يا ربي يكون في إعلان وأخوكم مسطح

[abomazeen]

الأحباب الكرام ... أعضاء و مشرفيين ... تحية و تقدير و حب للجميع
والله جميعكم لكم المكانة في داخل حنايا قلبي المشتاق لكم دوماً
وأكيييد طبعاً مرفق كل احتراماااتي للجميع بدون فرز ودون تحديد

لكن بس ...

الأيام دي في حراك تعييين جديد لأخوة كرام أقل ما يمكن أن يقال
في حقهم (خير خلف لمن سلف) أو كما يقال في ذلك الموضع
طالبت وغير أكثر من مرة بأن نكون في الصورة في حالة تعيين
مشرفيين الأقسام الأخرى ولم نرى أي نتيجة أو بيان بذلك
من الإدارة الكريمة وأعرف المشغوليات ولكنه التكليف
وعلينا دفع فاتورة ذلك اقتصاصاُ من وقتنا الثمين
وحتى لا نرى مثل مداخلتي المزعجة هذه
أتمنى أن نرى البيان في صدر المنتدى
يا ربي يكون في إعلان وأخوكم مسطح

[abomazeen]

أكييييد - والله من وراء القصــد - ليس لدي أي قصد آخر أو مأرب في نفسي

فنحن جميعاً (أخوة وأخوات) متحابيين في الله أولاً ومن ثم نلتقي لنرتـقي ...

[أبو جودي]

أنا غايتو يا أخوي أبو مزن لقيته طاشه كدي في بوست ما متذكرو إنه أخونا عاطف عولي ومعاهو واحد تاني
اتغيروا لكن معك في أن يكون هناك إعلان واضح حتى لا تلتبس الأمور
متمنين لمن يأتي أن يكون التوفيق حليفه ،،، ولمن بزل له منا كل الشكر على ما اقتطع من وقته
للمسئولية ونقدر له ذلك وبالتوفيق والسداد

[عثمان جلالة]

هكذا تعودناك يا أبو مازن ... زول واجب

كلامك صااااااااح .. لكن استعجلت شويه

لأنو لسه ما إكتملت كل التعديلات والتغييرات الجديده

في الاسبوع القادم بإذن الله .... ستجد ما يسرك ... بوست مكتمل يحتوي أولا على شكر كبير لا توفيه الكلمات لكل من "سلف" ... وأمنيات كبيره كما أشواقنا في التوفيق لمن "خلف".

صبرا يبل الآبري يا حبيب الكل أبو مازن

[أبو جودي]

أخونا عثمان جلاله أولاً لك خالص التحية والود
ثانياً يعني الشفناهو ده رشح من خلف الأبواب ،،، بقيتوا زي الانتخابات ولا شنو
كدي النهتف ليكم شوية أمكن تدونا نمسك الباب ساكت
كلامك موزون ونسأل الله التوفيق للجميع في مهامهم وتكليفهم الصعب

[عثمان جلالة]

أخونا عثمان جلاله أولاً لك خالص التحية والود
ثانياً يعني الشفناهو ده رشح من خلف الأبواب ،،، بقيتوا زي الانتخابات ولا شنو
كدي النهتف ليكم شوية أمكن تدونا نمسك الباب ساكت
كلامك موزون ونسأل الله التوفيق للجميع في مهامهم وتكليفهم الصعب

ههههههههههه .. الغالي أبو جودي .. تحية واحترام .. للضرورة أحكامها يا حبيب وظروف بعض المشرفين والتي تفرض عليهم غيابا قسريا في بعض الأحوال .. تتطلب سرعة إيجاد بدائل لحساسية العمل في بعض الأقسام ومن بينها المنتدى العام.

وإنت ياسيد الناس سيد البيت كلو والله .. باب شنو ؟؟ ... دايما على راسنا من فوق والله .. نحن الـ بنمسك الباب عشان ندخل ليك كل الحبايب وتكون إنت أول من يستقبلهم

كتر خيرك يا أصيل

[المسافر]

الأحباب الكرام ... أعضاء و مشرفيين ... تحية و تقدير و حب للجميع
والله جميعكم لكم المكانة في داخل حنايا قلبي المشتاق لكم دوماً
وأكيييد طبعاً مرفق كل احتراماااتي للجميع بدون فرز ودون تحديد

لكن بس ...

الأيام دي في حراك تعييين جديد لأخوة كرام أقل ما يمكن أن يقال
في حقهم (خير خلف لمن سلف) أو كما يقال في ذلك الموضع
طالبت وغير أكثر من مرة بأن نكون في الصورة في حالة تعيين
مشرفيين الأقسام الأخرى ولم نرى أي نتيجة أو بيان بذلك
من الإدارة الكريمة وأعرف المشغوليات ولكنه التكليف
وعلينا دفع فاتورة ذلك اقتصاصاُ من وقتنا الثمين
وحتى لا نرى مثل مداخلتي المزعجة هذه
أتمنى أن نرى البيان في صدر المنتدى
يا ربي يكون في إعلان وأخوكم مسطح

يا حبة الرمان الإدارة كانت عايزة
تعملها ليكم مفاجأة

[عثمان جلالة]

يا حبة الرمان الإدارة كانت عايزة
تعملها ليكم مفاجأة

المفاجأة الحقيقة طلتك علينا يا حبيب

وبالذات .. صورتك الخايف عليها .. في احتفال دبي بـ مدنيه .. ههههههه تعرف أصلو ما إتخيلتك سغيروني كده

[بت أم درمان]

لأنو لسه ما إكتملت كل التعديلات والتغييرات الجديده

في الاسبوع القادم بإذن الله .... ستجد ما يسرك ... بوست مكتمل يحتوي أولا على شكر كبير لا توفيه الكلمات لكل من "سلف" ... وأمنيات كبيره كما أشواقنا في التوفيق لمن "خلف".

صبرا يبل الآبري يا حبيب الكل أبو مازن

والله اذا الابري صبر على البل الناس ما بتصبر على العطش

البوست بتاع الاسبوع الجاي
حا يكو الكلام فيهو بي أثر رجعي ؟؟؟
يعني بايت
لان الناس عرفت التغييرات والتعديلات بي الاجتهاد
لذلك مافي ايييييييي داعي ليهو

[عثمان جلالة]

والله اذا الابري صبر على البل الناس ما بتصبر على العطش

البوست بتاع الاسبوع الجاي
حا يكو الكلام فيهو بي أثر رجعي ؟؟؟
يعني بايت
لان الناس عرفت التغييرات والتعديلات بي الاجتهاد
لذلك مافي ايييييييي داعي ليهو

قريبتنا .. ونوارتنا بت أم در .. صاااااح ممكن الناس تعرف بالاجتهاد .. ودي ظاهرة صحية ودليل على قرب الاعضاء من الادارة والعكس .. ودليل على الشفافيه برضو

لكن برضو في داااعي لأنو أجتهادا بس ما ممكن نشكر الناس الخدمو المنتدى .. حتى كلمات الشكر لن توفيهم حقهم .. لما قدموه ويقدمونه كـ تنفيذيين أو أعضاء .. وأنت في مقدمتهم يا بت أم در ... شفت كيف

[abomazeen]

صراحة أنا في اندهاش يومي بهذه التطورات اليومية
اسبوع كتير والله يا الحبيب الغالي ود جلالة؟


زي ما بقول المثل ( يعني ما ننوم ) ؟؟


قسم سياسي جديد ؟؟ والله ممتاز



اسأل الله التوقيق للجميع ....
وهكذا نحن نلتقي لنرتقي

[abomazeen]

والله اذا الابري صبر على البل الناس ما بتصبر على العطش

البوست بتاع الاسبوع الجاي
حا يكو الكلام فيهو بي أثر رجعي ؟؟؟
يعني بايت
لان الناس عرفت التغييرات والتعديلات بي الاجتهاد
لذلك مافي ايييييييي داعي ليهو

والله لقيت كلامك في محله يا بت أم درمان ...

والله اذا الابري صبر على البل الناس ما بتصبر على العطش



http://wadmadani.com/vb/forumdisplay...D3%ED%C7%D3%ED

[الفخيييم]

صراحة أنا في اندهاش يومي بهذه التطورات اليومية
اسبوع كتير والله يا الحبيب الغالي ود جلالة؟


زي ما بقول المثل ( يعني ما ننوم ) ؟؟


قسم سياسي جديد ؟؟ والله ممتاز



اسأل الله التوقيق للجميع ....
وهكذا نحن نلتقي لنرتقي

حبيبنا ابومازن تحياتي،،،
طالما اضافة ايجابية ونحن
نلتقي لنرتقي علي حد
تعبيرك عادي تزداد الاقسام
الجديدة ويمكن الادارة عايزة
تفاجئنا بالجديد الايجابي دون
اعلام وكده ولاشنو؟؟؟


تخريمة: ان شاء الله كل صباح نلقي
جديد ايجابي يسهم في تطور المنتدي...
موش احسن من ننوم ونجي ما نلقي شي!!!

[النويري]

قريبتنا .. ونوارتنا بت أم در .. صاااااح ممكن الناس تعرف بالاجتهاد .. ودي ظاهرة صحية ودليل على قرب الاعضاء من الادارة والعكس .. ودليل على الشفافيه برضو

لكن برضو في داااعي لأنو أجتهادا بس ما ممكن نشكر الناس الخدمو المنتدى .. حتى كلمات الشكر لن توفيهم حقهم .. لما قدموه ويقدمونه كـ تنفيذيين أو أعضاء .. وأنت في مقدمتهم يا بت أم در ... شفت كيف

إنشاء الله تكوني فهمتي حاجة بعد الكلام دا أصلوا جلالة دا لسانو حلو خلاص

[بت مارنجان]

عاد ياابو عفان ياناطقنا الرسمي لمن الزول يضبحلو خروف ويسوي كرامة ويوزعها
ومايكلم الناس يقوم يوزعها لي ناس معينين .... انحنا شفنا الاشارة بتاعت الضبيحة
لكن ماكلمونا بيها ....

معليش للتشبيه ياحلوين اختكم مرات بتسرح اصلو الخيال خصب وكدة

تخريمة : ماتفتحو ليكم اوضة صغيرة جمب السياسي دي تكون "النواعم :d"

[بت أم درمان]

إنشاء الله تكوني فهمتي حاجة بعد الكلام دا أصلوا جلالة دا لسانو حلو خلاص

فهمت والله
اصلو ابو مشكاة دائما كدا بكتل للزول قلبو بدون ما يدري
يعني انت ما بتعرفوا والا ماكان عملوهوا الناطق الرسمي
للمنتدى وعموم النت باسم ودمدني

ولا لسه زعلان منو لانه قال ليك دي المحرية فيك ؟ اسي انا قلت حاجة ولا عملت فتنة ؟

[مايسة]

ابو مازن تبرا من التسطيحة ياخ انت

Surprise Surprise

زي ما قالو الجماعة

[النويري]

فهمت والله
اصلو ابو مشكاة دائما كدا بكتل للزول قلبو بدون ما يدري
يعني انت ما بتعرفوا والا ماكان عملوهوا الناطق الرسمي
للمنتدى وعموم النت باسم ودمدني

ولا لسه زعلان منو لانه قال ليك دي المحرية فيك ؟ اسي انا قلت حاجة ولا عملت فتنة ؟

والكاظمين الغيظ والعافين عن الناس أصلاً يا بت أمدر نحن مصنفين مع ياسر عرمان ربما هي الأقدار التي تجمعنا دائماً في أماكن الشدة نحمد الله

هي الايام كما شاهدتها دول *** من سره زمن ساءته ازمان

[عثمان جلالة]

والكاظمين الغيظ والعافين عن الناس أصلاً يا بت أمدر نحن مصنفين مع ياسر عرمان ربما هي الأقدار التي تجمعنا دائماً في أماكن الشدة نحمد الله

هي الايام كما شاهدتها دول *** من سره زمن ساءته ازمان

معقوله بس يا حبيب .. تزعل من أخوك ؟؟

إتلومت شديد .. والله .. وأنا يا سيد الناس قاصد بالمحريه فيك الآتي وبنفس الفهم العرماني الضربت بيهو المثل ده

1- أنك زول بتقول الحق ولو على نفسك

2- وإنك بدافع عن المظلومين

3- وإنك زول حكيم .. وسيد واجب . وكلامك دايما على العين والراس

4- وما تكتبه هنا في منتديات ود مدني .. كله في الخير وللخير والتطوير ... ودايرنك دايما تبقى واسطة خير


آآآآآآآآآآآآآآسف جدا يا حبيب لو فهمتني غلط .. دا ما قصدي والله ... ولعل الكلمات لم تسعفي وقتها في توصيل ما أكنه لك وما أردت قوله

همسه:

ياااااااخي يكفينا فخرا إنو إنت وعرمان .. من أولادنا .. في جزيرة الخير والعطاء

ودي وتقديري الذي تعلم،،،

[عثمان جلالة]

معليش للتشبيه ياحلوين اختكم مرات بتسرح اصلو الخيال خصب وكدة

تخريمة : ماتفتحو ليكم اوضة صغيرة جمب السياسي دي تكون "النواعم :d"

يا مارنجو .. ياااااخ النواعم ديل جزء أصيل من كل المنتدى .. وفاكهتو .. وعطرو صندلو .. لييييييييييه أوضه صغيره .. ديل هم الكل ونحنا الجزء ياااااخ . وتحياتي لكل الأخيله يااخ

[النويري]

معقوله بس يا حبيب .. تزعل من أخوك ؟؟

إتلومت شديد .. والله .. وأنا يا سيد الناس قاصد بالمحريه فيك الآتي وبنفس الفهم العرماني الضربت بيهو المثل ده

1- أنك زول بتقول الحق ولو على نفسك

2- وإنك بدافع عن المظلومين

3- وإنك زول حكيم .. وسيد واجب . وكلامك دايما على العين والراس

4- وما تكتبه هنا في منتديات ود مدني .. كله في الخير وللخير والتطوير ... ودايرنك دايما تبقى واسطة خير


آآآآآآآآآآآآآآسف جدا يا حبيب لو فهمتني غلط .. دا ما قصدي والله ... ولعل الكلمات لم تسعفي وقتها في توصيل ما أكنه لك وما أردت قوله

همسه:

ياااااااخي يكفينا فخرا إنو إنت وعرمان .. من أولادنا .. في جزيرة الخير والعطاء

ودي وتقديري الذي تعلم،،،

حبيبنا العزيز جداً أنا والله ما زعلت لدرجة تكلف نفسك عناء كتابة هذه الكلمات وعندما تعرفت عليك تعرفت على شخص عثمان جلالة مجرد من المنتديات ومن كل ما يخطه قلم في منتديات ودمدني وكانت لنا كم لمة أتذكر أني كنت جالس أتلمس شخصية عثمان جلالة الذي أراهو في المنتديات ولكني لم أراهو وجهاً لوجه قد أكون مختلف معك في قضايا عامة ولكن لم ولن أختلف معك في كون الإحترام والحب يظل بيننا دوماً لا أود أن أقول مدحاً فيك بهذه المناسبة ولكن كثيراً جداً ما تستوحيني كلماتك فلك ما شاء الله ثقافة وعقل راجح وكان لك دور كبير في هذا المنتدى عند ما عصفت به الخلافات والمشاكل لا أحد ينكرها
الجملة دي بتاعت أنو أنا وياسر عرمان من أولادكم في جزيرة الخير لمن قريتها فهمتك فهمتني لكن ما عارف فهمتني كيف المهم أنا ما قصدت الفي بالك وأبشر يا عثمان مافي محبة إلا بعد عداوة وإنشاء الله بينا كل خير وأسف جداً إذا لم تسعفني الكلمات وبت أمدرمان خليتك لي الله يا بتاعت الفتن وكمان قالت أنا ما فتنة فتنة ولا حاجة دائماً في كل الخلافات لا بد أن تجد للمراة دور بس بت أمدرمان ما تزعل مني لكي التحية يا بت المنتدى وكل التقدير والإحترام

تخريمة: طبعاً المنتدى بقى ذي الجلد المانافع عذراً للتعبير بي كترة تخريمات الجندي والفخيم هسة بت أمدر بتجي تقول لي عثمان بي لسانو الحلو قدر عليك ( لكن بقول ليها إيه الدنيا غير لمة ناس بخير أو ساعة حزن

[abomazeen]

ابو مازن تبرا من التسطيحة ياخ انت

Surprise Surprise

زي ما قالو الجماعة

الغالية مايسة ... أشكرك كتير الشكـر على نُــبل مشاعرك
لكن بيني وبينك كده ( الجماعة ) ديل منو ؟؟ الله يستر
اها كده أنا للمرة التانية بقيت مسطح وطاشي شبكة

[abomazeen]

تخريمة : ماتفتحو ليكم اوضة صغيرة جمب السياسي دي تكون "النواعم :d"

تخريمتك جميلة يا بت مارنجان ...

فكرة جديرة بالدراسة يا إدارة ...؟


شخصياً أثــني اقتراحك وأدعمه!

[بت أم درمان]

هسة بت أمدر بتجي تقول لي عثمان بي لسانو الحلو قدر عليك ( لكن بقول ليها إيه الدنيا غير لمة ناس بخير أو ساعة حزن

ما حا اقول غير انك صدقت في ان الدنيا لمة ناس بخير او ساعة حزن ...
بس نحمد الله كثيرا ان كنت سبب انكم تتصافوا ...
ولا شنو يا النويري


تخريمة بعيد من تخريمات كرومبو : نعتذر للأخ ابو مازن للخروج برهة عن موضوع البوست وعن التخريمات الغير مقصودة ( لك العتبى )

[النويري]

ما حا اقول غير انك صدقت في ان الدنيا لمة ناس بخير او ساعة حزن ...
بس نحمد الله كثيرا ان كنت سبب انكم تتصافوا ...
ولا شنو يا النويري


تخريمة بعيد من تخريمات كرومبو : نعتذر للأخ ابو مازن للخروج برهة عن موضوع البوست وعن التخريمات الغير مقصودة ( لك العتبى )

بت أمدرمان لك الشكر أجزله وأنت بي تخريماتك الحلوة رب صدفة خير من ألف ميعاد وربنا أراد أنو يكون البوست بوست تصافح بيننا أنا والأخ جلالة