حساب تصويتي

[شبندر]

بالرغم من أني كنت استاذ رياضيات ولكن عندي سؤال في الحساب

- عدد المسجلين للإنتخابات (16.000.000) شخص
- عدد مراكز الإقتراع عددها (17.000) مركز
- عدد ساعات الإقتراع في اليوم من الثامنة ونصف صباحاً حتى السادسة نقول عشرة ساعات
- الناخب محتاج لي عشرة دقائق أو ربع ساعة حتى يشخت البطاقات نقول بياخذ ليه خمسة دقائق بس
- عدد (12) ناخب في الساعة × (10 ) ساعات اليوم × (5) عدد ايام الإقتراع × (17.000) عدد المراكز يصبح عدد الذين يصوتوا للإنتخابات عدد ( 10200000 ) في باقي من الـ (16.000.000) (5.800.000)

هل توجد ايجابة غير هذه ؟؟؟؟؟؟؟؟؟؟؟؟؟؟؟؟؟؟

[حاتم مرزوق]

كلامك صحيح 100% يا أستاذ شبندر وما داير ليهو أي درس عصر وبالبلدي كده 17000 مركز والطاقة الإستيعابية للمركز الواحد في اليوم 120 ناخب X

5أيام يعني 600 ناخب
x
17000مركز = 10,200,000

و الباقيين يمشو وين؟

الجماعة ديل لازم يلعبو زمن إضافي.

[admin]

حسابك دا بالقديم ولا بالجديد ههههههههههه

اعتقد ان المركز لايقفل على منتخب واحد في كل خمسة دقائق .. فعندما يكون المنتخب خلف (الضروة) للتصويت يكون الاخر يستلم اوراقه واخر يحنن اصبعه بالحبر .. واحتمال برضو يكون في (ضروتين) في المركز الواحد .. اذا راجعت النقل الذي قام به الاخ احمد علقم عن الانتخابات في مدني هنا تجد ان عدد المصوتين في المركز الواحد خلال اليوم الواحد ما بين 313-600 .

[شبندر]

كلامك صحيح 100% يا أستاذ شبندر وما داير ليهو أي درس عصر وبالبلدي كده 17000 مركز والطاقة الإستيعابية للمركز الواحد في اليوم 120 ناخب X

5أيام يعني 600 ناخب
x
17000مركز = 10,200,000

و الباقيين يمشو وين؟

الجماعة ديل لازم يلعبو زمن إضافي.

حاتم مرزوق الزمن الإضافي دا ممكن يكون عينك عينك ولا .............................

[نزار حسن محمد]

الاستاذ شبندر ... انت فى الخدمه الازاميه كنت استاذ حساب ولا شنوا
ياخى كان صوتوا ولا ماصوتوا النتيجه واحده اكتساح شامل بنسبة 99.9 %
للرئيس ..... ... عندكم اعترض امشوا اشتكو عند اكامبو .ههههههههههه
غايتو ا انا ريحت نفسى ولا مشيت ولا بمشى عشان كدى اخسم واحد من العدد
ومنه العوض وعليه العوض

[شبندر]

حسابك دا بالقديم ولا بالجديد ههههههههههه

اعتقد ان المركز لايقفل على منتخب واحد في كل خمسة دقائق .. فعندما يكون المنتخب خلف (الضروة) للتصويت يكون الاخر يستلم اوراقه واخر يحنن اصبعه بالحبر .. واحتمال برضو يكون في (ضروتين) في المركز الواحد .. اذا راجعت النقل الذي قام به الاخ احمد علقم عن الانتخابات في مدني هنا تجد ان عدد المصوتين في المركز الواحد خلال اليوم الواحد ما بين 313-600 .

الزمن للناخب بين عشرة دقائق إلى ربع ساعة ومادام هو في الضروة ممكن يكون في واحد بتحنن والثاني ببلوا ليه في راسو يعني بالبدلي خمسة دقائق للواحد.
تخريمة : الحساب بي القديم

[شبندر]

الاستاذ شبندر ... انت فى الخدمه الازاميه كنت استاذ حساب ولا شنوا
ياخى كان صوتوا ولا ماصوتوا النتيجه واحده اكتساح شامل بنسبة 99.9 %
للرئيس ..... ... عندكم اعترض امشوا اشتكو عند اكامبو .ههههههههههه
غايتو ا انا ريحت نفسى ولا مشيت ولا بمشى عشان كدى اخسم واحد من العدد
ومنه العوض وعليه العوض

استاذنا ود حسن استاذ حساب بالغصب انا بحسب في الزمن الإضافي القالو حاتم مرزوق بيكون في الخمسة يوم أو بالليل ولا لعبوه وذي ماقلت النتيجة واضحة
تخريمة : قالوا حبر الإنتخابات ضارب وبعمل حساسية

[حاتم مرزوق]

حكاية الحبر بيعمل حساسية دي حلوة جداً يا شبندر

للناس كلهم ولا ناس مدني بس؟ باقي لي الجماعة ديل متسببين وأنا خايف يجيبو لينا حبر مغشوش !!

[الجندي المجهول]

حبيبنا شبندر تحياتي واشواقي

ممكن ازيدك من الشعر بيت ....
سلفاكير عشان ما يقدر يصوت اخد ليهو اكتر من (20 دقيقة) ......
ويوجد ناس كتار (خلعة ساكت وكبكة) بياخدو اكتر من كدا ... وهذه (اغلبية)
كما يوجد ناس في زمن وجيز ( وديل يتعدوا بالاصابع)

تخريمة : انت استاذ رياضيات (ولا مدقق ) لانو زول لاحظ الخلل الزمني دا مافي

طواعيةً اتنازل لك عن (لقب) كرومبوووووووووووووووووووووووووووووو

[بنت الرفاعي]

ماشاءالله وتبارك الله ملاحظة دقيقة جداً, وما تنسى إنو الناخبين مابيجوا دائماً كلهم متتابعين وراء بعض, وأيضاًً ما كلهم بيجوا من الساعة الثامنة والنصف, وأول يوم زي ما ذُكر في بعض مراكز الإقتراع بدأوا يتوافدون بعد الوقت المذكور بوقت كبير, ومع العلم ما كل المسجلين ممكن يصوتوا ربما لظروف تمنعهم من الحضور لمراكزهم أو عدم رغبة منهم في التصويت.

سؤال:
عدد الناخبين هذا داخل السودان فقط؟؟

[شبندر]

حكاية الحبر بيعمل حساسية دي حلوة جداً يا شبندر

للناس كلهم ولا ناس مدني بس؟ باقي لي الجماعة ديل متسببين وأنا خايف يجيبو لينا حبر مغشوش !!

مغشوش دي مافيها كلام وقالوا عشان مايعمل حساسية لازم يطلعوه قبل الثلاث ايام ولكن المفاجأة طلع في يومه

[مدنيّة]

الزمن للناخب بين عشرة دقائق إلى ربع ساعة

غايتو دا الا يكون ناخب مشي وماعارف هو ماشي لشنوووو؟؟

مابحتاج ليه لاكتر من 3 دقايق بث
ودي كمان عشان المواصلات من والي استلام الاوراق




همسة : شبندر سلامااات

[شبندر]

حبيبنا شبندر تحياتي واشواقي

ممكن ازيدك من الشعر بيت ....
سلفاكير عشان ما يقدر يصوت اخد ليهو اكتر من (20 دقيقة) ......
ويوجد ناس كتار (خلعة ساكت وكبكة) بياخدو اكتر من كدا ... وهذه (اغلبية)
كما يوجد ناس في زمن وجيز ( وديل يتعدوا بالاصابع)

تخريمة : انت استاذ رياضيات (ولا مدقق ) لانو زول لاحظ الخلل الزمني دا مافي

طواعيةً اتنازل لك عن (لقب) كرومبوووووووووووووووووووووووووووووو

الأخ محمد لك التحايا بالله سلفاكير اخذ (20) دقيقة معناه في اربعة مليون بيأخذوا (20) دقيقة
دي يحسبوها كيف
تخريمة : ابوي كان مدقق

[المكاشفى]

ياشبندر .... عزبتنا

[شبندر]

ماشاءالله وتبارك الله ملاحظة دقيقة جداً, وما تنسى إنو الناخبين مابيجوا دائماً كلهم متتابعين وراء بعض, وأيضاًً ما كلهم بيجوا من الساعة الثامنة والنصف, وأول يوم زي ما ذُكر في بعض مراكز الإقتراع بدأوا يتوافدون بعد الوقت المذكور بوقت كبير, ومع العلم ما كل المسجلين ممكن يصوتوا ربما لظروف تمنعهم من الحضور لمراكزهم أو عدم رغبة منهم في التصويت.

سؤال:
عدد الناخبين هذا داخل السودان فقط؟؟

مرام لك التحية نفترض بانه كلهم جو في الساعات المفترض العمل بها
مشكورة على المرور
تخريمة :بكرة اخر يوم والتقرير عدد المصوتين (16.000.000)

[شبندر]

غايتو دا الا يكون ناخب مشي وماعارف هو ماشي لشنوووو؟؟

مابحتاج ليه لاكتر من 3 دقايق بث
ودي كمان عشان المواصلات من والي استلام الاوراق






همسة : شبندر سلامااات

3 دقائق يامدنية دا امتحان
عددها (8) بطاقات وفي ناس مابتعرف القراية
3 دقائق إلا يرميها فاضية
3 دقائق ممكن تعرف اسمك في ولا مافي

تخريمة 1 : كم مليون ماعارفين ماشين وين
تخريمة 2: سألين منك من الخرطوم للأمارات الخرطوم

[شبندر]

ياشبندر .... عزبتنا

المكاشفي لك التحية
اكثر عزابي ولا العزاب الثاني داك ..............................

[مدنيّة]

عددها (8) بطاقات وفي ناس مابتعرف القراية

شبندر يااخوي
قراية شنووووو ؟؟
هو رمز يعني رسمة بث
بتصحح عليها وبث

وانا قبل الاقتراع كنت فعلا بفكر انه الناس ممكن تتلخبت وماتقدر تتفاهم مع الورق القدامها دا
لكن بالجد بعد الاقتراع لقيت انه الموضوع ابسط من بسيط
انت عارف روحك عايز منو ، وعارف المنو دا رمزه شنو ، اها بتصحح عليه وتجي مارق ، بث دي كل الحكاية



همسة : انت صوتت ياشبندر ؟؟

[الجندي المجهول]

شبندر يااخوي
قراية شنووووو ؟؟
هو رمز يعني رسمة بث
بتصحح عليها وبث

وانا قبل الاقتراع كنت فعلا بفكر انه الناس ممكن تتلخبت وماتقدر تتفاهم مع الورق القدامها دا
لكن بالجد بعد الاقتراع لقيت انه الموضوع ابسط من بسيط
انت عارف روحك عايز منو ، وعارف المنو دا رمزه شنو ، اها بتصحح عليه وتجي مارق ، بث دي كل الحكاية



همسة : انت صوتت ياشبندر ؟؟

كلام جميل ،،
طيب ماذا تسمين البطاقة التي صاحبتها اخطاء (يعني مثلاُ) زول كان رمزه (اللوري) ونزل ليهو رمز تاني ؟؟
من وجهة نظري ( الخاصة) اعتبر ان هذه الانتخابات بصورتها الحالية : كانت اهدار للمال العام (السايب) كما تعودنا دائما !!!!

تخريمة : كان يمكن ان تكون الانتخابات اجمل من كدا وبصورة مثالية (وبزمن مريح جدا ) ولكن ماذا نفعل مع بلد اتسمت كل تصرفات حكومته بالعشوائية والارتجالية .....
الله يكون في عون هذا البلد واللهم نسالك اللطف يا الله ،،،،،

[مدنيّة]

[B][COLOR="blue"]كلام جميل ،،
طيب ماذا تسمين البطاقة التي صاحبتها اخطاء (يعني مثلاُ) زول كان رمزه (اللوري) ونزل ليهو رمز تاني ؟؟

هووووي يالجندي
عايز تجيب لي الكلام مالك ياخ
انا مافي موقف المدافع عن المفوضية
كلامي في جزئية محددة وهي الوقت الذي يستغرقه المنتخب وبث ياخ
ماتلخبت لي الكيمان

[مدنيّة]

[B][COLOR="blue"]كلام جميل ،،
طيب ماذا تسمين البطاقة التي صاحبتها اخطاء (يعني مثلاُ) زول كان رمزه (اللوري) ونزل ليهو رمز تاني ؟؟

هووووي يالجندي
عايز تجيب لي الكلام مالك ياخ
انا مافي موقف المدافع عن المفوضية
كلامي في جزئية محددة وهي الوقت الذي يستغرقه المنتخب وبث ياخ
ماتلخبت لي الكيمان

[شبندر]

شبندر يااخوي
قراية شنووووو ؟؟
هو رمز يعني رسمة بث
بتصحح عليها وبث

وانا قبل الاقتراع كنت فعلا بفكر انه الناس ممكن تتلخبت وماتقدر تتفاهم مع الورق القدامها دا
لكن بالجد بعد الاقتراع لقيت انه الموضوع ابسط من بسيط
انت عارف روحك عايز منو ، وعارف المنو دا رمزه شنو ، اها بتصحح عليه وتجي مارق ، بث دي كل الحكاية





همسة : انت صوتت ياشبندر ؟؟

مدنية ليك كل التحايا
يامدنية انت عارفه انا قاصد شنو والله في ناس جاية تصوت وماعارفه الرمز شنو
واكرر اقول ليك الزمن ماكفاية

سؤال : البطاقات التالفة دي من شنو ؟؟؟؟؟؟؟؟؟؟؟؟؟؟؟

تخريمة : حتى الان منتظر وما صوت لشئ في نفسي وبعدين ما أظن في واحد محتاج لي صوتي لأنه لسة مافي واحد دفع لي

[فتحي همام]

هووووي يالجندي
عايز تجيب لي الكلام مالك ياخ
انا مافي موقف المدافع عن المفوضية
كلامي في جزئية محددة وهي الوقت الذي يستغرقه المنتخب وبث ياخ
ماتلخبت لي الكيمان

ما قلتو نوبة !!!!
مدنية الخواف ربى عيالو مش ؟

[فتحي همام]

الأخ شبندر
تحياتي
ياخى الحكاية كلها ما كانت مدروسة رموز مرشحين تم إستبدالها بأخري و أسماء ناخبين سقطت و حتي أسماء مرشحين إختفت فى بعض بطاقات الإقتراع و الحكاية جايطة و فى النهاية البشير منافس نفسه كان عملوها إستفتاء زى بتاع نميري كان أحسن
خليها علي الله

[شبندر]

الأخ شبندر
تحياتي
ياخى الحكاية كلها ما كانت مدروسة رموز مرشحين تم إستبدالها بأخري و أسماء ناخبين سقطت و حتي أسماء مرشحين إختفت فى بعض بطاقات الإقتراع و الحكاية جايطة و فى النهاية البشير منافس نفسه كان عملوها إستفتاء زى بتاع نميري كان أحسن
خليها علي الله

فتحي همام يا أخوي هم ماعاوزين استفتاء عاوزين يقولوا الشعب جابنا واحنا ماجينا بي انقلاب