اختفى البوست

[mutasim]

سلام للجميع
ياخوانا عندى بوست ضايع بعنوان الوضع خطير اختفى دلونا بالله راح وين

[Almostshar]

المنتدى اصبح مقر لمقصات

الحلاق بشتغل

والمشاركات بتختفي

يا ناس الحاصل شنو

[المكاشفى]

لو بوست سياسى يامعتصم
راجع المنتدى السياسى فوق العام ده
لكن هى هو لو نقلوه مابكلموك فى الخاص
والله غريبه ربنا يجمع يامعتصم ياخوى

[mutasim]

الاخوان المستشار والمكاشفى تحياتى
وشكرا لاهتمامكم بالموضوع الحقيقه راجعت كل مكان ولم اجده ابدا
لكن البوست ده بسببه وزير الداخليه ذهب فى زيارة مفاجئه لمدنى وتم عمل استنفار حسب ماعلمت من جهات موثوقه وماكنت متوقع هذا الامر , انشاءالله ده مايكون السبب

[ايمن عبد الله]

سلام معتصم .. كيف الحال ..

انت خش في لوحة التحكم في حسابك وفتش مشاركاتك كلها .. (عرض جميع المشاركات) 465

بتلاقيه ان شاء الله ..

لكن ما تخاف مابكون اتحذف ولا شي لانه لو اتحذف بخطروك بالحذف ..

الغريبة ما شفته قبل كده .. انت متأكد انه في العام ؟ ولا مدنيات .. ولا السياسي زي ماقال ليك مكاشفي ..

وموضوعه كان بالظبط عن شنو ؟

[mutasim]

الاخ ايمن سلام الله عليك
والله فتشت كل المشاركات وكل المواضيع مالقيته .
فتش معاى المهم كنت عايز اعرف سبب اختفائيه اما البوست كان تحليل للوضع قبل الانتخابات والخوف من التحركات وفعلا حصلت تحركات ومظاهرات من الحركه الشعبيه لكن رضوهم وبعدها رصدنا وصول اعدداد كبيره من الجنوبيين فى مدنى وكانوا بجو بمجوعات كبيره لمدنى ده بعد مظاهرة الخرطوم وكتبنا عن الموضوع , وكنت عايز اضيف ملاحظات ايام الانتخابات لكن لم اجده ,
ياخى مش مهم نكتب غيره تحياتى

[تغريد]

البوست موجود يا معتصم ولم يحزف ولا يمكن حزف اي بوست بدون اعلامك بذلك كما لا يحزف اي بوست بسبب

محتواه سواء كان سياسي او غيره طالما لا يخالف شروط النظام الأساسي لمنتديات ودمدني

ولكن اخر مشاركة في البوست كانت يوم 16-12-2009

مما ادي الي ارشفة البوست وأحتل مكاته الطبيعي في صفحات متاخرة علي حسب تاريخ أخر مشاركة

وبالتفتيش قليلا في الأرشيف ستجد أن البوست موجود

ويمكن أن ترفعه الي الصفحة الاولي فقط بمشاركة ودا رابط الموضوع وهو الان في الصفحة الاولي من المنتدي

http://wadmadani.com/vb/showthread.php?30266


ملحوظة

الملف الشخصي لا يحتوي علي كل المشاركات للعضو فبعض المشاركات لا تظهر فيه

تحياتي

[الفخيييم]

الناس دي البيروح منو
بوست في منتدي كاجوكاجي
يجي يكورك هنا !!!!
قليلا من التركيز وما في داعي
لاثارة هكذا مواضيع دون التأكد
من وجود البوست او عدمه!!!

[التيمان]

ههههههههههههههه

والله الكاميرا الخفيه بس

ههههههههههههههه

مسلين انتو ياخ

[mutasim]

الاخت تغريد تحياتى
ومشكورة جدا لاهتمامك وهذا كان هدفى ان اجد البوست فقط وطلت المساعده وليس اتهام لاحد كما فهم البعض
الغريبه انى فتشت ووجدت مشاركات اقدم من البوست لكن لم اجده
لك تحياتى

[تغريد]

الاخت تغريد تحياتى
ومشكورة جدا لاهتمامك وهذا كان هدفى ان اجد البوست فقط وطلت المساعده وليس اتهام لاحد كما فهم البعض
الغريبه انى فتشت ووجدت مشاركات اقدم من البوست لكن لم اجده
لك تحياتى

مع زحمة الحياة ومشغولياتها

تتوه عن أعيننا أحيانا أشياء اكبر من مجرد بوست

ناهيك عن بوست في منتدي ملئ بالبوستات المتشابهة

فلا ضير من السؤال وطلب المساعدة

واصل كتابة يا معتصم

وكلنا اذان صاغية وأعين تنتظر ان تلامس احرفك من جديد

تحياتي

[المكاشفى]

الناس دي البيروح منو
بوست في منتدي كاجوكاجي
يجي يكورك هنا !!!!
قليلا من التركيز وما في داعي
لاثارة هكذا مواضيع دون التأكد
من وجود البوست او عدمه!!!

شايفك ياخوى وراصد حركتك
علا نعم نعم الكسر كدى مابجيب نتيجه
ههههههههههههههههههههه
جنس محمصه حامضه خلاص

معتصم حمدا لله على السلامه البركه الجمعت يازول
ارح الكرامه

[mutasim]

المكاشفى تحياتنا
مشكور ياخى لقته البنيه تغريد الله اديها العافيه كان طاشى ساى
الكرامه قريبه انشاءالله

[الفخيييم]

شايفك ياخوى وراصد حركتك
علا نعم نعم الكسر كدى مابجيب نتيجه
ههههههههههههههههههههه
جنس محمصه حامضه خلاص

معتصم حمدا لله على السلامه البركه الجمعت يازول
ارح الكرامه

كشة حبيبنا شايفني دي
ما عايزة اجتهاد لانو انا واضح
وبختها حامضة علي قولك لانو
نحن في عصر السرعه ماعايزين
زول يجتهد ويتعب نفسو كتير في
الحصول علي المعلومة او ابداء
الرأي بصورة منمقة ومقدمات
طويلة تؤدي الي الملل عشان
كده الكلام بيصل حامض كبريتيك
مركز وانت زول انا بحبك لله في لله
لانك حبيب الكل بدون مجاملة والله
والكسر دي ما فهمتها لكن احتياطي
كده اطمن لا زيد ولا عبيد ولازعيط
ولا معيط ما بيهموني منتدياتنا دي
هي الاهم واللمة الحلوة دي هي
المطلوبة يعني بالعربي كده لا ادارة
ولا ناس متشاكلين معاها وقع يا حبيب؟؟؟