارعة
تشكرات لحد مايجي سيد البيت

كما توقعت وصدق حدسي ان تكوني انت او ابا حمزه الذوق والواجب يفوت منكم وين انتم من علمتمونا له فانتم كل الجمال والذوق والفهم والتعامل الراقي

مشاققه
انت يابت بتمشي وين ومالو جيتك بقت بالقطاره لو في زول زعلك كدي نلبس جلابتي جناح ام جكو ونشيل عكازي ونمشي ليهو

[صلاح ودالطاهر]

انا هي ملكة القلوب زااااااااااتها
مابراك الطشيت في الحتة دي

تعرفي سبب الطشه بتاعتو
وكلام في السر

عندو نية الدبل هوووووووووووووووووووووووووووووووووووي انا ما قلت حاجه والدليل



تحت

تحت

المشاركة الأصلية كتبت بواسطة الخواض محمداحمد خواض
يادوب المشاكل بدت

انت عاوز ناس شندى فوق يفلقونا بالحجاره
زى سيرات زمان

بعدين الدبيل ده خليهو لينا عندنا نيه

[عبدالرحمن مدثر]

الفكره
الوعي
الجمال
القناعه
توصيل المعلومه
النقد
الضحك
والكثير من جمال هذا البوست

يكفي بداية الفكره والتطور الذي حدث وابداعات الاخوان والاخت الغاليه الزوينه

كلام في السر حتماً البوست يستحق التثبيت

مشاققه
اها من دربي للدبابيس والشاكوش

نستاذنك عزيزي صاحب البوست للتثبيت

ياسلااااااااااااام على على عمدتنا

لاتعليق امام روعتكم








بجيكم برواااااقة

[صلاح ودالطاهر]

ياسلااااااااااااام على على عمدتنا

لاتعليق امام روعتكم








بجيكم برواااااقة

ياخي انت جميل ذي تراب بلدي وحنين حنية اهلي الشوايقه ووريف زي منقة بلدنا


مشاققه
ما تجي مانجو تقول انا المنقه وتقول ليك ارح معنا عقد الجلاد اصلها ماشه الحصاحيصا

[أبو حمزة]

طبعاً ما عرفت اقتبس مشاركة منو.. ومن وين..!!

لكن أنا فرحان.. مبسوط.. هذا انتصار للكلمة الصادقة النابعة من جووووة..!!
ويا أستاذ ود الطاهر.. لك قفشات .. وحلو زيارات .. ومتابعات.. ونقد للذات.. شيء يذهل .. ويسر البال.. ويجعل التقدير يجي من جوووة الجوووة..!!

يعني ما سألتَ نفسك حب الناس ليك جاااي من وين؟؟
ذكرتني مدير كبير عملت معه.. كان يداعب كل الناس.. يضحك مع هذا.. يمازح ذاك..وهكذا..
ولكن هذا .. وذاك.. لا يستطيعون أن يمازحون دون حفظ المقام.. فتحس له هيبة.. وحاجة كدة عالية..!! قصدي : أنت تتمنى لو يمر بعندك.. إذا مازحك تناظر حولك .. وتقول في سرِّك: يا ريت لو كل الناس يشوفوا وقفته معي.. تحس برفعة وسمو.. وسعادة وتقدير .. وخصوصية..!! فأنت كذلك حينما تزور أحدهم في بوست.. أو تذكر آخر بكلماتك..
أنت تشرِّفنا .. لكونك تعرف كل حدودك.. لنضجك الكامل ومدفق.. ووعيك منقطع النظير .. فأنت بعيد كل البعد عن الشبهات..كبير من كلماتك .. وتاريخك.. ومكانتك.. لذا لا ضير أن تكون الناصح والعمدة..!! ولك الكل يسمع..!! وفي وصالك يطمع..!!
فأنت تحمل أغلى قيم الحياة.. والرسول صلى الله عليه وسلم بُعثَ معلماً .. ومتمماً للأخلاق..
قُمْ للمعلِّمِ وفهِ التبجيلا *** كَادَ المعلِّم أنْ يكونَ رسولا

وحفظاً للمقامات.. ومن حسن الأدب.. ننتظر صاحب الدار..
يا الزونية .. ولا شنو..!!

[صلاح ودالطاهر]

طبعاً ما عرفت اقتبس مشاركة منو.. ومن وين..!!

لكن أنا فرحان.. مبسوط.. هذا انتصار للكلمة الصادقة النابعة من جووووة..!!
ويا أستاذ ود الطاهر.. لك قفشات .. وحلو زيارات .. ومتابعات.. ونقد للذات.. شيء يذهل .. ويسر البال.. ويجعل التقدير يجي من جوووة الجوووة..!!

يعني ما سألتَ نفسك حب الناس ليك جاااي من وين؟؟
ذكرتني مدير كبير عملت معه.. كان يداعب كل الناس.. يضحك مع هذا.. يمازح ذاك..وهكذا..
ولكن هذا .. وذاك.. لا يستطيعون أن يمازحون دون حفظ المقام.. فتحس له هيبة.. وحاجة كدة عالية..!! قصدي : أنت تتمنى لو يمر بعندك.. إذا مازحك تناظر حولك .. وتقول في سرِّك: يا ريت لو كل الناس يشوفوا وقفته معي.. تحس برفعة وسمو.. وسعادة وتقدير .. وخصوصية..!! فأنت كذلك حينما تزور أحدهم في بوست.. أو تذكر آخر بكلماتك..
أنت تشرِّفنا .. لكونك تعرف كل حدودك.. لنضجك الكامل ومدفق.. ووعيك منقطع النظير .. فأنت بعيد كل البعد عن الشبهات..كبير من كلماتك .. وتاريخك.. ومكانتك.. لذا لا ضير أن تكون الناصح والعمدة..!! ولك الكل يسمع..!! وفي وصالك يطمع..!!
فأنت تحمل أغلى قيم الحياة.. والرسول صلى الله عليه وسلم بُعثَ معلماً .. ومتمماً للأخلاق..
قُمْ للمعلِّمِ وفهِ التبجيلا *** كَادَ المعلِّم أنْ يكونَ رسولا

وحفظاً للمقامات.. ومن حسن الأدب.. ننتظر صاحب الدار..
يا الزونية .. ولا شنو..!!

ياخي ده كلام كبير علي تشكر ابا حمزه حباك الله وحبب خلقه فيك انت رجل ناصع البياض تحمل في دواخلك قلب طفل لايحمل الحقد ولا غل علي احد ولا ولا ..........رجل بشوش حباك كل من راءك تحمل في فؤادك كل الخير ولكل الناس كنت وين زمان لورجع الزمن لجلست القرفصاء لاستمع لذك المعلم اباحمزه عفواً استميحك ان ادعبك بالدارجية وهي قفشه

قفشه
لكن لابد من الدعابه كلامك ده زكرني قصة واحد مشي لبتاع
الا رضحالات عشان يكتب ليهو ارضحال ويقدم التماس لمكان ما اها زولك وره الراجل راس الخيط وسكت وبتاع الارضحال كتب كلام وكم صفحه كده اها بعد انتهي من الكتابه بدأ يقري لزول اها الزول يسمع ويبكي الراجل سالو يا زول مالك بتبكي قال ليهو ياخي الكلام ده كلو فيني وحاتك الخطاب ده لو اديتو ابو كبيره يصدق لي بعمارتين وعشره عربات كارو موش شوال سكر هسع دحين كلامك ده ببقيني رئيس جمهوريه راسو عديل موش عمده في حي شعبي

[أبو حمزة]

طبعاً ما عرفت اقتبس مشاركة منو.. ومن وين..!!

لكن أنا فرحان.. مبسوط.. هذا انتصار للكلمة الصادقة النابعة من جووووة..!!
ويا أستاذ ود الطاهر.. لك قفشات .. وحلو زيارات .. ومتابعات.. ونقد للذات.. شيء يذهل .. ويسر البال.. ويجعل التقدير يجي من جوووة الجوووة..!!

يعني ما سألتَ نفسك حب الناس ليك جاااي من وين؟؟
ذكرتني مدير كبير عملت معه.. كان يداعب كل الناس.. يضحك مع هذا.. يمازح ذاك..وهكذا..
ولكن هذا .. وذاك.. لا يستطيعون أن يمازحون دون حفظ المقام.. فتحس له هيبة.. وحاجة كدة عالية..!! قصدي : أنت تتمنى لو يمر بعندك.. إذا مازحك تناظر حولك .. وتقول في سرِّك: يا ريت لو كل الناس يشوفوا وقفته معي.. تحس برفعة وسمو.. وسعادة وتقدير .. وخصوصية..!! فأنت كذلك حينما تزور أحدهم في بوست.. أو تذكر آخر بكلماتك..
أنت تشرِّفنا .. لكونك تعرف كل حدودك.. لنضجك الكامل ومدفق.. ووعيك منقطع النظير .. فأنت بعيد كل البعد عن الشبهات..كبير من كلماتك .. وتاريخك.. ومكانتك.. لذا لا ضير أن تكون الناصح والعمدة..!! ولك الكل يسمع..!! وفي وصالك يطمع..!!
فأنت تحمل أغلى قيم الحياة.. والرسول صلى الله عليه وسلم بُعثَ معلماً .. ومتمماً للأخلاق..
قُمْ للمعلِّمِ وفهِ التبجيلا *** كَادَ المعلِّم أنْ يكونَ رسولا

وحفظاً للمقامات.. ومن حسن الأدب.. ننتظر صاحب الدار..
يا الزونية .. ولا شنو..!!

بعد الاتصال على الراجل الحبيب أول من خطَّ كلمات البوست الأخ : الخوَّاض .. والأستاذة الزونية .. ( الناس الكبار).. تمَّ الآتي:-
أبو بودي : يقول : أنا خارج التغطية.. وبرَّة المكتب..وبدوري أفوِّض أخوتي لتقديم الشكر الجزيل .. للأستاذ (العمدة)..(عمدة النفاج).. ونحن أسعد الناس بقرارك الذي ينم عن تقديرك الكبير .. و متابعاتك الجادة.. وأنت قد طوَّقت أعناقنا بجميل وأوليتنا بالثقة والتقدير.. فلك كل التحايا.. ونحن عاجزون عن التعبير...!!!
أما الأستاذة: الزونية : فتقول.. بشَّركم الله بالخير.. وذلك كان مناي.. أن أرى بوست: كلام في السر في المقدمة .. وحقيقة كل من يرتاد كلام في السر ..هم أهل ثقة .. وناس جادَّة تنشد الترابط .. والتواصل .. و العمل المفيد .. والمتابع يجد ذلك.. بل ويحسُّه..
وبدورها شكرت العمدة.. بكلام .. أفضِّل أن تتكرَّم متى ما سمحت لها الفرصة بقوله..! وهي الآن بعيدة عن الكي بورت..

ولكن الخوَّاض .. ويا الزونية .. لا بد أن نعود..!! ولا شنو..!!

ما دام .. لا خوَّاض .. ولا زونية.. أنا بعمل إنقلاب.. وبتسغل الثقة ( دية).. وبقول.. :

مرحباً بقرارك يا عمدتنا.. وقد صادف مكانه يا أستاذ.. نحن نرحِّب بالفكرة.. جداً .. وسعيدين بكل ما تحمل الكلمة من معانٍ .. وزيادة..!!

ومن هنا هي دعوة لكل الجادين.. أن هلمُّوا لنعلي شأن هذا البوست.. فهو ليس تحدِّي.. ولكننا نأمل بأن يكون له إسهام آخر في ملء .. فجوات الحياة من علم .. و ثقافة .. وصراحة و تفانٍ .. وتواصل.. وحب الخير.. ومعلومة..وتطوُّر.. ومواكبة..!!
وكل ذلك لا يتأتَّى إلَّا بكم..
( وهنا موسيقى الإنقلاب..) لا بيان.. ولا يحزنون.. إنتو من زمن بيانات.. وإحتلال الإذاعة..
لا ده إنقلاب غير تقليدي...
الموقع: أبو حمزة ( السوداني)...!!
انتهى..!!

[الملكة اسماء ( ام محمد )]

انت يابت بتمشي وين ومالو جيتك بقت بالقطاره لو في زول زعلك كدي نلبس جلابتي جناح ام جكو ونشيل عكازي ونمشي ليهو

والله موجووووودة
وبعاين من بعيد
لكن قلة مشاركاتي سببه اني ماعايزة افوت فرصة الرد على شخص رد علي ويحصل زعل
تسلم ان شاء الله ياملك الذوق

[الملكة اسماء ( ام محمد )]

تعرفي سبب الطشه بتاعتو
وكلام في السر

عندو نية الدبل هوووووووووووووووووووووووووووووووووووي انا ما قلت حاجه والدليل

والليلة والليلة
اناغايتو ماسمعتش حاجة

[بت مارنجان]

مشاققه
ما تجي مانجو تقول انا المنقه وتقول ليك ارح معنا عقد الجلاد اصلها ماشه الحصاحيصا

انا المنقة

حفلة العقد كانت يوم 10 يااستاذ في نادي الضباط ياســـــــــــــــلآم ... كانت مبالغة
انت شمتان فيني عشان ماشة الحصاحيصا " مالو ماشة مع بعلي "
والمرة في " خطرات " راجلا اينما تذهب تلحق بيه " دي وصية امي "

[الزونية]

الفكره
الوعي
الجمال
القناعه
توصيل المعلومه
النقد
الضحك
والكثير من جمال هذا البوست

يكفي بداية الفكره والتطور الذي حدث وابداعات الاخوان والاخت الغاليه الزوينه

كلام في السر حتماً البوست يستحق التثبيت

مشاققه
اها من دربي للدبابيس والشاكوش

نستاذنك عزيزي صاحب البوست للتثبيت

الأخ العزيز ود الطاهر
لك كل التحايا..
حقيقة لا أجد أحرفاً تسعفني للتعبير لك عن جزيل شكرنا وإمتناننا
لهذه الثقة الغالية التى أوليتنا إياها
وتجدني والله انا الأكثر سعادة ..حين وصلني نبأ تثبيت بوستنا الحبيب هذا.
عبر كلمات تنتشي فرحاً من أخي أبي جمزة..عبر الهاتف..
ليأخذ رائي في الموضوع.. بعد أن فشل في الإتصال بالأخ الكريم و الذي مافتئ يولينا إهتماماً ويعطينا ثقة
تحي روح الجد فينا ..الرائع الخواض..

ولقد ذكرت لأبي حمزة إنها كانت أمنيتي حقيقة ..
الشكر لك ود الطاهر على متابعتك..
وشكراً لك لتشريفنا بمقدمك الكريم..
وشكراً لك إذ تضعنا مقام تقدير وتكريم ..
وشكراً لك لصدقك وشفافية تعاملك..
لك الود
ولك التجلة
وتعظيم سلام لست المدائن
ولكل الذين تداخلو معنا..
وسركم في بير

[الزونية]

بعد الاتصال على الراجل الحبيب أول من خطَّ كلمات البوست الأخ : الخوَّاض .. والأستاذة الزونية .. ( الناس الكبار).. تمَّ الآتي:-

أبو بودي : يقول : أنا خارج التغطية.. وبرَّة المكتب..وبدوري أفوِّض أخوتي لتقديم الشكر الجزيل .. للأستاذ (العمدة)..(عمدة النفاج).. ونحن أسعد الناس بقرارك الذي ينم عن تقديرك الكبير .. و متابعاتك الجادة.. وأنت قد طوَّقت أعناقنا بجميل وأوليتنا بالثقة والتقدير.. فلك كل التحايا.. ونحن عاجزون عن التعبير...!!!
أما الأستاذة: الزونية : فتقول.. بشَّركم الله بالخير.. وذلك كان مناي.. أن أرى بوست: كلام في السر في المقدمة .. وحقيقة كل من يرتاد كلام في السر ..هم أهل ثقة .. وناس جادَّة تنشد الترابط .. والتواصل .. و العمل المفيد .. والمتابع يجد ذلك.. بل ويحسُّه..
وبدورها شكرت العمدة.. بكلام .. أفضِّل أن تتكرَّم متى ما سمحت لها الفرصة بقوله..! وهي الآن بعيدة عن الكي بورت..

ولكن الخوَّاض .. ويا الزونية .. لا بد أن نعود..!! ولا شنو..!!

ما دام .. لا خوَّاض .. ولا زونية.. أنا بعمل إنقلاب.. وبتسغل الثقة ( دية).. وبقول.. :

مرحباً بقرارك يا عمدتنا.. وقد صادف مكانه يا أستاذ.. نحن نرحِّب بالفكرة.. جداً .. وسعيدين بكل ما تحمل الكلمة من معانٍ .. وزيادة..!!

ومن هنا هي دعوة لكل الجادين.. أن هلمُّوا لنعلي شأن هذا البوست.. فهو ليس تحدِّي.. ولكننا نأمل بأن يكون له إسهام آخر في ملء .. فجوات الحياة من علم .. و ثقافة .. وصراحة و تفانٍ .. وتواصل.. وحب الخير.. ومعلومة..وتطوُّر.. ومواكبة..!!
وكل ذلك لا يتأتَّى إلَّا بكم..
( وهنا موسيقى الإنقلاب..) لا بيان.. ولا يحزنون.. إنتو من زمن بيانات.. وإحتلال الإذاعة..
لا ده إنقلاب غير تقليدي...
الموقع: أبو حمزة ( السوداني)...!!

انتهى..!!

أخي أبو حمزة ( السوداني)

الأخ الرائع الحبوب
انت بتمون بتمون والله..
وبإسم الخواض انا بقول ليك
كفو كفو
وكفيت ووفيت يارفيق السر.
ووالله انا حسيت بفرحتك وهامتك
تلامس السحاب رفعة وشموخ..

[عمرسنهوري]

انا المنقة

حفلة العقد كانت يوم 10 يااستاذ في نادي الضباط ياســـــــــــــــلآم ... كانت مبالغة
انت شمتان فيني عشان ماشة الحصاحيصا " مالو ماشة مع بعلي "
والمرة في " خطرات " راجلا اينما تذهب تلحق بيه " دي وصية امي "

طول عمري بقول عليك وااااااعيه

[الزونية]

انا المنقة

حفلة العقد كانت يوم 10 يااستاذ في نادي الضباط ياســـــــــــــــلآم ... كانت مبالغة
انت شمتان فيني عشان ماشة الحصاحيصا " مالو ماشة مع بعلي "
والمرة في " خطرات " راجلا اينما تذهب تلحق بيه " دي وصية امي "

بت مارنجان
لك التحية
وسعدنا بطلتك
ياحبيبة وماتّطولي الغيبة..
ومنتظرين مشاركتنا بسركم..

[الزونية]

طول عمري بقول عليك وااااااعيه

أخي عمر
هلا
وأي ريح طيبة
هذه التي أتت بك إلينا
أكيد في سر..
مرحبتين حبابك

[خالد 000 ابقرجة]

الفكره
الوعي
الجمال
القناعه
توصيل المعلومه
النقد
الضحك
والكثير من جمال هذا البوست

يكفي بداية الفكره والتطور الذي حدث وابداعات الاخوان والاخت الغاليه الزوينه

كلام في السر حتماً البوست يستحق التثبيت

مشاققه
اها من دربي للدبابيس والشاكوش

نستاذنك عزيزي صاحب البوست للتثبيت

النقول ليكم سر 000

من المرات القليلة 000
من ما دخلتا المنتدي ده 000
أكون مقتنع تماما بأنو تثبيت البوست مستحق 000
جميلين كووووولكم 000 بي عمدتكم 000

أها النرجع قراءة صامتة 000
في البوست الحاميني الكتابة 000
الواحد لمن اقرا السطور 000
ويسترجع ما بين السطور 000
ما بلقي فرقة اكتب فيها 000
الخواض ما تخت لينا دفتر احتياطي ياخ 000

تحت السر 000
عمدتنا 000
لو عرفتا الزول المزعل الملكة أسماء 000
قبال ما تلبس جناح ام جكو أديني مس كووول 000
عشان أجهز قرجتي 000
وأكلم الهمباتي جلالة صاحبي 000
نلحقك علي المداوسة 000