فيــها حــاجة لــــو ..... ؟؟؟

[ود الضو]

فيها حاجة لــو :
قلت ليك :
ريـِّـحي المطــر دا شوية وأخدي ليك مناوبة هطـــول ..
عليكم الله فيها حاجة ؟؟
مشاققة :
هووووي انا الصيام عامل لي لففان رأس دحين :
الموضوع دا لو محلو ماهنا ( رحلوهو )
مع الشكر الجزيل ..

[مدنيّة]

إن شاء الله تعاود الهطول من جديد
عشان تريح المطر
والدنيا الامان


--------
شكرا صاحب القلم المميز

[ود الضو]

لما كنت بعاين ليها :
أحسست بأنها تتحرش بنظراتي في حياء لذيـــذ ..
طيب فيها حاجة لما انا أحس بالاحساس دا ؟؟

[ود الضو]

[QUOTE=مدنيّة;622353][COLOR="red"]إن شاء الله تعاود الهطول من جديد
عشان تريح المطر
والدنيا الامان


---------------------------

مدنية اختي كيفنك
بس
حينما يؤزني الحنين والشوق ( إليها ) في العصاري الماطرة ,,
فيها حاجة لو :
اقوم بشويش بشويش أشغل الكاسيت و( أسمع ) ح تجي البت الحديقة ..

[mahagoub]

فيها حاجة لــو :
قلت ليك :
ريـِّـحي المطــر دا شوية وأخدي ليك مناوبة هطـــول ..
عليكم الله فيها حاجة ؟؟
مشاققة :
هووووي انا الصيام عامل لي لففان رأس دحين :
الموضوع دا لو محلو ماهنا ( رحلوهو )
مع الشكر الجزيل ..

لو ما صايم كان فى كلام تانى

[ود الضو]

فيها حاجة لو :
إتمنيت ( بس أمنية )
أصحي ذات صباح صافي ونقي ومافيهو ضجيج و ( غربة )
والقي نفسي لابس جلابية ( العيــد ) ومارق مع الناس للصلاة
في الساحة القِدَّامية لحلتنا , وبعد مالصلاة تنتهي أقعد ( أقالدهم )
واحد واحد ..
مشاققة :
أمنية صغيرونة قبل الامنية الفوق دي :
أها والشمس قرّبت تغيب القي نفسي بفرش في الفرشات
قدّام ديواننا في طرف الحلة في شان فطور رمضان ( الهسي دا )
فيها حاجة ؟؟؟

[ود الضو]

لو ما صايم كان فى كلام تانى

-----------------------

الفطـُـر قرّب ياعمنا
صوبن حكيك لامن يجي الفطر
لكن برضو :
فيها حاجة لو :
فجأة لقيت موية النيل طاااااعمة وسألت من السبب
وقلت ليك ........................ ؟
احسن نخليها لامن يجي الفطر ..
مليون سلام ..

[ود الضو]

فيها حاجة لـو :
الواحــد عمـل ليهـو حركة و ( إتمـرّد ) ؟
مشاققة :
يُحكي انّ أحدهم حينما غلبت عليه عطالته التي امتدت لسنوات
أعلنها ( غربة ) ولما لم يجد من تلك الغربة غير ( السراب )
أعلنه ( تمرداً ) ..
وكما يُحكي عن قدمائنا انهم قالوا :
لو كل القِبـَل إنسدّن في وشـَّـك ( أقع العسكرية ) ..
حركة منشقة ياشباب ( للتغيير ) ..

[ود الضو]

ويوم بي صدفة نتقابل
ويبادرك من عيوني سؤال
تعملي انتي زي ناسيه
ويداعب خاطري حسن الفال
تمد إيديها يارب لي
تفوت تنساني لا لا محال
تهمس ليكي كلام الريد
غناوي تفرح الأطفال
أنا بريدك ..
--------
فيها حاجة لو :
إتمهلْت شوية قبال تكتل الزول الجميل دا ايها القاتل ؟؟
وكمان فيها حاجة لو :
يوم بي صدفة نتقابل
وماتعملي إنتِ زي ناسية ..
لانو النسيان دا ماسمح ياخ ..

[ود الضو]

مليت تباريح الجراحات البقت بعدك اسي
وزمنا قسي وحالا اسيف ,,,
ومشيت افتش عن خطاويك القبيل واتضاري
من زمنك وراكِ ملاني زيف ,,,
احتجت ارتاح في عيون فيهن ملامحك زاتا من غير ايِ زيف
واشتقت لي ضحكة صباحك والدعاش عطّر رزاز مطر الخريف
-----
فيها حاجة لما انا أردد نوع الحروف دي ؟
أحتجت يــاخ , والله احتجت :
ارتاح في عيون فيهن ملامحك زاتها من غير ايِّ زيف ؟؟؟؟؟؟

[mahagoub]

-----------------------

الفطـُـر قرّب ياعمنا
صوبن حكيك لامن يجي الفطر
لكن برضو :
فيها حاجة لو :
فجأة لقيت موية النيل طاااااعمة وسألت من السبب
وقلت ليك ........................ ؟
احسن نخليها لامن يجي الفطر ..
مليون سلام ..

حليل النيل لمان تعسكر فيه عصريه
وتلاقى نص الحله معاك الصايم والفاطر

[ود الضو]

حليل النيل لمان تعسكر فيه عصريه
وتلاقى نص الحله معاك الصايم والفاطر

---------------------------
هو النيل براهو ياعمنا
ياخ لو كانت ( قيفة بتاعة خزان ) صغيرونة تلقي الناس منلمه
معاك ..
هو الحليلو شوية ياعمنا
حاجات بالكوم يا ( حليلا ) وياحليلا ..

[احمد ابو امنة]

ما فيها حاجة
و دا حقك يا ود الضو
و ربنا يلمنا فى الوطن و يحقق الامانى

[ود الضو]

و ربنا يلمنا فى الوطن و يحقق الامانى

---------------------
آمين
يا اخوي ابو امنه
نتمني ان تتحقق كل هاتيك الاماني قبل ان تشيب ..
رمضان كريم آآآالحبيب ..

[mahagoub]

فيها حاجة لـو :
الواحــد عمـل ليهـو حركة و ( إتمـرّد ) ؟
مشاققة :
يُحكي انّ أحدهم حينما غلبت عليه عطالته التي امتدت لسنوات
أعلنها ( غربة ) ولما لم يجد من تلك الغربة غير ( السراب )
أعلنه ( تمرداً ) ..
وكما يُحكي عن قدمائنا انهم قالوا :
لو كل القِبـَل إنسدّن في وشـَّـك ( أقع العسكرية ) ..
حركة منشقة ياشباب ( للتغيير ) ..

لو اتمردته وطلعت الجبل
وصاحب قيس وليلى
برضك فى عطاله
وبرضك راجع لغربة السجم

[ابوالنور]

تسجيل حضور وتباريك رمضانيه
ونسيت اهدي توقيعي !؟.

[ود الضو]

لو اتمردته وطلعت الجبل
وصاحب قيس وليلى
برضك فى عطاله
وبرضك راجع لغربة السجم

-----------------
كلامك دا شنو يعني ياعمنا ؟
لو اتمردت مابرطب وبخلي الغربة دي ؟؟
حتي لو اتغربت يمكن اتغرب غربة ذات جيهة وترطيبة
فنادق تمانية نجوم وحاجات تانية ..
ولا كيف ؟؟؟

[ود الضو]

تسجيل حضور وتباريك رمضانيه
ونسيت اهدي توقيعي !؟.

-----------------
حباب ابو النور
حضور انيق دون شك
رمضان كريم آآآالحبيب
تصوم وتفطر علي الف خير ..

[مايسة]

لما كنت بعاين ليها :
أحسست بأنها تتحرش بنظراتي في حياء لذيـــذ ..
طيب فيها حاجة لما انا أحس بالاحساس دا ؟؟

ود الضو ما فيها اي حاجة -
تعرف ارخص حاجة في الزمن دا وتكاد تكون ببلاش انك تتكلم وتحلم - (هو الحلم بقروش)- بفلوس بسيطة بس -
وقدر بساطتك يكون حلمك - ولا العكس ؟؟!!

تحياتي ليك كتير

[ود الضو]

ود الضو ما فيها اي حاجة -
تعرف ارخص حاجة في الزمن دا وتكاد تكون ببلاش انك تتكلم وتحلم - (هو الحلم بقروش)- بفلوس بسيطة بس -
وقدر بساطتك يكون حلمك - ولا العكس ؟؟!!

تحياتي ليك كتير

------------------------

مايسة حبابك مليون
زي ماقلتِ ( هو الحلم بقروش )
طالما مافيها حاجة :
نتوسد احلامنا وبواقي امنياتنا ,, بس لو مايغشاها
الرهق والنعاس و ( الموااات ) باقيلك موات الحاجات دي
برضو كمان ساهل ورخيص وعلي عينك ياتاجر ..
اقعدي عافية ..

[خالد علونى]

حننتني ياخي وخليت دموعي جارية
الله يرد غربة الجميع ان شاء الله

[ود الضو]

الله يرد غربة الجميع ان شاء الله

---------------------------
اللهــم آمين ياخالد
ببركة هذا الشهر الفضيل
اقعد عافية آآآالحبيب ..

[بت أم درمان]

فيها حاجة لو :
إتمنيت ( بس أمنية )
أصحي ذات صباح صافي ونقي ومافيهو ضجيج و ( غربة )
والقي نفسي لابس جلابية ( العيــد ) ومارق مع الناس للصلاة
في الساحة القِدَّامية لحلتنا , وبعد مالصلاة تنتهي أقعد ( أقالدهم )
واحد واحد ..
مشاققة :
أمنية صغيرونة قبل الامنية الفوق دي :
أها والشمس قرّبت تغيب القي نفسي بفرش في الفرشات
قدّام ديواننا في طرف الحلة في شان فطور رمضان ( الهسي دا )
فيها حاجة ؟؟؟

فيها حاجة
لو حلمنا
وإتمنينا
زي حلمك
وزي
امنيتك ديل

ربنا قادر يا ود الضو
يغير الأحوال
ويصبح الحلم حقيقة
وتتحقق كل الأماني

وكل سنة وانت طيب

[ود الضو]

[QUOTE=بت أم درمان;622764][COLOR="blue"][SIZE="5"][FONT="Impact"]فيها حاجة
لو حلمنا
وإتمنينا
زي حلمك
وزي
امنيتك ديل

---------------------
مافيها حاجة تب يابت ام درمان
ونــــعم بالله
دمتِ بالف خير ..